رواية بنات الحجي السعيد الفصل العاشر بقلم شمس العراقية
عصماء ـ كاعدين أني وأمي وسمعت موبايلي يدك أستغربت وأبويه أخذه مني من يوم الخطوبه
غنيه ـ گومي شوفي موبايلج هذا أبوج عافه فوك الثلاجه .
ـ كمت شفته رقم غريب يمه هذا رقم غريب! معقوله علي لا ما يسويها
ـ جيبي وتعاي يمي
ـ رحت يمها ها تحجين وياه لان كومه متصل
ً ـً فتحي خنشوف منو خاف عمتج هاله تتصل من موبايلات ولدها .
ـ فتحته وأجانا صوت رجال!
مالك ـ الو السلام عليكم
عصماء ـ بصوت ناصي يمه جاوبي اشرتلي أنتِ أحجي جاوبته وعليكم السلام منو
ـ أني مالك
ـ مالك خير خويه صاير شيء
ً ـ لا خيتي بس أريد أحجي وياج بموضوع خوما أكو أحد يمج
ـ وشنو هذا الموضوع لا ماكو أحد باوعت لأمي اشرتلي أستمري .
ـ الموضوع يخص أختج بيداء وأظن تعرفين أني وياها جنا على علاقه واحد يحب الثاني والله شاهد نيتي جانت صافيه وياها ومن الأول گتلها أريد أتقدملها لأن أعرفكم وأعرف تربيتكم ويكفي أنتِ أختها وأمج مره طيبه والكل يمدح منها بس كلما أحاجيها بموضوع الزواج تأجل أخر شيء گالت خل أخلص السادس .
ـ أي
ـ السالفه وما بيها أخر فتره بيداء تغيرت ما أعرف شگولج بس رخصت نفسها .
ـ أحترم نفسك وأحجي عدل التحجي عنها تكون أختي
ـ أعرف أختج ولان أختج أتصلت عليج أحذرج وانبهج واصيج عليها لان أختج ماشيه بدرب أعوج وتخربط بعمرها وأعترف بنفسي غلطان من ساسي لرأسي وأعترفتلها بذنبي وكل اللي صار بينا ورجعتلها بس أختج مشكله ويه واحد عالخط وبيناتهم صور ومكالمات ومحادثات ما تنحجي شفت گلشي بعيني محد گالي
غنيه ـ سألي شصار بينكم
عصماء ـ شصار يينكم
مالك ـ الصار بينا مثل المتزوجين بس ربج لطف بهذيج الساعه أمي أجتي وما أخذتها ، والغلط جان مني من أخذتها وياي للبيت أني نيتي جانت أمي تشوفها بس أختج أسترخصت نفسها وبسرعه سلمتني نفسها وأني رجال وكدامي كلشي مباح وصار اللي صار والله العظيم بعد كلشي صار رجعتلها وضلت أمي معارضه كلت ميخالف أقنعها بعدين بس ما أعوفها لأن أحبها
هي لما وثقت وأمنت بيه ما سلمتني نفسها بس رد أختج اليه جان قاسي جرحتني حيل وأني لحد الان حبها يدك بگلبي وخايف عليها من غيري خاف توكع بيد واحد ما يرحمها وتوكع بمصيبه وما لكيت أحد غير أحاجيج وأنتِ أختها أنصحيها كولي لأمج ما أدري بس المهم أختج ما تضيع بدرب تعبان واللي مشكله وياه ترى متزوج عنده أربع جهال ومرته زعلانه اخذت حسابه وسألت عليه واحد طايح حظه وأبو نسوان
ـ أمي ترجف وتأشرلي أسد الخط
ـ عصماء ديري بالج على أختج .
ـ مع السلامه
ـ الله وياج خيتي الله يستر عليج وعلى أختج .
ـ نهيت الأتصال وأمي كامت تلطم على وجهه وتبجي يمه هدي يمه فدوه لعينج لاتلطمين على عيونج لاتعمين .
غنيه ـ ولج فضحتني هاي اكصص من لحمي وأدلل بيها وأدرس بيها ولج بطلتلج من المدرسه كعدتج بهل الخرابه علمودها تالي ما تالي تصخم وجهي ، شگول شحجي طين على راسج غنيه بنتج ضاعت منج .
خابري على عمتج هاله خابريها مو تريدها لأبنها خل تجي تكبعها وتأخذها هاي ما يلمها بس الرجال ، ولج بس الما مربايه تسوي هالعمايل ما ربيت ما علمت بيمن الصوج بيه لو بيها مصخمه الوجه بيمن الصوج
ـ يمه أصبري خل تجي ونتأكد منها
ـ لا لا متأكده وأختج ادبسزز راس المطيور خفيفه مدري عليمن طالعه والولد يحجي وگلبه محترك والله عمي وگت النسوان ما خايفه والرجال خايف وشايل همها خابريلي على عمتج خابريلي يله شبيج تخشبتي .
ـ اي أي طلعت رقم عمتي وأتصلت وسحبته مني وضلت تحجي وياها بحدود ربع ساعه واجه ابويه دخل المكينه بالحوش وفرغ حب عين الشمس وامي كعدت بس ترجف وتباوعلي وكعدوا يشتغلون وتالي كمت الغرفه أتصلت عليها ودخلت غسلت ملابسنا ودايخه بيها وبسالفتها الى أن اجتي ودخلت مصدومه .
وكعت يم رجليه تريد تفهم مني وحجيت الها كلشي
ليش هيج سويتي بعمرج ليش بشنو قصرنا وياج ولج ما عندج عذر ، يعني مالك ما كفاج رحتي على الثاني متزوج وعنده كومة جهال تردين تهجمين بيوت العالم
بيداء ـ بعدين أحجيلج گلشي مو هسه بس أمانه صدك أمي تريد تزوجني لأبن عمتي
ـ اي خابرتها والزواج ستر الج، كامت تلطم وأدك على وجهه
ـ يا ستر يا صخام ولج ماضي مالتي اسود ومصخم مثل جعب الجدر منو يرضى بيه منو
ـ ليش خوما مأخذج يمصخمه
ـ هاا مـا أدري يمكن
ـ شنو ها يعني مأخذج لو لا ، ضربتها على راسها احجيلي لا افلش راسج وانثر مخج احجي صخم وجهج
ـ گتلج ما ادري
ـ ما تدرين شنو لا زين تدرين بس أصبري خل أبويه يطلع من البيت والج حساب عسير أنتِ مو دواج الزواج لا والله الذبح ، التسوي سوايتج ما خايفه من اكبر واحد تف عليج وعلى شكلج والله لايبلي عبد مسلم بوحده نفسج يا سكط جنت اكول عليج عار تكعدين تعيطين عليه اثاري فعلاً أنتِ عار وتعرفين بنفسج عار .
ما حجت غيرت ملابسها وكعدت وصار وقت العشه تعشينا بس أمي ما شالت عينها وتتوعد الها أبويه كمل وگال .
اسكندر ـ يله اني طالع رايح على أبويه .
غنيه ـ الله وياك .
عصماء ـ بس طلع أبويه سحبتها من شعرها للغرفه وتضرب بيها وتبجي موتتها وتجر بشعرها .
غنيه ـ ولج بشنو قصرت وياج كوليلي بشنو اني موخوش أم ما عرفت اربيج ليش ولج تسوين بيه وبعمرج ليش صخمتي وجهي ولج شلون تسلمين نفسج مو گتلج وعلمتج جسمج محد يشوفه ويلمسه غيري أني ورجلج بالحلال ليش لعبتي وخربطتي بعمرج ولج ظهر ما ضال عندي اركض علمود ادفعلج أقساط المدرسين الخصوصي وادفعلج الخط واجيب والبس واكشخ بيج كدام صديقاتج لان أعرف بيح تتذمرين .
ولج عايشه بالقندره ويه أبوج بس علمودجن علمود لايبطلج ويكعدج وتاليتج تلحكين الفلاحه مثلي ولج ردت اسوي براسج خير والحكج الاوادم تاليتها هيج تجازيني هيج تجازين تعبي بدال ما تدرسين وتوصلين وتتخرجين وافرح بيج واكول ما ضاع تعبي بنتي درست وحافظت على نفسها ومن تجيج قسمتج أنت دراسه وشهادتج بإيدج وصاينه نفسج الأمنتج عليها وتتفتخرين بروحج درستي وتعبتي وصنتي نفسج لا أنتِ شسويتي لوثتي روحج ومن واحد الواحد ولج بنت شارع انتي بنت شارع حليبي ما غزر بيج ولج لازم وكف بعينج تعبي وتعب أختج مو ميتين لبسه مثل الأوادم ما لابسين كله علمودج ليش ولج ليش الله ياخذج ليش
ـ ماكو ليش من الأخير اني عار عليكم من أول مره سمعتها من عصماء كالتلي عار وقتها فعلاً حسيت نفسي عار .
ـ أختج كالتلج عار من تصرفاتج من حركاتج المشيبه بيها راسي من تذمرج وبطرج على عيشتج ما تحمدين ربج على العندج ، غيرج عايشات بالتكفخ عند أهاليتهن
بس عايشات وساترات نفسهن وما مسويات سوايتج وانتِ صدك عار قابل مجذبه لان الما تعرف تحافظ على نفسها وشرفها عار على نفسها وعلى اهلها وتريد تحافظ على نفسها وشرفها لو تعيش بقوطيه لو يخلونها بجيش مال زلم الشريفه شريفه بس أنتِ شمسويه بروحج عفيه عليج بنيتي عفيه صخمتي وجهي فوك ضيمي ناقصه اني ناقصه .
عصماء ـ عافتها وكعدت تبجي وتعن أنقهرت عليها وبيداء شعرها منفوش وعيونها حمر تقربت عليها أحجيلي وطمني گلبي .
بيداء ـ لاتخافين بعدني بنيه
ـ ليش هيج سويتي بنفسج
ـ ما أدري غلطت الشيطان لعب بعقلي واخذتني موجة الحب أنجرفت من ورة مشاعري وگلبي
ـ والصخام الثاني المدخلته على الخط شسالفته أحجيلي بيداء شمسويه بعمرج
ـ راح أحجيلج گلشي من يوم الحبيت مالك لأن بعمري ما حجيت لأحد بس هالمره دام أنكشفت حابه أحجي وتسمعيني للأخير بدون ما تحجين عليه
ـ تمام أسمعج كعدت تحجيلي شريط حياتها من خامس أعدادي الى وصلت مهيب وگلشي مخربطه بعمرها ضليت مصدومه ليش هيج سويتي ليش
ـ التوبه والله التوبه ، خلص مالك جان أكبر جرح اليه
ـ ما أعرف شگول عافتني لفت أسها بالبطانيه ونامت وهي تبجي ضليت دايخه بيها وبسوالفها هاي مدللينها وهيج سوت لعد لو هاملينها الأهل مو السبب السبب الما يعرف يقود نفسه ويتحكم بمشاعره وبالأخير يوكع بالهاويه .
مرت فترة بيداء ما تطلع بس من يجي أبويه لان تخاف من أمي وأمي بس صافنه وعاقبتها ويوم وخابرتنا عمتي هاله وكنسلت الزواج ليش ما ادري .
غنيه ـ أسكندر أنت حاجي ويه أختك
أسكندر ـ على شنو
ـ بسالفة الزواج يوسف وبيداء
ـ اي خابرتها وگتلها
ـ شگتلها
ـ ماكو مره وبيداء أريد ادرسها لعد شكو وصلناها وصرفتي عليها كومة فلوس عند المدرسين جاي نلعب احنه خل تدرس بلكي تتعين وتستلم راتب تعينه بكبرتنا
ـ شنو هذا الحجي البنيه أجتي قسمتها خل تمشي
ـ البنيه بنتي واني ازوج بكيفي وأنتِ طلعي نفسج من زواجهن
ـ بناتي مثل بناتك وبيداء خل تتزوج كبل عصماء رفضت وسگتتلك هسه مااسكت
ـ ولاتسكتين اني اعرف اسكتج اركعج بالقندره بيت اهلج وخوش تسكتين .
عصماء ـ ما يحصل منه لا حق ولا باطل وفشلت محاولة أمي بزواج بيداء واجه وقت التقديم وعمي قدملها وطلع الها معهد طبي باب المعظم وأبويه اخذها وراح البغداد هو تكفل بيها ورجعت مشتريه ملابس ماخذلها كلشي ومكملين شغلهم ولا كأنما مسويه شيء وأمي تكرظ بنفسها لاتكدر تحجي ولاتكدر اسوي شيء أبوي محاربها واكف ويه بيداء ..
وبلشت دوام وأمي تحجي وتأكد وتوصي وتنصح والله انقهر عليها وان شاء الله بيداء تلتزم وما تصخم وجهنا واتوب من سوالفها وكمنا نلاحظ عليها جرت عدل بس ما عايفينها ولو شنگدر الها بس هالطالع بيدنا نسوي
وبيوم خابرتني تريد ملابس بيداء خوما كل يوميه ملابس دبري نفسج بالعندج منا لما الشغل يمشي الشغل واكف حتى مسواك للمحل ما متسوكين منين نجيبلج .
بيداء ـ منين أدبر نفسي كولي لأمي شوفيها شتگول
ورديلي خبر ، ومنا نأخذ اهنا ارخص .
ـ خل أشوف أمي رحت كلت لأمي وهزت رأسها
ـ ميخالف نأخذلها ابيع حلقتي واشتريلها
ـ يمه والمحل شغله واكف حرامات
ـ منين نجيبله يريد منا مسواك وأبوج فكر جلاب
ـ خل أبيع محبسي ونجيب هالنجيبه بس نمشي شغل حرامات والله جان بي خوش شغل .
ـ هذا هديه مني شلون تبيعينه
ـ بس محتاجين وعندي تراجي هم ابيعهن شسوي بالذهب ضامته واحنه شغلنا واكف اني كلشي ولا المحل .
ـ الله ينطيج عل كد نيتج وطيبة گلبج
ـ أمين ، وافقت أبيع العندي وثاني يوم تجهزنا نروح واجه ابويه باوعلي رغم ملابسي محتشمه وما مخليه غير كحله خزرني ومشه همزين ما حجه .
اسكندر ـ شوكت ترجعن .
غنيه ـ نشتري ملابس لبيداء ما عدنا شيء
ـ ومنين تشترن
ـ منا غير
ـ لا ماكو منا
ـ ليش لعد منين لاتگولي من بغداد ما بيه واتعب تريد تشتري روح أنت اخذها واشتريلها .
ـ گلت منا ما تروحن هذا السوك ما توصلنا عاد مثل أبو زينه وسوالفجن عبالجن ناسي ، تنكسر رجليها الي تروح لهذا السوك .
ـ ليش شبي هذا السوك صارلنا عمر نروحله
ـ أي ادورين رجال لبنتج ومكخشتها وتفرفرين بيها علمود ابن اخت ابو زينه وغيره يشوفها تعلميني بيج
ـ يا رجال التحجي عليها بنتك خاف ربك وين يشوفها الولد راح بحال سبيله بطل سوالفك كافي عاد .
ـ لعد انجبي واكعدي بالبيت روحه ماكو تردن تروحن سوك بغداد روحن هسه اخابرلجن صالح يوديجن .
ـ خابر صالح امرنا لله .
عصماء ـ خابره وأجه وما قبل نروح لسوك كل ظنه علي متواعده وياه باوع تفكيره وين واصل .
اسكندر ـ هم تشوفن بيداء
غنيه ـ لا شيوديني أخذلها ملابس واجي ومن تنزل تاخذهن .
اسكندر ـ لا مري عليها وهاج ١٠٠ الف انطيهن الها مصرف وهاي ١٠٠ ملابس اخذيلها لاتقصرين .
غنيه ـ نشوف يله عصماء امشي .
عصماء ـ طلعنا يمه منيله هالفلوس
غنيه ـ تلكين عنده لاتخافين عليه يله همزين ذكر بنته
هسه نمر عليها ناخذها ويانا لان تضل بس تعيب ما يعجبها العجب خابريها وفهميها .
ـ أتصلت عليها وبلغتها ومرينا أخذناها لسوك وأخذت ملابس وكل احتاجياتها ما قصرنا وياها .
غنيه ـ أريد امر على حجي سعيد ابيع حلقتي ومحبس عصماء أوصلج لو تجين ويانا
بيداء ـ لا أجي وياكم نخلص ونطلع سوه وأروح وياكم للبيت .
غنيه ـ بعدنا وينها ورانا مسواك لازم نروح الشورجه يله أمشن
عصماء ـ مشينا ووصلنا المحل مالته بس الحجي سعيد موجود سلمنا وهلا ورحب بينا وكعدنا أخذنا نفس ودخل ولد وكف يحجي هو وياه
سعيد ـ صيحيلي باسل دزيته على جاي راح نام
ليث ـ اي عمي دقايق هو يمك .
عصماء ـ أمي تحجي هي وياه ويسألها على أبويه وبيداء تباوع على الذهب تعاي كعدي جايين نبيع ما نشتري
بيداء ـ خل نشوف نمتع نظرنا الله باعي هذا الاسوار يجنن .
عصماء ـ وبهل الأثناء دخل الولد سلم وعبر من يمي
باسل ـ السلام عليكم
سعيد ـ وين رحت .
باسل ـ يم سجاد والجاي هسه ليث يجيبه .
عصماء ـ أمي عرضتهن عليهم تبيعهن .
سعيد ـ خير أم سجاد شعجب تبيعين ذهبج وهذا المحبس أخذتي من عدنا
غنيه ـ والله محتاجه وعندي بنيه تدرس تريد مني مصاريف
سعيد ـ الله يخليهن الج شتدرس وياهي منهن
غنيه ـ بيداء بنتي الصغيره تدرس معهد طبي باب المعظم .
سعيد ـ ها يمنا الله يوفقج عمي
بيداء ـ شكراً
سعيد ـ وعصماء شتدرس
غنيه ـ متخرجه من السادس وكعدت معدلها مو شيء ما درست .
عصماء ـ باوعلي ونظراته عليه وعلى أبنه تجاهلته وهنا واكفات بيداء تباوع وأمي تحجي ويه الحجي واني كاعده ودخل الولد اسمه ليث قدملي ماي وجاي شكراً هز رأسه وضيف الباقي وغمز للولد وطلع على وجهه ضحكه!! .
بس طول ما أني كاعده الولد ما رفع رأسه نهائي الى أن ابوه ضربه على كتفه ورفع عينه باوعلي وصفن گبل نزلت رأسي .
خلصنا وطلعنا والحجي ما أعرف شحجى ويه أمي واحنه واكفين باب المحل أكولج أمي وين صارت .
بيداء ـ شمدريني دك سوالف هي والصايغ عبالك عشرة عمر هي وياه .
عصماء ـ عيب شــنو هالحجي ترى كرايبها
ـ يمعوده لاتضحكين العالم علينا احنه عشره بالفرع ما يعرفونا ومنين صار كرابتها تلكين جدها السابع عشر صديق ابوها صدك تحجين لو كرابتها وصايغ ذهب هذا حالنا وفگرنا كاتلنا اقل شيء يطگنا عرج ورث صخام .
ـ سكتي غضب على يومج أدورين ورث
ـ أي ليش لعد ولو أحنه ما نورث غير الفكر والعازه وطيحان الحظ لو امراض وخشوم كبار جنا بلك مجمده
ـ سكتي مو وگت تفاهتج
ـ ولج الاسوار وكعت بغرامه
ـ يا سوار
ـ هذا الشوفته الج أنتِ غير لو كمتي وشفتي كبر ما شايفه كعده ، كاعدتلي جنج لعابه ازياء دكومي يحظي شوفي الذهب اليجنن بخت اليلبسنه
ـ بالعافيه على اليلبسه كلمن يمدد رجليه على كد غطاه
ـ والله لو يضل عمري يوم واحد الأسوار الا أشتري
ـ من كملج اشتري ما تسكتين، يله يمه شتلتينا باب المحل .
ـ مجادي لله يا محسنين صدك جذب غنيه لو مرقمج هم ما يطول هالكثر
ـ شكد تافهه وشويه وطلعت أمي مبتسمه وسحبتنا وراها ما فهمنا منها شگو شبيج يمه .
غنيه ـ كل الخير كل الخير .
بيداء ـ شكو احجيلنا ليش تأخرتي
غنيه ـ بعدين بعدين .
بيداء ـ السالفه دسمه يا خبر بفلوس باجر بلاش .
عصماء ـ ها يمه نرجع البيت لو نروح الشورجه خاف ما ضل وگت .
غنيه ـ لا گبل للبيت .
بيداء ـ أي والله تعبانه أريد گبل أوصل البيت أنام
عصماء ـ رجعنا البيت حتى ما تسوگنا للمحل بس أخذنا ملابس لبيداء لان الجو غير وصار بارد بداية شهر الـ ١١
وصلنا البيت وأمي فرحانه أول ما دخلنا رحت أغير ملابسي أجتني وصفنت بوجهي وگبل باستني
غنيه ـ لو تدرين منو طلب أيدج لزواج
عصماء ـ منو
ـ الحجي سعيد حاجني عليج وخطبج لأبنه باسل
بيداء ـ لاتشاقين! أكيد ناصبه علينا وين أكو!
ـ لا والله خطب أختج وگال يحاجي أبوج وهالأسبوع يجون علينا .
ـ الصايغ الحجي سعيد نفسه نفسه
ـ أي شبيج
ـ لا مو معقوله نغزني بأبره علمود أصدك صايغ فد طگه وشعجب يخطب من عدنا
ـ وليش شبينا وأختج مثل الورده الف من يتمناها
ـ لا يمه أقصد هيج ناس أغنياء وطاگين وواصلين غير يأخذون نفس طبقتهم المخمليه ومنهم وبيهم يعني مو غريبه وبس رحتي گبل خطبها منج شهل الصدف!
ـ ما تنجبين هو شايفها من هذيج المره وعجبتهم والقسمه تريد تصير ما تعرف لا غني ولا فقير والحجي سعيد أنسان بسيط ومن يوم يومه متواضع ويحب الخير للكل .
ـ والمن خطبها بس لا هذا الحلو الجنتل مان .
ـ أي أبنه أسمه باسل وشلون باسل ورده مالت الله أدب وأخلاق وثكل تگول هم رفع عينه وباوع على وحده منجن الأ أبوه نغزه بجتفه وباوعلها هاي ثاني مره نروح ولا مره باوع خوش ولد الله يحفظه لشبابه .
ـ أي بهاي صدگتي لاحظت عليه مبين عليه رجال ثكيل
ـ يله أني رايحه أشوف ابوجن
ً ـ خاف هم يرفض مثل هذيج المره .
ـ يكدر يرفض غير أذبحه بالموس گافي عاد والقسمه خوش قسمه .
عصماء ـ طلعت أمي وأني ساكته ما حجيت لان مو أبالي أبداً ، لليل اني بالغرفه وهما يحجون وأبويه عبالك يعارك مو يحجي .
أسكندر ـ وليش الأ عصماء! ليش مو بيداء .
غنيه ـ شنــو الا عصماء يا رجال شبيك غير الجبيره والحجي هو يريد عصماء لأبنه قابل أكوله تعال أخذ بيداء
ـ أي گوليله بيداء وهم تدرس معهد طبي علمود يوصلونها ما بينا حيل نضل ندرس بيها .
ـ ليش جاي نلعب أحنه الجماعه كالوا عصماء ما كالوا بيداء تريديني اضحك عليهم واقدملهم أختها
ـ جاي أكولج تدرس علمود يوصلونها
ـ أيبا وعلى أساس راح تشرمها بدراستها وأحنه شبينا ما ندرسها وصلناها معهد ما بينا نخرجها دبطل عمي وخل البنيه تمشي بقسمتها لاتضل مزدملها هاي بنتك الجبيره المفروض تفرح مو تقدم أختها .
ـ شافها
ـ اي طبعاً شافها مو جانت وياي
ـ أي خوش كواده طبعاً هاي سوالفجن أعرفجن مثل البصراوي ودرابين السوك من جنتن تروحن تتسوكن وهذا هم نفس الشيء تأخذينها وياج تعرضينها عليهم والخطابه يوميه داكه بابي لا عرف لا ولف هذول الكواويد مالتج .
ـ لا حول ولاقوة الابالله أستغفر الله يا رجال لاتظن السوء بنتك خاف ربك الولد لا شايفته ولا شايفها والحجي سعيد هو خطبها وگال يحاجيك هاي عود أنتَ تعرفه وهيج تحجي وتطعن بنتك .
ـ وين أعرفه شايفه شايفيني عود كرابتج
ـ وهسه تالي تضل مثل عظم السمج
ـ ما كالج شوكت يجون
ـ أنطيته رقمك يخابرك
ـ والخاتون بنتج موافقه
ـ هسه أشوفها
ـ عوزها ما توافق لو عبالها هذاك يجي أنوب لاتحلم وتروح تخابر سليمه عبالها ما أدري .
ـ ما تگولي شتدري أنت
ـ أدري بگلشي وبنتج ما أحترمتني خليني ساكت گومي شوفيها خاف هم تگول أبويه وكف بقسمتي
ـ لا ما تگول بس أنت كافي تحجي أكلت گلبها .
عصماء ـ دخلت عليه يمه فدوه لعينج هالزواج هذا ما أريده ولا مخليته أبالي سدي من ساسه ليش گلتي لأبويه يضل عاد بس يحجي ويشك بيه
غنيه ـ خيولي يشك بيج يروحلج قربان ونذر علواه كل خلفته مثلج وأنتِ لان تشبهيني ما يريدج يريد العارات المثله ما عليج ما حجيه قابل ما تعلمتي على اطباعه هسه عوفينا منا ، شتكولين موافقه على ابن الحجي سعيد .
ـ نزلت رأسي وجاوبتها يمه مو أبالي الزواج هسه
ـ ليش بنيتي والزواج قسمه ونصيب وهذا نصيبج ويمكن يكون عوض وجبر خاطر الج .
ـ باوعتلها وبجيت بس يمه بعدني
ـ شوفي بنيتي گلشي بتدبير وأختيار رب العالمين يعني الله ما كاتبلج قسمتج ويه علي نجم وخربت لان مو قسمتج وقدرج ويه باسل أبن الحجي والله يعلم يجوز مو هو وأذا على علي راح وياه أنسي ماما والله يعوضه بنت الحلال تشبهج ويجبر خاطره وكسرته ، وأنتِ أنسانه مؤمنه أنسي وأرضي ودير بالج تعترضين على مشيأة رب العالمين گلشي بإرادة وحكمه .
ـ بس المعارضه جانت من أبويه
ـ حتى لو الدنيا كلها توافق وأبوج يعارض لو يخلون السيف على ركبته يبقى معارض ليش لان الله هيج يريد لا بكيفي ولا بكيفج وأذا على أبوج لاتزعلين منا الأب يضل أب وهو تفكيره محكوم بالعادات والتقاليد والمجتمع العايش بي وفعلاً العالم ما ترحم ويضلون يطبلون عليج وعلينا لان بعيد وصح حبكم نظيف بس هذا مجتمع نشأنا منا غصباً عليه نرضى ونتحمل ونسمعلهم وأبوج تفكيره ونظره لبعيد مو يوم ويومين
وسمعتي شحجى يعني سامعج تحجين وياه وضاله أدك بگلبه وهذا الشيء عليه جان صعب مو عاد عليه يمكن اني تقبلت ورضيت لان أعرفج وأعرف تربيتي بس الأب صخره ما تلين فهمتي عليه بنتي .
ـ اي
ـ ها موافقه علمود يجون
ـ أي
ـ أريد أسمعها ما اريد أجبرج واذا ما موافقه هسه ألغي كلشي لعيونج يا بعد نظر عيني مو لازم هالزواج رضاج عندي ولا زعلج .
ـ حضنتها وتبوس بيه فدوه اروحلج يمه
ـ شعندي غيرجن
بيداء ـ يمه موافقه موافقه بس تتعزز علينا ما معقوله ترفض الجنتل مان الحلو الهيبه شبيج يحظي جان باوعتيله والله عن الحلال والحرام باوعتله ترست عيني منه .
ـ كفختها أمي وكامت تضحك .
ـ أنتِ أدبسزز ما عليح العتب
ـ شسوي أحب الحلوين شنو قابل ما نباوع
ـ سكتي غضب على لسانج لايسمعج أبوج
ـ سگتنا عمي سگتنا ها معصومه موافقه عليه ولج وافقي خل نفرح نريد عرس وطربگه .
ـ هذا هو يمه الله يقدم البي خير ، موافقه .
ـ مُبارك يمه مُبارك أكوم أروح على أبوجن .
ـ طلعت بلغته وبيداء فرحانه وتبوس بيه وتركص سكتاوي كبر يالخبله ولا تعقلين وكمت توضيت وصليت ودعيت ومر يومين وأمي مخبوصه وتگلب بملابسها وحضرتلي فستان وبيداء مفرغه كنتورها كالوا اليوم يجون والخطوبه بيت جدي لان جبير ومرتب ، ضليت كاعده ومتوتره حتى ما غيرت ملابسي بس شكو شيء بجسمي يرجف ومرعوبه ميته خوف .
غنيه ـ ولج شجاج صرتي سعفه حتى وجهج أصفر شنو قباض أرواح هل باسل شو كومي غسلي وجهي وتعاي بدلي يربي شجاج أنكلب لونج شو من اجه علي صرتي تفاحه لو هذا هم حظج عكس .
عصماء ـ گمت سبحت وأمي سرحت شعري ودخلت وهنا لابسات وكاشخات وأني الوحيده بعدني ودخلت علينا عمتي شهلاء وكامت تحجي .
شهلاء ـ صدك تحجن لحد الان ما لابسه ولجن وصلوا وعمتي دزتني عليجن النسوان كومة جايات أمه وأخواته
وعماته ومرت أبوه وين جنتن لخاطر الله شكد باردات .
غنيه ـ هاج لما اطلع فستانها
عصماء ـ أنخبصنا واجانا الصوت حلو وغريب
لقاء ـ وين عاروستنا وينها .
غنيه ـ يبوه اجني وبيتنا مكلوب شكول عليج عصماء
بيداء تحركي لمي ملابسج بسرعه يبوه يبوه
عصماء ـ امي فتحت الباب وعمتي هاله جايبتهن وجايه مره جبيره شكد حلوه وبنات اثنين يخبلن وجوهن تضحك كمنا سلمنا وامي خطيه انخبصت وفشلانه من الهوسه
لقاء ـ كعدي خاله كعدي يمعوده قابل بيوتنا ما تصير هوسه وانتوا يوم فرح شصار قابل عوفي من ايدج
غنيه ـ يمه فدوه لهل الوجه الحلو
لقاء ـ اسم الله عليج خاله اقدملج نفسي اني لقاء أخت العريس الوسطانيه وهاي أمي هيفاء وهاي أختي الجبيره ليال .
غنيه ـ هلا ومرحبا هلا بيكم .
هيفاء ـ وينها معصومه ياهي منهن أكيد هاي الحلوه اذا الله ما جذبني أنتِ عصماء .
عصماء ـ هزيت راسي وأبتسمت وباستني
ليال ـ شنو هالجمال عيني وين ضامه نفسج تخبلين ما شاءالله تبارك الرحمٰن .
هيفاء ـ كافي صلن على محمد لاتحسدنها لقاء ليال وين الفستان والبركع طلعيهن ودخلن كشخنها يمكن مستحيه لاتستحين ماما حبيبتي أحنه مثل أهلج .
عصماء ـ حيل لطيفه وحبابه دخلن وياي الغرفه ولبست الفستان جايببنا وياهم يخبل ولقاء خلتلي مكياج وكملنا وطلعنا لابسوني البركع وصلنا بيت جدي دخلت سلمت على الحجيه جديتهم ومرت ابوهم وعماتهم أثنين نجاح وأنسام كعدت بصف جديتي والعيون كلها عليه وأني ميته خجل وگلبي يريد يشك صدري ويطلع
ويحجن واني بالي مو يم أحد منزله رأسي وأنفاسي تنفض وشويه ودخل علينا عمي .
أبراهيم ـ يله جهزنها يعقدولهم .
عصماء ـ يمه گلبي لزمتني الرجفه وتقربت عمه هيفاء تقرأ أيات على رأسي لبستني البركع كلشي ما يبين مني ومشيت وياها .
ابراهيم ـ أوكفي يم الباب
عصماء ـ وكفت بصف أمي وأم باسل بس شنو ارجف ارجف وطلع الولد شايفته وباوعلي وكال
ليث ـ خل بالصاله يعقدون الهم ماكو أحد غريب خطيه توكفونها عتبه الباب .
هيفاء ـ اي أحسن يله ماما أمشي .
عصماء ـ رجعنا كعدنا وشويه وأجه الولد اسمه ليث
ليث ـ عمه جهزنها بالصاله نعقدلهم
عصماء ـ طلعت وياهن ويجرن بيه وكلشي ما أشوف كعدني بصف أبويه بس كعدت يمه گبل لزم أيدي وشد عليها وأمان الدنيا كله سكن روحي ونزلت دمعتي فدوه لأيدك يابه .
سعيد ـ يله أبني باسل گوم
ليث ًـ يله عريس الغلفه .
عصماء ـ بس شفت رجليه عبر وبدأ الشيخ وصار الكلام الى أن وصل لموافقتي بلعت ريك وگوه همست أي موافقه صارت أشكالات ورجع أبويه كال
أسكندر ـ علي صوتج بنتي وعيدي موافقتج
عصماء ـ موافقه كام يحجي وأني اردد وراه وصوتي يرجف وهو كذلك وگملنا وكام الشيخ وبلشت صوت الهلاهل وأبويه كام ورفع البركع وباسني وبجيت كبل حضني وضمني لحضنه قوي .
أسكندر ـ الف مبروك بنيتي الله يسعدج ويوفقج
عصماء ـ الله يبارك بعمرك يابه ويخليك النا باسني من كصتي وأبتسم وراح وأخواته يهلهلن ويطشن جكليت وأمه وابوه وأخواته يبوسون بي ويباركون اله وأبن عمه ياكل جكليت ويضحك .
ليث ـ عريسنا الجكليته شبيك عيني مستحي انهجم بيت المستحى
باسل ـ ليث والله أكوملك يابه سكت ابن أخوك ترة تمادى .
هيفاء ـ هذا أبن عمك ولك مشكور أبني ليث ما قصرت
ليث ـ صدك جذب عمه هذا ابن عمي أفدي بروحي
عصماء ـ راح الأستقبال يم الزلم وأبوه باوعله وگال
سعيد ـ أحنه رايحين يم الزلم أنت ابقى يم خطيبتك مو تلحكني ، هيفاء خل يكعدون يحجون لاتخلي مثل الصنم
هيفاء ـ لايضل بالك هسه أخواته يسوله جو أتوكل أنت
عصماء ـ راح واني كاعده وهو بعد مسافه قليله عني وأجني أخواته ويحجن وياه وهو يستحي
لقاء ـ كوم تحرك شوي بصفها تزحزح خوما هي تجيك وين صايره شو تحرك شجاك
باسل ـ أخلص من ليث تطلعيلي أنتِ .
عصماء ـ مسح كصته عركان وكام كعد بصفي وبلشت الهلاهل وسحبن البركع مني ونزل شعري وركبتي طلعت يمه گلبي وبلشت الصور وتعاي لزمي ايده وتقرب اكثر وجسمه لاصق جسمي لو لزمتني كهرباء .
ليال ـ نسينا الحلقات اوكفي لقاء لاتاخذين صور .
عصماء ـ جابت الحلقات وكمنا وصرت مقابليه احسه يباوعلي بس اني ࢪاسي ما أكدر ارفعه وشفايفي ترجف لبسته الحلقه وهو لبسني الحلقه طبيعي الا اني كمت اموت وليال بصفي وتهلهل وحده منهن كالتلها
سلوى ـ ليال هلوهتج تجيب التايه .
ليال ـ لا عمه خلي تايه .
سلوى ـ والله يبعد عمتج تايه وضاعت علومه .
عصماء ـ رجعت ليال تهلهل وهلوهتها تخبل لان صوتها حلو وكفن بالنص يصفكن ويركصن بحركات بسيطه وأخوهن صافن عليهن ويضحك وضحكته ونغماته حلوه ، أجتي بيداء ضيفتنا عصير وهو أخذ أنطاني وبعدين هو وبيداء أبتسملتي شرب العصير وگام .
باسل ـ يله أني رايح .
لقاء ـ روح عيني روح طابتلك الكعده
باسل ـ بعدين نتحاسب
عصماء ـ ضحكوا وراح وكعدنا والحجيه وخاله هيفاء والبنات كلش حبابات وبسيطيات مو متكبرات عكس مرت أبوه وعماته حتى عصير ما شربن حسيتهن يستنكفن ويباعن البيت بنظرات على الرغم بيت جدي حلو ومرتب بس حسينا بيها وبنظراتهن والحجيه فد حبابه تسولف هي وجديتي عبالك صديقات وخلص الوقت دزوا عليهن وگامن وباوسني وأمي هزتلي رأسها طلعي وياهن بالكوه طلعت وياهن بالطرمة وطلعوا الزلم باب الحوش بس عمي سعيد ولده واكف ويه أبويه وأجه هو من برة وتقرب علينا وكال لأخته .
باسل ـ أكو أغراض بالسياره أنزلهن لو لا
هيفاء ـ يولي نسينا هذن هدايا ونيشان خطيبتك نزلهن يمه .
نائل ـ بعد وگت خاله لو واصلين يله متذكرات مو أحسن أنت أبقى أني انزلهن
باسل ـ لا جاي وياك .
عصماء ـ نزلوهن وبيداء أخذتهن منهم ولاحظت نائل ينطي شبه قوي لباسل بعدين عرفت هو اخوه من أبوه
ومشـوا وصلناهم للباب والبنات من بعيد يأشرولي
ليال ولقاء ـ باي .
عصماء ـ الله وياكم وراحوا الله وياهم ورجعت وعمي وجدي باركوا اليه وفرحانين وبالأخص أبويه مبتسم ويسولف هو وجدي عليهم بكلام حلو وأمي وزعت الهدايا لعمتي وجديتي خطيه فرحن ورجعنا بيتنا
وأمي تفتح الهدايا وبيداء طلعت موبايل أخر موديل
بيداء ـ يجننن هذا بس لا الج ابجي طين شنو هالطفره من الصرصور الى أيفون أخر أصدار باع عمي والكفر يموت .
غنيه ـ جايبلها موبايل يا عيني شو فتحي خنشوف
عصماء ـ فتحته وتكلب بي ..
بيداء ـ بي شريحه يا سلام ومسويلج فقط واتساب ومسجلين الارقام باسل هيفاء وليال ولقاء وجنات منو هاي جنات؟
غنيه ـ هاي أخته الصغيره ما جايه وياهم ضاله بالبيت ويه عمامتها .
بيداء ـ هاج عيني لزمي هذا موبايلج الجديد ودعي الصرصور بالعافيه عليج تستاهلين كل الخير .
عصماء ـ الله يعافيج ويوم الج ان شاء الله رفعت أيديها وتدعي .
بيداء ـ أن شاء الله يالله يا حبيبي كون واحد نفس باسل
عصماء ـ رتبوا الاغراض والملابس جابينها اليه ولليل جاي أغسل مواعين العشه وموبايلي على الشحن ورن وبيداء عاطت
بيداء ـ عصماء عيالج يتصلون عليج تعاي
عصماء ـ وجع صوتج أبويه كاعد مو عيب سوي صامت من يمج ، أخذته وخاله هيفاء تتصل جاوبتها هلا خاله
هيفاء ـ هلا حبيبتي شلونج
ـ بخير الحمدلله
ـ نسينا نكولج على الموبايل عاد هسه تعشينا والبنات تذكرن وكلت خل أتصل اسأل عليج
ـ تسال عليج العافيه عيوني خاله
ـ بصوت ناصي وباسل هم يسأل عليج مو باسل
باسل ـ يمه
ـ يله حبيبتي أخذ راحتج عود دزيلي رقم أمج
ـ ان شاء الله خاله ووصلتني صور على رقم لقاء كعدت اني وبيداء نباوع كلش حلوات هاي لقاء مصوره محترفه
ً ـ أكولج خل أسويلج حسابات أنستغرام فيسبوك صادقي خطيبج حمواتج نشري ستوريات .
ـ لا شسوي بي مو هسه بعدين واتساب كافي
ـ غير تصيرين مثلهم
ـ ليش شبيه أني،عندي قناعه بنفسي وبالعندي الحمدلله والمواقع ما احتاجهن عود بعدين الله كريم .
ـ بكيفج عيني .
ـ رجعت گملت شغلي ومر أسبوع تقريباً أخواته يتواصلن وياي بس هو لا ما أتواصل أبداً وأشوفه نشط الأن ما دققت خلي على راحته
وخاله هيفاء أتصلت جاوبتها حجينا وگالت
هيفاء ـ أنطيني أمج احجي وياها.
عصماء ـ أنطيتها أمي وحجوا وگالت باجر يجون يأخذوني يعقدون محكمه وثاني يوم تجهزت لبست فستان هم جايبنا اليه ولبست عليه عبابتي وأبويه جان موجود تقربت بست أيده وباسني .
اسكندر ـ الله يرضى عليج .
عصماء ـ رفعت رأسي لكيته واكف وعيونه عليه بس باوعتله باوع لأمه وطلعنا بالباب
هيفاء ـ صعدي ليكدام وأني وأمج ليورى
عصماء ـ لا خاله ما يصير والله
ـ لا يصير أني أكولج صعدي والكعده الجن مو النا وأني اريد اكعد ويه أمج يله ماما صعدي .
عصماء ـ صعدت ليكدام ومستحيه منه ومشينا وبالطريق هنا يسولفن وأحنه ساكتين يباوعلي بس نظرات خطف ووصلنا ودخلنا سوينا تحليل وأمي وامه يمشن ورانا واني بصفه هو شوي بطيء بمشيته ما تعبني واضل اركض وراه ثكيل بكلشي بهدوءه بنظراته بمشيته بكلامه القليل أحلى شيء هدوءه مو عصبي الحمدلله .
گملنا وطلعنا وخاله هيفاء كالت
هيفاء ـ غداجن يمنا .
غنيه ـ لا ام باسل فدوه لعينج خل نرجع عود غير مره
هيفاء ـ لا ما يصير والبنات من الصبح كعدن يجهزن الغده وفرحانات ومنتظرات عصماء يله باسل امي للبيت
عصماء ـ من صعدت شوية السياره عاليه ولان ما مأكله فقدت التوزان وهو مدلي أيده سحبني بهدوء لزمت راسي دايخه .
باسل ـ دختي نزلي غسلي .
غنيه ـ شبيج يمه عصماء
عصماء ـ يمه دخت ، نزل قبلي وفتح الباب ونزلت وساعدني
غنيه ـ أجي وياج
باسل ـ لا خاله ما يحتاج أني وياها، امشي اخذج المغاسل غسلي وجهج ترتاحين دختي من الطريق .
عصماء ـ أي لزمني من أيدي واني منا دوخه لازمتني منا المستحيه وأرتباك ومتشجنه وصلني المغاسل دخلت غسلت وعدلت نفسي وي وجهي ليمونه صاير
طلعت لكيته واكف شافني واجه .
باسل ـ ها شلون صرتي .
عصماء ـ شويه أحسن .
باسل ـ هسه نوصل بيتنا ترتاحين .
عصماء ـ أي مشينا وصعدت وهو وراي وأمي أبتسمتلي واجه هو فتح بطل ماي وقدملي شكراً .
غنيه ـ هاي لان ما تأكلين هيج دختي .
عصماء ـ بگلبي يمه فدوه سكتي، وطلعنا وأخته خابرته توصي وگفنا ونزل يجيب الشغلات وأجه قدم النا عصاير والعصير مالتي فتح القبغ يله انطانياه ..
وصلنا البيت وبيوتهم تخبل عرفت من خاله هيفاء كلهم اقارب وعمام قصر بصف قصر وصلنا بيتهم ونائل فتح النا الباب وسلم علينا .
نائل ـ يا هلا بيكم بالخير عليك باسل .
باسل ـ تسلم حبيبي يوم الك .
نائل ـ يله أني اروح
هيفاء ـ وين رايح أمي ضل على الغده .
نائل ـ لا خاله مسوين غده وأمي ما تأكل اذا ما اكابلها عليكم بالف عافيه .
عصماء ـ راح ودخلنا البيت حيل نظيف ومغسول وريحة المعطرات تجنن هو كبل دخل على أخواته لمطبخ ويضحك هو وياهن وطلعت لقاء لابسه ثوب طويل بس ردان قصيره ورافعه شعرها بقلم وتقربت باوستنا تبوس من قلب ورب من كل گلبها .
لقاء ـ هلا ومية هلا ، هلا بعروستنا هلا خاله شلونج شلونكم أخباركم ، اتفضلوا عيني اتفضلوا .
ليال ـ هلا بيكم ، هلا خاله شلونج .
عصماء ـ دخلنا كعدنا باالصاله وهنا گبالي يفترن بالمطبخ وباسل واكف وياهن ويحجي ولقاء كل شوي تضربه على جتفه ويضحك وطلع وباوعلي وراح الغرفته
غنيه ـ ها يمه عصماء شلونج مرتاحه بعدج خايفه
عصماء ـ الحمدلله لا زينه .
ليال ـ خاله أخذوا راحتكم لاتستحون ومنا المغاسل وعصماء كومي غيري ملابسج ارتاحي تعاي وياي
بغرفتنا .
عصماء ـ مشيت وياها وانطتني دشداشه منها جسمها نفس جسمي طلعت وكمت لبست ورتب شالي واجني يسولفن وياي وبعدها كمنا تغدينا كعدوني بصفه ولقاء تغمزلي .
بلشنا نأكل وفصخ للحمه خلاها عالتمن وأكلنا وخلصنا وكاعدين كلنا نشرب جاي وهو صاير مقابيلي يشرب بهدوء ويسولف هو ولقاء أتفقوا كالوا نروح نشوف غرفة أخشاب ماطول اني هنا .
غنيه ـ أختاروا أنتوا على ذوقكم ماكو فرق .
هيفاء ـ لا هما يختارون والغرفه غرفتهم وأنتِ شعندج مستعجله شکو وراج لاتخافين توصلين الحجي ما يطير
غنيه ـ علمودكم ما نريد نكلف عليكم .
هيفاء ـ ما تكلفون علينا شنو هذا حقها وغصباً علينا
باسل ماما أخذ عصماء وأفتروا وشوف الغرف ما عليك من عمتك .
باسل ـ أي ميخالف يله من رخصتكم
هيفاء ـ أخذ راحتك أبني .
عصماء ـ راح الغرفته وسحبني البنات للغرفه وطلعوا ملابس ينسقولي علمود روحة العصر نختار ملابس وجنات گالت .
جنات ـ ذبي العبايه مو لازم
ليال ـ جنــات ، ما عليج منها حبيبتي
لقاء ـ جنات لاتتدخلين ، بالعكس العبايه تخبل عليج رغم ابويه هواي حجه ووصف جمالج بالعبايه الصراحه توقعتج مرعبله وضايعه بيها بس من شفتج لابستها أحسها مخصصه بس الج مفصله تفصال من كثر ما طالعه تخبلين بيها .
عصماء ـ شكراً تسلمون هذا من ذوقكم الراقي
لقاء ـ خل أشوف باسل شيريد وأجيكم
عصماء ـ طلعت وأجتي ضليت كاعده وعجبني ديكور غرفتهم شكل المكتبه ورسومات ليال وشغلات الأنتيكا حبيت التفاصيل وبعدها گمت يم أمي وخاله هيفاء وأمي لكيتها نايمه
هيفاء ـ روحي نامي بغرفة البنات أرتاحي بعد هواي وامج نامت خطيه تعبت حتى باسل هم نام .
عصماء ـ تمام خاله رجعت يمهن جنات بموبايلها ولقاء نايمه وليال ترتب الملابس .
ليال ـ نامي على جربايتي اني مو هلكد ويه النوم الظهر .
عصماء ـ تمددت على جربايتها وما اعرف شلون غفيت وأسمع صوته بصوت ناصي بالغرفه يكعد بأخته
باسل ـ لقاء ولج لقاء لقاء ادري خوما ميته
لقاء ـ شگو شبيك
باسل ـ گومي كعديها ما ضل وگت
ـ ما تكعدها انت شبيك قابل تعضك
ـ كعديها أنتِ
ـ ما تكعدها أنت
ـ لقاء والله ازاعلج امشي كعديها
ـ أهو والله ما اريد انام .
ـ الله ياخذج مو أخوات موتى .
عصماء ـ رفعت راسي ولميت رجليه وهو مثل فشل ويفرك بوجهه
باسل ـ بس تجهزي علمود نروح
عصماء ـ أي هسه طلع وگمت ليال نايمه بصف جنات أخذت ملابسي لبست بالحمام وطلعت وهو اجه شايل قميصه ويكعد بيهن وطلعت لقاء ادفع بي دخلت رتبت شكلي بمكياج خفيف وكملت وطلعت وهو واكف يم لقاء ينتظر قميصه .
باسل ـ فضيني عاد .
لقاء ـ وين جنت هسه يله تذكرت هذا القميص هاك
عصماء ـ كعدت يم أمي لكيتها تشرب جاي وكمل واجه يمه كومي لبسي عبايتج وتعالي وياي
غنيه ـ شعندي جايه وياج وخطيبج خوما غريب واحجوا سولفوا لاتضلين مثل الصنم .
باسل ـ يله نمشي
عصماء ـ أي مشيت وراه وفتح الباب وطلعنا وعبرنا من يم ليث .
ليث ـ السلام عليكم عليكم خيتي ، ها وين العزم
عصماء ـ وعليكم السلام .
باسل ـ نختار الغرفه
ـ بيها الخير حبيبي أي شيء تحتاجه خابرني
ـ تسلم ويوم الك .
ـ هو عن قريب
ـ خير ان شاء الله يله فيمالا .
ـ طلعنا وأفترينا هواي أمكان حسيته يدور شيء زين مو فقط شكل لان يفتح الخانات ويطگك على الخشب يحجي ويه الولد ولكيت نفسي صافنه عليه لابس قميص نيلي والطول متناسق وحركات ايده ونظراته للاشياء وطريقة كلامه أنجذبت اله فزيت من كال
ـ ها عجبتج .
ـ ها بكيفك
ـ ما عجبتني هي شگل حلوة بس لاتصميم ولا خشب أمشي نروح مكان ثاني .
ـ ورحنا مكان ثاني وگلشي بي واول ما دخلنا وكعت عيني على الغرفه .
ـ هاي حلوه شتگولين
ـ أي تخبل
ـ تعاي نشوف دواخلها .
ـ وشفنا دواخلها اني وياه ولكيت نفسي أحجي وياه وهو كذلك ويضغط على الدوشك ويضحك خجلت من نظراته وبعدها اختارينا أكسسورات ونواعم الغرفه أخذتهن على ذوقي وكملنا وكال .
ـ ذوقج يخبل .
ـ شكراً .
ـ العفو يابه يله نمشي .
ـ وگملنا وطلعنا للبيت وأمي تتصل عليه وباوع الساعه
ـ تتأخرنا تدرين ، خرب ولا حسينا بالوقت خابريها خل تتحضر علمود گبل اطلع لديالى .
ـ بلغتها وصلنا وأخذناها وطلعنا وصلنا البيت ورجع والدنيا مغرب بس من راح ضجت وراه وخنگتني العبره وضل بالي يمه
غنيه ـ خابري شوفي وصل
عصماء ـ أي طلعت رقمه متردده وأتصلت عليه گبل جاوبني .
باسل ـ هلا .
عصماء ـ هلا بيك وين صرت .
باسل ـ بعدني ما واصل البيت
ـ لان دنيا مغرب وضل بالنا عليك
ـ لا ماكو شيء لاتخافين عليه ومن أوصل اراسلج
ـ تمام توصل بالسلامة
ـ الله يسلمج
ـ قطع الأتصال ولزمت گلبي معقوله أكون حبيته وتذكرت الحب وتذكرت علي نجم ونفضت راسي استغفرالله أستغفرالله ، كمت توضيت وصليت وصلتني رساله على الواتساب
ـ وصلت البيت وهسه دخلت بس أتعشى .
ـ تمام بالعافيه مقدماً
ـ الله يعافيج
ـ راح وصرت أحب أسولف وياه ولكيت نفسي أرتاح يمه
ولليل راسلني دزلي صورة الغرفة فارغه وليث ونائل وياه طالعين بالغرفه .
ـ خوش سلمتهم مهمه .
ـ تصبغها الوان لو شـنو
ـ أي الوان ليش
ـ لا باسل بياضات أحلى وهدوء أكثر الوان قديم
ـ هو هم هيج ، عود أدزلج النتيحه النهائيه .
ـ تمام
ـ راح أغلفها وأدزلج مجموعه تصاميم وأختاري
ـ تمام شوي ودزلي وأختاريت
ـ كاعده بگلبي أنتِ نفس أختياري .
ـ يعني عجبك
ـ ذوقج العاجبني مو الأختيار .
ـ ها شكراً
ـ يله بعدين ارجعلج أجه مصمم الديكورات اليشتغلي الغرفه
ـ ماشي راح وبعد ما أجه أنتظرته تالي نمت كعدت الصبح على رسالته دازها بـالأربعه
ـ ها عصماء أجيت
ـ راجع أنوب دازلي
ـ نايمه ، أي أكيد نمتي الساعه اربعه يالكعبه
ـ هاا ما كعدتي .
ـ صباح الخير دزيتها وكمت بنشاط وحيويه تريكت ويه امي وعمتي شهلاء يمنا ويسولفن ورن موبايلي ويغمزلي خجلت منهن وكمت جاوبته هلا
ـ صباح الورد شلونج
ـ الحمدلله تمام وأنت شلونك
ـ مطفي على الأخير مبتلش بالغرفه .
ـ تعبان حتى صوتك
ـ اي شسوي هذا اليتزوج لازم يتعب
ـ أي
ـ ما ضل شيء بعد حفله خطوبة وأمي اليوم تخابركم وتفهم أمج .
ـ نسوي حفله خطوبة
ـ أي والعصر أجي أخذج تأخذين ذهبج علمود بالخطوبه البسه الج هيج العادات عدنا .
ـ ها يعني اليوم تجي
ـ أي أجي أخذج
ـ يحجي بهدوء وأني نعست على صوته
ـ وينج
ـ يمك أقصد وياك
ـ تمام تجهزي العصر وگولي لأمج هم تجي وياج
ـ تمام أكول الها
ـ يله اروح أتريك بعدين أحاجيج
ـ تمام الله وياك قطع الخط وراسلت بيداء لان بالمعهد خطيه لازم ابلغها
بيداء ـ ما كالج شوكت الحفله عفيه شلون عندي طن محاضرات شعدهم مستعجلين .
ـ ما ادري والله
ـ يله تدبر بس گولي لأمي على ملابس حبابه أريد اطلع كشخه فول
ـ تدللي
ـ فديتج يروحي الله يسعدج لو تدرين شكد فرحانه الكم وهاا صدك كلش لايكين لبعض أصلاً تخبلون .
ـ فدوه لكلبج أختي حبيبتي ورحت بلغت أمي وحضرت ملابسي ومتحمسه لجيته وجهي من ليمونه صـــار تفاحه ، صفنت سبحان الله شبسرعه الف الحمدلله ؏ أختيارات رب العالمين راضيه بيها أشد الرضا والقبول
جنت نايمه وراحت عليه نومه وكعدت على أتصاله
باسل ـ عصماء وينج
عصماء ـ موجوده ليش
ـ نايمه
ـ ها لا اي
ـ أي نايمه صوتج خدران ديله گومي صححي راح أوصل
ـ لا بربك
ـ والله راح أدخل القريه مالتكم .
ـ عزه باسل ليش ما گلتلي
ـ دشوفي الواتساب كومة دزيتلج وعرفتج نايمه ما حبيت أزعجج
ـ يله روح
ـ وين اروح ولج غير جايج
ـ تمام تعال
ـ أجيتج
ـ عفت الموبايل وطياره دخلت سبحت ومتت برد بالحمام وأسمع صوته يحجي ويه أمي عزه وصل طلعت لكيته واكف شافني وشعري نازل على ظهري والماي يخر يبوه فشله وضحك عبرته سريع للغرفه
ـ نشفي شعرج زين لاتتمرضين .
ـ نثولت ودخلت نشفت شعري عالسريع ولبست وأمي فتحت الباب عليه وراحت هو كاعد عالفراش يشرب جاي باوعلي وگال
ـ خلصي وتعاي صبيلي جاي
ـ هسه ، صحت يمه وينج أمي وين راحت
ـ گالت هسه تجي راحت تشوف الدجاجات تريد ادز ديج عرب لأبويه
ـ لبست الشال وأخذت الأستكان من أيده وصبيتله
ـ چايكم طيب مو تجين يمي وتتغير النكهه
ـ لا تبقى نفسها ، واجتي أمي رحت عليها عضيت شفتي وغمتني وضحكت وين جنتي عايفته وحده
ـ شگو عليج يأكلج، صبيتله جاي
ـ أي يله اروح اتجهز عبرته ودخلت الغرفه والمرايا بالحايط صايره مقابيله نسيت وگفت أخلي مكياج وهو أجه وگف يم الباب خجلت منا خوما تأخرنا .
ـ لا ولا يهمج أخذي راحتج
ـ أصبلك جاي
ـ لا أني راح أصب
ـ راح المطبخ وأمي اجتي خطيه طلعت الها ملابس سبحت عالسريع وكالت
ـ فدوه لطوله شكد بسيط ومتواضع جعلته أبني الله يحفظه
ـ راحت الحمام واني كملت وطلعت لكيته واكف بالطرمه ولازم الأستكان ويباوع وحس بيه وباوعلي ونظراته تأخذ العقل .
ـ ها كملتي
ـ اي بعد بس أمي ، أصبلك جاي
ـ لا طگيت هذا ثالث أستكان عوزي أخذ القوري وياي
ـ بالعافيه أجيبلك مي
ـ لا شربت ، أبوج خطيه تلگاني بس سلمت عليه كال عنده شغل بالكاع هو وعمج
ـ اي والله وسكتنا وأعصر بطرف عبايتي وهو ما شال عينه عني ، أحم اروح اشوف أمي
ـ براحتج
ـ مشيت سريع من ارتباكي وثولي عثرت بعتبه الباب
ـ الله الله
ـ طن فشلات اليوم تكومن عليه ها يمه وين صرتي
ـ اجيت يله نمشي باسل وين
ـ بالطرمة جنت واكفه يمه
ـ حجيتوا
ًـ يعني
ـ لاتضلين بس صافنه بوجهه احجي وياه
ـ امشي هسه بعدين أحجيلج ، مشينا وأخذ الديوجه من أمي خلاهن بالصندوك وفتح الباب لأمي ورادت تصعد ليور بس ما قبل
ـ لا خاله صعدي ليكدام هسه لو أمي وياج بيها مجال بس مو لوحدج .
عصماء ـ باوعلي وگال .
باسل ـ خوما تزعلين اذا نكعدج ليورا
عصماء ـ لا بالعكس صعدنا وطلعنا وبالطريق يسولف هو وأمي شارب هواي چاي وانطلق الحجي باسل .
" وصلنا گبل للبيت نزل الديوجه ونزلنا سلمنا عليهم وخاله هيفاء أجتي ويانا وصلنا المحل لكيت عمي سعيد موجود .
سعيد ـ يا هلا يا هلا ، هلا بنيتي هلا بابا .
عصماء ـ هلا بيك عمي سلمنا وعفتهن واكفات واني كعدت وباسل باوعلي وصفن بنظرات شگو
باسل ـ جايين نكعد ، تعاي أختاري .
ً ـ بكيفك أنت أختار
ـ لا بكيفج أنتِ شو تعاي
ـ گمت وكفت بصفه وهو يشرحلي الوزن والغرام والمثقال واني أختار وهو هم اختارلي بتوت وكال لأبوه .
ـ حجي صارن كيلوا بالعدل
ـ هذا هو أبني تدلل أنت وياها بالعافيه عليج عمي .
عصماء ـ الله يعافيك عمي
غنيه ـ حجي سعيد والله هواي أحنه ما تهمنا الماديات
باسل ـ ندري خاله ندري وأكبر دليل أول ما دخلت المحل بنتج گبل كعدت ، أجيبلج جاي عصير عيني اطلبي
عصماء ـ باســل وكلهم ضحكوا علينا وعمي سعيد أنطه هديه لأمي قطعة ذهب وأمي كوه أخذتهن منا
خجولنا بكرمهم ، طلعنا من المحل وباسل باوع على أيدي
باسل ـ وين الذهب
عصماء ـ مو عفته يمك
ـ ذهبج غير تشيلنه وياج
هيفاء ـ تستحي يا ابني أرجع جيبه يم ابوك ضل
عصماء ـ جابه وأجه وكال
باسل ـ تتعشون يمنا
ـ لا خاف نتأخر
ـ والديج
ـ شبي
ـ منو يطبخه
ـ أطبخوا أنتوا
ـ أريدج أنتِ تطبخينه
ـ خاف نتأخر عود غير مره أطبخلك طلي
ـ ما أريد زعلت
ـ بكيفك أزعل مشيت بصف أمي وهو شايل الذهب ويباوعلي وتقرب يمشي بصفي وأمي وخاله ضلن ورانا ما يشبعن سوالف دفرني بجتفي
ـ هاج ذهبج
ـ شيله أنت
ـ ليش مو أنتِ
ـ أنت مسؤول عني وعن ذهبي
ـ لا والله عوزج أشيلج هم
ـ شيل ذهبي وما عليك، گلب الوجه وعبس وصلنا السياره وطلعنا للبيت وامي وخاله يخططن على الخطوبه وأحنه ساكتين اباوعله يباوعلي اصد وجهي والعكس وكظينا الطريق هيج وصلونا وراحوا لليل تقريب ساعة ١١ دزلي رساله .
باسل ـ ذهبج نسيتي يمي
عصماء ـ اي وأذا ماكو فرق
ـ ها
ـ اي والله
ـ ماشي بالخطوبه أجيبه وياي
ـ براحتك .
ـ الديج طيب
ـ بالعافيه طبختوا
ـ لا جاي نلعب وياه وهو طبخنا
ـ ضحكت وجاوبته منو طبخه
ـ أمي طبخته ، وأحسبي حسابج كل ما اوديج لأهلج اخذ ديج
ـ تدلل
ـ شكراً على دلالك يا لطيف
ـ أبتسمت العفو
ـ يله أترخص منج الغرفه جابوها ولحد الأن ما مخلصين
ـ تمام أخذ راحتك راح الله وياه ودزلي صوره جاي يشدون بيها وشوي ودزلي صورته الشعر منفوش
ـ عريس مهلس .
ـ لا شبيك شحلاتك
ـ دزلي سمايل خجلان
ـ يله روح گمل الغرفه وبعدين تعال
ـ أن شاء الله .
ـ شويه ورجعلي
ـ أكولج عصماء
ـ ها
ـ حجزتلج عبايات من بيج على ذوقي اذا ما عجبنج ادزلج رابط على الأنستا وأدخلي أختاري وانطيهم رقمي .
ـ لا عادي هذا هو
ـ لا دخلي شوفيهن
ـ ما عندي أنستا
ـ فيس
ـ ما عندي
ـ ليش ما عندج
ـ ما مسويه
ـ أني ما سويتلج وأخواتي كالن أحتمال هي عدها
ـ لا والله ما عندي وتلفوني جان صرصور
ـ شلون يعني
ـ أي
ـ ها ، أسويلج أني
ـ لا أذا اريد أني اسوي
ـ تعرفين تسوين
ـ أي اعرف
ـ تمام يله أوصي على ذوقي
ـ أي عادي
ـ ماشي يله أني أروح
ـ روح وأني راح أنام
ـ ها تنامين
ـ أي والله تعبانه الصبح نحجي .
ـ تمام
ـ نهيت المحادثه وخليته عالشحن ونمت وضلينا فتره نفس كلامنا يوم عن يوم تطور علاقتنا بس تحكمها الحدود ...
وأسمع صوت أبويه وأمي يحجون بينهم علمودي
أسكندر ـ شگد سوالها ذهب .
غنيه ـ كيلو خير من الله .
ـ هي موافقه مرتضيه
ـ اي الحمدلله .
ـ لاتقصرين وياها
ـ لا يضل بالك وصدك يردون يسون حفله خطوبه خوما ما تقبل
ـ لا ليش ما أقبل خل يسون من حقهم الله يسعدهم
ـ أمين يارب
عصماء ـ يحجي وأني مستغربه معقوله هذا أبويه لو مبدلينه ودخلت عليه امي تضحك ها يمه
غنيه ـ كل الخير بنيتي .
ـ يمه أسالج على أبويه
ـ شبي
ـ شنـو هالتغير وهو جان محاربني
ـ لا يمه على بختج هذا أبوج هو صح عصبي وخبل مرات بس يضل ابوج وگلبه طيب وكل اب يقسي على اولاده مرات حتى الأم هم تقسي هو اني موزين عليه
واربع عشرين ساعه معارك بس من يجي الليل ويهدأ ويرتاح من تعب النهار يجيني مثل الضايع وشسويله تعودت على خبالاته .
وماكو قساوه تجي من دون سبب يا خطأ من الابناء لو من ضيم العيشه وابوج من رفض علي نجم مو يكرهج لا بس هو عرف اكو علاقه بينج وبينه وصعب يتقبلها أعذري وانسي .
عصماء ـ الله يخليكم النا
غنيه ـ ويسعدج بنيتي ويسعدج أخيتج ويوفقها يله أروح على ابوج ، نامي وأرتاحي يجوز باجر بيداء تنزل نروح نشتري ملابس لخطوبه خطيه .
ـ أن شاء الله يمه ، راحت وصفنت على التغيير الحصل بحياتنا سبحان المغير الأحوال من حالً الى حال ...
___________
ليال ـ خلصت العطله وبلش الدوام والأزعاج ونفس الروتين وطول هالفتره اروح وأجي عادي بس ما التقي بي حسيته يتجنبني نهائي ما جاي أصادفه يله دام هيج تريد كيفك أني هم عاجبتني حياتي من دونك .
مبخبوصين لخطوبة باسل قلم الحمره مالتي وينه هذا دائماً أخلي منه منو منجن مأخذته .
جنات ـ أني أخذته بس نسيته يم صديقتي
ليال ـ والله عرفت هاي سوالفج وأنتِ كلشي تنسين يوم تنسين حتى نفسج وهسه شلون هذا اللون أحبه
لقاء ـ تحبينا علينا ، دمشي شوفي جنطتي عندي نفس اللون بس غير ماركه .
ليال ـ مهم نفسه خليته وطوختها أني أعلمك الا أشعلك شغل أصبرلي كملنا وطلعنا وهما كلهم متحضرين صعدنا ويه باسل وأبويه جنت من يم الجام من مشينا هو كاعد بالصدر لان فارس يسوق باوعلي وصديت وجهي عنه ..
وصلنا وهو وأخوه فارس يحجي بعصبيه ومتقصد يسمعني
ليث ـ من أنعل أبوها لأبو الكواد الصنعها
فارس ـ شبيك يمعود منو
ـ سيارتك
ـ شبيها مثل الورد
ـ دمشي وفضني جلبت
ليال ـ ضحكت على تصرفاته ومشيت ومن عقدوا أجه هو أنكرص بس يفتر مضروب برأسه وگل شوي جايي ويباوعلي ما صبر گلب خلقته عليه نوب يسوي روحه فرحان بس عيونه ما بيهن نظرات فرح عباره عن غضب على ساعه ينفجر أنوب من هلهلت كدامه يعصر بأيده شلون وصوتي عوره وهو يغار أشتعلوا
ورجعنا البيت وهم التقينا وباوعلي بحقد تجاهلته وصلنا وثاني يوم دوامت ومن طلعت على أبو الخط هو واكف بالفرع عبرنا من يمه بس صديت وجهي عنه وصلت الجامعه والبنات يحجن بخطوبة باسل ويسألن على عصماء رادن صورتها غلست عليهن أمي ما قبلت وباسل وصانا ولا صوره تطلع واضح الأخ أنغرم وبلشت نار الغيره ..
خلص الدوام وطلعت ولكيته واكف ويدخن مثل راد يعترض طريقي عالنص وأبتعد ما أعرف ليش هالحركات
مشيت وگال .
ليث ـ حالف ما أراسلج بس أسمعج عادي ، ليال شنو هالحركات مال مزعطه!
ليال ـ عفواً
ـ لا عفواً لا سهلاً ، حركاتج التافهه من تطوخين حمرتج وتهلهين وصوتج نغمه رنانه شنو معناها لو متقصده لان تدرين بيه ما أحب هاي السوالف لو أبالج وعبالج تثيرين نار الغيره عندي .
ـ وأنت شدعوه هلكد مركز ومخلي بالك يمي وشخلي وما خلي نفسي وأني مسؤوله عنها وعندي أب وأخوان هما يحاسبوني وأنت أبن عمي على عيني وعلى رأسي بس من تشوفني مسويه شيء غلط اعترض وأمنع بس مو علمود حمره وبخطوبة أخويه .
ـ والله وطالع الج للسان
ـ من يومي عندي للسان بس أني محترمه نفسي
ً ـ أبقي بأحترامج لنفسج ولاتنزلين من عيني أكثر
ـ نزلت وصعدت ما يهمني بعد مشيت وعفته وحيل مقهوره منه شگد حقير شنو معناها هالحقاره واني الغبيه عبالي أجه ونتصالح اجه محمل حقد وسم مثله
" رجعت البيت وبصدري عبره وجنات رادت تنزل يم الأسواق عطت بيها شعندج نازله اكو اسواق يم بيتنا
جنات ـ على كيفج شگو عطتي .
ليال ـ ما جاوبتها وصلت البيت وأتصلت على لقاء وحجيت الها
لقاء ـ وي هذا مستوي ولج من قهره تلكي جاي يفور على نار هادئه
ـ ليش هيج يحقر وياي
ـ هو بالأول وضلحج غيرته بنظرات راد منج أنتِ تتنازلين وتراسيلنه وتوضحين اله وهيج تتصالحون أنتظرج شاف ماكو نتيجه أجه وسممج بالكلام ويعني يجوز متأمل تراسيلنه يعني بالمختصر ينتظرج تبادرين بالصلح
ـ لا مستحيل هو نهى العلاقه بسبب شروطه
ـ هذا هو لاتفكرين دام أنتِ ما موافقه على شروطه تعودي على غيابه وأنسي
ـ لقاء أحبه رغم حقارته وخباثته أحبه تصوري اليوم من سمعت صوته شصار بيه طگ گلبي عليه
ـ والله ليال حبيبتي أذا تحبينه تنازلي عن كرامتج ووافقي على كل شروطه وتركي كلشي ورجعليه وكابلي خلقته وشبعي منه ليش مكابلتني وتنوحين يمي .
ـ لا ما أتنازل
ـ لعد ضلي على موقفج مو بسرعه تضعفين بس شفتي وحجه وياج كلمتين سرسحتي وگلبج حن ، بابا لاتخلن الحب يتحكم بيجن أنتن تحكمن بي أضل اعلم بيجن .
ـ لا هذا هو .
ـ يله أريدج قويه
ـ أن شاء الله راحت ونفضت نفسي وأمي لاحظت عليه بس غلست ولا هي سألتني وللمغرب أجتي جنات من بيت جدي ، أنتِ شوكت تقرين تصخمين شو كاظيتها بس بيت جدي !
ـ ترى قريت أهناك
ـ وليش ما تقرين أهنا
ـ أخلص من لقاء تطلعين أنتِ ترة بيت جدي وأحب اروحلهم وبنات عمي هم يجن أنتِ شفهم منج لو رسم لو ملازمج .
ـ تهربت كالعاده وعفتها ولليل فتحت موبايلي لكيته دازلي رساله وحاذفها منذ دقيقه هذا شبي ردت أجاوبه وتذكرت لقاء ونصائحها وعفته وفتح نت بحدود نص ساعه وأني كذلك ومثل ما گالت لقاء ينتظرني أني أبادر بس مستحيل أسويها لو أعرف اجفص على گلبي
الثاني يوم رحت الدوام نفس كل يوم، وصفنت صرت أشتاق لأنتظاره ولهفته تالي صحيت من اوهامي وطلعت ست أيناس وياها ياقوت يمشن سوه! گلت يجوز عدها مشكله ما خليت بالي بس من طلعت أنصدمت شفتها واكفه ويه ليث يحجي هو وياها صديت وجهي أحتمال مشكله بس ياقوت ما گالت ولا مبين عليها ..
مشيت وهما صايرين على طريقي عبرتهم وياقوت صعدت السياره وهو هم وست أيناس صعدت سيارتها مشوا سوه وهو فر سيارته من يمي!! .
ضلت الأفكار تأكل برأسي رأسًا أجه أبالي ظن السوء لان لو أكو شيء جان عرفت الخبر ينطش بالجامعه ما ينضم راسلت غدير سألت وجان جاوبها
غدير ـ لا ما عدها اي مشكله ولو عدها جان گالتلي
ليال ـ ماشي
ـ ليش صاير شيء
ـ لا حبيبي سلامتج طفرت من المحادثه، ليش هيج سوه أكيد خباثه عود مثل ما أني أغار أنتِ هم تغارين اي ماكو غيرها .
وبيوم هوسه وتجهيزات غرفة باسل أخذ الطابق الفوك گال علمود تأخذ راحتها وأحنه ولد عمامي يجون علينا ما تتقيد هو جاهز من گلشي بس فقط رتب الداخل وبالليل جنت أغسل بالحوش ودك الجرس نزلت ثوبي وصحت منو
نائل ـ أني فتحي
ليال ـ فتحت الباب ودخل نائل وراه سجاد وأخر شيء ليث وبدخوله الكهرباء طفت هما دخلوا بس أنفاسه قريبه مني ثواني وفتح الفلاش الموبايل عيونه بعيوني كأنما كانت أخر نظره ..
مشه من يمي ودخل لزمت گلبي وبجيت خرب بيومك مشتاقتلك والله ، كملت غسل ودخلت وراهم واكفين بالصاله ويحجون وهو يدخن .
باسل ـ ليال ماي وجاي .
ليال ـ أي هسه كملته وطلعت أجه نائل اخذه مني كعدوا واني رجعت المطبخ لازمه گلبي وشفتهم صعدوا كلهم وهو ماكو طلعت لكيته يكلب بموبايله باوعلي وگبل رجعت المطبخ واجتي امي سلم عليها وصعد وراهم .
ضلوا تأخروا وثلاث مرات سويتلهم جاي ويجي نائل يأخذه وأسمع صوته وصدى يوصل لعندي رجعت لمطبخ أغسل الكوابه ونزلوا من صوت خطواتهم عالدرج وضحكهم .
باسل ـ أحسبوا حسابكم بس أني أتزوج كلكم تتزوجون
سجاد ـ أي أنت عانس ضاله بالدار وتفگ الجبسه
باسل ـ شبيكم صغار تزوجوا عمي .
سجاد ـ أني بالنسبه اليه الأ أتخرج أعفيني بس حاجي هذول الشياب نائل وليث
نائل ـ بعد ما لاكي بنت الحلال .
ليث ـ أني عن قريب أن شاء الله
سجاد ـ أهـًا أهنا الأخبار الدسمه عمي
ليال ـ يحجون وأنصدمت بكلامه وأختفى صوتهم طلعوا يعني شـنو عن قريب ...
___________________
جنات ـ من يوم تزاعلنا هو متغيير عليه وصاير يتزعل على أتفه سبب وهواي صاير يختفي خبلني وياه دزلي رساله واني بيت جدي .
عماد ـ طناكيرج وسوالفج الخايسه بطليهن مو صغيره أنتِ كليه مرحله ثانيه شوكت تعقلين وتبطلين نكدج .
ـ يا نكد تحجي عنه ترة أتفقنا نحجي أتصال وأجيت بيت جدي فجأه گلبت رأيك واتصل ترفضني اخر شيء قفلت موبايلك ومن اسألك ما تنطيني عذر واضح طبعاً احجي
ً ـ عندي شغل أني مو كل وقت كاعد ويمي زلم احاجيج وهما كاعدين .
ـ تكدر تفتح خط وأسمع صوتهم وتسد الخط وكتها ما تصير مشكله
ـ وأنتِ هيج يله تصدكين
ـ أي
ـ أذا تبقين هيج علاقتنا تفشل
ـ أنت ما تحبني لو تحبني تتحملني وتفهمني
ـ شتردين هسه
ـ أحجي وياك
ـ وين أنتِ
ـ بيت جدي وأنت
ـ طالع مكبور برة ، يله راح أتصل .
ـ أوكف خل أكوم
ـ وين جنتي لعد .
ً ـ شبيك معصب خليت سماعه وكعدت بالحديقه ها وينك وماما جواهر اشرتلي من الشباك عماد روح
ًـ وين اروح
ـ بعدين احجي وياك مرت أبويه تصيحيني
ـ خلصي وتعاي .
ـ أوك حبيبي ، قطعت الأتصال ورحتلها ها ماما
حواهر ـ وين كاعده بالحديقه وحدج والعين عليج حتى جديتج لاحظت وتسأل هالجنات ما عاجبتني .
جنات ـ كعدت بالحديقه ضوجه وجنت احجي ويه صديقاتي .
ـ عليمن تضحكين تعاي الغرفه وأحجيلي شعندج .
ـ رحت وراها ها ماما
ـ كعدي حبيبتي لاتخافين أني مو أمج وأحبج وأنتِ تحبيني
ـ اي ماما
ـ أححيلي منو هذا التحجين وياه طول الوقت وتجين من بيت أهلج يمنا
ـ منو خاله
ـ سألي نفسج منو ترى سمعتج تحجين وغلست والله سترج ونائل ما سمع الصوت بالسماعه جان ذبحج حلال
لهذا أحجيلي علمود أفهمج
ـ خاله ماكو شيء من البالج
ـ لا أكو أني مو غشيمه گتلج سمعتج تحجين
ـ نزلت رأسي
ـ الحب مو عيب كلنا حبينا أني الكدامج حبيت أبوج .
ـ أي حجيتلها وضلت صافته لاتگولين لأمي وأخواتي فدوه ماما
ـ ليش أخواتج ما يعرفن!
ـ لا محد يعرف أنتِ أول وحده
ـ هاي هي ماما وأخر وحده سرج بير بس تعاي احجيلي عنه كلشي خوش ولد ومنين أهله وشنو شغله
ـ حجيتلها عنه كلشي خاله أحبه
ـ أي حبي شكو بيها گتلج الحب مو حرام ولا عيب
ـ فدوه لكلبج ماما أخذتني بحضنها
ـ حبيبتي أني وياج وهسه أريد منج تروحين بيت أهلج ولاتخلين احد يشك بيج وديري بالج تكولين لأخواتج يكولن لأمج وامج ما تتفاهم وتخرب عليج وتعوفينه غصب وأنتِ تحبينه
ـ أي ماما
ـ هذا هو وأني وياج الا تتزوجي شتردين بعد
ـ فديتج باستني وگمت من يمها فرحانه ورجعت البيت وهوسه بيتنا هوسة عرس وأستمرت حياتي طبيعيه وبدون خوف وماما جواهر ساعدتني وتكعد تنصحني وتعلمني شلون احجي وياه وأفهمه وما اخلي يعصب ويضوج مني .
عماد ـ وين جانت مرت أبوج من زمان وتأخذ عني هالخبال
جنات ـ مو ازعل فوك ما حجيتلك.
ـ علمودج وأذا نضل هيج تالينا خراب .
ـ لا هذا هو حبيبي .
ـ أخوج شوكت يتزوج
ـ هالشهر ليش .
ـ هيج علمود أحنه وراه
ـ شوكت
ـ بس تخلصين هالسنه بالعطله اجي اخطبج
ـ أن شاء الله حبيبي ودخلت عليه لقاء
لقاء ـ عوفي هالمهجوم وكومي لبسي نروح الصالون شنو ناسيه اليوم حفلة الخطوبة .
ـ لا ما ناسيه بس بعد وکت
ـ لا وين ضل وگت كومي قوم جوج ومأجوج راحن الصالونات قبلنا واحنه أخوات العريس لحد الان .
ـ كمت لبست عبايتي وتجهزنا وطلعنا وباسل بغرفته ويصيح عليهم ودخلوا نائل وسجاد شايلين القوط صعدوا اله وشوية ودخلوا فارس وزياد وعفناهم ومشينا واكفين بالحوش منو يودينا .
لقاء ـ شمدريني بله هاي سالفه لو رايحين ويه أمي وليال مو أحسن .
جنات ـ وهسه شلون ضلينا أمي وليال منو وداهن
لقاء ـ باسل وداهن ورجع أمشي خل اشوفهم
جنات ـ راحت واني وكفت اخذت صور وحركات ورسلتهن اله ودزلي كومة قلوب أخبل مو بالله
عماد ـ تخبلين شنو أصلاً تفلشين هاي بعدج ما رايحه صالون هيج لو تروحين شلون .
جنات ـ أجتي لقاء وراها نائل عفت الموبايل ونائل خزرني وخفت منه وكال
نائل ـ أمشي العوجه .
جنات ـ طلعنا الصالون وكملنا ورجعنا نائل اجه أخذنا ولكيناهم جاهزين وباسل كاشخ ومتوتر ويضب بالرباط
ليث ـ هذا راح ينتحر بالرباط عوفه يمعود بس تعدل بي لاتخاف راضيه بجهرتك .
باسل ـ ليث خليني محترمك ها
نائل ـ يله أمشوا أمي خابرتني خبصتني والله شالعه گلبي وما اتزوج من وراها .
ليث ـ مشكلتك ما الها علاج وحيد أمك أتحمل .
جنات ـ وطلعنا لبيت أهل العروس واصور كلشي وصلنا امي مجهزه كوشه وكلشي من احسنه والعروس تخبل وكل أقاربنا موجودات ودخل باسل وگف بصفها وفقرة الكيك والصور ولبسها الذهب وأخذت صور اني وأخواتي وبلشت فقرة الرقص كل اقاربنا يرقصن وسحبت نفسي منهن وگفت بالمطبخ أريد ادزله صور بالغلط حددت صورة لقاء بصفي ورسلتها وأول ما وصلت يله أنتبهت .
عماد ـ منو هاي الحلوه !!
شكرا لزيارتكم عالم روايات سكيرهوم
