رواية انتقامي الفصل العاشر بقلم جمانه السعيدي
شاهين.... شهر وهي تدز رسايل ومسجات
وصور بنتي قررت ارد عليها بس بطريقتي
اول شي اشتريت رقم كلك حتى إذا صار شي ماتكدر تثبت اي شي عليه
خليت بي سيم كارت
دزيت رساله
صورة بنتي وكتبت مشتاقلها اني فعلا مشتاق البنتي
واريد اموت واشوفها
نزلت برنامج حفظ المكالمات والرسايل
منى...هااا حبيبي
هذا رقم جديد
شاهين...اي رقم جديد
منى...عرفتك تحبني ومراح تتخلى عني
شاهين....انتي تخليتني عني
منى....غلطه وبعد ما تتكرر اسفه اني ابد ماحبيت اي احد غيرك صدكني انت كدرت بهدوءك وعقلك
تحتويني
شاهين...تعرفين اني قبل مااعرف الحب ولا مجربه
بس من دخلتي حياتي عرفت شنو يعني الحب
بس صدمتني
منى...مجرد غيره غيرة نسوان
احنا لازم نرجع اني عايشه بجحيم من بعدك
شاهين...اهلي مراح يقبلون
منى...نطلع من اهلك
شاهين...ومنيبن نصرف هاي الطفله محتاجه حليب حفاضات وروحه للطبيب
ومصرف واكل وايجار
تعرفين ابوي جاي يدفع النفقه اذا اطلع احتاج فلوس
منى....اني ادبرلك
شاهين...مو حسبت ١٠٠ او ميتين لو مليون لازم افتح مشروع خاص بيه حتى اكون مسؤل عن نفسي
اكدر اطلع ادفع إيجار ومصرف
ومااكون محتاج الاهلي
منى...اني بديت استلم راتب
شاهين....اي شكد.يعني يمكن حتى إيجار ما يكفي
منى...ندبر نفسنا شلون مجان
شاهين...لا لو ابدي صح لو اكعد واسكت تردين اضحكين العالم عليه
الناس راح تشمت بيه عاف اهله ورجع الطليقته
وهسه يجدي ماعنده فلوس
منى...ياا اسم الله لا انشاء الله مادام اني بضهرك مراح نحتاج شي
شاهين...الحجي شي والفعل شي ثاني
اني مو شخص عادي يريد يطلع من بيت اهله
اني واحد مطلك زوجته بلمحاكم بعد سنه كامله من المشاكل والمنطقه كلها تحجي بهاي المشكله
جمانه السعيدي
منى...لعد شلون نبقى هيج كل واحد بمكان
شاهين...اصبري منا لمن اكدر افتح مشروع واوكف على حيلي الله اعلم شكد ايجوز سنه سنتين
منى...يااا سنتين
شاهين...ايجوز اكثر
منى...اطلب من ابوك فلوس تفتح بيهن مشروع
شاهين...تعرفين ابوي صارف شكد على المحاكم وعلى طلاكنا تعرفين جاي يدفع نفقه
ترا مو معقول اكوله يله تعال افتحلي مشروع
هسه ابسط مشروع يعني ابسط شي
يريد خمسين مليون
يعني هذا مشروع ضعيف كلش
اي مكان تفتح بي مشروع لازم تدفع إيجار وتشتغل ديكور
وجيب بضاعه
حتى خمسين مليون ما يكفن ابسط ديكور محل هسه ٢٥ مليون والايجار ولازم اجيب بضاعه
شاهين...يمكن اني اتأخر عليج هواي
لان حاليا مستحيل اكدر افتح حلكي واحجي ويا ابوي
منى...زين اني عندي ذهب نبيعه وافتح بي مشروع
شاهين...شكد يجيب يكتل نفسه ١٠ لو ١٢ مليون
مو جاي احجيلج على ١٠٠ مليون
اصبري ياعيني اصبري عليه هسه لوما ندفع نفقه
شويه بيها مجال
بس هاي النفقه اجتني صفح
منى...اروح أوقف النفقه بلمحكمه
شاهين...واهلج
منى...بدون مايعرفون همه شمدريهم
شاهين..حتلو وقفتي النفقه هم نحتاج اقل شي سنه يله اوكف على حيلي
منى...اني وياك لا تخاف راح اضم النفقه اجمعها على راتبي واخلي اهلي يصرفون عليه
جمانه السعيدي
شاهين...ولله شلون مااشوف انتي كلبج طيب
وكلشي صار ويانا عبالك مدبر
يمكن اكو ناس جانت حاسده هاي العلاقه يمكن اكو عمل
حتى نفترق اني وياج
منى...اي ولله اني هواي ناس تكرهني اكيد بنات عمي هنا الي سولي عمل
هنا من زمان يكرهني ومن ازوجت اتخبلن
يكولن شلون حصلت واحد مثل هذا
وشلون ناسبتو هاي العائله ولله عدها حظ اكيد هنا الي
سولي عمل حتى انفصل
هنا يكرهني من زمان
شاهين...كلت بكلبي ماحافظتي على نعمتج
شو انكلبتي علينا طنطل
اريد اطلب منج شي
منى...عيوني الك اني بعد ما لكيتك مستحيل اعوفك اضيع مني مره ثانيه
شاهين...لا تحجين كدام اي احد احنا رجعنا نحجي سوه
امج وخالتج مستحيل يسكتون وكل عزيز عنده عزيز
وهيج راح تنكشف خطتنا
اهلي اذا عرفو يطردوني بلشارع
وكلشي مااحصل
اسكتي منا لمن ندبر نفسنا كون نجهز كلشي
نفجر المفاجئه ونطلع بعد حتلو يحجون مالنا شغل بيهم
منى....لا مراح احجي ابد
اني هم اريد نخلص كلشي بسريه تامه خايفه بنات عمي
يخربون عليه
شاهين....هذا الخط محد يعرف بي آتواصل وياج
من اكون وحدي
كمت كلما افرغ ادزلها رساله واتضلم واكلها مشتاقلج
بعدها بشهر تقريبا صديقي فاجئني
...انت جاي تتواصل ويا زوجتك
شاهين...لا ليش
...لان امها تكول شاهين يتواصل وياها ويريد يرجعها بس اهله ما يقبلون
شاهين...ماكو هيج شي اجذب بلحلم آتواصل وياها
لو ارجعلها
يطلعن دعايه من فشلتهن
ضجت من سمعت صديقي هيج يحجي اني مااريد احديعرف اني جاي اتواصل وياها
صح اني مااثق بيها بس هم لازم احذرها
بقيت يومين ادز رسايل واني ماارد عليها خليتها استوت كلش جمانه السعيدي
شاهين...خير شكوووو
منى...ياا ليش هيج تحجي وياي
شاهين...اسئلي نفسج بعدنا بلبدايه كتلج لا تحجين
منى...واني ما حجيت
شاهين...امج تمشي بلمدرسه وتكول شاهين جاي يتواصل وياها ويريد يرجعها وأهله مايقبلون
هسه اذا سمعو اهلي شلون شراح اكول
صدكي اذا عرفو اهلي اكطع علاقتي بيج
منى...ترا هذا كلام امي تحاول ترد اعتبارنا اني ابد ماحجيت اي شي كدامها
هي تمشي وتحجي من كيفها
شاهين...سكتيها فهميها تسكت لان اني وياج حياتنا
واكفه على شعره
واحتمال امج تكطع هاي الشعره
خليج ذكيه وخطواتج مدروسه
اذا تردين نرجع البعض بأسرع وقت ممكن
منى...لاتزعل حبيبي تعرف ذني اليومين اجيت اتخبل
اني مااكدر ابقى هلكد مااحجي وياك
شنو رائيك نلتقي وحتى تشوف بنتك
شاهين...بس يشوفنا احد راح يحجي الابوي وتصير مشكله
منى..مكان بعيد محد يشوفنا حتلو عشر دقايق
شاهين...اشوف وارجعلج خبر
فعلا حددناومكان بعيد وهي اجت لا بسه بوشيه
اني ماكان همي وجودها بس ردت اشوف بنتي
كلبي طك عليها
بقينا نص ساعه صرت بيهن عاشك ولهان ومتيم عليها
واتمنى اليوم الي نرجع بي اني وياها
لازم اصدكني حتى تنفذ اي شي اطلبه منها
بعد ست اشهر من مكالمات ورسايل بينا
غبت عنها يومين وهي تخبلت يمكن خمسين مسج دزت
و٢٠ مكالمه
من شفتها هيج مخبوصه عليه
كلت سبحان الله قبل فتره كانت تحجي عليه وواكفه بلمحكمه ضدي وهسه عبالك عشاك
كاتله نفسها عليه
اكبر هم عدها نرجع البعض لان كل أقاربها شامتين بيها
خاصتا بعد ماصارت سمعتها زفت
تريدنا نرجع بكل طريقه
ومستعده تدفع اي شي حتى نرجع
بس حتى تغث كرايبها وتكول اني مابيه شي
وهذا زوجي تندم ورجعلي
المهم بعد يومين من القطيعه
حاجيته بصوت حزين
منى...شبيك حبيبي
شاهين.. امي تكول ازوج انت لا اول ولا اخر واحد يطلك
منى...لا شنو تزوج عود صدك وتعوفني
شاهين...شلون اعوفج اني مريض تعبان بس افكر بيج
شلون اعوف زوجتي وبنتي
منى... كلها اني مااريد ازوج
شاهين...هي وابوي وخواني وخواتي شلون
ماعندي عذر
منى...لا طبعا عندك عذر كلها بعدني ماطلعت من صدمت زواجي الاول
شاهين....صار يومين يلحون عليه بشكل مومعقول
منى...لا عفيه لا تعوفني
شاهين...المشكله اني ماعندي حل
لو عندي فلوس حان طلعت منهم حتى ماخليهم يعرفون مكاني وين بس العين بصيره واليد كصيره
منى...اني مسويه سلفه خمسه مليون وذهبي يجيب ١٣ مليون يصيرن ١٨ اطلب امي فلوس النفقه بيهن مليونيين
يصير عدنا عشرين مليون
نطلع ندبر نفسنا بيهن فتره بلكت تحصل شغل
شاهين....انتي شافيتني كدامج طفل شنو عشرين مليون
وين اخليهن شسوي بيهن
منى...ذني عندي بس
شاهين....مااعرف اني وياج ليش الزمن والدنيا علينا
منيين مااجيبها تنقفل
منى...ارفض هذا الزواج قابل انت بنيه
شاهين... اهلي يشوفوني حزين يكولون بس تزوج
ينعدل حالك
منى...شبي حالك تخبل
شاهين...لازم نلكه حل بأسرع وقت ممكن
لازم نشوف حل
منى...ولله ماادري شنو الحل اي شي بس ممنوع تزوج
انت اليه ومحد ياخذك غيري فهمت لو لا
شاهين...راح احاول ويا ابوي اكله بمكان ما تزوجني
افتحلي مشروع خاص بيه
منى...اي خوش فكره بلكت الله يهدي
شاهين.. ادعي ابوي يقبل حتى نخلص من هاي المحنه
وننجمع سو اني وياج بيت وحدنا
نعيش بسلام بدون مشاكل وقيل وقال
منى..
شكرا لزيارتكم عالم روايات سكيرهوم
