رواية انتقامي الفصل الحادي عشر بقلم جمانه السعيدي
شاهين...اني ماكذبت فعلا امي تلح عليه تريدني ازوج
تكول ما تطلع من هاي الحاله اله تزوج
يكول المثل زوج المزوج وعوف الاعزب
لان المزوج تعود على أجواء الزواج وراح يحس بفراغ
اذا عافته زوجته
اما الاعزب متعود على العزوبيه
امي قررت ادورلي عروس بس هلمره حالف
ادور وراها السابع جد وانبش اهل اهلها
على هاي المصيبه الي طحت بيها
من مصلحتي منى تعرف امي جاي ادورلي عروس
هذا الشي يخليها تتصرف بدون وعي
لان تخاف اضيع منها
ماتعرف اني ضعت منها من زمان
من قررت تستغفلني وتحجي وياا واحد ثاني من وراي
رغم اني جنت اثق بيها ثقه مالها حدود
المهم امي نشرت خبر تريدلي عروس
هلمره ابوي سمحلها تطلع ودور زين مو مثل ذيج المره
الخبر وصل المنى وامها عن طريق المدرسه
لان اكو بنات جيرانه يداومن بلمدرسه وامي راحت تخطب منهم
اني عفت امي ادور براحتها
لان هاي الخطوه راح تجي من صالحي
لكيت منى حاركه التليفون
طبعا التليفون الي احجي وياها بي مااخذه وياي الاي مكان
عايفه بغرفتي فوك
بس من اصعد انام اتراسل وياها
المهم لكيتها متخبله
منى...شاهين رد عليه لا تخبلني امك جايةادور عروس
شاهين. .على كيفج ترا اني كتلج اهلي يردون يزوجوني
منى...لا شاهين لا فدوه
لاتضيع بتك اكيد راح اضيع من وراك
شاهين...كلت بكلبي اضيع من وراي لو من وراج انتي الي ضيعتي هاي العائله ولازم تدفعين الثمن غالي
شاهين...اني تعرفيني حجايتي وحده
وكتلج امي جاي ادورلي عروس يعني ما غشيتج
منى..النوب ادور من طالباتي تريد ازوجك وحده زعطوطه
شنو تكعد تربيها على ايدك شاهين انتبه امك تريد توكعك بمصيبه
دير بالك تاخذ كلامها
اكيد امك تريد تحرك كلبي ليش من طالباتي بلذات
ياربي امك شكد ضالمه وماكو اي رحمه بكلبها
شاهين...اكيد مراح امشي وراها اني كل همي افتح مشروع
واشتغل وساعته محد راح يفرض رائيه عليه
منى...شلون ياربي منيين اجيبلك فلوس مو راح اتخبل من وراك ورا اهلك جمانه السعيدي
شاهين...اصبري علمودي حبيبتي اكيد راح نلكه حل
مستحيل نبقى هيج
شاهين...منى من سمعت امي ادورلي عروس طار برج من عقلها كامت تتصرف بخبال
تلبس ملابس نوم وتكول افتح كامره
لو ادزلي صورها وهي شبه عاريه مو كتلكم تخبلت
على اساس تغريني حتى مااباوع الاي وحد غيرها
حفظت الصور كلهن
اكيد راح يفدني من اضرب ضربتي الاخيره
كل ليله تحضر نفسها وتكول افتح كامره
اني كلشي مسجله عندي
المصيبه هي الي تطلب افتح كامرا وهي الي تتصرف تصرفات
غبيه
متوقعه من اشوفها هيج راح اتخربط
وبعد مااكدر واني من اشوفها تتصرف هيج تلعب نفسي منها كل يوم اكتشف بيها شي جديد يخليني اكرها اكثر
واكثر
كلشي جاي تسوي ينحسب ضدها
بس هي مطمنه من جهتي لان تعرفني ومعاشرتني
ومتاكد اني مستحيل اخونها
ماتدري شاهين القديم مات
ونولد واحد جديد يكرها ويكره اي شي من جهتها
المصيبه ما وكفت هنا من سمعت اهلي يدورن عروس
كامت تطلب مني اشوف مكان واختلي بيها
صدك جذب طبعا اني رفضت رفض قطعي
مستحيل أقرب عليها هي حرمت عليه واني نفسي
ماتريدها جمانه السعيدي
منى...باع شاهين اهلي باجر يرحون للزياره كلهم
ومحديبقى بلببت بس اني شنو رائيك تجي نخلص اليوم سوا
شاهين.. اكيد لا اني مراح اسوي هيج شي
انتي محرمه عليه اني اريدج بس بلحلال لمن أعقد عليج
اخذج ونروح مكان حلووو
انتي تختاري ونبقى شهر كامل هناك
احنا من ازوجنا اول مره ماسوينا شهر عسل
هلمره اريد اشرد اني وياج واحسب ٣٠ يوم يله ارجع
اعدهن يوم يوم وبلمكان الي انتي تكولين علي
منى...يمن فدوه تروحلك منى وأهلها
امي مستمره ادور عروس
واني مستمر اهدي بمنى واطمنها راح نبقى سوه
طبعا هي من وراي تشمشم اخبار
تريد تعرف امي لكت عروس لو بعدها
كل يوم وكالت امك رايحه البيت فلان امك خاطبه من بيت فلان منيين اجيب هاي الاخبار مااعرف
بس ولله حقيقتا البنات الي جاي ينعرض عليه
كل وحده احسن من الثانيه وكلهن من احسن العوائل
وبنات مامزوجات سابقا
بس اني اريد اخذ حقي بلاول بعدين افكر بلزواج
وهنا ابو منى بعد سنه من طلاكها وبعد ماا دز علينا
شكد ناس وتوسل بينا وقدم تنازلات
واحنا رفضنا اتأكد ماكو فايد بنته ترجع مره ثانيه زوجه الشاهين وهنا مستحيل يعيش بعد فضيحة منى
مايعرف هي لاعبه لعب من ورا
وتحجي وياي وكله صوره وصوت
كان عارض بيتهم للبيع وصل مبلغ محترم
١٧٠ مليون لان بناء حديث ومنطقه حلوه
يعتبر أغلى بيت انباع بذاك الوكت
من ابوها جاب الفلوس للبيت وشافتهن تحركت غريزه
البوك داخلها
فكرت تبوك الفلوس وتنطيهن الشاهين
يفتح بيهن مشروع ويرجعها زوجه اله
اما اهلها ابوها وامها واخوها موضفين عادي يسكنون بيت اجار منا لمن يكونون نفسهم
ويرجعون يشترون قطعة ارض ويبنون من جديد
جمانه السعيدي
شاهين...حقيقتا اني كنت اتمنى تاخذ فلوس من اهلها
تبوك منهم حتى يعرفون شنو معنى واحد.يروح تعبه
وتنوخذ فلوسه يروح تعبه الناس ما تستاهل
كل عمرهم يشعجون منى على البوك
ويتسترون عليها ويدافعون عنها بشراسه
والا ابوها شلون عرف الفلوس الي نوخذت من بيتنا ٥٠٠
شنو جان يحسب وراها
اكيد يعرفون بتهم وحده حقيره لان هي تربيتهم
شاهين...اني جنت منتضر منى تاخذ ذهب امها
تاخذ مبلغ من ابوها وكون مبلغ محترم
بس مال تاخذ فلوس البيت واتقرر تنطينياهن
هاي ابد مااجت على بالي
اني ماعليه حرام اني لا جبرتها ولا كتلها بوكي فلوس اهلج
المهم فاجئني وهي تتصل عليه
اتصال من الحماس ماتكدر تكتب
منى...لكيت الحل الي راح يحقق احلامنابسرعة البرق
شاهين....(كلشي توقعت بس هذا الكلام مااجا على بالي)
فعلا الي يزرع يحصد
....شنو الحل يالله تبشرين بخير
منى.. انت مو تكول ١٠٠ مليون يخلصنا من هذا الوضع كله
شاهين...اي وبعدين
منى...اني راح انطيك ١٠٠ مليون وانطيك فوكهن
ذهبي وفلوسي يعني مو ١٠٠ مليون
لا ١٢٠ مليون ويا فلوسي والذهب شنو رائيك
شاهين....شنو جاي تتحلمين حبيبتي اكعدي خاف نايمه
منى...لا ولله كاعده ومصحصحه و١٠٠ على ١٠٠
شاهين .شلون بله فيدني ياعبقرية زمانج لازم تشتغلين بعصابه من وراي
منى...لا اهلي باعو البيت
شاهين. وخير انشاء الله هذا مو خوش خبر
اذا اتتقلتو الغير منطقه راح يصعب عليه اشوفج واشوف بنتي هذا موخوش خبر
منى...لا اسمعني قبل لا تحجي
اهلي باعو الييت ١٧٠ مليون اني راح اخذ ١٠٠ واخلي عليهن فلوسي والذهب
انطيك اياهن تفتح مشروعك وترجعني على ذمتك
شاهين ...( اعرف انتم مستغربين من منى اني هم مستغرب منها بس هذا تصرفها لان هي متاكده اني مستحيل اخونها
ومستحيل اغدر بيها هي معاشرتني وتعرفني
بس اني هلمره قررت اغدرها مثل ماغدرتني
جانت عايشه بخيري وتضحك عليه وتتئامر على اهلي )
شاهين...لا مستحيل مااقبل شلون اخذ فلوس اهلج
منى...لا تاخذهن اني اكلك اخذهن اهلي عدهم ٣ رواتب
بلبيت يكدرون خلال كم سنه يبنون بيت احسن من هذا البيت
شاهين...شلون تاخذيهن
منى..مالك شغل باجر من يطلعون اخذ المفتاح
واطلع الفلوس وانطيك
شاهين...وشراح تكولين الاهلج
منى...اكول الباب الخارجي بقى مفتوح واني نمت
سمعت صوت كعدت لكيت واحد.بيتنا من شافني انهزم
راسا اجيت لكيت الفلوس ماكوووو
ساهين.. بس انتي كلتي ١٧٠ مو ١٠٠
منى... مو السبعين ابوي اخذهن يدفع مقدمه بيت ثاني
ذاك البيت ناقصه كم شغله جاي يصبغون ويعدلون بي
من يكمل ابوي ياخذ الهم ١٠٠ ويسجلون البيت باسمه
هااا شلوني
شاهين...وبعدين
منى..ماكو تفتح مشروعك وجيب مشيه وتجي الاهلي
ونرجع نزوج حتلو مااجيب اهلك ميخالف
كم واحد من أصدقائك يكفون
وساعته اطلع ايدي بايدك واني رافعه خشمي كدام الناس
هااا شكلت
شاهين...مستحيل هاي شلون تخططين
منى...لعد شعبالك اني ابد مو هينه
خلي هذا التليفون بجيبك من اتصل عليك تجي للباب
وتأخذ الفلوس وتروح جمانه السعيدي
شاهين.. مااكدر بابكم بي كامره ابوج بس يشوفني
يتهمني اني أخذت الفلوس تردين تلبسيني مصيبه
منى...خلاص لا تشيل هم اني اجيبهم الك بس انت كول وين راح تكون
شاهين...انتي متأكده تردين تاخذين فلوس البيت من اهلج
منى..هاي شبيك هذا انسب حل الحالتنا
وأهلي مستحيل يشكون بيه ولا يتوقعون اني اليه ايد بهذا الموضوع
شاهين.. تمام انتضر منج مكالمه وساعته اكلج اني وين انتضرج
ثاني يوم الساعه تسعه اجاني اتصال منها كالت حضرت الفلوس اهلي كلهم طلعو وزوجت اخوي اخذت ابنها تلقحه هاي انسب فرصه
شاهين تمام سجلت مكالمتها
وحددت المكان الي اني واكف بي بسيارتي
صورتها من اجت شايله الجنطه
وثبتت تليفون ثاني يصور بلسياره
فتحت باب السياره
منى ...هلو حبيبي
شاهين.. هلو
منى...ذني الفلوس كاملات
شاهين. تمام انتضري مني مكالمه
منى ...تمام خل ارجع بسرعه قبل لا يرجعون اهلي
ويشكون بيه
شاهين....كلشي ثبته عندي صوره وصوت بدون ماتعرف
شلون حكمه تبوك اهلها منى اخذت فلوس اهلها
الناس الي ربوها لدغتهم
ولله يستاهلون بيه الخير
خل اشوف شلون راح يتصرفون وشراح يكولون
شكرا لزيارتكم عالم روايات سكيرهوم
