رواية بنات سهر الفصل العاشر بقلم فراقد حسن علي
أختي أحبك بحجم نقاؤك وصفاؤك
بحجم تلك المشكلات التي تذهبيها عني
احبك بحجم تلك الابتسامة التي ترسميها
على وجهي حين حزني
أللهم أحفظلي أخواتي وأخوات ألناس أجمعين
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
أساور/ من عقدت بيت عمنا حاتم
وهم نفس صيغة عقد مسرة
وهم مهري المقدم ٣ مليون
وألمؤخر ٣ مليون
بس أني ما طلعت عليه
اول شي أستحي من عنده
وثاني شي أخجل من بيت خالتي أكعد وياه
واسولف ،،عيب من منتصر وهمام
عاد هو بقى كاعد بالصالة يم الولد
وتعشه وراح
7 ت
سهى ولمى وحتى خالتي بقن يلومن بيه
ليش ما رحتي وليش ما شفتي شيريد منج
واني بس أكلهن / أستحي من عنده
وهن لطشن يكولون /ليش تستحين وبعد صار رجلج
6 ت
عدت الايام بس تمشي علينا بثكل
يعني كلشي غريب علينا
وناس ما نعرف أطباعهم
صح من رجعنا بيت منتصر محد ضوجنه
بس أني شخصياً أحس نفسي ثكيله عليهم
والله كمت أذب نفسي على شغل البيت
اكول حتى ماتضوج خالتي لو لمى
وهن أمانه الله ما يرضن نشتغل لو نتعب
بس بعد الواحد من يبقى ياخذ على نفسه
حتى النظره العاديه يحسبلها الف حساب
8 ت
كالت/ عيب هيج تحجين هذا رجلج
احترامه من احترامج ممنوع تحجين عليه
لو تنطين بي كدام كائن من يكون
عاد خليت وسكتت
3 ت
ومشت الايام وكل المر علينا بجهه
وسوار بجهه
خبلتنا أني ومسره حرنا وياها
عزلت روحها ، وبس تبجي
ومتقبل تاكل ،
وتنام عكسنا وتكعد عكسنا
وتخاف وتكوم ترجف بس تسمع بااسم طارق
هو اصلا ماموجود ملتحق بالعسكريه
بس يخابر على خالتي مجرد مايكولون طارق اتصل
هي تنهزم وتختل بالغرفة
شكد خالتي ولمى يحجن وياها
ماتسمع منهن الحجي
تكول عليه / وحش يخوفني مااحبه
10 ت
هنا مر على وجودنا بيت منتصر
بعد ما عقدنا أسبوعين تقريبا او أكثر
منتصر حاير بروحه صحته تعبانه
خطيه صدره متنك وهوايه يكح
بلعومه ينشحط من الكحة
وهو بطبعه يتخبل من مراجعة الطبيب
وشرب العلاج،،
والله فعلة خالتي بهرتني بيها
من الصبح راحت هي وهمام للسوك
وهي بالكوه تمشي ،
وجابت اشكال الوان المسواك
ومن رجعت لمى محضره كم قطعة هدوم نظيفة
من هدومها ، وهدوم حسين مغسولات ومعطرات
وخلتهن بجنطة ،
وخالتي خلت فلوس بظرف وراحت على هاي المراة
تكول / هاي أخيتي أعرفها لايوم ولا أمس
وتعرف سري وأعرف سرها
أروح أشوفها كلبي أكلني عليها
مو من عوايدها تتمرض وتنام بالفراش
عاد مسرة حاجت لمى كالتلها / أحنا نتعاون
ونكمل شكو شغل بالبيت ما مرتب
2
لمى كالت / والله تسون عليه فضل
صح راح نتعب بس الله شاهد
وهسة تشوفن الخطار راح يربع عدنه شهر واكثر
هوايه عدنا اقرباء واصدقاء ومعارف
بس يسمعون بمنتصر مسوي عمليه
يبدون يتوافدون علينا
شنو هلكنا من التعب شمرنا كل الزوالي البيت
بره بالطرمة
ونزلنا من المخزن الفوك زوالي جديدة
ونغسل الكاع ونمسح ونرجع نفرش الجديد
والتخم نتكابل عليه كل ثلاثه ونشيل الكرسي
نطلعه بالطرمه ومن نخلص شغل نرجعه
ما عدة مسح وتلميع الاثاث والتحفيات والانتيكات
وكعت أيدينا من الشغل والجلف والتلميع
وأحنا نشتغل بيداء وفاء
وحدة ترفع وحدة تكبس
بالشقه والضحك والحجي العيب
يمه شكد يكولن كلام فشار
هن متزوجات واخذهن الواهس بالشقة
اني كتلهن/ أستحي اسمع هيج حجي
2
هن خربن من الضحك وفاء كالتلي/
لج داده بعده مازن محترم اخلاقج
ومافسدج لحد هسه
شعجب الله هادي وصاير عاقل
9
لمى تكلها / الله يعينه على ما بلاه
ولجن تستحي ماتكعد يمه ،
واذا كعدنا كل أحنه سويه
يبقن لابسات الربطة والإسلامية والجواريب
هو ومنتصر مساكين حتى شوفه شريعة ماكو
والله لو أني منهم فلا أشتري سمج بالماي
بيداء كالت وهي تسحل بالزوليه هي وفاء
يردن يفرشن الاستقبال / مسره بروح أمج
انتي صدك متزوجة
وأرمله ؟؟
2 ت
جاوبتها مسره وهي مدنكه تمسح بالكاع
وتنشف بالصالة/ اي والله متزوجة
وماكو مدة صغيره وترملت
بيداء عافت الزوليه وأجت تركض على مسره
وكالتلها / بروح أمج سؤال
يعني انتي بنيه لو لا ؟؟
1 ت
اهنا أجت لمى وفاء وكفن بصف بيداء
ومسره بعدها مدنكة تمسح كالتلها / عمه والله متزوجة
وارمله ، لا مو بنيه
6
لمى جرت وصله المسح من ايد مسره
وكالت/ شو تعالن نكعد والله كتلنا التعب
كعدنا كلنا بالكاع
وهي لمى جابت سماور الجاي
ونستله وكيك هذا مال محل المغلف
وكالت لسوار / دكومي حبابة من رحت فدوة الهاي العيون جيبي صينيه أكواب الجاي على الميز عفتها
خلينه نكعد كعدة مريحة وندك فج ونسولف شويه
قبل لا تجي فطوم خاتون وطشر كعدتنا الحلوه
ومن راحت سوار للمطبخ هي كالت / اني متقصده
اسخرها منا وهيج نخليها تشتغل وتفتر ويانه
وتلتهي أحسن ما تنعزل وحدها
ورجعت سوار بيدها صينيه وكعدنا كلنا
نشرب جاي وناكل نستله وكيك
رجعت بيداء سالت مسرة / ولج بس كليلي
صارت دخله وعرستي
لو بس عقد محكمة وسيد ؟؟
3 ت
مسره ضحكت كالتلها / عمه ليش متصدكين
والله عرست وزفة ودخله
بس رمنلي القدر من وكت
وتوفى زوجي ألله يرحمه بساع بساع وراح من أيدي
3 ت
كالتلها/ عمج حاتم يكول عليج بنيه
وحتى منتصر بقى دايخ ومسطور
وهو تراهن ويه منتصر انتي بنيه مو أرمله أفتهمتي قصدي مو ؟؟
12 ت
أني صفنت على حجيهن كاعد أسمع كلمات غربيه
وأستحي اسألهن خاف يضحكن عليه
عاد بقيت ساكته وأسمع
شو هي بيداء ولمى وفاء خربن من الضحك
ولمى كالت / ولج عمج حاتم ذيب لا والله واوي
شكو وكر مال نسوان تلكي خاتل بي هو وطارق
واحدهم يموع بس مراه تكله هلو
16 ت
بيداء كالت / شوفي هاي
ولج حاتم يعرف المراة من مشيتها
اذا جايتها الدوره لو لا
ويعرف هي بنيه لو متزوجة
واذا جايبه وعدها جهال
يعرف جايبتهم عمليه لو ولاده طبيعيه
35 ت
بقينا أني ومسره وحدة تباوع بوجه الثانيه
عاد اني سالتها / عمه شلون يعرف
هي ضحكت وكالت / ولجن من خيبت حضي
اخذت رجال من البيضة هو معاشر النسوان
ولج ما تفوته فايته كلشي يعرف
الله وكيلجن اذا فاتت وحدة من يمه
وملابسه جواريب بس يشوف جعب رجلها
يكول هاي تسوه المهر يندفعلها لو لا !!
11 ت
رجعت سألتها مستغربه / يعني شنو مافتهمت
شعلي جعب رجلها بمهرها ؟؟
هم كامن يضحكن على سؤالي
جاوبتني بيداء جواب احرجني
كالت / عود من تعرسين سألي مازن
هو يربطلج جعب رجل المراه بمهرها !!!
عاد وفاء كالت وهي تضحك/ ولجن
بس هاي خبرته تفيد ،
ما تذكرن من عرس أحميد ابن عمي شامل
ومادبرها وطلع من غرفته وكال على مرته/ مو بنيه
وحاتم سطره براشدي كاله / انت أغم ومو نجر
والبنيه بت بيت وشريفه لا تتهمها باطل
وصارت هوسه وحاتم بقى يدافع للبنيه
لحد مااخذوها بيت عمي للطبيبه وطلعت بنيه
بس أحميد فاهي ما دبرها وأتهمها
وهنا عمامي ولدهم لعبوا بي طوبه
وحاتم كاللهم/ اني من البداية كتلكم
هو أغم بس محد سمع كلامي
15 ت
عاد بيداء كالت / ولجن رجلي واعرفة
لا تعلمني بي ، مربي النسوان على ايده
يكول اني اعرف الوحدة اكثر من نفسها
ولجن اذا وحدة حجت وياه
من طريقة حجيها واسلوبها
يكول هاي فقيره لو حياله
لو زينه لو مو خوش ادميه
مسره ضحكت وكالتلها / حرامات هلمره يخسر الرهان
والله متزوجة وارمله ورجلي واصلني
وزواجي تام
وهاي خواتي وسألنهن شكد بقيت بيت عيالي
من وره وفاة زوجي
الا خلصت العدة يمهم يلا رجعت لبيت اهلي
كالوا خاف حامل
بس بعد الله مارزقني
اني سالت بيداء/ عمه انتي ما تضوجين
لان عمو حاتم يحب النسوان غيرج
خطيه هي حجت بحسرة وكالت / ليش مااضوج
قابل اني مو من البشر ،
بس والله تعبت وياه
ما خليت لا صبغ ولا ميش
ولا مكياج ، ولا لبس ،ولا اهتمام ، ولا دلع
ماخليت حرت شسويله وما يتوب من النسوان
بس اني مااكدر شي مو بيدي
بيه مرض يمشي بدمي أسمه النسوان
اتنفس هواء أسمه النسوان
مراه وحدة ما تكفيني
وحتى لو أتزوج غيرج ثلاثه
هم نفسي ما تكتفي بيجن
36 ت
ليش تضوجيني وتخنكيني خليني بالبيت بس الج
لا تعمين على روحج واتزوج عليج وتجيج ضره
وتموتين من الغيره والقهر ،
خليني بالبيت بس الج ماكو ثانية تشارك
ومن اطلع بره مالج علاقة بيه وين مااروح مالج دخل
واذا اقصر وياج بهذاك الوكت الج حق بكلشي تسوي
8 ت
عاد خضعت للمكتوب عليه
وهم كلش تعبت كلت على شنو اكل بروحي
وبعد صار عندي جهال
وهو أمانه الله ابد ما مقصر عليه لو على الجهال بشي
موفرلنا كلشي نحتاجه بهاي الدنيا
وحتى من يجيني شوكت ما هو راد
لو أني بينتله احتياجي اله
ابد ما يحسسني هو معاشر غيري
كانما بس اني بحياته يتقربلي بكل لهفة وشوك
وابد ما يتخابر لو يتواعد كدامي
كل سوالفه من يطلع بره لو بالدوام
بالبيت يتفرغ بس اليه وللجهال
17 ت
عاد بطلت من سالفه وين جنت وين رايح
مالي دخل بي
هو ارتاح
واني هم تعلمت أطنش و أريح راسي
لان ابو طبع ما يبدل طبعة
وفاء كالت / ولج اني رجلي من صار بالشرطه
تعلم من جماعته على المخابره
اني مو مثلج مااسكت بس ألكفه أتعارك وياه
والله هل التلفونات هذن أجن غضب علينا
6 ت
عاد باوعت على ولمى وكالت / ولج صدك انتي
ما نويه تفكين عن حيدر تراه تسودن من وراج
1 ت
لمى جاوبتها / اليجي من ايده الله يزيده
من البدايه حجيت وياه وكتله كون صريح ويايه
ولا تجذب عليه ، وهو حلف مية يمين كاذب
لحد ما لكفته بالجرم المشهود
هسه اني اريد الطلاك وهو لاطشلي
والله كليله خلي يطلكني
خليني أشوف قسمتي ويه غيره
أني بقيت أفر براسي
هواية سمعت كلمات غريبه مااعرفها
وأستحي أسأل خاف هم يرجعن يضحكن عليه
واستحيت أسأل لمى شبيها هي وحيدر وشنو مشكلتهم؟؟!!
عاد كمنا من جديد على شغلنا
ومن أجت خالتي هي سوتلنا الغده
1 ت
وأنوب لمى جابت هاي الفاره
المضخة اليغسلون بيها سيارات
وبلشنا غسل بواجهيه البيت
من البوب للشبابيك والحياطين
نكعنا من وراها كتلنا البرد هدومنا نكعت ويبست علينا
ماكملنا تنظيف وتعزيل وترتيب البيت الا أحنا والليل
واتفقنا على غسل الزوالي على باجر لان لمى خابرت منتصر علمود ياخذوهن
لورشه الغسل مال بيت عمهم
كاللها / ماعندي وكت شمروهن بالمخزن
وأحنا بعد ما بينا حيل نشيلهن ونصعدهن فوك
عاد رجعت هي خابرت على ورشه غسيل بمنطقهم
عدهم تعامل سابق وياهم
طلعوا ياخذون ٤ الاف على المتر
والله لان الغسل أوتوماتيكي
وهن الزوالي هوايه وما شاء الله كلش كبار يصير مبلغ غسلهن بذاك الحساب
عاد أتفقنا أحنا نغسلهن بالطرمة
هم نخلص بيهن الوكت
وهم أنظفهن على ايدينا
ونجمع علمودهن ونتونس شويه
وصدك وراها بس سبحت بمي دافي
لفيت راسي ونمت اني والميت سوه
ما حسيت النص الليل على سوار
تون ظهرها يوجعها
ومسرة كاعدة وياها أدلكلها وتجعص بيها
عفتهن ورجعت نمت
كعدت الصبح على لمى تسحل بيه
وتعتعت بشعري لو تخلي خصل بخشمي لو بذاني
والله مابيه حيل أكوم
5 ت
كعدت ماكو خواتي بس اني نايمة
كمت بالكوه لفلفت شعري
ولبست حجابي واسلاميتي وطلعت للحمام غسلت وانوب رحت للمطبخ تريكت وحدي
البنات لكيتهن بالشات بالشغل
عاد بلشت شغل وياهن
ألحلو بيت خالتي الصبح ماكو رجال بالبيت
منتصر يروح على شغله من الصبح مايجي للغدة
يجي يتغدة ويرجع للشغل مره ثانيه
مايجي للمغرب
وهمام يطلع الصبح للكليه يجي العصر
يلف راسه وينام هو والليل
يطلع ومااعرف شوكت بعد يرجع
وطارق هو اصلا اسمه موجود بالبيت ملتحق عسكري
3 ت
نزعت أسلاميتي وشديت الربطة على راسي
وخليت دشداشتي بهدومي الجوه
وبلشت غسل ويه لمى ومسرة وسوار
وخالتي كاعدة على الكرسي تسولف ويانه
من غسلنا اول زوليه وبرمناها ما كدرنا نشيلها
لان من الكاشان الاصلي تصير كلش ثكيله
دفعناها أربعتنا على الحايط كمنه ندفع بيها من جهه
وحدة
لمى كالت/ عوفنها هسه اخابر حيدر
يجي يشيلها ويانه
خالتي كالتلها/ عوفي الرجال براحته
لا تخابري خاف بالداوم لو نايم خطية
هي كالت / تؤ اليوم أستراحته
البارحه جان عنده خفر
حتى لو نايم اكعده
مو يعرف بس يكعدني بنص الليل
والله ضايج اريد اسولف وياج
اني هسه صاحيه هم أريد اسولف وياه
13
وصدك خابرت عليه بس ما كالتله الصدك
كالتله/ عندي شغله ضروريه تعالي محتاجتك
هي من سدت التلفون ضحكت
وكالت / سوار عليج الله روحي سوي ريوك لحيدر
بلكوه كعد خلي اكربه شويه
والعباس اليوم الا أفت كلبه واقلي شويه
البارحه ماخلاني أنام
شويه ودكت الباب اجي حيدر
أحنا بسرعة اني وخواتي عدلنا لبسنا
وسترنا حالنا
هي لمى راحت فتحتله الباب
هي لابسه تراك قديفة رصاصي
مالته الترواكه سحاب على طولها
وصدره مطبوع أرنب ابيض
متناسق ويه الكبوس طرفه فرو ابيض
وبي اذن مال أرنب
أجتي تمشي كدام حيدر
والله اني من يمي أستحيت لان التراك حصر عليها
ولاحظتها كامت تمشي على كيفها
وحيدر تيه عيونه يباوع عليها
هي لمى كالتله / دلبي اني بعدني
مامتريكة وسوار الحبابه سوتلك ريوك
نتريك سويه ومن تخلص ريوكك بالعافيه
نشيل هاي الزوليه كل أحنا لان ثكيله
هسه نعوفها توشل من المي
واني وياك نتريك بين ما البنات يشوفن الحديقه
5 ت
هو ماحجه شي مخلي ايديه
بجيوب الترواكه مالته
ومطبك حواجبة ضايج لان كاعد من النوم
ويباوع على لمى عرف نفسه راح ينكرب
لمى تقدمت عليه ودفعته من ظهره
شلون الواحد يدفع السياره من تعطل
وتكله / يلا حباب امشي الريوك برد
هو صاح / عمه الله يرضى نايم بس ساعتين
وبنتج العنودية تكعدني علمود تكربني
ماخلصت من منتصر تطلعي هي
خالتي كالتله/ يمه بعد هي مريتك مسودنه اتحملها هاي قسمتك من الله شتريد تسوي
1 ت
لمى هي وحيدر راحوا يتريكون
واني وخواتي وخالتي رحنا للحديقة
ما شاء الله الحديقه ترد الروح من الخضار
والزرع والترتيب البيها ،
حتى مرجوحه وميز وكراسي بلاستيك بيها
كلش مرتبه بيها الاشجار والياس
من صدك حديقة فخمة و متعوب عليها
خالتي دلت مسره
كالتلها / روحي للحديقة الوره البيت
تلكين هناك عثوك مال تمر يابسه جيبي منهن
حتى اعلمجن شلون تكنسن الثيل
مسرة راحت للحديقة
1 ت
واني خالتي كالتلي / جيبيلنا العفو كيس مال
زباله من المطبخ انلم بي الوسخ اليطلع من الحديقه
اني هم رحت للمطبخ
شمدريني أدعبلت وجفتت كبل
فد أستحيت شفت حيدر ولمى
بموقف خجلني وخجلهم
طلعت ركض من المطبخ
ورحت الغرفة خالتي
من المستحى بقى قلبي يدك بسرعة
6 ت
شويه واجت لمى تضحك
كالت / اسفه والله أحرجتج
بس رجلي حروري ما يتحمل
واستغل فرصة ماكو وأحد من أخوتي موجود
وصاره هواية ما ماخذ المقسوم
وهل تسودن بس حصل الفرصة وصارت بوجهج
اني حتى مااعرف شكلها لو شرد عليها
بس كتلها / ترى والله مو قصدي اجي عليكم
بس خالتي دزتني اخذ جيس نجمع بي زباله
هي ضحكت وكالت / دكومي ولج
اني الازم أستحي منج
مو انتي الانكلب وجهج أحمر من الخجل
ولج والله اذا مااكول الحيدر يحاجي مازن
خل يفسدج ويطلع عينج فلا اتسمى
دفعتني كدامها ورحت طلعت من باب الاستقبال
للحديقة أستحيت اطلع من باب المطبخ
4 ت
بين ما كملنا شغل الحديقه
واجي حيدر وانوب لحكته لمى تضحك
باوعت بوجهي وغمزتلي
متت من المستحى بعد ولا رفعت راسي من الكاع
ولا باوعت عليهم
وصدك كلنا يلا كدرنا نرفع الزوليه شويه شويه
سويناها تنقلات وشلناها عن الكاع
من مي الغسل ورفعناها على ويلات مال سيارات
لمى سطرتهن على طول الحايط
واني ماادري ليش ركزت على حيدر
شلون تيه حلكة وعيونه ومركز على لمى
ولاحظتها هي هم تتعمد ادنك كدامه
وحركاتها كأنما مقصوده حتى تجذب نظره
5 ت
ماادري ليش ضجت منها
وبوكتها أخذت فكره عليها هي مو خوش بنيه
بس بقيت اتعوذ من وسوسه بليس
واكول هي مرته حرام افكر بيها هيج
مو جانت ماما تبوس بابا من خدة كدامنا
من يجي من الشغل لو بفد مناسبه تصير
تحظنه كدامنا وتبوسه
6 ت
وهو حيدر عافنا وراح كعد بالحديقة
وأحنا كملنا غسل الزوالي
وكل وحدة نغسلها ونبرمها
هو يجي يشيلها ويانه من الكاع
نرفعها عن مي الغسل
للظهر يلا كملنا شغلنا
وبين ما غسلنا الطرمة
وهو حيدر راح نام جوه بالاستقبال
لمى خلتله غطة ومخده على التخم
كاللها / كعديني من يصير الغدة
خلص اليوم ماكو بي جديد
بس كلساع ينعاد براسي موقف الصبح
حتى بليل قلق نومتي بقيت بس افكر بالشفته
1 ت
هنا سوار كعدت تون
مره تكول ظهري موتني من الوجع
مره تكول البارحه من أشتغلت وشلت وياكم الزوالي هو طك ،
ويمكن هم صرتي أنشلعت
بطني هم توجعني..............
شكرا لزيارتكم عالم روايات سكيرهوم
