رواية بنات سهر الفصل الحادي عشر بقلم فراقد حسن علي
والبكى احيان مايوحي بحزن
خذ مثل مني انا قلبي جريح
وابتسملك من غرابيل وشجن
وان بكيت يجوز أبكي من صحيح
من جرح,من ظلم ,من صدمة زمن
او يجوز أبكي علشان أستريح
او نتيجة شوق او حزن أو ندم
=======================
مسرة/ هواية تعبت بهاي اليومين المرت
تعبت تعب جسدي من شغل البيت
ما شاءالله بيت خالتي قصر
وبلشنا بي شغل وتنظيف وترتيب
وتعب نفسي سوار حطمتني
بس تبجي وضايجة ومخنوكة
وانوب طلعتلي بسالفة ظهري يوجعني
بطني توجعني يمكن صرتي مشلوعه
وتبقى الليل كله تون وتبجي
من الصبح منتصر ودعناه بسلامه
وراح وياه للمستشفى حيدر ومهند وهمام وماجد
هم أخوان وأولاد عم
لمتهم وسندهم وحزامهم واحد
3 ت
خالتي شبعت بجي وراه
وبقت الصبحيه كلها بس تصلي وتندعيله
وكلساع تتصل على همام
حتى أحنا ربطتنا بفيشه القلق والتوتر وياها
4 ت
قبل أذان الظهر بشويه أجتنا
مرأه عجوز خطية مقعدة على كرسي متحرك
وياها هاي المراة الحبابه المحجبة
السلمت علينا بيوم ألعقد
طلع أسمها ساهرة....!
9 ت
والله اني بس سلمت عليهن
ورجعت للمطبخ
أنكسر ظهري من ركضة الشغل
وتحضير الغدة واكفة من الصبح هنا
2 ت
ويه صبت الغدة وطبت علينا
سهى وجهالها أربعة وياها رجلها سعيد
وصارت هوسه من صوت دوي الجهال
وحسين وياهم صار البيت سباق مال خيل
6 ت
والله فرشت سفره بالصالة
لمى ما قبلت كالت/ خاف عيب من الاهل
شنو نكعد بالكاع وناكل
وهم يزيد علينا التعب بشيل المواعين
خلينا بالمطبخ احسن نكعد على الميز
2 ت
كتلها / ما شاء الله ترى هواية صرنا
والجهال ويانه، والصراحه ماأحب
كعدت الميز ويه جيت الخطار
محد ياخذ راحته
عاد هي خطية مااعترضت بعد
وماشاء الله السفرة كفت الكل
وزادت بركتها
1 ت
أساور هي تكفلت بلم السفرة
وغسل المواعين،
لمى عليها بس الضيافة
كل ثقل الشغل عليه وعلى أساور
6
العجوز أنتبهت على سوار بس نايمه
تتمدد هنا وترد تنام هناك
سألتها / شبيج يمه وجهج ذابل
وجنج مريضة
6 ت
جاوبتها سوار/ خاله ظهري موتني من الوجع
وبطني هم توجعني يمكن البارحه من اشتغلت
انشلعت صرتي
3 ت
هاي المراة المحجبة ساهرة
كالتلها/ اذا صرتج مشلوعه اني باجر الصبح
اسويها الج بس كون على ريكج ذكريني قبل الريوك
1 ت
هنا خابرت خالتي على همام تسال على منتصر
وبيها طبيعه من تخابر الا تفتح سماعه الخارجية
كاللها / اليوم يبات بالمستشفى
الدكتور ما يقبل يخرجه علمود يراقب حالته
عمليه القسطرة عنده يسموها البالون
وبقى بصاله العمليات ساعة ونص
وهي خالتي عاطت / يمه منتصر
كون الله ياخذ من عمري ويزيدك
ولك همام اخوك صاحي لو بعده مخدر
2 ت
وهي خالتي عاطت / يمه منتصر
كون الله ياخذ من عمري ويزيدك
ولك همام اخوك صاحي لو بعده مخدر
كاللها/ شبيج يوم اخترعتي والله كلشي مابي
الحمدلله طلعوا من العلميه وهذاك هو
اجي الدكتور وشافة
والتخدير انطوه موضعي
2 ت
وخالتي خبلتنه وياها تحجي وتبجي
/ ولك همام يابزر بطني لا تقشمر عليه
شلون بنج موضعي وهم فتحوا صدره
3 ت
همام هنا انطى التلفون الحيدر هو جاوبها
كال / الله يساعدج عمه
والله ابو حسين كلشي مابي وحالته مستقره
عمليته سهله وأسمها قسطرة البالون
وتصير بنج موضعي
الدكتور يدخل القسطرة من الفخذ
مو يفتح صدره
وهذا البالون وسع بي ضيق الشريان التاجي
مسدود عندة بسبب كثره التدخين والدهون
عاد ثبتله الشبكة سلكية تدعم جدران الشريان
وباجر من الصبح هو يمج لا تخافين عليه
بس عمه داروا بالاكل بعد دهن ممنوع
والجكاير حاربي حرب عالميه علمودها
ترة لا بيه ولا بعلاجة ولا بعمليته .
4 ت
والعجوز ام ساهره شبعت بجي على منتصر
وبس تندب بال بيت النبي وتندعيله بالعافيه
وخالتي ما صدكت لكتلها صديقه
وبجي ونويح
4 ت
للعصر وتجينا نهى ورجلها اسمه وميض
كلش خوش رجال خلوق ابد ميرفع راسه ويبصبص
خطية هي نهى حامل
تتنسى على الحموضه
لمى بعد ما ضيفتهم
راحت جابتلها نارنج وملح
كامت تكص بالنارنجية من فوك وتسويها طاسة
وتحفرها بالخاشوكة وترش عليها ملح وتاكلها
8 ت
سوار/ اني بهذيج الفترة أدمرت نفسيا وجسديا
احس نفسي تعبانه
وجسمي كله يوجعني
وحتى روحي انسدت عن الاكل
ومالي خلك لكلشي بهاي الدنيا
كلت يمكن لان أنكلبت نومتي
اكعد بليل وانام بالنهار
عاد كمت احاول ارجع النظامي السابق
6 ت
وكل مااضوج اتوضى وابقى أقرأ قران
لو ألزم السبحه وأسبح
واكعد بره بالحديقة وأبقى اتمرجح
وأسولف ويه ماما
لان حسيت مسرة بدت تجزع مني
وأساور مااعرف اتوالم وياها يعني مااعرف اسولف وياها مثل مسره واخذ وانطي وياها بالحجي
2 ت
وأصعب شي بالدنيا من واحد يوكع بمشكله
مهما كان حجمها وموضوعها
وما يلكي شخص يسولف وياه ويحجيله البقلبه
يبقى يسولف ويه روحة وحتى مايعرف شيسوي
انوب تزيد عليه الضوجة والكابة
8 ت
من صارت سالفه عملية منتصر
شويه التهيت وياهم بهاي الهوسة
وكلساع جايهم خطار
بس المشكله نهاية ظهري
وبطني يوجعني نغصن عليه ايامي
7 ت
بس أني صوجي رفعت الزوليه بقوة وطكت صرتي
عاد هاي المراة ساهرة الحبابه كالت اني اسويها الج
من أجتي نهى وشفتها تاكل النارنج
وتحفره وتخلي عليه ملح
واني ركزت وياها شلون تاكل بيها وتمطك
عبالك تسولف ويه النارنجيه من كل خاطرها،
صارت هاي مطكه الملوحة والحموضه بحلكي
كتلها/ عفيه سويلي وحدة شو أشتهيتها
18
مسره كالت / مو زين لا تاكلين حامض
أنتي شماكله لا تزرف معدتج الحموضة
1 ت
وهم ما سمعت كلامها
دزيت ابن سهى فقوري جابلي وحدة ثانية
وهم عندة عسل مو حموضة
واكلت أربعة وحدات وحدة وره الثانية
بطلت من خالتي عاطت عليه
كالت / كافي يمه مو زين شجاج
اكليلج لكمة تشد حيلج
اني كمت غسلت وبوجهي رجعت للمخدة تمددت
2 ت
مسرة / للمغرب وتجينا هدى الوكحة
والله نسرة مو مراه
وهم حملتنا مرض منتصر ودخوله للمستشفى
وأحنا فكر ، وكصتنا فكر مو زينه عليهم
5 ت
اني تكفيت شرها وسحبت خواتي
ورحنا كعدنا بالمطبخ والله نظيف ودافي
بحجة نسوي عشاء
2 ت
جهال هدى هم ٤ نفرات بس اكبار
مو مثل جهال سهى دكدك عبالك كلهم نفس العمر
وجهال سهى هوايه وكحين
وياهم حسين ما شاء الله صار روضه
مو بيت
وكع علينه الليل واني كمت مااشوف من التعب
رحت تمددت بغرفة خالتي
لحكتني سوار بلشت تعاي دلكي ظهري
والله شكد ما تعبانه بس أستخطيها
كتلها /أتمددي على وجهج خل ادوس ظهرج
برجليه بلكت يصير أحسن
وصدك هي تمددت ويمكن خمس دقايق
بقيت ادوس على ظهرها
عاد كامت توضت واجتي لزمت السبحة
ونامت بمكانها
10
أساور أجتي اخذت هدوم وطبت تسبح
من طلعت كالت / فدوه سوسه مشطيلي
مابيه حيل اظفر شعري
كتلها / تعاي ،،
مشطتلها وسويتلها ظفيرة فرنسيه
من بداية كصتها ضفرتها الها لنهاية شعرها
1 ت
أني امشطلها أجتي لمى بيدها التلفون
كالت / أساور خطيبج أبو سمره
يريد يحجي وياج.....
5 ت
أساور/ مااحجي شي عن تعبي
بس أحجي عن تعب الاشوفه الذبل أختي مسره
اشوفها تكفلت بيت خالتي
وبقهر سوار مااعرف شبيها
هي من صدك مريضه مو جذابه ،
بس مسرة بعد مابيها حيل تتحمل قشه تعب
والله من تنام صوت شخيرها كلش عالي
والله استخطيها ، بس شبيدي
سوار من هي صغيرة تعلمت بس على حظن ماما
ودائما نتعارك اني وياها
مو عرك مال حقد ، لا عركة خوات دوم نتناكر
ماما تكول علينا أروسيه
وهسه من راحت ماما تعلقت بمسرة
وهوايه تعبتها وياها
2 ت
بيت خالتي هواية يهتمون بالمظاهر والأتكيت
واغلب تصرفاتهم احسها متصنعه
يمكن لان اغنياء وعود هم طبقة راقيه
بس خالتي ولمى لا شويه احسن من الباقين
اني تعبت نفسيتي من هاي السالفة
اشوف البساطة احلى واريح
كلش متقيده وياهم
العرفته مازن دوامة أسبوع يلتحق للعسكريه
واسبوع ينزل للبيت
صح من يجي ما نكعد وحدنا ونسولف سويه
بس شو هذا الأسبوع من راح للدوام
شلون الفكدت شوفته ، يعني مو أشتاقيتله
بس تعلمت على جيته وشوفته يوميه
ونظراته المو راحة
6 ت
بيوم دخول منتصر للمستشفى
خابر على تلفون لمى وكايللها
يريد يحجي ويايه
والله أستحيت مااعرف أحجي وياه
2 ت
كلت اللمى / عفيه كوليله نايمة
1 ت
هي ضحكت وكالت / اكلك مازن أساور
تكول هي نايمة
وشمرت التلفون بحظني وطلعت تركض من الغرفة
4 ت
يالله موقف الاحراج مااحجي عنه
صرت بكد الشخاطة من الفشله
1 ت
شلت التلفون بس كلت الو وسكتت
هو ضحك وكال / شلون النايمين ؟؟
هو صاح / يمعودة صدك نايمة لو كاعدة
شو بس صوت النفس
2 ت
مسرة خلصت شعري ظفر
وزحفت ليوره تمددت بفراشها
كتله / لا كاعدة مسرة كاعدة تظفرلي شعري
هسه طلعت من الحمام
1 ت
هو سحب نفس قوة وكال / شلونج
اخبارج
مرتاحة بيت عمي ؟
2 ت
جاوبته / الحمدلله زينه
بس اليوم هواية تعبنا علمود دخول منتصر
للمستشفى
هو فاجئني بسؤال كالي / أساور
انتي تضوجين من عندي
اقصد تلعب روحج مني لان أسمر
9 ت
بقيت ساكته مااعرف شكله
عاد هو كال / بس جاوبيني حتى افتهم دربي
مااريد اظلمج ويايه
كال / شوفي أساور اني من حقي أشوفج
ومن حقج تشوفيني
من أنزل اريد أشوفج ونكعد وحدنه
نسولف نحجي نتعرف على بعضنا
مو كل مااجي لبيت عمي تشردين مني
لو تكعدين حالج حال الغريبه
عندي موضوع اريد أحجي بي وياج ضروري
2 ت
كتله / والله العظيم أستحي مااعرف
اكعد وأسولف ويه ولد
حتى هنا ولد خالتي أستحي منهم
1 ت
شو كام يضحك وكال / اني مو ولد عادي
اني رجلج ، بويه أفتهمي عليه
من انزل اريد أحجي وياج بموضوع ضروري
2 ت
كتله / اي ان شاء الله
هو كال / اني أروح عندي مكالمه ثانية !!
تصبحين على خير
3 ت
جاوبته / تلاكي الخير
وسديت الخط 🤦♀️
بس يمكن راد يكول شي
واني بسرعة سديت الخط
أستحيت اخابر عليه مره ثانيه
كمت وديت تلفون لمى الها
ورجعت نمت
1 ت
مسرة / كعدت من الصبح
كلت عيب خاف يجون خطار على بيت خالتي
وهم البنات موجودات
غسلت ورحت للمطبخ
وما شاء الله كلهم كاعدين لكيتهم
بس اني وخواتي بعدنا نايمات
3 ت
أستحيت رحت كعدت خواتي
وانتظرتهن بين ما غسلن ورحنا تريكنا سويه
وسوار عادي تعودت على كد شربته الجاي
1 ت
الضحى وأجى منتصر من المستشفى
خطية يمشي على كيفه
وخالتي تحير شسوي
ما تعرف تبوسه لو تمسح بدموعها
وهو باس راسها وحظنها حتى بس تسكت
وهي شهكتها تقهر قلب اليهودي
كل الموجودين سلموا عليه،
وهو دنك باوس العجوز ام ساهره
واستغربت ساهرة هم سلمت عليه
وباسته من جتفه الأيمن
وتندعيله بحركة قلب وهوايه خايفه عليه
4 ت
اني وخواتي بقينا نباوع عليهم كلهم بالطرمة
يسلمون عليه
واحنا واكفات باب المطبخ
وهم دخلتهم صارت على باب الاستقبال،،
هو من بين الحضور بقى يتلفت
وباوع على جهتنا وكال / شلونج بويه
وسحب نفس كلش قوي وكمل كلامه كال /
خفت الله ياخذ أمانة وما مأمن عليج
7 ت
اني أنثولت والله أستحيت
اعرفه يقصد بسلامه عليه جاوبته/ الحمد لله زينه
يمكن ماافتهم عليه بقيت أمتمت
هو بس حرك راسه يعني اي
ودخل للاستقبال ويه أخوانه وأولاد عمه
اني الصراحة بس كتلها أي
بس كلشي ما سويت أستحي
اني حتى بالايام المضت هنا بيت خالتي
اشوف منتصر هنا أطفر هناك
واتختل من عنده
4 ت
وصدكت لمى بكلامها
ما شاء الله خطارهم قطار وجر
من يوم طلع منتصر من المستشفى
ويمكن عدت عشره أيام والخطار ما كف
يجون جوكات جوكات
رياجيل وحد ، ونسوان وحد
اني ولمى وأساور وسهى وما نلحك
نركض ركض
1 ت
كلساع وصاحوا اجوي جماعة فلان
اجوي جماعة علان
جماعة حيدر الاطباء وحد
جماعة مازن العساكر وحد
جماعه طارق
جماعة عمنا حاتم
جماعة الشياب عماهم جابر وشامل
جماعة سعيد المدرسين وحد
وبعد جماعة اولاد عمهم
كلساع جاي وفد
11 ت
هلكنا من التعب ، واذا بقوا الخطار
على الغده لو العشا يوكفون الرياجيل
على روسنا سون هيج
وخلن هيج ، يخبصونا خبص
اكثر شي همام وحيدر يوكفون يمنا بالمطبخ
وبعدين اجي طارق هذا ثولنا ثول
لو باقين على الولد احسن النا
6 ت
سوار/ من كعدت الصبح
مالحكت اكول الساهره علمود تسويلي
صرتي ،عيب مخبوصين علمود منتصر
عدت يومين واني طلعت الدنيا من عيوني
بطني موتتني انوب احس العفو روحي محصوره
اروح للتواليت العفو ماكو ادرار قليل
لعبت نفسي من نفسي
من صدك بعد وفاة ماما صرت عاله على مسره
وحدة مريضة نفسيا وجسديا
7 ت
عاد الصبح قبل لا أتريك
كلت الساهره تسويلي صرتي
أحنا جانت ماما تفرك المسافه بين اصبع
الابهام والسبابه ، وتعرف الواحد
مشلوعه صرته لو لا
6 ت
شو ساهرة لا مو هيج طريقتها
رفعت أيديه بشكل مستقيم فوك راسي
وكالت/ اي صدك صرتج مشلوعه
ولزمت أصبع ايدي الوسطى
وكامت اتحرك بيدي كلها ترفعها ليفوك وتنزلها ليجوه
وبقت تحرك بيها وتحجي ويايه
وفجأه نتلت ايدي بقوة
يعني عتتها حسيت جتفي أنخلع
عطت عيطة خليت الموجودين بس نسوان
كلهم يباوعون عليه
وهم رجعت سوت ايدي الثانيه
2 ت
وأنوب كامت وجابت ورقه
وكلاص كزاز
أتمددت بالمطبخ على القنفه
همزين ماكو ولا رجال بس نسوان
وساعدتني مسره سترت حالي طلعت بس بطني،
هي بقت تمرغ بطني وتلم بالجلد يم الصره
وانوب شعلت الورقة وخلتها بالكلاص
ولزكتها على بطني وعافتها
كمت ألوب الجلد كام يوجعني تكعور بطن الكلاص
هي وره شويه أجت وسحبت الكلاص
طلع صوت مطكه كلش قويه
مال شلعته عن الجلد
أني أجيت أخرب ، من وجع المكان
كمت أعصر بطني اريد الوجع يروح
هي جابت شال وشدت بطني
كالت اليوم لا تاكلين دهون
وباجر يلا تسبحين
وصدك سمعت كلامها ونفذته
7 ت
من طلع منتصر من المستشفى
الدنيا انكلبت عليهم من كثر الخطار
منتصر وأخوانه وعمامه وأولادهم
يواصلون العالم يعني أصحاب واجب
ويطلعون بكل واجب يخص معارفهم
2 ت
واني ابد ما شاركت بشي مالي خلك لروحي
عزلت نفسي بالغرفة
خلصت الوكت بس نايمه
لو اسبح لو ألعب ويه جهال سهى
جهال هدى اخاف من امهم ابد مالي دخل بيهم
1 ت
وبيوم سمعت بطارق اجي للبيت
كمت أرجف من الخوف
أفكر ويه نفسي اكول يا ساعة
يهجم عليه ويفترسني
حبست روحي بالغرفة ابد مااطلع بره
اخاف من عنده والله
3 ت
صفنت ويه روحي وكعدت حسبت
باجر الأربعين مال ماما
يعني لازم نروح نزورها ونشوف قبرها
نفس ما زرنا قبل قبر بابا ومحمد
2 ت
باوعت شفت فطم بت سهى اخذت مشط
من جنطه هدومهم وغراضهم،
كتلها روحي صيحلي مسره
والله اخاف اطلع لا طارق يكتلني
4 ت
وصدك ثاني يوم من الصبح
الدنيا باردة تكص العظم من البروده
اخذنا مهند وياه همام كعد بالصدر
وخالتي راحت ويانه كعدنا كلنا ليوره
السياره بالكوه كفتنا
وصلنا للمقبره وهاي ثاني مره أفوت هنا
اول مره بوفاة بابا ومحمد
وهاي أجيت ثاني مره علمود ماما
قبل جانت ماما تجي بس هي وخاله ام عمر جارتنا
متقبل تجيبنا وياها تكول / مو زين
دخول المقبره للبنات
1 ت
((أختصر حال بنات سهر بالحضور
عند قبر المرحومة أمهم بعد فراق دام
٤٠ يوم بهذه الابيات الشعرية ))
👇👇👇👇👇👇👇👇👇👇
((( بعدهن بلركن ضحكاتج البلبيت
نارج ما طفت مستعره هاا والله
صوتج ينسمع كل ما يمرنه اسكوت
وصوتج بي صدى ينسمع مو مره
ياريت الكبر لو يفتح البيبان
حتى افتح حضن للكبر والعشره
غيابج حيل ما يرحم وچبيره النار
البگلبي الج يمكن شبه جمره
انشم ابريحتچ كل ما يهزنه الريح
لان الريح شايل روحج الخضره
بعدني اشتاك وحيل اشتاك من اسمع سوالف لليل
والليل العشته دونج هسه ما عبره
شكثر ايام راحت بيه انا مصدوم
وشكثر ضحكات صارن هسه الج ذكره
ردت انسه الجره واگدر اگولن عود
بس انسه جذب البخت بي عثره
ادور صورتج والكاها يم اشموع
وكل مغرب خميس انذب الج حسره))))
18 ت
من كد ما بجيت ولطمت على وجهي
طلعت قهر روحي كله يم قبر ماما وبابا ومحمد
مدفونين كلهم سويه واحد بصف الثاني
الدنيا أفترت بيه ،
2 ت
وانوب ما متريكة ولا شاربه شي دافي وبردت
معدتي أنكلبت وبقت روحي تلعب
وأبد ما فاد بيه علاج او طريقه ساهرة
بقيت نفس حالي
وطلعت الدنيا من عيوني
1 ت
خالتي ومنهد شلعونه من يم قبور أهلي
أني وخواتي بالكوة، منقبل نروح من يمهم
وهم الله شاهد ماقصروا
قروا قران يم قبرهم ،
وشعلوا الهم بخور وشموع
1 ت
ومهند هلكد بجي يم قبر بابا
ومن رحنا من يمهم ومشينه مسافه
مهند التفت وراه على قبر بابا وصاح بصوت عالي /
عدنان مبري الذمة ياخويه
نام مرتاح بناتك بحمايتي وحمايه منتصر
وكام يشهك بصوت عالي ويمسح بدموعه
وراح يمشي مستعجل قبلنا للسيارة
أني بعد مااكدر امشي فرد نوب تخربطت
همام كالي / خل أشيلج لا توكعين
كتله / لا امشي على كيفي
وساعة يلا وصلت السياره
يادوب صعدت وشمرت روحي بحظن مسرة
بعد ما بيه حيل
1
من وصلنا مااكدر انزل
شالني همام ودخلني للصاله
مااحجيكلم متت من الخجل
بس والله مضطره يعني احس قوتي صارت صفر
ومعدتي ملختني بس تكلب
اريد بس انام وارتاح
5 ت
وانوب خالتي ما قبلت أنام
كالت / مو زين تبقين بهاي هدومج
كومي اسبحي
وغسليها من تراب المقبره
يصير ثكل عليج وعلى البيت
بالكوة كمت مسره هي ساعدتني
1 ت
مسرة/ خلال وكعت منتصر
لاحظت ساهره علاقتها مو طبيعية وياه
دائما كاعدة يمه
تحضرله الاكل
تسويله عصاير
تكعد تسولف وياه
وحتى انتبهت من تكعد يمه عادي ينطخون
يعني عادي تلزك رجلها برجله اذا كعدوا
واحد بصف الثاني
لو تلزم أيدة
لو تشربه العلاج
وهو كلش يحترمها وهوايه يكعدون وحدهم
ويسولفون سويه
10
اني مااعرف ليش كمت اضوج
من هاي الميانه البيناتهم
ابقى اباوع عليهم ومركزه بتصرفاتهم
ومااحس على نفسي الا لمن تنشلع شحفوره
من اصبع ايدي اكرض بظافري ومااحس على روحي
9 ت
ضيم سوار فرد نوب صارت حالتها
كطعت ألاكل تكول معدتي توجعني
وروحي تلعب ،، يعني طول اليوم
يمكن وجبه وحده مايصير اكلها
وفرد نوب ضعفت واعظامها كامت تبين
وبس تخبط ملح ولامندوزي وتاكل
لو تلزم بطل دبس الرمان تقضي علية
وتبقى تمطك تريد بعد ....
16 ت
سألت لمى بالبسكوت واكفات اني وياها بالمطبخ
نسوي كهوة حلوة لجماعة منتصر
اجوي عليه يشوفونه
/ لمى شعجب ساهرة علاقتها قويه ويه منتصر
يعني مو قصدي شي مو زين
بس اشوفها متدينة وخوش مراه
شعجب هيج ماينه عليه مو حرام؟؟!!
1 ت
جاوبتني وهي تحضر باكوابة القهوه
وجاوبتني عادي من غير اهمتام
/ غير مرته وتهتم بي
شنو الحرام بالموضوع...............
شكرا لزيارتكم عالم روايات سكيرهوم
