رواية نهوة عمامي الفصل العاشر 10 بقلم مرج البحر

سارة : دخلت البيت ورحت الغرفة النوم لكيت

  الكلنس تارس الكاع والوصاخه واهواي شغلات تدل على الزنا واني لعبت روحي وكمت اتقيه وذبيت شكو شي مفروش من نزله مال الجربايه ودوشك وجوه مال المخاد كلهن للزبل وغسلت البيت بديتول ومن اجه سيف بليل اتعاركت وياه وكال

 هاي مو اني هذول صحباني من درو انتي يم اهلج جابو صاحباتهم واجوي قابل اطردهم  

 اي لازم تطردهم مو تخليهم بلبيت هاي اذا صدك همه صحبانك مو ما يكول هاي انته جايم نسوان كام راد يضربني كتله 

دير بالك تمد ايدك عليه والله بعد ما تشوفني وخل اجيب ويصير خير وبقينه نتعارك وكلمه مني وكلمه منه وانفجر كال

 اي اني وشتردين لان انتي حارمتني من حبلتي ولحد الان اني ما متقربلج 

 واني بكيفي غير مو زين على الطفل اني اوصل الموت من احبل لحد ما اجيب وانته تروح تزني وكام وضربني راجدي وكال 

اي هذا اني يعجبج ابقي ما يعجبج روحي اني اكيف حتى اخذ راحتي

وبقيت للصبح كاعده وابجي بس ما بيدي شي لان اهلي ما يقبلون اتطلك ورحت لاهلي وسولفت لمرت عمي عزام وكالت انتي هسه اولدي بلسلامه والله كريم بس مال طلاق شيليه من بالج عندج ثنين اطفال لخاطرهم ابقي وهو عوفيه بعدين يتندم والله وشوفي 

وصار اليه اسبوع بشهر التاسع ورحت للدكتوره وفحصتني وكالت هاي الايام ان شاء الله تكون ولاتج وانطتني مقويات وفيتامينات وكالت اقل الم يصير عندج تجين كتلها تمام ورجعنه بيت اهلي امي راحت لبغداد يم اختي لارا لان تمرضت بساع بساع وكامت ما تكدر تمشي وكامو يشيلونه شيل واخذوها لاكثر من دكتور وكالو الدكاترة عدها روماتيز بلعضم كلش قوي حتى الدكتور متعجب لان هيه صغيره يعني هذا المرض مو مال عمرها وهيه عدها اطفال ثنين ولد وبنيه واني صارلي اسبوعين بشهر التاسع والعصر صارت عندي الم ومرت عمي كالت خل نروح للدكتوره ورحنه دخلنه وفحصتني وكالت لازم اليوم تولدين لان الطفل ما بي مي كلش قليل وكالت راح اسويلج تحفيز للولاده هسه وتروحين قبلي للمستشفى واني الحكج وسوتلي تحفيز بس شنو شفت الموت بعيوني اكثر من الطلوك ورجعنه للبيت خذنه الملابس ومرت عمي خابرت على سيف كالتله تعال سارة تطلك حتى تروح ويانه للمستشفى 

(هو ب هاي الفترى اشترى سياره) 

بس اني بقيت ما احجي وياه ورحنه للمستشفى ودخلنه صالت الولادة والدكتوره فحصت دكات قلب الطفل و ضربتني ابره بالمغذي وراحت وبقيت اطلك وصلت الموت لان الطفل ما بي مي وهم هو خامل والسستر كالت اطلعي تمشي برى بالحديقه على مود الطفل ينزل وطلعت ولكيت سيف واخوي سالم واكفين بالحديقه سيف من شافني اجه عليه وباسني من كصتي واعتذر مني وبقيت لساعه عشره بليل وجبت ولد وسميته مؤمل وشكد ما جان خامل بلحمل مالته وحتى ما عرفنه الجنس شنو لمن دخلت بشهر السابع من كد ما خامل وما يتحرك عكس هسه كلش وكح مراويني الويل

ولادة مؤمل صارت بشهر شعبان يوم 17. وسميته مؤمل لان جنه ناوين نسميه مجتبى بعدين اني بلمستشفى وغيرته وثاني يوم امي اجت من بغداد على مودي لان هم خياطات وما اكدر اتحرك وبقيت يم اهلى عشرين يوم ورجعت للبيت

 وفاتت ايام وكملت الاربعين وصار عمر مؤمل ثلاث اشهر وكلت لسيف اريد اروح للامام الكاظم سلام الله عليه لان احنه كل ما يصير طفل اول اشهر انزوره الامام الكاظم ورحت لبغداد يا خواتي ابوي وداني ورجع واني بقيت اسبوع يمهم ورجعت واول ما طبيت للبيت لكيت سيف عايد سالفت الزنه وصارت بينه عركه جبيره وكتلني موتي من الضرب ووحده من الضربات صارت على عيني وعيني ورمت وصارت جبده مال دم وثاني يوم رحت للدكتور ابو العيون وكال هاي شريان مكطوع بعينج ولازم ما تتعرض لضوه قوي وكال هاي منو هيج ضاربج كتله 

ابني واني نايمه وكع عليه كام يضحك وكال بابا لا تجذبين لن الاثار مبينه بوجهج هاي رجلج هيج مسوي اني سكتت وكتبلي علاج ورجعت للبيت وبقيت اكثر من شهر عيني حمره ومغوشه ما اشوف بيها زين واهلي من درو كامو يحجون عليه بس هو ابد ولا جن واحد يحجي وياه وبقيت خمس اشهر انام وحدي

فديوم جنت كاعده ارضع مؤمل وقت العصر وطب عليه ياسين يركض ويصيح سارة وينج واني كمزت من الصوت وركضت للطرمه حتى بدون حجاب من كد الهبطه وكال اريد جنسية سيف بساع كتله 

شكو شصاير كال 

سيف اخذو الشرطه 

 ليش 

والله ما ادري هوه جان كاعد يشتغل ورئسن جفتو عليه واخذو حتى كلشي ما فتهمنه 

اني انطيته الجنسه وبقيت الوب ما اعرف شنو صار جاراتنه من سمعن صياح ياسين اجن عليه وكامن يحجن ولا تخافين هسه ان شاء الله ما كو شي ويطلع ورى تقريبن ساعتين رجع عليه ياسين وكال 

كومي لمي ملابسج انتي والجهال وتعاي وياي للبيت لن سيف وقفوه 

ما عرفتو ليش

  واحد مشتكي عليه على اساس سيف بايك دراجته نوعها اربعه كير 

شنو وهو سيف عايز حتى يبوك شنو هذا الحجي

  والله ما ادري احنه هم متعجبين ولان نعرف سيف ما عنده سالفة البوك وهسه ابوي وكل محامي حتى يعرف السالفه 

رحت وي ياسين لبيت عمي حميد وبليل اجه عمي حميد وكال

 ما ادري منو مشتكي عليه لان ما يقبلون الشرطه ينطونه الاسم والمحامي كال الصبح ارجعلكم خبر

 وفاتت ايام وسيف بلسجن وعمي يركض هو والمحامي وسيف وده عليه اني والاطفال راد يشوفنه لان كايليله راح نحولك لسجن الكوت على مود التحقيق اني ما قبلت اروح لان ما ردة اطب المركز واني اهلي معروفين وعشاير زحمه اطب المركز بس الاطفال عمتي اقبال راحت واخذتهم وياها وهو من شايف الاطفال كايم يبجي وسائل عليه عمتي كايلتله ما تقبل تكول سمعت اهلي اهم ووعمي انطه فلوس على مود ما ياخذونه للكوت لان اذا اخذو بعد ما يطلع وبيوم التاسع سيف صعد محكمه والقاضي سائله كايله سولفلي انت صدك بايك الدراجه سيف حالف للقاضي وكايله اني ما بايك اني ابيع واشتري بلدراجات وعندي خير من الله ما محتاز حتى ابوك القاضي كايله بس المشتكي عليك كال شفت دراجتي باب محل سيف واني صار اكثر من اسبوع هيه مبيوكه

 سيف سيدي اني اذا بايكها شلون اخليها باب المحل والدراجه الشايفها باب المحل هاي مالتي وحتى اوراقها عندي والولد الشتريتها منه موجود واني شغلتي بالدراجات 

والمهم القاضي حكم افراج على سيف لن ما لكو عنده شي واني طول هاي الايام يم بيت عمي حميد وحالتي حاله لان مهما يكون ما يهون عليه الصار

اجه ياسين كال سيف طلع هسه راح يجي وراي هوه وابوي ورى شويه طب اني جنت بلحمام الخارجي اغسل ل مؤمل هوه طاب وسائل عليه اني من طبيت هوه شبكني وكام يبجي وكال 

والله كلها ما اعترف بيها اريدج انتي تصدكيني اني ما بايك كتله

 والله ادري بيك قابل ما اعرفك لان اليوم شايفتك كتله اني من البدايه ما صدكت انت تاخذ حرام بس اني عندي غير احساس كال شنو 

كتله السالفه بيها نسوان هوه كام يضحك كتله والله اذا ما طلعت بيها نسوان شوف ومن هاي السالفه سيف تراضه وي اهله وفاتت ايام وعرفو المشتكي وطلع ولد جان متعارك هو وسيف على موه وحده اسمها نوره لان هذاك الولد خاطبها وهيه كايلتله لا اني احب سيف وراح يخطبني هوه من سامع الحجي جاي متعارك وي سيف ورى فتره هوه سوه هاي السالفه مال الشكيه اني من سمعت كتلهم هان اني والله احساسي ما يخيب مو كتلكم على مود نسوان بس محد صدك

بعد مرور وقت

مؤمل صار عمره ستة أشهر إني جنت بالحمام اغسل ملابس ومنتظر نايم بالكاروك ويوسف يمه و سمعت صوت ونين من الغرفه ركضت والكه يوسف خال مخده على وجه مؤمل وخانكه لان يغار منه اني بسرعه وخرت المخده والكه وجه مؤمل صاير ازرك خذته وغسلت وجه وشويه واستقر تنفسه ويوسف لبد بالكنتور لان شافني كمت اصرخ عليه ورضعت مؤمل ونومته ورحت شفت يوسف نايم بالكنتور طلعته ونومته بجربايته 

وبعد ايام سيف طلع سفره لايران وبقه 15 يوم واني بقيت يم اهلي ومن رجع جاب صوغه لاهله وملابس ل يوسف ومؤمل واني جابلي مانتو لونه رصاصي كلش حلو وبعدين كال 

مرت ياسين كلشي ما جبتلها نسيتها

  انت جبت لياسر وبناتها ثنينهن كافي 

 لا عيب انطيها المانتو مالتج 

 لا والله ما انطيه انت ما جايبلي غيره وتريدني انطيه ما 

هوه زعل وكام ما يحجي وياي هوه جاب لخواته كلهن وابوه وامه واهلي كلشي ما جابلهم والله حتى استحيت من عدهم لان هو كدامهم طلع الغراض وبعدين امه سالتني كالت شبيج انتي وسيف ليش ضاج كتلها على مود المانتو يريدني انطيه لمرت ياسين

ضلت تحجي عليه وكالت 

هونمونه انطيه واني من اروح اجيبلج احلى منه 

 والله مو على مود المانتو بس لان هو جابه اني اعتزيت بي 

كالت ميخالف انطيه سيف جان نايم ومن كعد كتله اخذه ما اريده انطيه لمرت ياسين وهو كال لا هم حقج اني ما جايبلج غيره وكال نروح هسه للبيت لو بليل كتله بكيفك كال يالله حضري روحج ونروح

ورجعنه للبيت 

وفاتت ايام روتينيه بس المشاكل ما تخلص اني وسيف لان ما يعوف سوالف النسوان وحتى من رايح لا يران طلع متزوج متعه من وحده ايرانيه ومن سمعت صارت مشكله كلش جبيره ووصلت للطلاك بس اهلي كالو اذا تتطلكين الاطفال ابوهم ياخذهم اني ما قبلت ورجعت على مود اطفالي بس ما احجي وياه وبقيت اكثر من شهرين ما نتحاجه وبعدين كال راح افلش البيت للكاع وارجع ابنيه كتله وشنو تاجر بيت نكعد بي على ما تكمل بنيان كال لا نروح نكعد يم اهلي هنه كم شهر نستحمل شلون ما جان راح اتفق وي مقاول واشوفه شيكول وكتله والغراض وين اوديهن كال اني حاجيت جيرانه ابو ليلى وكال خلوهن يمنه ورى اسبوع فرغنه البيت ورحنه يم بيت عمي حميد وبقينه شهرين على ما كمل البيت

وخلال ذني الشهرين عمتى اقبال ما عافتني على اقل شي تصير مشكله وكلمه والثانيه وكالت اي هذا مو بيتج وتتصرفين بكيفج اذا اطبخ شي او اريد اسبح والله حتى على غسل الملابس كامت تحاربني واجت حماتي شيماء وجان ابنها بس يبجي وكالت راح اخذه للسيد وطلبت مني اروح وياها اني كلت لسيف وقبل اروح ورحنه وكشف لابنها واني جنت كاعده على صفحه والسيد وحده صاحني وكال انطيني اسمج واسم امج واسم رجلج وامه وانطيته وكال بابا انتي مسوالكم عمل تفرقه بينج انتي ورجلج ومشربينه لرجلج وكام يسالني شنو وضعكم بالبيت 

سولفتله وكتله والله دائما مشاكل واكثر من اربعه مرات توصل للطلاك 

السيد اي هذا اثر السحر ولن هو مشرب صاير ما يريدج وهو هسه مستحمل على مود الاطفال يفكر بيهم 

اي وحتى كم مره يطردني لاهلي بدون سبب حتى اذا ما كو زعل بينه 

السيد راح انطيج وصفه وسويها وان شاء الله سهله تروحين للعطار وتشترين شب مطحون وتشترين نص كيلو باكله يابسه وتسلكين الباكله ومن تفور تذبين الشب وتقرين ايات عليها مادام هيه الباكله تفور ومن تكملين الآيات القرآنية تطفينها وسيف يشرب بس الماي مالتها وهسه تشوفين شنو راح يصير

 تشكرت من السيد وطلعنه اني وشيماء وبلطريق شيماء كالت روحتج وياي بيها صالح شفتي حتى بدون ما انتي تحجين هو السيد صاحلج ورجعنه لبيت عمي وسولفنه لعمتي وكالت باجر الصبح اجيبلج باكله وشب وسوي مثل ما كال السيد وثاني يوم جابتلي عمتي الباكله والشب وفورتها وسويت مثل ما كال السيد وكلت لسيف كال لا هسه ما اشرب خليها بليل وصدك بليل شرب نص كلاص بالكوه لان طعمه مو طيب ورى شويه هو نام ونص الليل فز يصرخ من بطنه وركص للطارمه اني طلعت ورى وهو كام يتقيء شي لعبان نفس دود على شعر على اشياء خضره والريحه تكتل كنما شي ميت من زمان وضل تقريبن نص ساعه هو بس يتقيء وراها دخل للحمام سبح ورجع نام بس شنو اباوع وجه صار مثل النوميه اصفر اني كمت ابجي عليه من شفته بهاي الحاله

وكعد سيف الصبح شويه زين وراح للمحل ومن رجع وكت الضهر كال اليوم العمال ما طالعين للبيت اذا تردين نروح نشوفه كتله اي نروح وتغدينه ورحنه اخذت بس مؤمل وياي يوسف بقى يم بيت عمي حميد ورحنه شفنه البيت وسيف طلع الانقاض الموجوده وكال 

ان شاء الله هل الكم يوم يخلص وبقينه لليل بلبيت ومن رجعنه عمتي اقبال كامت تحجي وتكول اي رايحين يتونسون وعايفين ابنهم على كلبي

 سيف يمه قابل احنه وين رايحين والله جنه ننظف بالبيت 

ورى يومين مرت عمي رياض خابرتني وكالت تعاي يمنه لان عمج راح لبغداد وكلت لسيف وكال اي روحي ورحت وجنه كاعدين وكت العصر واندك الباب وطلعت مرت عمي رياض ولكت ثنين نسوان يسالن على عمي علي وبعدين عرفنه هذني كح**

 جانن يجنهم للبيت ومرت عمي خابرت على عمي رياض وكالتله وهو ورى اربعة ايام رجع من بغداد وصارت مشكله كلش جبيره وبهاي المشكله سيف وعمي رياض تزاعلو لان واحد كام يحجي على الثاني من ورى الكح** 

س يكول ذني صاحبات عمي رياض وعمي رياض يكول لا ذني صاحبات سيف

 وبقينه ايام بس مشاكل من وره سالفت الكح***

 ورى ايام اخت سيف الصغيره اسمها ايات جانت تدرس ثاني متوسط وجانت داخله دوره مال رياضيات ومره فاضل ابن عمي رياض شايفها تمشي هيه وولد قريب الدوره وهذا راح وكال لسيف اليوم شفت اختك تمشي وي ولد وكت المغرب اجه ياسين وكال اليوم فاضل هيج كال وعمتي سوت فلك شني يحجي على بتي واني بتي اشرف من الشرف ياسين كاللها هسه يجي سيف ترى كلش متحلف بيها وعمتي كالت 

اريد واحد يحاجيها العب بي لعب والله مو شتكول الناس احنه نصدك

واجه سيف من المحل وكام يصيح ورايد يضرب اخته بس امه ما قبلت وراحت تعاركت وي بيت عمي رياض بس سيف كال كومي بعد ما نبقه هنا يالله لمي ملابسنه وخل نروح يم اهلج على ما يخلص البيت وكمت لميت ملابسنه ورحنه يم اهلي وبليل سيف كال بعد ما عندي فلوس اذا تكدرين تدبرين مليون حتى نكمل بقى بس الكهربايات والجام والصبغ كتله تمام هسه اشوف اهلي وكلت لامي وانطتني مليون واني جان عندي محبس وتراجي رحت بعتهن هم صارن مليون وتلث ميه وخمسين وانطيتهن اله وكمل الصبغ والكهربايات بقى بس الجام كال ما كفن كتله ميخالف خل نكعد وبعدين سويهن كال تمام ورحنه لبيت نضفته وبقينه ثلات ايام ننقل بالغراض والبيت بدون جام ورى يومين اخوي سالم عنده صاحبه يشتغل بالجام جابه وسوه الجام وكال هاي هديه مني اني احاسب الولد وتشكرته وكتله الله ما يحرمني منكم ان شاء الله

مشت حياتنه طبيعيه ماكو مشاكل وصار عمر مؤمل ثلاث سنوات ويوسف ست سنوات وردنه نسوي بنت اني جنت اخذ حب مانع حمل وتركته من فتره ورحت للدكتوره وفحصتني وكتبتلي علاج واستمريت على العلاج فترة شهرين وصار عندي حمل واني اتعب كلش من احبل وصار وكت تسجيل المدارس ولازم اسجل يوسف وجانت المدرسه الابتدائيه بعيده علينه ورحت وسويتله فحص بالمستشفى وكملت الفايل ورحت للمدرسه ودخلت على المدير وطلب صحت صدور مال الجنسه وطلب لازم الجنسيه يكون بيها صوره

ورجعت للبيت واجه سيف وكتله على طلب المدير طبعاً سيف ما يحب سالفة المعاملات اي شي يصير عدنه اني اسويه وبلتواسيل قبل هو يروح للبشائر لان احنه نفوسنه بشائر ولو ما أني حامل ومو زين عليه الطريق جا ما قبل هوه يروح واخذ يوسف للمصور وكمل المعامله ورجع واني اخذتها ورحت للمدرسه ويوسف داوم وجان كلش شاطر ويحب الدوام واني صار على حملي اربعة اشهر وفد يوم اجت اخت سيف جنان وبقت يمنه اكثر من اسبوع ويوم بليل نايمين كل احنه اني وسيف والاطفال على صفحه وجنان وجهالها على صفحه طبعن جان عدنه مبرده وحده بلصاله جنان عدها خمس اولاد ابنها الصغير عمره ثلاث سنوات بس هوه سمين واني جنت نايمه هو فز يبجي واجه عليه حسباله امه وكع على بطني..... 

الفصل الحادي عشر من هنا 

شكرا لزيارتكم عالم روايات سكيرهوم