رواية عشق مابعد الطلاق الفصل العاشر بقلم ساره فاضل
حسين
أي قيصر احجيلي اني صار اسبوع تاركك براحتك لان ادري اذا نفسيتك تعبانه متحجي احجيلي واني اخوك الصعب عليك سهل عليه
قيصر
متقصر ابو علاوي
والله ماأعرف منين ابدي لوشنو احجي بس انته تعرف علاقتي بسمر وحبي الهه
من صار سوء الفهم البينهه وبين امي شكد حاولت ارضي الطرفين ماكدرت
امي اخذت الشغله ربح وخساره وقررت اترك سمر وخيرتني بينهه وبين سمر واني مااكدر ارفض طلب لمي ماأعرفت شلون اتصرف محتار حيل
تدري اني خطبت البارحه
حسين
تحجي صدك لوتجذب
قيصر
خطبت بنت خالي بنيه زغيره عمرهه ميجاوز ال17كلش حلوه وخلوقه وطيبه بس اني ممتقبله ابدآ كلش خايف اتزوجهه واضلمهه ومااعرف اشلون اتصرف
3
حسين
وشنو ذنب البنيه تضلمهه وياك شنو ذنبهه تعيش
ويه واحد جسد بلا روح قيصر انته راح تضلمهه حيل فيااخي اتركهه لحال سبيلهه ماطول انتم بالبدايه بساع اخلص وخلص البنيه
قيصر
شخلص خالي انطانياها بلا مهر وطلب المهر سعادتهه وراحة بالهه وامي وأهلي كلهم مامصدكين مكيفين بموضوع خطوبتي مااريد اغث امي اخاف عليهه حسين تعرف شنو اخاف عليهه
قيصر
مااعرف بس كل الاعرفه راح انفذ طلبات امي وفتره واسافر بالبعثه مال اوكرانيا واخليهه هنا بالعراق مالي خلك ابقئ بالبيت
حسين
والله عفيه والله تفكير اناني يعمي راح تجيب البنيه من بيت ابوهه وتذبهه وتروح 5سنوات شننو انته مخبل لوشنو مابكلبك رحمه
قيصر
لا احسن خليهه تبقئ هنا امي وعمي عصام بنات عموتي يهونن عليهه اني هناك طول الوكت برا هيه شتسوي تبقه وحدهه
حسين
زين الكالهه وضيفه قبل لاتسافر لاتخليهه هيجي
قيصر
سبق وكتلك عمرهه 17وعدهه شهادة متوسط لااكثر وين اوضفهه
حسين
حلهه عندي قبل لاتسافر جيبهه الي واني وياك ناخذهه ونروح لعمي مدير مدرسه نروح نقدملهه خارجي ونخليهه بمدرسة عمي راح تستفاد لان يقدم دروس مجاني كلش راح يساعده منهه تتونس ومنه تلزم شهاده
قيصر
ماشي الله كريم خوش فكره
تغدوو وطلعوو رجعو للمستشفئ وكلعاده مشه اليوم بطيء لان شغلهم ميخلص الا ان اجه أتصال لقيصر
ناي
من كعدت الصبح نضفت المطبخ وخلصت رحت لصديقاتي اتشكر منهن ومن وكفتهن رحت لبيت ابو رضا قبل. لاادك الباب طلع رضا جنئ طالع سلمت علي ورد السلام بثكل
كتله البنات موجودات كال اي موجودات ردت افوت صاح عليه
رضاا
ناي بالخير وبالعافيه انشالله منه المال ومنج العيال
ناي
يوم اللك رضا ونفرح ببك
رضا
هه
مااضن لان الاحبهه اخذهه غيري شكد جنت محافض عليهه تروح وتجي للمدرسه واني متانيهه بالباب
و اخاف عليهه من الهوئ ولامرا حاجيتهه وطبك الساني ع السانهه كلت ماألثك سمعتهه خليهه مثل ماهيه ورقه بيضه ويوم ألاخذهه تصير ملكي وحلالي بعد اسوي اليعجبني يس الضاهر هيه جانت مامنتبه الحبي او ماجنت ابالهه لان شاب ع كد حالي لااني طاك ولاعندي فلوس
فتت البيتهم واني رجليه يرجفن من حجي رضاا كلش قهرني حجيه معقوله الولد نضراته الي جانت بحب واني مامنتبهه بس صوجه هوه ولامره لمح أخ ياربي واني اكول الولد وامه موعلئ بعضهم
نرجس
يااا هاي ناي شتسوين بره اتفضلي تفضلي
أهلآ وسهلآ ليش كاعده بالحر
ناي
بالمهلي حبيبتي لابس كعدت شوي ندارت بيه الگاع
نرجس
اسم الله عليج حبيبتي دفوتي جوه يم امي وزينب واني راح اسويلج احلا شربت نومي
ناي
مااريد اتعبج اني جاي اسلم عليكم. واتشكر منكم واروح
نرجس
صدك جذب تعبج راحه غير اختنه انتي شنو هاذ الحجي من يمته الاخوات يتشكرون وحده من الثانيه
ناي
حبيبتي انشالله اوكفلكم بالافراح
بس قبل لاانفوت اريد اسالج سؤال واريد منج جواب
نرجس
تفضلي اسئلي
ناي
الله عليج بداعتي احجي الصدك قبد شوي رضا حاجاني حجي نصه الغاز مافهمته بس الفهمت منه الحجي يخصني
نرجس
وشنو شكلج
ناي
سولفتلهه كلشي
نرجس
شووفي هسه انتي بحكم المزوجه وميصير نحاجيج هلكلام بس راح اكلج مختصر مفيد رضا يحبج من زمان من جنتي. زغيره وتجين تلعبين ويانه جان ايكول لمي هاي البنيه من تكبر راح اخذهه مره وجنه نضحك علي بس من كبرتي الفكره اطورت وجان يحلم يلم جم فلس ويتقدملج جنه انلومه لان مايصارحج جان يكول ناي مثل الورقه البيضه مااريد الثكهه ومااسوي وياها علاقه محرمه ابد اريد الله يقسملياها بالحلال
وبعد انتي الله وفقج وتزوجتي هاذ الحجي ذبي وره ضهرج الله ماقاسمج الرضا
ناي
انتي فاجئتنيني بهاذا حجيج مااعرف شكول
نرجس
كلشي لاتكولين
تعاي نفوت جوه
فتنه جوه وسلمت ع ام رضا وزينب سولفنه شويه وتشكرت منهن بس جنت مخنوكه خنك ومابينت ردت بس اخلص واطلع طلعت من يمهم للبيت واني حسبة تاخذني وحسبه توديني دخلت للبيت حضرت غداي وخبزت اجه ابوي ووالي صبيت الغده وكعدنه سوه بس اني حيل مقهوره الحسبات مشتته افكاري
ابو سجاد
هاا بويه شبيج اليوم سو تصفنين احد غاثج مسمعج حجايه كولي بويه
ابو سجاد
يابعد ابوج يابويه يخليج ويحفضج
اكلج بويه هم نشدتي ع عمتج ع ابن عمتج
ناي
لاوالله يابه ناسيه انته ذكرتني هسه من اكمل غداي اخابرهم
كملنه غدانه كمت غسلت مواعيني وصبيتلهم جاي ابوي كال ينامله ساعه ووالي سبح ورجع للبستان يكول يكمل شغله دخلت الغرفتي طلعت جهازي لكيت مكالمتين من عمتي وقيصر ولاذاكرني
خابرت ع عمتي والله عيب المفروض اني اسال عليهه
الووو
هلو عمه شلونج شخبارج عذربني ماذاكره الجهاز والتهيت بشغل البيت
ام قيصر
الوووو
هلوو حبيبتي شلونج يعمري
معذوره يمه انتم شلونكم
يلاا عمه من رخصتج اني اروح
مع السلامه ماماتي سلمينه ع الوالد حبيبتي انتي
أنشالله يوصل
سديت الاتصال من عمتي واني كلش ضايجه شمعنه اني مطلوب مني اسال واخابر زين هوه شنو شغلته مو علساس الرجال هوه اليتصل ويسأل ويدلل صح ماكو فرق بيناتنه بس احنه بالبدايه
اااوووووف تعوذت من ابليس كلت اخابره كلمه كلمتين واسده ع اقل سويت العليه خومومثله ضارب طنااش
لزمت تليفون وبدون تردد اتصلت علي
الوووو
هلووو قيصر شلونك
قيصر
هلووات الحمدلله اسال عليكم والله اسف اذا مااتصلت بس مشغول تعرفين شغلي ماكو مجال
قيصر
حقج واني اعتدر نسالله ع الجايات
اي خالي شخباره والي شلونه
ناي
الحمدلله الكل بخير يسلمون واصلآ والدي ذكرك بالغده وكال شوفي خطيبج وسال عليك تعرف اني الموبايل موكلش ابالي دائمآ انساا
قيصر
اعرف وانشالله الايام الجاي تتعودين علي هيه مسئلة وقت وراح مايفاركج التليفون ادمان اذا الواحد لزمه
ناي
مااعتقد اني موكلش مهتمه بالتليفونات ولاالنت مع العلم اشوفه عد صديقاتي ةاخوي سجاد هم جان عنده بس اني جنت مهتمه لدراستي الامور الثانويه ماتعنيلي
قيصر
اثناء ماجاي نحجي ونسولف جان الحديث عادي بس حلو فاتت سمر من باب غرفتي بس لمحتهه تخربطت احوالي عاد كبل اعتذرت من ناي وكتلهه
من رخصتج ناي اجت حاله طارئه لازم اروح بعدين نكمل
ناي
ماشي باباي
سديت التلفون منه واني احس قيصر اليحاجيني غير قيصر ألانسان الكعد يمي ع الشط وسولفنه جان مستمع جيد ويواسي بطريقه حلوه هسه احس كوه يستمع مااعرف هاذ الصدك لو عقلي يهيئلي شغلات ماموجوده بالواقع رحت متديت واني الحسبات ماخذه مني هواي مااعرف شسوي لقيصر حته حته يحسسني بهتمامه واني منجذبتله اتمنه يشوف هاذ الشيء لورضا الطلعلي صفح وين جان عني ليش ماكال ولاحجه جان انتضرته رغم اني ماعندي شعور اتجاهه بس ع اقل اذا صار من نصيبي راح اكون جارة ابوي ووالي وادير بالي عليهم اخاف اروح لبغداد ويتبهذلون الوالد تعبان ومريض الله لايكولهه اذا يصيرله شي والي ياهو اله ياهو يوكفله ويعينه بدنيا وهوه بكلشي متكل علينه اااخ ياربي ريح بالي تعبت
قيصر
سديته من ناي واني ضميري مكطعني مااعرف اوصف الكارثه السويتهه لمن وافقت امي وعلقت البنيه بيه وجن احبالهه ذايبه لان ماوصلت الكلبي سمر كاعده ومتربعه لدرجه من فاتت يمي خربطت احوالي والله تعبت مااعرف شحجي وشكول وشلون تدبر خلص دوامي واخذت اغراضي وطلعت وحته مارحت لصديقي حسين ع ساس نكعدلنه شويه نتونس نسيته وطلعت وبجهي للبيت لكيت ماما واكفه ع الطباخ واكفه تسويلي اكل خطيه تنتضرني دائمآ هيج وقت وتسويلي عشاي رغم عدنه مساعده بالبيت بس هيه تحب تطبخ بيدهه
قيصر
ازدحام وملل كولي همزين شوي الجوو بي بروده اذا حر نمووت قبل لانوصل
ام قيصر
لاماما انشالله سالم يلاا حبيبي روح غسل حته تتعشه اني وابوك منتضريك
قيصر
ماشي هسه ع السريع دقايق يمج انتي جهزي واني شوي واجي
رحت لغرفتي سبحت وبدلت نزلت كبل ع عمي سلمت علي واخذته للمطبخ كعدنه يم امي صبت العشه ورق عنب والخبز الحار اويلللللييي يوم شمدريج مشتهي هاذي الاكله
ام قيصر
حبيبي بالعافيه
عصام
كلب والده بعده اكو شي ينضم عليهه
عصام
هيج اغار اكوم من العشه
ههههههه
ام قيصر لاشلون شعندي غيرك غير انته الكلب والروح
قيصر
لااني اكوم هيج حجي مااكدر اسمعه تعرفون عندي جفاف هههههه
عصام
وليش جفاف اشو عندك ناي صوتهه جنه العافيه خابرهه واشبع رومانسيات بدل ماكاعد ع كلبنه
ام قيصر
صدك ماما انته خابرتهه لولاا
قيصر
لاماما هيه اتصلت اني مشغول ماكو وكت اخابر تعرفين ضروف شغلي
عصام
موشرط تخابر حتلو رساله او فويز اي كلمتين حلوين لازم تشيل الرسميات بيناتكم ياباباتي شنو انته زغير قابل اعلمك
انشالله بابا امرك
ام قيصر
يحجون واني بداخلي اتكطع ع بنت اخويه اليتيمه السباعيه الطيبه الذبيته بهيج ورطه المره كلشي ولاتتزوج واحد مايحبهه تعتبر مصيبه بس اني مثل الغركان اتعلك بكشايه وماالكه واحد مثل بت اخويه تشيل هاذ الحمل وتصفي بال ابني
لازم توصل الكلب قيصر وتطلع منه هلمرض الاسمه سمر لان بس تبقه بكلبه راح تاخذه للمجهول اعرف كلش زين شنو خططه ونواياهه ولازم اعرف هيه وين تريد توصل بس خل اخلص من عرس قيصر وناي واني اتفرغ لهاي المسمومه
قيصر
خلصت عشاي وصعدت بديت اكمل بالبحوث لازم اكملهن اليله واسلمهن باجر لان اليوم اخر يوم للتقديم بس دكتور سمير لخاطري مدد موعد التقديم
كعدت طول اليل كملت ب5الصبح كمت توضيت وصليت ورجعت نمت فزيت بال9رحتت للدوام واني كلي امل انقبل سلمت البحوث للدكاتره ولكيت كثير مقدم من زملائي كالو فد ساعتين وتطلع النتايج
سمر
كعدت اليل كله واستجمعت كل افكاري وكتبت البحوث بطريقه ممتازه لازم اسافر لازم قيصر يصير الي ماكو شي يمنعني مستعده اسوي كلشي حته اوصل للبالي
خلصت ونمت كم ساعه كبل اتجهت للمستشفئ ورحت قدمت شفت السجل مالته اول السجلات الضاهر جاي من وكت رحتت للكفتيريا اني وصديقاتي لان فد ساعتين عندي استشاريه سمعت كالو راح يجرون القرعه رحت لكيت الزملاء والزميلات الكل منتضر جان المفروض 10شباب و10بنات لازم يطلع اسمهم صاحو أسم بنيه واسم ولد اول اربعه طلعوو وبعدين صاحو سمر محمد ذياب ااااع جانت مفاجئه ماجنت متوقعه حضي يجنص ويطلع اسمي لان التقديم هواي شباب وبنات للحمدلله اول باي من سلم طموحاتي اجتازيتهه
قيصر قدمت ورحت جيكت مرضاي بس من سمعت بدت القرعه يم مدير المستشفه واحنه جنه فوك ال40دكتور ودكتوره اكو المقيم اقدم واكو المتدربين وكلنه صرنه 40عاد صاحو الاسماء وماجنت متوقع سمر تسجل اسمهه وتقدم شكد مافرحلتهه بس بنفس الوقت ضجت اني ناوي اسافر حته انساهه لو اشوفهه كبالي شلوون صاحو كل الاسماء عاد الاسم الاخير اسمي قيصر محمد عباس كلش فرحت رغم وجود سمر وياي بالبعثه موبصالحي بس فرحت لان هاذي البعثه من ضمن طموحاتي وهماتين حسيته الخلاص من جو البيت والزواج الاصلآ مافرحان بي
"لا أحد منا يعرفُ طريقةً
يتجاوزُ بها الأيام السيئة
لكننا ننجو بفضل الله"
شكرا لزيارتكم عالم روايات سكيرهوم
