رواية انتقامي الفصل الثاني عشر بقلم جمانه السعيدي
شاهين...اخذت الفلوس ورجعت للبيت
اخذت دفتر المصرف الي باسم امي ورحت للمصرف
نزلت الفلوس بحساب امي بدون ماتعرف
تحسبا الاي شي لحد الان محد يعرف من اهلي
اني احجي ويا منى ولا يعرفون الخطه نجحت
ومنى وكعت بشر اعمالها
من رجعت اخذت الدفتر وضميته طبعا دفتر امي مابي فلوس غير ٢٥ الف مخليتهن علمود الحساب يبقى مفتوح
رجعت للمحل عادي وكملت يومي وكانما كلشي ماصاير
بليل من رجعت لكيتها متصله
وبعدين دازه مسج
منى...شاهين مجاي اصبر اريد احجيلك الصار
حتى تعرف اني شكد اعزك وشسويت بااهلي علمودك
من انطيتك الفلوس ورجعت للبيت
اتصلت على ابوي واني ابجي
كتله كعدت من النوم وشفت واحد بيتنا بس انهزم
اجيت على الفلوس مالكيتهن
كلهن ماخذهن وابوي تخبل انجن رجع للبيت
طاير ورجعت اتصلت على امي نفس الشي
ابوي وصل للبيت مايندل دربه مرتين عثر بلباب
وامي حلكها يابس وتبجي
جمانه السعيدي
ابوي رجع الكامرات وتخبل بلزايد ماكو واحد طالع لو داخل بيتنا غريب
بس اني طلعت ورجعت لمن جبتلك الفلوس
ابوي سئلني وين رحتي وليش عفتي البيت
والي دخل بيتنا منيين دخل
منى...يمكن طفر من يم الجيران يمكن الناس الي بعنا عليهم البيت هما الي دزو لان هما الوحيدين الي
يعرفون عدنا فلوس
امي...كتلك نخلي الفلوس بلمصرف عاندت خوش هسه
الفلوس راحت والبيت راح
صفينا بلشارع
منى...ابوي صمم يروح يشتكي بلكت الشرطه تكدر اطلع الحرامي
اجت الشرطه بس كلشي مالكووو
حتى من الجوارين محد طافر علينا لان ماكو اي اثر رجلين
واني خفت كلت بسلا اهلي يشكون بيه
ابوي من الصبح الهاي اللحظه مشتعل نار ويصيح
علينا وامي لا اكل ولا شرب بس تبجي
شاهين...قريت الرساله ومارديت عليها
منى...شاهين ليش ماترد عليه اني خليت نفسي بمصيبه
خايفه على امي
اخوي اخذها للمستشفى يمكن ضغطها صاعد
وابوي حتى حجي ما يحجي كاعد بنفس المكان صار اكثر من ٣ ساعات لا شرب ولا اكل
ولا حتى راح ويا امي للمستشفى
شاهين...مارديت عليها
منى...ليش ماترد شاهين اريدك تستعجل وترجعني
على ذمتك بعد مااكدر ابقى هنا بهذا البيت
بيتنا بي نار مستعره اهلي داخلين انذار بسبب الفلوس
ابوي متخبل
اذا محد دخل ومحد طلع ليش الفلوس ماكووو وين راحت مثلا جمانه السعيدي
شاهين...قريت بس مارديت عليها اريدها تتخبل اكثر
وتعيش القهر والحسره الي عشتهن بسببها
منى...ليش ماترد فدوه محتاجتك تواسيني وتخفف عني
شاهين...اريد بنتي وتتنازلين عن النفقه
منى...اي اكيد من نرجع بنتك تبقى بحضنك والنفقه تسقط
منك
شاهين....اريد تتنازلين عن بنتي ويكون كدام محامي وشهود وتتنازلين عن الغايب والنفقه
منى...هاي شبيك شاهين ليش هيج تحجي
شاهين.....نفذي بدون مشاكل ليش افضحج
عندي الفديوات وانتي بملابس خليعه
عندي تسجيل اللج وانتي تبوكين اهلج ليش افضحج عل وابوج ينجلط
وامج تموت وتخلصنا من شرها
كافي عليهم يعرفون بتهم هي الي باكت فلوسهم
هذا الخبر وحده كفيل يموتهم قهر
منى...لا لاتلعب عليه اني منى بعدك ما تعرفني زين
اشتكي عليك واكول هو الي جبرني
هو الي كال جيبلي فلوس البيت
شاهين. تمام واذا اني عندي تسجيل مكالمه بصوتج وانتي تشرحين شلون راح تاخذين فلوس اهلج
وتتوسلين بيه حتى اخذهن
وتخططين شلون راح يدبرون نفسهم برواتبهم
طلعتي انتي خاله عينج على رواتبهم
ووياهن كم صوره البنات عمج وكل اقاربج وياهن فديو وانتي مثل الجلبه تسوين شغلات
مال بنات شوارع واتاكدين عليه افتح كامره
انتي بعد ماتكدرين تسوين شي
اني كمت اعرف تصرفاتج زين وحتى الفلوس مراح تكدرين اثبتين عندي
لان ماعندج دليل مجرد اتهام واني راح انكر بعمري لا شفتج ولا حجيت وياج
الج يومين فرصه اخيره
اذا ما يتصل عليه المحامي ويكول تعال اخذ بنتك
واحنا متنازلين عن كلشي
انشر صورج وحده وحده
شوفي خل اكلج شي اني فرحان بااهلج واتمنى
يصير بيهم شي اكثر من هذا
لان يستاهلون هذا زرعهم خلي يحصدونه
منى...حقير سافل تقشمرني اني منى واحد مثلك يضحك عليه
شاهين...اني ماجبرتج انتي الي تواصلتي وياي
رغم احنا انفصلنا وكلمن راح بطريقه
بس انتي الي ساعدتيني حتى اخذ حقي منج ومن اهلج
يومين منى يومين بس
وبعدها راح تبدي الحرب الحقيقيه فهمتي لو لا
جمانه السعيدي
شاهين...كامت تعيط وتسب وتغلط قفلت الجهاز
لازم اخذ بنتي مااريد وحده مثلها تربيها
تطلع مثلها تنكط سم ومحد يخلص من شرها
ثاني يوم من وصلت للمحل لكيت ابوي فرحان
شاهين...هااا اليوم فرحان
ابوي...حرام الشماته بس ولله برد كلبي اهل منى بايعين بيتهم والفلوس انباكن
ابوها ضربته جلطه البارحه وناقلو للمستشفى
وامها تعبانه ونايمه مستشفى ناس تكول طالع عدها سرطان وناس تكول عدها غده
يابويه ولله مو شمتان بيهم
بس الباطل عمره كصير اي واحد يشجع على الضلم
يوكع بمصيبه
ابوها وامها جانو يعرفون هي غلطانه
وبمكان مايوكفوها عد حدها لا شجعوها على الغلط
هما اصلا زوجوها وهم يعرفون هي مومال زواج
وحده ماعدها تربيه ولا أخلاق
بس بلاخير نكول الله يشفيهم المرض مابي شماته
شاهين...تدعيلهم بعد كلشي صار
ابوي...يابويه البشر معرض للمرض ممكن يفقد صحته باي لحظه وساعته كلشي مايفيد
شاهين....اجيت اكله منى هي الي جلطت ابوها بعدين سكتت مااريد ابوي يعرف أي شي عن هذا الموضوع
بليل فنحت التليفون لكيتها دازه اكثر من رساله صوتيه
تحجي وتبجي
منى...لا شاهين الي اعرفه مايغدر
شاهين الي اعرفه رجال مستحيل تاخذ الفلوس وتغدر بيه
والنوب تريد تاخذ بتي
لا شاهين فدوه حلفتك بكل عزيز لا تسوي بيه هيج
اني غلطانه اعترف
بس انت عاقل انت محترم مو مثلي اني وحده مريضه
وراح اتعالج
فدوه رجعني على ذمتك
وواوعدك راح اكون انسانه ثانيه راح اتغير
واذا ماتريد ترجعني
رجع الفلوس ابوي انجلط بسبي وامي حالتها مززينه
اخوي شاك الفلوس عندي
وكل شويه يهددني اذا صار بابوي شي يكتلني
هو اصلا مايحبني من قبل لاهو ولا زوجته
جمانه السعيدي
شاهين...احلفك بكل عزيز عليك لا تعوفني
رغم كلشي سويته ببك بس اني احبك صدكني احبك
انت رجال حقيقي غير كل واحد تعرفت علي
انت تختلف
اني انطيتك فلوس بيت اهلي لان اثق بيك
لا تعوفني الله يخليك
شاهين....اريد بنتي مالي شغل بااهلج اهلج انتي الي
قضيتي عليهم
اني لا دخلت بيتكم ولا اخذت شي
شوفي كلشي بهاي الدنيا ممكن يتعوض اله الثقه
مستحيل ترجع مره ثانيه
اني مستحيل اكدر اثق بيج وارجعج الحياتي
باجر اخر فرصه اللج
اما بنتي وتنازل بلمحكمه عن كلشي
او انشر صورج وواول ناس ادزلهم الصور بيت عمج وبيت خالج وبيت جدج والمدرسات وحده وحده
والطالبات اعتقد التربيه راح يطردونج لان فديوهات فاضحه
وانتي جاي تعلمين اجيال
لا تحاولين تشتكين عليه
لان اني عندي عليج ادله تكسر ضهرج
هذا اخر تحذير اللج بنتي تكون عندي باجر هي والتنازل
مفهوم لو لا
ثاني يوم اني الصبح بالمحل وياا ابوي واجاني اتصال من المحامي
اني محامي منى ...كتبتلي توكيل واني جاي انطيك تنازل عن بتك وعن النفقه وعن المؤخر
ممكن تجي توقع وتستلم بنتك
شاهين...اتصل على المحامي يحضر وياي
ابوي....شبي المحامي
شاهين...يكول منى تنازلت عن بتها وتنازلت عن النفقه والمؤخر
ابوي....هااا عود صدك خاف هاي لعبه منى ماتسوي هيج شي
شاهين...لا حقيقه مو لعبه
ابوي...مااعوفك تروح وحدك اني اروح وياك انت ماتعرف هاي السوالف ايجوز تريد تلوف السالفه عليك
شاهين...لا تخاف هلمره ماكو اي لعبه تعال وياي وشوف
وصلنا للمحكمه واجا المحامي حضرت الشهود
كلشي تم بشكل رسمي
ابوي كاعد وما مصدك اني كدرت اخذ بنتي
طلعنا اني بسيارتي والمحامي بسيارته رحنا على بيتهم
المحامي دخل وجابلي بنتي واجا
اول شي استغربت مني كامت تبجي بعدين سكتت
من وصلنا للبيت لكيت منى دازتلي مسج
منى...اهلي تخبلو من عرفو اني تنازلت عن بنتي والنفقه والغايب يكولون ليش تعوفين بنتج
كتلهم مااربيها وحدي وابوها يريد يزوج غيري
خل ابوها يحير بيها
صار يومين بس ابجي راسي راح ينفجر
مدري إداري ابوي مدري امي مدري احير بضيمي
اتمنى تنتبه عليها زين
اتمنى تفكر بكلامي وتخلينا نبدي من جديد
اخذ الفلوس مااريدهن بس رجعني اريد بنتي
شاهين...حضرتها من التصالات
شاهين ...اهلي ما مصدقين شلون منى تنازلت شلون قبلت تتخلى عن بتها
ابوي يكول هذا بختي عثرهم
امي تكول هاي حوبتي طلعت لان يحجن عليه حجي باطل
فعلا هذا بخت ابوي وحوبت امي
خلت منى تفتر تفتر وترجع عليه وتسلمني كلشي
بعد عندي انتقام واحد من صاحبها ولو انسجن
بس اريد اخذ حقي منه
واحد حقير مزوج وعندك اطفال وأهلك من البدايه رافضين منى
شعندك باقي تراسل بيها وهي مزوجه
لو ماشايفه بيك مجال مجان بقت تراسل بيك
ودخلت بهاي الدوامه
قررت اروح اسئل عنهم بمنطقتهم واستفسر اكثر
بس وصلت الصاحب المحل الي بمنطقتهم
اجت علي وحده شكلها تعبان وملابسها كلش تعبانه
دخلت تشتري جاي وتمن
ابو المحل سئلها شلون فلان يمتى يطلع من السجن
من كال اسمه عرفت هاي زوجته
من طلعت من المحل سئلته هاي زوجت فلان
كال اي زوجته من جان موجود حسره عليها الربع
ومواريها الويل
وهسه انسجن بقت تحت رحمة اهله
ياريت انسجن على شي يسوه مصاحب وحده مزوجه
وتفقو هو وياها يبوكون عيالها
بيهم بخت وكع من اول مكالمه
شكرا لزيارتكم عالم روايات سكيرهوم
