رواية شمس لا تغفر الفصل الحادى عشر 11 بقلم سيليا البحيرى

الجد و حمزة و شمس بصوا لبعض بخبث و ضحكم بدون صوت و الجد قال:- 

- يعجبني فيكم أنكم ماشيين معايا على الخط 

شمس أخدت نفس و خرجته على مراحل و بصت ليهم الاتنين و قال:- 

أنا عاوزة تفسير دلوقتي و إزاي حدي عرف إننا متجوزين يا حمزة 

حمزة أخد نفس و قعد جنبها على السرير و حاوطها بايده و قال:- 

هو مكنش يعرف غير قبل ساعتين من هنا 

شمس بصتله و رفعت حاجبها وقالت:- 

بمعني ؟! 

حمزة أخد نفس طويل و قال:- 

بمعني إني لما خرجت 

فلاش باك 

حمزة خرج متعصب من عند شمس و رزع الباب وراه ، كان على بعد حازم واقف و شافه و من الجه التانية الجد كان واقف على باب غرفة كان قاعد فيها مستني شمس تفوق فـ شافه 

و بحركه سريعة منه استني حمزة لحد ما قرب منه و سحبه جوه الأوضة و قفل الأوضة 

الجد بص لية و رفع حاجبه و قال:- 

كنت بتعمل ايه عند شمس و هي في اوضيتها و لوحدها مسبتهاش ترتاح لية 

حمزة اتوتر و قال:- 

معلش يا جدي كنت حابب اتطمن عليها إنت حملتني مسؤوليها وأنا متعودتش التخلي عن مسؤولياتي 

الجد بصله بقرف و قال :- 

مسؤوليات يا أبو مسؤوليات ، ياض ياض هو أنا شعري شاب من شوية ؟! هات الزتونة يا حمزة و خليك صريح معايا عشان محطش الموضوع في دماغي و هعرفه خد بالك ، عشان لسة متخلقش اللي يحور على الدغيدي الكبير يا لطخ 

حمزة أخد نفس و مسك ايد الجد و قعده على أقرب كرسي و قال:- 

مراتي يا جدي 

الجد اتصدم و قال:- 

نعم يخويا ؟! مرات مين دا ؟! 

حمزة قعد قدام الجد و قال:- 

مراتي و من قبل تيجي هنا البيت و كمان مجيتها هنا من تخطيطنا سوا 

الجد حط ايده على رأسه و قال:- 

حتي إنت يا حمزة  بتخطط و ترتب من ورايا ؟! طب هي و معزورة عاوزة تاخد حقها و حق أمها إنت اية 

حمزة أخذ نفس و عيونه اسودت و قال:- 

حقها و حق أمها عندي يا جدي و حق أبويا عندي برضوا 

الجد بصله بصدمة و قال:- 

حق اية اللي بتتكلم عنه ؟! إنت عرفت حاجة 

و بص لـ شمس المصدومة و قال:- 

إنتي قولتي لية حاجة ؟! 

- مقالتش حاجة يا جدي 

الجد بصله و حمزة بصله و الدموع اتكونت في عيونه و قال:- 

المشكله أنها مقالتش حاجة خافت على شعوري و مفتحتش بوقها بس ربنا أرد إن الحقيقة تنكشف قدام دي من يومها 

يومها سمعتها بتتكلم معاك عن اللي حصل و بتحاول تقنعها إن مينفعش حد يعرف باللي حصل عشان فضيحة العيلة و الفضيحة اللي هتبقي ملازمة اسمي علطول خافت علي العيلة و العيلة نفسها اللي كانت عاوزة ترميها برة 

الجد أخد نفس و حط ايده على كتفه و قال:- 

كل حاجة هتبقي تمام يا حمزة صدقني و اللي غلط في حاجة هيتحاسب عليها و أنا بنفسي اللي هتاكد من كدا سكت ليهم كتير لكن من دلوقتي عداله ربنا لازم تتحقق حتى لو على حساب ولادي 

.........

- وإنت هتعمل ايه دلوقتي يا نشأت 

هعمل ايه يعني يا ثريا ، أنا كلمت المحامي و هرفع قضية الحجر و هتهمه أنه أخد وصية بنتي مني أنا مش هسكت و حقي لازم اخده و لو على حساب حياتي 

ثريا بدأت تقلق و تبص لية بقلق بس مبينتش و بتوتر و هي بتحاول تدارية قالت:- 

اللي إنت شايفة صح أعمله يا حبيبي وأنا طبعاً معاك في كل حاجة 

و بدأت تقول في نفسها يا ربي دا بيبهدل أبوه و مش باقي عليه هيجي عليا أنا و هيبقي عليا ؟؟ 

لا أنا لازم اخد حزري منه عشان مطلعش في الآخر أنا الخسرانه 

......

- زي ما سمعت حضرتك اللي أختك مفيهاش اي حاجة واضح إن اللي كان بيضربها مدرب كويس اوي على الحركات دي لا و مش بس كدا دا في مناطق معينه مجاش تجاها و كأنه قاصد يوصلها لمرحلة دي 

زين و زياد بصوت لبعض بزهول يتخلله الشك و.....

❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️

من قال يوماً أن الكوارث تاتي فُرَدَا ، و شئت أم أبيت سيكون عليك الموجهة و التصدي إليها 

أعزائي المشاهدين نأسف على قطع الإرسال و لكن قد 

جائنا البيان التالي 

تم إلقاء القبض على رجل الأعمال معتز نشأت الدغيدي ابن رجل الأعمال نشأت الدغيدي فى وضح مخل بالادب مع المدعوة زيزي زوجت رجل الأعمال المقيم خارج البلاد محمود نشأت الدغيدي فيها و والدة رجل الأعمال حمزة محمود نشأت الدغيدي 

مرت ثلاثة أيام كان حمزة مهتم بشمس جدا و معاها خطوة بخطوة و بيساعدها في كل حاجة و حاول على قد ما يقدر يحسن من حالتها النفسية و الصحية و ساعده في دا جده و أخواتها اللي بدأوا يقربوا منها و الندم بياكلهم من جواهم على اللي عملوه فيها و عملوا بمقولة 

" أن تأتي متأخر خيراً من ألا تاتي" 

كانت شمس قاعدة مع حمزة و بياكلها و هو بيقول بغمزة:- 

لا بس الغيوم اتزاحت و الشمس سطعت من تاني أهي

وزكته بكتفه و قالت:- 

بس بقي يا حمزة الله هو إنت مُصر إنك تكسفني دايما كدا !! 

اتنهد و حط صنية الأكل على جنب و مدد جنبها على السرير و اخدها في حضنه و بصلها و ابتسم 

باس على رأسها و رجع ظهره بيها على ظهر السرير و قال:- 

فاكرة اتقابلنا إزاي يا شمس ؟! 

شمس اتعدلت و سندت على صدره و قالت:- 

المهم تكون إنت فاكر يا حمبوزي 

ارتفعت صوت ضحكاته و قال:- 

كنت شرير إنت أوي يا حُب 

نامت على صدره و هي بتقول:- 

كنت دبش أوي واعترف وأفتخر كمان يا حمبوزي 

فلاش باك:- 

كانت بتعدي الطريق و هي بتبتسم للست العجوز اللي ماسكة اديها و موقفة المرور كله عشانها 

- الله يرضى عنك يا بنتي دايما فكراني و بتيجي كل يوم في نفس المعاد تعديني الطريق 

ابتسمت شمس و قالت:- 

أهم حاجة دعواتك ليا يا طنط و اعتبرني زي بنتك بالظبط و أي حاجة تحتاجيها قوليلي علطول 

- حطت اديها على رأسها و قالت:- 

روحي ربنا ينولك مرادك و يرزقك بابن الحلال اللي يريح قلبك و يسعدك و يشيلك على كفوق الراحة 

كان متابع الموقع من عربيته بعد ما ركنها قريب منهم ، ابتسم بعد ما كان متزمر و بيسب فيها عشان وقفت المرور و هو متأخر على مواعيدة لكن لما شاف موقفها و سمع كلام الست ابتسم و حفر ملامح شمس في دماغه و انطلق بالعربية 

بصت في ساعتها و وقفت بسرعة و قالت:- 

إتاخرت على الكلية يا ربي دا فيه ضيف مهم أوي جاي النهاردة ادعيلي يا طنط سلام هعدي عليكي وأنا مروحة 

أخدت الطريق جري لحد ما وصلت على باب المحاضرة و هي بتاخد نفسها بالعافية من كتر الجري و بترفع اديها للدكتور و بتقول بصوت متقطع:- 

أنا آسفة على التأخير يا دكتور مش هتتكرر تاني اوعدك 

بصلها من فوق لتحت و هي رفعت عنيها لقته مش دكتورها و الضيف اللي جاي ضغطت على اديها و قالت:- 

احيه دا امشي بكرامتك يا شمس بدل ما الدفعه كلها تتفرج عليكي دا مبيهزرش في المواعيد 

كانت لسة هتلف و تمشي لكن سمعت صوته بيقول:- 

اتفضلي يا آنسة و اتمني متتكرشش تاني أهم حاجة في المجال دا إننا نلتزم بالمواعيد حتي لو كنت بتعمل حاجة كويسة هتتجازي عليها 

رفعت عنيها عليه وبصتله بصدمة و هو بص للمدرج و تجاهلها دخلت و صدمتها على وشها و قعدت في مكانها المخصص اللي حاربت عشان يبقي مكانها الثابت 

يصلها بصه سريعة و استغرب لما لقاها قاعدة في الصفوف الاولي و بصاله بتركيز شديد لكن مداش الموضوع إهتمام و عرفهم بنفسه الأول و قال:- 

طبعاً الأغلبية منكم عارفيني أنا حمزة محمود الدغيدي رئيس مجموعة شريكات الدغيدي جروب كل دا بتوفيق ربنا أولا ثم اجتهادي ثانياً وأنا النهاردة جاي عشان اديكم محاضرة و معلومات هتساعدكم و تحفذكم أنكم توصلوا لحاجة 

كانت قاعدة مندهشة من الإسم و بتقول في نفسها:- 

الدغيدي أكيد تشابه أسماء و ركزت معاه على قد ما تقدر عاوزة تجمع معلومات هتساعدها بعد التخرج إنها ناجح في مجال شغلها 

وآخر حاجة عاوز انبه عليها المواعيد لازم تبقي دقيق أوي في مواعيدك ، مش لازم العميل عندك يشوفك غير بابهي صورة و معادك مظبوط ، حتت المواعيد دي بتفرق عند ناس بطريقة رهيبة 

ختم كلامه و هو بيبص على شمس اللي انكمشت لتحت و هو ضحك على منظرها 

لبس نظارته و مشي في طريقة و هو بيبتسم جوا أنه كسفها 

شمس شتمته في سرها و خرجت من الكلية و بصت في ساعتها و مشت بهدوء على المطعم اللي هتشتغل فيه و هي بتصبر نفسها و بتقول :- 

يلا يا شمس دا إحنا لسة في أول السلم أومال لما توصلي الرابع هتكوني عملتي اية 

دخلت المطعم و غيرت هدومها و خرجت تشوف شغلها لحد ما وصلت لترابيزة الشاب اللي قاعد عليها مديها ظهره فـ وقفت جنبه من غير ما تشوفه و قالت:- 

تؤمر بحاجة يا فندم 

حمزة رفع عينه عليها و اتفاجي بيها و هي برقت لما شافته و بلعت ريقها بس تمالكت نفسها و عدت الموضوع و قالت:- 

تؤمر بحاجة يا فندم ؟! 

حمزة بصلها و بص على الشريط اللى مكتوب عليه إسمها و متعلق على صدرها و قال:- 

شوية يا شمس 

و لما كمل باقي الإسم وقف مرة و واحدة و قال بهلع :- 

اية دا ؟! 

بااااك 

فاق حمزة على صوت اهتزاز موبايلة و لما مسكه مصدقش نفسة خمسين مكالمة فائتة من والده فـ بص لـ شمس و قال:- 

استر يا اللي بتستر 

كلم والده اللي فتح فيه و قال بزعيق البيه فين و سايب المصيبة اللي حصلت لينا دي 

قال بهدوء :- 

مصيبة اية بس يا بابا 

محمود بهيجان و زعيق :- 

شوف الأخبار يا حمزة و ابعتلي طيارتك الخاصة أنا عندي بطار و لازم اصفيه دا شرفي و سمعتي ولازم ارجعهم 

حمزة مفهمش حاجة لكن جري فتح التلفزيون اللي في غرفة شمس و الأخبار وقعت عليهم كالصاعقة