رواية حطام امراءه الفصل الثاني عشر بقلم جمانه السعيدي
بليل اتصل عليه وسام وبدا يعتذر من الي صار
وكال انزلي جبت مسواك للجهال
فاتن ماكو داعي اتعب نفسك
وسام ولله انتي انضلمتي ويانه
فاتن لا عادي اني متعلمه على التعب والضيم
وسام يله انزلي اخذي المسواك
فاتن نزلت بس شافني سلم عليه وكال اذا تردين تتركين الشغل عادي
انتي مالج ذنب
فاتن حسيت من كلامه حيل ضايج كتله لا اني راح ابقه بلشغل ونتعاون اني وياك ولله كربم
وسام الف رحمه على والديج انتي ماكو منج ابد
هاج هذا راتبج
فاتن بس اني ما اشتغلت غير اسبوع
وسام واذا ميخالف اعرف ضروفج صعبه
وهاي الضروف جاي تجبرج تشتغلين هيج شغل وتتحملين
واحد مثل سالم النذل ووحده مريضه نفسيا مثل سهاد
فاتن شكرا لانك جبرت خاطري
وسام هاج هاي نسخه من المفاتبح
فاتن تمام اخذت منه الفلوس والمفاتيح بس ماكدرت اصعد المسواك وحدي هو ساعدني وصعدت وياي
بس فتحت الباب طلعو جهالي
هو شافهم وكال ذوله جهالج
فاتن اي هذا حمودي وهاي جنه
دنك عليهم وحضنهم وبقه يبوس بيهم
انكسر خاطري علي سبحان الله واحد مثل هذا كله حنيه وطيبه يطلع عقيم
وواحد سافل مثل رياض الله يرزقه اطفال
لا اعتراض على حكمك يا الاهي
دخلت المسواك وهو راح
والجهال فرحووو كلش بلمسواك وخاصه الفواكه
صار اكثر من شهر ما داخله الفواكه بيتنا
قررت اقتصد بلفلوس خاف صدك اعوف الشغل
وابقه بدون مصرف
جمانه السعيدي
ثاني يوم رحت ولكيت وسام موجود ما طالع
فاتن صباح الخير
وسام صباح الخيرات
فاتن بعدك ما طالع
وسام اي احس نفسي تعبان حيل
فاتن ليش متاخذ اجازه حتى ترتاح
وسام ما اتحمل كعدت البيت ابد راح اروح واذا حسيت نفسي تعبان حيل ارجع
طلع واني دخلت صبحت على سهاد اليوم الله هاديه
ماغلطت عليه
كملت شغلي وسهاد طلبت مني ادخل وياها للحمام اسبحه
من طلعت كتله شنو رائيج اختارلج ثوب حلوه
سهاد ذوقج انتي وانتي منيله ذوق
فاتن جربي ماتخسرين شي
اختاريت اله ثوب وكتله خل اشسور شعرج
طبعا هي شعره كاري قصير
شسورت شعرها وخليته مكياج
حسيت نفسيته صارت احسن
كملت شغلي وهي كالت روحي اليوم من وكت طلعت
ولا كأني وسام
فاتن اني خلصت شغلي ممكن اروح
وسام اي ممكن بس اني جبت سياره الحمودي ولعبه الجنه
فاتن ليش كلفت نفسك
وسام من شفتهم البارحه صورتهم كدام عيني
فاتن تعرف اني ما اشتريلهم لعب لان ماعندي فلوس
بس همه مايطلبون وكانما يعرفون وضعي
وسام تدرين زوجج شكد غبي
فاتن ابتسمت ليش
وسام الي عندا جوهره مثلج ليش يفرط بيه
فاتن الله خلصني منه
وسام خل اوصلج
فاتن مااريد اتعبك
وسام بلعكس ماكو اي تعب
صعدنا بلسياره واني كلت لوتشوفنا سهاد جا انتحرت هلمره من صدك
وسام ممكن اعرف شنو قصتج
فاتن مثل قصتك ابوي بطلني من المدرسه بس خلصت ثالث متوسط وزوجني لابن صديقه بلغصب
شفت كل أنواع الذل والعذاب بيتهم
زوجي ما يقبل يشتغل ولا يصرف علينا وكل فلس احصله يبوكه مني
وسام لا ياحقير وبعدين
فاتن بعدين باك اهله وطردوني بلشارع
أجرنا بيت وسكنا وبدا يشتغل بس شنو الشغل ما اعرف لان بين يوم وليله كام يلعب بلفلوس لعب
وسام مخدرات ماكو غيرها
فاتن واذا بي يفاجئني بيوم ويجي للبيت ويااا وحده
ويكول هاي زوجتي وماتريدج بلبيت لا انتي ولا جهالج
طردني بلشارع وشمر ورقة طلاكي عليه
وكلشي ما انطاني
رحت الاهله ما قبلو يستقبلوني
واهلي ما قبلو بيه اني وجهالي
وسام اهلج طردوج
فاتن اي ابوي حيل بخيل ويكره البنات وطردني
ابد ما انسه ذيج اليله بقيت افتر بلشوارع اني وجهالي والدنيا بارده
ونمت بليلته بلحسينيه
وبعدين رحت الصديقتي امل هاي الي شفته وياي
وهي اجرلتلي هاي الشقه ودفعتلي إيجار
وبديت اشتغل حتى اعيش
جمانه السعيدي
شفت مو بس انت مضلوم اني هم مضلومه
الحياة ماعايفه احد بحاله
بس انت يمكن حالتك ارحم من حالتي على الاقل انت رجال
بس اني مره ولكل يحاول يستغلني
وسام الله يساعدج انتي قويه وصبوره
فاتن لازم اكون قويه وصبوره حتى اكدر اعيش
وصلنا للبيت ونزلت وهو راح
وسام نزلت فاتن واني عقلي وكلبي راح وياها
ما اعرف ليش افكر بيه
كلشي بيه بسيط وعفوي شخصيته حلوه
تنطي طاقه ايجابيه
رغم صعوبة الضروف الي تعيشه
لا تمللت ولا جزعت صبوره وجاي تتحمل كل الضروف
وتقاوم
لو وحده ثانيه جان انحرفت وكالت بسبب الضروف الصعبه
شكد محافظه على نفسه
فاتن بس دخلت على الجهال بلالعاب حيل فرحو بيهن
كتلهم من عمو الي البارحه اجانا
بعد اسبوعين من شغلي بيت وسام
انخطبت امل خطبه صديق وحده معلمه وياها
الولد شافه ونعجب بيه يشتغل سايق تكسي
خوش ولد واخلاق ومودب
اهله وافقو
اني فرحتله بس راح تبتعد عني صديقت عمري
هلايام امل واهله مخبوصين بتحضير الخطوبه
وما اكدر اعوف الجهال يمهم
قررت اتصل بوسام واعتذر منه
فاتن الووو وسام
وسام هلو فاتن خير شكو
فاتن بعد يومين خطوبة امل وما اكدر اعوف الجهال يمهم
ومحتار وين اخليهم ممكن اطلب اجازه
وسام ممكن اجيبينهم وياج لان اني اشتاقيت الهم
فاتن خاف سهاد تنزعج
وسام لا ماتنزعج باجر الصبح اني اجي واجيبكم للبيت
فاتن انت متاكد
وسام جيبيهم اريد اشوفهم
ثاني يوم كعدتهم الصبح وبدلتلهم وبقيت اوصي بيهم
ما اريد هوسه مااريد حركه هواي خاله مريضه
وعيب تسون هوسه
اجا وسام ونزلنا بس شاف الجهال حضنهم وكام يبوس ببهم
صعدنا وبس وصلنا لبيتهم طلعلهم حلويات وانطاهم
اني كعدتهم بلمطبخ
وكلما يحجون اصيح اس بلا كلام
بلبدايه سهاد ماتدري بيهم
بعدين سمعت صوت حمودي كالت شنو هذا الصوت
فاتن هذا صوت ابني
سهاد ومنوكالج احنا فاتحين حضانه
فاتن بعد ما اجيبهم جيرانه عدهم مناسبه وماكدرت اعوفهم عدهم
سهاد واني شنو بيج وبجيرانج عسى ما تعوفيهم بلشارع
فاتن صار اليوم اخر يوم بعد ما اجيبهم وياي
سهاد خوش شغله النوب جيبي العشيره كله وياج
فاتن سكتت
اجا وسام من وكت وراسا حضن الجهال وبقى يلعب وياهم
نسا نفسه ونسا سهاد
وما نسمع غير العياط كب
وسام راح دخل عليه وهي هجمت علي
سهاد اني سعندي حضانه راسي يوجعني من صوتهم
اطردها هم وامهم ما اربد اشوفهم بلبيت ابد
وسام اذا طلعو اني اطلع وياهم
سهاد شنو تطلع وياهم تريد تعوفني علمود الخدامه وجهاله
وسام لا اريد اعوفج لان ماعندج انسانيه أبد
سهاد ولله اكتل نفسي واخليك تبتلي بيه
وسام اتسوين فضل لان اني تعبت منج انتي مايفيد وياج الطيب ابد
لو شسوي ما يغزر وياج
سهاد هااا هيج اي لعبت بعقلك فاتن ادري بيه داخله على طمع والنوب جابت الجهال وياها حتى تفر عقلك
وسام لا انتي حيل زودتيه
فاتن اخذت جهالي وطلعت ما اريد جهالي يسمعون سهاد تحجي عليه
