رواية انتقام ال شهم الفصل الثاني عشر بقلم أمينة
اوس :صفنت بوجها اخوها شنو واني مهوس بيها ومهوس بكل تفاصيلها باوعت عليه وتحمحمت لا مو اخوها اني
شهم :لعد
اوس :شنو لعد شبيك شهم
شهم :اعرف ترا كلش زين ما يعبرن عليه هذني حبيبي
اوس :بلعت ريكي متوتر كالت شنو قصدك تعرف
شهم :بعدين حسابك لا تستعجل ع رزقك
اوس :دار وجها مني ماعرف يختبرني ماعرف صدك يعرف حيرني بعلي حيرني مرت لوكت بساع وراحو الخطار مالتهم وحته عمامي راحو كون طاعون يلمهم همه وعيالهم فد ناس نكسين كلها من النسوان كل وحده طاكه رجلها سحر مخليته مايعرف امه من ابو هيج مخلياتهم مثل الصخول والله صاحلي عمي بلبيت راح شهم للحديقه ماعرف ليش وجاب عود وكسره ع راسي وكال
شهم :وهاي انكسر حلفانك يله طب
اوس :دخلت للبيت وراهم كلهم مجموعين ع يمان يمامه ماكو راح شهم لغرفت جدتي شويه وطلع شايل يمامه وهيه نايمه شايلها بيد وحده وهيه لازمه ركبته كعد وخلاها ع رجلي راحت عمتي وانطيته دولكت لمى صار يغسل وجها ويذب مي ع ركبتها عرفتها مصخنه وهوا يا زمال يتحمل لبرد لي بره ونوب مطر يا حبيبي كعدت ع تخم كال جدي
الجد مهاب :بويه اوس ماعليك بيمان لسانها طولان هل فرخه
اوس :لا جدي ع شنو اني بس ضجت من كلامها لا أكثر ولا أقل
ابو شهم :هوا شنوو ضجتت وهاي بنت الكلب طايحتلك اطلع ما طلع عبالك كاعد بيت لخلفوهاااا اني لها لهل جلبه طالعه عينهااا
اوس :لا عمي لا والله مني الصوج شهم دزني اشوف يمامه وين واقفل غرفته اني سمعت صوت بجي كل ضني يمامه تبجي طبيت بدون ما دك لباب شفتها تبجي وهيه كبل لبست شالها والله ياعمي مني الصوج من منها وهيه عاد ماكالت له الحك اني كاعد هنه ويصير ادخل عليه هيج
ابو شهم : ربيتووو سوه موو بيدكك جنت توكلهااا وتشربهااا موو تبجيي اذاا متشوفكك شجاهااا هسه شجاهااا بنت لنعل شايله خشمها
شهم :بويه بلهداوه ضغطك راح يصعد
ابو شهم :صعد راح وله من هل قندره ماشايف هيج والله ماشايف والله جانت موتها نفسهاااا عليه والله
الجده بدريه :يي والله يايمه قبل مو جانت تتمرض من يداوم ولو راح للدوام وهيه ما شافته تكلب الدنيه بلبجي
ابو شهم :ام شهم صيحيهاا خلي تعتذر منه بساع
اوس :لا عمي لا مقابلها والله شنو تعتذر والله مني الغلط
ابو شهم :لا تعتذر حته تتأدب وما تعيدهااا يله صيحيهاا
اوس : كوه سكت كوه عليه شلون تعتذر مني حتلوو تجاوزات حتلوووو قابل اني قابل
يمان :كلشي صار بساع غلطي لي تندمت عليه والله غلطت ملازم احجي هيج امي ما متربيه هيج ابد بابا ما علمني هيج من ضربني بابا ما زعلت لن حقه والله ابويه كلش يحب اوس بس مستهضمه منه اول مره يرفع يده عليه اول مره يضربني ابويه عصبي هوا ومالومه والله ضليت كاعده بغرفتي ودموعي تتسابق ع خدي وندم ياكل بروحي اندك لباب ودخلت ماما كمت من فراشي وركضت عليه دفنت وجهي بصدرها وبجيت مستهضمه منه هواي ماتحمل يبقه زعلان عليه محست دموعي وهيه تحجي وياي وتكول
ام شهم :غلطتي يا ماما ؛شلون هيج تحتاجينه واكبر منح هوا ومنه تعرفين شكد احنه متعلقين بي شلون يا أمي شلون هيج تحتاجينه
يمان : مجيت أكثر والله مو قصدي والله كالت ماما
ام شهم :غسلي وتعالي ابوج يريدج
يمان :ركضت غسلت وطلعت وراه ماما نزلته سوه كوه لزمت دمعتي صار كدامي اوس كاعد ياوعتبه ونوب ع بابا تمشيت يم بابا ومارفعت راسي ودموعي صارت تجري من وحدها كال وهوا ولا يباوع بوجهي
ابو شهم :اعتذري من اوس وبساع لغرفتج
يمان :كوه همست من الغصه ودموعي والهضممه لي بروحي منه ا اسفه والله م مادر مادري ش شلون ه هي هيج كالت له اسف اسفه والله .
اوس:كافي كافي َ والله ما زعلانه منج لن لغلط مني ماجان لازم ادخل هيج لغرفتج عمي اعتذرت هاذ هوا والله ما زعلان اني منها بلقران كافي تحجي وياها هيج دشوف شلون ترجف من الهضمه ولغصه كافي عمي فدوه كافي خلي تروح
ابو شهم :خلي تولي لازمها اني
يمان :بجيت وركضت لغرفتي ما ير يريدني بابا ميريدني ما باوع بوجهي حته بابا ميحبني شكد بجبت غفيت بلكاع ولا حسيت ع نفسي
اوس :عمي فدوه لا تعاملها هيج ما متعلمه عليك هيج
ابو شهم :خلي تتأدب
اوس :عمي عليك الله الله عليك لا تبقه تعاملها هيج
شهم : اباوع عليه صار احمر من العصبيه وساد ع يده حيل ويحجي ويا ابويه وهيج تأكدت هوا يحبها واضح عليه والله ابويه هم خوش سوه بي ضل ينرفز بي خبله خلاه يعيط ويستريح رجع ابويه وكال له
ابو شهم : انته شبيك هيج ميت عليك شنوو سالفتك اوس
اوس :عمي فدوه لا تسوي هيج وياها حاجيهاا صيحهااا عمه صيحيها لا تنام وهيه تبجي هيج والله تكعد مريضه مو تعرفيهااا ما تتحمل هيج يا عمي مو تعرفها والله يهبط ضغطها والله
الجده بدريه :يا مال الدود شامالك كمت تزاكط اول لي ينامون وهمه يبجون شني
اوس : ما تتحمل جده والله ما تتحمل عمي لا تسوي هيج دخيلك
شهم :موت نفسه والله له متنام وهيه تبحي شلون شايط عليه ابويه خله يفور من راح لغرفته وصاح امي وقبل لا يروح كال
ابو شهم :راسي كام يوجعني وانته ياوس اذا تطلع من لبيت نوب لحضك اطيحه امشي ام شهم انطيني علاجي ومن صبح ودودها للدوام حته نفتك
اوس :عمييي شتفتك ياالله يا ربي صبرني روحي كامت تفور َالله كعده مابيه اكعد بعد كمت لغرفتي وركعت لباب حيل شلون بيها تبجي هسه
شهم : راحو ينامون وهيه بحضني ومايله لصدري شلتها بيدي السليمه غافيه خوفي عليك عبالك طفل عمره ايام هيج والله شلتها وصعدت لغرفتي بدلت كيمونه وبجامه رحت عليه ضليت احرك بيدي ع وجها وهيه تتافف تريد تنام فتحت عيونها وكالت
يمامه :اشهمي راح ازعل عليك ترا
شهم:يي زعلي
يمامه :لعد لوح لوح زعلت
شهم :دنكت ابوس بيها تخبل تكول لوح ولج يمه فدوه للهل حليك لي يكول لوح يروحي انتي
يمامه :اشهمي اني هبك هواي كومه
شهم :يبعد روحه الاشهمج انتي ولج يمه شكد أحبج ناكعه بكلبي انتي ناكعه
يمامه :اشهم داجع لمدسه
شهم :تردين ترجعين لمدسه يحلوه
يمامه :يي شوف غزل وتعلم
شهم :اني اعلمج تقرين وتكتبين وكلشي اعلمج اني ولسنه الجايه اعيدلج السنه
يمامه : يي
شهم : شلون صرتي يروحي احجي احجي ولج ضلي احجي اريد اشبع من صوتج الحلوو
يمامه :زينه بس ناعيمي بيها وواوا انه شوف انه
شهم :ابوسهم ويطيبن
يمامه : لا تاوات
شهم :شنو بابا
يمامه :تاوات
شهم :تاوات شنو
يمامه :عمو اوس كول
شهم :شيكول اوس
يمامه :تاوات
شهم :ههههههههههههه كلاوات هههه خرب تاوات صارت
يمامه :يي تاوات ما تروح ل واوا
شهم : اخ فدوه لحلكج باباتي والله لو اعرف اذا صار لي حادث راح تحجين والله جان من زمان رحت وشمرت نفسي جوه سياره
يمامه : امالله امالله
شهم :ولج بويه يصير اكلج
يمامه :لا
شهم :تعالي تعالي بحضني اضمح بابا حته نام لن باجر هواي هواي يجينه خطار وهم يدي توجعني تعالي اباوع عليه كبل بتعدت مني باوعت عليه وكبل برطمت ونزلت راسها شبيج بابا تعالي يروحي شبيج ليش راح تبجين سحبتها عليه كعدتها اباوع كل دمعه تنزل من عيونها شكبرها ولح بابا لا شبيج حبيبي لا شهل بجي شلتها اممسح ع ضهرها وهيه تبجي كوه سكتت كالت من بين دموعها
يمامه :واوا
شهم :شنو يوجعج يروحي وين الواو ها وين بابا
يمامه :انه انه
شهم :تاشر ع يدي وع راسي ودموعه تنزل ضحكت ع حركاتها كوه هل لبنيه تريد تخبلين بحركاتها كوه سسكت نامت ع يدي السليمه واني نايم هم كالت بصوت ناصي
يمامه :اشهمي
شهم :ها روحي
يمامه : واوا يدك
شهم :لا حبيبتي
يمامه :حضني بيومها بصدره بيد وحده نمت بسلام بأمان بين ضلوعه وهيج مرت أيامي جان شهم كل شي بحياتي اهتمامه حنيته حبه لي كلشي كبر وياي صار عمري 14 سنه وكل هل سنوات شهم وياي ماعافني ابد وكل ليله انام بين ضلوعه 6 سنوات مرت واني يمه 6 سنوات ما مل مني ابد صار عمره هوا 36 سنه ماقصر وياي لو بذره حبه واهتمامه هوا لي خلاني اكمل حياتي والله هوا لفضل بكلشي بيه وبعمري ماااننسه فضله عليه كبرت مابقيت هذيج الطفله لي تبجي من تحليل السكر لا هسه ما ابجي بس حساسه بشكل مو طبيعي رجعت من المدرسه بخط نزلني يم لباب طبيت للبيت مصكوعه من الشمس ركصت الثلاجه اخذت مي لدنيه حاره نار شربت مي ودخلت مصكوعه من الشمس ما متعلمه ع شمس ولا اطلع بلشمس دخلت الصاله كاعدين بل صاله جدو وجده عمه و عمو ويمان كاعده يم جدو سلمت وصعدت ل ال شهمي دكيت لباب وهاي من لتعلوم لي علمه لي ادك لباب يله ادخل لاي مكان دخلت الغرفه بعد ما سمح لي اول ماشافني فتحلي حضنه ركضت وارتديت بين ادي رفعني من لكاع وطبع بوسه قويه ع خدي واني هم بسته نزلني وكعدت بين دجلي وصرت احجي كل شي صار بيومي باسني من يدي وكال
شهم : ليش تحجيلي كل يومج
يمامه :لن احب احجي لك كل شي بيومي
شهم: يعمري بابا كومي بدلي وجهج مطعون احمر
يمامه :يي حاره راسي انصكع من الشمس
شهم :كومي حبيبتي بدلي وتعلي حته تتغدين وتنامين
يمامه :صار فتحت دمبوس الشال وذبيته وطبيت للحمام ذبيت مي ع جسمي وبدلت وجان لبسي دشداشه مرتبه طلعت نشفت شعري لي صار لنهايت ضهري بسبب شهم وشعري اني كيرلي شويه كلش حلوو شديته ولبست كاب ولفيت الشال ونزلت شفت عمه َيمان يحضرون اكل تمشيت بهدوء يمهم َصرت اساعدهن للأكل واحضر كملنه كلشي وصحنه لهم اجوي واني كعدت بمكاني وهم اكلي قليل مالي نفس بالكل ابد وهواي اشرب مشهيات وفيتامينات وبروتين حته شويه أكدو اكل بس بكل الاوحوال ماكدر كمت اول وحده صعدت الغرفه فرشت اسناني ونمت تعبانه
شهم :ايام بساع مرت وكبرت وصارت مره من اول شبه بيها حجيت وياها ع شال والملابس العريضه ماجان بينه خجل لي ماكدر اشرح لها لا بالعكس اعلمها البسي هيج لا تسوين هيج وكل شي جنت اكوله لها تكول صار كبرت وصارت تخبل تداوم بصف لسادس رغم جبيره وعمرها 14 له شكلها لا يختلف اتحده واحد يصدك عمرها 14 سنه من نعومتها وضعهفها هواي ضعيفه يمان وصلت سادس وبطلت برادتها لن تكول مالي واهس واهي أكدر أقره واكتب كافي رغم حجينه شكد بس جانت قافله ابويه كال لها بكيفج وصدك بعد التعب بطلت حمامتي رجعت من مدرستها لخدود حمر هواي مزينه ملامحها الشال الأبيض ويا القميص والصدريه ولجنطه الورديه تخبل كعدت يمي وحجتلي كل يومها وشسوت ما سوت بهل كم ساعه بعيده عني نزلت وهيه ضلت تبدل نزلت عاقله وبهدوء لابسه لبس مستور وعريض ما ضاهر منها شي راحت وياهن تحضر الاكل صاحو لنه اجتي كعدت أكلها كلش ضعيف بشكل وحته هيه هواي ضعيفه وحته فقر دم عدها كالت لكمتين وكامت ما حجيت لن اعرف ما تاكل وهاي يومه نفس القوانه كملنه اكل شربت جاي وصعدت الغرفه مالتي شفتها نايمه ضايعه بلفراش من ضعفها والله شراين لي جوه عيونها هواي هواي بارزات ما عده اصابعها مالت يدها كلش ضاهر الاورده بيهم وبيضه بدلت ونمت يمها لمت روحها بحضني حضنتها حيل ونمت اني هم
اوس : 20 سنه مدري 21 سنه اني انتضر حب عمري تكبر حته اتقدم لها وماكو رفض نشالله هواي تعبت ع نفسي هواي والله وصلت لحلمي لي أريده وصرت عقيد .
رجعت من دوامي شفتها كاعده كبااي تشرب حاي وصافنه شافتني ضحكت وكالت بكل هدوء
يمان :الله يساعدك
اوس :ويساعدج بويه
يمان :متغدي لو اصب لك غده
اوس :لا والله ماشتهي بس جاي اذا ما تصير زحمه
يمان : لا رحمه
اوس :اباوع عليه ولا جن هاي عمرها 20 لو 22 سنه شكدوته خلت الجاي ع نار باوعت عليه من فوك ليجوه وكالت
لها شكد طولج الله عليج
يمان :ابن عمي لا تجرح حساسي
اوس :بشرفج شكد
يمان :152
اوس :هههههه ياهو أطول بله انتي لو لقنينه
يمان :ترا ازعل منك َالله انته شكد الله عليك
اوس :196
يملن :مشالله ماشالله واَََووو انطيني منه شوي
اوس:ههههه شلون بله انطي لج عيني
يمان :صح مايصير زين وزنك شكد
اوس :94 وانتي
يمان :اني 64
اوس :بعد لا تسمنين ضلي ع وزنج هاذ
يمان :ليش
اوس :حته لا تصيرين قنينه ههههههه
يمان :تتنمر ع طولي
اوس :لا يخبللل والله لضوجين مدبدبه وصغيره لا هاهيه حلوو هواي
يمان :شو تكسر وتجبر انته
اوس :لا والله حلوو ماعليج اشاقيج
يمان :وهاذ الجاي تفضل
اوس :يزيد قضلج بويه اخذت كوبي وطلعت كعدت بل صاله وهيه بعدها بلمطبخ شويه وجابت بصينيه كروسان وعصير بي ثلج خلته كدامي وكالت بابتسامه بشوشه
يمان :عوف عوف الجاي حاره مو مال جاي
اوس :عاشت يدج بويه
يمان :خليت كدامه الصينيه وصار ياكل اول ما بلع اول لكمه كال
اوس :الله شنو هاي عاشت يدج تخبل
يمان :صدك والله
اوس :والله كلش طيبه عاشت يدج
يمان :بل عافيه اكل
اوس :الله يعافيج بابا كامت صعدت لغرفته واني كملت اكلل وشلت الصينيه وأخذتها للمطبخ طبيت لغرفتي كبل بوجهي للحمام سبحت وطلعت ذبيت نفسي ع جربايه ماكدرت انام ضليت ع تلفون .
يمامه :فتحت عيوني نايمه ع يد شهم بسته بخده وكمت اكمل واجباتي بلشت اكتب وهوا نايم لمن كملت كل واجباتي ضل عندي بس ال حفض وكافي خليت كتبي حسب الجدول مابقى شي الامتحانات رحت عليه اخبث عليه حته يكعد ماهان عليه اكعدها لا رحت يمه بس يحس بيه كبل يسحبني لحضنه لحيته صايره تجننن عاليه بس مو هواي ومو حلوه لا حلوهه كلش وسط رفعت يدي امسح ع لحيته ع كيفي َهاي حركتي المعتاده هيج اسوي كلش احبها بسته من لحيته حيل وكالت له اعرفه كاعد اشهم انطينياها
شهم :هههههه وهاذ سوالج كل يوم ولج بابا حفصته والله اخذي شتريدين اخذي
يمامه :ماريد لا بطلت خليها حلوهه واني وين اوديها
شهم :ههههه مخبلتيي
يمامه:لا مو مخبله اني
شهم :عاقله وتخبلين انتي
يمامه : لمني بحضنه اعشق هل حركه
شهم :ولج ليش ريحت شعرج هيج طيبه
يمامه : هاذ بخاخ اجه ويا البكج مال شعر هوا هم مال شعر خليت منه صدك طيبه
شهم :تخبل َالله عطرها غريب
يمامه :يي
شهم :كومي كتبي دروسج حبيبتي حته بليل بس اقريج يمامه :مكمله كلشي
شهم :عفيه بلحلوه يله كَومي لبسي شالج وخلي ننزل جوه
يمامه :صار كمت مثل كل مره شديت شعري بقراصه ولبست كاب ولفيت شالي مرتب وكفت انتضره كام راح للحمام يبدل واني رتبت الجربايه ع كيفي عزلتها شهم جابلي مكتب بلون وردي كلش حلو اكتب عليه لن من اكتب واني بلكاع مايقبل يكول مو زين ع ضهرج هيج ف اكتب عليه خليت جنطتي عليه طلع شهم ينشف بشعره ولابس دشداشه لون ابيض حلوه عليه نزلته جوه ورجع نفتح لموضوع بي يخمش كلبي من يحجون بي
وابد ما اتمنه يتحقق اني اعرف هوا صارجبير ولازم يتزوج وهاي سنت الحيات بس ابد ما اتمنه تصير شلون اضل بدونه ماكدر ابد والله كمت بهدوء عكس النار لي بكلبي خوفي يقبل َاني لي اتشرد مستحيل مره بل دنيه ماتغار ع رجها كمت للمطبخ الغصه بروحي تلالي أكبر مخاوفي انو يزوج يوافق ع زواج اخاف هواي من هل شغله شربت مي بارد اهدء نفسي َاقنع بنفسي كوه عادي يمامه عادي لازم يزوج هوا جاي يكبر ما يصغر لازم ويا كل كلمه تنعصر روحي عصر شلون بيه الله لا يوفقكم عمامي من خليتوني هيج وولا يوفق امي لي عافتني دست ع روحي كوه اخذت مي بارد حته لاحد يشك اني طلعت من هل سالفه انطيتهم مي بابتسامه جذابيه كعدت يم يمان لي سارحه بتفاصيل اوس صافنه عليه كرصتها ع كيفي ضربتني ع يدي همست لها اكلتي لولد شبيج ماشايفه
يمان :ولج شوفي شكد حلو باسود
يمامه :شو من شفته وشافني هوا يلبس اسود
يمان:اح انجبي انجبي ماعليج
يمامه :ضحكت ع حركاتها وااتمنه ينجمعون سوه ورجعت عمه حجت
ام شهم :يا يمه لشوكت تبقه بدون مره
شهم :بعد يمه بعد
ام شهم :شبعد يايمه شبعد ترا كبرت انته يا ابني 36 سنه كافي عاد عزوبيه
شهم :يشتغل لا تخافين يمه حتلو 36 سنه يشتغل عادي بعد يمه بعد
اوس :ههههههه بي ضمان
شهم :هههه هه
ابو شهم :انجبوو لا بارك الله بيكم مو لبنات كاعدات ما تستحون
ام شهم :يايمه دخلي امشي لك ع وحده من بنات خوالك
شهم :هنه بنات خالي ياهي بيهن ضلت
ام شهم :يمه ضلت نورس
شهم :والله يايمه ماريد
ام شهم :بالله عليك يا يمه لا تشلع كلبي اريد اشوف جهالك كبل ماموت
شهم :يجرالج يمه يجرالج لي تشوفي سوي فصلي واني البس
يمامه : لو تذبحوني نقطه مال دم ما تلكون بيه قبل وافق راح يتزوج وراح انشمر اني احس حيلي صار يرجف عستني يمان من يدي وكالت بصوت مسموع
يمان:كومي يمامه نحضر العشه
يمامه :هزيت راسي وكمت وياها نقذتني من كالت لي كومي كمت وياها للمطبخ كبل فتحت لبوري وغسلت وجهي وكالت
يمان :اسم الله يمامه شبيج اصفريتي عزه بعينج
يمامه :مابيه شي والله شنو َ نسوي عشه كوه كلتها كالت وهيه تدري بيه حته لا تسالني هيج كالت وصدك بلشنه نحضر بلعشه واني صافنه بفراغ لمن كملنه كلشي سويت زلاطه و طلعت طرشي بمواعين خليت بعد ابد ما رحت يمهم بلشنه نصب خليت تبسي بلماعون وهيه فرشت السفره بل صاله خليت بصينيه ماعونين تبسي وكاسات مال زلاطه اخذت نفس بحيل صدري وزفرته شلت الصينيه كوه لازمنها احس رغم والله خفيفه ماحس له وكعت من يدي سحبني كبل لن لكاع صارت كزيز اريد بعد اسكت بعد مابيه ضليت ابجي واحجي ا اسفه والله ما مادري مادري وكعت مني
شهم :شبيج بابا اسم الله فدوه لج يمامه شبيج يا روحي لا تبجين عادي عادي بابا فدوه لج انعل ابوهن لابو خيرهن اسم الله كافي بابا كافي لا تبجين
يمامه :وكانو لكيت حجه حته ابجي انهارت بلبجي وهوا حار بيه كل ضنه كبيت لو تعورتي
واني مستمره ابجي اخذتني يمان من يده وكالت
يمان :هسه اغسل لها اوكف هاي يجوز خافت من الصوت
يمامه : اخذتني للمطبخ من السنك غسلت وجهي جابتلي مي واصرت اشرب اني شربت وجان اغص بلمي صرت اكح بصوت عالي
يمان : اباوع عليها وجها نكلب من الكحه كمت اخاف والله كبل صحت شهمم تعال شهم ماحس له طبو يركضون شهم واوس سحبها شهم مني وصار يضرب بخفه ع ضهرا ويكول
شهم :اسم الله شجاج شجاج بابا بس رفعي راسج بابا بس رفعي
يمان : اباوع رفع راسها وشربها مي وهيه تريد توكف بعد مابيها سحب اوس كرسي كعدت عليه تتنفس بساع من الكحه غسل وجها بمي بارد حته ترتاح هدئت شويه احسن صارت كال لها شهم
شهم : متكليلي شجاج هااا ليش هيج كمتي تبجين وشكو هل رجفه شبيج يمامه
يمامه :مابيه شي والله هيه وكعت من يدي
شهم : طبها مرض هسه ليش هيج ترجفين
يمامه :مادري
اوس:عمو اخاف كبيتي من الصوت
يمامه :لا عمو بش هنه صارن يرجفن من وحدهن
شهم :اخاف فقر دم منه هيج يصير اوس
اوس :لا هاي نقص دي ثري عدها شعرج هم يوكع عمو
يمامه :لا
شهم : كومي بدلي اخذج للمختبر اسوي لج تحاليل
اوس :ما يوالمها يا خويه أخذها للمستشفى صبح وسوي لها تحاليل عامه احسن لك
شهم :هيج تشوف
اوس :احسن والله حته تبين علتها
شهم :هاذ هوا كومي تعالي اكلي وهم لكمتين وكومي ما اوصيج
يمامه :لزمني من يدي وطلعني ماقبلت اكل له ألم الاكل لي بلكاع ولكزيز لميت كل شي ورحت كعدت يم شهم ويمان بنصهم كالت شويه تمن احس ما تنبلع هيج الغصه واكفه بزردومي والله ماكدر ما كلت ما كدر نزلت الخبزه من حضني عود راح اكل كرصه كامله من دبش كبل خوزرني وعاط
شهم :ويننن كملي شكالتي انتي
يمامه : ف فدوه لا ت تعيد ما م ماكدر ابلها والله والله ماكدر
شهم :ولج بابا شبيج شجاج راح تخبليني والإمام علي شبيج
يمامه :مابيه شي بس لن لن كحيت احس ماكدر ا ابلع لكمه
شهم : هسه ادز لج ع شي لا تاكلين اذا ما بيج روحي بابا روحي غسلي بلكي ترتاحين .
يمامه :يي طلعت للمطبخ غسلت وجهي بثنين اديه وطلعت بره الدنيه رغم ليل بس حاره هواي كعدت ع مرجوحه ماسمع له صوت انفجار كلش قوي ......
راح نبلش بالأحداث ل نار
شنو لي سمعته يمامه وانفجار شنوو
تغشوشه بصيطه
تتذكرون الطائفه لي صارت بمحافظة ديالى
؟
تصويت تصويت
تعليقات انتضروني بارت جديد يفلش
ولي كالو طولي لبارت طولته يعيوني
يمان :طلعت يمامه وكلنه مااستغربنه لن دائمن وماتاكل ماسمع له صوت انفجار هزت لبيت هز وصرخت يمامه من بره دقايق اشبه بلموت ماعرف شوكت وكالت وصرت بين أدين اوس الانفجارات مستمره واحد اقوه من الثاني طلعنه كلنه بره والخوف محتلنه شي مخيف هواي يمامه بحضن شهم وهوا يهدي بيها دقايق وكف الصوت صار هدوء بس شهكات يمامه لي غدت فدنوب تشهك بحيل صدرها وهوا يحاجيها خنست اني يم امي من الخوف نشف دمنه كبل اوس خابر ماعرف منو وصار يحجي ويا وهوا يفتر بلطرمه ويحجي
اوس :يعني شلون هسه مصطفى شتكول اطلعهم منه احسن الوضع مو زين هاذ هوا حبيبي ماتقصر مشكور
يمان:سده وكال
اوس :عمي لازم نطلع منه لوضع مو زين طائفه جاي يذبحوني بلشيعه ويعلكوهم
ابو شهم :وين نروح بويه وين نولي
الجد مهاب :هاي منين اجونه هل ولد الحرام
اوس :والله يا جدي ياهوا يعرفونه شيعي يفلشون بيته ع راسه
ابو شهم :انعل يومهم ويوم هل حكومه النكسرهه
يمامه :جان شي صعب اول مره هيج يصير موقف كدامي ويا ما صار صوت الانفجار صرخت بكل صوتي من الخوف لي حتلني ماحسيت له وادي تحضني وكول ما لصوت يصير عالي يكول بصوت عالي هوا هم
شهم :يالله
يمامه :احس طولي بعد ماكدر اوكف عليه من الخوف لي صار بروحي من صوت عالي وانفجار لهدوء فضيع بس صوت نقاشهم وهمه يحجون ع صار وهم رجع الصوت من خوفي سديت اذاني حيل بيديه وصرخت شهممم شهمم مابيهه فدوهه مابيهه اخافف اخافف فدوهه
شهم : كافي لا لا تسدين اذانج بابا لا تخافين مو علينه والله مو علينه اسم الله كافي عيون شهم ادري تخافين والله ادري
يمامه :اخذني منه فدوه اخاف اخاف والله
شهم :يي والله اخذج بس ع كيفج راح توكعين والله هدي كولي يالله تحسبي عليهم كولي بابا كولي حسبي الله ونعم الوكيل عليهم
يمامه :ح حسبي الله ونعم الوكيل عليهم ي يالله
شهم : اوس شوكت نطلع وهاي يبقون هيج يضربون
اوس :يي هاونات نطلع احسن هذوله ماعندهم رحمه وهسه مصطفى يكول معلكين جم واحد بتيوله مال كهرباء
يمامه : بجيت بخوف كل بشر يخاف والله شالني شهم من الكاع ضمني لصدره حيل ويمسح ع ضهري وهدء بيه اني لزمته حيل من ركبته وجهي بكتفه وهوا يحجي وياي
شهم :لا ترجفين انعل يومهم الله لا يوفقهم بجاه محمد وال محمد هاي هيج يسون بلعالم
اوس :يي هاي صار اسبوع ع هل قوان بس هسه لا والله فدنوب ناس تاكل بناس
شهم :وين هسه اذا طلعنه وين نروح
اوس:وين ماجان بس تهده الأمور نرجع هنه فدنوب كابه واحد يكتل واحد
شهم : نروح لبعقوبه بيها شي
اوس :لا زين أكثر شي هنه هناك ماكو هيج
شهم :يي يمه لا تبجين فدوه ل عينج مو تشوفين لبنات راح يموتن من الخوف كافي
ام شهم :ولك يمه بيتنه وين نروح ونعوفه يا يمه
شهم :يعيوني يمه لازم والله لازم لعد يكتلونه لحسن يمه طز بلبيت اسويلج اغاته والله يس لا تمنعينه
ام شهم :هاهيه يوم هاهيه
شهم : لعد يله يمه المستمسكات اهم شي جيبي مستمسكاتنه وشوفي بعد شتاخذن
يمامه :كل شي صار بساع بساع بدلت بنطرون وقميص وفوكلهن جبه ويمان هم اخذنه كل وحده هدوم كم لبسه وكتبي هم كال اخذيهن وصدك طلعنه بليل صدك الوضع جان فدنوب رمي من كل الجهات ماانسه لشي يلي شفته بكل عمري انتبهت ع
تيل من لتيوله لي ع طريق خرنابات طريق عام جان اكو جسم تخيلو جسم بدون راس و رابطيه بسيم من بطنه ومعلكينه بلتيل صرخت من الخوف لي احتل روحي سحبتني عمه امل عليها وتقره عليه جنت كلش كلش اخاف هواي خويفه اني بعد ماعرف شكد وصلنه ماكو امان كلش حلو رغم لليل بس مبين منطقه كلها بيوت نزل اوس دك لباب أكثر من مره يله فتحه ولد كبل صار يرحب بيهم نزلنه كلنه واني خايفه فدنوب لهسه المنضر يتراوالي والله كانو حلم وحته بالاحلام ماكو هيج شي ماعرف شوكت جلبت بدشداشت شهم حيل سحبني عليه يهدي بيه واني الخوف محتلني دخلنه لبيت كلش كلش جبير وحلو وجان اكو عائله كاعده كامو يسلمون واكو مره كاعده ع كرسي هم شهم سلم عليه وباس راسهاكامو يسلمون سلام حار وياهم ماعرفت منو ضليت خانسه ويمان مثلي كعدت يم عمه
