رواية انتقام ال شهم الفصل الثالث عشر بقلم أمينة
ويمان هم حسب ماعرفت لبيت لي احنه بي بيت عمت شهم وهيه من الاول كايله لهم تعالو هنه بن لوضع ابد مو زين
يمان :لخوف ماتتمناه الاي احد كلش مخيف يعني بس تخيلو وياي شاب بعمر لورد بدال ما يحقق حلمه لا ينكطع راسه ويتعلك بتيل كهرباء شي يقشعر البدن منه والله وصلنه لبيت عمه اسماء هاي عمه كلش حبابه وتحبينه كعدنه يم امي اني ويمامه لي واضح خوفا شهم كل شويه يباوع عليه وهيه لازمه عبايت امي بيديها حيل وصفره صفره صارت كال شهم لعمتي
شهم:عمه عدكم جهاز قياس السكر
العمه اسماء :يي يمه عدنه جيبي يمه دال لمن يمه
شهم : عمه بنتي مصفره
العمه اسماء :ياعمه شوكت صارتلك بنيه شو مادري وشوكت تزوجت
شهم :تعالي يمامه
يمان :كامت يمامه من يم امي وراحت يمه كعدت صفنت عمتي عمتي جياتها علينه حيل حيل قليله وعمتي كاعده ع كرسي بسبب حادث نشلت رجليها بس هيه وبابا وجدو وجده لا دائمن يجون لهنه رجعت كالت
العمه اسماء :يا يمه هاي بتمن شو ماشايفتها
شهم :بنتي يي حقج وين تشوفيها هوا احنه ما شايفينج عاد ولا انتي
العمه اسماء :ياعمه اني وين طالعه متكلي مو تشوف حالي هم بيك تعتب ياعمه
شهم :اعرف ولله وعاذرج عمه هاي بنتي صار لها 6 سنوات يمي من عمرها 7 سنوات صارت بحمايتي وبنتي وهاي كبرت وصارت مره وهم يمي
العمه اسماء :يا عمه شنو طلعتلك بلجبس غير بنت احد
شهم :عمه هاي بدال اخويه لي انكتب الله يرحمه فصليه عمامها جابوها وصارت بنتي وهاي جم سنه يمي
العمه اسماء :شكد حقراء من يذبون هيج ملاك تعالي يمه تعالي احبج
يمامه :مشيت عليه دنكت بستها من خدها وهيه هم كالت
العمه أسماء :يايمه شحلاتها ما تنطينياها
شهم :ههه لا عيني عمه كلشي ولا هيه
العمه اسماء :يحفضها لك الباري يمه
شهم :امين رجعت كعدت يمي لاحضت اصبعها تحركهن بساع بساع لزمت يدها ماعرف متوتره ماعرف خايفه مادري جابت دلال الجهاز أخذته من يدها و قسته لها نازل فدنوب كالت شكر حلا اي شي دلال جيبلي
العمه اسماء :شنو يمه نازل
شهم :يي والله عمه
العمه اسماء :هاك يمه هاي جكليته وكلها
شهم :اخذت من بد عمتي جكليت كويتي فتحتها وقربتها لحلكها اكالتها اباوع عيونها مدمعه وجها اصفر لهسه لخوفه بيها اكلتها عفتها شويه ونوب قسته لها صعد لحمدلله ضلت كاعده يمي كضينه لليله يمها شلون ماجان خلصت ثاني يوم الوضع فدنوب كالو بمنطقتنه من صبح راحت امي واوس ندور بيت ولحمدلله لكينه بيت نضيف وجبير كلش زين وفلوسه هم زينات 213 مليون دبرناهن وصا لبيت باسم ابويه رجعت للبيت عمتي متت تعب اول ما دخلت صارت كبالي حماتي ويمان كاعدات ويديهن ع خدودهن شافهن اوس مشه عليهن وصار يطك اصبع ويهز بجسمه ويغني
""شعندج صافنه ويدج ع الخد"
""جنج عاشكه وبالج احد ""
""علمين جاي تبجين ولمن"" ""تهمل العين "
اوس :ماحافض الباقي كملوها عليكم الله
محمد:خلصت هيه طلابه متكلي
شهم :متنه ضحك عليه وهوا يغم بيهن اجتي يمامه يمي دنكت استمع شتكول كالت
يمامه :شهم شوكت نرجع للبيت مدرستي شلون تدري مابقه لمتحاناتي هواي
شهم :وين نرجع بابا فدنوب الوضع والله
يمامه :ومدرستي شلون
شهم :اني ادبرها بابا اكلتي
يمامه :يي كالت
شهم :شكالتي وشوكت
يمامه :هو
يمان : قاطعتها واني احلف والله والله والله جذابهه وداعت بابا هاي جذابه ابد ماا كالت وياهو يكول لها اكلي تكله ماريد وكضتها علينه ماريد وأريد
شهم : خنزرتها ليش ما تاكلين مو شكيتي كلبي اضل اركض وراج ع لكمه شلون
يمامه :ماشتهي
شهم : يي وماتاكلين تعرفين نفسج لو لا ترا انتي من لبارحه ع لحم بطنج اخاف عبالج لكمه لي اكلتها بليل تسويلج شي ترا كلشي ما تسوي
يمامه :اني من اجوع اكل
شهم :شبعت من هل كلاوات شبعت انعل والديه اذا بعد كالت لج ع اكل ضلي بدون اكل وموتي
يمامه :راح وعافني ضايج مني رجعت بمكاني مقهوره منه كال ولد شاب اسمه محمد
محمد :ليش ما تاكلين
يمامه :ماشتهي
محمد :هسه اجيب لج مشهي هنه يمنه زين اختي هم جانت هيج دلال هسه لو بيدها حته اني تاكلني
يمامه :ضحكت ويا مادري شلون انداريت وصارت عيني بعين شهم خوزرني خوزه بعمري ما شفته هيج يخوزر والله يخوف ماعرف شلون يسوي حواجبه وعيونه تصير مسحوبه عدلت كعدتي كبل ودنكت وجع بطني بس مو قوي هواي دنكت بعد ما حجيت ابد كالت يمان بهاذ لولد
يمان :حمود روح اشتري لنه
اوس :جبت لج بلسياره تعالي انطيهن لج
يمان :ييي جيت مشيت وره مثل الثوله وكفت يم السياره انتضره ينطيني الحلويات ماحس له كرصني حيل شاغت روحي كبل سحبت يدي منه بساع كال وهوا كاز ع سنونه
اوس :حمود مو حمود
يمان : انصدمت منه شبي هاذ عاط وهوا ما ع أسنانه
اوس :حلكج اشكه الاذانج اذا نعادت هاي صيري ثكيله مو تبقين تتمضحكين وياهم اني موجود وحق الله يا يمان له اخلي موتج يصير علني قنادر مو حمود احسن هاج هاي سمم ولي يلهه
يمان :شمرت العلاكه بلكاع حيل ومشيت للبيت وعفته رجعت كعدت بمكاني اجه هوا وجها احمر شايل الحلويات تقرب من يمامه وانطاها لها وكال
اوس :هاج عمو اكلي لا تبقين جوعانه
يمامه :عمو ماشتهي والله اكل
اوس :ضميهن من تجوعين
يمامه :ردت احجي كال شهم وهوا ولا يباوع عليه عينه ع اوس
شهم :اخاف بيهن نساتل
اوس :يمكن يي اكو
شهم :طلع الحله لا تخلي لها شي حلوو
اوس :يي طلعت نساتل نمبر وان وككو شلتهن بيدي صحت مروه دلال تعالو احني ثثنهن انطيتهن لهن وراحن وهيه ضلت كعدت كدامه كلهم العائلتين كاعدين كامت ع عمي كالت
يمان :بابا اريد فلوس خلي حماده يشتري لي
ابو شهم :هاج بويه
يمان :شكرا باباتي هاك حمدمد اشتري لي هواي حلويات
اوس :نار وشبت بيه وتدلعه من تحجي ويا واني استمع حجيهم
محمد :ضمي الفلوس عيب اني اجيب لج
يمان :لا عيني وين اكو هيج مااقبل اني
محمد :ولا اني اقبل ضمي الفلوس واسكتي اني اجيب لجج مني يمو
أوس :شنو شنو عيني شنو يموو شوو انته ما تسحي
شهم : وين وين شبيك اوس وخرر منه
العمه اسماء : يمه اوليدي
ابو شهم : اوس كافييي بويه كافييي شبيككك وجع مثل الحصانن
اوس : هاذ حلكك أشكو لاذانك وحق الله دنوب عيدهااا
يمان : شبيك ويا ترا مكال شي عادي احنه بيناتنه ميانه
شهم : هوا علوش شكال له
يمان : كال لي يمو واوس ضربه
محمد : يعني يا خالي بنت خالي ودلعتها ما جرمت ترا
ابو شهم : لا بويه مامنك عيبه عذره نفسيته تعبانه مو تشوف حالنه
محمد : لا خالي ع راسي انتو عادي ماصار شي
شهم : اباوع ع اوس عيونه صارن حمر يريد ياكل محمد بسنونه والله لو من دافعت يمان عليه كور يده بساع وعينيه بيها يخوزر بيها سحبته اكعده يمي دفر الطبله وطلع بره سحبني ابويه ع صفحه كال
ابو شهم : شبي اخوك
شهم : والله بويه مابي شي مو هستوه يهز ويركص
ابو شهم : شوفه وين راح بويه
شهم : صار بويه
يمان : انصدمت منه شلون ضاج ووصلت بي يضرب محمد رجعت كعدت مرتاحه من غورته والله هيج كلبي ارتاح من خليته يفور رجعو هوا وشهم كعدو يحجون وهوا عصبي كامت يمامه من يمي
يمامه : كاعده ولوجع لي بطني صار فدنوب كوه ساكته ووجع لي بطني احس سجينه بطني وجع فدنوب احس روحي كامت تتكطع كمت بعد مابيه كوه وكفت ع طولي تمشيت عليهم وهوا ضهرا عليه صاير فتريت يمه وكفت كدامه وهمست واني لوجع ماخذ روحي وماخذ ثلثين حيلي همست شهم
شهم :طلعت لكيته بره يم السياره يدخن كفخته ع علباته هوا ما يدخن بس من يضوج وحته اني سحبته ورجعنه للبيت وهوا شايط شلون يكول لها يمو واني اخوها ما هيج سويت وهوا شايط يحجي بعصبيه عروكه ناطات من العصبيه ماحس له وكفت يمامه كدامي وكالت شهم رفعت راسي عليه صفره كركم واضح كوه واكفه فز كلبي بخوف عليه كبل كمت ولزمتها بين اديه شهكت بوجع وكالت كوه
يمامه : مابيه بعد
شهم : شبيج بابا شبيج يمامههه شبيج شيوجعج بابا
يمامه : بطني بط بطني فدنوب والله فدنوب توو توجعني شهم
شهم : لميتها بحضني وهيه واضح وجهااا وصحت بكل صوتي اوسسس السيارههه بساعع لكفته وركضت وهوا ورايه طلع السياره بره صعدت وهيه بين اديه تفز روحها من وجعها هيج تلوب تلوب من الوجع بحضني تريد بس يروحي الوجع ماكو ودموعها عشره عشره ينزلن كلبي ينكطع عليه من اشوفها هيج روحها تنمرد من يجيها الوجع حسيتها راح يغمه عليه ضربت ع خدها بساع انبها حته لا يغمه عليه يمامه بابا لا تغمضين وصلنه والله وصلنه مابقه شي
اوس : شبيها مو قبل شويه كلشي مابيها شجاهااا
شهم : ما دري ولك مادري بساع اوس بساع
اوس : راح نوصل والله هاي مابقه شي
يمامه : وجع ما ينحمل ابد ماكدر ماكدر روحي احسها هيج تنمرد من لوجع لي يصير باسفل بطني صرخت بوجع روحي تكطع اخخخ يمه شهم شهم مابيه مابيه والله اخخخ بابا بطني سحبنه سجينه بطني اخخ
شهم : دخليك ياعليييي شبيج بابا شبيج ولك اوس بساع
يمامه : وجع يكطع بيه من أسفل بطني وجع مميت والله واخيرن وصلنه للمستشفى شالني بين ادي واني كوه متحمله هل وجع لي قاتل والله قاتل ما قبلو يدخلوني له حجز دكتوره نسائيه ركض اوس حجز ودخلوني بغرفه مال دكتوره وطلعو اجتي دكتوره وكبل كالت
الدكتوره : ماما عليج الدوره
يمامه : شنو الدوره دكتوره فدوه بطني مابيه وجع وجع قوي
الدكتوره : ماما عليج الدوره الشهريه لو شبيج
يمامه : ماعرف
الدكتوره : ارفعي ماما طلعي بطنج شويه خلي اسوي لج سونار
يمامه : سويت مثل ماتريد خلت جهاز وصارت تمشي ع بطني ع كيفها واني احس لوجع يكطع بيه كبل كالت
الدكتوره : منو وياج ماما
يمامه : شهم شهم
الدكتوره:ماكو مره امج اختج ماكو مره وياج
يمامه : لا ماكو
الدكتوره : لي ويااا المريضههه خلي يدخل
يمامه : ثواني ودخل شهم واين روحي تروح من الوجع كالت الدكتوره لشهم
الدكتوره: لازم عمليه فورن اكيس ع رحم واحتمال حبيرر نطر نقلع الرحم وينكم عنهاااا شكد عمرها
شهم :14
الدكتوره :14 سنه امهاااا ويننن ما فكرت ليش بنتها لهسه مانزلت عليه الدوره الشهريه لو هيج فدنوب لبنيه من هل سببب راح تخسر رحمها ومن المستحيل بل مستقبل تصير ام
امهاااا وين اريد التقي بيها اريد اسالهااا شنو هل اهمال هيج دموتوو حيات هل طفله هاي .......
