رواية زواج إنقاذ الفصل الثاني عشر بقلم جمانه السعيدي
اجت العروس من الصالون طالعه تخبل
واجو اهل العريس
شويه وكالو الشيخ يريد يعقد للبنيه
صارت ورا الباب ولازمه القرآن وبدا الشيخ يعقد
بعدين عقد للولد
كبت الهلال وطشو جكليت وحبايب العريس يركصن
اجا ياس كال العريس يريد يدخل يسلم على العروس ويلبسها ذهب
البنات حجاباتجن اني خزرني خليت الشال على راسي
دخل العريس
وكعد يم العروسه وياس واكف عبالك مراقب خط
جمانه السعيدي
ما حسيت اله محمد ابن عمو مهدي واكف بصفي وكال
يوم اللج
التفتت علي وبتسمت انطاني جكليته
وهو الضحكه ماليه وجه
بهاي الاثناء التفت ياس وشافنه اجا علينا وزمخ
ياس محمد شعندك هنا يم النسوان
محمد طلع
واني كالي بعصبيه جيبيها
شمس شنووو
ياس الجكليته
...انطيتها اله شمرها بلكاع وداسه برجله
...العريس صاح سوولي درب اريد اطلع
طلع هو وياس وشتغل الديجي وكلها كامت تركص
واني كمت اركص وياهم
ياس شافني دز بت صلاح كاللها روحي كلليلها لاتركص
اجت وسحبتني وكالت عمو يكول لاتركص
بس اني زدت
الركص بعناده شويه ونسحبت من ايدي باوعت ام العريس
...تفضلي خاله
...اريد احجي وياج
...اي تفضلي
...انتي منا
...لا من بغداد
...شيصيرون منج بيت ابو صلاح تعاي اكعدي خل اسولف وياج
كعدنا على صفحه
...بيت عمي ليش
...امج جايه وياج هنا
...لا ماجايه بس اني
...انتي شسمج
...شمس
...صلاوت اسم على مسمى
جمانه السعيدي
...ولله عجبتيني عندي ولد مهندس ومايعجبه العجب صار
شكد ادور على عروس وهسه بس شفتج فرحت
هو يريد وحده مثلج انتي خوما مزوجه مخطوبه
...لا مامزوجه اذا تردين تخطبيني اني هسه ادليج على واحد بيده الحل والشد كله
واذا وافق اهلي يوافقون كلهم
...اي ولله لان كلش عجبتيني هسه اذا يشوفج ابني غير يتخبل
سحبت ام العريس من ايدها وطلعنا شفته واكف برا يحجي ويه صلاح كتله تشوفين هذا ابو دشداشه البيضه
هو هذا بيدا الحل والربط
. ام العريس ..اي بعد ما اصبر هسه اروح احجي ويا واذا قبل انروح البغداد نمشي عليكم بهل ايام حتى يزوج هو واخو سويه
ياس واكف احجي ويا صلاح بس افور فور من شمس ولله متحلف الها اني اعلمها بسيطه
جان تجي مره متوسطه وتسلم عليه وتكول من رخصتك خاله اريد احجي وياك
جمانه السعيدي
صلاح راح وهي كالت اني ام العريس باسم
...اي خاله هله بيج تشرفنا
...يابعد خالتك جايتك بطلب احنا انريد بعد اناسبكم
عبالي تريد زينب كتله بس زينب بعدها زغيره ونريدها تكمل مدرسه
...لا مو زينب اريد شمس ياخاله عدي ولد مهندس وشالع كلبي مايعجبه العجب وهسه اني شفته وعجبتني حيل
وهي كالت اذا انت ترضا اهلها يرضون واني اريد ازوجه هو واخو سويه ها شكلت يبعد كلبي
. ياس ..خاله هاي مخبله وعدها خيوط ماتشوفين بس تركص
واهله ملو منها ماخلو طبيب ولا سيد ما ودوها اله
وماتصير الها جاره
اذا تردين نصيحتي ابتعدي عدنها انتم خوش ناس وهاي الخبله ماتفيدكم ابد
...ياااا يمه شبيها شو جنها ورد انت تشاقه وياي
...لا ما اتشاقه احنا قبل الحفله ضرباها ابره حتى لاتفشلنا كدام الناس واصلا اهلها هجو للخارج وعافوها
عليه اني مبتلي بيها
...ولله يخاله ما اعرف شكول رحمله والديك همزين ما تورطنا وياها
...خاله احنا بعد صرنا اهل واني ما ارضا الكم الاذيه
...اترخص منك
...تفضلي
راحت المره واني تحلفت الشمس تلعبين وياي شموسه
اني اعلمج ولج اني اوديج للشط وارجعج عطشانه
شمس دزيت المره على ياس وكعدت اضحك اليوم اله اخبله
خلصت الحفله واهل العريس كلهم راحو بس اقارب العروسه بقو
كعدنا نلملم ونعدل
...اجا ياس واني كلت الله يستر اليوم
جان تقدم على ايمان وكال هاي شني امونه طالعه تخبلين
ولو انتي حلوه من زمان
...عرفت كاعد يغيضني بس الصراحه كلش ضجت
وهي بقت تتبسم وتكله عيونك الحلوات
سويت نفسي ما اسمع
وجبت سله وكمت اجمع بلزباله والكلنس المطشر
وهو كعد ويباوع عليه
وهي تفتر فوك راسه وتحجي ويا ويضحكون
جمانه السعيدي
اني ماتحملت ذبيت السله ورحت الغرفة البنات ابدل
اكو دشداشه عندي ضيكه ماروني وبيها تطريز
اتعمدت البسها واطلع افتر بيها
واكفه على السنك اغسل بلكلاصات وهو اجا يمي سوا نفسه يغسل اديه
...هاي الدشداشه ضيكه روحي انزعيه الولد بعدهم هنا يفترون
...ما انزعها حلوه عليه
...باعي اللج خمس دقايق اذا ما نزعتيها اشككها عليج
حتى تحديد الملابس الداخليه مبين
...ياس ترا خنكتني كافي
...اني ماخنكتج انتي خانكه نفسج بهاي الملابس الضيكه
عفته ورحت الغرفة البنات كعدت
ولله ضجت منه ادري يحبني بس مو هيج يخنكني
شويه اجتني رساله
لاتطلعين اذا ما تبدلين دشداشتج
سكتت ما رديت علي
. ياس ..تردين ازعلين ازعلي بس هاي الدشداشه لاتطلعين بيها برا
قفلت التليفون وبدلت وتمددت وتغطيت
اسمع البنات يحضرن بلعشى
شويه واجت زينب شمس بابا يكول خل تجي تتعشه
...ما اشتهي ما اريد
راحت وعافتني طبعا بيت عمو مهدي بقو عدنا على العشى كلهم
شويه ورجعت يله شمس انتي بقيتي بلا غدا شلون ماتتعشين
...حبيبتي ولله ما اشتهي قابل مستحيه منكم
ياس كمل العشى والبيت هوسه وهي ماكو اعرف ضوجته
بس تستاهل تعاند وما تسمع الكلام
بس شلون تبقى بلا عشى وهي حتى غدا ما متغديه
ماهان عليه زعله وقررت اراضيها
بس شلون اروح اراضيها كلهم كاعدين
طلعت تليفوني وكتلهم اهل شمس يتصلون
ابوي طفر اريد احجي ويه عمك يمته يرجع بلسلامه
...اي يابه تدلل بس خل شمس تحجي وياهم بلاول
رحت لكيته مدده شافتني ودارة وجها
...الحلو زعلان ازعلى عليه زين الاكل شعلي تزعلين
...ما اريد سديت نفسي
...ولله لوما احبج اله اكسر راسج على هذا الركص
لآ وكملتيها دازه المره تخطبج
...لعد شعبالك ضاله عليك
...ماتاخذين واحد غيري لو تموتين
...اي وامونه طالعه تخبلين خليها تفيدك
...يمه الغياره اذا تحبيني ليش تعاندين اسمعي الكلام واني ما اضوجج بعد
...هسه شرايد
...تجين تتعشين ما اكل اذا ماتجين وياي
ام ياس الفار كام يلعب بعبي اريد اروح اسمعهم شيحجون
اجيت وخليت اذاني على الباب
ياس ولله احبج وما ابدلج بكل نساء الكون لا امونه ولاغيرها انتي وبس
...بس انت حيل خانكني الحب مو حبس الحب حريه
اذا عندك عصفور اطلقه واذا يرجعلك يعني يحبك
...ايباه تردين اعوفج لو تموتين اني لزكه فهمتي
شكرا لزيارتكم عالم روايات سكيرهوم
