رواية نقش بارد الفصل الثاني عشر 12 بقلم فدك فاطمه

اليتعَود أعله البعد بَعد ما يحن.

.

.

غنوة

بس سمعتة غنة اني روحي بهتت شديت القيطان بسرعة گمت اشوف خيالة على الحايط نهض من الفراش ركضت للباب گبل لا اعبر ليبرة سحبني

حجة متخوصر:وين رايحة جنج مجدية مبهذلة

غنوة:شعليييك 

دلهم:طبي جوة مالي خلگ اضيعين

غنوة:ما اريد اضل يمك 

دلهم:تندلين ترجعين وحدج

غنوة:معليك عوفني مثل ما عفتني گبل

دفعني بطرف ايدة طك ظهري بالحايط تقدم يباوعلي بشك و مقلص عيونة توترت وخرت نظراتي عنة 

حجة بشك:معلية لو متفقة وية اخوج و رايحتلة

گلبي صار يدك حيل من كشفني اني متفقة وياه من خابرني و نطيتة العلوان گالي اجيج گتلة اي حجالي ضليت ساكتة حتى ما ينتبه دلهم ، مسحت وجهي مرتبكة ضليت اعاين للحوش متجاهلتة

مد ايدة رفع حنجي قوي لدرجة طگن سنوني الجوة بالفوك باوعتلة متوجعة من حركتة عيوني غورگن

دلهم: اخوج وحدة اجة ؟

غنوة:يا اخوي مامتفقة وياه 

دلهم: بطلي جذب و جاوبي

غنوة:انتة شنو تحقق وياي شعليك بية 

طلع موبايلة يحجي و يگلب بي :هسة تحاجين اخوج اذا جاي وحدة لو لا 

غنوة: ما احجي وخر جهازك عني

رد بحدة و تهديد:السلاح بعدة عدي اذا وصل اخوج هنا اخلي تعضعضين اصابعج ندم

اشتعلت اعصابي من وراه لان يهدد دفعت الموبايل حجيت بقهر:خلي يجي و گتلة و ناركم تاكل حطبكم ادري محد خسران غيري اذا دافعت عن علوان او عنك ثنينكم بالتالي تأذوني

عبرت منة سحبني من زندي وگفني گبالة و جهاز بيدة يرن لحد ما سمعت صوت علوان كل ضنة اني

يحجي بهمس و يسأل ويني وين وصلت طلعت لو لا 

اقرب دلهم علية كلش ملابسة احتكت بملابسي رفعت راسي مشمأزة صار خدة فوك خدي قريب

حجة بهمس:گليلة منو وياك

غنوة:عـ..علوان ارجع ما اجي

عصر زندي قوي خازرني حجة :سألي 

حجيت متوترة:اجـ..يت وحدك ؟

علوان:جايبتنيي مناك لهنا و ناخي الولد تگليلي ارجع هسة تجين اعلمج شلون ترحين و تكسرين كلمتي تشردين من البيت 

غنوة:يـ..ا ياولد

علوان:جسام واكفيلج بالنزلة مال الشارع استعجلي و تعاي حتى نرد من وكت 

                                            

              

                    

باوعت لدلهم عيوني مغورگة حجة يخلي الجهاز فوك أذنة :تعال انتة دنيا لليل و مايصير تطلع وحدهة اذا بيك خير تعال دك بابي

سداه سحبني للبيت دفعني كعدت يم الباب نزعت القميص شمرتة و سحبت الفانيلة دفعتهن بعيد 

حضنت رجلية ضليت احرگ بروحي مقهورة 

دلهم: اذا اجة اخوج اطلگج و اودي وياج 

رفعت راسي الة يباوعلي برود واكف على المغسلة رشگ ماي بوجهة وراهة اخذ فالينتة لبسهة فزيت على دكة الباب القوية نهضت طالعة گبلة

حسيتة يمشي وراي دفعني ورة الباب فتحة حجة بضحكة:أهلا و سهلا شجابك هنا

غمضت عيوني ارعش بخوف من سمعت صوت جسام رد عليه :غنوة وين

دلهم:شتريد منها 

جسام:لاتلعب وياي صيح غنوة خل نرد للقرية البنية ماتريدك

حجة بصوت عالي سلاحة ورة الباب ضام ايدة وراي يباوعلي بطرف عينة:غـــنوة تروحين

گلبي صار يدك حيل اخاف اگول لا هو يجذب كلشي مايسوي بس يخوفني اخاف ارضى وصدك يطگة

سكتت اعصر بصابعي روحي مبهوتة حجة يرد الباب:ماتريد ترجع يالله ولي منا

جسام:ليش تجبرني استعمل غير اسلوب 

دلهم: هاا انتة حباب بس من تعصب تنگلب اعذرنة حبيبي مانريد نشوفك تتحول بنص الليل ارجع لهلك

دفعة جسام قوي ارتد خطوة وحدة ضل لازم الباب شفتة رفع رجلة ضربة شمر السلاح بصفي طلع تلازمو هو و جسام بالباب خانگة من رگبتة ذاك هم

ثنينهم وجوهم نطعنت حمر من الخنگة اباوع من الباب رگبي وحدة تطك بالثانية برجلي وخرت السلاح بعيد خايفة لا دلهم يسوي مثل ما سوة بعصام و اتورط وية بيت عمي حتى من ارجع يأذوني

طلعت برة لازمة جتفة احجي صوتي يرجف:كـ..كافي فدوة عليك الله عوفة والله ما امشي اضل هنا بس وخر عنة راح يموت

رفع راسة ليفوك بعيد عن ادين جسام نزلاه ضربة كلة بنص وجهة عاط لازم خشمة متوجع رفع اديه عن رگبتة گام يلهث من الخنگة حجة يدفعة برجلة

دلهم: اذا شفتك بعد هنا و قريب مني اورطك بسالفة اگلب بيها حياتك فوك جوة

سحبت ايدة بعدة ماتحرك لزمة جسام من رجلة ثبت روحة بي نهض بسرعة دفعني دلهم رجعو واحد يطگ بالثاني روحي انردت اخاف حتى اوصل الهم

صاح صوت عالي من بعيد شفت علوان اجة يركض 

دفعهم بعيد عن الثاني صار بينهم دلهم ماسكت

يريد يلوحة شلون ما جان نقهرت من شفت علوان هنا ما اجاني ودة جسام يخاف من دلهم ما وصل

            

              

                    

درت وجهي مامقهورة بس على جسام لتورط وية هذة المخبل دخلت للبيت سرگيت الباب رحت جوة

شما اصيح و احرك بدمي ما يوگفون كل واحد شگدة

كعدت بالمطبخ امسح دموعي ساعة اصواتهم تصير عالية ساعة يسكتون اعضر بركب رجلي من القهر التفتت من دلهم دك الباب مافتحتة ما انتظر بسرعة 

خلة اديه فوك الباب صعد طفر جوة للحوش 

گمت مشيت لوحدة من الغرف كعدت بعيد ما اريد اشوفة حجة بصوت عالي يسمعني:طالعة تريد تولي وياه بنص اليل لا مستحة ولا خوف

غنوة:اييي مو رايحة انتزه انييي مثـــلك

دلهم:لاتراددين لا اجي اشگ حلگج

غنوة:تعال ضلت عليك هم جيب سلاحك و هدد بي 

دفر الباب حديد طلع صوت قوي جفلت خايفة اجذب اذا اگول ارادد بقوة حيل كل ما احجي صوتي يطلع يرجف ابلع نص الحروف بس ما سكتتلة

بقيت بمكاني لحد ما أذن صاحني اتسحر لو ما خوفي

اجوع و افطر بالنهار ما اگوم بس تعبانة من اعوف الاكل ادوخ كلش و راسي ينسطر يصير صداع قوي

گمت مسوي جاي خلاه بالگاع و كف يگلي بالبيض

صبيت بكوب اخذت الصمونة مشيت يباوعلي بطرف عينة كعدت بالغرفة اكلتهن اي شي يلزم گلبي

كملت رجعت للمطبخ هو نايم بالهول خليت الكوب

اشوف الطاوة هي و البيض مشمورة بالسنك البيض مطشر على حوافة بعدة ما مگلة كلة ني غسلت ايدي

شلتهن عزلتهن على جهة من لا جارة انظف متعودة

غسلت و توضيت رجعت للغرفة اهز برجلي منتظرة الاذان كل گعدتي بالبيت هي على اعصابي گوة علية

مامتحملة شوفة وجهة و صوتة كارهتة من گلبي

سمعت الاذان طلعت اخذت تربة من الميز مال التلفزيون صليت رجعتهة ، اخذت المخدة تمددت

اريد انام ماكدر رغم منعسة بس فكري صاحي

مديت راسي من الباب اباوعلة حجيت بضوجة:ماتگوم تصلي شگدك بعد تصير لو هي رياء 

صلاتك كل خير مابيهة ابو الوشوم

حجيتهة و تندمت هسة اني شعلية بي الحمدلله نايم

ما رد علية نجبيت و سكتت نمت بالغرفة سرگيت الباب اخاف يجيني ماريد تروح علية النومة و تطير

ثاني يوم من كعدت بالعشرة فزيت على ضوة الشمس طلعت اغسل دورت عليه ماكو يابة روحي شاطت ركضت للغرفة لگيت هدومة مطشرة 

ضليت اليوم كلة انتظر على نار و الاضرب منها قافل البيت علية توضيت من السنك كعدت اصلي ماعرف اقرة ولا اكو قرأن اخاف اقراه و اضل اغلط برمضان اضل اصلي المهم اسويلي شي غير الگعدة هيج

لحد ما أذن صليت و كعدت اباوع من الشباك ماكو مارجع ، خليت مخدتي و نمت لان الانتظار يذبح

            

              

                    

للعصر كلش سمعت صوت الباب نرگع رفعت راسي

مر مني راح للغرفة هدومة كلهة تراب لابس نگبة

شمرهة يم الباب و نزعهن فات لغرفتة 

حجة بصوت يسمعني:سويلي غدة

اسويلك سم درت وجهي تغطيت حسيتة وگف فوك مني حرك المخدة برجلة حجة:مو احجي وياج

دفعت رجلة بضوجة:وخر عني ماريد اسويلك اي شي 

حتى حجي كوة علية احجي وياك

حسيت بي كعد بصفي وخر شعري عن وجهي كل ما يتقرب تخنگني العبرة اذكر شلون أمنت بي و عافني 

رفع راسي باوعتلة عيوني مغورگة حجيت برجفة: الله عليك وخر ماريدك بعد ما اجذب اكرهك لا زعل ولا كسرة خاطر من صدك كرهتك

دلهم: لو رايحة وياي راح تكرهيني بالزايد لو واحد لازمج شيصير بيج تنتهين خليج كارهتني المهم حفظتج منهم

غنوة:منو همة منو انتة شنو اسمك هاي كلهة براسي ليسألني ماعرف اجاوبة ليش سويت هيج تاخذ كلشي بالبيت و تعوفني حتى اسراء و ابنها و كلشي اكدر اوگف كدام اهلي بي ، عفتني بحيرتي ليش 

تنهد فرك وجهي بيدة گام اخذ هدومة راح للحمام غمضت عيوني كوة صابرة عليه اريد ابجي من القهر

كمل و رجع بيدة فالينة ينشف بشعرة علگهة على الباب راح للمطبخ اباوعلة بتك عين طلع خبز مدري شنو خلة بي اكلاهة على السريع شرب ماي و اجة

شال المخدة شمرهة بصف مخدتي دفعتهة رجعهة گمت ضايجة لزمني خازرني خلة راسي علة لمخدة

جر ايدي خلة راسة عليهة

غنوة:وخر دلهم اشلع ايدي ما اخليك تنام عليهة

دلهم:بس شوية

رديت بضوجة:ولا شوية وخر عني 

حجة بنتر يدفعني:دمشي فد قندرة انتي

فكيت حلگي اباوعلة دار وجهة للحايط مسحت حلگي عضيتة بزندة فز يشتم بية و يدفع براسي

فوخت گلبي و وخرت عنة عيوني يحرگني من الدموع گمت للغرفة سديتهة علية اطلع جلبة اذا بعد حاجيتة مايستحي ولا عندة اخلاق حقير نذل

كل يوم يمر اتذكر كلمتة و انقهر ما حاجيتة وراهة ولا رديت عليه مثل كل مرة اضل ساكتة صارت بية حالة نفسية من القهر و الكتم 

اخر ليلة بشهر رمضان لأول مرة ما ابجي على روحي كعدت صليت كل گلبي بس اريد حل ماعرف شنو

لا اكدر اطلبة بالدعاء اريد شي يخلصني من قهري

نمت بيومهة بمكاني لضليت اصلي بي لحد الصبح

دلهم يشتغل عمالة يطلع الفجر يرجع بتلاثة مرات

هادئ من الشغل للبيت عكس گبل هواي يخابر و يجي صفوان هسة ماكو شي غير ينام و يروح لشغلة

            

              

                    

طلعت اليوم ماكو شغل عدة لان عيد وهم امس اجة

مريض مدري شبي ضربة شمس راسة دايخ يوجعة

خل يضوگ وجع الراس شنو ليلة ماكدر انام منة يطر طر احس راسي ينقسم نصين و عيوني توجعني كلش

لحد الظهر يالله كعد بس غسل طلع برة راح يجيب اكل اني طگني الجوع بس ماكدر اگلة ماريد اتنازل

اجة مشتري لفات و فواكه و ببسي خلاهن على الكاونتر مشة للهول طلعت الفواكه غسلتهن خليتهن بماعون و اخذت كلاصين خليتهن يمة وية علاگة اللفات و الببسي

اخذت حصتي صبيت الي بكلاص گمت مثل كل يوم

اكل وحدي عيونة وراي تنهد يمسح وجهة متنرفز

مرتكية على الحايط اريد اسمع صوتة شي ماكو هدوء اكلت طلعت لگيتة ماكو هنة على حطتهن بالگاع شلتهن للمطبخ و غسلت طلعت برة للحوش

ساعة اللوم بروحي اليوم عيد مايصير اسوي هيج هو اشتراهن الي بس أتراجع محد ضربة على ايدة و سواه بية ماكدر انساه لو اتخطئ مطبوع براسي طبع

ماكو گبالي شي اسوي لو اكل لو اسبح فتحت باب المطبخ رفعت رداني نظفت البيت كلة طلعت لحد ما تعبت صرت ماكدر ارفع ايدي اخذت هدوم رحت

بهاي الايام صار خوش رجال جابلي هدوم البسهن

بدلت كارهتهن تاركين نص ردن و دشادشة قصيرة من لبست وياهة بجامة طلعت جني مخبلة حتى استحيت اطلع بيهة ضليت البسهة هيج اذا هو زلمة خل يباوعلي الة اطر راسة نصين 

مشطت شعري اجيت اگطعة من لشوفة يطيح رحت للكاونتر ادور مالگيت مگص مشيت لغرفتة الة جنطتين وحدة هدوم وحدة ما فاتحتهة كعدت 

فتحتها اول شي دفاتر طلعتهن و شماغ مبين قديم 

شكم صورة مال وشم و المكينة هم اشياء عشوائية

لگيت المگص صغير حديد مال عمليات اخذتة

ضفرت شعري ماكدر اگلبة و گصة گلت هيج احسن گصيتة فوك جتفي هو طويل بس خف صار ينكت

واني ماتحمل اشوفة هيج اتعب من التمشيط

صايرة كلش عجوزية مادري تعبانة و خاملة لا اكدر انام لا اسوي غير شي بس اتصفن على الحياطين

طلعت برة للمراية اشوفة مامتساوي گوة كدرت اعدلة اخذت الگصيبة خليتهة بعلاگة شمرتهة من للحايط ليبرة رجعت المگص دخلت للغرفة

حسيت جنت مغيبة رجعلي وعيي مشاعر ماعرف اوصفهة تايهة اسوي اشياء من القهر اندم عليهة بعدين فراغ كلش چبير بداخلي و برودة احسهة بعظامي مليت و تعبت ، لميت رجلية لصدري 

متمددة بالغرفة صافنة على الحايط صرت اتخيل احداث ما صايرة الاشياء الاتمناهة اوصفهة براسي

اعيش كل لحظة چنهة حقيقة و واقعية 

            

              

                    

غمضت عيوني اتسلى بهاي الأفكار افصل عن الواقع 

ضليت هيج ساعة اكعد ساعة انام نخر راسي من التفكير ، سمعت صوت الباب نرگع حيل فزيت واكفة طلعت من الغرفة صار بوجهي بهتت ملامحة

تقرب رجعت ليورة سحبني حجة مصدوم:شعرج ويننن

غنوة:گصيتة

رفع وجهي يحركة بيدة :ليشش شبييج انتيي فهميني شني هاي التصرفات

غنوة:شعليك انتة شعري و بكيفي

دلهم: مطيرتة كلة تگول بكيفي شلون تگصينة مسودنة 

غنوة:وخر دلهم لاتصير حنين و متفاجئ مدري شنو 

دفعت ايدة رجعت للغرفة عينة وراي كعدت مرتكية على الحايط امسح دموعي برداني اعصر بجهة گلبي اريد شي يريحني و يبرد علية تضايقت كلش 

رفعت راسي من دخل ورة ساعات كعد مرتكي علر الحايط گبالي الگصيبة بيدة لافهة على جفة تنهد 

رفع عيونة الي درت وجهي بعيد عنة 

دلهم: أبن اسراء مات

توسعت عيوني گلبي نخمش تحركت يمة گاعدة على ركب رجلية مبهوتة :شـ..شنو يمتة اليوم 

هز راسة كمل : بنفس اليوم طلعتي بي من المستشفى ورة ما هجمو على البيت صارلة اكثر من تلث اشهر 

غنوة: عـ..صام عصام يدور عليهم اسراء اخذتة 

و مشت شلوون مــات

دلهم: گتلهة تجيبلي المستمسكات اتفقت وياهة على مكان التقينة اخذتهن منهة وبين ما احنة نسولف نزل هو من السيارة مالحگت عليه ندعم 

غنوة:كل من وراك

رفع راسة عيونة بعيوني گلبي نمرد عليه طفل راح بشربة ماي من ورة سوالفهم لا هو مسوؤل لا هي مخلية ابنها بمكانة و مولية 

غنوة: ليش اخذتة ما عافتة

حجة متردد :چنة نريد نطلع تهريب فاجئتني من جابتة ماتكدر تعوفة 

غنوة: ليش شنو عدكم انتم شنو بحياتكم شاردين منة 

دلهم: شاردين من أهلنة عمامي و راس البلة نعمان هذة الزلمة مايرتاح الة يموتني لو اني اموتة

غنوة:شنو المشكلة بينكم معقولة اعمامك يسون هيج

دلهم: وأكثر گتلو حاتم گبلي ، نعمان يصير ابن عم ابوي همة و عمي جانو صحبة طلعو للصيد نكتل عمي هناك ،من ابوي شهد زور على ابو نعمان جرجراه لثار و دم طشر عائلتهم و بعدين عرفوه الكاتل هو شال ذنب ابو نعمان و عمي و جرجر ولدهم لثارات و دم الة اول مالة تالي 

سكتت افسر لحجاه ابالي ابوه كاتل عمة و شامر التهمة على ابن عمهم يعني ابن عم ابوه ليصير ابو نعمان ومخليهم امالخ وتالي طلع هو المجرم 

            

              

                    

غنوة:فوگ لسواه ابوك جاي تطالب بثارات

دلهم: ابوي اخذو ثارهم منة اني اريد حگ دم حاتم نعزل عنة ما تدخل بسوالف العشاير يجيبة بتابوت النة ليش اذا هو كتل خصيمة حاتم شعليه 

مسحت وجهي متنهدة ماعرف شنو احجي و ارد عليه كلهم غلطانين الموت ما يخلف بس موت وراه 

ناس تموت بدون ذنب و بذنب و عواصف العشاير ماتخلي شي اذا ما تدمرة وياهة 

همة هيج متعصبين عمري مافهمت هاي السوالف

اذا يعرفون النهاية موت الناس البريئة وية الغلطانة

ليش يبدونهة و يخلونهة تجر ارواح وياهة

عفتة طلعت مختنگة افرك بجهة گلبي دمي محترگ على كرار كل ماتذكر سوالفة و شكلة روحي تنمرد

طفل مايعرف شي ذنبة برگبة منو دلهم لو أمة

اذا هي تدري ما تجيب بس المصايب المن اخذتة مخليتة يم ابوه رجال غريب ما يدخل بثاراتهم ليش

ياللهي شگالت لروحهة من سوت هيج

گعدت ابجي ترحمتلة قريت سورة الفاتحة على روحة بحرگة گلب دعيت كون الله ينور قبرة كل ما اتذكرة ينلجم گلبي من القهر عليه

ضلت صورتة ما فارگت بالي اسب بيهم كلهم ماعدهم مسؤلية من كل گلبي تمنيت ما اتخلة بموقف يشبه هذة اسراء من رجعت لرجلهة شگالتلة 

غسلت وجهي اكثر من مرة رجعت للغرفة جنت كاعدة برة ، شفتة نايم على وجهة افتريت حواليه ادور على الگصيبة لگيتهة جوة المخدة مخليهة

سحبتهة شوية شوية اول ما صارت بيدي لزمهة گمت طايحة ليورة جراني قوي خلاني جوه رفستة مقهورة ماعندي قوة اتلاوة وياه تعبت من البجي

غنوة:وخر عوفنيي اخذهة بس عوفني لا توصل يمي دلهمم وخر حقيررر سافل وخر عني ماريددك 

سد حلگي ظهري على صدرة مخلي وجهة بشعري احس بلحيتة على رگبتي من ورة تبززني انفاسة نرفزتني احترك دمي هسة يسوي بية مثل گبل 

هم يعوفني غلطة ذيج ما اخليهة تكرر لو يموت

ضربتة بعكس ايدي ادفع بي: دلهم عوفني ماريد اكرهك 

دلهم:ما اسوي شي ماتردينة بس ضلي يمي

غنوة:ما اضل يمك شلون عفتني شهور عوفني هسة لو تموت گدامي ما التفتت الك وخررر

دلهم: اطلبي لتردينة بس ضلي مختنگ غنوة تعبان

غنوة:عساك بتعب اكثر منة كون يحترك گلبك اكثر على الضيم لعشتة من وراك 

دلهم: ماعرفتج حقودة 

غنوة: لسويتوه بية عملني اكره

دلهم: شتردين و تسامحيني ترجعين الي 

غنوة:ما ارجع طلگني

دلهم:مو تگولين اهلج مايرضون على الطلاگ

غنوة: شما اسوي لا ارضيهم ولا ارضيك تعبت اسمع منكم و اخاف خليني ارجع لأهلي احسن ما اكرهك بالزايد لاتشيل خطيتي دلهم لا تخليني ادعي عليك والله محترگ گلبي ماعرف شبية حتى تفكير ماكدر افكر محتارة بروحي وين تاليتي مادري

            

              

                    

نهض من وراي عدلني صرت گبالة ايدة على شعري

نزلهن لرگبتي وخر التشيرت باوعت بعيونة بدون لا ارجف و لا اتأثر كلشي بية كاره لمستة

دلهم:مو هيج يوخرون الوشم مجرحة روحج

غنوة: لو ما اخاف من الله جان موتت روحي خطيتي برگبتك انتة شايل هواي 

دلهم:كلش هواي بس ذنبج يكسر ظهري

غنوة:جذاب كلشي تگولة جذب ما اصدك بيك 

دلهم: صدگي بس اني رجال وراي مصايب يابو مصايب 

غنوة:جا ما تعوفني

دلهم:اعوفج تتزوجين هذة ابن عمج مخلي عينة عليج 

عگدت حواجبي ما فاهمة رديت مستغربة: هلال؟

رد بنفس الاستغراب:ياهو هذة

غنوة: جنة مخطوبين يعني حاجين بينة هو گايلك عينة علية 

دلهم:انتي تسمعين لتحجينة لو لا

غنوة: عليمن تزمخ غير انتة لحجيت جا اني

دلهم: احجي عن هذة ال**" جسام لصاير سبع يگمز جنة قرد فوك مني كل شوية جاي جايبلة سالفة ويا

غنوة:لاتحجي عليه لو ما هوة جان عمامي ذبحوني هو وگف گبالهم و حل الموضوع بهدوء

باوعلي متنرفز درت وجهي للحايط جر زندي حجة مقلص عيونة:مواعدج اذا تطلگين يتزوجج احجييي عليمن مستقتل علمودج من بد ولد اعمامج ذولاك

غنوة: شفرقك عنهم ياهو لأجة و طعن بشرفي لهدرجة اني رخيصة بعيونكم اني مرتك تشك بية مواعدة غير واحد اتزوجة ما طلبت الطلاگ بس لان كارهتك اتحمل كلشي من اهلي بس كلمة وحدة منك ما اتحملهة 

تمدد على ظهرة يمسح وجهة حجيت اسحبهة:لاتسكت مو تذب الصوج علية گوة تريد سالفة تحاسبني حتى اغض نظر عن السويتة لاتدور اعذار ما اعذرك

دلهم:ماكو اعذار هاي حياتي هذة اني و تضلين وياي لا اطلگج ولا اعوفج

غنوة:شكد حقير انتة هاي لو اني لعايفتك تطلعني من دين الاسلام رغم انتة بنفسك عفتني هسة جاي تتهمني فوگهة تريد اضل يمك ليش ماتفهم كل الصار بية من وراك ما اتحمل اشوفك

دلهم:هوو شنوو من وراي شنو عفتج ترحين للهلج شدراني بيهم همج هيج 

غنوة:اي يصيرون همج اذا ارجعلهم مليون تهمة علية حتى عقد الزواج و اوراق المستشفى اخذتهن كلشي ما خليتلي اوگف بوجهم بي 

دلهم: اسراء اخذتهم وية بقية المستمسكات ماشفتهن التهيت بفاتحة ابنها و السوالف الجرجرة الوراهة 

غنوة:تضل شهرين تشوف روحك ما غلطان يابة اعذرك بالصار و مصدومين على موتت ابنكم وراها دلهم الوراهة شنو ، فوگهة اتصل بيك تسدة بوجهي 

دلهم:وبليلتهة وديت العقد و التحاليل 

غنوة:شدراك اني جنت اريدهم هيج فجأة وديتهن

دلهم:ابن عمج حجة الصار من شفت رسائلة دزيتهن

غنوة:تدري حجيك البارد شگد يحرگ گلبي ، شنوو تريد مني انتتة ماتحبني ولا يفرق وياك وجودي و غيابي مايهمك تريد جسمي هاااك اخذة يالله خليني بحالي اخذ لتريدة رجعني لهلي خليهم بعد وين ليا مكان يغربون بية وين يشمرونييي لا تدخل ما متأملة بيدك تدافع عني لا انتة ولا همة عشت كل عمري وحدي اكمل وحدي ماعندي شي اخسرة بعد 

            

              

                    

اباوعلة دموعي حارة تنزل على خدي هو ساكت يابة هذة برودة شكد يقهرني تمنيتة يحجي و ينطي عذر لان روحتة بدون سبب و غيابة الطويل يأكدلي اني مو مهمة عدة عادي بمزاجة يختفي و يرجع 

تقرب يمسح على عيني بأيدة حجة يلزم وجهي:ماعندي اسباب و مبررات ولا اي حجي ثاني تنتظرينة اعترف اني اريدج بس ماعندي طريقة اطلع من الاني بي لا مشاكلي تنحل ولا اني اكدر انطي وعود مادري اذا راح اضل عليهة لو اكسرهة

غنوة: عوفني 

رد بهمس صوت مبحوح:ماكدر گلت اعوفج هاي الشهور گلبي يلوب عليج ما ارتاحيت الة شفتج

غنوة: اني شنو ذنبي اذا انتة بنفسك محتار وية روحك ليش دمرتني شوف دلهم شصار بية من السوه سمعتي صارت على كل لسان بسبب منو الخلل منين 

من سالم الظلمني و مات لو من اسراء اخذت كلشي بس اعرف جان حلهن بيدك وانتة اختاريت تعوفني اتحمل الضيم وحدي على ابو تحافظ علية هذة جسام لتتهمني وياه لو ما هو اني ميتة هسة لو ما قانع علوان يرحون للمستشفى لو ما مدور عليك هواي سوة طلعني من حلگ الموت لا تلومني اذا دافعت عنة لان يستاهل انتة واحد اناني 

دلهم: اي اني ضايع من سنين مو من هسة صار سنين أبني و اهدم كل ما اوصل للأريدة يجي عارض يخرب علية كلشي من البداية بهاي للهوسة اذا اخليج شيصير بيج مو بس نعمان هذا غريمي گتل اخوي و عندي وياه ثار غير نعمان هواي ابويي كتل اخوه كتل عمي الي عدة جريرة مال ولد ذولة كلهم وراي لمنو اصير الج لأسراء لتسودنت على ابنها للناس لطالبة رگبتي 

غنوة:ما گتلي ماحجييت ليش أملتني و كسرتني انييي غبية گتلك اضل يمك بدون ماعرفك شنو هاي غلطة ماتتكرر انتة حياتك منتهية و اني هم خل كل واحد يشوف طريقة 

دلهم:گلبي مايرتاح غير انتي گبالي بس ادية مو نظيفة خايف عليج مني و خايف اعوفج انتي بس انتي عدي لا أهل لا ناس محد يعرف منو اني

غنوة:وانييي هم ماعرفك 

دلهم:لا تعرفيني من البداية من ذيج الايام جنت وياج مثل ما أني وجودج بالبيت ماكدر اغض طرف عنة اني الدوم متعود على البيت هدوء صرت احسة گبر ماكدر اكعد بي

غنوة:شگد اكره اعذارك هاي اناني 

دفعتة گمت حجة گبل لا اطلع:حضري روحج نروح لبغداد باجر 

التفتت الة مستغربة:وين نروح 

دلهم:لبغداد ماكدر اضل بالقادسية 

غنوة:كل ابالك اروح وياك انتة صدك تحجي هو اني هنا وصلت الموت اروح لبغداد شسوي 

دلهم: الفجر نطلع

غنوة: ما اروح

دلهم:مو بكيفج

غنوة: نشوف 

رگعت الباب متنرفزة الحجي يطب من أذن يطلع من الثانية اني شورطني وية واحد مثلة حقير و يدور بس مصلحتة يريدني وياه اتبهذل 

ضليت سهرانة اباوعلة متنرفزة بكل برود جمع اغراضة و خلة هدومي وية هدومة حضر جنطتين

طلع مر هواي وكت ياالله اجة مشتري عباة و شال شمرهن علية و علاگة ثانية وياهن ملابس استر

            

              

                    

غنوة:منو گالك اروح

دلهم:ترحين

غنوة:ماريدد انتة شبييك

غمض عيونة تنهد التفتت الي حجة بصراحة: غنوة تعبان تحملي بس هذة الشهر اعوضج عن الصار طخي راس و امشي وياي

غنوة: اذا انتة ما ضامن سلامتك ليش تخليني وياك رجعني لهلي

دلهم:ما ارجع بعد هنا ببغداد اكدر اتحرك براحتي هنا كلهة تعرفني اذا شافوج وياي يوصلون لهلج و تنلاص و اخوج مو أمان كل ما غبت كل ماصار الطلاگ شي سهل واخوج يريد تطلگين حتى يشمرج على هذة جسام مبين عدة مصلحة وياه و يفيدة زواجج

رمشت مامستوعبة ليحجي تقربت ما فاهمة:شـ..شنو ما افتهمت 

گعد يحجي بهدوء : اخوج گ**"" يريد فلوس و هذة الثاني ال**" ينطي لا تحلمين ترجعين بعد لا اطلگج ولا اخليج يمهم 

غنوة: اي ميخاف اتزوجة على الأقل يم اهلي و گرايبي اضمن يضل يمي ما يروح 

توسعت عيونة مد ايدة سحبني مخزر حجة بحدة:تتزوجين منو بت الگلب 

غنوة:جسام

مد ايدة عصر حلگي بقوة مرد فكي فرد توجعت عطت بي ادفع بأيدة لزم ادية ساد حلگي بأيدة الثانية 

حجة بعصبية:اشگ حلگج اذا سمعت هذة الحجي مرة ثانية تگومين تلبسين تجين وياي حرف ما اسمع منج گومييي يالله 

غنوة: ماثق بيك اروح وياك

دلهم: انعل ابوج لابو الثقة غصباً ما عليج تگومين لا والله و حق حل مقدس اروح هسة اخلي طلقة براسة

غنوة:انتتتة مجرم شنو سالفتك كل ما حجيت گلت اكتل و اذبح هااا تريد تسوي مثل ابوك عفية مبين شنو من عائلة انتم ما تخافون 

دلهم:اييي ما اخاف مايهمني ولا يحرك شعرة بية انة واحد شراني اذا ضليتي بعنادج هذة اطلع منا اسمعج صريخ امة صيري حبابة و گومي لا تبلين الوادم بية 

مسحت وجهي متنرفزة ماعرف شنو اتصرف اخاف اروح وياه و مادري اصدگ بي لو لا ارجع خاف حجية صدك يكتل جسام صارت بعيني قصص وروايات عراقية كرار صلاح امة ولا مرة أذتني من جنت صغيرة هي تحبني الوحيدة بيهم ما تحجي علية ولا على امي ورة كلشي الصار ما عافتني

گمت اخذت الهدوم من الگاع مشيت للغرفة بدلت طلعت شال الجنط يدفر بالبيبان صفگت ادية و غميتة التفت على الصوت مستغرب خليت ايدي على الحايط 

غنوة: عثرت طگيتة طلع صوت

دلهم:شبيج عمية

غنوة:اي عمية ماتشوف عيني شلون صايرة

فتح الباب طلعت وياه مشينة مسافة شفت سيارة كاعد بيهة صفوان فتح الجنطة لدلهم شمر بيهة الغراض ، اجة فتحلي الباب صعدت غصباً علية

صفوان:شلونج خوية

باوعتلة بطرف عيني درت وجهي اسمعة يسولف وية دلهم و يضحك بس بهمس ما فهمت شي منهم

ركيت راسي على الجامة گدامي بس الاضوية تمر همة يسولفون ساعة يتجادلون و يصير السب بفلس

ساعة يهدون كلشي يحجونة حاولت احفظة و افهمة

اردد وياهم اريد اعرف شنو يريد يسوي وشلون 

            

              

                    

الساعة بالعشرة نزل على طريق ترابي كدام مطعم 

فتح الباب حجيت بضوجة:ما انزل

دلهم:لاتشلعين گلبي 

غنوة:ما انزل

رضوان:رايح گدامك

هز راسة الة رجع دنگ علية يحجي بهدوء:انزلي لا تعاندين شيفيد كعدتج هنا التبريد طافي و حارة انزلي اكلي وراج طريق طويل هسة انتي رحتي وياي ضلت على نزلة المطعم

زفرت انفاسي بضوجة نزلت مد ايدة جر العباة حجة متنرفز:لو اعرف ليش شعرج ماتضمينة ارتاح 

غنوة: حتى شعري خليت روحك بي

دلهم: شتردين اخليج مطلعتهن گبال الوادم

غنوة:وخر عني 

ابتعد متنرفز من اسلوبي واني متنرفزة من اسلوبة

امشي وراه بس دخلنة خلة ايدة ورة ظهري خزرتة 

مشاني گبالة خطوات لحد الطاولة اني هو وحدنة 

و صفوان وحدة بطاولة ثانية طلب اكل كاعد گبالي 

عينة بموبايلة مبين يراسل التفتت لجهة صفوان هم عدة موبايلة مدنك عليه مدري ليش حسيتهم يضحكون علية ضجت لان نزلت ما ضليت 

جابو الأكل بالبداية مواعين صغار بيهة مدري شنو 

بعدين جاب كباب و وياه خضرة و طماطة شوي 

ضليت متوترة اكو هواي غيرنة كل ما ارفع راسي يصير واحد گبالي همة كل واحد ملتهي بالوياه

گوة اكلت شكم لفة شربت ماي ضليت اهز برجلي

منتظرة يگومون كل واحد شگدة يراد اسبوع يالله تنترس بطونهم بس لا يخلصون هذة الاكل كلة

بعدني احجي وية روحي كح دلهم غاص سحبت الماي المفتوح علية گبل لا ياخذة رجع اخذ غيرة 

هذة عليه جيس من فوگ راد يفتح ما نفتح زرفة يصبعة فتحة شرب عيونة علية مغتاض من حركتي

باوعت من الجامة للشارع مامهتمة بي لحد ما كمل

گمت وياه غسلت راح دفع هم ساعة يتعاركون ياهو ليدفع عفتهم طلعت امشي للسيارة تيهت ياهي منهن اتذكر لونهة ابيض بس شكلهة نسيتة

طلع دلهم اشرلي عليهة مشيت صعدت همة هم تحركنة سمعتهم يسولفون انو دخلنة بغداد بس بعدهة السيارة تمشي فترة طويلة يالله وگف

نزلت منتظرة دلهم واكفة على الرصيف هو نزل الاغراض تشكر من صفوان اجة جنطة على جتفة

وحدة بيدة و لزم ايدي بالثانية يمشيني وياه

صعدنة تكسي نطاه دلهم العنوان نزلنة بي شوارع بسيطة ومنطقة نظيفة هدوء مشة اني وراه وكف يم 

واحد منهن فتح الباب دخلت كدامة

لاگاني الباب الثاني اول شي المطبخ نوب هول 

و غرف خلة الجنط بالهول صعد باية من الدرج 

حجة بصوت مسموع:اسررراء ويننج 

ما سمعت صوتهة بس شفت ظلهة نازلة گلبي يرجف 

كل ما اتذكر ابنهة نزلت شصاير بيهة اتعس مني 

الوجه اسود و ضعيفة عيونهة بنگرة و لابسة اسود

            

              

                    

تقربت يمة حضنهة حجة يبوس راسهة:شلونج

ردت بهمس: مو زينة

بوسهة مرة ثانية يمسح على جتفهة اباوع لشعرهة صاير نصة فرغات و صلعة من كد ما مگطع اذكر اخر مرة شفتهة من ذخن شعرهة اذا خلت ايدهة بي ماتبين تصير هسة رايح كلة رغم غلطانة بس دعيت الله يقويهة و يصبرهة لمثلهة تتخبل زين ضالة هسة

رفعت راسهة شافتني درت وجهي حجيت عيوني عليه:وين غرفتي

دلهم:هناك كدامج

شفتة وين أشر شلت الجنطة مشيت غرفة بسيطة بيهة غرفة اخشاب كاملة و مفروشة نظيفة الشباك مفتوح و الهوة يحرك بالبردة 

سديتة خليت الجنطة على الجرباية طلعت هدومي شلت الباقي فتحت الباب شمرتهة بالهول رجعت

لعجبني الغرفة بيهة حمام احسن اضل هنا ما اشوف واحد منهم افتك منة ، اخذت هدومي دخلت للحمام

فترة سمعت الباب يدك غلست عنة غسلت شعري 

اسمع صوتهم برة يحجون هواي اصوات مو بس همة طلعت نشفت شعري گصيتة و تندمت 

لميتة ليورة لا ينلف ولا يصيرلة جارة فتحت الباب اريد ماي اشرب طلعت صار بوجهي وجوه غريبة

مرة جبيرة بالعمر يمهة وحدة اصغر منهة و دلهم كاعد بصفهم اسراء رمشت مستغربة منو ذولة

حجة من مكانة :تعاي هنا غناوي

طلعت مريت منهم للمطبخ فتحت الثلاجة و الفريز اخذت ماي شربت حسيت بي واكف يمي سديت الثلاجة صار بصفي كلش جتفي يطخ بصدرة 

حجة بهمس:الجوة خالتي و عمة اسراء

عگدت حواجبي مستغربة: عمة اسراء شنو ؟

دلهم: اسراء اختي من امي هاي عمتها تطلعين مثل الحبابة تسلمين و تگعدين ماريد عناد يالله

طلعت كدامة لازم ايدي ابتسمت بوجهة رخت ايدة 

مستغرب عيونة علية حتى ما رمش درت وجهي عنة

سلمت عليهن كعدت عيوني على اسراء لمخلية راسهة على رجليهة متكرفصة بنهاية القنفة ماتحجي كل ما اشوفهة تجي ابالي صورة ابنهة انقهر عليه گلبي ينخمش 

دغاني دلهم حتى انتبه هاي خالتة تحجي وياي ضليت ساكتة هو يجاوب تستفسر عن زواجة و اهلي و شكد صارلنة سوة هواي سولفت تباوع علية 

ملت مني لان مو وياهة دارت وجهة على اسراء تحجي وياهة ماترد صافنة على الحايط عيونها حمر

گمت لان ما اتحمل اشوفهة رحت للغرفة گبل لا اسد الباب دخل سداه قفلة رجعت خطوة حذرة منة

دلهم:سمعتي الحجيتة غيرة ما تحجي اي واحد يسألج ترجعين تگولين نفس حجيي

غنوة:امم عود خل يسألوني واني احجي 

دلهم:خل اسمعج مغردة من راسج اتوبج

غنوة:ولا اخاف

تقرب رجعت ليورة دفعتة اريدة يوخر عني حجة مبتسم: لايگلج الشعر القصير

غنوة: لايگتلك الرجولة بس ماكو حرامات

توسعت عيونة بصدمة من ردي رفع ايدة لأول مرة نهبطت خايفة ضميت وجهي بين ادية سحبني حيل من ايدي عطت متوجعة من لزمتة

دلهم:لسانججج الزميي لا بيت الله اطيح حظج ادبسزز نطيتج عيين بت الكلب صرتي ما تنگدرين 

غنوة:وخر ايدي توجعني

عصرهة قوي عطت لازمة جفة دفعني للجرباية كعدت امسح عليهة طلع جاب الجنطة اخذ هدومة راح للحمام ، رفعت الردان اشوف اثر ايدة احمر 

رفعت روحي مرتكية على الخشب وراي مقهورة أكل بظافري عيوني على الحمام طلع شمر الخاولي على للميز اجة دفعني للصفحة الثانية تمدد مغطي عيونة بيدة 

غنوة:ماكو غرفة غير هاي اخذهة

دلهم:ماكو گعدي و اسكتي

نزلت بيدي المخدة نمت بالگاع على المدة من تعب الطريق بسرعة غفيت كعدت بالليل متكسرة تكسر

عظامي كلهة توجعني الغرفة ظلمة باردة من السبلت المشتغل بس ضواه مبين فوك گعدت اتثاوب رغم النعاس بس جسمي يوجعني من النوم 

فتحت باب الغرفة طلعت البيت كلة هدوء و ظلمة 

اتلمس بالحايط شغلت واحد من الاضوية دخلت للمطبخ غسلت فتحت الثلاجة ادور شي اكلة

لگيت اشكال و انواع احتاريت شاكل اخذت فواكه طفيت الضوة رجعت للغرفة خاف يشوفني استحي

كعدت اكل بالظلمة كملت نص الفواكه رفعت راسي من اشتغل الضوة دخل دلهم رفع حاجبة مستغرب

غنوة: وين جنت؟

گال مخلي أديه ورة ظهرة :ماسمعت 

حجيت اكل اشيف بالتفاح:اذا متزوج گول لا تخاف

رد يضحك:منين اخاف منج

غنوة: اي يجوز هم سر من أسرارك لماعرفهة و لجاي أنصدم بيهة يوم ورة يوم 

دلهم:ريحي بالج مامتزوج غيرج

غنوة: عادي ماتهمني

كعد گبالي اخذ الشيف لجنت اكل منة اكلاه اخذ السجينة من ايدي حجة:صايرة هواي تخرمشين

غنوة: ولا يبرد گلبي شگد ما احجي وياك

دلهم:شنو ليبردة سوي كلشي يجيني منج ارضى بي

غنوة: ما اسوي اي شي حتى اظل مظلومة و بيوم القيامة هناك احاسبك على كل دمعة و ضربة 

طاحت السجينة من ايدة رفع راسة عيونة بعيوني حجة بجدية:لهاي الدرجة 

غنوة:واكثر عبالك زعل حبايب غلطان 

دلهم: اني اسف على كلشي اعـ...

قاطعتة بسرعة:لاتعتذر اتنرفز هيج و اضوج هواي بجيت وراك و احترگ گلبي محد منهم دارى خاطري حتى انتة اجيت تنتر و تنطي تبريرات ماتدخل العقل لاتحجي وياي هيج انتة غلطان واني طحت بيـ..

سكتت من ندك الباب ما التفت ضلت عيونة علية 

ندك مرة ثانية انفتح شفت اسراء واكفة وجهة اصفر

ترجف مبهوتة گام رايحلهة 

أسراء:أجة عصــام

حجتهة مثل واحد جاية ملك الموت الخوف بعيونهة ماينوصف كلهة ترعش حتى اني خفت من هاي اللحظة الله لايخلي بشر بمكانهة 

شكرا لزيارتكم عالم روايات سكيرهوم