رواية نعم أحببتك الفصل الثالث عشر 13 بقلم انين الليل

بثينه 

من سمعت الكلام الي امي كالته البابا ما اعرف شنو صار بيه مزيج من فرح وارتباك ما اعرف ليش صعدت الغرفتي وانا كلبي يدك شفت 

سعد جاي يتصل بيه انا ما جاوبته

ما ادري يمكن خجل او فرح بقى يتصل كل شويه اضطريت جاوبته 

كنت كلش مرتبكه وبنفس الوكت فرحانه جوابي كان بدل ما اكول الووكان ضحكه بيها عبرة 

ما اعرف شكول عبالك أول مرة يجون علي ناس يخطبوني

+

سعد /حبيبي بعده زعلان لو راضي

--اح شكد مكروه يوميه مفاجئه

سعد/غير اريد الحلو يرضى 

.

--امم لاا بعدني زعلانه

سعد//زين لعد اليوم ابات اباب بيتكم تعرفيني انا مخبل اسويها

--لا الله يخليك ادري بيك مخبل

سعد/حبي شنو يرضيج

--راضيه والله راضيه

سعد /يعني اشوفج بالكليه

--ها لا يابه اخاف ابويه يدز ناس هنوبه يشوفونك لو بعدين تصير 

مشكله 

سعد //على شنو مشكله 

--سعد على اساس اني ما اعرفك من يشوفوك ويصير عدهم علم تعرف شنو يصير والله لو ما اعرف شنو بابا نا يوافق 

سعد /:حبيبتي ما نسوي شي غلط 

--لي بس بابا يعتبرني استغفلته وهذا الشي مرفوض

سعد/ طيب حبيبتي اتحمل ما اقابلج بس بشرط

--هاا بدينا بالابتزاز

سعد/ما اريد شي بس ابقى احجي انا وياج بالتلفون إلى ان يخلص

شحن بعدين ناخذ ريست ساعه على ما يشحن ونرجع نحجي وهيج 

على ما نام ها شكلتي

--حيل تعرف شكد راح تخسر رصيد

سعد /وشنو كل فلوس العالم فدوه الضحكه من ضحكاتج

--ههههه شكرا

سعد// يابوييييه ترة هسه اجي واطفر السياج 

-خلص سعد سديته الحلكي وكاتمه ضحكتي 

خلص بعد حتى ما راح لأ اضحك ولا اسولف 

سعد /:لا ياهمري مو هيج بس هم حقي عليج اسمع كلمه حلوه 

-اي ان شالله 

سعد /:ياالله سمعيني 

--مو هسه بعدين 

سعد/:شكد بخيله بس وين ترحين اول وتالي تجين العريني

وظلينه نسولف على ما نمنه وثاني يوم نفس الشي

يوم ثالث إجت خالتي رجاء وياها تماضر العصر جابهم خالي محسن

 سلمت على خالتي وباوستها وباوست تماضر ورحت انا وياها للمطبخ خدرت الجاي وصبينا وخلينه قطع كيك ورحنا للصاله خالتي باوهتلي وخي تضحك كلتلي /

مبروك ان شاء الله يصير من نصيبج

الظاهر امي كايلتلها انا ضحكت ودنكت

تماضر ندستني من زندي انا عضيتلها شفتي امي كالت 

رجاء الولد مشتريها واخته كالت حاضرين بس هاي التشوفيها

(وتاشر عليه ) شالعه كلبي 

خاله /:لا وفيقه بثينه ورده ما تشلع كلبج 

امي /:اساليها شمو كالت من اجو عليها الناس ما افكر بالزواج بالوقت الحاضر 

خاله /:صدك بثينه لا خاله ليش شنو هالكلام الواحد يكبر لو يزغر اذا مشتريج وخوش ولد وافقي 

انا -ان شالله خاله 

خالتي /:ها شفتي وفيقه بثينه حبابه وتفكر وان شالله نفرح بيها 

امي ان شالله يووم التماضر 

خاله /:بحياتج ياالله هم ياالله نروح نشوفه الاياد زحمه 

امي وخالتي راحن على اياد بالمستشفى اخذهن بهاء بتكسي 

بقيت انا و تماضر اشوف تماضر ضايجه من اول ما اجت وبعدين سمعت كلام امي وخالتي زعلت عبالها اضك عليها سالتها

--توته شبيج

تماضر /ما بيه شي عادي بس انتي كليلي من يمته صايره تضمين عليه 

--لا توته بس والله ما صار مجال اسولف الج ومانا اليوم كالت راح تجون كلت بلا التلفون ونكعد نسولف 

تماضر/:اي ادهني كليلي منو الي خطبج 

--اممم الولد الي نقذني من العصابه الي رادو يخطفوني 

تماضر /ياعصابه مو كلتي حرامي راد يبوك الجنطه 

--تماضر اي كدام اهلي هيج كلت تعرفيهم من يدرون عصابه بعد ولا يخلوني اشوف الشارع بعيني 

تماضر/:يعني هو اتضارب ويه العصابه ابحده 

--اي توته 

تماضر /:يعني تعرفي مو 

--يعني 

تماضر /:شنو بثينه تضمين عليه 

--لا والله بس ما اعرف شكلج 

تماضر /:تحبينه 

--هاا 

تماضر /:ما طوول ها معناتها تحبي 

--امم تكدرين تكولين اعجاب

تماضر /صدك والله يعني انعجب بيج أخيرا لكيتي واحد يباوعلج هههههههه

--ما تضحك عابت تصنفين

اباوع التماضر حتى ضحكتها باهته سالتها --اكلج توته شخبار الحب

تماضر //والله ما ادري بثينه محتارة

-- خيير شنو صاير كليلي

تماضر//بثينه هو خوش انسان ومحترم هذا الي اشوفه بس انا خايفه ومتردده

--منين خايفه توته مو تكولين خوش انسان

تماضر //بثينه احنه نعرف كل واحد يصير بحياته انعكاسات وفشل

ولازم يغيرها 

هو وين جان قبل يعني ناعرف انو ما متراهم ويه مرته الأمن صار

عنده 2 اطفال 

هسه ياالله حس انو ما متفاهمين 

--تماضر انتي هم لا تستعجلين بالحكم والرد فكري والله يقدم البي خير 

تماضر /:بثينه احسه اناتي رغم شخصيته حلوة وجذابه 

--شلون بنيتي هالتصور عن الرجال ياحضرة المتسلفسه مو تكولين ما حاجيه ويا اكثر من خمس دقايق 

تماضر /:اؤ بثينه اناني اذا هو ما مرتاح ويه زوجته ليش لنتزر يخلف منها اثنين هسه تكليلي يجوز حاول يغيرها وما اتغيرت صدكيني لو محاول وما تغيرت جان طلكها نو يدور على زوجه ثانيه 

--كلامج بي نوع من الصح بس هذا نل يمنع تفكرين اكثر 

الله كريم ياالله خلي نكوم نشوي عشا 

رحنا للمطبخ سوينا عشا بيتزا وفطائر واجت امي وخالتي وبهاء

وصبينا عشا خالتي باوعت الامي وحجت وياها

خالتي /اكلج وفيقه اشو اياد مو على بعضه

امي /شنو شبي

خالتي /ما شفتي شلون ضايج وكوه يحجي

امي //مبين علي تعبان الله يساعده رجاء من كثر الدم الي نزفه والجرح والخياطات والناس الي تروح وتجي علي يتعب مو الله يساعده منو كال هيج نشوفه يمه لو شايفته اول يوم جا كلتي منتهي ما بي أي أمل بس الله رأف بحال امه وابو 

خالتي /الله يشافيه ويخلي الشبابه إياد خوش ولد 

امي /:اي والله اياد خوش ولد واخو اخيته 

انا سالتهن --والقوه الغاشمه اقصد كرمه شفتنها 

اني باوعت الخالتي وهزت ايدها /:الله عليج رجاء هاي شلون باجر تتزوج وتفتح بيت وهي تدور سوالف بايته باالله ما تكليلي انتي شعليح 

خالتي /: خاله بثينه شلج غرض بكريمه ما عليج ببها 

--ياا وانا شكلت سالت عنها لان اعرف هي سكد تحب امي وتحبني كلت اكيد شفتوها وسالت عني ودزتلي بوسات مو باالله 

هنه ضحكن وانا وتماضر كفينا المطبخ 

واجه بابا وزيوني واتعشوا وراها صعدنا للغرفه ظلينه نسولف 

_____________________________________________

اياد 

من تصاوبت وانتبهت وانا اشوف ابوي واخواني وعمامي الكل واكفين وفرحانيين لان انتبهت كنت اتمنى اكلهم اريد اشوف بثينه ثاني يوم دزتلي مسج كتبتلي الحمد لله ع السلامه وبعدين جابلي زين شوربه هي مسويتها 

بوكتها يوسف وامي يمي لمن ما زين جابلي الشوربه وكلي هاي بثينه مسويتها 

امي كالت /:وليش مكلفه على نفسها قحط محد يعرف يسوي 

زين كال انا راح اروح اجيب عشا للجماعه الي جايينه من السماوة 

يوسف كله /:تعبناكم ويانه ابو علي وعمي هواي خسر 

زين كال /:لا ماكو اي تعب اياد يستاهل كل خير المهم يشد حيله ويطيب 

جاوبته ::ان شالله زيوني اتعبلك يوم عرسك 

زين /:ان شالله اياد اكعد اكل الشوربه لا تخلي بثينه تزعل 

 يوسف جاوب /:لا هسه اياد يكعد وياكلها كلها كل شي ولا زعل بثينه 

من طلع زين يوسف باوع الامه وكلها 

شنو يمه ليش فشلتي الزين تعرفين مو الحادث اليجاي عمي وهو واكفين على رجليهم والخطار ابيت عمي يباتون وغدا وعشا لو بالبيت لو بالمطعم تعرفين عمي شكد خسر 

امي //وشدعوه صاير محامي انا سكلت هو متعجب بالشوربه 

يوسف //يمه فشلتي وزين حباب ويستحي 

ما كلت شي 

يوسف اتقرب عليه وكلي /:اياد تشرب شويه 

اياد ::اي يوسف 

امي /:وشبيها شوربة بيت خالتك لو هاي بت وفيقه حتى بالمستشفى مخليتك ما تندل دربك 

يوسف/:يممه شنو هالحجي هذا تره كلش مو وكته 

اي مو انت تريد اياد يصير مثلك 

اياد ::اهوو بطلت ما اريد اتزقنب 

على كيفك ما سبيت العنب

ثاني يوم اجه عمي حسين للمستشفى وكعد يمي اشوف بعيونه كلام ابوي كان موجود وعمي عباس ومحمد وناس تروح وتجي تتحمدلي السلامه 

 بعد ما خفت الناس بقو بس عمامي واجه واحد من ولد عمي عباس عمي ابو زين كلهم 

ما طول متجمعين خلي اكللكم على شغله

عمي عباس /كول أبو زين خير ان شا الله

كل الخير جايين على بثينه ناس

ابوي رد علي /ها خويه انت شتكول؟

اي والله ابو محمد وانا جاي اشوركم

محمد /اي عمي وانت وافقت

شنو وافقت غير اشوركم وتعرفون البنيه هم كبرت

محمد//شنو عمي اتعرفه

لا والله ما اعرفه بس همه الناس سائلين علينه

محمد //عمي غير نعرفه ونسئل على أصله وفصله

اي بابا أخذت كل المعلومات وراح اسئل عنه 

عمي عباس //خويه اسئل ع الولد إذا خوش انسان ويحافظ على ابنيتنه

وكون هي قابله بيها الخير بثينه هم مو زغيره 

ابوي ومحمد ما قابلين لان يدرون ييه اريدها 

وعمي ابو زين هم عنده نفس الإحساس ويدري بس ما يقبل يجبر بته 

على شي انا ما تريده

انسد الموضوع وصار حديث عابر 

وبعدين عمي عباس وابنه راحو وابوي ومحمد هم طلعو لان اجه رياض

يبقى يبات يمي

عمي هو وزين - رادو يطلعون واشوف عمي حسين اتاخر

انا كتله ::عمي شويه من رخصتك قبل لا تروح

ها عمي سلامات

اريد احجي وياك ابحدنا

طلع رياض وبقينا بس انا وعمي الي سالني

ها عمي خير محتاج شي ؟

انا بحزن ::عمي منو هذا الي خطب بثينه

ها عمي اياد ما تشوفني انا عطلت روحي علمود اكلك عن الولد

يعني انت عمي ما تعرفه 

لا والله عمي بس اخته تكول هو نفس الولد الي جاب جنطة بثينه 

من رادو يبوكوهاقبل فتره

انا جريت حسره ::وبثينه شكالت يعني وافقت

شوف اياد ما اريد اتعبك وداعتك لو ما خوفي من الله جا خليت بثينه

تموت لو تأخذك تعرف ليش 

لأن ادري بيك شكد تحبها وما الكه مثلك البتي واحد يصونها بس يا بابا

 الدنيا كلها قسمه ونصيب وما اكدر اجبرها واخش بخطيتها انت هم ما 

تقبل يا ابني -بعدين عمي مد ايده على جيبه وحجى -

صدك عمي قبل لا انسى اخته جابت هاي الورقه ،!،

،،طلعها من جيبه وكلي ،،،،،بيها اسمه وعنوانه وعشيرته وشغله

عمي انطيني الورقه وانا اسئل عنه بطريقتي الخاصه

اي والله اياد انا اريدك تسال عنه لان اعرف بيك بثينه تهمك

انا كوة احجي من القهر ::عمي اطمن بس لا تكول لأي أحد اني

انا الي راح اسئل علي انا اسال بطريقتي الخاصه وبعدين 

 انطيك كل المعلومات لا تنسى بثينه شعرة من هذا الشارب هي 

بت عمي وشرفي وعرضي 

ولازم أطمئن عليها واعرف الي تريد ترتبط بي شنو هو يستاهلها لا

عمي باسني براسي لان فعلا كان وده اتزوج بثينه الي هي ما حاسه بيه 

من طلع عمي اجه رياض كتله:: انطيني نقالي وانت اطلع شويه 

رياض /:هاا ايااد شعدك نص الليل تريد تخابر الحوب 

اطلع رياض شغلة ربع ساعه وارجع 

من طلع رياض انا اتصلت بولد صظيقي 

الو عقيل 

اهلا استاذ اياد الحمد على سلامتك شلون صرت 

انا زين الحمد لله رايدك تمرلي بامر ضروري 

تدلل يمته تريدني اجيك 

ياريت باجر الصبح 

الساعه بالسبعه يمك 

وانا بانتظارك تصبح على خير 

ما نمت انتظرت يمته يصير الصبح واجاني عقيل وانطيته الاسم والعنوان كلي شغلة يومين مو اكثر 

ثاني يوم اجاني الطبيب شافني وانا سؤال واحد ::دكتور اريد اطلع 

الطبيب كلي /باجر تطلع بس اهم شي تدير بالك على صحتك والجرح دائما لازم اشوفه واعقمه 

//////////////////////////:://///////////////////:://////////////////////////////

بثينه 

الصبح كعدت انا و تماضر لكيت امي وخالتي كاعدات ومحضرات الريوك وابوي مار علي يوسف ورايح هو ويا

زين ابوي موصي امي تكعده بالتسعه لان اكو حمل يجي الساعهة11 

ولاازم زيوني يشرف علي ويوجه العمال أوين يحطونه 

زين العابدين اخويه رغم ضعف بنيته لان من هو زغير تمرض

بس والله شايل ابوي ويشرف على شغله ولان هو ما يحب الدراسه

فابوي ما جبره وخلا يشتغل ويا رغم معارضة امي الي كانت تتمنى يكمل دراسه وتكل الابوي زيوني مو مال تعب 

ابوي يكللها خلي السوك يعلمه ويسوي تاجر

اتريكت انا و تماضر وباوست خالتي لان كالت التماضر تلكيني راجعه للبيت

ورحت ويه صديقاتي و تماضر نزلت بالطريق راحت للمعهد 

واحنه كملنه دخلت الكليه بدون ما اباوع هذا اتفاقي ويه سعد وانا اريد المحاضرات تخلص علمود ارجع للبيت حتى نبقى انا وحبي نسولف 

أرجع اتغده وبسرعه أكف المطبخ واصعد اسولف ويه سعد وهو مرة يسولفلي كلام بالحب ومرة نمت ومرة نسولف على بيتنا ومره يدزلي مقاطع فديو رومانسيه

فد مره دزلي مقطع ابنيه كاعده عه البحر زعلانه واجه حبيبها يعتذر منها وما قبلت اعتذاره انتظرها بالسيارة وكوه صعدها وهوا يريد يحجي وهي ما تقبل بعدين نزلت ركض وراها وحضنها بكل قوته وهي ذابت بين اديه وفجأه عافته وراحت انا اباوع ومقهورة عه البطل 

------سعد كلي//

------شفتي المقطع حلو 

-----انا --اي بس كلش انقهرت عه البطل 

-----سعد /غبي ما يفهم لو انا وانتي هيج زعلانه مني جان شلتج 

بحضني ما اهدج لو بعد سنه 

-----انا--سعد لا تحجي هيج استحي (حاجيتها بدلال)

،،،،،،،،،،،سعد /بويه موتيني بدلالج يمته تصيرين عدي والله ما اهدج وما اطلع من الغرفه يمكن أسبوع 

انا --اسبوع شناكل شنشرب 

سعد/هو ذيج الساعه ياهو بحال الأكل لو الشرب وداعتج نأكل ونشرب حب و،،،،😯😯😯

***********************************************

ظل هذا الروتين بيوم الأربعاء طلع اياد من المستشفى وبابا دز خروف ا لسلامته بالليل اتصلت علي ساهره /الو هلو بثينه 

بثينه --هلا حبيبتي الحمد لله على سلامة اياد

ساهره/الله يسلمج ياعمري اكلج حب باجر بابا مسوي عزيمه عشا

 السلامة اياد طبعا انتي وخاله ما تحتاجون عزيمه لان من أهل البيت

 بس كلت لازم اكلج بثينه الله عليج تعاي خلي نشوفج

-اي انشاء الله اجي

نزلت وسولفت الامي امي كالت أن شالله نروح

--بس ماما مو الأصول عمه كريمه هي التعزمنا

امي/ماكو فرق ابيناتنا احنه أهل واياد مثل زيوني 

--ايي ماما انتي ظلي تنطين اعذار ال هذا وذاك 

امي //مو أعذار بس أياد ابن عمه الزين وهو حزام ظهره واياد

 سبع وحوك واحة اخيته ما انسى وكفته لمن هدوا الناس العام على ابوج 

شفتي شسووا 

--اووو ماما شثبرتونا اياد واياد ويع حتى لعبت نفسي 

امي هزت ايدها وهي تكول //ثبت علينا العقل والدين ياالله

ثاني يوم الخميس اجيت على وكت لكيت امي محضرة الأكل سلمت وصعدت خابرت سعد مارد كتبت له رسالة واتساب 

--حبيبي ابن عمي طلع من المستشفى وعازمينه انا راح اخلي النقال بالبيت من اجي اتصل عليك (احبك)

ونزلت اتغدينا وشلت المواعين وغسلتهن وسويت قالبين كيك ورحت بدلت من نزلت شافتني امي كلتلي

امي /اصعدي غيري ملابسج ألبسي دشداشه ردن وفوكها عبايه اسلاميه

شنو رايحه تعرضين إزياء عزيمه وهوسه وناس وشغل

ردت احجي امي سكتتني صعدت لبست دشداشه وعبايه اسلاميه ومشطت وفركت شعري من الوسط ولبست شال طلعت شويه من شعري وخليت مكياج خفيف وعطر شافتني امي

دنت الشال وضمت الخصله انا تنرفزت ضربت الارض برجلي بعصبيه 

--اووو ماما شنو هيج تدخلين بالشال

عدلي الشال احسن لج لا البسج بوشي 

اتاففت وعدلته --شنو ماما ما تدرين بيه ما احب اتحجب

امي هزت ايدها وركبنا بالسياره 

قبل ما نوصل زيوني كال/

هواي ناس بالحديقه ماما انا انزل وانوب بثينه ومنى وانتي ورانا وانتن

 من تنزلن دنكن

وصلنه شفنا ناس بس مو هواي لان بعد وكت انا نزلت ورة زين ومنى وانوب امي

اما بهاء راح يم بابا بالديوان هو دائما يريد يبين نفسه كبر وصار رجال

دخلنه للصاله شفتها مليانه ما شاء الله عمه كريمه وزوجة يوسف ومرت عمي عباس وخالات اياد ونسوان خواله وبنات خالته وبنات خاله امي دخلت سلمت على عمه كريمه

امي /قرة عينج ام محمد نعمه من الله سلمه ورجع سالم كلللللوووش

عمه كريمه مبتسمه /هله حبوبه ام زين هله بيج ياعمري 

وراحت امي تباوس وتسلم انا سلمت على عمه كريمه

--الحمد لله على سلامته عمتو حبيبتي 

عمه كريمه بونه وعوجة حلك //اه الله يسلمج اكلج وفيقه عود ليش

ما إجت وياجن ام تماضر 

--عمه محد عزمها الخاله بس أحد يعزمها تعرفيها ما تتأخر 

امي رادت تبرد الموقف //اتصدكين نسيت ما كلتلها ان شاء ندخل البيتكم بس بالفرح ويوم زواج ايودي ورياض وكلنه نحضر والصبح نهلهل ونركص

كريمه رافعه اديها بالدعاء /اه ان شالله خيه بحياتج وداعتج وفيقه اياد

تعب من ال صار بي لازم ازوجه بعد ما اخلي شو البنات هواي ويطب ويستنكه

--هههه شنو طماطه ويستنكه لو ركي ع السجين

شفت مرت عمي عباس ومرت يوسف كامن يضحكن وعمه كريمه لو بيدها تاكلني امي اتلافت الموقف وكالت 

اي والله ام محمد إياد الله يحفظه مو زغير هم يالله يتزوج نريد تشوف جهاله ونريد نفرح 

أن شالله خيه والله ام زيوني من كون الله يفكنا من المايعات ألما ادري شيسون للزلم احنه بخير تره خو تنتي تعرفي 

الايودي زلمه حوك ويرادله مره سباعيه تحفظه وتحفظ بيته مو من هذني امهات علج وكعب عالي واظافر

هذا الحجي وانا بعدني اسلم على مرت يوسف ونزعت العبايه الاسلاميه والشال ا نطيتهن الامي ورحت للمطبخ 

أساعد ساهره ورغد والبنات الي اشوفهن يعرضن بنفسهن عبالك سوق عكاظ كل وحده تعدل مشيتها وتراوي شغلها دخلت بايدي الكيك باوعت مرت محمد الي شاورتني 

ولج بثينه اثاريج مو هينه قصفتي كريمه بصاروخ أرض جو 

انا ضحكت كتلها--- وج محتاره بابنها عبالك وحده بايره

هي ضربتني بمتني =انجبي بثينه اياد ما منه اثنيين هنيالها التاخذه 

شاورتها -وداعتج من وره القوه الغاشمه اشرد بليله سوده 

وانا اضحك اجت ساهره بوستني وتكلي 

ام السان ما تصيرلج جاره 

انا بوست ساهره--شبيج ساهره شمسويه 

ساهره /وج لزمي السانج شبيج ويه امي 

--احبها والمثل يكول من حبك لا شاك 

 واستلمت المواعين الي ع السنك نسفت ارداناتي وبديت أغسل

الفصل الرابع عشر من هنا 

شكرا لزيارتكم عالم روايات سكيرهوم