رواية عشق مابعد الطلاق الفصل الثالث عشر بقلم ساره فاضل
ناي
احتفلنه بالحنه أني وصديقاتي شغلنه ديجي وركصنه كلش تونسه. والله جنت محتاجه هيج جو ويه صديقاتي هههه لساعه بالاربعه المعازيم راحو طبعآ أم رضا لزمت الحنه كئنما امي خطيه تستبقل اليجي وتودع اليروح وتستلم الهدايه خطيه ماقصرت رحت نزعت الفستان ولبست دشداشه وشال طبعآ البيت فرغ بس ام رضا والبنات بقن رحت. اني وياهن للمطبخ نعزل اجه ابوي ووالي من البستان لكو ابو رضا بالباب فرشنالهم بالساحه كعدو ابوي وابو رضا وام رضا ووالي اني والبنات فتنه للبيت نضفنه وغسلنه المواعين وعزلنه كلشي سوينه عصير وكيك ورحنه قدمنا لهلنه وكعدنه يمهم
ناي
مشكور عمي الله يخليك ويسلمك ويفرحك برضا وخواته
ام رضا
والله يايمه البنات اي بس رضا مااضن باب الزواج قفله بعد هاذا الولد تعبنه حيل
7 ت
ابو رضا
بسج ام رضا وخل نكوم موكت حجي من هاذا الناس تعبانه
ابو سجاد
خويه بعد وكت ضلو للعشه هسه وكت كومه
ابو رضا
خويه هم يالله وكت صلاة مناك البيت فارغ واضلم اليوم رضا من الصبح بالولايه خل نروح ونذكر الله ونشالله بيت العامر شني جاي نجربكم
ناي
سلمت عليه ام رضا وخطيه شبكتني وكامت تبجي وراهه شبكني البنات وطگينه بجي صدك فراكهن يعز عليه مثل خواتي واكثر الله شاهد اجه ابو رضا وماقبل ع البجي خطيه يخاف ع ابوي يدري بي صاحب سكر وضغط
ابو رضا
عمي دبسجن انتن وكت وبجي وتبجن شني ماشيه للصلخ بويه باجر عرسه وفرحت عمره ودعنه بالفرح وادعله براحة البال هلبجي المن
9
ناي
خطيه تباوسنه ودعلي وام رضا جايبتلي هديه تيبلام يخبل خلتليا ع الكرويته وراحو فتت للبيت واني روحي طالعه من القهر ياربي شورطت روحي اني مال زواج ابوي ووالي محد الهم
فتت للمطبخ ذبيت لحم ع النار خاف الخطار يوصل وجاي احضر بالشغلات واناشغ وابجي فات عليه والي
والي
ههههه هسه اكتل البصل وبعد ماازرعه
مااطاني كلبي شبكت والي وكمت ابجي
1 ت
والي
هاي شبيج نونه راح ابجي وياج
راح والي لبوو وكاله اجه ابو سجاد
ابو سجاد
صدك جذب يابويه هاي شبيج وين رايحه انتي هيه هاي بغداد شجتج يابويه
1 ت
ناي
والله يعز عليه فراكم يابويه احس روحي تورطت وقبلت بهاي الزاوجه انتم محد الكم ماالمفروض اعوفكم
ابو سجاد
لابويه بالعكس اني هسه يلا امنت عليج جنت خايف اموت ومحد الج والي زلمه شلون مجان تدبر وياا بس البنيه ذيابة الدنيا ماتخليه بحال سبيله لازم يجورون عليهه بيوم من الايام دبسج يابويه مسحي دموعج وصلي ع محمد والله واهل البيت يبرولج مو بالهين عليه فراكج بس اذا فراكج لمصلحتج الله ومحمد وعلي يبرولج
ابو سجاد الله كريم اشو تعاي خل احضنج واشبع من ريحتج
حضنت ناي وانه كلبي يتكطع بنيتي وحيدتي وفرحه كلبي مثل مايكولون لب الكلب وراح تروح بعيد اذا هيه عيونه اليبجن أنه گلبي يبجي بتي ويعز عليه فراكه بس شسوي مابيدي حيله خاف اموت ووالي رجيج ومايكدر يحميهه وذاك الجبير دايح ويه مرته وماحاط اخوته بالحسبان خله تروح لبيت رجلهه امن الهه واذا ع والي الخلقه ماينسا من اموت اخيته وعمته مايعوفنه حتلو ياخذنه يمهن هنه يجنه بين فتره وفتره والله كريم
ناي
ابوي حاضني واحس روحي جاي تطلع من القهر اندكت الباب باسني ابوي من راسي وراح شاف منو طلعو الجماعه واصلين طلعت ورا ابوي تلكيتهم رفل بت عم قيصر وعصام عمه
عصام
انتي ناي موو
ناي
بلي اني ناي اهلآ وسهلآ عموو
عصام
مثل ماوصفتج ام قيصر جمال وادب واخلاق ولسان حلوو الله يحميج يابابا ويخليج لقيصر وتصيرله قرة عين
ابو سجاد
تفضلو تفضلو ياأهلآ وسهلآ نورتونه
عصام
بالمهلي يابه بيت العامر انشالله
ناي
فاتو للستقبال واني ورفل فتنه للصاله
رفل
ولج شنو هاي اعوفج سبوعين ارجع الگاج حليانه فدوه للجناين الصاكات
رفل
والله تموتين انتي حلوه لاتعب ولاغير التعب يغير جمالج هنيال ابن عمي عليج
ناي
هههه كافي غزل تره انغر ومتخلصون تكومين تبدلين لوتسبحين اول
رفل
لابس ابدل الجوو اصلآ ثلج مومال سبح اشو بالنهار موهيج بارده بس بليل وانتم ماشالله كيعان وبساتين الشته عدكم مضاعف
ناي
اي والله برد يلاا الحمدلله احسن من الحر الله لايشوفج الصيف يمنه كل بكه بكد البعير ههههه تكرهج بالاجواء
رفل
هههههه لايابه اني موحمل بك خل اكوم ابدل لاانوب اتكليلي اجيبلج بكتج لبكد البعير تصعد فوكي وتجعصني هههه
رحت للمطبخ لكيت اللحم مسلوك قطعت طماطه وبصل وفلفل سويته جلفراي وسويت نواشف بتيته وبيتنجان وشوربه وزلايط وعندي خبز وخضورات من الحديقه ولبن شنينه صارت سفره حلوه دزيته الهم عاد رفل رتبت صينيتنه اني وياها رحنه تعشينه وسوالف وضحك خلصنه عشانه وصبينه الجاي عاد كالو تعبانين فرشت للكل ونامو ماعدا رفل كالت تبقه وياي انام سوه لأن ورانه كعده الفجر رتبت اغراضي والجنط وجبت جنطه جبيره لميت بيه الهدايا النواعم عاد فتحت الهدايا الاجت بالحنه شفت الاحتاجه اخذه والماحتاجه اعوفه ابيت اهلي اخذت شكم حاجه عاد فتحت التبلام مال ام رضا سحبته حته اشوفه عاد وكع منه ضرف فتحت الضرف لكيت ورقه بيه رساله قريت الرساله وانصدمت الرساله من رضا اي من رضا
الرساله
حبيتج اسنين طويله من جنتي طفله زغيره واني جنت شاب جبير جنت اعديج الشارع ولازم ايدج وكلبي يركص فرح جنت اكول بداخلي عسئ الله لايفرگ ادينه كلشي احبه بيج ادق تفاصيلج شعرج المجعد الطويل وضفايرج المتناثره بدون ترتيب الشامه الجوه اذنج وكلشي وكلش احب بيج من راسج لرجليج احبج
أحب ضحكتج وانتي جايبه الشهاده وجاي تركضين وتفوتين من يمي بدون ماتحسين بوجودي بس جنت اضحك لضحكتج وافرح بنجاحج
واحزن لحزنج لمن ترسبين وتجين تبجين جان كلبي يفور ودموعج تنزل نار ع كلبي كبرتي وصرتي بنوته واحلا بنوته بعيني رحتي للمتوسطه وماجان اكو قبول الج بالمدرسه ورادو يكعدونج ولايدزونج بعيد سهلت امور قبولج حته اشوفج كل يوم وانتي جايتنه وتروحين ويه البنات جنت اتمنه اكلج احبج واعيش وياج الحب البداخلي بس جنت اشوفج انضف من علاقه محرمه حتئ وان كانت علاقه شريفه وماتغصب الله جنت اريد اجمع فلوس مهرج واخذج لبيتي عروس وافرح بيج وقبل لا يكملن فلوس مهرج بفتره بسيطه سمعت بالخبر الحطم كلشي بداخلي وخلاني اموت باليوم الف موته
من يوم السمعت عقد عليج غيري واني جثه بلايه روح ماكاتب هاي الرساله حته اقهرج لواطلب استعطافج
لاا بس هاي البراكين البداخلي ماجاي تهيد خفت تنفجر بيوم الياخذونج وأخذج واشرد بيج لبعيد رحت اليوم لغير مكان حته مااشوفهم وهمه ياخذونج روحي وعيشي حياتج بس لاتنسين الج محب موجود بكل وكت وتحت اي ضرف رهن اشارتج ان جار عليج الزمن اني اوكف وياج. واكون سندج
وادعيلي ياناي ادعيلي الله يطلع حبج من كلبي واعيش مرتاح لان اني تعبان تعباااان
رضا،،،،،،،،،،
ناي
قريت الرساله واني گلبي احسه يريد ينفجر من القهر نشغت وبجيت باعله صوتي خليت المخده ع ركبي وخليت راسي ودفنته جواهه عسا محد يسمع صوتي بجيت وكلبي مقهور ع رضا كل هاذ واني حجر صنم ماحسيت بي بيوم من الايام اااخ ياربي شلون بيه من تطلعلي هاي السوالف وليش هلولد مضلوم بسببي واني ماادري
رفل
صدك جذب ياحبي شسالفه عليمن هلبجي قابل راح تروحين للعدام اشو هاذي بغداد صلي ع النبي واهلج موبعيد يروحي ويلا كومي غسلي وتعاي نامي مابقه شي ونطلع لبغداد يلا يلا كومي
ناي
كمت ورساله مكرمشتهه بيدي فتت للحمام وغشلت الرساله بالمغسله وفتته وذبيتهه مااريد احد يقراهه لويشوفهه الله مايقبل بهيج حجي
اني ع ذمت رجال غيره
غسلت وجهي ورحت امتديت بفراشي رفل نامت واني الحسبات موتتني وجنت اتمنا انام واشوف امي جبرت نفسي ع النوم واحس بايد ناعمه تمسد ع شعري امي اي امي كمت ع حيلي وحضنتهه وهيه تمسد ع شعري واني بحضنه ردت احجي وافضفض ماقبلت خليت ايدهه ع شفتي وخلتني بحضنه ونومتني وهيه تردد بسرهه كلام مااعرف شنو قرآن لو دعاء فزيت ع ابوي يدك بالباب وكال يلا بويه عمج عصام يكول هم يلا فزيت الاذان ياذن رحنه توضينه وصلينه بدلنه اني ورفل سويت ريوك تريكو بس اني ماكدرت اكل لان بس اكل اتقيئ من كثر القهر والحسره البكلبي اخذنه الجنط وخليناهن بالسياره ورجعنه سلمو ع ابوي ووالي واني شبكتهم وطلعت كل قهر كلبي بجيت بجي منا ماكلبي وكف كوه هدوني عاد والدي سلم عليه وخلاني بالسياره
ابو سجاد
لابويه لا هاذ البجي المن انتي عروس فرحي وتونسي شنهي هلبجي عليمن وين رايحه يلا بويه روحي ورفعي راسي وخلي الكل يحلف بتربيه ابو سجاد البته يلا اشو مسحي دموعج عفيه ابتي السباعيه
باس راسي ابوي وسلمت ع والي واني كوه متماسكه خطيه والي كام يبجي كوه ابوي سيطر علي وفوته رفل كعدت يم عمو بالصدر واني ورا ابتعدت السياره واني احس روحي تنسحب لحد ماوصلنه للسده التعبر منه السيارات واشوف رضا من ابعيد كاعد بصف دراجته وشاعل جمريه يدفه عليه وجاي يدخن السياره تمشي بطيئ واني اباوعله عاد هوه انتبه لسياره كام ع حيله وضل يمشي بتجاه السياره اله شوي وصل للسياره جان عمو يحرك سريع اباوع من الجام الورا واشوف رضا يركض ورا السياره ووكع منضره يدمي الكلب بله عليمن ابجي ع اهلي الضلو لو هاذا الولد الجرحته واني مااقصد اااخ ياربي
شكرا لزيارتكم عالم روايات سكيرهوم
