رواية أعظم خيانة الفصل الرابع عشر 14 بقلم الزهيريه

افعال البعض تجبرنا على الرحيل بدون وداع حتى ان كانوا يوماً يعنون لنا الدنيا وما فيها 

ريماس/ مو دائماً كل الي نخطط اله يصير لانه تبقى ارادة رب العالمين هي تمشي حياتنه وام رحاب چانت الها مخطط ومهند چان اله مخطط وام رحاب ما اعرف شنو المغزى من انه تريد توگع مهند لأنه احنه عادةً الزبائن نلتقطهم من الشارع وخصوصاً ذوله الفايخين ويدورون نسوان اما مهند احنه رحنه عليه لمكتبه شنو المغزى ما اعرف واني تعلمت ما اسأل ابد لانه ام رحاب دائماً تگلي لا تحاولين تفهمين اي شي اخذي اجرتچ وأسكتي 

وحتى الشباب الي نستدرجهم من يجون للبيت ويجي هذا ابو شوارب الضخم ويه شباب على اساس أبويه واخواني من يستلمون مني الشاب المستدرج بعد شنو يصير ويه الشاب اني ما اعرف مهمتي انه اغوي واجيبه للبيت بعدها ينتهي دوري 

لهذا من اجى عليه مهند وصعدت ويا بسياره فاجئني انه يريد يزوجني بحيث ظليت لا اخذ ولا انطي وحتى ما اعرف شنو اجاوبه والشهاده لله مهند طول الشهر ونص چان يحول ارصده هواي 

ظليت صافنه بوجهه وهو يفتر بينه بشوارع گلي 

مهند / شبيچ حبيبتي والله احبچ لينا وشنو تردين اني حاضر وشنو يطلبون اهلچ اني حاضر صح فارق العمر بينه هواي واني مزوج وعندي اطفال وانتي ما مزوجه بس اي ضمانات يريدوها اهلچ اني موافق عليها اريدچ بالحلال 

ريماس/ آنتي فاجأتني مهند يعني ما بالي انت تريد زواج لانه بعدني ما متأكده من حبك 

واني گتله هيچ لانه ما اعرف شنو اجاوبه 

مهند / ترى ماكو شي يثبت حبي اكثر من انه اريد ازوجچ ترى لو ما احبچ اگدر اطلع بيچ على أي مكان واتونس وياچ واعوفچ او شوكت ما اريد اتختل بيچ بإماكن واخلچ للونسه فقط تردين اني احچي ويه زوجة عمچ 

ريماس/ بعدني ما مجاوبته اتصلت بيه ام رحاب تريدني ارجع واني بلغته انه عمتي تريدني وهي ما تدري اني طالعه وياك وصلني لصالون وأنطاني رزمة فلوس وأربع كارتات ارصده وظل حاضني وياخذ صور ويايه وگوه خلصت نفسي منه ونزلت من سيارته وعدته انه افتح الموضوع ويه زوجة عمي 

ونزلت واني راسي يفتر بصراحه اني اي شاب ادخل ويا بعلاقه ابد ما احبه ابد لانه اني أصلاً دى العب عليه بس تعجبت على مهند ماكو شاب اتعرفت عليه وحبني ابد كل غايتهم جسمي فقط 

ومن دخلت لصالون ام رحاب موجوده گبل طلعنه وأجرنه تكسي ورجعنه للبيت وهي تگلي 

ام رحاب / شبيچ شو ذابتها على الصامت شنو صافچ العباس شكو ما تحچين بشنو حچيتوا 

ريماس/ والله ما اعرف شنو اگلچ بس مهند مو مثل البقيه مهند يريد يحچي وياچ يريد يزوجني 

وام رحاب ضربت بيده بقوه على صدرها 

ام رحاب / ولچ صخام بوجهچ يا زواج هذا عقله شطح هسه يصخموچ ام رحاب صخم روحي لبيتچ ولا تردين على موبايله ابد لا مراسلات ولا اتصالات إلا اني اگلج فهمتي 

ريماس/ عفتها وطلعت والظاهر مهند خرب كل مخططات ام رحاب وصلت لبيتنه من وصلت كالعاده صفيه نايمه وبس اخواتي طلعت موبايلي من جنطتي لگيت منهد هواي متصل ورسائل يسئلني انه فتحت الموضوع ويه زوجة عمي 

ولگيت اتصال من رحاب رجعت اتصلت بيها 

رحاب / ولچ ليش من اجيتي هسه ما دخلتي يمي بغرفتي شنو ما تردين شوفيني زعلانه منچ اني 

ريماس/ لا والله بس صار ويايه موقف فر راسي فر وحجيتلها شنو صار ويه مهند 

رحاب / اي وليش افتر راسچ شنو تردين تزوجي صدگ 

ريماس/ بصراحه رحاب اني صدگ اريد ازوج لانه صفيه مثل ما شوفين لا هي عايشه ولا هي ميته واني واخواتي وحدنه اريد شخص احتمي بي استند عليه اني هسه ابسطها اريد أرمم البيت ما اعرف شسوي والمن اگول لازم يكون عدنه رجال وماكو افضل من مهند واريد اعوف الشغل ويه امچ واشوف حياتي وأتفرغ لتربية اخواتي ذني منو الهن 

رحاب / شوفي ريماس اني راح انصحچ وانتي إذا ما اخذتي بنصيحتي تحملي شنو راح يجيچ اي واحد تعرفي عن طريق ام رحاب ابد لا تفكرين بي ابد لانه راح يوصلولچ وحتى إذا يحبچ ويموت عليچ صدگيني من راح يعرف حقيقتچ ما راح يقبل بيچ بالعراق الرجال شرقيين يعني هو يلعب بنات الناس بس من يريد يزوج يريد العروسه شريفه الهوى ما شايفها لهذا اصرفي نظر والا ما راح تحصلين غير بس الاذيه والحچتي هسه ويايه لا تعيدين مره ثانيه گدام اي اي احد واني كأنه ما سمعت شي 

ريماس/ وبعد كلامي ويه رحاب اليآس ملأ نفسي وانه مستحيل اعيش طبيعيه مثل الناس لهذا التزمت السكوت ومر 3 ايام واني ما اجاوب مهند وهو تخبل موبايلي ما يسكت من اتصالاته اما رسايل فهو يتوسل بيه يريدني احچي ويا ويريد يعرف شنو السبب انه ما احچي ويا 

وبلغت ام رحاب على مهند وهي بيوم الخامس ردت عليه وگالت / ردي عليه وانطي موعد بذاك البيت الي كل مره نسحب الشباب اله بس لا توضحين اله شنو سبب انه ما جاوبي 

واخيراً جاوبت مهند وهو شلون عبالك چان دى ينازع بالروح بحيث من رديت عليه لهفته مبينه عليه 

مهند / هلو حبيبتي لچ يا ظالمه 5 ايام ما تردين على حبيبچ ولچ والله اموت الف مره باليوم ولچ ينطيچ گلبچ 

ريماس/ مهند ما اگدر احچي وياك اي شي راح انطيك عنوان بيتنه وتعال باچر الصبح وعمتي تكون ما موجوده وبوحدي بالبيت واحجيلك كل شي 

وانطيته العنوان وطلبت منه ما يتصل بيه إلا باچر الصبح من يجي لانه الموبايل يم عمتي مو يمي 

ورجعت بلغت ام رحاب بكل الاتفاق الصار بينه وهي طلبت مني 

ام رحاب / ريماس اريد منج تزلغين جسمچ زلغ شعرايه وحده ما اريد بي حتى وجهچ شعرچ ترتبي مكياج احسن العطور القويه واكو بعد عطور يم رحاب اخذي منها 

ريماس/ ما علقت شي على كلامها لانه راح انفذه بحذافيره وگعدت بلشت بجسمي تنظيف اما وجهي بي شعرات قليله نظفته وكملت كل أموري والصبح سبحت وترتبت شعري وخليت مكياج ورحت على ام رحاب ودخلنه لغرفة رحاب وهي ما موجوده خليت كومة عطور واخذت منها سيت نوم وخليته بعلاگه وطلعنه لذاك البيت 

وفاجئتني ام رحاب من گالت / شوفي ريماس احنه كل مره بشغلنه ما نخلي احد يسوي وياچ علاقه جنسيه هاي المره ويه مهند لا خلي شنو يسوي خلي يسوي حتى إذا يريد ياخذچ خلي ياخذچ فهمتي واحنه اليوم ما راح ندخل اني راح اتصل بيچ واگلچ أني قريبه من البيت گليله عمتي اجتي حتى يطلع فهمتي 

ولبست سيت النوم الي تقريباً ما لابسه شي وما يقارب الساعه 8 ونص اتصل عليه 

مهند گال / اگلچ لينا اني دخلت للفرع مالتكم انتي ياهو بيتكم بالضبط 

ريماس/ وصفتله البيت ولون الباب واجى وما طلعت اله گتله الباب الرئيسي مفتوح وانه اني بملابس النوم وما اگدر اطلع وهو هم دفع الباب ودخل وصل يم باب الصاله فتحت اله الباب وهو شافني وبسرعه دخل وحضني قوي وظل يبوس بيه بقوه من شفايفي ومن وجهي ورگبتي 

بيان / طبعاً اني من خلال زواجي بميقات انه النسوان ماكو واحد يگدر يعتمد على حچايتهن واني قررت اخلص من ميقات ولميس واعيش حياتي وشوكت ما الگى بنيه تدخل گلبي وأحبها على گول

عمي مهند يله اتزوج العمر اعيشه مره وحده ماكو داعي على حساب حياتي اسوي خاطر لفلان وعلان بس تجري الرياح بما لا تشتهي السفن ومن اتفقت ويه لميس على ثاني يوم رحت للمحكمه ومن وصلت يم مكتب قاضي الشرعيه شفت ميقات وامها والمحاميه مالتها 

بعدهن يريدن يحچن ويايه صاح الواگف بالباب ميقات وبيان وما لحگن كل شي يحچن ويايه دخلنه يم القاضي والعجيبه انه المحاميه چانت رافعه عليه قضية تفريق ومن دخلنه اختلف الحچي كله صار انه المشتكيه تريد ترجع لبيت الزوجيه وسألني القاضي إذا اريد ارجع ميقات 

جاوبته / لا سيدي قاضي ما اريدها ترجع والأفضل النه الانفصال 

وميقات تخبلت ما چانت متوقعه ردي لهذا گالت 

انه تريدني وما تريد الطلاگ وانه تريد تسحب الدعوه مال الطلاگ وانه تحبني وتريدني 

صدگ هنا تخبلت يعني اني ما اريدها شو اني يا هي التجي تچلب بيه وما تقبل تعوفني طلعنه من القاضي وامها صارت گدامي وقبل ما تحچي 

گتلها / سبحان الله من چان العيب مني چنت گعيدي هسه من صار العيب من بنتچ صرت ابنچ عيني مثل ما چنتي تحرضين بنتچ نصحيها انه تطلگ وتحفظ كرامتها 

وعفتها ومشيت وآني أغلي رحت كملت دوامي بس شنو رأسي احسه راح ينفجر وخلص الدوام ورجعت للبيت وحتى ما اريد احد يسالني رحت لغرفتي وبس بدلت ملابسي نمت وحسيت ويه اذان المغرب لميس تگعد بيه وتگلي / عمو سامي يريدك 

گمت نزلت وغسلت وجهي لكيت عمي مهند موجود وبعد السلام كعدت ولميس جابت الچاي سال 

سامي / هااا بيان شسويت ويه ميقات ما شفتك من رجعت اتصل بيك ما جاوب 

بيان / حچيت كل الصار بالمحكمه ولميس گاعده واني منا صاير بركان وعيني على لميس گلت / عفيه نسوان ترى دى احچي عربي دى اگول ما اريدچ شنو الكرامه معدومه عدچن بابا الما يريدني ربح خساره ما اريده وهاي أنوب الموده الجديده احبك وما اگدر بدونك والله كل وحده سوي هيچ الگحبه اشرف منها 

وچنت اريد اغرد بعد بس عمي مهند گام بسرعه وجرني من ايدي وطلعني بره وگفنه يم سيارتي وهو يكلي 

مهند / شبيك بابا مخبل انت ترى دى تحچي وتباوع على لميس مبينه هي المقصوده شنو بعد بابا روح اربيل لو دهوك لو سليمانيه غير جو ترى حالتك النفسيه صعبه 

بيان / راح اتخبل كل وحده بيهن ما تعرف شتريد تحترمها تركبك تحگرها تموت على التراب التمشي عليه ما اعرف اكو واحد لاعب بالعدادات مالتهن 

وعمي مهند ميت من الضحك عليه وهي يگلي 

مهند / اهدئ بابا شبيك طلعت خبالاتك بهاذا الليل وين نوديك طلعهن الصبح حتى أوديك لشماعيه 

بيان/ وعمي مهند يحچي ويفتر يم سيارتي وهو يگلي / لك بيان عندي موعد غرامي اريد اخذ سيارتك شوكت ما تحدد حبيبتي الموعد اخذها منك لانه ذاك الموعد رحت بسيارتي الحمره هاي المره اريد اروح بسيارتك السوده وخصوصاً لكونها مظلله واحد كل شي يسوي ماكو واحد يشوفه 

بيان / والله عمي عندك خلگ مزوج وتواعد عشيقتك واني مزوج وما بيه حيل اباوع بخلقهن 

مهند / ولك حبيبتي غير تخبل وهي الروح والريه هاك شوف صورتها واحچي ذمتك وضميرك رأيك بيها 

بيان / دخل على الاستوديو وطلع صور هو وبنيه الشهاده لله البنيه حلوه ايه من الجمال بس انتبهت شلون نايمه على صدره وماخذ صوره الصوره الثانيه شفايفه على خدها 

گتله / اگلك عمو شنو هاي ما عدها حدود بالعلاقه ترى ما باقي شي وتركبها عليمن متعب روحك ومزوجها وربك هاي شغلتها ما تحتاج تزوجها تگدر دائماً تدفع فلوس وتطلع وياك تبياته بعد عليمن مزوجها ومتعب روحك ترى مبينه البنيه مو راحه تصيح بالوجه تلگى هسه حتى المحرك مالتها گايم 

مهند / انچب لك محرك امك گايم هاي العشق لينا هسه گلي اگدر اخذ سيارتك 

بيان / بكيفك شوكت ما تريد تاخذها اخذها بس اهم شي بلغني قبل بيوم حتى ما اطلع بيها 

وكملنه حچي اني وعمي مهند ورجعنه للبيت وهو لساعه متأخره يله راح واني من صعدت للغرفه لگيت لميس تبچي ولكون روحي طافره حتى ما سالتها شبيچ بس هي بدت الكلام 

لميس / بيان ترى ماكو داعي تلمح بكلامك عليه والكل گاعده انطيني ايام واشوف حجه عليك واروح لكوني احبك هيچ سوي بيه يعني اني بنت عمك يصير تگول الگحبه اشرف 

بيان / صدگ هنا حسيت بتأنيب الضمير واجيت بستها من راسها واعتذرت منها لكوني حچيت كلام جارح 

وهي ما قبلت اعتذاري وظلت زعلانه وبعدها استمر الوضع على ما هو عليه ميقات وامها يتوسلن برسائل في سبيل ارجع ميقات ولميس زعلانه ومر تقريباً اسبوع وچان يوم خميس رجعت من دوامي العصر لگيت بيت عمي وسام موجودين بس اخوات لميس موجودات 

عمي وسام وعمه لقاء ولميس ماكو ومن سالت ابويه على لميس گال 

سامي / خطيه البنيه تخربطت وبالصدفه عمك وسام ومرته موجودين واخذوها لدكتور 

بيان / بعد ما گدرت احچي شي بس لازم أبين گدام عمي وسام انه اني مهتم بلميس 

ومن اتصلت على عمي وسام وسالته على حال لميس 

وسام / نفسها تلعب ورأسها يوجعها وجبناها لدكتوره وهسه سوت تحليل الها لانه شك هي حامل عسى ربك التفت عليك وان شاءالله لميس حامل هسه شويه وبعون الله اتصل عليك أبشرك بحملها 

بيان /انوب خبلني خله عيوني بگصتي حامل شنو ادگ على لميس موبايلها يدگ يمي يعني ما اخذت الجهاز وراح ابقى الوب لما تجي 

وبالفعل ظليت اكل بروحي صعدت لغرفتي وبس بدلت ملابسي وگعدت أنتظرها ومر ما يقارب ساعه ونص لما اجتي لميس لازمه معدتها ودخلت وياها عمه لقاء ومن سالت شبيها جاوبت 

عمة لقاء / صاير عدها تحسس بمعدتها وتتقيأ وراسها يوجعها 

بيان / ونامت لميس على السرير وعمه نزلت سوي الها عصير حتى تاخذ علاجها لهذا بعد ما گدرت احچي شي ونزلت يم عمي وسام وبقينه نسولف لما صار العشه سوته عمه لقاء ولميس متحسنه ونازله مساعده امها وره العشه احنه بينه طبيعه نشرب چاي وتقريباً 10 دقايق وجابت الچاي وزعت للكل وانطتني الي وبوقتها دى نلعب دومنه اني وابويه وعمي وسام وشربت الچاي وتقريباً ساعه واحس روحي صرت نار وعرگت واحس عندي رغبه جنسيه قويه وبالگوه گمت من يم ابويه وعمي وهمه يصيحون ورايه تعال بس اني صعدت فوگ ركض ودخلت للحمام 

واني من راحت ميقات صرت اكتفي بنفسي بس مافاد ظليت واكف جوه الدوش والمي يجري بس ما فاد لفيت المنشفه على خصري وطلعت لگيت لميس بملابس النوم وتخلي مكياج ولميس من آخر مره حچيت عليها گدام عمي مهند زعلت وصارت ما تحچي ويايه بقيت اباوع عليها احس روحي عندي رغبة قويه اتجاه لميس وهي تباوع عليه وترجع تكمل مكياجها 

بعد ما اتحملت اكثر رحت عليها وحضنتها صار ظهرها على صدري وظليت ابوس بيها بقوه وهي تدفع بيه ما تريد واني اتوسل بيها أريدها اخيرها استسلمت وصارت تبادلني كل حركه وبشغف اكثر وسحبتها على السرير ودخلت بيها وليل كامل احس روحي ما اشبع منها وتقريباً استمر الحال 3 ايام وبيوم الثالث تخربطت بالليل 

شكرا لزيارتكم عالم روايات سكيرهوم