رواية فصلية الضابط الفصل الرابع عشر 14 بقلم زينب نور

............. من گالتلي ثامر مخبل و بعد اضرب من وارث ضليت الوم بنفسي خاف يقتلوها خلاص شلون شهدت عليها بس والله بدون وعي طلعت من عندي من الخوف ولرعب الشفته بيد وارث رجعت گالتلي

استبرق:- كومي اكلي عمه هناء دزتلج أكل

 باوعتلها ودموعي نزلت هزيت راسي

:- ما اريد أكل بس اريد أمي محتاجتها لزمت ملابسها بقوه كولتلها 

:-استبرق احس نفسي راح اموت گلبي يوجعني وكلشي بيه يلجمني ومحد يصدگني اني ما خاينه وارث لا ويا امير ولا حتى تقي

 طبطبت على ضهري گالت 

:-والله ادري بيج مسوينها وحتى عمو وارث يعرف هلشي بس ماعنده دليل برائتج وكل رجال لو بمكانه راح تكون ردة فعله هيج وجوز اكثر الصراحه اني ما الومه الوم اخويه الخله عينه على مرة عمه وبدون مستحى يطلب منج تبادلينه بنفس الشعور بس بعد اخويه وگلبي ماينطيني يتئذه والله تخبلت من شفته سابح بدمه

خنكتها العبره بأخر كلمتين باوعتلها شفتها تبجي وتسولف بقهر گالت

:- وبيبي كلش مريضه سكرها ماينزل وحايرين بيها محمد وعمه هناء بالمستشفى خايفه عليها خاف تنجلط وامي هم قافله ماتقبل تدخل البيت من المستشفى البيت خالي 

رفعت ايدها على وجها وكامت تبجي بصوت عالي مال واحد مقهور حيل 

سحبتها كعدتها بصفي وحضنتها وزدت بالبجي وياها جنت محتاجه هيج حضن حسينه اكو صوت خطوات ورا الباب ابتعدنه ومسحنه عيونه انفتح الباب دخل وارث وجه احمر محتقن وفاتح نص من قميصه وكاف اردانه باوع لستبرق اشرلها براسه تطلع طلعت بسرعه اني بس اباوع علي بجمود حتى ماعندي شعور تقرب عليه اكثر وطلع موبايل من جيب بنطرونه وفتحه وقدمه اليه گالي 

وارث:- هاج اتصلي بسرعه

 باوعتله كوتله

ندى :- بمنو اتصل ؟ 

كالي 

وارث :- بالگوا..... د 

ضليت متردده ما فاهمه شي اباوع علي بنضرات تايها غمض عيونه بنفاذ صبر گالي 

وارث :- دوسي اتصاااال ااابسررعه

باوعت للموبايل الرقم مسجل علي اسم ( أمنيةً ) رجع عاط بصوت

وارث:- لجججج اتصلييي 

اني بسرعه دست اتصال وايدي ترجف وما فاهمه شنو الموضوع ومنو هذا الي اسمه أمنية 

رن عند الجهاز الثاني احس گلبي رجع يوجعني وبده يضيگ عليه الهوى رفعت راسي باوعتله مخلي اديه ورا ضهره منحني عليه بس ميباوعلي مركز بشاشه الجهاز ومنتظر المشترك يرد بس فصل ماكو رد كال

وارث :- ارجعي اتصلي 

رجعت احاول اتصلت يرن طول قبل لا ينگطع الاتصال بلحضه انفتح الخط مد ايده فتح مكبرصوت بس مايحجي المشترك نغزني باصبعه بخاصرتي گالي

وارث :- احجي

 كوه طلع صوتي يرجف گلت

ندى:- الو الو

 انصدمت من جاني صوت حسام گال 

حسام :- هلا حبيبتي رند

 دموعي نزلن سكته 

رجع گال 

حسام :- ما تحجين شبيج الو رنو تسمعيني

                                            

              

                    

 نغزني وارث مره ثانيه حتى احجي جاوبته العبره خانكتني

ندى :- ها حسام اني قطرالندى مو رند

 حسيته اتفاجئ مبين من نغمة صوته بس گالي

حسام :- هلا نداوي يابعداخوج شلونج خوما هذا الحيوان رجع ضربج من عرف بينه جاين انشوفج 

اتقرب يم اذني يهمس گالي 

وارث :- كوليله لا ماضربني وتعال اشوفك اليله ماكو احد بالبيت وارث عنده خفاره 

 صدمني من گالي هيج 

  باوعت علي فاتحه اعيوني 

هذا ايريدني اسلمله اخويه بأيدي اله من كل عقله

 اسمع حسام يصيح:- الوو نداوي تسمعيني الووو وينج جاوبته بسرعه بنبرة خوف  

:- لك حسام رند كشفوها اهلها وراح يوصلولك 

بسرعه لزمني من شعري وسحب من عندي الموبايل صرخت ااخ سمعني حسام وفهم الموضوع صاح :

حسام :- عوفها لك حيوان انتَ لو رجال مو كادر بس على النسوان تضرب بيها انتظرني جايك كل ضربه الندى ادفعك ثمنها غالي والله 

جاوبه وارث وهو بعده يعت بشعري

وارث:- امشي لك عار لو بيك خير ما نهزمت ونطيت اختك فصليه 

 صار صوت ثاني ويا حسام يحجي

:- لك انتو لو زلم ما تاخذون نسوان بمكان دم زلمتكم بس تعرفونه عار ومايسوه اكثر من مره

 نسد الخط عرفته هذا صوت تقي اجتني ضربه على وجهي ولف ايده بشعري يسحب بي اني مثل الميت بأيده مارفعت ايدي ولا حتى دافعت عن نفسي كافي عليه وجع گلبي ما اركز شنو يگول فاتحه حلكي اريد اشبع هوى اختنكت وجهي صار ازرگ بده صوته يصير بعييييد وما اشوف شي الحد ما فصلت عن الواقع عبالي متت بس مامتت صحيت احاول افتح عيوني كوه اسمع اصوات يمي هوسه وضرب على گلبي واسمع أسمي يتكرر باصوات ما اعرفها حسيت نفسي مثل الغرگان ويريد يطلع بديت اوعى اشويه اشويه و اسمع واحد يكول الحمدالله مكتوبلها عمر جديد تعيش بعد 

وثنين ممرضين يخلولي اجهزه على صدري وتنفس واصوات الاجهزه براسي تدك رجعت نمت ما اعرف فقدت ما اعرف شكد مر وقت رجعت فتحت عيوني اباوع اني بغرفه بالمستشفى درت وجهي اشوف منو يمي بس ماكو احد يمي حسيت احد فتح الباب رجعت غمضت اعيوني اسمع الخطوات بدت تقترب اكثر عليه وايد عدلت الغطى وريحة جگاير ممزوجه بعطره عرفته حسيت بأيده مشاها على راسي ونزلها الصدري وذب حسره حسيته ابتعد عني فتحت عيوني على كيف شفته واكف وداير ضهره عليه يباوع من الشباك بيده موبايله اتصل بي ويسولف ما اعرف ويا منو حركت نفسي التفت بحركة سريعه لمحني كاعده اتقرب عليه بلهفه ونزل الموبايل وسدا يباوع بوجهي ومركز بعيوني اني ارمش بثكل وخرت التنفس وكوتله 

:-اريد ماي 

ما سمعني زين اتقرب اكثر ونزل راسه اذانه يم حلكي 

:- اريد مااي.

 عرف شنو اريد عدل كعدتي خلى ورا ضهري مخده ثانيه وفتح بطل ماي شربني من عنده بس مايحجي وياي عدل حجابي وضم شعري الطالع

وراح طلع شويه ورجع ويا الدكتور دخل يتحمدلي على السلامه ويسئل بيه شنو احس وشنو الي يوجعني اجاوبه وعيني على وارث ميباوعلي مركز بكلام الدكتور گالي بابا انتي وضعج استقر حالياً بس الخطر مستمر حاولي ما تتوترين ولا تنقهرين موزين عليج الضغط قلبج ضعيف ورجع سئلني زين انتي من شوكت بلشت عندج هاي الاعراض وجع بالقلب ضيق بالنفس من زمان عندج هاي المشكله اباوعله بصدمه ما مستوعبه اني مريضة بالقلب اتقرب فحص نبضي ومشى السماعه على صدري ويسولف وياي جاوبته بصوت خافت

            

              

                    

:- قبل يومين حسيت بهاي الاعراض

 كالي بابا انتي صارلج 4 ايام فاقده وليوم استقر وضعج الحمدالله باوعت الوارث ما مستوعبه رجعت اذكرت الصار ولاحداث الصارت حسيت دموعي تنزل حاره شافني الدكتور گال:- هاي شنو لعد شحجينه هسه ونكول موزين عليج لا تبجين ولا تنقهرين ماكو شي ان شاءلله تكدرين تسوين عمليه وترجعين احسن من قبل انشاءلله

 رديت علي

:- اريد امووت ليش نقذتوني

 باوعلي بصدمه:- ليش بابا بعدج صغيره شنو هل كلام واذا اكو مشاكل تنحل ماكو شي ما اله حل بعدين انتي قويه ومصره تبقين بالحياة والله كتبلج عمر جديد ان شاءلله 

باوع الوارث ما اعرف شنو كتب بورقه ونطاها اله وطلع اني غمضت عيوني بس ميسكتن احس جمرات ينزلن من عيوني يحركني رجع وارث يمي منزله راسي ما اباوعله سئلني محتاجه شي هزيت راسي بالا شفته طلع من الغرفه انفتحلي مجال حتى ابجي براحتي خليت ايدي على حلكي وبجيت لما اكتفيت مااعرف شصار ماصار بهاي الفتره حسام وتقي وين كدرو ينهزمون لو وارث وصل الهم اسئل منو ويجاوبني دخلت ممرضه ابتسمتلي شلونج هسه حبيبتي ابتسمتلها غير المغذي وضربت بي ابره كالت:-شدي حيلج الخاطر زوجج خطيه صار ايام اشوفه مخبوص عليج ومبين علي كلش يحبج ما عافج ابد وخوفه عليج:

: هزيت راسي ابتسمتلها گلت بگلبي لو تدري هذا التحجي بي شمسوي بيه وبسببه اني هنا باوعت للباب شفته واكف ويباوعلي من شافني انتبهتله دخل وبيده جكاره بس ما مورثها يلعب بيها بيده گالتله الممرضه:- اخي ميصير تشرب جگاره هنا وضعها مايسمح اطلع خارج الغرفه واشرب براحتك 

شفته تنرفز منها جاوبها 

وارث:- انتي متشوفين لو شنو شفتيني اشرب ترى بس مخليها بأيدي 

هي باوعتله بعدم رضى وطلعت باوع وراها سوا حركه بوجه وغماها شفته لا ارادياً ضحكت على تصرفه باوعلي اختفت الابستامه من وجهي كام يفتر بالغرفه يباوع بالاجهزه يحير شيسوي اني اتابع حركاته كحيت باوعلي كوتله

:- شوكت اطلع احس ضهري خدران اريد اكوم رد بدون ميباوعلي:

:- خلي نطمن اكثر ودكتور يتأكد من الفحوصات يله واحتمال باليل نطلع

 هزيت راسي وكمت احرك بنفسي هيج وهيج اعصاب رگبتي مشنجه وعندي خمول بجسمي بلكوه اتحرك لليل دخل الدكتور كال كلشي تمام تكدرون اطلعون هسه بس سيد وارث ميحتاج اعيد الكوتلك علي بعد انت تعرف حالتها

 وارث هز راسه اله فاهمه اتشكر من عنده رجع الدكتور يأكد علي يدير باله عليه باوعلي بابتسامه تحمدلي على السلامة وطلع

 اجاني وارث ساعدني اكوم غيرلي ملابسي وعدل حجابي ولبسني العبايه شال جنطه صغيره ولعلاج مالتي ولزم ايدي وطلعنه يمشي على ممشاي على كيف بس ميحجي وياي ولا يباوعلي نزلنه بالمصعد وطلعنه من المستشفى وصلنه السياره فتحلي الباب وصعدت دار صعد وحرك السياره وصلنه للبيت نزلت امشي وحدي دخلت للبيت هدوء رحت الغرفة الحجيه دخلت شفتها كاعده شالت راسها باوعتلي بنضرة عتاب وهزتلي راسها بأسف گالتلي 

:- تعاي هنا وأشرت بصفها رحتلها كعدت بصفها سئلتني 

:- شلونج هسه 

گلتلها:- زينه

 گالت:- ولج احجيلي صدك السمعته صحيح

 وباوعتلي بخزره:- ولج ما اصدك انت تخونين وارث ويا ابن اخو نديوا ما معقوله تسوينها

 وتباوع بوجهي

 خليت ايديه على وجهي وبجيت 

:- بيبي لا تصدكين مثلهم انتي اكيد عرفتيني بهل شكم شهر مبين عليه مال هيج سوالف مو انتي شاهده بقيت يمج اكثر من شهر بنفس الغرفه وارث الي هو زوجي ماتقربت علي ولا حاولت اخلي يحبني اني موهاي اخلاقي تربيتي ما تسمحلي اعرف الحلال ولحرام

  كالتلي:- كلتلهم ما تسويها نديوا اعرفها زين بس ابن ابني ابن حرام خاين وحط عينه عليها جيف بعدها زغيره بعمره عباله هم مثله

 بعدنه نسولف ودخلت سناء وبناتها ثنين وراها سهام خازراتني أول ماشافتني سناء هجمت عليه تريد تضربني ولسانها ماسكت غلط وفشاير وشتايم اني ختلت ورا ضهر الحجيه مجلبه بملابسها صوتهن هرج البيت هيه وسهام اجتني سحلتني من ورا الحجيه من دشداشتي وبثنين اديها تعت بشعري ادفع بيها بس هي اقوه من عندي واضخم ولحجيه تحجي عليهن وتتحلف الهن ولا مهتمات لما سمعت صوت وارث دخل صاح بيهن واجه سحبني منها صرت ورا ضهره گالها بعصبيه 

:- انتي شمدخلج وشعليج بالموضوع اني الي احاسب مو انتي افتهمتي 

 ردت بصوتها العالي اييي كول عاادي وقابل مرتك تگو.... د من ورا ضهرك ويا ابن اخوك فرحان بنجازات الفصليه مكيف جابله مره ابدال ابن كاظم وحطها ابيته:

صاح بكل صوته بحيث اني من الخوف جلبت بقميصه من ورا گالها

:- لج انتي شو متستحين شفتيني سكتتلج مره تماديتي الضاهر مومال احترام اطلعي بررره بيتي يتعذرج اطلعيييي ولي من خلقتي ما اريد اشوف وجهج بعد 

:: وهي تخبلت تطردنييي علمود الگح...... هاي بمكان ما تغسل عارك وتدفنها هيج تدافعلها ماقصرت ياابو الغيره بعدها تحجي وسمعت صوت ثائر وفاء دخلو.......... 

الفصل الخامس عشر من هنا 

شكرا لزيارتكم عالم روايات سكيرهوم