رواية جسر الذكريات الفصل الرابع عشر بقلم مريم الحيالي
هاجر......
...هديل خابرت على امي وكلتلها الدكتورة كالت متجيبين طبيعي والجارة صاير بيها تكلسات وحركة الطفلة ضعيفة ... امي اتخبلت خافت عليها
علية: شنو الدكتورة ثولة هسه اتذكرت مو كل شهر اتراجعيها ... يعني شنو الطفلة بيها شي
هديل: مادري ماما اريد اجي الدكتورة حنان واشوف شتكول
علية: اي تعالي لمي غراضج وغراض الطفلة هم حضريهم جيبيهن ... وانروحلها وان شاء الله ماكو شي
سدت التليفون امي ..وبدت مريم بأسئلتها مريم تسكت مو عيب
مريم: شنو ماما فهمينة شبيها شوكت اتجيب
علية: الطفلة مدتتحرك ومتكدر اتجيب طبيعي باجر تجي واخذها الدكتورتي ونفتهم
مريم: يعني راح اتجيب يمنه لو اتروح العيالها
علية: هذا سؤال بلا طبعاً اهنا يمنه
هاجر: شلون يم عيالها مو غرفتها فوك ... شلون تصعد وتنزل وهي خياطات... شغلي عقلج رجاءاً
مريم: خلينا العقل الج ... ام عقل
هاجر: ثاني يوم اجتنا هديل ورحت اني وامي وياها الدكتورة حنان .. طبعاً هاي الدكتورة مال امي هي الي جيبتنا للدنيا اني ومريم وامي بقت اتراجع يمها كل هالسنين
دكتورة حنان: هلوووو ام هدولة حبيبتي شلونج ... وين هالغيبة
علية: حبيبتي دكتورة الحمدلله انتي شلونج ... والله بهالدنيا واليوم جبتلج هدولة شوية وضعها مو تمام
دكتورة حنان: سلامات يارب هسه انجيكها وانشوف
هاجر: صعدت هديل عالسدية اخذتلها سونار.. وامي اتلوب كاعدة على نار
علية: هاا دكتورة بشري عيني
دكتورة حنان: الطفلة خانسة ولازم اتجيبين ... بس ماكو شي خطر لتخافين ... راح احولج على اختي بأربع شوارع اتروحيلها
علية: ليش دكتورة على اختج انتي جيبيها
دكتورة حنان: لتخافين ام هديل ماكو شي والله .. بس اختي بعد احسن مني راح اكتبلكم تقرير وروحولها هسه راح اخابرها انطيها علم تنتظركم
هاجر: امي وين تقتنع ضلت ساكتة شتحجي ...ومنا هديل وجها اصفر خايفة .. طلعنه لأربع شوارع على الدكتورة ميسون اخت دكتورة حنان ... وصلنا العيادتها بس گلنه اسم هديل بسرعة دخلونا
دكتورة ميسون: هلوو عيني اتفضلووا ... اتصلت علية حنان وبلغتني ... تعالي مريضتنا عالسدية خلي اشوف الوضع
...صعدت هديل وبدت الدكتورة تفحص وساكتة بس اتباوع ... والهدوء ما قبل العاصفة
علية: دكتورة فدوة العينج خوما الطفلة بيها شي
دكتورة ميسون: لا ان شاء الله ماكو شي بس لازم اتجيبين عملية ... الجارة مالتج متضررة والطفلة خانسة حركتها راح احددلج موعد بأقرب وقت ان شاء الله
...والله حددت موعد عملية الهديل ورجعنا للبيت وامي الي ايشوفها ايكول ميت احد اسم الله ...
هديل بقت يمنا وهي جايبة جهازها كله... موعد عمليتها بعد ٣ ايام امي كلتلها ابقي لترجعين ارتاحي بيهن
هاجر: اليوم موعد عملية هديل رحنه اني وامي ومريم وياها ....وزوجها وعمتها وعمها حتى حماها جايين اهناك بالمستشفى لگيناهم
هديل: يمة اني اروح للزعفرانية ماكدر اصعد الدرج
راح اكول الخاله هنية اتكول الرشا اتخلي الجرباية مال انور جوة
علية: شوية شوية واصعدي منو الج اهناك يمة واني ماكدر اعوف اخوتج وابقى هواية ... غير حضرتلج يمنا
هديل: ماكدر والله ماما الدرج ٣ طوابق شيصعدني
مريم: اي صدك ماما شلون تصعد ... واحنه انروحلها يومية عود
هاجر: ماما اني زينة خابرتني راح اروحلها محد يمها علمود يوسف ... طبعاً زينة زوجة عمي علاقتنا قوية بيها وهي بگد هديل وسبحان الله البارحة جابت ولد وخابرتني حتى اروح يمها اداريها ... اني اموت عالجهال والي خبرة بيهم اعرفلهم
علية: منو ايوديج واني حايرة بأختج واحسن متروحين الزينة ابقي يم اختج ... انتن شبيجن تمشن بالعكس
هاجر: شنو ماما غير مريم موجودة وانتي وعيالها... زينة وحدها خطية وجهالها صغار منو يمهم ..وبيبي سلمى جبيرة .... (زينة مرت عمو سرمد اخو عمو نزار)
علية: وهي مريم وين تعرف ... نفسها كوة مدبرتها اتدبر طفل ... واني ماوديج خلي يجي عمج ياخذج
هاجر: هسه اخابرها واشوف شلون اروح ... اجه الوقت وهديل دخلت للعملية ..وامي تدعي وتبجي
مرت نص ساعة وطلعت الممرضة ... هديل دريد
هديل دريد
....راحت امي تركض ... طلعوا هديل بالبنج بعدها بس بدون الطفلة
عمر: الطفلة وين .... خوما بيها شي
الممرضة: لا عيني اجتك ابنيه اتخبل الحمدلله على سلامتهم تتربى بعزكم بس اخذناها للخدج تعبانة من المي الراس شاربته ....
علية: شو يوم هديل اتسمعيني... الحمدلله على سلامتج حبيبتي بنتج مابيها شي
هديل: اخ يوم ...بطني ... راسي ليش راح يوكع ... يوم يوم ... اخ اخ
هاجر: بس شفت هديل واتطمنت عليها وكتله العمر وديني البيت عمو سرمد والله سلمت على امي ورحت وصلني عمر الهم ......
.....................مريم
راحت هاجر ..وبقيت بس اني وامي لحد الان الطفلة مشفناها بالخدج بس خالة ام عمر راحتلها اتكول ناعمة صغيرة تشبه عمر ... شلون شخصتها مادري
امي تبجي على هديل ... وهديل اتون واتهذري وعمها ابو رجلها ايصور بيها ايكول تبقى ذكرى اول طفل العمر... همه كلش ايحبون ابنهم لأن الجبير
مريم: ماما دكافي هسه ليش تبجين .. كومي خلي انروح انشوف بنتها... صدك صهري شراح اتسميها
عمر: متفقين انسميها ....
اساور:18/9/2009
اساور اول حفيدة النا وصارت غالية وخصوصاً على امي اتموت عليها... تنتظرها من جانت ببطن امها
على گولة بيبي ماكو اغلى من الولد غير ولد الولد
اجتي الممرضة وجابت الطفلة .. فدوة ناعمة بس نايمة ومترضع... وهديل فاقت الحمدلله فضحتنا كومة لغت بالبنج
علية: ام عمر هم مرضعيها بالخدج شو الممه على حالها
ام عمر: اتكول الممرضة انطيناها مغذي بالممة .. بس حاولوا اتشربوها حليب
مريم: امي حاطتها بحضنها وصافنة مقتنعت ... عبالها بيها شي ... وطلع شكها بمحله لأن اساور مغمضة ومتكدر تبلع بس تتهوع
للضهر جابلنا غدة عمر اتغدينة وكملنا ... كلت الامي
مريم: ماما خلي اشيلها شوية عليج الله خليها بحضني... اني مو هلكد بالجهال وماعرفلهم مو مثل هاجر عبالك مخلفة عشرة
علية: دكعدي ماما لعبة هي ... ناعمة متتحمل
مريم: بس شوية علوووش لتسووين تفرقة واتخليني اغار منها جيبيها يلا ... كمت رحت شلتها امي اتباوع علية وتضحك
بعدني استوني خليتها بحضني شو هاي وجهها انگلب ازرك .. ياااا مااامااااا هاي شبيييييها
عليه: يمه اسم الله شبيها ... يااا ليش انگلبت زركة الحك عمر صيح الدكتور
مريم: لگفها عمر من ايد امي وطلع يركض واحنه وراه ... خطية الدكتور طلع حافي من الغرفة على صياحنا اخذها گلبها ... يضرب على ضهرها وفتح الكماط منها
جان ايخليها عالجهاز ودخل صوندة بحلكها يسحب منها مي كوومة مي طلع .. طلعت الخاتونة اساور افندي بالعة المي كله ومختنگة جان ماتت
فضحتنا بالبجي .. كعدت المستشفى كلها ... امي اتخبلت اتباوع عليها وتبجي ... كمل الدكتور شالها ايطبطب على ضهرها وكال
الدكتور: لترضعوها اقل شي ساعتين ونيموها صفح .. مابيها شي ان شاء الله
علية: دكتور خوما بعد اكو مي .. لتروح تختنك هي ونايمة اسم الله..
الدكتور: لا لا شي طبيعي كل طفل يجي هيج ... بس هي لأن ناعمة يرادلها عناية وخلوا بالكم يمها
مريم: شالتها امي ورجعنا لگينا هديل اتريد اتكوم ... هاا وين عيني استوها بنتج دخلتنا انذار دكعدي ليروح ايصير العمليتج شي
هديل: شنو شبيها ليش هيج تبجي وين وديتوها
مريم: لتخافين شوية رادت اتموت ... واتلاحكنالها
علية: انتي ليش متسكتين ولج... مابيها شي يمة شاربة مي الراس سحبه الدكتور وكال لترضعوها منا الساعتين
مريم: صار العصر وتعبت وامي متعبت ... شنو ماما انبات اهنا دخلي نرجع والنبي نعست
علية: هسه راح نطلع اصبري .. ومنرجع انروح ويه اختج لليل يلا
مريم: شنو علوووش تحجين صدك والله تعبت اريد اناااااااام
علية: لتخليني هسه اطلع النوم من عينج اسكتي بيا حال احنا غير اختج مريضة
طلعنا هديل راحت العيالها لأن احنه شقتنا طابق ثالث متكدر تصعد .. بقينا لليل ورجعنا عمر للبيت بوجهي گبل بدلت وغسلت ونمت
علية: ريمة...ريمة ... شنووو ميتة ريممممة
مريم: هاا ماما شبيج من الصبح بس كوليلي
علية: مو اكعد بيج اني ...كومي ساعة عشرة اتريكي دنروح الاختج للصبح منايمة بنتها بس تبجي
مريم: شلوون بلا احنه نبقى هيج هسه غير زوجتيها والبارحة ل١٢ احنه يمها .. عليج الله يووم العصر انروح
علية: كومي لو اگرمعج هسه امشي متبقين وحدج جان عفتج ورحت ... كومي اتريگي بسرعة حتى انروح
مريم: امري لله الواحد الاحد... انوب هديل جابت ياالله شيخلصنا عبالك بس امي مزوجة ابنية اريد اشوف كلها نفس امي ... بلا يوم اذا اتزوجت اني هم هيج اتسوين
علية: دكومي عيني ام زواج ... صايرة ادبسز تدرين بنفسج ... اتدورلي زواج
مريم: هسه شگلت قابل.. اول وتالي اتزوج ... رحت غسلت ولگيت علوش مسوية بيض وطماطة اتريگت
وغسلت المواعين وبدلنا وطلعنا ... والنبي نعسانة كوة امشي وكذلتي ممشسورة اتطير ... حالتي مأساة
علية: خالتج كريمة اهناك من الصبح جاية .. خابرتني
مريم: فدوة العينها خالتي الحنينة ... بكلشي هي اول الناس تجينا
علية: من زمان خالتج متعوفني ابد بكلشي هي وياية ...وحتى اني مو شفتيني بكلشي اروحلها وشيصير وياها اتخابرني
مريم: اي ماما علاقتكم حلووة داشوف ... ماما بس اوصل انام بغرفة هديل مو اتضلين اتصيحين علية
علية: ياااا غير اتدارين اختج ماخذتج انباوع عليج عيب من عيالها
مريم: ياربي دخيلك ... امري لله خوب هاجر افندي خوش حجه لگت محجيتي عليها من عافتنا وراحت
علية: ميخالف ماما المساعدة حلووة خطية زينة هم ماعندها احد هسه شكم يوم واروح اجيبها
رحنة لگينا عيالها كلهم وكرايبهم وخالتي كريمة ...وسوالف وضحك واساور شكدوتها .... بقينا للعصر ورجعنا
..................................هاجر
رحت البيت عمي ولکيت زينة وحدها خطية .. بس يوسف فدوة العينة ايخبل ماشاءالله كلش حلووو
هاجر: لج زينة هذا مطلع جهالج كسر ايجننن
زينة: ايي حلووو حتى ميشبهنا ... سرمد ايگول يشبه قتيبه
هاجر: لا ميشبه عمو قتيبة ..حلوووو ... حبيبي
اباوع عليه ماشاءالله وهادئ حييل
جان بالخدج اليوم طلعووا ... بقيت الليل كله اداري بي طلع خادعنا مو هادئ بس يبجي
هاجر: ولج زينة هذا ابنج غشنا .. طلع وكح اسكت ولك مو ممة وشربت وحفوضة ونظيفة شتريد بعد
زينة: هاجر خلي على جتفج بلا خاف عندة غازات ..طبطبي على ضهرة
هاجر: سويت مثل مكالتلي وللفجر يلا نام ... زينة نايمة لأن هي هم عملية متكدر تتحرك ... بعدني استوني غفيت وكعد يوسف يبجي ... ويومين وهو على هالحالة واني منايمة تعبت ... اخر شي نمت ومحسيت بعد ....
زينة: هاجر هاجر ... لج هاااااجرررر خرب ولج يويو يبجي بس انطينيا من يمج ورجعي نامي
هاجر: اممممم عوفي هسه يسكت
زينة: يااا الطفل فرفح ولج هااااجر
هاجر: خلي يبجي شبيج مصارينة تكبر... اني احجي ونايمة مادري بروحي اخر شي انشمر شي علية يلا صحصحت لكيت زينة شامرة باكيت الكلينس ... هاي شبيج
زينة: ولج صارلي ساعة اكعدج كومي للطفل يبجي.. انتهى من البجي
هاجر: كمت والكا يوسف خطية شابع بجي ... سويتلة ممه وسكتة ... شسوي تعبانة وصارلي يومين منايمة ... بقيت ٨ ايام يم زينة الحد مكامت تكدر اتكوم ...اجتي امي علية واخذتني رحنه العيال هديل .. لحد الأن مشايفة اساور
وصلنا البيت هديل وهوسة الكل موجود... واساور اصغيرة ناعمة حييل بس حلوة
مريم: شرفت ست هاجر... لو باقية بعد ليش اجيتي انشك حلكي وحدي اهنا ... وعلوش مقصرت يومية يا رايحين يا جايين خبلتنيييييييي
هاجر: صوتج كبر هسه شمسوية انتي الي ايسمعج ايكول مدارية اختج هو كله على امي
مريم: واني شمعرفني عيني ... ونوم منايمة نرجع متأخرين وامج اتگعدني من ٨ عبالك عندها واجب
يمكن عبالها اني اخوج صافي وعندي عسكرية
طبعاً اخوية صافي اهنا اتعين بالجيش ودوامة بالموصل ايروح ١٤ يوم وينزل ٧ ايام
مرت الأيام ومبقى شي على الاربعين مال حفيدة ال دريد .... وامي مكيفة بيها وهديل يمنا
مريم: اكول ماما مبقى شي لأمتحاني مال الجغرافية ... اني طلعت دور ثاني بالجغراقية بالسادس حرامات
علية: اي ماما ان شاء الله اني اروح وياج انتظرج الحد متخلصين امتحان ... واذبحج اذا اترسبين راجعي مرة ثانية حتى متنسين
مريم: راجعت الف مرة لا انجح ان شاء الله... بس ادعيلي
علية: ان شاء الله.... دكومي غسلي الممة مال توري حضريها خاف تكعد تبجي
مريم: ترى هديل شالت الخياط وتكدر تتحرك
علية: اني دصخرج الج ... كومي
مريم: كمت امري لله ... غسلت الممه ورجعت ... اسمع موبايل ماما ايدك ...
...ماما موبايلج ...
علية: دشوفي منو بلا وجيبي
مريم: رحت لکيتة خالي كريم ... طبعاً خالي ميخابر الا اذا اكو شي ضروري ... هاج ماما خالي كريم
علية: خير ان شاء الله خاف بيبيتج بيها شي مريضة هي ... الوو
ابو مثنى: هلا علية شلونكم
علية: هلووو ابو مثنى الحمدلله انتو شلونكم انتصار شلون صارت .. ملتهية بهديل بالله الكريم ان شاء الله شكم يوم وامر اشوفها
ابو مثنى: الحمدلله كلنة بخير اسمعي علية ... خابروني من ديالى ابو قادر انطاج عمرة
علية: ياااا يمممة ... شوووكت يالله
مريم: عزززة مو كتلج خالج ميخابر الا اذا اكو شي ... شكووو ماما
هاجر: اصبري لتخبصين الدنيا
علية: اويلي عليج سميرة يمممة الى رحمة الله ابو قادر الطيب
مريم: ياااااا عمووو قاسم مااات
..... امي كامت تبجي ... رجل خالتي اتوفه وعلاقتنا بكل اهل امي كلش زينة وخصوصاً خالاتي ايحبون امي هواية ... ثاني يوم راحت امي هي وخالة ام عمر للفاتحة
...احنة مرحنة لأن هديل يمنة ومخلتها امي اتروح كلتلها مو زين بعدها الاربعين مطالعة
اجتي امي خطية مقهورة سألناها اتسولف ...
علية: خالتج منتهية عشرة عمر اهنا اهنا سنييين وهمه سوة
هديل: البنات كلهن جايات
علية: شلون لعد غير ابوهن ايلطمن ويبجن ... همزين كلهن زوجهن هاي يومة بعد الله يرحمة
مريم: ماما لو ماخذتنا عيب هسه ايكولون محد جتي بيهن
علية: سألوا عليكم وكلتلهم وبعدين كلهم ايعرفون اختج جايبة كلتلهم مكدرن يجن يم اختهن
مريم: امي تحجي وعيونها مدمعة... يوم هم شفتي الولد ... بس سألناها بجت وجان اتكول تحجي وتبجي
علية: اويلي عليهم مكسورين ولا عبالك كباار يبجوون مثل الجهال اجوني كلهم سلموا علية وقادر حاضني ويبجي ... بجه الكل وياا
هاجر: خطية الله ايصبرهم ابوهم مو سهلة
..... امي مقهورة عمو قاسم جان خوش رجال واتسولفلنا اتكول جنة كل فترة انروح اني وابوكم يمهم وايحبون ابوج هواي وعلمودة انطوا مرة العمج عمران
.... مرت الايام واجتي بيبي يمنة ... سهامة متفاركنة كلش انحبها البيبيتي ودائما هي تجينا
هاي حجية سهام بيبي فدوة العينها ...هاي الصورة من داروح للمدرسة كلتلها خلي ناخذ صورة اني وياج
... طلعت اربعين اساور وبيبي هي الي سبحتها ... اتسمي عليها وجلفتها جلف واساور فضييحة فضحتنا بالبجي ...
الحمدلله هاي حياتنا ماشية مثل اي حياة ... وبيها مشاكل بس نگدر نتلافاهن ... والشي الحلو نتشاركة ونفرح بي ... والحزن نحزن علية وننطي حقة
اجه يوم امتحاني كعدتني امي الصبح ورحنة ... للمركز الي محدديلي بي الامتحان امي خطية بالها يمي تمشي واتوصي
علية: ابقي لتطلعين بسرعة ... وركزي عالاسئلة زين وكتبي حتى لو غلط مو اتعوفين الدفتر فارغ
مريم: يعني هو غلط ليش اكتبة ... بس ان شاء الله الاسئلة سهلة مو مثل دور الاول
علية: ولج يوم لتعبيني اسمعي كلام ... يلا كولي ياالله ودخلي
مريم: فتت للامتحان والحمدلله الاسئلة جانت زينة وجاوبت بس اتأخرت جوة .. طلعت لگيت امي سودة علية كاعدة عالرصيف هي والامهات
.... علوووووش جاوبت كومي ليش كاعدة عالرصيف ... خلي اجيبلج مي واجي ...
علية:دعوفي المي شربت جاوبتي لو لا لتكذبين احجي الصدك
مريم: هسه ليش داكذب جاوبت والله لتخافين الاسئلة زينة ... ناجحة اخذيها مني ... رجعنا للبيت
ومرت الأيام ... وهذا اليوم ابد ما انسا حتى منظر امي من اجتني ...
علية: مريم ماما ... لج ريمممة كعدي
مريم: فتحت عيوني امي تضحك والفرحة على وجهها ... هاا ماما شبيج شو فرحانة اليوم
علية: كومي حقيرة طلعتي ناجحة
مريم: كمت وكفت عالجرباية اني وكفشتي .. عليج النبي يووم شلون عرفتي
علية: والله عوبة هسه رحت للمدرسة ... وكالو ناجحه
مريم: طفرت حضنت امي وابوس بيها ... ممصدگة جنت خايفة لأن هو احنه تاركين سنة بسبب سفرتنا السوريا انوب ارسب ... الحمدلله رحت للمتوسطة
مريم: يلا علوووش شغلي جيبج كلتي بس اتروحن للمتوسطة اجيبلجن موبايلات
علية: ايي اشتريلج زمووو اصبري بعد ياالله داومن والله كريم
مريم: لا عيني لا داومن ولا ابد ما اداوم اذا متشتريلي موبايل
علية: بس اخذ التقاعد اشتريلج واسكتي بس اتلحين ما اشتري
مريم: لا علوش الحنينة وين اكو منج ... وصدك قبل المدرسة اشترينا ملابس للمدرسة واشترتلنا امي كلمن موبايل ... جان 1100 اسمة ومن داومنا رحنة للمكتبة واشترينا سيم كارتات اني وهاجر نفس الشي بس اخر رقمين يختلفن
هاجر: خلي انخابر امي انكلها كالت من تشترن خابرني
مريم: اوكفي خلي اني اخابر اول ... رقم امي ورقم اخوية ابراهيم حافضي بصم دائما لأن ميبدلوا وخاف ايصير شي انخابر عليهم ... دكيت على امي
علية: الووو
مريم: غيرت صوتي وكلتلها ... الوووو ام ابراهيم
علية: ايي عيني منو
مريم: خالة اني احب ابنج ابراهيم ... بس هو عافني
علية: انجبي ادبسز عرفتج ... شنو هالسوالف هاي ... هذا رقمج
مريم: هههههههههههههههههه شبيج هسه دجامليني ومشيها اي رقمي وهاجر هم اشترت هسه اتخابرج
..... مرت الأيام ودخلنا 2010 مع الأسف هاي السنة من بدايتها مو خييييير
علية: ياااااا الى رحمة الله
هاجر: شكووووو ماما
علية: عمج نزار ماااات
