رواية نعم أحببتك الفصل الخامس عشر 15 بقلم انين الليل

بس يادنيا

شوفي شسويتي بينا 

احنه بالهضمه كبرنا 

وانتي تبجيين بينا 

بس يا دنيا ما شبعتي فراك وهموم وملامه 

والحزن طاغي علينه 

بس يادنيا

.شوفي شسويتي بينا 

،،،،،،،،،،،بقلم (أنين الليل)

________________________________

بثينه 

امي هدئتني او وعدتني بس يرحون عمامي تحجي ويه ابوي وتقنعه 

ونزلت وهي تذكرني لازم ما اتهور وما احجي كلام زايد ناقص على اياد 

 انا لزمت النقال اتصلت بسعد مارد مرة ثانيه ما رد كتبتله رساله 

= سعد رد اريد احجي وياك رد ضروري 

رجعت اتصلت فتح سعد وياي خط

+

سعد بعصبيه /ها خيير هم بعد اكو اهانه بعدما هنتوني بيها اتذكرتيها علمود تحجينها اليه

انا احجي ويا وانا ابجي = سعد افهمني ترة الي صار غصب عني همه ما أدري شبيهم

كله من هذا الحقير ابن عمي اياد

سعد /والتالي شنوفهميني راح اتخبل

جاوبته وانا ابجي = امي تكول خلي سعد يصطبر شكم يوم ويصير خير

سعد جر نفس /عمي حجى وياي يكلي أبوها لازم هو الي يفك النهوه ناس تعبانه هسه وكت نهوه الناس وصلت 

للقمر وجاي يتهدد بت عمي وانهي عليها عود هو ظابط ومثقف

انا ودموعي غلبني = سعد انت تحبني

سعد /شوف هاي شتحجي وج انتي ما تدرين شكد احبج تدرين بيه متخبل عليج وتساليني احبج تدرين بيه لو بيدي 

اجي احرك البيت على اهلج وعمامج واخذج غصبن عليهم 

= امي تكول إذا يحبج سعد يدز ناس شيوخ وساده ويوگعون على ابوج وابن عمج والناس الخييره تكدر تقنعهم اذا 

انت متخبل سعد انا اريد اموت من القهر

سعد/بثينه حبيبتي لا تبجين كسرتي كلبي حبيبتي شنو تردين يجرالج دموعج غاليه ياعمري انتي

انا اناشغ وكوة احجي -= صدوك سعد هلكد تحبني 

سعد/يا بعد طوايف سعد يا روحي انتي اخذج غصبن عه اليرضى والما يرضى لو ارتكب جريمه هم اخذج ولج 

انتي حلم حياتي افرط بيج إله غبي وما افتهم أحارب الدنيا على مودج مو بس عمج وابن عمج

انا كوه يطلع صوتي من البجي = يعني شلون راح تتصرف فهمني

سعد /بثينه حياتي لا تبجين اهدي ياروحي علمود اكدر افهمج اهدي ياعمري اسمعيني انا راح ادز ناس على اهلج 

شيردون انا حاضراطوب بيت باسمج شكد يردون مهر بس يحجون دمي لحمي كله يرخصلج بثينه انتي حبيبتي ما 

افرط بيج لو أدري انكتل واموت الخاطرح 

 صدكيني اموت وانا مرتاح لان متت على مود حبيبتي

انا ابجي واشهك = خايفه سعد خايفه من اياد اخاف انت هذا ما تعرفه وما شفته شنووسووا

سعد /خلي ايولي الي لازمني عنه انتي بثينه انا باجر ادز ناس على اهلج يقنعوهم وشنو طلباتهم وحتى ادز ناس 

على بيت عمج بلكي يقنعوهم

انابخوف = واذا ما قبلو لان اعرف اياد شكد اناني وعنودي

سعد/شوفي حياتي اسمعيني زين إذا صار وما وافقواأكلب الدنيا واخذج غصبن عنهم واكتل كل واحد يوكف بوجهي

اسمعييني بثينه واحفظي كل حرف احجي وياج 

(اهنا تغيرت نبرة صوته صار كلامه جدي وبي نوع من الامر)

انتي ابقي يم النقال وحتى لا تنزلين يم اهلج انا اخابرج انتي تطلعين لا تخلين أحد يحس عليج 

نروح انا وياج نعقد عد السيد ونزوج واخذج واسافر والي عده حجايه خلي يحجيها

انا استغربت من كلامه = ننهزم سعد تريدني انهزم انا وياك هاي انت شجاي تحجي

سعد //اي بثينه ما بيها شي لازم تعرفين اكو فرقبلي راح انسوي الي نسوي لا حرام ولا عيب احنه راح نتزوج 

ونسافر لان انتي مو قاصر انتي بالغه والشرع والقانون وياج مو احسن بدل ما تاخذين ابن عمج وتبقين طوول 

عمرج تحت رحمته

جاوبته بخوف = سعد وأهلي والناس لا سعد هاي ما ترجيتها منك شكد ما انا أحبك بس يبقى عندي أهل

وكرامتهم من كرامتي وانت شلون تفكر هيج ممكن انا اسوي باهلي ممكن اوطي راس ابوي لا يمكن مستحييل

سعد /بس فهميني يا عيني انتي حبيبتي انتي واثقه بيه مو بثينه تره كرامة اهلج على رأسي ومن كرامتي وانتي 

راح تصيرين مرتي كدام الله والناس وراح تشيلين اسمي يعني انتي شرفي بثينه جاي تفهميني

= سعد انا واثقه بيك بس كلامك فاجئني

سعد//خلص ظلي وراي اتزوجج على سنة الله ورسوله وعود خلي ابن عمج يوصلج إلا اطلع بروحه واخلي بيوم

 زواجنه ينصبون فاتحته لج بثينه انا احبج واذا ما اخذج امووت تعرفين شنو امووت

= بس شلون يعني شتكول عليه الناس شنو ما فكرت بأهلها وابوي واخوي وامي هاي المسكينه شراح يصير 

بيهم راح يمشون وهمه مدنكين لا سعد مستحيل صعبه صعبه حيل

سعد /لا تخافين ياعمري بنفس اليوم الي نعقد بي انا وياج عمامي يأخذون عليهم ناس يحلونها ويخلونهم امام الامر

 الواقع واكيد اسم ايوج ومنصب ابن عمج راح ايخبيهم ايقبلون بالعكس راح يتمنون تنستر السالفه حتى الناس 

ما تعرف وينفضحون حبيبتي انتي بس ابقي وراي ولاتخافين

= افهم من كلامك اني بعد ما اشوفهم الاهلي

سعد/كلها ست أشهر سنه و ترجعين مثل قبل وأحسن بس انتي لا تتخلين عني وسوي كل شي اكلج علي هذا إذا 

تحبيني لا والله ما تحبيني شوفي حياتج ويه ابن عمج واتزوجووعيشو الله يهنيكم انا ما اوكف بطريقج واتمنالج 

كل الخير اهم شي انتي تكونين سعيده ومرتاحه

انا صرت ابجي = هاي فوك قهرتي تكلي روحي اخذي ابن عمج تعرف شكد اكرهه اشوف العمى وما اشوفه اكرهه 

من قبل ما اعرفك عمه الي يعمي الهذا الحقير 

سعد //اي مو انا جاي احجي وياج وما تفهميني

= جاي اكلك خايفه اخاف اهلي بعد ما اشوفهم وأظل طول عمري راسي ما مرفوع والله شنو انهزمت ويه حبيبها 

وباعت اهلها وانت تدري الناس ما ترحم واسم ابوي بالسوك 

سعد/افه عليج انتي راح تصيرين زوجتي وكرامتج من كرامتي وعدنا هواي بنات بالعشيرة نرضي بيها ابن عمج 

واخوج وادز عليهم اكبر مشيه كلها شيوخ وشنو يردون فصل نسوان فلوس ولج بثينه احبج وأحب الأرض الي تمشين

عليها تردين تموتيني ارفضي وعوفيني وروحي شوفي حياتج

= انت شجاي تحجي سعد الله يخليك خلي لا نستبق الأحداث وانت دز الناس بلكي الله ويقنعون ابوي وابن عمي 

سعد /صار بس اكلج بثينه هذا ابن عمج كل شي يسوي احتمال باجر يعقد عليج الي اريده منج ولا تفهميني غلط 

خلي جوازج و جنسيتج جوه ايدج لان احتمال نحتاجها إذا ما وافقوا ا تزوجج واخليهم أمام الأمر الواقع وخليهم 

شيردون يسوون يحجون يفضحون نفسهم انتي حضري اوراقج ها وشكو ذهب وفلوس هم اخذيهن وياج 

=ليش سعد 

بثينه لاتفهميني غلط عندي فلوس اتطم عين الشمس بس بالبدايه تمويه وحتى يذعنون للامر الواقع وما ينفضحون

شگلك بتنا على موده اخذت الذهب والفلوس واله اگلج لا لاتاخذين شي لا يفكرون تنطيهن الي 

اسمعيني بثينه انتي ابقي وراي ومعليج

=سعد الجنسيه والجواز عد ابويه بالقاصه 

سعد /لازم تجيبنهن حضريهن انتي هسه اتصرفي عادي علمود ما يشكون بشئ وبلكي نگدر نقنعهم 

= شلون يعني 

يعني بيني زعلج عليهم ولا تخليني واجهه لان ما قبلوا عليه لا ازعلي لان اياد نهى عليج ولأن انتي جنتي رافضته وما

 تردينه لا تبينين الهم انو انتي ترديني و مقهورة علي بيني الهم توافقين على اي واحد بس على اياد لا وبعدين اذا اصروا

 عليج بيني نفسج انتي موافقه علي مجبوره وبهيج نكسب وكت وحاولي تجيبيهن الاوراقج ومن تحصليهن اتصلي عليه

 كلها يومين ونصير البعض ولا تخافين اهلج راح يبوسون ايدي حتى اعلن زواجنا وحتى ما يهتز اسمهم

جريت حسره = راح احاول أبين انو انا ذعنت للاامر الواقع واني حقبل

 باياد عل ما احصل الجوا،،،،

،ما كملت انا جمدت بمكاني لان اياد دخل للغرفه والشر بين عيونه

،اياد اتقرب مني وهو يصيح ويرجف ::ولج حقيرة انطيني النقال 

،انا خليت النقال وراي وهو مد ايده ولزمني بكل قوته وحاجاني

بعصبيه ::انطيني النقال 

آخذة من عندي وجاوب سعد وهو يكله 

لك عار لو انت زلمه حاجيني الو الو جبان سديته انا الك 

باوعلي وعض على شفته وضرب النقال بكل قوته بالكاع صار كل قطعه بصفحه

ويباوعلي ويرجف والشر بين عيونه ويحجي وياي وهو ما يكدر يتنفس من كثر العصبيه وهو يگلي 

:: ايا ساقطه تردين تنهزمين ويا ليش ولج شمسويلج احنا انتي ويا ياحقيره إلا اذبحكم واشرب من دمكم

طلع المسدس وخلاه على كلبي

انا بخوف ابچي واگول = والله اياد اي شي ما بيناتنا صدكني

اياد::وتحجين كلبه وج سمعت كل شي باذني اله اموتج

ضربني راشدي فر راسي وخله خشمي ينزف دم ونزل وقفل الباب من بره مانزل وكف ع الدرج وهو يصيح على ابويه 

:: عمي تعال وجيب جواز وجنسية بثينه رايدهن

الظاهر امي من هدئتني ونزلت ما سدت الباب ردته وانا لان ارتاحيت من كلامها رأسا لزمت التلفون وما انتبهت للباب

امي من نزلت كالت/الحمد لله فهمتها وافتهمت بس هي بعدهي ما مستوعبه ليش رفضتوا

اياد ::هسه اصعد وافهمها احسن تفتهم مني وما تاخذ نظره انا اريد اخذها لان نهيت عليها 

بابا /اي عمو دروح واحجي وياها وخليها تنزل وخلي نتعشى كلنه سوى انت مو غريب ابن عمها وخطيبها

وصعد اياد وشاف الباب مردود اجه يفتحه سمع كل الكلام الي دار بيني وبين سعد 

سمعت ابوي يكل الاياد /إلا ذبحها هاي الكلبه تريد تلبسني عار تالي عمري اله اموتها تضحك علينه مع الاسف

اياد ::عمي الله يخليك على كيفك ما اريد احد يعرف خلي نحلها بهدوء 

بابا / ياهدوء اياد ما تكلي اذا بتي الي ربيتها وحافظت عليها واخاف عليها من الهوى هيج تسوي باعتني علمود واحد 

ما يسوى الله اعلم شنو صاير ابيناتهم ليش انت من گتلي لا توافق هيج لازم تعرف عنه هواي مصايب واتفضل هاي 

بعدنا صار ساعتين من اجو وراحوا وبتي تريد تنهزم هاي الموت قليل بحقها 

اياد //عمي الخاطر الله على كيفك ذاك حقير ونذل وجبان بس سمع صوتي سد النقال غلقه على كيفك عمي انت 

الك الصافي كل شي راح يرجع المكانه ولا يهمك 

ابوي گال //عندي رقمه خلي اتصل بي وابرد گلبي 

اتصل ابوي طلع الجهاز مغلق //والله مثل ما گلت اياد طلع جبان الساقط وين يروح مني 

اياد //الخاطر الله عمي ما نريد فضايح فوك من العالم هذا دوا يمي بس انطيني مجال 

فتح اياد الباب وانا كاعده بالكاع وابجي شافني ابوي اتقرب عليه وهو مخنوك من القهر وعض إصبعه

: وج هي هاي الثقه الي انطيتج إياها هيج تاليها تسوين تردين تصخمين وجهي تالي عمري يانذله تردين تنهزمين 

ويه واحد كلب ابن كلب 

ردت احجي ابوي اول مرة اشوفه هجي مكسور وكل جسمه يرجف وخله اصبعه على حلگه كلي

:ابد ابد لا تفكين حلكج ما اريد اسمع صوتج يا حقيره 

راد يضربني اياد لزمه وحضنه وانا اشوف ابوي وكعن دموعه واياد يبوس براسه والدموع مغوركه عيونه طلع 

ابويوراح ورا اياد الي حچى بصوت عالي صاح 

محمد روح جيب السيد بسرعه 

محمد الظاهر هم واكف اباب غرفتي جاوبه / صار هسه اروح

بابا// اي ابني روح بسرعه وارجع خلي يعقدون

انفتح الباب ودخل ايادوكعد على الجربايه وبعده يتنافض ويرجفن شواربه اشوفه يخزرني ويباوع للكاع شاف 

الشريحة شالها خلاها بجيبه وحاجاني وهو يرتجف

اياد ::شوفي ولج هسه يجي السيد يعقد يكلج موافقه كليله من اول مره اي ديري بالج والله تره انا بايع ومخلص مو 

بس اكتلج واكتل اي أحد يدافعلج اتسمعيني ماكو ابوج هذا الي توه راد يذبحج وما خليته هو مو يصير عمي إذا

 اسمعه يدافعلج لو بكلمه صدكي اكتله ولا يهمني انتي ما شفتي وجهي القبيح بعدج خليني على بالج اذبحج اهنا 

وما يرفلي جفن افتهمتي ادب سزز

انا ساكته ما جاوبته واجه السيد وصعدو للغرفه صعدت يمي بس تماضر وزين اخويه دخل للغرفه وهو ما يباوعلي  

السيد سمع موافقتي وعقد لي انا واياد 

من نزل السيد اجه اياد كل التماضر ::خليلها شكم هدمه بعلاكه

انا باوعت الزين كتله وانا اناشغ = زيوني صدكني ان... 

زين ما خلاني احجي رفع إصبعه وكلي //اششش بثينه ولا كلمه لو ما عاقد عليج اياد جا اني طكيتج طلقه 

واتخلصت منج وما احسبج موجوده 

زين صار يتنفس قوي ونزل وانا حاطه راسي بين رجليه وابجي و تماضر تبجي وياي 

وهي تكلي /:ليش هالتهور هذا بثينه ليش مو حرام الي سويتي بخالتي

انا ما جاوبتها بس خاله راسي بين رجليه وابجي 

تماضر /:بثينه كافي تهور واتصرفي على انج زوجة اياد كافي خطيه عمي وخاله ما يستاهلون كل هذا القهر 

اجه اياد وكلي ::يالله ننزل

نزلت تماضر قبلنه وهو كلي ::ادخلي للحمام غسلي وجهج 

دخلت غسلت وجهي وهو يباوعلي وانطاني الشال كلي

:: ألبسي الشال عدل والبسي جواريب برجليج وننزل تسلمين وما تفكين حلكج بكلمه سمعتي 

انا ما جاوبته وبس اشهك هو گلي ::شسمعتي كافي ما اسمع الج صوت 

نزلنه وهو سلم على ابو وابوي ودنك على امي وباس رأسها وهو يگلها 

::خاله لا يظل بالج بثينه بعيوني ولا تضوجين أسبوع عشر تيام ونرجع اسويلها احلى عرس واحلى حفله

امي وهي حابسه دموعها/الله يهنيكم يمه بس دير بالك عليها تره بعد هي ما تفتهم 

اياد من شاف امي مخنوكه بعبرتها اتقرب عليه وحط حلكه يم أذني 

::الله لا يوفقج شوفي شسويتي حتى امج كسرتي خاطرها

ورجع يبتسم ::خاله والله أمني بزونه مرتي وما افرط بيها وانا متعود على سوالفها يعني هاي المفاجئه الي سوتها 

مو اول مره متعود عليها والله يعيني شراح اشوف منها هي مرتي وانا غصبن ما عليه اتحملها 

خالتي رجاء /كول وفعل اياد بعد خالتك دير بالك عليها

باوعلي بتشفي :: بعيوني خاله شعدي غيرها مرتي وام بيتي

(وحاجاني وهو يضحك ) يالله مريتي سلمي خلينه نروح

انا باوست خالتي و تماضر ومنى وبهاء وطحت على امي بستها وبجيت وانوب سئلت على زين كالو بالغرفه رحلته

لكيته كاعد ع الجربايه ومقهور كتله = زيوني حبيبي 

مارد علي ودار وجهه طلعت والعبرة كاتلتني رحت على بابا

وحظنته وانا ابجي = بابا فدوه سامحني والله ما اقصد ان،،

بابا قاطعني/إذا تردين أرضى عليج ديري بالج على اياد خلي بعيونج وانت عمي ما أوصيك عليها 

اياد ::لاتوصي حريص عمي اطمن

طلعنه تماضر خلتلي ملابس بعلاكه نايلون سوده كبيره حتى مو بجنطه 

شلتها ورحت ويه اياد وأناميته من البجي صعد اياد وصعدت بصفه بعده ما محرك اجه محمد ورياض ورانا

محمد /اكلك اياد انت وين تريد تروح بهالليل من كل وعقلك

اياد ::اي وشكو بيها

محمد /لا بيها الاربيل تروح بالسيارة بهذا الليل

اياد ::وش علي ياكلني البعبع مثلا

رياض مبتسم /عمي انت البعبع بس الوضع وياك مرة

محمد/إذا مصر روحو بالطياره هسه انا ورياض نوصلكم

اياد::خاف ما نلكه طيران

رياض/تلكه هويتك وياك تلكه يالله انزل انت ومرتك صعدو ورة يالله 

شكد غثيثين وما تنهضمون

انا اتفاجئت عبالي ماخذني البيتهم طلع ماخذني الاربيل نزلت انا ويا وهو مبتسم وكعد بصفي ومحمد يسوق ويمه 

رياض بس يسولف وينكت ويضحك 

اياد كلش قريب علي ومحمد ورياض يسولفون ابحدهم وأنا كنت اشهك من كثر البجي ما احس الا ايد اياد امتدت بيده النقال مالته كاتبلي 

(اكلج اسكتي كافي بجي لا والله تره انهيج )

باوعتله خفت من نظرته يمكن لو بيده صدك نهاني

انا حاولت ما أطلع صوت اياد يحجي بصوت عالي يسمع محمد ورياض 

 ::كافي بثينه لا تبجين ادري بيج عبالج ما ا سويلج حفلة عرس بس نرجع وداعتج احلى حفله لأحلى عروس بس 

شويه خلي اطيب

محمد دار عليه ورجع يسوق /صدك تحجين بثينه بس حفله تردين الله عليج مو تدللين شكم اياد وشكم بثينه

رياض/قصدك شكم خبل وخبله عدنا 

محمد يضحك //والله صدك شلون اثنين راحو الاربيل يتزوجون ويرجعون يسوون حفلة عرس 

رياض //علواه بلكي انا أخطب ونسوي الحفله سووا 

اياد وهو يباوعلي ::هم لزكت ارويض لا عمي انا حفلة بثينه الها ابحدها حفله خاصه -و باوعلي ويجر بكلامه -

شعدي غير بت عمي 

محمد /اياد اكلك هناك خلي تلبس بدلة عرس وانت ألبس قاط وسوولكم حفله ومن تجي هم نسويلكم حفله 

رياض عود يقلد امه //اياد شوف امي من تسمع ش تكول 

عوج حلكه وكال //اه بخوت امهات السحورة يسوالهن حفلتين 😡😡😡

محمد /اي همه فرحانيين وامي تذب حرگتها بيه وبرغد 

رياض //الله يساعدها تعشكون وتاخذون محد اخذ على مرامها بس هي تحب بثينه هوااااي (حچاها بخبث)

محمد وهو يضحك //اها لعد وبثينه تموت عليها وداعتك رياض امي تجر وبثينه ترخي والعكس صحيح 

وصارو يضحكون ورة شويه اياد انطى المسدس لمحمد

ودلا وين يضمه ودلا على الأوراق مال المسدس والسياره وكله من يرجع يخابره 

وصلنه للمطار اياد كللهم روحو اوصه محمد يحجي ويه امه يفهمها

الفصل السادس عشر من هنا 

شكرا لزيارتكم عالم روايات سكيرهوم