رواية انا عشقت الفصل الخامس عشر بقلم عائشة الكيلاني
زين بصلها بصدمة و فرح في نفس الوقت لكن الفرح غلبه:- ينفع ادخلها
الدكتورة بهدوء:- هى حاليا نايمة دلوقتي شوية و تفوق الف مبروك عن اذنكم
الدكتورة راحت مكتبها و زين واقف فرحان و خايف في نفس الوقت هو برضو تاريخه مهبب:- يارب يكون ولد مش بت يارب ولد انا عملت كتير اوى البت ملهاش ذنب
فوزية واقفة بتبصله مش عارفه تضحك عليه ولا تعيط واقف بيكلم نفسه و خايف اكنه عامل مصيبة و عايز بستخبة :- بسس صدعتني على كل حال حتى الحمل مش هيغير موقفها ولا موقفنا البت هتطلاق و بالنسبة ابنكم هيقعد مع كل واحد منكم شهر ولا تزعل
زين بصلها بسخرية:- وجايين على نفسكم ليه اروح اشوف زيزي لتكون ماتت
زين دخل اوضتها اتجه ليها قبل راسها و ايديها الى مسكها بين ايديه:- انا رجعت يا زيزي و مش لوحدي هعيش انا و انتي و ابننا أو بنتنا على اد ما نفسي ربنا يرزقنا بى بنت شبهك على اد ما انا خايف عليها من مصايبي الى عملتها زمان ، انتي ليه دخلتي حياتي اصلا كنت مبسوط بوحدتي و حياتي الفاضية
قالها بوجع خرج راح يدفع الحساب و بعدين دخل ليها المحلول خلص و شالو من ايديها و شالها و خرج بيها خرج كانت فوزية واقفة بعيد عنهم و بتتكلم في الفون زين استغل الفرصة و خرج برا المستشفى ركب عربيته و اتحرك في المستشفى فوزية دخلت تشوفها ملقتش حد :- الحق يا طارق ابن المجنونة خطف البت
طارق:- يا امي والله هي مراته لسه و بعدين بلاش تظلموا يمكن راحت بمزاجها
فوزية حطت ايديها على راسها :- يا مراري اانت اتجننت دا هيتجوز عليها فااهم يعني اي زينة متستاهلش منو كدا تعال اتصرف اعمل حاجة في حياتك اتصل بعمك ولا ابوك اتصل بى عمامك
طارق اتنهد بهدوء:- حاضر يا امي سلام
أما في قصر بدران الكل كان مصدوم من تصرف زين الشغالة فتحت الباب الكل مصدوم زين و شايل زينة بين ايديه
منعم بحادة:- رجعها البت دى كسرتي كلامي ملهاش مكان بينا
زين بص له ببرود و طالع اوضتهم حطها على السرير و غطها كويس و قفل الباب و نزل ليهم
جليلة بعصبية:- هى مش غارت بسببها جايبها ليه بت المنحوسة
زين بصوت ارعبهم:- اامي سبق و قولت مراتي خطوط حمراء و اخر مرة تغلطي فيها زينة مراتي و هتفضل مراتي ام ابني حفيدك يا حاج ، تصدق هتصدق ان شاء الله الى فوق دى كانت بتقولي نفسي يا زين ربنا يرزقنا بى بنت و اسميها جليلة و تبقا قمر زيك كدا يا امي
جليلة سكتت اكنها فقدت النطق هو بيقول اي ولا بيكدب
منعم بهدوء:- ماحنا متهببين عارفين انها حامل و هي الى اختارت انها تسيب البيت
زين قعد بهدوء:- منور يا مولانا ، منورة يا شوشو اوعدك لو جت بت هجوزها لابنك ، انا مش مغفل
قالها قامت و قالت بغضب:- لااااا دا انت اتجننت رسمي ابنك هو ابني ااانت بتقول اي
فوق زينة بدات تفوق فتحت عيونها ببطء بصت حواليها :- هو انا في كابوس
قامت قعدت و اتجمعت الدموع في عينيها حطت ايديها على بؤها بتحاول تكتم دموعها و صوتها :- خلاص اتجوز يا زينة اتجوز و مبقش ليا انا ادمرت خلاص
زينة مسحت دموعها و اثر الدموع و قامت بسرعة فتحت الباب و خرجت نزلت جري على السلم لدرجة انها كانت هتقع لكن مهتمتش كل همها تمشي من بيت بدران
جليلة بصت عليها و قالت بسخرية:- اهلا وسهلا انتي فوقتي يا برنسيسة بركة
زينة وقفت في النص رجعت شعرها لوراء :- انا جيت هنا ازاى ، انتوا بتعملوا اي في حياتي ها بتعملو اي في حياتي نفسي افهم بصت قدامها شافت المأذون قعد و شهد واقفة و زين واقف قدامها حست بوجع:- اتجوزتو خلاص تمام كويس انى هنا علشان نطلاق و نخلص
زين لماذون:- قوما يا مولانا مراتك ماتت
المأذون قام بذهول:- بتقول اي انت متاكد
زين:- انا هكدب عليك يلا علشان تلحق تدفن عمتك الى ماتت
المأذون:- هى ماتت تاني لا حول ولا قوة الا بالله العلي العظيم اول جوازة متمشيش ولا طلاق انت ملكش حظ يا ابني
زين:- شكرا بس امشي من هنا ابوس ايدك
المأذون مشي و مسك نفسه من الضحك
زينة بصتله بوجع:- مبروك على الجواز
شهد حبت تحرق دمها:- الله يبارك فيكي يا ضرتشيي اوبس اقصد يا طنط يعني ضرتي و ام اخت ابني بس انتي مش كبيرة على انكي تكوني ام اعتقد انكي وصلتي لسن اليأس
زينة اتجهت ليها بهدوء غريب :- انا جاية مخصوص علشان ابارك ليكي يا ضرتي بس انا ببارك بطريقتي الخاصة
زينة مسكت شهد من شعرها وقعتها على الارض و قعدت تضرب فيها و شهد تصرخ زينة كانت بتضرب فيها بكل غل و قهرة و اقلام على وشها و شهد تصرخ عز واقف مسك طبق المانجا و بيتفرج باستمتاع جليلة بتحاول تبعدها بس زينة اكنها مش هى و بعدت جليلة عنها:- ااابعدي عني يا جليلة ساامعة
منعم واقف مصدوم و زوجاته مصدومين زين قعد بيتفرج ببرود و صمت عايز يضحك بس مسك نفسه اكن بيقول ايوة يا زينة اضربيها كمان و هاتيلي حقي منها كان فرحان جدا زينة مكنتش شايفة ولا سمعة غير صوت تكسير قلبها و بتتخيالهم مع بعض الباب خبط و دخل جابر و حسني طارق ابنو الى اول ما دخلوا اتصدمو مين دى زينة الهادئة العاقلة الناضجة تعمل كدا
جابر اتجه ليها :- البت هتموت في ايدك
زينة و هى مذل بتضرب شهد:- سبني اربيها يا بابا و اخد حقي منها دى عايزة ضرب الجزم بتعايرني الزبالة
جابر بعد زينة عن شهد بصعوبة :- اكتمي و يلا علشان تمشي من هنا
زينة:- مش همشي من هنا غير لم اربيها بت الجزمة دى
حسني:- يا بنتي نمشي و اوعدك هخليكي تربيها و تربي اهلها بس نمشي من هنا يلا
زينة بهدوء:- يلا
زين قام ببرود و اتجه ليها و حط ايديه على كتفها:ـ تنورنا في اى وقت و تروح ليكم زيارات لكن أنا مموتش علشان تسيب البيت لى الابد زيزي راحت عندكم يومين علشان كانت وحشنها مش كدا يا زيزي
جابر بحادة:- يلا يا زينة انتي ملكيش قعاد هنا مش اتجوزت على بنتي عايز اي سيبها في حالهل بقا
طارق:- يا عمي مش كدا اعمل حساب الطفل الى جاي في السكة ملوش ذنب يجي يتشدد بينهم الموضوع نحلو بى الود احنا اهل و مينفعش غضبكم دا
منعم:- سمعتو الأصغر منكم اعقل منكم اهدو و نحل الموضوع
بص لزينة :- مبروك يا بنتي على الحمل اللعبة تحولت حقيقة فرحتلك مانتي بنتي برضو ولا اي
زينة باستغراب و دون وعي:- مبروك يا و حمل اي و لعبة اي و انا اي الى جابني هنا اصلا هو مش ابنك اتجوز عايزين اي تاني سبوني في حالي بقا انتوا مش بترحمو اي الناس دى
زوجة منعم التالتة:- محصلش نصيب يا حبيبتي زين و شهد متجوزوش
زوجة منعم الرابعة:- زين بوظ الجوازة علشان خاطرك
ريتال اخت زين بمزح:- اوعدنا يارب اي رايك يا رحمة
رحمة كانت بتبص لطارق بهدوء عكس التوتر الى جواها:- رايى انكي تروحي تذاكري
الستات راحت على اوضهم و البنات كمان مفيش غير زين و طارق و منعم و عز و حسني الى قعدين لان زين طالع زينة فوق و قفل عليها
زين:- يا عمي والله العظيم انا نفسي مش فاهم حاجة بس الى فاهمو انى بحب طنط زيزي اوى
عز فتح بؤه بدهشة سكت شوية و بعدين قال:- هو انت بتقولها طنط عادي كدا عيب عليك و على هيبتك ، قولها ابلة
زين نسي نفسه و أن حماه قعد:- تصدق صح خلاص هقولها ابلة زيزي يمكن عفاريتها تهدي عليا
طارق بصوت عالي و تحذير:- ززين احنا بنتكلم مش وقت هزار ، يعني انت هتعمل اي في موضوعك
جابر:- انا بنتي متجيش ليها ضرة ولا تتخان فاهم البت دى تمشي من هنا و الا احرق القصر بالى فيه
منعم بحادة:- ما خلاص بقا انت عصبي ليه ما قولنا هنتصرف و اسفين خلاص بقا
منعم قعد يهدي في جابر و حسني و عد اليوم في اوضة زين زينة واقفة بتبصله بحزن و عتاب قالت بهدوء:- انت فعلا متجوزتش شهد
زين اقترب منها :- متجوزتش شهد ، لاني بحبك يا زينة صحيح غلطت بس انا توبت بس ما قدرش اكتب ست غيرك على اسمي والله العظيم ما اقدر اعيش من غيرك
مسك ايديها قبلها زينة بصتلها بحب و قلق:- طب و ابنكم يا زين
زين بصلها بحب:- هنربيهم مع ابننا
حط ايديه على بطن*ها :- حلمي ان يكون ليا ابن منك اتحقق اللعبة بقت جد
زينة بدموع:- مبعدش عني تاني يا زين سامع
زين جذبها لحضنه زينه حضنته بقوة و بقت بتبكي بفرح و خوف من الى جاي زين ضمها له اكتر :- انا مستحيل ابعد عنك ولا هسمحلك تسبيني مهما حصل
بعدها عنه و مسح دموعها و رجع حضنها تاني
في اوضة منعم
جليلة بدهشة:- يعني كانت بتضحك علينا
منعم بهدوء:- بس هى حامل دلوقتي انا مش زعلان الى زعلني منها انها مكبرتنيش و مشيت
جليلة بهدوء:- معلش بقا يا منعم هى زى بنتنا برضو ربنا يهديها
منعم:- يارب
في اوضة زين
زين نايم و زينة بحضنه رفعت عينيها و قالت و هى بتبصله:- غريب انت دخلت القصر من الباب مش من البلكونة مع ان البلكونة اسرع
زين بدهشة مصتنعة:- تصدقي معاكي حق البلكونة اسرع اوعدك المرة الجاية ابقا اجيلك من البلكونة
زينة :- انت بتعمل في نفسك كدا ليه
زين قبل راسها:- لاني بحبك يا زيزي و علشانك ارمي نفسي في البحر
زينة بهدوء و ابتسامة:- غريبة في الاول مكنتش بطيقك فجأة اتجوزك و احبك و دلوقتي حامل في ابننا ، فكرك هيعيش
زين بصلها :- يخرب بيت نكدك و نكد اهلك يا بعيدة المفروض نفرح مش نقدر البلا قبل وقوعو
زينة ببكاء:- انت بتتريق عليا يا زين قصدك انى بحب النكد ربنا يسامحك و عقاب ليك هتنام في الارض هاا
زينة قامت خدت مخدة و الغطاء و اتجهت لزين بحادة:- انزل نام على الارض مزاجي كدا يلا يا روح امك
زين بعدم فهم و عصبية خفيفة من تغيرها و حساسيتها الزيادة:- دا انتي مش زينة انتي حزينة المفروض يسموكي الحزينة مش زينة
زينة ببرود و هى بتحدف المخدة عليه:- و انت متربتش ولا سمعت عن الرباية يا حبيبي
زين نام على الارض و اتغط بعد شوية
زينة اتجهت ناحيته و قعدت على الأرض جانبه:- زين سوسو انت يا زفت
زين من غير ما يبصلها:- والله ما فاضي لنكد يا زيزي و عايز انام
زينة :- و انا مش عايزة انام
زين:- دى مشكلة ترجعلك
زينة بدموع:- زين انت مبقتش تحبني زى الاول ، انت اتجوزت عليا صح
زين و المخدة على وشه:- انا كدا هطلاقك و اطلاقني من الدنيا كلها لو. مسبتنيش انام
زينة بحزن و بكاء بلا سبب:- اسفة انى عطلتك
زين استغرب نبرة صوتها الى اتغيرت قام قعد و بص ليها زينة كانت قعدة وراه على الارض و بتعيط بانهيار
زين بلهفة:- زينة مالك يا حبيبتي و بتعيطي ليه
زينة بعياط:- انا اسفة
زين مندهش هو حصل اي هما كانوا بيهزرو فجأة بقت كدا جذبها لحضنه :- بتعتذري على اي يا زيزى انتي مقولتيش حاجة ولا اتخنقنا اصلا بتعيطي ليه
زينة بدموع:- مانت لو مهتم كنت عرفت لوحدك بس ازاى انا اخر اهتماماتك صح شكرا اوى يا زين انا هروح بيت اهلي و اريحك مني
زين غمض عيونه بيحاول يستوعب جنانها الى جاه فجاة:- معلشي يا حبيبي حقك عليا انا فعلا مش بهتم اي الى مزعلك بقا و مغيرك كدا
زينة بعدت عنه و حطت ايديها في شعرها:- تصدق نسيت انا بعيط ليه
زين حط ايديه على وشه و هو هيتشل منها بعد ايديه عن وشه و رجع شعرها لوراء و قال بحنان:- شكلنا هنتعب مع بعض يا زيزي
زينة بصتله ببعض العصبية:- قصدك اي انى مجنونة
زين:- مين قال كدا انتي ست العاقلين يا زيزي بس ممكن ننام بعد اذنك
زينة بصتله و حطت راسها على كتفه زين حضنها و نامت و هو كمان تاني يوم في المكتب
زين ببرود:- ابن مين يا شهد
شهد بتوتر:- يعني اي ابن مين ابنك انت انت هتتبرا من ضناك من دلوقتي
زين بصلها باحتقار:- و لم هو ابني ليه جاية تقولي دلوقتي انكي حامل مع ان بقلنا كتير مشوفناش بعض
شهد:- والله العظيم ابنك يا زين صدقني
زين بصلها بغموض:- هعمل نفسي مصدق بس على شرط
شهد بتوتر:- اي هو الشرط
زين:- تغوري من هنا بعد ما تولدي و الواد هتبقي زينة هى الى امه مش انتي يعني هتتنزلي عن ابنك بيم انى ابوه و مسؤال عنه انتي لا تصلحي تكوني ام
شهد بهدوء:- موافقة بس تكتبلي الفيلا الى في المعادي باسمي و نص الشركة القديمة قولت اي
زين
في اوضة زين
جليلة في ايديها كاس عصير:- مينفعش لازم تشربي علشان ابنك على الاقل انتي مش لوحدك دلوقتي
زينة بهدوء و تعب:- صدقيني مش هقدر هرجع يا خالتي
جليلة بحنان:- يا حبيبتي لازم تشربيه انتي مش شايفة نفسك مصفرة ازاى و كمان لو مشربتوش هتاكد انكي لسه كرهاني و زعلانه مني
زينة :- انا مستحيل ازعل منك و علشان اثبتلك دا شربه
زينة خدت كاس العصير من جليلة و بدات تشرب منه وووو
شكرا لزيارتكم عالم روايات سكيرهوم
