رواية عشق فى قلب صعيدى الفصل الخامس عشر بقلم اسماء السيد
منار بصدمه:انتا بتمد ايدك عليا
سليم بغضب جحيمي:عشانك واحده لا عندك لا قلب ولا ضمير ولا احساس
منار بغل وحقد:انتا بتضربني عشان خاطر مراتك والله لهخلص عليها ياسليم
سليم بنظره مرعبه ونبره حاده جدا:ابقي فكري بس تقربي منها وانا وغلاوتها في قلبي لرميكي لديابه الجبل يابت كريمه
منار برعب:قصدك ايه ياسليم عاوز تموت بنت عمك عشان مراتك
سليم بغضب:انا اقتلك مش بس اضربك عشان مراتي واي حد يفكر يمس منها شعره هقتله .... عم ماجد ربي بنتك عشان بالله اقتلهالك........ وسابهم وطلع
ماجد بغضب:منار اتلمي عشان ما ارمكيش في الشارع فاهمه
احنا مش قد سليم وغضبه
منار بحقد :وهوا ازاي يمد ايده عليا دا حتي امي راحت بسبها وانتو متكلمتوش
ريان بغضب:انتي اي معندكش قلب ولا دم كريمه قتلت اعمامك واختها وكمان ابو وام عشق وبتاجر في السلاح والكوك*ين فاهمه وكمان بجحه شبه امك غوري جتك القرف
منار بعصبيه:وكريمه دي مش امك انتا كمان ياسي ريان
مجدي بجمود:اسمعي يامنار لو ملمتيش نفسك واتهديتي اكده ورحمه عيالي الاتنين الي امك قتلتهم لهخليكي تحصليهم فاهمه يابت كريمه...
منار بخبث:تمام ياجدي.. وطلعت اوضتها وهيا بتتوعد لعشق
عند عشق كانت اخدت شاور ولبست بيجامه سودا بتعكس لون بشرتها البيضاء وعليها دباديب من اللون الابيض وسرحت شعرها ضفيره وكانت جميله جدا بس كانت سرحانه في المرايه وبتفكر في الي حصلها في حياتها
... ودخل سليم
قلع الجاكيت ورماه علي الكنبه ودخل عند عشق ولاقها سرحانه... حضنها من ضهرها وهيا اتخضت
عشق بخضه:عاااا ايه ياسليم خضتني
سليم بحب: كنتي سرحانه في ايه يا اميرتي
عشق بحزن:كنت سرحانه في حياتي
سليم بمرح:ومالها حياتك ياست عشق هوا انا مش مكفيكي ولا ايه يابت انتي
عشق بإبتسامه :لاء طبعا انتا عبيط ياسليم بردو انا اقول كدا دا انتا حبيب ايامي وعمري كله دا انتا نور عيني
سليم بتوهان:ياسيدي ياسيدي يخربيت حلاوتك انتي انامتجوز قمر يا خلق
عشق بخجل :بس ياسليم
سليم :تصدقي اني انا اسمي حلو منك اوي
عشق بحب:تب يلا روح خدلك شور وانا هطلعلك هدوم
سليم:حمامه بس براحه وانتي بتتحركي عشان سليم الصغير
عشق:تصدق اني مش مصدقه اني في بطني حته منك
سليم بفرحه:والله ولا انا مصدق ان هكون بابا
عشق:ربنا يجيبه بسلامه يلا ادخل خد شاور
سليم :حاضر.... وميل باسها من خدها وراح الحمام
عشق بحب:مجنون بس بعشقه.
. وفجأه الباب خبط فلبست اسدال وراحت تفتح وكانت سعيده وشايله صينيه الاكل
عشق :انتي شايله الصينيه بنفسك ياسعيده ... واخدت منها الصينية حطتها جوا ورجعتلها تاني
سعيده بحب:ومالو يا هانم
عشق :كنتي بعتيها مع اي حد انما انتي تطلعي كل دا ليه
سعيده:اتعودت يا ست هانم ولا يهمك
عشق بحنيه:اولا بلاش هانم دي انا اسمي عشق وانا زي بنتك
ثانيا معتيش تشتالي حاجه وتطلعي بيها فوق ابقي خلي حد يشتالها تمام
سعيده:العين متعلاش عن الحاجب يابتي
عشق:انا قولتلك إيه اسمي عشق يا سوسو
سعيده بحب:حاضر ياعشق يابتي ربنا يجبر بخاطرك ويقومك بسلامه يارب يا حبيبتي
عشق :يارب ياسوسو ويخليكي..
وبعدين سعيدة نزلت وعشق دخلت وقلعت الاسدال وطلعت
هدوم لسليم وشغلت التكيف علي الدافي وراحت خبطت عليه
عشق:سليم
سليم:ها عاوزه ايه ياعشقي
عشق:اطلع يلا هتبوش كدا
سليم بضحك:هبوش ليه انا صابونه يابت
عشق بضحك:يلا ياسليم انتا خلصت الميه الي في البلد
سليم وهوا بيفتح الباب ولافف فوطه علي خصره:ياراجل
عشق بخوف:استنا متتحركش
سليم برفعه حاحب:ليه في ايه.. وعشق جريت جابت فوطه
وقعدت تنشف شعره
عشق:استنا متطلعش البس هنا انا هجبلك الهدوم
سليم:هوا في ايه انا عاوز اطلع
عشق:لاء اما تلبس عشان متخدش برد بتمطر برا... وجابت الهدوم وهوا لبس وطلع
سليم:الله دا الاكل جه دا انا بقالي كتير علي كدا
عشق :اه دا انتا بقالك قرن
سليم :دا انا مكملتش ربع ساعه ههههه
وبعدين قعد ياكلو وبعدين نامو.......
@@@@@@@@@@@@@@@@@@@@@
عند منار
منار:انا امي اتحبست بسبب عشق انا عاوزه اخلص عليه
محمد بغضب:والله يا بت انتي لو فكرتي تمسيها لقتلك
منار بغل:هوا في ايه انتو مالكو كلكم بتحبوها كدا ليه
محمد بجنون:عشق دي بتاعتي انا وبس الي هاخدها فاهمه
منار:المهم انا عاوزه ابعدها عن هنا وخلاص
محمد:انا هقولك نعمل ايه................ هنعرف بعدين
منار برعب:لالا مستحيل دا سليم يقتلني فيها
محمد:جمدي قلبك كدا وبعد بكرا هنفذ ... وقفل
منار بخوف:انا لو عملت كدا سليم مش هيسمي عليا بس ممكن تصيب وابعد عشق عنه
وقعدت تفكر لحد ما نامت.. @@@@@@@@@@@@@@@@@@@@@@
عند روح كانت قاعده في اوضتها جعانه جدا وراحه جايه بتفكر هتجيب اكل منين
روح بجوع:انا هموت من الجوع بس اخاف انزل احسن حد يقفشني شكلي هيبقا معفن مش مشكله الساعه 12 انا هنزل والي يحصل يحصل
.........وبالفعل لبست اسدال ونزلت
تحت في المطبخ كان فاضي ومفيش اي حد دخلت روح وهيا بتسحب زي الحرامي واتجهت للتلاجه
روح بخوف:استرها معايا يارب انا غلبانه وجعانه
وفتحت التلاجه ولقت اكل كتير جدا وكانت حاطه دماغها في التلاجه بطريقه مضحكه وفجأة لقت حد عامل بإيده زي مسدس وحاطه علي دماغها وكان ريان.
ريان :انتا مين وبتعمل ايه هنا انطق.. وروح لفت وهيا في ايدها علبت النوتيلا وبوقها معكعك زي الأطفال واترعبت
روح برعب:انا روح
ريان بصلها بصدمه من منظرها وانفجر في الضحك
روح بغيظ: انتا بتضحك علي ايه
ريان بضحك:انتي الي بتعملي ايه هنا دلوقتي
روح بخجل:انا انا اسفه والله بس كنت جعانه اوي انا همشي
عن اذنك... وكانت هتمشي ريان مسك ايدها
ريان :استني انا كمان جعان اوي ونزلت من الجوع
روح:تب وانا اعمل ايه
ريان برفعه حاجب :تعملي اكل مثلا
روح:انا اعمل اكل
ريان:ايه مبتعرفيش ولا ايه
روح بغباء:لا لا بعرف بس اعمل اكل ليك لوحدك
ريان:انتي عبيطه يابت اعملي لينا ناكل سوا
روح بفرحه :بجد يلا تاكل ايه
ريان بإبتسامه علي طفولتها :اي حاجه بس روح اغسلي بوقك الاول
روح:مالو بقي ... قرب منها ريان فجأه وهي اتوترت جدا وحط صباعه علي شفتيها وهي قلبها بيدق جامد وراها الشيكولاتة
ريان :اهي الي علي بوقك
روح بتوتر :اه اه ثواني.
. وطلعت تجري وهوا ضحك عليها
ريان في نفسه:انا مش عارف انا متعلق بيكي. كدا ليه ياروح
وبعد شويه رجعت وهيا متحمسه جدا
روح:ها اعملك ايه يا عم الظبوطه
ريان بهمس:اي حاجه يا قلب الظبوطه ... اي حاجه
روح:ايه رايك نعمل مكرونه وبانيه
ريان:حلو دا يلا... وبدأو يعملو اكل سوا وكانو مبسوطين جدا
وبعد شويه خلصو وروح غرفت وحطت الاكل وبدأو ياكلو
روح:اي رايك في اكلي بقا يا ظبوطه
ريان بحب:تحفه والله تحفه تسلم ايدي والله
روح بغيظ:نعم ايدك انا الي عامله
ريان:وحيات خالتك انا الي عامل الاكل
روح:انتا عامل شويه يعني
ريان :تب كولي وبطلي لماضه
... وبلفعل اكلو واتكلمو وهزرو وكل واحد دخل اوضته وهوا بيفكر في التاني
@@@@@@@@@@@@@@@@@@@@@@
تاني يوم الصبح بيكون الكل متجمع علي الفطار
مجدي:انتي كويسه يا عشق يابتي
عشق:الحمدلله يا جدو انا كويسه
صفيه:الف مبروك يابتي علي الحمل.
عشق بحب:الله يبارك فيكي يا حبيبتي
.. ومنار اتصدمت
منار بصدمه:انتي حامل
عشق:اه حامل في حاجه مفيش مبروك
منار بتوتر وكره:اه اه الف مبروك
عشق:الله يبارك فيكي
ريحانه:انا كمان حامل في شهرين علي فكره
عشق :بجد الف مبروك ياحبيبتي
سليم:بجد انتي حامل الف مبروك ليكي انتي وكريم
كريم:الله يبارك فيك
عشق:مبروك يا حبيبتي فرحتلك جدا
... وفجأه دخل الظابط والي اسمه عمرو وصاحب سليم
عمرو:السلام عليكم
سليم :وعليكم السلام خير يا عمرو
عمرو:اناجيت ابلغكم ان الجثه اتشرحت وعاوزينكم تستلموها
عشق:تمام انا هستلمها وهاخدها مصر
مجدي:ليه يابتي متخليه اهنه
عشق:لاء انا هدفنو هناك جمب ليله هيا الي طلبته
سليم:طلبته ازاي
عشق:حلمت بيها قالتلي هاتيه عندي
سليم:الي انتي عاوزه يا عشق
.. تمام يا عمرو احنا هناخده كمان شويه جهزلي تصريح الدفن والاوراق الازمه
عمرو:تحت امرك ياسليم عن اذنك
عشق:شكرا يا سليم انك واقف جمبي بجد
سليم:عيب عليكي يا عشق انتي مراتي وحبيبتي.. وحضنها
رامي بمرح:يسطا عيب احنا قعدين بردو... وعشق اتكسفت
سليم:اخرس يالا بدل ما اقوملك
رامي:لا وعلي ايه الطيب أحسن
تاليا:يا جبان
رامي بغيظ:انا مش جبان انا بس الي ساكتله عشان اخويا الكبير وكدا
سليم:وحيات امك بلاش اقوملك.. والكل ضحك الا منار الي كانت هتولع
عشق:يلا ياسليم عشان انا هروح القاهره
سليم:يلا يا حبيبتي..
@@@@@@@@@@@@@@@@@@@@@
وبالفعل طلعو واتجهو للقاهره ووراهم عربيه شرطه فيها رفعت جثه...... والساعه 2الضهر وصلو وعرفو المقبره بتاعت الرفاعي وعشق شافت اسم ليله وامجد
عشق بدموع:الله يرحمكم انتي فكراني انا دهب ياماما
انا بحبك اوي انتي وحشتيني
سليم:اهدي يا عشق هما في مكان احسن.. وحضنها وهيا بتعيط جامد..
وبعد وقت رفعت اتدفن مع امجد وليله
عشق:خلي بالك منه وسامحيه هوا طيب بس شيطانه الي ضحك عليه يا ماما.. الله يرحمكم
ومشيت هيا وسليم متجه لشركه الرفاعي
سليم:بلاش يا عشق وتعالي نرتاح وبكرا نروح
عشق بغضب:لا انا هروح دلوقتي حمدي. دا هوا الي حكتله ورماني في المطر ومفكرش يعبرني
سليم بغضب:هوا دا والله لاوريه
عشق:استنا بس لما نروح ونشوف ايه ال هيحصل يا حبيبي
@@@@@@@@@@@@@@@@@@
... وبالفعل وصلو ودخلو الشركه ووراهم حرس ودخلو علي طول من غير اذن
عشق:حمدي جوا
السكرتيره:ايوا يا فندم مستر حمدي جوا اقوله مين
عشق:لا انا الي هقوله.. ودخلت تحت صراخ السكرتيره
حمدي بغضب:انتو مين وازاي تتدخلو كدا
سليم:حط لسانك في بقك واسكت. وقعد علي الكرسي
حمدي:انتو مين اطلعو برا شركتي حالا
سليم:انا سليم القناوي
حمدي بصدمه :اهلا اهلا يا سليم بيه اتفضل
اطلعي برا واقفلي الباب .. وبالفعل السكرتيره طلعت وقفلت الباب.. وعشق قربت من حمدي
عشق بغضب:قوم من علي الكرسي دا
حمدي:انتي مين واقوم ليه إنشاء الله دي شركتي ودا كرسي رئيس مجلس الإدارة بتاعي
عشق :لا كان بتاعك انما دلوقتي ملك واحده تانيه
حمدي:ملك مين
عشق:ملك دهب رفعت الرفاعي
حمدي بصدمه:بس دهب ماتت من زمان
عشق:مش عيب عليك يا حمدي لما تنسا دهب بردو قوم
وقام حمدي من علي الكرسي وعشق جابت مندلين من قدامها ومسحت الكرسي
عشق:بمسحه من وساختك
حمدي:سليم بيه مين دي
سليم بغضب:دي دهب رفعت الرفاعي صاحبت الشركه
حمدي:ازاي انا صاحب الشركه من الاول
عشق بغضب:اخرس دي شركه أمجد الرفاعي وواخوك الله يرحمه سرقها من ليله وبعدين مسكهالك
حمدي بصدمه:الله يرحمه انتي قتلتيه
عشق:تؤتؤ مش انا دي كريمه
حمدي :كريمه مين وانتي يلا امشي من هنا
عشق:اسمع يا راجل انتا زي الشاطر كدا تاخد بعضك وتمشي برا الشركه فاهم عشان هيا ملكي
حمدي بعصبيه:ملكك ازاي انتا عبيطه
سليم:اخرس عشان مقتلكش هنا
حمدي: وهيا تبقالك ايه إنشاء الله
سليم:مراتي
حمدي: مراتك وانتي اي اسباتك علي الكلام دا
عشق:دا... ورمت نسخه من الورق في وشه وهوا شافهم واتصدم
حمدي :دا تزوير انا مش هسكت
عشق:اعلي ما فخيلك اركبه دا انتا كنت معفن لابسلي بدله الله يرحم ايام الجلبيه المقطعه غور جتك داهيه برا برا
.. وحمدي خرج بغضب وعشق كانت فرحانه جدا
سليم:مبسوطه يا عشق سليم ها
عشق:مبسوطه يا احلي سليم في الدنيا كلها..
. تعالي نعرفهم اني صاحبه الشركه..
وطلعت هيا وسليم
عشق بصوت عالي:اسمعو كلكم انا صاحبه الشركه دي مفهوم
احد الموظفين:تب وحمدي بيه
عشق:مفيش حمدي بيه انا صاحبت الشركه دي وانا معروفه انا عشق الجبالي اكيد سمعتو عني
الموظفين:اكيد يا هانم عارفينك
عشق:شوفو شغلكم والي عاوز يمشي براحته والي عاوز يقعد براحته بردو
نائب المدير:حضرتك في مشاكل كتير في الشركه واحنا هنفلس قريب
عشق بثقه:متقلقوش انا قدها وهكبرها وهحل كل حاجه قريباً
بس همشي دلوقتي وهاجي تاني
الجميع:تمام يا هانم
عشق:عاوزه حضرتك تبعتلي كل مايخص الشغل والصفقات كلها عن اذنكم..
نائب المدير:تمام ياهانم
@@@@@@@@@@@@@@@@@@@@@ ومشيت هيا وسليم وراحو فله الرفاعي الي ساكن فيها حمدي ومراته سهام وبنته كارما وابنه وحيد
ووصلو والحرس وقفهم من الدخول
احد الحرس:انتو رايحين فين انا معرفش حضرتكم
سليم:افتح احنا الي اشترينا الفله مش صاحبها رفعت الرفاعي بردو
احد الحرس :اه بس اخوه حمدي بيه هوا الي ساكن فيها
عشق:وانا دهب رفعت الرفاعي افتح الباب
احد الحرس :تمام يا هانم...
وفتح البوابه وعشق وسليم دخلو والحرس وراهم بالعربيات
ودخل جوا
سهام بتكبر:انتو مين ودخلتو هنا ازاي.
.. وعشق وسليم راحو قعدو علي الكنبه وعشق حطت رجل علي رجل
عشق: انا صاحبه الفله دي
كارما انبهرت بوسامت وهيبه سليم
سهام بعصبيه:انتي مجنونه دي فله جوزي انتي مين يابتاعه انتي
عشق بغضب:لا يروح امك دي فله أمجد الرفاعي الله يرحمه وبعديه كانت ليله بنته وبعدين رفعت سرقها منها وكان مسكنكو فيها مش اكتر
كارما بغرور:احترمي نفسك يابت انتي
عشق:اخرسي يابت عشان ما اوركيش الي عمرك ماشوفتيه
سهام بتوتر:وانتي عاوزه ايه ومين انتي
عشق :انا دهب رفعت الرفاعي
سهام بصدمه:انتي مين مش انتي متي ورا امك يابت
عشق :لا ياسهام ماموتش ورا امي الي انتي عارفه أنها مقتوله
كارما:انتي جايه تعملي حوار عشان تتطلعي بقرشين والله انا ما عارفه الراجل المحترم الي معاكي دا ماشي مع نصابه زيك ليه مع انه وسيم وميبصش لأشكالك .
. وسليم كان هيرد بس
عشق بغضب وغيره وقامت اتجهت عندها ومسكتها من شعرها:دا جوزي يابنت الكل*ب فاهمه وانا مش نصابه انا ستك الله يرحم لما كنتو قاعدين في شقه معفنه دلوقتي فله
سهام:سيبي بنتي ابعدي
عشق:لمي بنتك عشان بالله اقتلهالك دلوقتي وانا مش طمعانه في قرشين انا بنت يعقوب الجبالي.
وعندي شركات ياولاد الكل*ب فاهمين ودول ميفرقوش بنسبالي بس عشان دا شقا جدي ومش هسيبه لكلاب زيكم
كارما :تب سيبني بقا يابت انتي شعري وجعني
سليم:سيبيها ياعشق سليم خلاص سيبيها عشان خاطري
عشق:عشان خاطرك بس يا سولم.. وسابت كارما
سهام:وانتي عاوزه ايه دلوقتي يا دهب او عشق
عشق:عاوزه فلتي يلا اطلعو لمو حاجتكم وبرا
كارما بغل:نسيب ايه يامتخلفه انتي كمان
سليم بغضب:لا اسمعي بقا انا ساكتلك من الصبح انما انك توجهي كلمه لمراتي بالله ادفنك هنا يا بت انتي
عشق ببرود:قولت يلا برا بذوق بدل ماتتطلعو بالعنف
سهام:تب استني حتي عمك حمدي يجي من الشركه
عشق بسخريه:ههههه شركه لا متقلقيش معتش شركه بح ياسوسو ههههه طارت
سهام:يعني ايه معتش شركه فهميني
عشق :يعني انا اخدت الشركه والفله والشقه كمان بتاعت
جدي وابويا الي مضالي عليهم بيع وشرا ومتنسوش ان انا بنته وبنت ليله الله يرحمهم وانا الوريثه الوحيده فيلا برا
وفجأة دخل حمدي ووحيد وحمدي اتصدم لما شافها ووحيد انبهر بجمالها وفضل متنح.. وسليم لاحظ وادايق
حمدي بغضب:انتي بتعملي ايه هنا كمان يابت انتي مش خدتي الشركه وارتاحتي عاوزه ايه تاني
عشق:عيب كدا يا حمدي احنا مهما كان اهل بردو
حمدي:جايه بيتي ليه يابت انتي
عشق وسليم بصو لبعض وانفجرو في الضحك ووحيد تاه في ضحكتها وكارما بصه لسليم بإعجاب واستغراب والباقي مصدوم
حمدي:انتو بتضحكو علي ايه انتي وهوا
عشق:بضحك علي خيبتك يا عمي الواطي
كارما:متحترمي نفسك يابت انتي
عشق بنظره مرعبه:في حاجه يا كارما ولا ايه عاوزه حاجه
كارما بخوف:لا قصدي يعني متكلميش بابي كدا
عشق:بابي الله يرحم .. المهم دلوقتي تلمو الهلاهيل بتاعتكم وتطلعو برا
وحيد بخبث:نطلع فين يا انسه معلش
سليم بغيره:هتطلع برا يا روح امك
وحيد :وانا كنت كلمتك يا جدع انتا
سليم:وانا اهوا بقولك برا ولو متعرفنيش اسأل ابوك عليا
حمدي:اهدا يا وحيد دا مبيرحمش المهم يادهب انتي عاوزه ايه دلوقتي
عشق:قولت تخرجو برا فلتي
حمدي:الفله دي ملك رفعت اخويا
عشق:وانا رفعت الي هوا ابويا كتبلي كل أملاكه بإسمي قبل مايموت يا حمدي
وحيد بصدمه:انتي بنت عم رفعت انتي دهب
سليم بغيره:اه عندك اعتراض يالا
وحيد بعصبية :هوا انا كلمتك انتا بتدخل ليه يا بتاع انتا
سليم بغضب:بتاع انا بتاع يا كلب انتا والله لاوريك
عشق برعب وجريت وقفت قدامه :سليم يا حبيبي اهدا عشان خاطر عشق حبيبتك وحياتي عندك ياسليم تهدا
.... ووجهت كلامها لوحيد... ا
خرس ياواد انتا والله لو وقعت تحت ايده ماهيرحمك اخرس ويلا كلكم برا
حمدي:تب اديني مهله وهمشي يرضيكي اترمي في الشارع والمطر يابنتي يعني..
وعشق افتكرت ومسكت ايد سليم
جامد وسليم عارف انها متوتره بس بتبين انها قويه
عشق بسخريه:ههههه تصدق ضحكتني اومال كانت حلوه لما انا حكتلك وقولتلك ساعدني يا عمي قولتلي يلا من هنا ههههه لا يا حمدي برا كلكم والله ربنا كبير اوي ومبيسبش حق حد وفعلا كما تدين تدان..
حمدي:تب اديني مهله يومين حتي
عشق:قولت لاء برا فلتي وما اشوفوش وشكم تاني فاهمين
سهام:بت انتي عماله تبيعي وتشتري فينا كد ليه
عشق:والله يامرات عمي الناقصه انا مش بشتري انا ببيعكم
كارما بغضب:تصدقي انك مهذقه اكيد عشان لا عندك لا بابي ومامي وعيله يتيمه
سليم بغضب جحيمي :بت انتي والله العظيم لولا انك بنت لكونت قتلك هنا و....... قاطعته عشق ببرود
عشق:ههههه والله انا عندي بابا وماما غير الي ماتو واحسن كمان انا بنت يعقوب الجبالي وبنت فريده القناوي من اكبر عائلات مصر والصعيد ومرات سليم القناوي كبير البلد
حمدي بصدمه:انتي بنت يعقوب الجبالي صاحب شركات الجبالي انتي عشق
عشق:اه انا عشق الجبالي صاحبت شركات العشق للمعمار
حمدي:تب لما انتي عشق الجبالي ومرات سليم القناوي دا انتو معاكم مليارات وانتي لوحدك معاكي مليارات طمعانه في الشركه والفله الي حيلتي الي ميجوش سمكه في بحر فلوسكم يابنتي
وحيد:واو يعني فرسه وكمان بيزنس ومن ومعاكي ملايين بجد واو يابنت عمي
سليم بغيره شديده :نعم ياروح امك لا بقا انتا زودها اوي.... واتجه لعنده ونزل فيه ضرب والتاني مقدرش عليه لان سليم اقوي منه 10مرات .
حمدي:سيب ابني قوليلو حاجه
سهام بصراخ:ابعد عن ابني يا جدع انتا.. كل دا وعشق واقفه ساكته
عشق:سليم خلاص عشان خاطري... وسليم ولا كان سامع.... وعشق راحت عنده وبعدتهم وحاولت تشيل سليم
عشق:خلاص ياسليم بقا كفايه يا حبيبي متوسخش ايدك في
عشان خاطري انا وسليم الصغير
... سليم بصلها وقام بالفعل من عليه وعشق حضنته عشان يهدا وهوا حضنها وهدي فعلا وكارما هتولع
(هوا احنا نسيب منار تتطلعي انتي جتك القرف 🙃🙂)
عشق:يلا يا حمدي خد عيالك وامشو يلا انا مش فاضيلكم انا ورايا مشاغل
حمدي:سيبيني يادهب اسبوع بس
عشق:قولت لاء يعني لاء يا حمدي ويالا برا بذوق عشان متتطلعوش بلعافيه
سهام:يعني ايه هنرجع للفقر تاني بعد ما كنت سهام هانم هرجع سهام الفقيره لالا مستحيل
عشق:مش عيب اننا نكون فقرا علي فكره احسن ناس هيا الفقرا مش الاغنياء ياسهام
حمدي:يلا يا سهام اطلعي لمي الهدوم انتي وكارما
كارما:لا يابابا انا مش همشي من هنا
عشق:بقولكم ايه انا احنا مش فاضين لشغل العيال دا ورايا حاجات قد كدا يلا يابت انتي
حمدي بصوت عالي :قولت يلا اطلعو لما الهدوم يلا
وبالفعل سهام وكارما طلعو يلمو الهدوم
حمدي:انتي كدا هتكوني مبسوطه يا دهب
عشق:اكيد يا حمدي مبسوطه اني اخدت حقي منكم كلكم
وحيد بتعب:تب حتي سيبينا يومين ندبر مكان
سليم:عشق تعالي معايا عاوزك... واخدها علي جنب
عشق:ايه في حاجه
سليم:عشق عشان خاطري سيبيهم اسبوع ولا حاجه
عشق:سليم انتا اغلي واحد في حياتي بس هوا رماني في المطر ومعبرنيش حتي لما عرف كل حاجه
سليم:معلش يا حبيبتي انتي احسن منهم واصيله انما هما لاء وبعدين لو مامتك الله يرحمها كانت عايشه مكنتش رضيت بلي انتي هتعمليه
عشق:اعمل الي انتا شايفه صح ياسليم
سليم:ايوا كدا انت عشق نور عيني الطيوبه والحنينه..
وحضنها وهيا حضنته.. وبعدين سليم راح عندهم
سليم بهدوء:اسمع يا حمدي قدامك شهر وتخلي الفله تمام
حمدي بسعاده :تمام ياسليم بيه
سليم :يلا يا عشق يا حبيبتي
عشق :يلا ياحبيبي...
@@@@@@@@@@@@@@@@@@@@@
وبالفعل طلعو برا وركبو العربيه واتجهو للصعيد ... وبعد ساعات وصلو الساعه 2بليل والقصر كله كان نايم وطلعو الجناح علي طول وكل واحد اخد شاور وقعدو علي الكنبه
عشق:انا جعانه اوي ياسليم اوووي
سليم:وانا والله احنا مأكلناش حاجه من الصبح
عشق:بس فات كل الخدم نامو
سليم:عندك حق وهنعمل ايه بقا انا فعلا جعان جدا
عشق:اي رايك انزل اعمل اكل
سليم:بس انتي تعبتي النهارده جدا وانتي ملكيش حركه كتير عشان النونا
عشق:خلاص نطلب اكل ايه رايك
سليم:فعلا تاكلي ايه بقا
عشق :اي حاجه المهم اكل وخلاص
سليم:خلاص هطلب علي زوقي.. وبالفعل طلب اكل وقفل
عشق:صحيح ياسليم انتا ليه خلتني اعطي مهله شهر لحمدي
سليم:عادي اصل مش عندهم مكان وحرام نرميهم كدا وبعدين ربنا قلنا مترضوش الظلم بظلم واحنا عملنا خير يبقا ربنا هيباركلنا صح ياعشقي
عشق بحب:بجد ياسليم انتا اجمل حاجه في حياتي انتا عوض ربنا ليا عن كل حاجه شوفتها
.. وراحت قعدت علي رجله وحضنته وهوا حضنها وابتسم بخبث
سليم بخبث:بقولك ايه متيجي نتسلي كدا عقبال ما الاكل يوصل
عشق:بس ياسليم
سليم:مفيش بس احنا نتسلي
وقام شالها واتجه لسرير وعشق بتضحك ووووووووو
