رواية النصيب الفصل السادس عشر
مي ببكاء حاد: طب انا ذمبي ايه يا عمتو اني فهمت اشارتك غلط ولغبط في الاوض، انا مكانش قصدى والله ومكنتش اعرف انه موجود في البيت وماخترش في بالي اصلا اسألك عنه، طب انا ذمبي ايه يزعقلي كدا، بابا نفسه الله يرحمه عمره مزعقلي كدا، حتى احمد عمره ماعمل معايا كدا، ليه هو بيعاملني بطريقة دى، انا ذمبي ايه
_عندها كان يقف العم احمد ومالبث الا ان صرخ بعلو صوته مناديا عليّ
والد عليّ: عليييييي
عليّ منتفضا ورأسه في الارض: نعم يابوي
والد عليّ: اعتذر من بت عمك
عليّ: هي مش بت عمي
والد عليّ بعصبيه: اسمعت قولتلك ايييه، نفذه وبالحرف ومن غير حديت واااصل
عليّ: انا اسف
والد عليّ: ادخل على اوضتك ومشوفش وشك نهائيا
عليّ: بس يابوي
والد عليّ: بقولك اااادخل
عليّ: حاضر يابوي
_ذهب عليّ وهو يكيد ل مي اكثر من ذي قبل فهو بالنسبة له قد فرقة بينه وبين ابيه وهو لا يرحم من يفرق بينه وبين ابيه ابدا
والد عليّ: تعالي يابنتي تعالي ماتخافيش، فيين الهانم التانية البيت مقلوب وهي ولا هنا
صفاء: هشوفها ياخوي اهو هشوفها
_ذهبت صفاء الى ابنتها لتجدها جالسه في غرفتها وواضعه السماعه في اذنها ونائمه، عندها سحبة والدتها السمعه وصرخت بها
صفاء: البيت كله مقلوب يا هنام وانتي قاعدة تستمتعي اهنيه
رقية بخضه: بسم الله الرحمن الرحيم في ايه يا ماما كنت بسمع قرأن ونمت في حد بيصحي حد بالشكل ده
صفاء بعصبيه: فيه ياختي لما يكون البيت كله مقلوب وانتي نايمه هنااا ولا علي بالك
رقية: في ايه يا ماما قلقتيني
_حكت صفاء كل شيء لإبنتها، ومالبثت رقية ان عرفت بكل شيء حتى ذهبت مسرعة الى مي واحتضنتها
........................
وليد: اتأخرت عليكي
امل: لا عادى كنت بتكلم مع نور
وليد: ماشي، يلا
امل: بسم الله.... مالك زهقانه ليه
وليد: لا مش زهقان
امل: ماهو واضح فعلا على وشك، مالك يا وليد في ايه
وليد: عندى خبر ليكي لسه عارفة حالا من المكتب مش عارف هيعجبك ولا لا، بس الصراحة هو مش عاجبني
امل: طب ايه الخبر طيب
وليد: لسه مسلمني مشروع في الغردقه ولازم اروح انا علشان اخلص الشغل بنفسي، وبكدا هكون بعيد عنك لمدة شهر بحالهم
امل بصدمه يختلطها الحزن: شهر بحالوا!!!!
وليد: اه ولازم اروح مافيش مفر، وكان نفسي اخدك معايا بس بصراحه مش حابب
امل بحزن: لا ماينفعش تاخدني اصلاا علشان لسه فيه حجات كتير هنا لسه مخلصتهاش، ولازم اجهز كل حاجه
وليد بحزن: كان نفسي افضل معاكي الشهر ال قبل الجواز دا يا امل بس الحصل، بس ماتقلقيش هكون على تواصل دايما معاكي ولازم تخلي بالك من نفسك
امل بحزن مع ابتسامة خفيفة: حاضر
....................
رقية بعدما اخدتها الى غرفتها: اهدى يا حبيبتي حقك عليا انا
مي مع عصبية يخطلتها الدموع: دا اصلا كله بسببك انتي
رقية بقلق: بسببي اناا!!! طب ليه انا عملت ايه؟!
مي: عمالي فيها الصعيدية وانتي لهلوبه في الكلام المصري ال ذينا اهو، لا وكمان برفيكت في الكلام بالغه العربية الفصحة، اوعي كدا يارتني ما جتلك يا ستي كان زماني قاعدة في بيتي معززه مكرمه، لا كان انشخط فيا ولا كان حد زعقلي
رقية وقد فهمت ما تقوله مي: قصدك ايه من دا كله خش فاهمه
مي وهي ترفع اصبعها في وجه رقية: شوفي يا حاجه باكينام انتي تمثيل عليا لااا انت فاهم اني بقيت عارفه كل حاجه فمتلفش وتدور احسنلك يا ماما
رقية بإبتسامه: احم احم قصدك ايه ياعني، انا عملت حاجه ياست انتي
مي: لا بقا انتي ناوية اخنقك مش كفاايه الحصلي من اخوكي يااختي
رقية بضحك: خلاص خلاص انا اسفه
مي: ايوة اتعدلي كدا احسنلك
رقية: حاضر
مي بغمزة: قوليلي بقا بقيت بتتقني الكتابة بالغه الفصحى دى كدا اذاي
رقية: اي لغه
مي: اللغه البتكتبي بيها ل احمد اخويا بلاش تمثيل ياض، دا انت مكشوف اصلا، هبله مبتعرفيش تخبي نفسك اصلا
رقية: ليه هو احمد عرفني
مي: هههه لا يا قطه لسه معرفش
رقية وقد سندت ظهرها لسرير: خلاص يبقا لسه في الامان ولسه ماتقفشتش
مي: ههههههه يخربيت جرئتك يا رقيه بت انتي هبلة، انتي متأكدة انك جايه من الصعيد يابت انتي، مش خايفه لاخوكي الاهبل دا يعرف انك بتعاكسي ابن عمك يقوم جاي طاخك وخلصان منك
رقية: ههههههه طخك وخلصان منك كماااان، لا دا انتي عندك اصول الصعايدة صحيح، لا يا قلبي اولا انا معملتش حاجه غلط علشان اخاف، انا شوفت واحد ضايع محتاج مساعدة، محتاج حد يرشدة، محتاج ال يخليه يضحك، انا معرفش اذاي جاتلي الجرأة اني ارميله الورقة دى في الفجر، بس لما شوفت علمات الحزن والالم علي وشه حسيت بغصه كبيرة في قلبي كنت واقفة في البلكونة وشيفاه وهو رايح يصلي وهو راجع حسيت اني لازم ارشده واقف جمبه بأي حاجه وملقتش غير وانا بزقل الورقة دى وبستخبى ليشوفني، انا اصلاا انتفضت من نفسي لما لقيت نفسي زقلت الورقة كدا انا انصدمت من نفسي اصلا، وبعدين لما صحيت لقيته لسه نايم كان ذي الملاك وهو نايم تحسي انه دخل قلبي خلاص ومش هيطلع منه تاني هههه وهو نايم ابتسم ابتسامة خفيف كدا خطفت قلبي الابتسامة دى حسيت اني قد وقعت في الفخ فعلا هههه وقتها رميتله الرسالة دى، ولما كنتي معايا معرفش ايه الهبل ال انا وصلتله دا لدرجة اني اخد رقمه من عندك بعد ما اخدت الرقم اتهبلت في مخي وبعتله رساله بعد ما بعدتهاله حسيت اني فوقت وفضلت اقول ايه ال انا هببته دا، طب ايه الهيحصل دلوقتى لو كشفني كنت في قمة صدمتي وفضلت ادعي كتير اني ما تكشفش واني مش هبعتله حاجة تانية وفضلت اقرأ قرأن كتييير اوي لدرجة اني حطيت السمعات في ودني ونمت عليها. بصي انتي ممكن تستغربي من كلامي دا بس انا فعلا مش عارفه ايه الهبل ال انا عملته دا
مي مع ابتسامة كلها حب: انتي حبيتي احمد يا رقيه؟
رقية بسرعة: لا لا لا دا ابن عمي انا حبتش حد استهدى بالله انا بس يمكن يكون صعب عليا مش اكتر
مي: اااااه انتي هتقوليلي هههههه، انا بقول اقوم احسن علشان العشاء اذنت واحمد عمال يرن وهيتجنن
رقية: مي
مي: نعم يا حبيبتي
رقية: متقوليش ل احمد اي حاجه الله يخليكي
مي وقد ضربتها علي راسها: يا هبلة لو كنت هقوله كنت قولتله من اول ما وراني الرقم، بس لازم تعرفي ان هيجيلك يوم وتتكشف يسطا
.....................
*بعد العشاء
احمد: والله ونورتي بيتك حضرتك، من قبل المغرب وانتي برة لا وكمان اتصل عليكي تكنسلي عليا، ايه دا بقا ان شاءالله
مي محاوله اخفاء ضحكتها: ليه كنت مستنيني في حاجة ولا ايه
احمد: مي ماتخلنيش اتعصب كنتي فين كل دا
مي: كنت عند عمو احمد عندك مانع
احمد: عمو احمد تاني!!! رجعنا لنفس الموضوع ولا ايه
مي: لا كان فيه موضوع كدا بس عاوزة اتكلم فيه مع رقية بس كدا
احمد: انتو بقيتوا اصحاب بسرعة دى
مي بضحكه: لا اصحاب وحبايب كمان ، عن اذن حضرتك هروح اغير
احمد: هو ايه البيحصل انا مش فاهم حاجه، بسرعة دى بقو حبايب، في إن في الموضوع انا متأكد
مي: بعدين هتفهم بعدييين ههههههه
*يوجد أُناس بأقل كلمه قلبهم يلين و الابتسامه تعود الى وجههم بسرعة وينسوا ما يحزنهم، هؤلاء ليسوا مجانين بل هؤلاء يمتلكون قلباً من دهب، فمن لديه هذا الشخص فليحافظ عليه، ولا تستغربول عندما يأتي اليكم في اليوم التالي بإبتسامة صافيه منهم، لانهم حقا لا يكذبون ولا يخدعون، هم فقط قد. نسوا كل ما حصل في ليلة امس ولا يتذكرون سوا مواقفكم الحلوة معهم، فحافظوا عليهم ❤*
