رواية ساقي الود الفصل السادس عشر بقلم هاله ال هاشم
.
يا سيّدي الساقي
دع الأموات موتى
لا تحرّك ساكنَ الأوجاع
واتركني أدندن أيّ شيءٍ
ريثما يأتي الصباح
بس سمع بأسم خنجر ، تسلّطت على شفايفه ابتسامة شر ، مثل واحد يگول يا اهلاً بالمشاكل ، طلع يرعد من باب المطبخ ، صحت وراه غياث اوكف !
2 ت
ما رَدّ عليه ، ركضت زينب وراه تريد تفهم السالفة
و الحمدلله صار بوجهه مهران توه جاي من المضيف جان ماخذ مكان الشيخ لان الاخير مسافر يحل طلابه لكرايبه ،قطع طريقه وتساءل بعد ما شاف حالته الموطبيعيه :
7 ت
مهران :: خير عمي شبلاك تتراجف صاير شي ؟
1 ت
غياث :: خييير ،، خيير بس ميل عن دربي
1 ت
-راد يطلع لزمـه و نطاه نظرة تَحذير و كأن بينهم لُغة ثانية احنا ما نعرفـه ، حجـه وياه بخفوت :
7
مهران :: امش ليجوه انتفاهم ، منا الوادم ، بعده المضيف مليان
1 ت
شال راسـه مهران بإتجاه مصدر الصوت و عيونـه تباوع بأَستغراب ، شافها و رأساً شاح بنظرة بعيد اخذ غياث و طلعوا برا .
45 ت
التفتت كفايـة لزينب و تساءلت بحنق :
1 ت
كفاية :: هسه غير نفتهم شصاير ؟
1
-ابتسمت زينب بلطف الها و جرتها للهول :
1 ت
زينب :: هااه ، شصاير يبعد هلي ، شو تعاي گعدي هنايه خن اسويلج ستكين چاي
5
كفاية :: يا خالة ، الوكت فات لازم اردن لهلي ، هسه غير اعرف اخوج شبلاه انگلب طنيطل علينا
9 ت
-آني اباوعلهن و عقلي يم البدويـة و المرضى الي راح ياكلوها معدل اليوم ، شلون ياربي
4 ت
راحت زينب للمطبخ ، شاورتني كفاية تتساءل :
1 ت
-ششش اسكتي رحمة لوالديج لايسمعونا بلا كل شي اطرافي جمدن و لا بيه ارمش من الخوف
1 ت
كفاية :: هو رجلج شماله شايل على خنيجر چن چاتل امه
2 ت
-مو سولفتلج ، يمكن لان ساعدني و شردني بذاك اليوم
2 ت
لوت شفايفها بسخريـة :
كفاية :: چـا شيريد اعوفچ الهم والله لو كاضج بيومها چان حط براسج چيلة هذا المسودن
4 ت
تنهدت بحزن :
-ياريت سواها و خلصت ، هسه اني شفرقي عن الميتين
1 ت
لمعن عيونها بقهر ، همست وهي تحتضن چف ايديه:
كفاية :: الله يبرد گلبج ، لا تخليهم يهيسون بيچ شي ، تصرفي طبيعي چن كلشي مصاير
4 ت
-اومأت راسي بس اعصابي ترجف ، لحظات و دخلوا غياث
و مهران ، باوعلي وصاح بلهجة امر
1
غياث :: كومي صعدي لحجرتج
4 ت
باوعت لكفاية بتوسل ، مثل واحد يگول انقذني
2 ت
انتفضت من مكانها و وكفت :
1 ت
كفاية :: خويـه شني السالفة ، اخافن مصدك هاي فصلية
و خلصت بعد لانشوفها ً و لا تشوفنا ؟
3 ت
غَياث :: حاشى ما كصدت هيج ، بس حرمتي ما تصعد وي زلمة غريب ، تريد تشوفكم حنا نجيبها الكم
كفاية :: خنيجر مو غريب ، هذا ربيبنا و حسبة اخيها
-باوعلها بحنق الا شويـه يخنكها ، اجه صوت مهران بوقار حتى يخصم الموضوع :
1 ت
مهران :: الله بالخير خويـه
10 ت
-احمرنّ خدودها وردت بأستيحاء :
13 ت
كفاية :: الله بالخير و العافية
1 ت
مهران :: اول شي السموحة منچ ، و اتمنى تعذرينا عن الصار عبن استقبالنه الج موش گد المكام و هاي اول دشه علينا
6 ت
-همست بنبرة خافتـه :
1 ت
كفاية :: لا يظل بخاطرك خويـة ، حنا اهل و غياث رجل بتنا
و حسبة وليدنا
4 ت
مهران :: الله يعزج خيتي ، و مدام تصافت الگلوب وحنا اهل مثل ما تكولين ، اسمحيلي اكلج تصرفج يمن ردتي تاخذين بنية اخوج و تطلعين بلا شور زلمتها غلط
5
شالت راسها و عينها جدحت بغضب مكتوم :
كفاية :: انه ما ممكن اطلعها من بيت زلمتها بدون شوره ، بس الله يسلمه خذانا حاصل فاصل نريد نفهمه نكلّه ماكو
8 ت
غياث :: شتفهميني ، اذا دخلت لگيتها مزهبه رويحتها و حاكله جنطتها و تريد تتوكل ، ما كلفت خاطرها تشيل تلفون و تگلي .
3
دار وجهه الي و بأصبع تهديد صاح :
1 ت
غياث ::وعليه ، هساع تكومين تصعدين لحجرتج و ترجعين هدومج لمچانهن ، ضايجة و محتصرة تريدين تسيرين لهلج انه اوديچ ، مريضة و مالج خلك بايدي اخذج للدكتور ، انه ما عندي حرمة تروح و تجي ويه الحراس
4
مهران :: خيتي انتِ بنت هاي الكاع و تعرفين زلامنا نص وزنهم غَيرة ، انه ما اشوفن ابنا غلط بشي لو طلب شي مو من حكه ، هذه حرمته و المرة السنعة تماشي زلمتها و ما تخرج عن شوره ، و ان شفتي تصرفه وياج بي نوع من الهجومية ،سامحيه
وعذريه يجوز خانه التعبير غصب عنه.
7 ت
غياث :: خويه ، انه جاي احجي وياها هي ، انه مالي حك احجي وياج اي چلمة زايده و لو بدر مني تصرف ما خوش عن غير قصد سامحيني و عذريني بس مرتي ما تطلع من هذا الباب هذا آخر كلام عندي ،
1 ت
-باوعت لكفاية بقلّة حيلة و جاوبتني بنفس النظرة الظاهر الجماعة قافلين و صارت شغلت عناد ، كامت وكفت تعدل بعبايتها و صاحت بأمتعاض :
3 ت
كفاية :: دام الحجي هَيج انه ارفع الزحمة
1 ت
مهران :: افااا ، اول دشتج علينا و وكت عشا و طلعين ما مرجية منچ يا بنت الاجاويد ،
3 ت
باوعتلـه و تكلمت بنوع من السُخرية
1 ت
كفاية :: عشاكم وصل و حنا اهل ما بينا هاي السوالف،
2
-وكفت امام غَياث و حجت بثبات :
1 ت
كفاية :: عينك منها خويـه هاي بزر عز و دلال موش حمل قهر
ومصايب ،
1 ت
-دگ صدره و رد بعزم :
1
غياث :: ابشري خويـه ، بعيوني و لا يظل ابالج و اذا عالجية حسبة يومين و اجيبنها تسير عليكم .
4 ت
-بوستني وطلعت ، و زينب طلعت وياها ، اما آني بقيت مصدومة ، عيوني انترسن دمع ، ادركت بهذهِ اللحظة اني مالي حق على نفسي و العشته قبل من انفتاح و حرية و تهور صار بفعل كان ، هسه ادركت شنو معنى اني ارتبطت برجال عشائري بمنطقة عشائرية تحكمها العادات و التقاليد ، لا مجال للهروب و الخلاص و لاحتى اتخاذ قرار حاسم لو وكعت بمأزق لان اكو من ينوب عني بقراراتي ،
10 ت
نبهني صوت مهران :
مهران :: تعال حاجيني شنهي هذا تصرفك ، تريد تهد عالزلمة شني بويـه ؟ تهرفلت تالي وكت ، تريد الناس تاكل وجوهنا علبو بيت ابو جابر يهدون على ضيوفهم ؟
3 ت
غَياث :: و ليرحم والديك عمي ، عوفني ترا واصلـه لهنا كلشش مالي خلك
2 ت
مهران :: هو شني عيفني ، غير افتهم شكو بينك و بين الزلمة و تريد تهد عليه ، فشلتنا جدام المرة تتراجف عليهم ، فهمني السالفة
غياث :: السالفة و ما بيها انه ما اواطن هذا الزلمة ، و لا اريده يعتب خطوة لحوشنا و نوبة لخ اذا سواها اترس حلكه فشك لو مو انت توكف جدامي
4 ت
- صفك ايده بحيرة مهران ، مجاي يفهم منـه شيء ، باوعتله بأسف ترخصت من مهران و صعدت لغرفتي ،
شمرت الجنطة و نزعت صايتي ، اعصابي اشتعلت نار منا سالفة البدوية ومنا تصرفاته گدام كفاية ، شويـه و دفع الباب عليه ودخل ، صحت بوجهه بلا شعور :
شنوو هذا السويتـه استاذ ؟
عيونـه صارن بكصتـه ، تقدم و جذب ايدي اجـه يخلعها
غياث :: احجي عدل لچ ، نوبـه لخ اذا تعلين حسّج هَيج انهيج للابد
باوعتلـه چان مو هو كل شي بي مستنفر و مستعد لكارثـه ، تكلمت بنبرة خافتـه :
- اريد اروح لاهلي ، گتلك منرهم ، گتلك اختنكت هنا شلون افهمك يا رجال بعدين شعندك ويـه خنجر ، معقولـة تشك....
صم حلگي بأيده قبل لا أَكمل الجملة :
غياث :: لسانچ اكصنه اذا حجيتيها بعد ، موش غَياث اليشك بعرضه !
-وَخرت وجهي بعيد و اطلقت حُرية دموعي ،
بس تصرفاتك تثبت العكس ، و كلامك بأول ليلة ..
قاطعني
غياث :: كلام بساعة شيطان ، چنت معمي رغم اعرفن انتِ شني ، چنت اريدن حجـة بلچن اكرهج و من اذكر شلون شالچ چدام عيوني أشتعل و اتمنى أچتله لو أَچتل روحي بلچن انسى السالفه .
4 ت
رجفن شفايفي و رحت ادافع بكل ضراوة :
- تفكيرك غلط ، آني لوما عمتي حشمت خنجر يلحكني جان صرت بعداد الاموات و حتى لو رصاصاتك ما گتلني هم چان خسرت سمعتي ، خنجر اخ شالته الغيره على اخته و انقذ حياتي و سمعتي ، خليها ببالك اني راح اظل شايلتله هذا الفضل للموت ،
3 ت
باوعلي بنظرة ما عرفت افسّرها ، ندم او غيرة او يمكن ضياع ، همس بحزن مكتوم :
غياث :: ليش انتِ ، ليش انتِ ليش عشكتج رغم ما بيني و بينج كل هاي الاختلافات ،
چتفت ايديـه و بسخرية رديت:
- يكولون المصائر تورث و يمكن انتَ ورثت لعنـة ابوك
غياث :: و أنت مطربـة على عذابي ، ترتاحين من تشوفيني اتگلى بس المهم كبرياءج يفوز ؟
-باوعتله بضياع ما اعرف شأريد و شأرد عليه ؟
غياث :: بعمرج ما رح تفهمين شعوري و لا ربع من العذاب الجاي اعيشه ،
كال و طلع من الغرفة ، كعدت لازمـة راسي احسه راح ينفجر، حايرة افكر بكلامه لو افكر بالبدويـة و الدگه السويتها ، شلون راح انزل و آني المخاوف و القلق استحوذن على ملامح وجهي ،
رجعت ملابسي للكنتور و بداخلي شعور طفيف بالرضا بأني ما رحت ويه كفاية و بقيت يمه ، و من اتذكر شلون اتمسّك بيه
و ما رضى يخليني ارجع وياهم افرح و احس بفراشات ترفرف بمعدتي ، اعترف الطريقة الي يحبني بيها تغذي نرجسيتي مو شلون ماكان ، بس المشكلة اني هم گمت احبه و اريد اعرفـه بعد و احبه اكثر و ارجع اتذكر طريقنا المسدود و اندم على مشاعري ،
8 ت
نزلت جوه و ضربات قلبي تقرأ الف ، زينب دتسوي العشا
و يمها سمره دخلت اعاونهن ، صاحت بتوبيخ :
زينب :: ليش نزلتي ، موش متخربطة و ضغطج صاعد روحي ارتاحي
- لا صرت زينة ، خليني اساعدكم بشي
سمرة :: ما تسويلج حل لسالفة الضغط ، يوميا طاك خشمج دم و طايحة علينا ، مگرود يلي ابالي
3 ت
زينب :: صخونـه التصخنج اي والله
زينب :: لا على ابوي ، طبعاً عليچ بله هذا حجي تكولينه ، جايه تعايريها بمرض مالها دخل بي ؟
1
صحت احاول انهي الموضوع :
- عوفيها زينب ، اختج زعلها مر ، خل اشوف لشوكت اتحملها لان اذا انفجرت اخرب و الله يستر من الخراب الاسويه
3 ت
اتقربت مني و بنظرات لاهبة حجت :
سمره :: شنهي قصدج ، احجي بوضوح خاطر اردن عليچ عدل يالحضريـة !
7 ت
- بلا شعور مني لكيتني اجذبها من شعرها و أنصي راسها بمستوى طولي و أَهمس يم اذانها :
عبالچ من تكليلي حضرية تهينيني ، اشو اريد أَعلمج الحضرية شتسووي
7 ت
أَجت زينب فكتها من ايدي و رزلتنا ثنينا ،
زينب :: بسچن عاد ، شني السالفة ولچن حتى حرب الضراير هم هودت و انتن ما هودتن
-ما تگولين لهاي الرعنـة بطيئة الاستيعاب كارهتني بلا سبب
سمرة :: چبي يالبرعـة ، و علي الا اعلمنج على هاي الملشة
3 ت
زينب :: لا والغسل اليغسلچن ثنينچن يالخوثات ، ظلن هنا
و آنه رايحه انادي على غياث يشوف شغلة وياچن
سمره :: اكفي انت اللخ مسوية حزب وياها ، انه رايحة لحجرة أَمي بس حسابنا ما خلص
زينب ضمت ابتسامتها و اني هزيت ايدي ، اخر وكت سمره تريد تحاسبني ،
صبينا العشا و كلنا التمينا ، عدا الشيخ الي جان وجودة ينطي راحة للكعدة ، كاعد بمكانه مهران ، و احنا متوزعين داير مداير السفرة ، غياث ابد ما باوعلي و حتى من يريد يطلب شي يصيح لسمرة تناوشه ، تعشوا مثل كل يوم لولا البدويـة فجرت الخبر المهم و الحصري :
2 ت
البدويـة :: امس بيت حجي مالك حاجين بأحلام يردونها لمالك
مهران :: اي خوش ، مالك زلمة معدل و شاغول و اهله نعرفهم عشرة عمر
2 ت
انعفس وجهها و تبادلت النظرات ويه سمره خاطبت غياث الي ملتهي يكسر خبز و يغمس :
البدوية :: و انتَ يمه شتگول ؟
2
شال راسـه و رد بنبرة باردة :
غياث :: و آنه شكو ، عدها أب و اخو هم اليكولون
1 ت
البدوية :: بس انت ابن عمها !
غياث :: و أواب هم عمها
2 ت
- باوعت اله و لسمره احاول اغالط نفسي و أسوي روحي مفهمت قصدها ، صاحت بأنزعاج :
البدويـة :: اواب اصغر منها شمالك ؟
غياث :: و آنه زلمة متزوج
2 ت
البدوية :: بس من زمان حجزتها الك و أَنت تعرف
غياث :: و آنه من زمان گتلج احسبها حسبة أَخيتي و ارجع
و أكلج انه متزوج
7 ت
- لوت شفايفها بسخرية و تمتمت بخفوت :
البدويـة :: ااايـه يو هيچ الزواج يو ماكو !
مهران :: عاليييية !! ،، شسالفتج يخوي
6 ت
- باوعلها غياث بعيون تتجادح ، ذب خاشوكته و نهض تارك عشاه ، كلها صاحت وراه بس رد ، بقيت گاعدة كدامهم غركانـه بين فشلانه و بين مغتاضه منها و اريد افترسها ، ردت أَكوم استوقفني صوتها :
-دنك راسـه مهران مُحرج و حمدت الله و شكرته الولد اواب و هارون ما موجودين ، جان شلون لميت فشلتي و قهرتي ما اعرف ، كملوا عشاهم و بسرعة بسرعة لملمنا السفرة و كفينا المطبخ ، زينب تباوعلي بنظرات شفقة و سمره بعد ما حاجتني يمكن لاحظت رجفتني و أَحتقان وجهي
اقتربت مني زينب و شاورتني :
زينب :: على هونج حبيبة ، راح تطكين و أَنت ضغطج مازين ، البدوية صارلها سنين تلح بهاي السالفة و اخوي ما معبرها خو انتِ تدرين
3 ت
-شمرت الجلافة بقوة و انداريت الها :
قبل شي و هسه شي ثاني ، قبل اخوج اعزب و هسه متزوج عيب عليها تسوي هالسوالف
1 ت
زينب :: أَعصابج خية ، اهيس بعد شويه و تطكيني
2 ت
- لا بس بنفسي اروح اسحلها من كفشتها
زينب :: ششش كصري حسّج ، شني هاي وكاحتج يا مرة
- اوووف ، شفتيها شلون تلمح و تقلل من شأني من اتذكر اتمنى الكاع تنشك و تبلعني ، بعدين هي شدراها بلي يصير بيناتنا و تكلي هيج حسستني نايمة ويانا بنفس الغرفة
1 ت
زينب :: ما يحتاج تنام وياكم ، كلشي مبين و واضح على وجوهكم حبوبه
- شنوو قصدج ست زينب ؟
زينب :: گليلي انتِ خاتون ، اخوي اخذج يو بعده ؟
- فلت وجهي و اشحت بنظري عنها .
1 ت
زينب :: ما يحتاج تتهربين مني ، انه اعرف انتم ما بيناتكم فراش ، ليش حبوبة ؟ ليش مانعته منج شني كصورة شو زلمة كامل مكمل و الف بنية تتمناه.
زينب :: بس شني ؟ شوفي وده لا تسوين روحج ما هامج غياث انه اختج و اشوفن الحب الشايلته بعيونج لمن تتنوعيله
1 ت
- صخن وجهي من كلامها و بقلبي احجي معقولة اني هلكد مفضوحـة ؟
زينب :: هااه شمالج طكيتلج صفنـة ؟
- اتركج من صفناتي هسة ، و كوليلي شسوي ؟
زينب :: ما يرادلها روحة للقاضي ، زلمتج يمج و احلام يم اهلها صيري سنعة و لميه لحضنج قبل لا يمل و يروح لحضن وحده لخ ، و اذا احلام شغلتها مگدور عليها چيف اخوي ما رايدها باچر تجيج وحدة حامض بو*** تاخذه منج
5 ت
- لا ارادياً رديت :
اي حتى احركه و احركها و احرك البدويه عالواهس
8
لوت شفايفها يمنى يسرى وصاحت :
فتت لگيته مستلقي على بطنه بطريقة مستقيمة و مرتفع بمقدار قليل عن الارض مرتكز على ذراعيه و اصابع رجليه ، عكدت حواجبي رحت اخبث عليه ، گعدت گدامـه وحطيت رجل على رجل صحت : شدسوووي ؟
5 ت
وجهه محتقن و يجاهد حتى يثبت بوضعيته ، رفع راسه شافني رأسًا هبط جسمه للارض :
غياث :: احترك عقل الرباج ، خَربتي التمرين !
3 ت
-چتفت ايديه و صحت :
اااي عيني بلانك و حركات
گام على حَيله يباوعلي بنصف عين ، همس :
غياث :: شني لازم ما عاجبج
1 ت
-رحت امازحـه بتلاعب :
لا عيني عاجبني ، بس الظاهر ما تتحمل هواي وقت بالتمرين
غياث :: چنت راح اسجل وقت قياسي بس ذاك الحجل فرهدني !
- عضيت شفايفي مُحرجة و عجزت اضم ابتسامتي ، كحيت
و سألته عود أَغير الموضوع :
شنو راح تسبح ؟
باوعلي بمكر و بنبرة ممازحة رد :
غياث :: ااي ، ليش وراچ شي ؟
( 2 )
- انداريت اباوع ورايـه و همست :
هااه
-اجتاحته موجـة ضحك خلت جسمة يهتز ، آني بس اباوعله ممفتهمة شبي عكدت حواجبي و بحنق صحت :
ضحكنا وياك أستاذ !
3
غياث :: و علي صدگ من زمان ما ضاحك هيچ
توترت ، اني گلبي يغلي و هو يضحك البطران ، سكت وباوعلي بفضول :
غياث :: هااه ، شبيج شو گالبة الخلقة ؟
-شنو سالفة احلام ؟
1 ت
تمشى بهدوء ، راح كعد على طرف السرير حاط الخاولي على چتفـه ، عيني كل شويـه تغافلني وتعاين للجرح الي ببطنه
وأسب بروحي شلون انطاني گلبي و طعنته هيج
4 ت
غياث :: هم صفنتي ، البس يو شلون ؟
- هاااه ،، لا يمعود لا تفهم غلط ، جنت صافنة بغير سالفة ، هسه ما گلتلي شنو سالفة احلام ؟
غياث :: و عيونج الحلوة مامش سالفة ، هاي البدوية بكيفها تسولف ، احلام بت عمي و اعزها بس ما انظرلها غير نظرة الاخو لاخته ،
1 ت
- بس هي تريد تخطبها الك ، و الظاهر من زمان رايدتها
تنهدت بقلّة صبر :
- بكييفييي و صوجي لان سألتك !
امتدت ايده و لامست خَدي بلطف :
غياث :: اطمني بويه العنده برحي شلون يشتهي الدگل ؟
28 ت
- انشرك حلكي منا لهنا و خدودي صخنن ، جرني بحركة خاطفـة و طبع بوسـه على خَدي خلت نبضي يتباطئ يهمس
و شفاهه على بُعد بوسـه من شفايفي :
غَياث :: السموحـة منچ ، أنجبرت بيهن ، يشهي مستحاهن
16 ت
ابتعد ، و اتبعثرت رحت اسأله بفضول :
- مستحاهن ؟
وصل للباب و اندارلي و هو يأشر على خده :
طلع و آني ظليت ترافس ببطني غزلان مو فراشات ، ظليت افكر واجتني لحظة ادراك متأخرة انه الساقي بدأ يشتغلني عالبارد ،و دا يبلش فتوحاته بأراضي قلبي بلا ما احس ،
4 ت
رنّ تلفوني و اسم كفاية عالشاشة ، رفعته رأساً
- هلاا
كفاية :: ها حبوبة ، طمنيني شصار ما صار ؟
- لحد الآن الوضع مستتب بس آني خايفة
كفاية :: لا والله انتِ ما تخافين ، يو تخافين تحسبين الف حساب گبل لا تداهرين البدوية ، چم دوب اگللّج انتِ مو گدها
- هسه صارت بعد ومتنفع الملامة
كفاية :: زلمتج شلونه ، خما حاجاج بعد
تنهدت و همست بهدوء و آني العب بشعري :
- تگدرين تكولين هيج شيء
كفاية :: شوفي وده آنه مالي غرض بي بس الشاهد الله زلمتج خوش رجال و ينشد بي الظهر و موقفة اليوم عجبني عبن الزلمة المايغار على عرضة هذا خرطي
3 ت
- بس خنجر خوش ولد
كفاية :: انه وياج خنيجر مامش منه ثنين ، بس فكرت بكلام زلمتج و عمه شفت الحگ عدهم ، وانت بعد صرتي بعهدة رجال هو يجيبج و يوديج
1 ت
- ما ادري بعد ، انتم مظلمينها كلش
كفاية :: خن اروحن مازال اطمنت عليج و ما وصيچ اي شي يصير سوي روحج مسيچينة و ما تدرين الدنيا طشت يو رشت
5 ت
- صار ، الله كريم
غياث :: الله ينعم عليج ، شمالچ اهيسج مو تمام؟
- هممم
اجـه كعد مقابيلي و جَر العلبه من ايدي .
غياث :: هذا راح يدمرج ، ليش ما تعيفينه حتى لو شويه شوية حدما تتعودين بلياه
- مو مسألة تعويد بس اذا اعوفـه اتعب من السهر و اذا اخذه اتدمر بنومتي
صفن بيه شويـه و همس بتساؤل :
غياث :: شوكت صارت عندج هاي الحالة ، اكصد الكآبة
-تجمع الدمع بعيني و رَجفان أصاب گلبي ، حسيتني مثل الكتاب بين ايديـه و بدأ يقلب بصفحاته و يكتشف محتوياته
1 ت
هزيت كتفي ادعيت اللامبالاة ، همست :
من زمان ، تگدر تگول من الطفولة ، من بداية الخسارات ،
انحدرت دمعة من عيني ، امتدت ذراعـه نحوي و مسحها بطرف ابهامـه ، اجـه صوته بمواساة :
غياث :: ياليت لاكيتج بيچ بغير دنيا و بغير ظرف يمكن جان
صارتلي فرصـة اسعدچ
3 ت
صفنت عليه و لأول مرة انتبه آني ما اعرف كل شيء عنه و لا اعرف شنو التفاصيل العاشها بماضيه ، من عرفته لليوم اندد بمعاناتي و الي قاسيته و چان يسمع و يتحمل صراخي
و ملامتي و يحتوي ألمي بآخر المطاف بس و لا مرة سمعته
و عرفت شلون عاش وهو مثلي طفل جرب لوعـة فقد ابوه امام عينه و اتحمل تهمة عن اخوه و تكبد عناء فقده و آخره خسر بنته الوحيدة ،
2 ت
تولدت بداخلي رَغبة بأن اتعرف عليه أكثر ، رغبة بأن اسمع قصتـه و لو مرة وحدة مثل ما سمع قصتي مرارًا ، قاطع
شرودي صوتـه المرتخي :
غَياث :: وووين رحتي ؟
ابتسمت اله و همست :
- اريد اتعرف
قهقـه بصوت عالي ، و يا محلى ذيج الضحكة الرجولية جوه الشارب المفتول ، قوست شفايفي و تساءلت :
1 ت
- ليش تضحك ؟
غياث :: استغربت ، تگليلي نتعرف ، الي يسمعج و لا يگول احنا مزوجين
- زواج مع وقف التنفيذ هههه
باوعلي بمكر و همس بتعابث :
غياث :: آنه جاهز ، شوكت ما تردين انفذ بيچ
9 ت
- و تالي وياك ، كل شوية مصچمني
غياث :: شسوي مجابلتني بهذا الثوب و هذا الشعر ، اصچم و اگولن بلچن يصير عندج احساس
غياث :: شتقررين ؟
- تنفذ بيـه لو لا !
5 ت
غياث :: اشتعل جدي تعالي
- كمز عليه ، و طفرت للباب قبل لا يلزمني ، صحت اتوعدله :
الا يجي جدك و أكلّه
ضحك و سوالي علامـة مال مسبة ، غسلت و رتبت شعري
رجعت لكيته غافي ، باوعتله شكله حلو ابن الخبيثة ،
1 ت
قررت هاي الليلة مااخذ حبة ، رحت تمددت و بالغلط طخ الحجل بخشب الجرباية ، طلعت رنّة خفيفة ، صاح بصوت ناعس:
غياث :: تالي ما نام ام حجل عيني
1 ت
- حجاها و خطفني لحضنـه ، رفع كل شعري و كفـه خلاه على كتفي، هاي اول مرة يتمادى هيج ، گلبي يريده و عقلي رافض هذا القُرب ، احساس حلو و مزعج بنفس الوقت ، تخشبت كل اطرافي .
3 ت
غياث :: عَليش جامدة رخي يابه و لا تخافين ما عندي شي وياج ، بس بزعت من رفساتج الليل كلـه
2 ت
- غمضت عيوني حيل مستحية منه ، اني ادري بروحي مزعجة بالنوم ، خطية متحمل المرافس مالي كل هاي المُدة و ساكت ،
صافنـه على روحي شلون غرگانه بحضنه ، و مشدد قبضته عليه ، غمرني احساس حلو ، انداريت صرت بمواجهته رفعت راسي لوجهه ، اباوعلـه وسيم و ملامحه منحوته نحت الجمال السومري الي يحبـه گلبي ، اباوعله و اسأل روحي :
4 ت
يا ترى بيني و بينك ترهم حياة ، زوج و زوجة و اطفال
و وكفت عند كلمة اطفال ، باجر لو اطفالي سألوني عن جدتهم
شراح أكول ، و لو كبروا و عرفوا تاريخنا الدموي شراح يحسّون ؟
حَسيت بالانزعاج و انزلقت من بين ذراعيه، غمضت عيوني
و سمعت حسّ هوسـة جوه ، گمت من مكاني بسرعـة و طلعت مديت راسي من محجر الدرج و أسمع سمره تحاجي زينب :
سمره :: ولچ هاي خامس مرة اجتنا معوشـه و كاضة بطنها
هنوب لزمن حمام البرا بالسره ،
2 ت
زينب :: شني معقولة فايروس داير بالسلف
سمره :: دمشينا خن نروح نعاونهن البدوية راح تتسودن تريد تطيح على علتهن مامش ،
- احس رجليـه ماتن و المغص ضرب بطني آني ، اروح و أَجي يم المحجر مثل البزون المحترك ذيله ، آكل بأصابعي وأتخيل بأي لحظة انكشف ، جفلت على صوتـه ورايه :
2 ت
غَياث :: شعندج واكفـه هنا ؟
- يمه ، جفلتني يمعوود
غياث :: صاير شي ود ؟
اتلفت يمنى يسره مثل الي يخاف لا الحيطان تسمعـه ، همست:
- اكلك ما دري شصاير جوه ، امك مخبوصة بالمرضى
عگد حواجبـه و صاح :
- شنهي مرضى ؟ ياهو اليجينا هيج وكت ، شو ميلي خليني اشوفن شكو ؟
نزل و آني ظليت ارجف و اندعي ، يارب تعدي على خير و محد يتأذى ، لكن الي صار بدت تتوافد الناس و الحفلة شكلها توهت بدت ، كل الي اجن اخذن علاج اليوم رجعن بنفس الاعراض ، مغص و اسهال شديد من ضمنهم احلام الي جانت ماخذه خلطة تنظم الهرمونات ،
6 ت
بدلت و نزلت لان الفضول و القلق اكلني اكل ، شفتهم جوه يترادمون فاتحين حمام المضيف و حمام البرا ، و الونين مالت العالم وصل للمطبخ ، غياث ما شفته بعد ، دخلت زينب وجهها ملبوك ، سألتها بقلق :
1 ت
- شكوو شصاير ، شبيها الناس ؟
زينب :: علمي علمچ خية ، شو كلها كاضة بطونها و لازمة سره عالحمام هسه لو شتا جانت كلت مستبردين بس اظنه تسمم
- تسمم منين ؟
زينب :: شمعرفني منين ، يجوز من الماي من الأچل
- ويجوز من خلطات البدوية ، الله يعلم شتخلي لهاي العالم
لزمت حلكي و همست :
زينب :: اششش ، حسّج يمفلوكة ، تريدين تبلينا بعدين الشاهد الله المرة فاهمة و تعرف شغلها زين و لا نوبـة شتكوا منها
- اااي و السگوات تشهد !
ضربت افخاذها بقلّة صبر و عافتني وراحت ، دخل غَياث مسرفن ردانـه و يرمقني بنظرات تحذيريـة خلّتني اشرد لغرفتي
گعدت انتظر مر هواي من الوقت و تقريباً طر الفجر ، القلق أَكل گلبي و شعور الذنب سيطر عليه ، هاي العالم الجاي تتلوى من الألم خطيتها بركبتي ، لهناك و دَخل بملامح متجهمة و شايل شيشة الدوة بأيده نفسها الي ذَبيتها بالزبالة ، گمت ابلعم
وبداخلي أَكول اجاك الموت يا تارك الصلاة ، جر الگرسي و كعد گدامي و اني من الخوفة جمدت بمكاني :
6 ت
- بنت سليمان ؛ اشو تحاجيني هالشكل شنو صاير شي ما اعرفه ؟
غياث :: لا صاير شي تعرفينه ، شوفي ود احجيلي شمسوية لان اول و تالي اليوم ما اعوفنج و لا اجوزن منچ الا تكليلي الصدك ، هاي الشيشة انتِ فرغتيها بدوه العالم ؟
2 ت
- هزيت راسي بعنف و بررت بنبرة متلعثمة :
لا مو آني ، شنو تريدون تذبون بلاويكم على راسي
غياث :: چا شجنتي سوين امس و من سألتج گبل طحتي
وساحت رويحتچ ، احجيلي الصدك ود خاطر اساعدج و الملم
السالفة ، لان اذا درت الوادم تشتكي و تجي الشرطة تحقق بملابسات الجريمة
هتفت بنبرة خايفـة :
- جريمة ؟! شنو جريمة قابل گتلت بشر ، ترا هذا مُلين مو سم فيران
-لَميت اصابيعي بعلامـة صَبر ، صحت :
قبل لا تحكم عليـة ، اسمعني و أَعرف اسبابي ، آمك هي الي دفعتني اسوي هيچ
مرر اصابيعه على شعره و فرگ جبينـه بتوتر :
غَياث :: لا تخليني أسبن حتى أَمي ؛ لچ خبلة هاي ارواح وادم ، چم دوب أگلنج انتقمي ، ثوري بس لا تأذين وادم مالها سَبب ، لشوكت اظلين تدرعمين هَيچ و هَيچ ؟
تهاويت و گعدت على السرير ضامه وجهي بچفوف ايديـه ، بديت اشهك و أَبچي على حظي و قسمتي و ندمي بهذهِ اللحظة ،
1
اقترب مني و همس :
غياث :: هسه عليمن تبچين فهميني ، انتِ جويعده هنا
و الوادم سكنت الحمامات حايرة بمصيبتها
6 ت
-شلّت راسـي و باوعتله ، همست من بين دموعي :
انت كلامك صحيح ، اني انسانة متهورة و دا اتخبط بتصرفاتي ، چان المفروض اتمسك بأعصابي بس صدگني فقدت ، داحس روحي مو طبيعية دماغي تعب و ما اعرف اتصرف عدل ، بالاضافة لامك مجاي اكدر اواطنها امك اذتني هواية ، سلبتني الامان بطفولتي و هسه جايه تكمل على الباقي مني ،
1 ت
قرفص بمستوى كعدتي ، همس بتساؤل :
غياث :: شنهي قصدچ ، احجيلي شصاير ؟
- شحجي و منين ابدي من چنت صغيرة و هددتني بقطع لساني لو حجيت شلون انكتلت امي ، و صار وجهها يلاحقني مثل كابوس جاثم على صدري كل ليلة ، لو من گالت شلون كسرتني مثل ما كسّرت امي لو من سلّطت عليه ربحة تخلي دوه بالشامبو مالتي حتى أَخسر شعري !
1 ت
انصعق وجهه و فتح عيونـه بصدمة ،
غياث :: لحظة ،، لحظة شني هاي سالفة الشامبو ؟
- سردتله كل الموقف الشفته و كذلك الاجراء الي اتخذته ويه ربحة اخرها سالفة شعرها المتساقط و ردة فعلي و تصرفي بعيادة البدويـة بـ تخريب كل الادوية !
1 ت
باوعلي بعبوس مابين المصدوم و المامتوقع هيج شي يبدر من امه ، صاح بلهجة توبيخ :
غياث :: چـان المفروض تگليلي و آنه احقق بالسالفة ، موش تبنين فرضيات من راسج و ترحين تلعبين بحياة الناس خن نگول انتقمتي من البدوية زين ماخفتي يصير تسمم دوائي للوادم ، ماخفتي تروح بيها اطفال و انتِ تدرين البدوية تعالج الصغار و الكبار هنا ؟
1 ت
- اجتاحني ندم عارم و كرهت نفسي بهذه اللحظة رحت استنجد بي يشوفلي حل لهاي المصيبة :
الله يخليك ساعدني ، خاف صدك جاهل او مرة حامل ياخذ من علاجها مستقبلاً و يتضرر ؟
غياث :: هو ماكو حل غَير انه اتصرف ، بس ما راح تعبر عالبدوية خليها ابالچ !
بثقة مبالغـة همست :
- خل تعرف ، شتريد تسويلي و أَنت موجود
1 ت
باوعلي بعدم رضـا ، صاح :
غياث :: لا تستغلين هاي الثقة و تصرفين برعونية ، لازم تعرفين كل تصرفاتج محسوبة عليه ، هالنوبة راح اساعدج
و الملم وراچ بس نوبة لخ صدگيني راح تلكيني بوجهج
3 ت
اومأت راسي و تمتمت :
- هسه شراح تسوي ؟
تنهد بتعب و همس :
غياث :: خليني انامن ولو ساعة لان دماغي وكف ، اكعد
و اشوفن دبره لمكايدج يالحَية !
1 ت
نام هو و من التعب أَنچفيت على وجهي ، نمت وماحسيت على روحي الا الساعة 12 ، باوعت هو ماموجود بس حسّ هوسة جوه ، كمت بسرعة غسلت وجهي و نزلت ، لكيت البدوية كاعدة عالكاع شاده عصابتها و تدك على فخاذها ، والبنات داير مدايرها يواسون بيها و كلها تكللها العوض بسلامتج ، تفاجئت هو شصاير ، شافتني گامت تخزر بيـه وتبسمر
1 ت
البدوية :: من اول هيل دَشت النه و آنه گلبي ما مرتاح
-ثولتها و مشيت للمطبخ شفت فطومة بنت مهران واكفـة تلكط الخضرة ، وكفت يمها و همست :
اكلج شبيه مرت عمج لافـه راسها ؟
فاطمة :: يااه چـا مو امس الوادم هدوا علينا صاير عدهم تسمم بسبة دواها
-ااي و شصار بعدين وين انطوا وجوههم ؟
-نسيت روحي عبالي احجي ويه زينب ، همست بخفوت:
حرامات لو مشتكين
1 ت
فاطمة :: شنييي ؟
-هااه و لاشي حبيبة ، لعد مدام محد اشتكى و الشغلة عدت شبيها كاعدة تدك و تلطم ؟
فاطمة :: چـا ما خَلّيتيني أَكملج السالفة ، يگلج مدري منهو داش للحجرة الفجر ورا ما نمنا و كاضلة فاسه
و طايح بيها تفليش ما مخلي شي صاحي و الدوايات كلهن عافسهن عفس و حبوبتي ذابة دم گلبها بيها موش قليل ، و الله قهرتني المسيچينة ، كون يكضونه للمايخاف الله السوه بينا هَيج !
8 ت
-صفنت عليها و عيوني دَمعن ، معقولة الافكر بي صحيح ، معقولة غياث ورا هاي السالفة و سوه هيج لخاطر يضيع طيحان الحظ السويته ، رغم ما اطيق شوفتها و أَختنك اذا كعدت وياها بنفس المكان ، بس اجيت على نفسي و كعدت يمهن ، ربحة تتباكى عود مقهوره و هي تدك على راسها و تصيح :
البدويـة :: تعال ليه بويـة ، ولچن چدي و تعب كل السنين راح ، وين اولي بروووحي و ين انطي وجهي غيث يمـه
زينب :: يمـه على كيفج ويه نفسج مو هيج راح تنجلطين
البدوية :: ياريت انجلطت و لا شفت هاي الشوفـه ،
-أَجت عينها بعيني و اردفت :
البدوية :: من خُفت هذه الشوفة الماشفت خير عكبها
-دنكت راسي ، صح قهرني كلامها بس يطربني وجعها
صاحت سمرة تواسيها :
سمرة :: بسّج يمه موش كالج مهران راح يسجل دعوة بالمركز ، هسه يكضونه لمنعول الوالدين ، وين يولي يعني
2 ت
البدوية :: شوف هاي ام حثل ، ولچ يادعوة موش اخوج العود مارضى نسوي دعوة خاطر لا تتوسع الطلابه بالسلف ،
-هزيت ايدها و استرسلت :
جا اذا بزر بطني هَيج ما مهتم الومن الغريب على حالي
سعدية :: خلي الله بين عيونج يامرة ، صارلچ ساعة تدرعمين بالحجي و ساكتين ، لچن من توصل لوليدي لا والله ما اسكت ، يو تحجين حظج و بختج يو تسدين حلگج و تچفينا التنعثل مالج
3 ت
البدوية :: و آنه شگلت و كمتي تردحين شمالج انتِ حاطه عكلج وياي
سعدية :: ياااع شوف المرة الظالمة تكول شكلت ، چا منهو الحجه على بزر بطنه كبل شوي ابوي طلع من كبره و انه ما ادري ؟
2 ت
البدوية :: چـا ترضيج سوايته من ما خلّى عمه يتدخل و يسوي دعوة بالمركز
سعدية :: چا لخاطر منو حجه هيج مو لخاطرج ، چا اذا رحنه و سجلنه دعوة راح صير سين و جين و جيب و ودي و هاي الوادم التجطلت امس كلها تحضر و تشتكي عليچ بعدين تعالي ليـه موش گالج انه اعوضج موش گالج كل فلس خسرتيه يردلج و راح يصلح الحجرة بنفسه شتردين من الله بعد ؟
1 ت
البدوية :: يابووو بسج خية يا چلمة ردي لمچانج ، وينج ربحة تعاي وديني لحجرتي اظنه ضغطي صعد
هسهست سعدية بخفوت ::
سعدية :: و لغسل اليغسلج عرج ما يطكج
7 ت
البدوية :: شنيي شكلتي ما سمعت ؟
سعدية :: لا هَيج احاجي رويحتي
-اخذتها ربحة لغرفتها و ثنينهن يرمقني بنظرات توعد ، يمكن شاكات بيـه ما اهتميت اني حالياً داعيش اسعد ايام حياتي اخيرًا گدرت اضربها و ادبها ، تنهدت براحـة
و من سعادتي ، رحت جريت سعدية و بوستها ، زينب تباوعلي مستغربة ، هزيت راسي الها بشكووو ؟
هزت ايدها و راحت للمطبخ ،، باوعتلي سمره بحنق، صاحت
سمره :: و انتِ شمالچ اشوفچ مطربة و الهوا ما تارس خشمج ؟
3
سعدية :: هاا و ابوي ما يگدر بس على امي ، ما طلع حسّج ذيج الساع و البدوية مسحت بيج الحوش
-شالت خشمها و صاحت بشموخ :
سمرة :: هاي ميمتي ، يو تعلگني فلقة هم اكلها رحم الله والديچ ، بس هاي شعدها شاركة حلكها چن ابوها عرس
1 ت
-خزرتها بنظرة توعد ، صحت :
هاي عدها اسم يا عديمة الذوق ، بعدين شلّج علاقة اضحك ، اطرب اركص شدخلچ يالحشرية
سعدية :: ياااع بسّچن عاد ، گومن فزن شوفن شغلچن لا و العباس بس يجي اسولفله مكاونچن و ملاسنچن چدامي ، يلااا فارچن !
طفرت سمره مثل الديچ و هي تلوي بشفايفها ، و آني تبعتها ، شلت راسي و شفته دَخل تعبان و عيونـه بيهن نعاس ، خزرني و ابتسمت اله و ضَميت شفايفي ، مو بيدي احس بالانتصار بهذهِ اللحظة ، صاح و هو ينصى و يبوس راس سعدية :
1 ت
غَياث :: الله يساعدج يمـه
سعدية :: و يساعدك يبعد هلي ،
غياث :: شني وين الخاتون ؟
سعدية :: البدوية خذتها ربحـة لحجرتها ، مسيچينة ضغطها صاعد عبن مو شوية الجرى ، شكاها و تعب عمرها
-باوعلي بنظره خاطفة و همس :
غياث :: أَحسن خلها ترتاح من شغيلتها مدة
1 ت
سعدية :: عمك و الولد ويين ؟
1 ت
غياث :: بالمضيف يمـه ، الناس جاي تتحمد بالسلامة كل ظنهم حرامي ساطي علينا
1
سعدية :: و آنه افتر عگلي يبن حضني ، من الصبح لسع افكر
واگولن هذا ياهو التجرأ و سطى على حجرة البدوية ، اظنـه غريب و ما يدري لو طحت بي سحنت عظامة سحن
غياث :: بالمضيف يمـه ، الناس جاي تتحمد بالسلامة كل ظنهم حرامي ساطي علينا
سعدية :: و آنه افتر عگلي يبن حضني ، من الصبح لسع افكر
واگولن هذا ياهو التجرأ و سطى على حجرة البدوية ، اظنـه غريب و ما يدري لو طحت بي سحنت عظامة سحن
1 ت
-باوعلي و هز راسـه بأسف ، صاح :
1 ت
غياث :: ماظنتي هذا حرامي تلگينه واحد مترصدنا و دشلنا بغاية التخريب
2 ت
-فكت زيجها سعدية و رادت تدعي عليه ، لگيتني بلا شعور اطفر عليها و ألزم ايديها :
فدوووة لا تدعين موزين و حرام !
5 ت
دفعتني مستغربـة ، صاحت :
1 ت
سعدية :: حرام ؟ جٰا مو حرام السواه بالمرة المسيچينة ،
و الخسارة طاحت براس هالمكرود
1 ت
-باوعتله ضام ضحكته بالگوه ، التفتت الها و همست :
ميخالف خالة لا تدعين ، يجوز هذا وحيد امـه ، يرضيج تلوعين گلب امـه عليه ؟!
2
رمقني بنظرات ماكرة و همس :
1 ت
غَياث :: و لمن امـه هلگد تخاف عليه ، ما تلمـه لحضنها احسن ما مخليته يدرعم بروحه هَيج
10 ت
خزرتـه لا آعرف قصده زين
1 ت
سعدية :: شنسوي وليدي امهات آخر وكت ، چلوتهن ملسه
5 ت
عض شفايـفه و غمز بتلاعب :
غَياث :: و لمن امـه هلگد تخاف عليه ، ما تلمـه لحضنها احسن ما مخليته يدرعم بروحه هَيج
خزرتـه لا آعرف قصده زين
غياث :: اووف يمـه هي مال ملسّة ،، كلشش و أَنت ما محلفتني
10 ت
اتسعت عيوني و احسّ نار طلعت من اذاني ، گمت وكفت اعدل
بملابسي و شالي ، احس تخربطت وضعيتي و هو يتبسم بخبث ، ترخصت منهم و انهزمت للحمام ، غسلت وجهي واحسّ اريد اختفي بهذهِ اللحظة ، و تفاديت شوفته منا للغدا
2 ت
صـبينا الغدا و ألتموا عالسفرة مثل كل يوم بأستثناء البدوية الي انتكست حالتها النفسية و اعتكفت بغرفتها ،
انسدت السالفة بأرضها و غَياث مقبل يرفع دعوة و الظاهر بأتفاق ويه عمـه ،
1 ت
حَسيت الشباب عدهم موضوع اهم ينشغلون بي من الكلام المُبطن و الاشارات بالعيون ، كل شي ما فهمت بس شفت وجه غياث انطعن لونـه، و ترك غداه عالنص وكام ، الولد ظلوا يستغفرون و مهران يخزر بيهم ، اشرتلي زينب الحكـه ،
1 ت
صعدت لگيته كاعد ، مهدل كتوفـه و ايده تفرك بجبينه ، تساءلت بأهتمام :
-صاير شيء غياث ؟
باوعلي بعيون مشبعة بالحزن ،
غياث :: ما صاير
- لـعد ليش عفت غداك و ليش وضعك تخربط هالشكل ؟
علت نبرتـه بأنزعاج واضح :
غياث :: گتلج ما صاير ، اتركيني و روحي يم البنوات جوه ، اريد انطمر
-چَتـفت ايديـه بعناد و صحت :
ما ، ما انزل و آني هم تعبانه و اريد انام
قلّص عيونـه عليه و بلهجة ساخرة صاح :
غياث :: ااي حكج والله ، عبنج الليل كله مساهرة تلملمين بعمايلج السودة
2 ت
-ابتسمت و بسرعـة ضَميت ابتسامتي و رحت اتكلم بخبث :
ميحتاج الملم اكو فاعل خير سواها بدالي
رفع حواجبـه بدهشة ، كام على حَيلة و راح يغير ملابسه
ويسايرني بالحديث :
2 ت
غياث :: و فاعل الخير مو المفروض تكافئينه هساع
1 ت
- قلّبت عيوني و همست بغرور :
شُكراً
1
باوعلي بسخرية و تقرب مستند ايده عالكنتور :
1 ت
غياث :: لا بروح جدج ،، شسوي بالشكُكراً مالتج
1 ت
رفعت حاجبي و همست :
- لعد شتريد ؟
1 ت
غَياث :: اريدج
4 ت
-بلعت ريگي و سَويت روحي مفهمت ، انداريت انهزم ، خطف خصري و لطشني بي يهمس بأذاني بنبرة دَوختني :
غياث :: عرفتج صلفة و ما تهابين ، ليش اهيسج جبانه بالعشگ ؟
-جاوبته و الكلمات تتراجف على شفايفي :
يا عشك ؟
دارني عليه صرت بمواجهته :
غياث :: العشگ التارس عيونچ و مرجف الكلام على شفافچ
1 ت
باوعتله بنظرة طَويلة ، هسـه آني منهزمة منه لو من ماضينا الصاير مثل حجر عَثرة بطريقنـا
غياث :: أَحبنچ يـا ام صفنة و أحبن حتى سم الحيايا اليمشي بدمچ .
2
-ضحكت ،، و دَمعت عيوني بنفس اللحظة ، همست :
ما الك عندي غير نفس الجواب ، آني وياك ما نرهم
1 ت
-ضحكت ،، و دَمعت عيوني بنفس اللحظة ، همست :
ما الك عندي غير نفس الجواب ، آني وياك ما نرهم
غياث :: و هسع آني سألتج اذا نتراهم يو لا ؟ هي چلمة جاي اشوفها تعوم بعيونج ، احجيها خل يرتاح گلبي و الباجي سهل
-انتزعت نفسي من بين ايديـه و همست :
اتركني هسه ارجوك
غياث :: جبانه !
- قصدك عقلانية ، خليها ابالك الحب وحدة مو كافي لبناء علاقة و أسرة ، اني وياك اذا ارتبطنا راح نظل ننسأل عن الصار لاحفاد احفادنا .
غياث :: مافهمت وضحيلي فلسفتج أكثر
- يعني شنو جوابك لو ابنك بيوم من الايام سألك ليش انسجنت ؟ او بنتي سألتني شلون ماتت بيبيتها ؟
3 ت
بهتت ملامحـه و تنهد
انحدرت دَمعتي و همست :
- ما النه تالي !
اومأ براسـه و همس بحزن :
غياث ::اخذي راحتج ،، آنه راح اطلع عندي شغلة اكضيها
طلع و ما تركلي حتى مجال اسأل وين رايح ، استهظمت وكالعادة ، شربت حباية حتى انسى حزني وأَهرب للنوم
أَحسني بين الحلم و الواقع ، شعري ينشد برفق و رطوبـة لامست وجهي بأَكثر من مكان ، فتحت عيني بتململ شفته واكف على راسي :
غياث :: صحي النوم يابـه ، الناس صلّت و راح تتعشى و انتِ نايمة .
- يااا ليش هلكد خليتني نايمة ؟
غياث :: شفتج تعيبانه يابه گلت خليها ترتاح
- راح للكنتور ، اكو خانـه دائماً مقفولة فتحها و طلع منها جنطة مال كتف كبيرة نوعـاً ما ، تساءلت بخوف و فضول :
-شنووو حتروح للباديـة ؟
اندار عليـه مبتسم
غياث :: اااي
- نسيت نفسي ، قفزت من مكاني رحت وكفت گدامه اصيح :
مترووح !
دحرج جنطته من كتفه للارض ، تچتف و تكلم بتعابث :
غياث :: و ليش تمنعيني ؟ و ليش اسمعلچ اصلاً
قاطعني بهدوء :
غياث :: انتِ شني ؟
-شنوو ؟
غياث :: عيدي الچلمة المساع حجيتيها
- تلبكت و تهربت منـه
باوعلي بأسف و هتف :
غياث :: شفتي ، مستخسرة بيه الچلمة مستخسرة تكولين انه مرتك رغم بقرارة نفسچ معترفة بيها ، المن اظلّن هنا حتى اتنوعلج و اتلوع بالعشك ، اظلّن حتى احترك و انتِ تتنفسين عَطابي ، شكالولج عني بويـه ، ناسك يو ملاك ؟
3
هزيت راسي بعنف حاسه بجحودي و رافضه فكرة رَحيله ، رحت اناجيـه بتوسل :
- اسمعني ، اني اليوم يالّة حسيت بالانتصار ، حسيت استرديت ولو جزء بسيط من حقي
قاطعني بملامح متجهمة :
غَياث :: لحظة ،، لحظة شنهي قصدج حسيتي بالانتصار ، شني شمعتبرتني ؟ اداة تحققين بيها انتقامج يو بيدق تضربين بي اعدائج
- لا غَياث ،، لا تفهمني غلط
غياث :: فاهمج صح و عيونج ،، صدك يو گالوا ابو طبع ما يغير طبعه و انتِ تعلمتي تستغلين محبة الناس خاطر توصلين لمبتغاج
1
- شنو قصدك غَياث ؟
غياث :: عيفج من كصدي هسع و خلي كلامي هذا ترچية باذانج ، ألسويته اليوم موش لخاطر عيونج بس ، من چسّرت حجرة البدوية و خَربت شكو بضاعة جوه هذا لخاطر الوادم لان حضرة جنابچ خايطتها خوط و هي ارواح عالم موش لعبة
و ارجع و اكرر اي خطأ منج بعد غير محسوب راح تلاگيني جدامج !
1 ت
- دنك شال جنطته على كتفـه و طلع ، صحت وراه
لا تروووح لهناك غياث ؛ حتى ما التفت اليه ، غميت روحي على غبائي و تصرفاتي ،
بالعشا سألوني عنـه الولد گلتلهم بالبادية ، استغربوا لان ما منطيهم علم ، بعد ما شفت البدوية اليوم ، صعدت و ارتميت بفراشي هاربة للنوم من شعور الذنب و الصراع الداخلي الجاي اعيشه ، احبه بس ما اكدر انشأ علاقـه وياه اريده يمي بس ما اريد يواصلني ، قمة التناقض و الجنون الاني بيه ،
غمضت عيوني و مدري شگد مر من الوقت ، فجأة فتحت عيوني على صَوت صرير باب انفتح ، قفزت من فراشي و گلبي يضرب بقوة ، بداخلي العن المرض الي خلاني اهلوس بأشياء مالها وجود ، باوعت بأتجاه الباب چان مفتوح ، تجمدت اطرافي من سمعت صوت مصحوب بخطوات ثگيلة و كأن شخص يمشي و يجر شي وراه ، بچيت وصحت بصوت يرجف: منو هناك ؟
اجـه الجواب على شكل انفاس خافتـه و كأنها صادرة من حنجرة تعبانه ، نزلت رجلي من السرير و عيوني تحلق بالمكان ابحث عن شيء اكدر احمي نفسي بي ما لگيت غير مزهرية نحاس ثقيلة ، شلتها و مشيت بأتجاه الباب ، فتحته
وانصعقت بالي كاعدة على حافـة الدرج ، غمضت عيوني
و فتحها و كأن اريد اتأكد من الي داشوفـه ياربي هذهِ مرة كاعدة رغم الظلام مبينه تفاصيلها هذه بثوب اسود و شعر فضي منسدل على وجهها ، اريد اعيط انكتم صوتي ، تشجعت و خرج صوتي مكسور مرتعب :
انتِ منووو ؟ شجابج هنا
ضحكت و برزت اسنانها من بين خصلات شعرها ، نزلت عيوني على السچينة اللازمتها بأيديها جمد الدم بعروگي ، تشاهدت وسط دموعي و رجفتي دارت وجهها و نزلت بالعجل ، لحظات حتى استوعبت اني واكفـه بنص الحولي الفوك و الظلام يحاوطني من كل صوب ، ظليت ارمش عدة مرات ممصدكة اني بعدني عايشة و واكفـة على رجلية ، ركضت لغرفتي و سَديت الباب ، نزلت للارض ابچي منهارة من الخوف و رهبة الموقف
وظليت ادعي عليه لان تركني لوحدي اصارع وساوسي
وهلوساتي ، تحرك مقبض الباب ، جفلت و رجعت تناوشت المزهرية ، و قبل لا ينفتح فتحته آني و صحت :
بنت الكلب شتريدين منيييي !
1 ت
امسك بأيدي بوهن يهمس بنبرة خفيضة:
غَياث :: يواشج ، هذا آنه غياث !
شمرت المزهرية ، بچيت و آني اضربه على صدره و ألومـه لان تركني لوحدي ، صاح بألم مكتوم :
غياث :: آااخ ولچ صدري متفلش
-دخل و سد الباب وراه ، لازم صدره و يكح و هسه يله انتبهت لابس كله سَواد و شايل شماغ اسود مكوره بأيده
صرخت بصدمة :
شچنت تسوي غَياث ، ما جنت بالباديـة مووو ؟
كعد بتعب على السرير و همس :
-صوته تعبان ، انفاسـة متكسرة ، يجر النفس بالگوه بس وجهه ما بي شي ، تكلمت بأضطراب :
خوفتني ؛ ليش هشكل حالتك ؟
غياث :: اسمعيني ود ، اريدن اعتمد عَليج و اكولن عندي بنية سَنعة ، شتشوفين هسه كتمي صوتج و سوي الاكلّج عليه
گوي گلبج خاطر اعتمد عليج لان كلش تعبان
-نزلت دمعتي و آني اومأ راسي بأيجاب :
غياث :: آنه تچاتلت ويه جماعـة، اذيتهم و أذوني
-جماعة ، جماعة منو ؟ صفنت لحظة و ضربت حلكي
همست من بين اسناني :
المگوار، جنت تفتر بشخصية المگوار موووو ؟
غياث :: تخليني آكل وحل يو لا ؛ جاي اكلًج گوه اتنفس مو وكت اسألتج رحمة للحسين
-مسحت دموعي و هَزيت راسي
غياث :: ذوله اذا مامش احد يردعهم يخيسون الديرة ، شبابنا ضاعت بسبتهم تشوفينه بزر و شايل تفكته و جيبه مليان حبوب ، ليل وًنهار مكبسلين ، ذيچ النوبة حامد طاك ظهر حرمته و عدم شبابها المسيچينة ، و رجال ناحيـة الـ **** چتل مرته
وبنته و رجلها ، ناس عكلها لكف بسبب هالسموم !
2 ت
-وانتِ شتكدر تغير غياث ، السمچة من راسها خايس وًهاي الجهات وراها روس كبار
غياث :: موش صحيح هالكلام اذا انه اكولن ما اكدر و غيري مايكدر چا المن نسمي روحنا زلام نطم روسنا احسن ، رسولنا الكريم يگول :
-ثنينه همسنه بصوت واحد :
صدق رسول الله (ص)
زين ليش بس وحدك ، ليش تعرض نفسك للمخاطرة ، ليش ما تكل لولد عمك و جماعتك يساعدوك ؟
غَياث :: كلهم عدهم عوائل ، عدهم جهال بركبتهم
و اذا على اواب ، بعده صغير ما شاف من دنيته شي
و هارون يتيم و خذاله يتيمة شلون اعرضهم لهيج مخاطرة
1 ت
-صفنت بوجهه و تساءلت :
و انتَ هم وراك ناس تحبك وراك ام و جد و عمام و اصدقاء و ...
ابتسم بتعب و همس :
غياث :: و منو بعد ؟ هممم سكتي !
عموماً ،، آنه متعود على الصكعات ، و النوايب صارن جزء من حياتي و حتى لو متت كلها چم شهر و انسي مثل ما نسوني وآنه بالسجن
1 ت
-لا ارادياً خليت ايدي على حلكه ، اهمس من بين دموعي :
اسم الله ، ابد لا تجيب طاري الموت على لسانك
1 ت
لزم چف ايدي ، باسـه وضمه لصدره :
غياث :: تخافين عليه ؟
1 ت
-حتى لو ردت اچذب ، دموع عيني فضحني ، همست :
اموت من الخوف
2
غياث :: يبووو ، ابد مو وكتها
2 ت
انفجرت ضاحكة و هو يجاهد حتى يضحك ،
غياث :: تعالي نزعيني
-هاااه ؟
غياث :: لا تخافين مچسر تچسر ، ساعديني انزع هذا
عَدل كعدته بالگوه ، اقتربت منه و ضربات قلبي تكاد تكون مسموعـة ، انحنيت عليـه ايدي ممسكه بطرفي تيشيرته
دس وَجهه بنحري ، انفـه يلامس جلدي يشهك انفاسـه بهيام
توترت ، سحبت ملابسه برفق ، و انصعقت بالمنظر الشفته
كدمات حمرة بدت تميل للزرقه مغطية منطقة واسعه من صدره وخاصرته ، و ضربة سچين جايه بشكل سطحي اعلى كتفه
غطيت حلكي احاول أَكتم صرختي ، اجـه صوته بنبرة دَفتلي روحي :
غياث :: لا تخافين حبيبتي ،، مابيه شي
14 ت
- تهاويت للارض ، ضميت وجهي بين چفوفي و اشهك ، مدري على منظر جسمه المُعذب لو على وقع كلمة حبيبتي الي اسقطت آخر حصوني المنيعة عنـه !
غياث :: خلصص كافي راح البس ، لا تخافين
- هزيت راسي بعنف ، مسحت دموعي و همست :
لا ،، لا تلبس بس گلي شنو ممكن اسويلك شلون اعالجك ؟
غياث :: حضن منج و أَطيب
1 ت
- غياااث مووو وكت غزلك هسه
غياث :: امزح وياج يالمفلوكة ، روحي للكنتور الوسطاني اكو صندوك جوه جيبيه و تعالي
-رحت طلعته ، چان بي مواد مال صيدلية ، باندج و فكسات وشاش و معقم جروح و ما شابه ، صار يوجهني شأسوي
و شنو الخطوات حتى اعالجة
و بحرج مبالغ رحت امرر ايدي لأول مرة على جَسمـه ، جانت عضلاته تتشنج جوه لَمستي و آني حالتي مو احسن منه ، عقمت الجرح و حطيتله ضماده ، و مررت مرهم على كل كدمة موجودة و الخبيث چان مستمتع بأحراجي و جسمه يتفاعل ويه لمستي ، صحت :
كملت ، البسك ؟
غَياث :: لا خليني مرتاح هيج !
- صفنت عليه ، ضوه القمر يتسلل من الشباك يرسم خطوط باهته على وَجهه ، غركت بملامحة ، ابتسمت لا ارادياً
1
- شلون و أنت بهاي الحالة ؟
غياث :: محد راح يتورج عليـه غيرج
- ليش أَمنتني على سرك ، ليش كشفتلي هَويتك
غياث :: ما ادري ، كل الاعرفنه انه جدامج اتعرى من كل الاسرار ؛ الجذب و حتى الخطايا
5 ت
- ليش حبيتني غياث ؟
بده يغفو و صوتـه يخرج بتعب :
غياث :: ما اعرف ، اختلافج جذبني ..
- نام قبل لا يكمل كلامـه ، انفاسه انتظمت و صدره هدأ ،صفنت عليه و راودتني رغبة مجنونـة بأن ابوسه تقربت و انكفيت فوكاه بلا ما اطخه ، طبعت بوسـه على طرف شفته ؛ همست
و الدمعة رسمت حروف كلمتي :
- أَحبك !
دحست نفسي بسده و غفيت ، و ما فَزيت الا على رنّة تلفوني الي تكررت أكثر من مرة ، تسحبت بهدوء جان غاطس بنوم عميق و بس صوت انفاسه يطفو بالغرفـه ، اخذت التلفون جانت كفاية تتصل ، جاوبتها بصوت هامس و عيني معلقة عليه تراقب وضعـه :
- هلا كفاية شلونج ؟
كفاية :: شلوني تعزيت و تصخمت !
- خيررر يمعودة شصاير ؟
كفاية :: ابوچ تصوب و خنجر مچسرينة تچسر
1 ت
- لا ارادياً باوعت لغياث ، بچيت و القلق ينهش بروحي
احجيلي شلوووون تصوب يعني ؟
2
كفاية :: امس عدهم تسليم و الظاهر ناصبيلهم كمين ، من صوب المكوار كضى بيهم التوبة و من صوب الحكومة الطاحتلهم رمي ، ابوج تصوب وده !
و آني خليتهم و اجيت 🗡️🥀
1 ت
نعزي صاحب العصر والزمان (عجّل الله فرجه الشريف)
ومراجعنا العظام، والأمة الإسلامية، وأحرار العالم أجمع،
بذكرى استشهاد أبي الضيم الإمام الحسين بن علي (عليه السلام)
وأهل بيته وأصحابه الميامين، الذين سقوا كربلاء بدمائهم
لتبقى راية الحق مرفوعة، وقيمُ التضحية والصبر خالدة.🏴
معلومة :: تمرين البلانك هو تمرين للقوة يقوم على تثبيت الجسم في وضعية مستقيمة على الأرض، مع الاعتماد على الساعدين وأصابع القدمين. يهدف التمرين إلى تقوية عضلات البطن والظهر والكتفين بشكل رئيسي، بالإضافة إلى عضلات أخرى في الجَِّسمَ
شكرا لزيارتكم عالم روايات سكيرهوم
