رواية بيوت الصفيح الفصل السادس عشر بقلم زهراء السراي
الجميلات تعليق بين الفقرات وتصويت دعماً للقصة
متابعة الحساب دعماً للكاتبة لطفاً 💙
أرجو من كل شخص يقرأ أن يصوت حتى تصعد
القصة وتنال أستحقاقها 💙
.
.
لا أريد بطلًا يُضحي بي لأجل العالم
بل أريد شريرًا يُضحي بالعالم لأجلي
.
.
صِبى
_____________________
روحي حيث أنت
الصفحة: ٦٠
فرقد حبيبي صار اسبوع مكاتبتلك شي
انشغلت عنك شويه بس أريد أحجيلك شغلة اليوم
بس أوعدني ما تضحك
فرقد تصدگ لو لا أني تحررت من لقب صِبى
العاملة والكل صار يصيحلي ست صِبى
وآنسة صِبى صِبى سكرتيرة المدير
إي والله البنية اللي جنت تعلمها شلون تلزم القلم
شلون تكتب اسمها اليوم شغل المكتب ماشي
تحت أيدها
3
بالبداية الشغل جان متعب
مليان ناس تحب تحبط تحب تذكرني إني مجرد عاملة فقيرة بالبداية خفت بس بعدين تعودت
الدنيا تريد القوي مثل متگول دائماً
بس تعال شوفني هسه
(شوف شلون علمتني أوگف وأني كملت المشي وحدي وشلت إسمك وياي بكل خطوة)
-مساء النور أستاذ
-جاي اتعبج ويايه بس يبدو أن الموضوع مطول
حسب الأوامر لازم أرتاح فد ١٠ أيام
1
-تتدلل أستاذ ماكو تعب
حرت شحجي ويا اني بالعادة خجولة
اطلق سؤال تحت أستغرابي
-صِبى ولو سؤالي فضولي وشخصي
ممكن اعرف الشاب ابو محمد أيمن اللي
وگف ويايه بعزاء الحجية شيصير منكم
1
بقيت صافنة وبكذبة بيضة رديت
-اقرباء خالتي من بعيد
-تمام بس يعني يدخل لبيتكم حالياً
-لا اكيد واحنه بنات لوحدنا
-يعني ولو كثرت اسألتي هو ليش أتصل بيج
5
ابتسمت مستغربة اسألته بس اني حاسة بشي
مااعرف اذا هالشي صح او من خيالي رديت علي
2 ت
-يتصل بيه لأن اني الجبيرة يسألني
على اخواتي
-تمام تمام
توتر بالرد وكمل
-يلة اني اتركج براحتج وباجر ضروري تشربين
گهوتج يمي ممنوع تگولين شاربة بالبيت
-ان شاء الله
-تصبحين على خير
-تلاگي الخير استاذ
ودعته وتركت كل شي وتمددت بفراشي
مسترجعة ذاك الأسبوع وأول يوم نزلت
بباب بيتهم الفخم وخطت رجلي لداخلة
.
.
فتحتلي عاملة سمراء البشرة الباب ابتسمت
بوجهي بأسنانها الليلو وضفايرها الحلوة
وحجت بلهجة عراقية مكسرة
-تفضلي العمة أسد هناكا
-قصدج العم أسد هناك
ضحكت خجل ومدت ايدها تأشرلي للمكتب
بس دخلنا باب الصالة الداخلية
صرت وجه بوجه ويا قمر ركضتلي سلمت
وراحت بعدني اريد اخطو للمكتب
طلعت والدته من المطبخ باوعتلي بأستغراب
ويا طلعت أستاذ أسد من المكتب سلمت عليها
-صباح الخير خالة
ردت بأستغراب
-صباح النور اهلا وسهلا
اشرلي أسد عالمكتب دخلت
وبقى بره اسمعه يحجي بهدوء وياها
-ها حجية شو وجهج تعبان اليوم
-لا سلامتك بس هاي اول مرة تجيب
موظف للبيت
-حجية مااگدر أطلع لازم ارتاح
-مو زين عليك ياامي
-راسي يوم لازم اصحصح
تركت موقعي يم الباب وتوجهت للقنفة يم المكتب
خليت الجنطة والأوراق على الطاولة گبالي
دخل هو بطوله المرتب لابس تراك بيت
لونه نيلي غامق وهذا لونه المفضل على مااعتقد
لأن دائما يلبسه وشعره منثور بلا اهتمام
نزلت عيني عنه لأن صدگ مااستحي وطولت
واني مركزة بتفاصيله
گعد على كرسي گبالي
-شوفينا شغلج الحلو
قدمتله الأوراق لبس نظارته عدلها وبلش
يقرأ ويخلي بصفه
اندگت الباب ودخلت ستيفاني العاملة بيدها
صينية صغيرة خلتها وطلعت
فنجانين گهوة وكف اكو علبة عالميز جابها فتحها
قدملياها
-الگهوة مرة اكلي تمر وياها
ابتسمت بأحراج اني مااشرب گهوة وادور مرة
الصراحة هيج امور جانت تعتبر رفاهية مفرطة
بحياتنا يادوب نشرب جاي
مديت ايدي مترددة اخذت وحدة باوعلي
-لا لا هاي مو طيبة جربي هايه
رفعلي ايده بحبه تمر مفتوحة ومحشية جوز
اخذت منها قضمة داخلها محشي نوتيلا او نوع
ككاو سائل
1 ت
-هسة اخذي رشفة من الگهوة
سويت مثل ماگال بس بقى طعمها مر وماشربت بس شويه منه
-رأيج هسه
استغفر الله اضطريت اكذب
-كلش طيب التمر وياها
-علمودج جبته اني متعود اشربه مر
شرب فنجانه برشفة وحدة
وبلشنا نشتغل تلفونه ميسكت كل شوية يرد
آخر شي زهگ ولزم جبينه دفعة علية وصوته عالي
1
-غلقييييي
جان صوتة تعبان وگالها بصيغة أمر وبعصبية
اخذت التلفون غلقته وخليته على المكتب
وهالكلام بعد ساعة ونص بقى مغمض عيونه
حسيت گلبي انعصر من رفع صوته بس كملت ساكتة صار هدوء
واني اشتغل وأسترق نظرات لوجهه
ملامحه حلوووة خشمة رفيع ومرفوع
حواجبه رجولية منثورة ولحية بسيطة محددة
لكن هالأيام تاركها مهملة منطيته جاذبية أعمق
شعر وسط عيون واسعة سودة وسمار بسيط وصوت خشن وحلو
3 تعليق
سكتت ونزلت راسي
-الصوت العالي يأذيني والتلفون ميسكت
هزيت راسي وهو يحجي ويايه
-المرافعة بقضية أنور عالشهر الجاي
ان شاء الله يكون وضعي مستقر
أريد منج ترحين هناك ويا ذو الفقار
تسألون الجيران عن أنور واني جبتلكم
امر قضائي يعني شغلة قانونية تمام
-تمام استاذ
-ترى ذو الفقار ابن اختي يعني ثقة
والا اني مستحيييل ادزج ويه شخص غريب مستحيييل
ابتسمت محرجة
-لا استاذ ذو الفقار كلش خلوق
-بعد مااوصيج صِبى هالكلام راح يزيد
من الدليل والحجة ضد أنور شوفولي كلام
اهل المنطقة كلهم فهمتي عليه
-تمام استاذ يمتى
-باجر أن شاء الله
قبل ١٢ كملت كل شي ووگفت
-استاذ بعد ماتطلب مني شي
-اكيد اطلب يعني تطلعين بدون غدة
-لا استاذ متقصر بس البنات وحدهن
-گعدي صِبى
-والله مااگدر أتأخر مُنى وضعها مخربط وحتى متاكل
وگف ويايه تقدملي شويه
-صِبى محتاجة شي مادياً معنوياً الأثنين اني موجود
-عمررري مراح انسى موقفك ووگفتك
ويانة بوفاة اهلي ابويه وخالتي وحتى حادث اختي
وراح ابقى مدينتلك بهالفضل طول عمري
-اني من اجتني النوبة مرتين انتِ ماقصرتي
وهالشي ماانسى
-واجبي هذا
-واني هم واجبي
-هذا من كرمك وذوقك وحسن خلقك
تمشى ويايه للباب والدته طلعت ورانا تباوع
قبل لا يفتحلي الباب
انفتحت الباب فجأة دخلت نسرين
ووياها مرية جبيرة بالخمسينات تقريباً
نازكة لابسة قاط رسمي نسائي
نسرين تباوعلي صفح
اشرلي أسد
-هايه اختي ام ذو الفقار
-تشرفنا
دارت نسرين عيونها صفح وحجت
-ماما هاي البنية اللي گتلج
عليها بمكتب خالو
رفعت امها حاجبها وأسد
بين علي الانزعاج
2
-نسرررررين خالو حارة دخلي امج جوة
تجنبت الأحراج وطلعت اخذت تكسي
رجعت للبيت لگيت مُنى نايمة
البنات جانن حاسات بالملل
غِنى ضايجة من الگعدة بالبيت
بس الحمد لله طلعت نتيجتها
جيد جدا شويه غيرت نفسيتها
جهزت نفسي للطلعة ثاني يوم
الصبح أتصل بية أستاذ أسد
وجان صوته تعبان اكثر
- صباح الخير صِبى مستعدة
جايج ذو القفار
-انتبهو لنفسكم من المنطقة وتلگين بالسيارة
عالكشن الورة مضلة مالتي اخذيها من الشمس
وكأن هالجملة رجعتني سنين ليوره
وفرقد يركض ورايه بمضلة صغيرة
واني طالعة للأمتحان بالسادس ابتدائي
3
-صبيووووة ولج اوگفي
التفتت بيده مضلة ملونة صغيرة
-تعاااي تعاي
-ها فرفور راح أتأخر
فتح المضلة مرسومة بدلافين تقفز بالمي
وامواج حواليها
-اخذيهة الدنيا حااارة وامتحان خاف تضربج
الشمس وتنثولين
كفخني ومشى
-شكراااااااا فرفور
-تتدللين الحوووووووولة
بسرعة البرق مرت هالذكرى
ورجع صوت أستاذ أسد يذكرني
-صِبى تسمعيني
-نعم أستاذ
-لتدخلين بيت أحد اوگفو بره
وهمة يطلعولكم تمام اني هم وصيت
ذو الفقار
1
گالهة وذب نفس تعبان
-أستاذ كل شي تگوله تم روح أرتاح
-صِبى تعاي ويا ذو الفقار كل شي نظمي
بيدج مااگدر ……
ماگدر يكمل كلامه
-أستاذ اني جايه وارتبلك كل شي من عيوني
-لعنتي
2 ت
مافهمت شي رجع ودعني وراح
ربع ساعة ودگ التلفون
-صباح الخير أستاذ
-ها صِبى جاهزة
-لعنتي
مافهمت شي رجع ودعني وراح
ربع ساعة ودگ التلفون
-اي جاية بس دقايق
بسرعة سحبت جنطتي وطلعت راكضة
سيارتة واگفة بالركن هو اجة بعزاء خالتي
ويندل المنطقة
مبتسم كالعادة ملامحه ماخذ من ملامح
حمزة هوووووايه سمار حلوو وطول
ووزن مرتب بس شعره شبابي وعالي شويه
بالعمر بگد فرقد مرتب وخلوق هم على خاله
وجده يحب القانون ومتخرج ويشتغل بالمكتب
صعدت صبحت علي
-صباح الخير أستاذ
- صِبى اني وياج موظفين ونفس
الدرررجة گوليلي ذو الفقار
1 ت
-زحمة
-لا رحمة
تحرك ماشي يسولف ويايه ويسأل
-انتِ تندلين المكان
-اي اكيد
-تمام نسجل شهاداتهم حسب ما گال استاذ
أسد
-ان شاء الله
فتحت الباب جبتها اباوعله بعدها بالعلامة
ممستخدمها
التفتلي ذو الفقار وضحك
-والله خالي علي سوالف واني جايج بالطريق
وگفني انزل اشتري مضلة گال حارة عليها
1 ت
غابت ابتسامته تحت استغرابي وحك جبينه
-يعني اقصد هي مالته اشتريتها اله قبل فترة
ومخليها بسيارته
3
نسمات هوووا باردة داعبت احساسي بسبب
اللي گالة يعني لخاطري جابها وجان يستحي يگول
فتحتها ومشيت ويا
-منين نبدي
-من جيرانهم القريبين استاذ
-ذوووو الفقار يمعودة
ضحكت ومشينا بديت انطي
اسماء الناس البعض وافق يتعاون
والبعض ماراد مشاكل خصوصاً ويه اعمامه
لأن اصحاب مشاكل
وأخيراً تذكرت
-اكو بيت هنا راح ينطينا جواب شافي
-وينه
-بس بيت مشبوه
-يمعودة قابل بايتين يمهم امشي
مشيت ويا وگفت بباب بيت طنان
دگ الباب وطلعتلنا وحدة مشخلعة
وتطگ بعلجها
شوية وطلع مثل ماهو اسمر حيل
وأگرع بس معدل نفسه وحتى البيت مرتب صاير
بس شافني ضحك
-هلا ببت العزيز
-هلا
-داگين بابي اليوم
حاجه ذو الفقار
-محتاجينك بموضوع
-تفضلو جوه
هزيت راسي بالرفض اشرلي ذو الفقار
وهو يبعد سترته بين المسدس خفت اكثر
-امشي صِبى سويلنا طريق عمي
1
صاح
-فتحن الأستقبال جايين خطار
شوية ودخلت اللي فتحت الباب مااكذب اذا
اگول تقريباً ملابسها شي مخاااازي
نزلت الصينية عالطبلة وكل شي بين
ذو الفقار بصفي
-العببببب لو هيج الشغل لو ماااااكو
5
كتمت ضحكتي واني اشوفه منطلق ويباوعلها
غمزتله هي وطلعت وطنان مبتسم
-ماگلتيلي عمي شنو المطلوب
-عمي جايين نسأل عن أنور الناس متقبل
تنطي كلام عنه
-ليييش تگاطعت هو واحد گ****د عنده اخوات
طولهن محد شايفها وامهن مثل ليرة الذهب
جابت عمرها تشتغل لخاطرهن حط على اخته
وكتلها وهو مكبسل وفوگاها عمامه يردون
يسدون القضية بحجة قضية شرف
2
-اني وانت نعرف شلون ناس وشلون بنات
بس الناس متعرف ونريد نطلع حقها
عرضله ذو الفقار الورقة الرسمية وهو نزل الورقة
-نزلها عمي حتى لو بدون امر الحكومة هم احجي
الحق
بدأ يسرد علينا سوالف انور وعمامه والمروجين
والمناطق اللي يفترون بيها وخلال ساعة كاملة
سجلنة كل شي
1
-ان شاء الله ماقصرت
-لا عمي حشاك
-بس طلب لا تجيبون اسمي ولا اجي للمحكمة
1
دگلة فقار صدرة وسلم علي وطلعنا
اول ماطلعنا طگها فقار ضحكة
-شنو هالرجال الغريب
-هذا بي عبر الدنيا كلها شرب سوالف طايح حظها
بس حقاني
-مبين ومتكلم صراحة بس والله قطعة هاي العنده بالبيت
ضربت جبيني وهو ضحك
-هههههههههههه بس لا مرته
-لا مشفتها تصيحله عمي
-افهمها فقاااار بيت سيءالسمعة يعني
-ههههههههههه فهمت بس جاي استفزج
1
طلعنا كم بيت ثانيات والناس مدحت بالبنات
وحجو كل شي عن أنور
طلعنا بعدها للبيت فقار ينزلني ويروح
اتصلت بالأستاذ قبل لا ادخل
-الو صِبى ادخلي طلعلتج ستيفاني
-تمام استاذ
دخلت بالهول گاعدة نسرين وقمر وام نسرين
والحجية سلمت
ردت الحجية وقمر باوستني
اريد ادخل للمكتب حجت ام نسرين
گعدت گباله طلعت التلفون اللي دزه اسجل بي
والاوراق وكل شي نحتاجه
-شسويتو
طلعتله التسجيلات لحد تسجيل طنان
-هذا كلش يفيدنا
-بس طلب ميدخل محكمة ولا يشهد
-حتى لو احتاجينا نخلي شهادته سرية
-بعد أستاذ حسب خبرتك شتشوف انت
باوعلي وركز على عيوني
-اشوووف شي حلووو
1
كح وجله صوته ويا مااجا الأتصال
فتح الخط وية فقار
-ها فقوري احجي
امممممم اها اها وانت شلون تخليها
تدخل للبيت اذا شفتهم هيج تمام
دروح وبعدين نتحاسب رووووح گتلك
غلق الخط وباوعلي بنظرات عصبية
-ليش دخلتي لهالبيت
-علمود شغلنا أستاذ
-لو مخلية فقار داخل وحده ومنتظرته
-اعتذر بس أستاذ ذو الفقار ميعرف ناس
منطقتنا شنو ولا اسلوبهم
ضرب على كيف عالمكتب
-وهووو هذا شنو حتى تعرفين أسلوبه وتحاجي
وهي المنطقة شلامه من بشر حتى تگولين ناس منطقتي
صفنت علي وهو متعصب ونسى نفسه تقريباً وتجاوز حدوده وياي أنسانياً
وصوته أرتفع لميت الجنطة وخليت الملفات گدامه
وهو يباوعلي شسوي
1
-خاف ناسي شي أستاذ المنطقة اللي محتقرها حضرتك هسه لمتني لسنين بغض النظر عن سكانها وطبيعة البعض منهم
بسرعة قبل ليرد طلعت الاوراق خليتها گدامه
- هذا كل شي تحتاجة أستاذ رتبته ألك مثل مطلبت
اني أستأذن
طلعت للباب بلا رد منه لاگتني نسرين يم باب الصالة الداخلية
- حلووو التختل بالمكاتب من مجداية وخدامة بالمكتب
لسكرتيرة وخالي ميستغني عنج
وية مكملت كلامها سمعت صوت باب المكتب انفتح وطلع اسمع خطواته ورايه رديت عليها تحت مسامعة
- حقج باللي تگولي عالمكم طلع يختلف وطلعت الأحلام
ماتتحقق وراح ينحكم عليك
من لبسك ومنطقتك وشكلك حتى لو گالولك العكس
طلعت وهو يحاجيني
-صِبى انتظري اخذي الأوراق وياج
التفتت مابيده اي شي نسرين دخلت بعد ما نهرها
-طبي جوووة خالو
3
وصلي وكفت منزله راسي
-صِبى تنتظريني اغير ملابسي نطلع للشركة
لو تدخلين احجي وياج
-صِبى
گالهة بنفاذ صبر تركته مستأذنة
-عن اذنك أستاذ
طلعت ماشية أحس غصة عظييييمة ببلعومي اريد
ابجي بس مااعرف اني تحسست هو عصبي
مااعرف شصار ليش الكلمة جرحتني هالگد
3
مشيت مسافة لنهاية شارعهم يتفرع الشارع لشارع ثاني اوصل الشارع العام وكفت تكسي رجعت للبيت
غِنى گاعدة و مُنى بعدها نايمة باوعتلي غِنى مستغربة
عيوني اللي واضح وارمات من البجي
-شو راجعة من وقت
تركتها ورجعت للنوم بعد ماغلقت جهازي
مگعدت الا العصر اخذت البنات وسومة طلعنا نزور موسى أبن جعفر وقت عصرية جو حلو كعدنا بالضريح
هدوء يحيط بينا عيني على البنات مُنى تقرأ قرآن
و غِنى تصلي وسومة دخلت تزور قبل لتليل الدنيا رجعنا للبيت ثاني يوم الصبح گعدت غِنى بعد مبلغتها سومة
بوجود شغل رتبت امورها حتى تطلع وية سومة للدكتورة تتفق وياها باوعتلي مستغربة
1
-متداومين
-لا مااداوم
-صاير شي
-لا مجازة
طلعت هي واني رجعت نمت مالي خلگ حتى
اشتغل بالبيت بعد ساعتين مُنى صحت واسمعها تحجي ويه
قمر اجتني تركض
-صِبى كعدييييي يردوج
-منوووو
-شنووووو
دفعت التلفون ورجعت أنام ممصدگتها
شمرت نفسها عليه فزيت
-مديييرج استاذ اسد يريدج
خلت التلفون بيدي ورفعته گلت الو
-الو
-صباح الخير
-اهلا أستاذ
-ليش تلفونج مغلق
-تعبانة
ماگدرت أكمل كلامي عبالك الموقف رجع ببالي من جديد
-صِبى يااااا صِبى
- لا أستاذ انت مگلت شي كذب منطقتي القديمة
لامة من كل شي فمثل ما بيها طنان ………
قاطعني
-منووو
-طنان الرجال اللي حجينه ويا البارحة
1
ولأول مرة أسمع ضحكته بصوت عالي وخشن
يضحك من گلبه ثواني ورجع
-الله يسعدج يا صِبى ضحكتيني بالله اني من كل عقلي
غيران من طنان
-العفو شنو أستاذ
وكأنه أستدرك كلامه وأستوعبه
-أگلج اني من كل عقلي متعصب من شخص اسمه
طنان سمعيني صِبى أقسم بذات الله اني كلامي من
باب الحرص وأحترام عندي للناس هناك بس اكو مكبسلجية
واصحاب سوابق هذا قصدي خفت عليج يعني
اقصد عليكم أنتِ وفقار
-تمام أستاذ
-ماجنت أعرف زعلج هيج ثگيل
ضحكت محرجة
-مو زعلانة أستاذ
-دتعاي عدنا شغل يلا لا اخصملج
-تمام استاذ جايه
1
اجاني صوت قمر
-جييييبي وياج مُنى
صحت مُنى وبلغتها غيرنا ملابسنا وطلعنا
اول موصلنا قمر اخذت مُنى وركضت بيهة لغرفتها
فوگ واني دخلت للمكتب البيت هدوء الحجية ماكو
وبس ستيفاني تفتر جابت الگهوة خلتهة عالمكتب وطلعت
-شلونج صِبى
-الحمد لله أستاذ
-راح الزعل
-مزعلانة أستاذ
-اووووف يا صِبى
1
غير الموضوع وبدينا نشتغل شويه ودخلت قمر راكضة
-خااااااااالوووو
-ها بابا گولي
-خلي خالو حمزة يطلعنا الجو حلو بس نجيب حلويات
ونجي
-شتگولين صِبى
-براحتهم أستاذ
-روحي قمورة اني جاي وراج
طلع دقايق ورجع وجهه جان تعبان وشاحب
ويادوب مسيطر يگعد
-نكمل
-استاذ ليش متروح ترتاح واني اكمل كل شي
-لا ماعندي شي كملي
اشتغلنا وهو يرتب المرافعة بخط ايده
شوية ودخلت ستيفاني بيدها صينية صغيرة
خلتهة عالطاولة گدامي ابتسمتلي وطلعت
-تفضلي صِبى شغلنا هوووايه لازم نتريگ
-اتركج شوية وراجع
طلع واني كملت اللفة اللي بيدي ورجعت لشغلي
تقريباً مكملين ماعدنا شي رجع وره دقايق
مغسل وجهه مرتب شعره وريحة عطر هادئة
دخلت ويا گعد كمل اكل وشرب علاجة ورجع يكتب
خلصت ووگفت
1 ت
-أستاذ خلصت اذا ممحتاج شي عادي اروح
-انتظري يرجعون البنات ويا حمزة
-تمام أستاذ
كعدت بيدي القلم أشخبط بورقة بيدي
ولا أرادياً خطيت أسم فرقد وبصفه عين تدمع
وكعدت اشخبط هنا وهنا بالورقة ابيات شعر
مقولات شيجي ببالي اكتبة اخر شي كتبت
واني احجي دگ تلفونه رفعه ويحجي ويتشاقه
-هلا بالنسيب موجود تعال
لا لا هلا بيك مابيه شي
سد الخط وباوعلي
-صِبى تتفضلين بالهول محد موجود اخذي
راحتج جايني نسيبي وويا صديق النا
-تمام أستاذ
طلع وياية لباب الهول ورجع غلقه
ودخل شويه وارتفع صوت ضحك بالصالة
اني بيدي جنطتي وتلفوني اتصلت بمُنى
-وييينج
-والله هسة جاييين ليش عصبية
-يلا لتتأخرين مو عصبية حبيبتي
غلقت التلفون والتفتت على صوت خطوات
عالدرج صارت عيني بعين نسرين فاتت من يمي
باوعت صفح ودخلت للمطبخ شويه وطلعت بيدها
كوب گهوة جبير گعدت على نفس القنفة اللي گاعدة
عليهة
-أشوف رجلج طالت هنا
-واني أشوف انج متدخلة بشي ميخصج
1
-احتررررمي نفسج
-الأحترام مكتسب وانت لحد الآن ماتصرفتي ويايه تصرف تكتسبين بي احترامي
-امشيييي لج الفگر
-امممممم فقيرة مادة وغنية أخلاق
1
وكفت وأرتفع صوتها
-أما أنج وحدة قليلة ذوق عديمة كرامة بأي حق تتجاوزين
ارتفع صوتها ويا فتحة باب الصالة وأستفسار أسد
عن الصوت
-ليش صوتتتج عالي نسرين
-خالوووو يعني هي ضيفة وجايه تتجاوز وتغلط
باوعلي ابتسمت
-أستاذ أسد اعتقد اني مو طفلة حتى ارد عالتجاوز بدون
سبب الآنسة بأكثر من محل تتجاوز حدود الأخلاق
ويايه واني ردي هو رد فعل لتصرفها
-نسرين اعتذري اذا متجاوزة صِبى ضيفة وزحمة اللي تسوي خالووووووو
گالهة متعصب وهي ثارت
-اوگف أستاذ عن اذنك
اولا ممحتاجة أعتذارج لأن ممقبول ثاني شي بطلي
ان تشوفين اهانتج اليه حق مكتسب بسبب ضعف
حالي او بسبب جنت عاملة بالنهاية ألاستاذ مو صغير
حتى يدخلني مكتبه واني غير كفوءة اما كلامج الغير سوي
ونغمة التلاعب بي فهذا من حسن خلقج
ابتسمت بوجها والتفتت للأستاذ
- اني آسفة الموضوع تااااافه ميستحق تدخلك
اني رايحة أستاذ ياريت أستاذ حمزة يوصل مُنى
مشيت وهو خزرها ركضت صاعدة فوگ
ومشة ورايه
-اعتذر بالنيابة عنها
2
-لا استاذ لتعتذر لأن نسرين هذا طبعها والظاهر ويا
كل الناس خوما راح تمشي وتوزع اعتذارات بدالها
ابتسم بأسف خجلان
-الظاهر بنت اختي محتاجة اعادة تأهيل
-لا العفو
طلعت بره وهو ويايه
-اني هم اعتذر بسبب الموقف
اشوفك بالمكتب أستاذ وراح تنور الشركة بوجودك
ودعته ماشية للبيت وصلت البيت هدووووء شمرت
نفسي بفراشي تعبانة ورغم كلام نسرين بس أحس
بأرتياح بديت اعرف أرد وأعرف أدافع عن نفسي
اخذتني غفوة لوقت غير معلوم ودگ التلفون بعد فترة
دخلت بيدها علاگة حلويات
-منيلج ولج
-والله من فلوسي اني اشتريت
-عاشت ايدج
وبين رجعة غِنى وفرحتها بالشغل وان حتى من تداوم
تكدر تشتغل لأن ب٣ تفتح العيادة يعني راجعة من الدوام
ومرتاحة شويه ومُنى بدت تتأقلم على غياب خالتي وتتعود
وسومة شكلت جزء جبير من يومها بالوقت الحالي
هي وقمر فبدت مُنى تستعيد نفسها وطبعهة المرح
غِنى بقت رغم كل شي مصرة ورافضة اي اتصال
بأيمن لذلك بعد اتصالة بيه انطيته كل معلومات
شغلهة فاختي بسبب وضعنا وحياتنا صارت مثل التمثال
الحجر الصلب تخاف من المشاعر تخاف تعترف بحبها
الواضح لأيمن تحت مسمى صداقة وبعد محاورة
ومكالمة طويلة طلعت غِنى من غرفتهة وجان
وجها تجسيد لمعنى كلمة سعادة بعد ماتصالحو
أما شغلي فبعد شهر وشويه وبعد مداولات تمت
وأخيراً الجلسة النهائية اللي ينبت بيهة الحكم
جنت اني متوترة وگاعدة يم أم بنين وازهار واگفة
تاكل بأضافرها واني رجلي ماثبتت وادية ترجف بس اهدي
بيهة
-والله خالة هالمرة مضمونة بس گولي ياالله
-ياخالة اذا طلع يكتل اخيته والله احتار گلبي
كلهم طالعين من روحي بس هو شيطااان ركبة شيطان
بسبب عمامة
صاحو برقم القضية ودخلنا گعدت بجانب أم بنين
وبدت المرافعة والقاضي يسأل والمحاميين يدافعون
بدت مرافعة أستاذ أسد وهالمرة دافع بشراسة
وبكل مايملك من قوة راد يثبت ان الباطل مهما كان
قوي الحق ممكن يسحقه اتابع حركته وهو يحجي
ببدلتة الرسمية السودة ونظاراته اللي منزلها حتى يقرأ
اللي بيده بدأ يترافع واني والجميع منصتين لكلامه
1
-سيدي القاضي هيئة المحكمة الموقرة
أقف أمامكم اليوم لا بصفتي محامي ادعاء فقط
بل بصفتي إنسان يقف مذهولاً أمام أبشع صور الجريمة التي يمكن للعقل أن يتصورها
جريمة لم تزهق فيها روح بريئة فحسب بل اغتيل فيها ما تبقى من معنى للرحمة للقرابة وللضمير الحي
موكلي في هذه القضية ليس سوى صوت مظلوم صامت صوت فتاة لم يكن ذنبها إلا أنها خلت إلى صلاتها
تناجي ربها تقف بين يديه في خشوع بينما يد الغدر كانت تترصدها لا من غريب لا من عدو بل من شقيقها الذي كان يفترض أن يكون سندها حاميها ظهرها في هذا العالم
سيدي القاضي
لقد قتلها وهي ساجدة
لم ينتظر حتى تفرغ من الصلاة لم يتراجع حين سمع همسات الدعاء بل اقتحم عليها خلوتها وهو تحت تأثير المخدر بلا تردد
كيف لمثل هذا الفعل أن يبرر تحت مسمى غسل العار
اي عار ارتكبته تلك الطفلة البريئة وهي متوجها لخالقها تدعو لأخاها بالصلاح
لم يكن المخدر هو ماقتلها بل ما فعله المتهم كان نابعا من تخليه الكامل عن الإنسانية عن الوعي وحتى عن أدنى درجات الرحمة
حضرات القضاة
إننا لا نقف اليوم أمام جريمة قتل عادية بل أمام جريمة مركبة
جريمة قتل مع سبق الإصرار المعنوي
جريمة انتهاك حرمة العبادة
سيدي القاضي
لا نطالب بالانتقام بل نطالب بالعدالة
نطالب أن تسمع صرخة المظلومة التي لم تجد فرصة لتدافع عن نفسها
نطالب بحكم يعيد للمجتمع ثقته بالقانون ويردع كل من تسول له نفسه أن يخلط السم بالعنف وأن يبرر الجريمة بالهروب من المسؤولية
موكلتي
ضميرنا
هذا المجتمع
ينتظرون من عدالتكم القول الفصل وشكراً لكم
كمل مرافعته وبدو بالاستجواب وحجو ويا أنور
اللي برر فعلته بكلام يخص الشرف خلة صوت
امة يرتفع بالنحيب والبكاء توقف على أثره القاضي
بصمت أحتراماً لحزنها
توجهت للمنصة وبدو يسألوها وتحجي عن تصرفات
أنور بالبيت وظهرت ايدها وجرح قديم بيهة وجبينها
وبدت تعدد اعتداءاته عليهم بالبيت
واخيراً بدأت شهادتها بخصوص بنين انطلقت
تحجي بدموع اللي صار وتشرحها بكلامهة اللبق
سيدي القاضي
أنا هنا مو حتى أكتب نهاية أخويه بس هنا حتى أگول الحقيقة
الحقيقة اللي ماتت بسببها أختي الصغيرة
أختي بنين ما جانت إلا ملاك والله
جانت أحن وحدة بينا ما ترفع صوتها ما تعاند أحد
حتى لمن نتعارك احنه جانت تصالحنا من احنة صغار ولحد مماتت جانت مثل امي تدعي ينصلح حال أنور
بس اللي صار ذاك اليوم
ما أنساه لو أعيش ألف سنة
جانت تصلي مثل كل يوم
تصلي بخشوع وتدعي لأنور بالصلاح بعد ماتعارك وياها
بسبب قذاراته يرررريدها تقدمله الشرب وهي متوجهة لصلاتها رفضت مذكرته بعذاب رب العالمين
وراحت جانت جوعانة گالت اصلي واجي اكل
فجأة سمعت صرختها ركضت شفتها سابحة بدمها
وسجادتها متلونة بي
وأخويه أخويه اللي المفرووووض يكون سنددد گاعد يهشم راسها بكل قوته كأنها ألد اعداءه
ما أگدر أبررله
حتى لو جان متعاطي حتى لو جان سكران بالنهاية احنة بشر مو وحوش
اللي يمد إيده على إنسان ساجد فقد كل شي فقد إنسانيته وفقد حتى صفتة كبشر
أنا ما جاية أطلب حكم قاسي بس أطلب إن صوت بنين يوصل
أطلب إن القانون يسمع دموع أمي وحسرتها كل يوم
خوف أختي وهي تشوفه ينقض عليها بغل وحقد
امي سيدي القاضي خسرتهم أثنينهم بس خسارتها لبنين
أكبر اختتتتتي مظلومة أقسم بذات الله اي كلام يخص شرفها فهذا كذب وتضليل
اني شهدت وضميري يشهد وگلبي المجروح بغيابها يشهد
أنوووور قتلها بدم بارد ويهدد بقتلي اذا شهدت
هاي اني شهدت وشيصير بعد خل يصير تمنيت قاتلني وياها
ولا ابقى اعيش لحظات موتها كل لحظة گدامي
انصف اختي سيدي القاضي وانقذ الباقي من فتاة الحياة بداخل امي باحقاق الحق ونصرة المظلوم
نزلت أزهار وعمها وگف مانعها تمشي رجعت ترتجف
وامها حضنتها
-شيررريد منج عمج
-يگلي بس نطلع منا أعيد تربيتج
طبطبت امها على أيدها
-النا الله يمه لا تخافين
المتهم انور عبد الله سالم يقف اليوم أمام هذه المحكمة ليس كمتهم فقط
بل كقاتل لكلمة رحمة كخائن لرابطة الدم
كهادم لبيت ما كان يجب أن يهدم
لقد سمعنا شهادة الأم سمعنا بكاء اختها وشهادة الجيران رأينا صور الجريمة وقرأنا كل حرف في الاوراق الرسمية فكانت الحقيقة واحدة
قتلها عن سبق إصرار وسكر وإهمال للرحم
قتلها وهي تصلي
قتلها بدم بارد
وبناءاً عليه وبعد الاطلاع على المواد القانونية المختصة وبعد التداول تقرر المحكمة
الحكم على المدعو أنور عبد الله سالم بالسجن المؤبد بلا
اطلاق سراح ولا تخفيف
قصاصاً لما اقترفت يداه وردعاً لكل من تسول له نفسه أن يُطفئ نورا من أنوار الرحمة داخل البيوت
رفعت الجلسة
اطرق القاضي مطرقته ووكفت أم أنور منهارة تهلهل
وتبجي بصوت عالي حزناً على فقدان بنين
وعلى ضياع شباب أبنها بسبب عمامه والادمان
اسد التفتتلي واشر
-خلي الحجية وأزهار يجون وياي
طلعنا من القاعة واعماها وأولادهم يموجون
غضب وگف أسد بصفها واشر للضباط اللي ويا
وبقى يحجي وياهم تقدمو لأعمام أنور واحنه واگفين
اشرلهم أسد
وصلنا يمه واعمامها عيونهم تجدح غضب
باوعلها أسد
-حجية تتفضلين ويانه انتِ وبنتج وبأمرررر من القاضي
ركز عالكلمة وهو يخلي عينه بعين عمها الجبير وكمل كلامه
-بأمر من القاضي ترحين ويانه للمركز نسجل تعهد خطي
وبغرررررامة مالية ضخمة على الطرف المعتدي
بعدم تعرض حضراتهم الج ولبنتج
مشت ويا ام انور وازهار والضباط وياهم
باوعلي
-والفضل الج تحملتيني بأيام مرضي
وتعبي وساعديتني بكل القضايا اللي جانت
تحت ايدي وخصوصاً هايه
-بفضلك تعلمت استاذ
-امشي اوصلج بطريقي
-لا استاذ خطية ازهار خايفة اروح وياكم
-واني بهاي عيونج اخذج وياي لمركز الشرطة
-مافهمت
-اقصد عيونج حمر من التعب تعاي اوصلج بطريقي يلا
باجر مجاااازة من يمي روحي ارتاحي
مشينة للسيارة صعدت ويا وأم أزهار وازهار صعدو
وصلني لشارعنا وطلع للمركز ذبيت نفس مرتاحة
دخلت البيت مُنى اكيد يم سومة سبحت وطلعت اكل
لزمت تلفوني أتصفح
واجاني أتصال من أيمن
وطرح علية سؤال رفرفله گلبي
سعادة وانتشرت بالهوا انغام الفرح
القادم بحياتنا
.
.
مُنى
_________________________
وأن من أعظم الأنتصارات بالحياة
وجود صديق لا يعوض مكانه احد
متمددة على رجل سومة وفاتحة اتصال فيديو
وية قمر وسومة تنصحنا
-جاي الدواااام اياني وأياجن تسكتن لوحدة
تتجاوز بحقجن
صاحت قمر بمرح
-يعني نكتلهم
-لا الضرب مو شي حضاري
-لعد
نزلت راسها باست جبيني وكملت
-لعد نستخدم لسانه بس شنوووو بأدب
يعني اربي المقابيل بدون ضرب
فهمتن
-فهمنا
صاحت قمر وسومة باوعتلها مبتسمة
-ولج هذا شعرج الحلو ليش خفيف
-من التوتر وكع
-تعاااااي هسه اسويلجن زيووووت انتِ
ومناوي
-اييييييي بس كون يقبل خالوووو حمزة
-اتصلي وانطنيا احاجي
-اي حتى يبطل وميخليني اجي
ضحكت بخبث وهي تسألني
بعد ما گامت سومة للمطبخ
-ولج بس فهميني شصااااااير بينكم شمسويه ومخليته
طالعة رووووحه
-ماسويت شي والله
-عليييينا
-لا جديات هالمرة ماادري شبي هسه يمتى تجين
اختفت الابتسامة من وجها وكملت
-لازم اروح لماما باجر جمعة
-خوما يحاجيج هذا الكلب
-لا لا بس يباوعلي بنظرات مقرفة
اني كمت من اروح اخذ بنات خالة ويايه
لو ابقى سهرانة بالهول بين الغرف حتى ميكدر
يتصرف تصرف محلو
ودعتها بعدها وراحت
ورة نص ساعة اتصلت بتوتر وكالت
-مُنى هذا خالو مو ردتي تحاجينه
صخاااام شگله بعد عملتي السودة وياااااااا
-احم السلام عليكم
رد من ورة خشمه
-وعليكم
-ممكن اطلب طلب
-سلامات
غميت التلفون وكملت
-اريد تجيب قمر يمنه
-ماكو جاي دوام وجبتلها كتب تكعد تقرأ
-حباب
-لا مو حباب مجلوووووب ……
گالهة وهو يأكد عالكلمة
يبوووو ماناسي سالفتي
-حمزة بس هالمرة لخاطري
هدوء عم الاجواء وهو يستمعلي رد بخفوت
-شلون
-بس هالمرة
-لا قبلها
-عمو لخاطري
-ولي متجي
-شبيك حمزة حبااااااب
ضحكة صغيرة فلتت منه وكمل
-اجيبها تمام بس متتأخر
-هسه جيبها وتبقى لليل
-بشرط
-شنوووو
-بعدين اخذ شرطي
اخذت قمر التلفون وتهمس همس وتضحك
-شگلتيله وتسرسح
-انجبببي ماگلت شي بس تلوگت شوية رووووحي تجهزي بسرعة
سدت التلفون واني رجعت للبيت جهزت
حبشكلات وحلويات
ومددت عالقنفة بأنتظارها غِنى راحت للجامعة مدري شطالبين منهم قبل الدوام صِبى بالمكتب
غمضت عيني واجت گلمته ببالي
لا مو حباب مجلوب
ضحكت واني استرجع سبب زعله وغضبه
بمرة طلبت قمر مني اروح ازورها رحت بالفعل
ويا صِبى جان الاستاذ مريض فشغلهم يسوو
من البيت دخلت استقبلتني قمر راكضة وصعدنا فوگ
باوعت قمر غرفتها نايمة بيها بنت خالتها
سدت الباب وباوعتلي
-تعاي هاي نسرين المجلوبة نايمة يمي
سحبتني فتحت باب غرفة مرتبة وصورة
فوگ السرير بالأبيض والأسود لجسم
رياضي مثالي بارز عضلاته بدون تيشرت
وموشوم على جانب كتفة حرفH ملتف علي
ثعبان
-تجنننن الصورة هايه
ضحكت هي وطلعت راكضة
- انتظري راح اجيب حبشكلات ناكل
نزلت واني گاعدة تمشيت يم الشباك مفتوح والهوا
يخبل يدخل باوعت يطل على حديقة خلفية
للبيت ادندن اغاني
انفتحت الباب واني عيني عالحديقة
والمسبح اللي عالجانب بيها
-بربج قمر هسه مو مال مايوه بكيني
واطفر بالمسبح هذا
-أكيد يطلع قااااتل
التفتت حمزة واگف بس بتراكه وبيده
جنطة على كتفه ومنشفة
عطت
-يمممممممه
درت وجهي اريد اطلع مخليه كفي على عيوني
حتى مااشوفه انرگعت بالكنتور
وصار گدامي
-ويييين
-انتتتتت وين شعندك بغرفة البنات
-هاي غرفتي ياحلوووووة
-عزززززززة بعينك
-بعين منوووووو لج
-بعين قمر مگالتلي والله ماااااعرف اصلا
انسند عالباب ساد الطريق
-وييين رايحة
-اطلع بررررره اريد
-اعتذررررري
-عن شنوووو
-عن كل مرة تجاوزتي بيها حدودج وياي
-اني يمتى
-يااااااا هذا انت خالوووو يمتى رجعت من الجم
-شعدجن بغرفتي
-نسرين نايمة بغرفتي وردت ناخذ راحتنا
-بررررة يلة زعاطيط
-باي عمووووو
طفرت شاردة منة وقمر اجت ورايه
دخلنا بالصالة الداخلية مال الطابق الثاني
اكلنا وشربنا وطفرت قمر مرة ثانية نزلت
جوة طلع هو ومشى من گدامي ولا يستحي
بس بتراك اسود بلا تشيرت بيده ملابس ومنشفة
باوعت شفت الوشم هذا جسمه بالصورة
صفنت استغفر الله عضلاته شگد حلوة بس من الغرور
واشم حرفة ومعلگ صورته بالغرفة
صعدتلي قمر راكضة
-راااااح نطلع
-ويييين
-نفرفر ونشتري خالو اسد راح يگل لخالو حمزة
واختج وافقت
طلع من الحمام مبدل وينثر بشعره
عووووذة شگد حلو
غميت مشاعري المعوقة ورجعتلي
قمر دخلنة غرفتها بسرعة بدلت ونزلنا
لگينا منتظر بالسيارة صعدت يمه قمر
وهو يعدل بالمرايا
-وين تردن ترحن
-خالوووو فرفرنه بالسيارة بكيفك
-على جسر الجادرية
ابتسمت آني فما زالت اكو اماكن ببغداد مااندلها ولا رايحتلها
ابتسم وبينت اسنانه المصفوفة وباوعلي بالمرايا
-شنو رأيج ترحين
-اييييي
مشى بينا وقمر مدت ايدها شغلت اغنية هادئة
لفضل شاكر
-روووح حبيبي روح
شو بدك فيي انساني اتركني
لحالي
بعدهة ممكملة الأغنية ومد ايده
حمزة وغيرها لأغنية انجليزية صاخبة
عقجت حواجبي باوعتله رافعلي حاجبه
درت وجهي الهوا حلووو والشوارع
مليانة بالناس اجت ببالي خالتي
وسرحت بأيامنا وگعت دموعي وتتابعت
الذكريات وأيامنا سوه مسحت عيوني
ورجعت كعدت عدل هدأ صوت الموسيقى وطفت
وقمر التفتت
-مُنى خل ننزل نوكل النوارس
-تمام
-شبيج
-صوت الموسيقى اذى راسي
-روحي گعدي يمها سولفن
گاللهة حمزة وهي شمرت نفسها عليه
همستلي
-ليش تبجين
-اشتاقيت لأمي
حضنتني وهمست
-واني اشتاقيت لبابا
سكتنا احنة الأثنين تحت وطأة الذكريات
وگف يم اسواق اشترى جبس ورجع صعد
وگف عالجسر وبيده اكياس الجبس
-وكلو النوارس
فتحت الجبس وبخوف مديت ايدي عالي
بسرعة مر النورس خطف الجبساية
تراجعت ليوره واگعة من الرصيف
وايدة سندتني مرجعني اوگف مستقيمة
-جيبي اني اوكلهم
اخذ الجبس واني اباوعله ثابت وهو يوكلهم
خلص وقمر تگمز منا ومنا للنوارس
باوعلي واگفة شطوله ربت على راسي مباوعلي
للگاع
-هيج يوكلوهن يازعطوطة
دگيت رجلي بالگاع ورحت لقمر
-نخيل البصرة شطووووله يعيب عليه
1
-ههههههههههه هاي اني هم يصيحلي الفارة
-لا يگلي زعطوطة
-خرررب يعرف يغثج
-قابل يطير هم اغثه
واحنة نحجي دگ تلفونها غيم وجها
-ها ماما شكو لا لا باجر اجي
شبيج ماما ليش تزعلين تمام هسه اگول
لخالو دقيقة
وجهة تغير وسحبتني وياها
-ماما تگول تعاي تغدي يمي واني ارجعج
-تمام اوصلج امشي
-وصلني الأول
-لا قمر اقرب يلة امشووو
صعدنا وقمر لازمه ايدي تطگطگ بأصابعي
-ليش خايفة روحي تغدي ولتحجين ويا
-مو خايفة بس مااريد اشوووف شكله
بس ماما تزعل
1 ت
وصلها للباب دخلت يلا حرك
مشى بهدوء وهالشي لاحظته من تخربطت
مرة ويا بسبب السرعة صار بكل مرة يوصلني
يمشي بهدوء التفتلي
-هيج سرعة عادي
ابتسمت
-عادي
-نفسيتج شلونها هسه
ابتسمت امحي التعب من صوتي
-الحمد لله بالنهاية هي ارتاحت من المرض
توقف يم اسواق واشرلي
-اني واعدتكم نشتري نزلي
-لا والله مااريد
-مو بس الج حتى لقمر يلا
نزلت اني شايله فلوس بجنطتي
ومستحيل اخلي يدفع اشتريت وهو
بعدة يفتر يم البرادات يشتري مشروبات طاقة مااعرف شنو خليت مشترياتي ودفعت الفلوس
ويا ما وگف سحب العلاگة
راد يطشرها عالميز علمود يحسبوهن
گالة العامل
-ذاني واصلات أستاذ
سوة حركة عض شفافه وهز راسه رافض رجع
العلاگة بيدي وحاسب عالباقي مشيت گدامه
اسمعة يستفسر عن مشترياتي
وهنا ادركت اني جفصت طلع هادئ
بس وگفنا يم السيارة اشرلي
-صعدي گدام
ماحجيت فتحت الباب وگعدت
صعد وحرك جان يمشي طبيعي شويه
اسرع باوعتلة خايفة
-ليشششش دفعتي
-ها يعني مو كل مرة انت تدفع
-وانت ماخذه وياج زلمة لو رجل كرسي
-لا يعني عيب تدفع بدالي
-بيش صااااارن
-بمبلغ عادي يعني مو هوايه حتى تتعصب
سرع السيارة واني لزمت الكشن خايفة
- بيش
يحجي ببرود ولا كأنه يمشي سريع
-بييييييش
گالهة وانطلق كل سرعته
احس روحي راحت گوة نطقت
-١٢ الف
سكتت بعد ماعيوني غوشت من الخوف توقف
انفاسي احاول التقطها ماكو مدلي بطل المي
-شربي
دفعت ايدة وغطيت وجهي بأيديه
باجية دقايق سكتت من دگ تلفونه اخو أسد
سدة منه وحاجاني
-اختج منتظرتج ببيتكم راح اوصلج
سكتت وهو مشى راجع لمنطقة ام قمر
-راح انطيها حلوياتها وراجع
هو دخل وقمر اتصلت
-ها ولج جاي اشوفج بالكاميرات شبيج
معفوسة بالكشن
-تووووبة اذا صعدت ويااااااا
-شسوووويتي ولج اعترفي
-دفعت فلوس حلوياتي
-ميصير مُنى عيب غير هو رجال وياج
ضحكت بسخرية
-تعرفين اني بحياتي كلها
مااعرف معنى ان رجال يدفعلي ماعدى فرقد
الله يرحمه وابويه مثل متعرفين بعيد
عن كلمة رجال لذلك هالسوالف ممتعودة عليها
ضحكت وهي تتلاعب بصوتها بسخافة
-تعووودي حبي تعودي على حمممموزة كريم ويحب
يدلل البنية
-أييييييع واني ماباقي عليه الا حمزة أبو گمزة
المجلوووووووووب
انغلق الخط فجأة
واجاني صوتة مستنكر
-مجلووووب
التفتت واگف يم باب السايق عيونه تجدح
نار اني غطيت بالكشن فوگ مااني غاطة
واحس وجهي گام ينطي ألووووان
تحرك ماشي وساكت بس شنو اذا ابزة ينفجر
فتح محفظته طلع فلوس خلاهن بعلاگة الحلويات
وحجة وهو يباوع للشارع
-من الأخلاق والذوق أذا طالع وياج
رجال هو يدفع نطنطة الزعاطيط بطليها
سكتت ماگدرت ارد لأن اساساً اني جافصه جفصة
اكبر من راسي ويا وصلنا للباب ردت انزل
طلعت الفلوس خليتهن عالكشن
-شكراً عمو اني شايلة فلوس
مارد علية شگگهن وشمرهن بره الجامة وشخط السيارة
وراح
اني ضحكت لأن غثيته بس ضجت لأن صدگ
تجاوزت حدودي هالمرة
.
.
فزيت من هالذكرى المعفنة على صوت التلفون
-ها قمورة
-اطلعييلي بالباب
خليت حجابي وطلعت دخلت هي بيدهة علاگتين
كبار وهو واگف بالباب
-تعاااي
اشرلي اتقرب من الباب
-اجه وقت الشرط
صفنت بوجهه وقمر وره
الباب تگرص بظهري
-ياشرط
-اللي اتفقنا علي اجيبلج قمر بشرط
-صح اسفة شنو الشرط
همس يسمع قمر
-قمرررر اذنج أشلعها بس تتسمعين
اخذي علاگتج ودخلي لج
ركضت قمر تضحك وهو تقرب للباب مكتف
ايدة وعلى وجهه ابتسامة
-شنو الشرط
اشرلي بأصابعة اثنين
-شرط من فرعين
-الفرع الأول
-بالدوام انت وقمر اوصلكم سويه
-بس بيتنا قريب
-بعد ثلث شوارع عامة وين قريب
المهم
-الفرع الثاني
-رفعلي حاجبة ونطق
-كلمة عموو تلغيها من قاموس حياتج
اني شسمي
-عمووو
مسح على لحيته وكمل
-نعيد بالله حتى اتأكد من ذاكرتج
خزرني بعصبية
-اني شنو
ابتسمت محرجة عبالك مدري شبيه گوة همستها
وصوتي اختفى وهو رافعلي تك حاجب
-حمززة
-نغماااات موسيييقية
غمزلي وراح للسيارة
واني ذابت روحي وساعتها
أيقنت وعرفت أني عندي گلب
ممكن يدگ لرجل في يوم ما بعد اللي
شفتة بحياتي من نماذج من صنف الذكور
.
غِنى
___________________
كان مجيئك حنوناً
وكأنك جئت تعوضني عن جميع
خساراتي
وكأنك تعتذر لي عن أشياء
قد حدث قبل قدومك
متمددة عالسرير ومثل المراهقة اللي
حبت لأول مرة بحياتها
ارفرف برجليه بالفراش وروحي
احسها طالعة من جسمي وتتابع سعادتي
الحالية وتگلي افرحي انتِ تستحقين
الفرح
بعد اعترافه وابيات الشعر من التوتر
غلقت التلفون وصفنت بالسگف
معقولة كل هالمشاعر اللي جنت احسها
جانت حب مو بس صداقة معقولة
من گد ماانعجنت روحي بروحه وصار
جزء مني ماعرفت ان هايه مشاعر
حب گعدت أستذكر هوووايه مواقف
النا سوه عمره ماحكم عليه من موقف
بمرة اتذكر عصبية ومقهورة وگاعدة
احجيله عن كل خساراتي وعن خذلان
الحياة النا بعد ماخسرنا البيت بسبب ابوية وكملت حديثي بعد ماهدأت
واني أحاول اضحك
- وبس هيج كل الدنيا خذلتني مثل ماانت شايف وصفيت اصارع الحياة لوحدي مثل الهبلة
-آنا آسف
- أنت ليش دائماً تعتذرلي على كل الاشياء بالماضي وانت مالك ذنب بيها
- مو لازم اكون مذنب حتى اعتذرلج
انا اتأسفلج عن سوء تعامل الدنيا وياج وعن نذالة أبوج
وموت اخوج وخيانة صديقاتج وسوء تعامل البعض وياج اعتذرلج عن كل مره بجيتي بيها وكل مره خفتي بيها أعتذرلج نيابة عن العالم كله
- أيمن هو انت صدگ تحس بيه رغم البعد
-آنا أساساً مااحس غير بيج
آنا يمكن مااگدر أشتريلج كنوز الدنيا
ولا اگدر أشتريلج الراحة
بس صدگي ماكو مرة ماراح أشتري بيها
خاطرج حتى لو على حساب كسرة خاطري
گزگت على سوالفه ومواقفه ورجعت اتصلت بي
اجاني صوتة الضاحك
-ياااااايابه استحيتي ولك غني ماادري بيك
تخجل
-خاف متقبل منو الخجلان بس رحت
شربت مي ورجعت
-اي هيج رجعي لطبيعتج المعنجرة
-هااااااا بدينا بسوالفك وين راح الهمس
والأسلوب الرقيق
-هذا يسمونه دگ نااااعم دگيتلج ناعم لحد ماوافقتي
-الشايب
-يابعددد روحي
- دبس
-بس ماكو بحلاتي
-مستفز
-غنوة
-عيوني
-رجعي للشغل بالشركة حبيبي شعندج يم الدكتورة
-لا يمك مستحيل أرجع
-ليش
-راح احس نفسي مدللة ومستغلتك وآخذ فلوس بدون جهد
-ومنو گال بدون جهد راح اطيح حظج بالشغل
-تسلم عيوني متقصر
ضحك واشتغلت سوالفه
-حبيبي
-ها يمناي
-يابعددددهم كلهم خل اجي أشوفج
-مو شفتني العصر وكابلتني بالعيادة
-لا أريد اشوفج هيييج هسه ويا وجهج الخجلان
وعيونج الفاضحتها المستحى
-درووووب الشباب متمشي عليه يابعد روووحي
-ههههههههههههههههه وتلومني من اگول سرسرية
باجر ماعندج شغل عطلة العيادة مو
-خرررب بفهاوة صِبى حتى هايه گالتلك
عليها
-ايييييي لو هيج الأخوات لو مينرادن
نطلع شويه
-لا مااطلع
-اطيح حظج والله
-شو أحس خطفتك من رشا
1
-شو لا تحسين حبابة انتِ دفعتيني دفع حتى
اخطبها وخطوبة وماصارت
-هاي طلعت حية وماادري بنفسي
-بما انج طلعتي حية ماتجين تلفتين عليه
تخنگيني ونعتبرة حضن
-خو اگرصك واموتك
1
-اااااااايابه گرص
اتصلت بمُنى واجاني صوتها وصوت
سومة تغني
-ولج من الصبح يم سومة
-اييييي طلعنا جبنه باگلة راح نسوي
باگلة بالدهن تعااااي يمنا
اجاني صوت سومة
-تعااااي غناوي اليوم الريوگ يخبل
غسلت ولبست ورحت الباب بي
حبل سحبته ودخلت صوت الاغاني
واصل للحديقة دخلت المطبخ
وشفت منظرهن گاعدات بالگاع
لابسات علاگة بشعرهن
ومخليات صينية الباگلة يفلسن
ويثردن خبز
-حيييييي الله النسوان
ضحكت سومة
-صباح الخير سمسمية
-صباح العافية
-يمتى طلعتن ولجن الساعة ب٩ ويمتى خليتن حنة
لعبتلي مُنى حواجبها
-هاي مو حنة هاي زيوووت سمسميتي من البارحة سوت خلطة مال زيوت حتى مي ورد بيها وحبشكلات شو الجو حار وكل شوية نسبح گالت خل نعتني بشعرنا
-اي سمسمية ويمتى رحتن جبتن
باگلة
-بطلعة صِبى للدوام اجيت استأذنت
منها واخذت منيتي
-بااااااع الدلع وحدة تدلع الثانية
وحدة شمرت للثانية بوسة
بالهوا
كامت سومة تسوي التشريب
واني گليت البيض و مُنى جهزت الميز
وكعدنة نتريگ اباوعلهن اللي يشوفهن
اثنينهن بيض بشگار والعيون تخبل عبالك
ام وبنتها كفخت مُنى على ركبتها وسومة
عاطت
-يمة كطعتي گلبها ولج غنيوة هو هيج الشقة
-سمسمية ماتتبنين مُنى وتخلصينا منها
هنة وحدة كاعدة بصف اللخ
حضنتها سومة وتبوس بيها
-فدووووة لوجها لو مخلفة بنية
ماجان طلعت بهالجمال والحلا ولا طلعت
هالگد تحبني
اباوعلهن سومة لگت بمُنى رفيقة لوحدتها
و مُنى لگت بسومة الاخت الجبيرة الحنونة
خلصت أكل ورجعت اتصلت بصِبى
فتحت الخط واجاني صوتها الباكي
وگفت خايفة
-شبيج صِبى
صوت شهگاتها واضح
-مابية بس حكمو أنور مؤبد
وأمة هلهلت بالقاعة حارت شتسوي
تفرح تحزن خسرت بنين وأنور خسر نفسه
-الحمد لله يااااارب
اگلج صباوي عندي طلعة للسوگ
-مو تتأخرين
-لا
ودعتها ورجعت للبيت بعد مبلغت مُنى وسومة
بطلعتي لبست ملابسي جاي اعدل حجابي
واتصلت بأيمن
-صباح الخير يمناي
-صباح الخياط
-بلوووووك من حياتي
-صباح العافية بعد روحي
-طلعني
-من عيني
-ودللني
-من عيني الثانية هسة لو العصر
-هسه الجووو حلو
-بس البس وأجيج بالركن
-منتظرتك
-اوووگفي
-ها
-ووجعا ماكو عربون محبة منا منا
-دتعال ضلع
-جايك غني
سد الخط ربع ساعة أتصل
-منتظرك بالركن ضلعي
طلعت اتمشى فتحلي باب السيارة
مشغل تبريد وريحة المعطر بالليمون تجنن
لابس تيشرت أسود وجينز فاتح شعره مبلل
يعدل بأطرافه
-اخذيلي صورة حبيبي
ابتسمت
-منسق ويا ملابسي اليوم اسود
-هوووو گلبج نسقت ويا تردين ملابسج
مااناسقهن
وگعت خصلات شعرة المبللة على جبينه
مديت ايدي عدلت كذلته
-ليش تريد اعدل شعرك
-لا جانت فرصة للبوس بس ضيعتها
ضرب الستيرن وتحرك
-لم نفسك دادة
-يابة لو تلميني هسة تسوين بيه فضل
خل اضلل السيارة واستخدمها للرذيلة والافعال الحرام
-اي مو مصعد وياك فيفي عبدو
طگها ضحكة وتحرك ماشي بينا
شغل التلفون ويدندن ويسولف ويايه
-متريگة
-اييييي
-اكيد سوالف النازوكيات قطعة كيك وهالكلاوات
نرجع نتريك سوه
-لا حبي باگلة بالدهن
-بغض النظر عن الباگلة بالدهن بس
حبي طالعة من شفافج مثل العسل
ممكن اضوووگ
ضربت الجنطة بصفه واني خازرته
-شتضووووگ
-العسل هسه من نتريگ اعوذ بالله من نيتج
شلون نية كلها محرمات
-سودة عليه قلبك عامر بالأيمان
-البربوگ أيمان مرت ابوج
-هههههههههههههه شذكرك بيها
-ماكو كلمة حاجيتها اني ناسيها
استمرينا نسولف ووگف يم مطعم يقدم افطارات
صباحية دخلنا وبعد ماقدمو الأكل بدينه نسولف
استكان الجاي گدامه وجگارته بيده
وعيني على ملامحي ومبتسم
- شگد عاجبني احضنج
ولأول مرة ولأن الكلام جان حقيقي أستحيت
ونزلت راسي
-رفعي راسج لج خل نشوف نعمة الله
طفة الجگارة وطگطگ بأصابعه عالميز
-غنوة
-هممممم
-سولفي
-ماعندي شي احجي
جنت خجلانة وهاي شي من العجائب انو اخجل من أيمن
تقرب من الميز وهمسلي ابيات شعر
-اكو يحجون من الصبح لليل
وحرام ان جان تفهم شنهو يحجون
واكو ساكت وحلگه مخيط خياط
وحجيه شگد حلو بـ نظرات العيون
1
باوعلي وگعد براحة مسنود عالكرسي وانطلق يسولف
-تعرفين صار شگد سويه
-اي صار اربع سنوات
-وبهالأربع سنوات ماحسيتي بيه
-حسيت
-يمتى
-قبل سنة
-چا أحساسج صفر حبيبي
-باع الچا شگد حلووة
-ههههههههههههه يابه اكبر مغازلجية بس
من توصل يمي تتحولين لغني
-يمتى وليش
- بعد سنة من صداقتنا ولقاءنا جنت
گاعد بنص الشركة والموظفين يحجون
وزبون يناقشني وبكل هالهوسة ماجان ببالي
غير صوتج وانتِ تبجين بسبب صعوبة المواد
بالجامعة شايفة هاللحظة سكتت بيها الدنيا كلها بس صوتچ يفتر براسي مو صوتج لمن تحجين وبس
لا
صوت ضحكتج
صوتج وانتِ منزعجة
وحتى سكوتج شاغلني وتارسني ترس
استرقت النظرات لوجه بعد ماملاني الخجل
رفعت نظري بفضول بس ماقاطعته كمل كلامة بصوته الحلو والبحة اللي تعلى بي من يحجي شي مهم لو ينفعل
-گضيت هواي سنين أقنع نفسي إنج صديقتي
وأگول لنفسي أيمن هذا كافي
بس الصدگ ما جان كافي أبد
صرت أغار من كل شي يقربلج
من جامعتج من شغلج من البرامج بالتلفون
حتى من الهوا خاف يمر ويحرك خصل شعرج
تنفست ببطئ احاول أستوعب كلامه
وهو كمل سند وجهه على كفه وعينه بعيني
-وگعت بحبج بطريقة ما بيها رجعة
مو فجأة لا بهدوء مثل نقطة الماي تنزل عالصخر كل يوم بهدوء بس تترك أثر ومنها قررت أني مااگدر
أكون بس صديقج
كلشي بية يرفض هاي الكلمة
ردت أكونلج كل شي صديق حبيب
ردت اقرب منج لدرجة نشهگ ذات النفس
احس وجهي جمر من الخجل اريد امد ايدي
للمي سحبت استكان الجاي وانگلب
مد ايده بكلينكس يمسحه وصاح الويتر نظف الميز
باوعلي
-احجي التردين تحجي وگولي كل اللي ببالج
-اني حسيت كل شي قبل لا تعترفلي
-من يمتى
-من حفنة سنين
ابتسم ومسح لحيته بخجل
-وليش مابينتيلي
-الخوووف الحب يخوف خاصة من أقرب الناس
لأن إذا خسرتك بالحب معناها نخسر حتى الصداقة نخسر الضحكة نخسر راحتنا سوه من نحجي
-تخافين اتركج اذا عرفت بيج تحبيني
- خفت أخسر الأمان بوجودك أنا تعبت أخاف
تعبت أقنع نفسي أن اني هسه بأمان
وان الخوف من المجهول اللي زرعه بيه ابوية اختفى
بمجرد موته
-وهسه
-هسة اني واثقة كف ايدك ميفارگ كفي
لآخر العمر
- ويعني
ابتسمت على اسلوبه وهو يحاول يسحب الاعتراف مني بحبه
-يعني إذا گلبك بعده بي مجال ممكن تحبني اني وهوستي وجنوني وعنادي
-اذا گلبي بي مجال؟ تسأليني غنوووة واني گلبي متروس بيج تدرين شيگول الشاعر
-شيگول
-يگول
من شفتني أمشي بشوارع
مالهن داعي بحياتي
بالي يمك جنت أحبك
طلع جگارة ثانية يشعلها وكمل
-هاي بمرة احجي وياج واتمشى بره الشركة
واخذتنا السوالف واني ناسي روحي
لگيت نفسي بباب بيتي تدرين شگد
ماشي ساعة ونص من وصلت صورت وقت المكالمة
وكتبت عليها بيت الشعر هذا
فتح التلفون خلا بيدي شفت الصورة
مكالمة من جنت مرحلة ثانية
غمزتله اضحك
-ساحرتلك اني
نفخ دخان الجگارة ونظراته أحتوت وجهي
ونزلت على شفافي
-سحرني ذني
اشر بعيونه على شفافي
بحركة لا ارادية غطيتهن
تقرب عالميز يباوعلي ويهمس
-ضميهن هسه جايتهن أيام سووودة
فزيت گايمة وهو يضحك عدل تشيرته وشال
تلفونة والسويج خلا بيدي واشرلي
-فتحي السيارة احاسب واجيج
مشيت مسرعة هاربة من نظراته
شوية وصعد مبتسم كعد بالسيارة
قبل ليشغلها امتدت ايده بسرعة
تخللت أصابعه بين أصابعي وقفل كفه
على كفي
رفع ايدة باس اطراف اصابعي وهمس
-راهمات مثل القفل والمفتاح
ايدة ممسكة بأيدي واني صافنة
شرايينه بارزة من قوة احتضان كفه لكفي
مشة بالسيارة واني اذا تضيعوني تلگوني
غاطة بالكشن من المستحة وهو الوضع عنده
طبيعي رجع يسولف
-هسة طلعة وطلعتج باقي الدلال
شتردين اؤمري ويجيج
حركت أيدي أسحبها من ايده
قفل اصابعه على ايدي والتفتلي
-سحبيها وشوفي شلون مااطيح حظج هنا
-يممممة شبيك تحولت
-خلينا على لزمة الأيد والا ………
-سكتتت هاااا اهاااا
ضربت على شفافي ساكتة
-شتردين غنوة اطلبي ويتنفذ
-اريد بيت بالمنصور مساحتة الف متر
-اي حبيبي مو ماخذه الأمير هزاع أبن محمد آل مكتوم
-اوووي شگد فووووگوووور
-يلا من الربع دينار للمليون شتريد ياحلو
-ورد
ضحك وجعص ايدي حيل
-طلعت انثى غني وتحب الورد
-وخاتم ألماس سمائي
-هههههههههههه اليوم الطلبات عالية
-كلمة منك كافي
-انجبي بالله شتردين تاخذين
-والله اتشاقه وياك
وگف يم محل ورد وهدايا نزلت
ويا ودخلنا
-اعرف شتحبين
اشر للبنية على الروز الوردي والابيض سوالي
بوكي جبير رشو عطر وانطانيا
-يابة الورد للورد
-رجعني عيوني خاف اتأخر
صعدنا السيارة وبقى واگف ماتحرك
فتح تلفونه يتصل مدري بمنو
-بيمن تتصل
- ثواني غنوة
اتصل وفتح سبيكر دگ كم مرة وارتفع صوت صِبى
-الووو صباح الخير ابو حمادة
-صباح الخير خوية شلونج
-الحمد لله انت شلونك والاهل شلونهم
-بخير الحمد لله
يابة اني داگ بابج وجايج بطلب
-تشلع عيوني
-جايج خطاب لغنوة تنطوها لو
اخطفها خطف
ولأول مرة اسمع ضحكة صِبى نابعة من گلبها
وهي ترد
-واني من يمي اگلك تم گبع واخذ
-على بركة الله
گالهة وانغلقت شوارع الحزن المظلمة
بحياتي
وانفتحت دروب السعادة
