رواية كريات الدم السوداء الفصل الثامن عشر بقلم زحل
_ الحلم والحيل احس ثنينهن راحن .
اريد افهم شصاير اتلفت مثل المجنون لا انه صاحيه
ولا متقبله الواقع كلها تصيح ركض الشرطه وهوستهم شتت تركيزي .
الشرطي:فضيها اصعدي.
_تشخصت عيوني للساحه دنك واحد من الواكفين رجع الغطه عله الشخص الي ممدود كلبي يخفك رجليه ماتن
وكأنو الطبيعه رادت تنبهني هذا الي بنص الساحه الي هبت هويه خفيفه حركت الغطى انكشف نص من
جسمه انخمش كلبي درت وجهي اريد اعبر عليه لزمني الشرطي دفعته وركضت صاح بيهم الضابط
_شلون البزون الي يحاصروها جهال المنطقه
وتضل تفتر،،هيج حالي اتقدمت سليمه للضابط
تتوسل بي.
سليمه:سيدي امروتك .
_استغليت انشغالهم بسليمه وركضت للساحه
دنكو الولد الي اجو ويه الاسعاف يردون يشيلونه
ذبيت روحي عليه جريت الغطه منه وجهه
اكلب بوجهه يااا نايم خاب كوم شبيك بوسته وانه اخلي حلكي عله خده مقربه شفايفي لاذانه احجي بصوت ناصي ادري مسوي روحك فاقد
حته لا يتخذونك الشرطه بس خل يرحون لو ما حركت شيب ابوك الف مرة كتلك بطل ولك موتتني احجي ودور عله مصدر الدم الي تارس الكاع حطيت ايدي عله صدرة اريد افتح القمصله جرني واحد من الواكفين .
_خاب شني ممنوع غير اخوي شو وخر دفعني والشرطه تقدمو علينا ركضت عليه سليمه
لزمتني تجرر بيه تريد تبعدني لطمت عله وجهي
من حركت كلبي صرت اشيل اتراب من الكاع
واخلي عله راسي جرتني سليمه .
سليمه:خل يشيلونه ولج بلكي بي
روح يلحكون عليه.
_بس خل اشوفه نكتت روحي ورديت اكلب بي
منين هذا الدم وين متعور شني اندعمت
ياهو طاكك كلبته صفح شهكت من شفت
القمصله مزرفه و الدم شلون البوري المفتوح
لطمت عله عيوني رديت للولد فدوة شيلو
شيلو خل ناخذه للمستشفى هزو روسهم
ودنكو عليه حطو عله الحمال كمت وراهم.
سليمه:دتعي نروح وراهم.
_لااصعد ويا بالاسعاف .
سليمه:مايقبلون دتعاي نلحكهم.
_عفتها تحجي وركضت للاسعاف قبل مااوصل
صعدو وسدو الباب درت وجهي ادور بين الواكفين
وينه محابس السيارات مال الشرطه تارسه المكان
اباوع لمو ولد المنطقه وصعدوهم بالبدي .
سليمه:سيدي مروتك خلينه نصعد
ويا بالاسعاف .
!!ممنوع يله تحرك .
_حجاها وراشر للشرطي تقدم عليه
ضليت اتلفت بخوف وهيه تحجي.
سليمه:سيدي محد عدنا غير نشوف الولد شنو
سالفته وتكدر تخلي الحرس ويانه بس خلينا
نروح للمستشفى.
4 ت
_رد عليها وهو متوجهه للسيارة
اشر للي ويا بمعنى يله .
سليمه :عاد خليني اصعد وياها ترى
مايصير هيج .
_رد عليها بأاستهزاء .
!!شكو صاعده وياها سفرة.
_التفتت عليه محتارة هزيت راسي بمعنى امشي
حركت الاسعاف وسيارت الشرطه الي صعدو بيها
ولد المنطقه وكم وحده من الشارع السوك كله
مخبوص الكل عايفين محلاتهم واكفين يباوعون
صعدوني وهيه دنكت عله ايده رادت تبوسها .
سليمه:مروتك الله يوفق اخذني وياها
شوفها ترى فاقده مامفتهمه شي .
16 ت
_باوع الضابط عليه ورد باوع الها .
16 ت
الضابط:اصعدي .
_اجت تركض صعدت يمي ادنيت عليها
احجي بصوت ناصي كون محابس يلحكه
يكدر يشرده من المستشفى قبل مانوصل
خلت ايدها عله حلكها مانعه صوت شهكتها .
5 ت
عصرت ايدي بمعنى اسكتي وهيه توجهه
نضراتها للشرطي الي كاعد عله حافة البدي
مال السيارة .
سليمه:لاتجيبين طاري واحد من ولد
المنطقه ابد جنج ماتعرفينهم.
_مسافه مو بعيده وكفو اباوع شو مو للمستشفى نزل الشرطي وجرني امشي واتلفت هزيت راسي بمعنى. ليش جابونا هنا .
سليمه:لازم ياخذون اقوالج .
_بس دخلنه المركز بعدو سليمه عني الكل مخبوص يتراكضون كعدني باب غرفه
وهو دخل شويه ورد عليه كال كومي دخلني
للضابط
اشرلي اكعد التفتت اباوع ثنين كبالي واحد منهم
مدنك عله دفتر مدري سجل ويكتب والثاني
كباله مثل الحاسبه نبهني من شرودي
صوت الضابط.
الضابط:اسمج وسنج وعنوانج.
_سونه راضي عبيد رفع راسه باوعلي .
1 ت
الضابط:اسمج
بالجنسيه سونه؟
_لا اسمي سلاسل هز راسه
بمعنى تمام ضل يسالني وانه اجاوب .
1 ت
الضابط:ليش نايمين بالكراج وانتو بيتكم بنفس الشارع؟
2 ت
_سولفت اله وهو ويه كل كلمه يرفع راسه ينضرلي ويرد يسال .
الضابط:يعني مستنكفين من الرقص تشتغلون بالمخدرات
ويامن يلتقي اخوج
منو يجي يمكم للكراج ماذكرو شخص متعاركين
ويا احد مهددهم وين يضمون بضاعتهم .
2 ت
_لا لا اخوي يشتغل حمال بالسوك وابو الكراج
انطانه غرفه وكال اعتبركم حراس ومحد يدخل
علينا حته ولد الشارع مايدخلون الكراج .
_لا لا اصلا مااطلع .
الضابط:مو جنتي تشتغلين.
_اي وبطلت يحجي ونضراته مسلطه عليه
بتركيز تملكني الخوف دار وجه للي يمه مادري
شنو حجه ويا شويه وصاح عله الشرطي .
الضابط:اخذها وجيبلي الي وياها.
_وكفوني بنفس المكان ودخلو سليمه احس رجليه ورمن حنيت روحي وكعدت منتجيه عله الحايط
لميت رجليه لصدري الف دعوة ونذر احجي وامسح بدموعي ربي كون يلحكون عليه بالمستشفى كون محابس رايح اله اي هو مايموت
انه متاكده لان من لزمته وجهه مابي شي الطكات بضهره غمضت عيوني صورته من تروح من بالي
9 ت
استذكر بالحلم شلون شفته واكف ونفس المكان
اي يعني جان جاي سوده بوجهي لو ماغافيه جا لحكت عليه ودخلته منو سوا بي هيج
1 ت
ساعات وانه الوب سليمه طولت بالتحقيق
اباوع ناس طابه وناس طالع معقوله امي
ماوصلها خبر ابوي ليش لهسه مااجه كمت عله حيلي
من طلعت سليمه وجهه ينطي الوان اريد اسالها واجه
نفسه الشرطي كال تعاي توجه بيه لنفس المكان الي بي الضباط دارو وجهم يباوعولي كام واحد منهم وهو يحجي ..
الضابط:اي سونه كتيلي اخوج يشتغل ويه سويكه وغازي الغدار مووو.
_هزيت راسي بمعنى لا وانه اعصر باأديه تقرب يمي غمضت بخوف عبالي راح يطكني.
الضابط:عله شنو تعاركو وليش غدرو اكيد هو مسولفلج زين بيش الساعه طلع من الكراج.
الضابط:زين هاي الايام ماسمعتي يخابر او احد اجه عليه مالاحضتي خايف.
_لا هو اجه متاخر وجان بردان
حجيتها وغصيت بعبرتي نزلن
دموعي واذكر شلون يدفي رجليه ومن راد يطلع وصل للباب وهو يضحك وجن هسه يله استعوبت الصاير
بجيت بصوت دنك الضابط وهو يمشي متوجهه للشخص الي يكتب اخذ منه الاوراق باوع بيهن ورد التفت عليه اشر بمعنى تعاي ادنيت عليهم.
الضابط:نكرانج هو الي راح يضيع دم اخوج ادري تخافين منهم ويجوز مهددينج بس ثقي اذا مالزمناهم حته انتي بخطر لان هاي عصابه كلش جبيرة واخوج سارق منهم بضاعه وشفتي بعينج شلون كدرو يوصولنه.
2
_بيش احلفلك ماعرفهم وسويكه
مايجي للمنطقه دوم شارد .
_قبل لا يكمل رديت عليه لا لا
هيه تركص اي بس دوم جانت تكول لو شغل سويكه بي خير جاانه اول وحده مشيت بي بس مصيرة معروف .
1 ت
الضابط:يعني ماتتهمين شخص
ولا شاكه بأاحد .
_هزيت راسي بمعنى لا .
الضابط:تمام انتو ماتردونه نحميكم
وجاي تساعدون هيج ناس بسكوتكم وقعي عله اقوالج .
_ادنيت قرب الاوراق يمي ونطاني قلم شخبطت ماعرف اوقع جر محبره خلاها كدامي وكال بصمي واشر للشرطه اخذها طلعت لكيت سليمه بس شافتني كامت عله حيلها سالت الشرطي .
سليمه:ها خويه هاي هيه نمشي .
الشرطي:اي .
_جرتني ومشت بسرعه طلعنه من المركز اباوع صاير العصر بيش الساعه شكد صار النا جوى بدون ماتلتفت وكفت التكسي صعدنا عيوني للدرب وين رايحين جا غير للمستشفى.
سليمه:مايبقون لهسه اكيد جابو للبيت .
4 ت
_الامل شعره متاكده واقشمر بروحي هسه الكاه كدامي عضيت ايدي بقوى شلون شسوي معقوله هيج لا لا جرتني تنبهني وصلنه .
سليمه:انزلي .
_نزلت واحس درب الصعده صار شطوله
بس عبرنا الركن التفتت عله صوت امي .
نجيه:هاا موتي ارتاحيتي.
16 ت
_دشداشتها مشكوكه والشعر منفوش
لزمتني سليمه تمشي بيه فرت روحي
من شفت السيارة طبكت بالركن والجهال
تتراكض متوجهه لبيتنا عله خطواتهم
هميت بمشيتي وصلت الباب وطفى شكو
امل بيه خالي وولد ابو حبيب شايلين التابوت
يردون يطلعونه وابوي وراهم يصيح بصوت.
_طبكت الباب والتفتت موجهه كلامها لولد ابو حبيب الي همه العائله الوحيده الي بقت من الناس الاشراف بالمنطقه.
سليمه:ردو خل اخته تودعه.
ساجد:وخري وخري انعل
ابوج لابو اخته .
_همه يحجون وانه عيوني للتابوت
جا وين وعدك الي ليش هيج غدرتني فرت روحي اطفر مثل الطير المذبوحضلو الولد حايرين وسليمه وخالي يتعاركون والناس ادك بالباب اشر الهم ابوي رجعو للصاله بس نزلو كاللتهم سليمه طلعو .
ساجد:عود مسويه روحج زينه .
6 ت
سليمه:اطلع لا اسحلك.
_اريد افك التابوت واخاف روحي ماطاوعني اصرخ اصرخ واديه ماتعيني اكشفه .
_رفعت راسي اباوع عليها دموعها تصب دنكت كشفت عنه وجه شهكت من حلات روحي كمت
افتر بنفس المكان اباوع عليه ورد ادور وجهي لابوي جرتني كعدتني.
سليمه:تعاي شبعي لاتضل
حسرة بكلبج .
1 ت
_كوم حاجيني كول حلم
كول اجذب عليج واريد اشلع كلبج .
دنكت ابوس بوجهه مديت اديه اريد احضه ردت اطلع .
سليمه:كافي مو هيج لا تشعبين كلبه ترى يسمعج ويشوفج .
_كون تسمعني كوم اذا تسمعني جا
خل اكلك انه زعلانه علييييييك خايب كوم
جرتني وصاحت عليهم دخلو شالو وهيه مشبكتني .
التمن عليه هيه وام دعدوش وصوله ربطني تربط ماكدرت اتحرك احس انكطع الهوى غمضت عيوني ماصحيت اله عله صوت الطم وصريخ امي التفت مديحه كاعده يمي عيونها مورمه دخلت سليمه علينا.
8 ت
سليمه:كومي اليوم الختمه .
_دنكت عليه بيدها ثوب اسود لبستني ولمت شعري احس بي رطب ثاري مسبحاتني
كمت اجر بخطواتي النسوان تارسه الصاله .
مديحه:هنا كعدي حته تنتجين .
_توني ادنك وماحس اله امي
هجمت عليه لزمتها مديحه .
_دنكت عليه بيدها ثوب اسود
نجيه:ها موتنه حته يخلالج الجو.
3 ت
سليمه:اتكعدين لو اسحك
راسج ترى واصله لخشمي.
5 ت
_ضلت تغلط الملايه كطعت اقرايتهاصاحن بيها النسوان وهيه ولا سكتت اخر شي جرتها سليمه للطارمه تبعتها مرت خالي ختمت الملايه بسرعه وطلعت .
سليمه:كومي سونه للغرفه خلي
انشوف تالي امج شنو .
_دخليها اريدها كمت للغرفه
شويه ودخلت مرت خالي تسحل بامي شو هاي ركضت عليه اريد احمي روحي مالحكت جلبت
براسي ودك عليه حيلي بايد مابيه ارفع ايدي دخلت مديحه تصرخ جروها مني .
سليمه:امشي صيحولي اخوها
خل ياخذها وينكلع يله .
_يمه جا ماجيتي من ردناج جا موتوسلنا بيج لو جايه وحاظنتنا لو بس مخليته شبعان منج هسه تحجين خوش هاي انه يمه باوع عليه وين اروح امشينا انه وياج حته نكعد بالخرابه .
4 ت
نجيه:ام الشوارع اكعد وياج انتي لكفتي درب سلوم بعد ماتفيدج نجيه .
7 ت
_اجه خالي ماخلته سليمه يحجي .
سليمه:اخذها وانكلع واذا انته شريف اخذ بتها وياها يله .
ساجد:رس والساس نداس
اختي مايربطها بيكم شي خليها
يمج تلزم الكار عنج.
_طلعو ضليت مثل التايها ليلي نهار
ونهاري ليل ابوي ماله صوت دزو عليه بالمركز وهم محققين ويا ماعرفنا منو ولا طحنا بالقات ل .
راضي:وين لكه غازي شودا لدربه.
سليمه:اول يوم طلع كتلك دربه خطر.
راضي:وانه اشم ايدي كلت ويه سويكه.
سليمه:اول يوم طلع كتلك دربه خطر.
سليمه:وسويكه مومن .
راضي:نوب لا محابس ولا
سويكه الهم ذكر.
سليمه:محابس مايضهر تدري بي
مطلوب اكيد ضم روحه بس سويكه اله ايد .
راضي:المصيبه خاف حته احنه
يلوحنه من طشارهم شي يكلج
بايك منهم بضاعه جبيرة ولج سونه هو ماكالج شي
زين هاي الفلوس الي يحصلها وين اكيد عندج .
_يصيح بعلو حسه مارديت عليه
يوم يجر يوم وانه ماشوف غير ايامي ويا وسوالفنه كل لحظه وكل دقيقه اغمض واحرص عليهن خاف يخلصن لو يرحن من بالي اريد احتفظ بيهن بس هنه بقن ذكرى ابرد بيها لوعة اشتياقي اله الخوف سيطر عله كل
الشارع حسب الي عرفنا العصابه الي متورط وياها جويسم كلش جبيرة ولد المنطقه اكثرهم شاردين والي اخذتهم الحكومه بيومها نص طلعو والي لكو عنده شي بقه ينتضر حكمه اشوفها حايرة كعدت كبالي.
سليمه:الوضع مو تمام .
_شيصير اكثر من الصار.
سليمه:ولج خايفه انو غازي
يدز عليج ناس وياخذج غدر .
_ياريت يكتلني ويخلصني.
سليمه:لو ادري هيج انه اوديج
اله بيدي بس المصيبه ياخذج
يطلع بيج خسارته لو بس اعرف منو ويا جويسم
معقوله سويكه وكفه اي محد غيرهم يدك هيج دكه.
_ويجوز محابس .
سليمه:لا مستحيل هذا مايشتغل ويه احد دوم شغله لوحده وحته لو مرتبط بناس بس مو غازي.
_ليش مختفي؟
سليمه:لان لو باقي جان اخذو بيومها وهو اصلا مطلوب وعليه دعوى.
_ليش شمسوي.
سليمه:ماعرف هو غميج بس حسب معرفتي عنده ثار قديم .
_ابوي وين هزت ايدها وكامت جابت نقالها اتصلت بي فتحت صوت وشمرت نقالها بصفها رد بصوت عالي.
راضي:طلعت ويه حملي ماكدرت
ابقه بالبيت كلبي ماينطيني
اشوف مكان جويسم فارغ.
_سدته بدون ماترد عليه دنكت
ودموعي تصب .
سليمه:عله أساس جان
مكابله وكاعد خرب قسمتي.
_اندك الباب عرفتها مديحه كمت اجر بروحي لان بس هيه بقت تروح وترد عليه امي ماسالت دخلت بيدها علاليك مسواك استغرب شمرتهن وبوستني كعدت ولازم ناخذ النا مشوار بجي
سالتها سليمه بشك.
سليمه:اليوم متسوكه .
مديحه:اي كلت انتن مالجن
خلك اطلعن وجبت القاسمه الله.
سليمه:ماكو خبر من محابس.
مديحه:لا فص ملح وذاب
بس قبل يومين اجه ولد يسال
عن راضي والي خوفني كتله تعال
ادليك الباب ماقبل.
سليمه:يمه بس لا جماعة غازي.
1 ت
مديحه:لا لا شكله مثقف وفايخ
سيارته تلمع بس ماعرف شنو سؤاله لان جان يتلفت بالشارع ويباوع للمكان.
19 ت
سليمه:مصيبه اذا راضي هم يبيع
هذول الشباب الفايخين اكيد يجون
يشترون الصنف منا.
_ضلن يحللن شويه وراحت
مديحه دك نقال سليمه باوعت عليه
واخذتلها صفنه وردت بثكل عرفت
ام طيبه الي متصله.
سليمه:منا وانتهت وياج كل عذر
مامقبول ولج جان خجلتي بالجذب
ماراويتي وجهج حالج حال الجيران .
2 ت
_تحجي وتعتب عليها كامت والتلفون بيدها من توجهت للباب شويه ورجعت اسمعها ترحب ماتوقعت جيتهم ضليت محتارة دخلو الباشا
وام طيبه ردت اكوم استوقفني كلامه .
الباشا:السلام عليكم البقيه
بحياتج سونه ربي يصبرج.
_ماعرفت ارد هزيت راسي
تقدمت ام طيبه بوستني
انحرجت من الموقف
كعدو وسليمه جرتني بصفها .
الباشا:حيل تالمت للصار .
1 ت
_ضلو يحجون وانه مدنكه
شويه وكامو قبل مايطلع تقدم عليه رفعت راسي اباوع اله مد ايده خله مبلغه بصفي وطلع.
سليمه:مشكور الله يحفظك.
_ودعتهم ورجعت عليه.
سليمه:السافله اكيد هو جابها
ولج حته بالفاتحه مااجت .
_اكيد تخاف .
سليمه:طلع بي مروة الباشا.
1 ت
_عفتها وكمت وهيج يوم بعد يوم
الباشا دوم يتصل وام طيبه اجت كم مرة وبررت موقفها انو امي طاردتها بااول يوم الفاتحه.
تركض الايام والاشهر الشارع رجع مثل ماجان وبيوم كعدتني سليمه من الفجر.
سليمه:كومي ترحين اتزورينه .
_اي اي رحمه لامج اخذيني
طاك كلبي مشتاقتله .
سليمه:ديله بساعج
حته نلحك نرد .
_طول الدرب انه انوح وصلنه
تمشي كدامي وانه امشي بهمه وكل ضني الكه شي يريح كلبي يطفي ناري تراب وكل اثر ماكو الطم
وماشفيت روحي جرتني وهيه تحجي.
5 ت
سليمه:خلي يم ربه احسن اله
هو احنه شمحصلين امشي
ترى مانحصل سيارة .
_كمت وعيوني لقبرة الف حسرة
ونه بكلبي التفت عليه
ردينا بنفس اليوم وصلنه ليل الوقت متاخر الشارع اضلم مدري انه كمت احسه هيج حيلي انهد وجع صفحتي ماهود امشي واتعثر حسيت بخطوات وراي التفت بخوف.وكفت سليمه تباوع .
سليمه:اكو احد ورنا .
_بلعت ريجي اكيد يردون يكتلوني
ركضي انتي همه جايين عليه .
سليمه:ترى ساكته عنج كوى
مو وكت ثول امشي ولا تلتفتين.
5
_اريد بس اتحرك ضلمه
اكلج النصافات ماكو .
_احجي وياها وعيوني للركن كمزنا من
طلعو مجموعه ملثمين هجمو علينه
بسرعه تقدمو ناحيتنا جرونه
ما لحكت اصرخ خله ايده عله حلكي .
16 ت
&&& قدر&&&&
_سهل الكلام الانسان يعبر قارات
ويبني قصور ويحقق احلام وينجر
اعمال وينجح من كم مرحله بدقايق لان
الكلام سهل لكن الفعل الي مانحسب حسابه
وشنو راح يكلفنا كل يوم ايمر ياخذ من عمري سنين
قلق خوف تشرد عدم استقرار تفكير بمصير مجهول
عمي فاروق الي معاند امي وهيه مصرة ماتقبل انو يثبتلي نسب .
وداد:جنسيتك ماريدها حقك مااجبرك عله شي
بس اتنازل عن حصتي بأاملاك ايوب تحلم .
فاروق:مالج حصه كتلج انطيج مبلغ
تكدرين تمشين امورج بي مالج ورث
قابل انتي زوجه فعليه والج حق.
وداد:اثبت هل شي بالقسام الشرعي.
فاروق:تحلمين وداد لا تعاندين
قدر تتنسب لابوها الاصلي وهو
مااعتقد راح يجبرها تبقه عنده .
وداد:روح انته اتفق ويا وشوف اذا مارحت
اشتكيت عليك انته وابنك .
فاروق:ولج غير نقيم دعوى اثبات
نسب غير انتي وياها الي توكفون كدام
قاضي الشرع حته بعدها اعقد الهم شيخ
وداد:اعقدهم هسه.
فاروق :اثبت نسبها اول مرة ونوب اعدلهم
وهيج نخلص من الموضوع ونستر المصيبه
ماتحجين قدر شو ساكته.
2 ت
_عفتهم ودخلت للغرفه احس
بضياع اريد اي شي الزم منه مرسى لحالي تعب
السنين دراستي حلمي صبري وانه اخطط لمستقبلي اب خلصت ايامي كاعده كباله اباوع لنضراته خدمتي لشخص محرم عليه اكشفه واسبحه واحلقه كل هذا
جنت اسوي وانه معتقده هو ابوي شكد ضلموني غطيت راسي من دخلت امي.
14
وداد:سمعي القرار الج خاف تكولين طمعتي
ترى الدنيا افه وانه لااكدر اضهر للشارع
ولا اكدر ارتبط برجال اهلي لهذا اليوم اذا لزموني يذبحوني .
_وخرت الغطه وكعدت عله حيلي
خلي يكتلوني وياج يمه اخلص
من الدنيا.
وداد:لو اعرف يذبحونا ثنينه
جان رحت برجليه بس ادري
راح تضيعين .
وداد:وين نعيش ولج حته اذا ردنا
ناجر بيت محد يسكنا لاجنسيه ولا عقد.
فاروق جذاب اذا تنازلت راح يسقط هويتج
و يشمرني بدون فلس
ايريد يضغط علينه حته نرضخ لطلبه.
_كليلي شنو الحل يمه تعبت
كارهه نفسي متقززه من روحي
طارق الي تحطم وعيونه تنضرلي بعتب
لو عمي الي صرت اتعثر بخطواتي كدامه
بسبب كلامج يتراولي يباوع عليه .
وداد:حل واحد ماكدامنا غيرة.
_شنو هو؟
وداد :مثل ما جاي يساومنه
نساومه وبس نطلع منا انه اعلمه
اذا مابجيته .
_وطارق ماراح يخلينا نطلع.
وداد:هو الورقه الرابحه بيدنا
_مستحيل.
وداد:ماكو غير حل قدر انه انتحر وانتي
الج حق اطالبين بورثي وروحي ثبتيلج نسب.
_ايام وهيه تقنع بيه طلعت ادور عليه لكيته
كاعد بزايه من الحديقه مدنك مدري شيسوي
رفع راسه من حس بوجودي بسرعه لم الي كدامه ضمهن بجيبه وكام .
طارق:ها جدر شعدج تفترين.
قدر:اريد اسولف وياك.
_مايتم بينا شي غير عقد الشيخ
لحد مانصفي امر امي ويا ابوك ينطيها
حصتها كامله ويغير جنسيتها ارمله لايوب
ونطلع منا واثبت نسبي .
طارق:تمام وانه شنو اليضمن الي
بعد مايصير كل هذا ماتغيرين رايج.
_ترى كافي الي سويته
وخليت الكل يصدك انو انته
غصبتني .
طارق:اي بس ابوي مو زوج وشاك
بينا نجذب لهذا السبب هو مغلس.
_الحل كلي يعني شسوي.
طارق:اثبتلج نسب وبنفس الوقت واتمم زواجي بيج
بنفس اليله اسلمج كل شي يخص امج وها ترى هنه كلهن يمي .
_اريد بس اكوم احس بي جردني
من ملابسي بكلامه عفته وكمت وانه احجي كلكم نفس الدنائه.
طارق:ترى مو همي ولا الي ابالج
بس اعرف بتخطيط امج وغير هذا الحل ماراح اكدر احافظ عليج فكري بالموضوع .
_لالكتني فاطمه وهيه تسال.
فاطمه:شعدج يمه ولج هيج عينك عينك
بدون خجل تتختلين ويا لو تموتين ماخليج .
_عبرتها ودخلت لامي إلي لازمه الشباك
لطمت عله وجهي وسولفت الها الي كاله.
وداد:هو هذا الي اريده جنت متاكده
اوراق ايوب يمه خلص ماضل شي
بس حضري نفسج باي لحظه اكلج يله .
_مافهمت منين نطلع .
فاطمه:راح تجيب المفتاح من فاروق.
_شنو شلون .
وداد:من تشوفج نازله من يم طارق
راح تنجبر تسوي كلشي في سبيل
تطلعنه .
_مستحيل انتي كل عقلج ادخلت غرفته وانفرد بي يمه ماتخافين عليه.
وداد:واذا اطرينا تحسسينها
انو شاكه بنفسج حامل.
_لا لا لو اموت .
وداد:همه اصلا مقتنعين هو تمم كلشي
بيوم المشكله وهل حايرين .
_لا تعبين روحج يمه ماسويها.
وداد:هيه ماتدري بي
شوكت يطلع ويمته يرجع
انتي تصعدين بوقت ماهو طالع لو قبل لايجي وحاولي تخليها تشوفج .
1 ت
_خطوات بغباء سويت الي اتفقنه
عليه استغل عدم وجوده وعمي يطلع امي تحاول تخلي فاطمه تكعد بالصاله حته تشوفني
اصعد اشبع بجي وانزل .
فاطمه:يشبع بيج مثل بت الشارع
لاتحلمين تصيرين باأسمه.
وداد:اكيد يجي يوم وتحمل وساعتها غصبن عله الخلفج تعلنين زواجه .
_وهاي هوستهن بيوم صعدت وكل ضني هو طالع دفعت الباب الغرفه ضلمه مديت ايدي لدكمه مال الضوى احس كلبي وكف من لزمني .
طارق:مع الاسف طلعتي نسخه من وداد
تدرين ماجنت اريد غير احميج من الي راح يصير تدرين صار فترة احاول اوصل للشخص الي اغت صبها ليش طبعج غدر ياقدر شنو الي ناويته اذا شايفه نفسج هواي عليه ف انه اصلا ما شايفج .
_عوفني ماريد شي منك خلص اخذ امي وروح بدون مشاكل .
طارق:ماضل شي ابوي تواصل ويه ابوج تكمل اوراقج وآلله وياج .
_شكد نذل تستغل ضعفي وخر ايدك ترى لعبت نفسي .
طارق:بعدج ماشفتي لعبان النفس عله اصوله من تضلين من حظن لحظن من اشمرج مثل باكيت الجكاير من يخلص وادوسج برجلي مثل الكطف تحركين كلب امي وتستغلين مرضها وتخططين انتي وامج .
_خلص خلي عندك كرامه وعوفني اطلع انته وابوك احقر بشر .
طارق:اي صح لان سترنا عله امج
لان لفينه نغله من نسب اسود وساقط وحميناج لان ثقيت بيج وتالي تلعبين عله امي .
_احس سجاجين وتنبت بكلبي
كل كلمه يحجيها توجع روحي نزلت دموعي
طارق:حبيتج حيل ومن كال ابوي
اختك ادمرت سنين اعاني تعبت وادمنت متقزز من روحي تالي من عرفت السر لكيت مشاعري بارده مارجعت مثل ماجانت بقى احساسي بيج صديقه ردت احميج ماكدرت اتقبل بعدج اناني اي اناني لان ردتج تبقين يمي بس اليوم طابت نفسي منج ولا املك اي حب لو شعور ناحيتج.
_دنك باسني دفعته رد جرني يريد يحظني تفلت عليه
احس وجهي تهشم من ضربته صرخت سد حلكي فتح الباب وشمرني .
طارق:ماريد اشوف ضلج بالبيت .
_نزلت اتعثر وانه اعدل بنفسي
التفت عله صوت فاطمه.
فاطمه:هذا المفتاح كون قبل
ما النهار يطلع.
_مديت ايدي بخوف اخذته وانه اتلفت عافتني ودخلت غرفتها نزلت اخر بايه من الدرج رجليه ترجف دفعت الباب التفتت امي تنضرلي بخوف .
وداد:انتهى كل شي.
_هذا الردتي انتي لطمت عله وجهي وانه احجي الدار بيني وبين طارق شمرت عليها المفتاح دنكت اخذته .
وداد:نتأكد كون يغطون بالنوم ونطلع الفجر كومي غسلي وجهج كلشي ماناخذ ويانه غير هاي الجنطه.
_دنكت جوى الجربايه طلعت جنطتها مال الجتف الي حسب ماذكرت هاي الي طلعت بيها من مدرستهاحضرت صاياتنا وحجابات طلعت جابت حذائء الرياضي وهيه هم .
وداد:لحظه صوت الباب.
_كامت للشباك تباوع التفت عليه.
وداد:طلع طارق ربج فرجها هاي فرصتنا.
_تحجي وصوت عمي يدرردم
يمكن عله طارق.
وداد:الله يحرك كلبك عليه بكد
حركت كلبي.
_لا تدعين عليه يمه طارق انظلم.
وداد:واحنه ماانظلمنا .
_مر الوقت واحنه مركزين ونحسب
الدقايق طارق مارجع والساعه صارت ب٢ بليل.
وداد:يله كومي .
_لبست الجنطه بجتافي
فتحنا الباب بحذر ونضراتنا لغرفه عمي بخوف بعدنا ماعبرنا الدرج ونفتح الباب وصوت فاطمه تحجي بقلق .
فاطمه:يمه ابني .
التفتت امي وهيه تحجي اطلعي بسرعه تقدم عمي جرها .
فاطمه:ولك عوفها وامشي
الحك ابني .
فاروق:الله ياخذج واخلص من انعل ذيج الساعه الي لفيتج بيها .
_ضليت متحنطه بمكاني امي تصيح اطلعي وهيه مجلبه بي وهو شبعها كفخ فلت نفسه منها واجه عليه جرني .
وداد:عوفها .
_لحظات ثواني مثل رمشت العين
مجلبه بي وهو يجر بيه دفعها
رجعت عليه شال رجله دفرها بقوة
مالحكت تستند صارت طيحتها عله محجر الدرج ماصرخت ولا تحركت التفت عليه مصدوم ركضت عليها عيونها مفتوحه كعدت وجريتها لحظني
ماكو دم همزين ماتاذيتي صرخت بي تعال بس شيلهاوياي عموو فاطمه تصيح وهو مثل المصدوم ضل واكف بمكانه تلفونه نخبص جره وهو يصيح فاروق :حجي احمد خلي ثأئر يروح لطارق وانته جيب الولد وتعالي للبيت .
_حظنتها اريد اجرها بس حركتها شخرت وغف ابيض طلع من حلكها صرخت الحكني عمووودفعني وجرها باوع عليها بسرعه شمرها وابتعد انخبص من كد ماتهستر ركض عله فاطمه يدك عليها.
_ماعافها لحد ما صوت الجرس مال البيت خبص الجو ركض للباب شويه ورجع يدور ويصيح عله فاطمه .
فاروق:المفتاح امشي جيبي المفتاح.
_نزعت جنطتي وطلعت منها المفتاح شمرته عليه اخذه وطلع دخلو بيت حجي احمد يتراكضون باوعو لامي بصدمه كمت اتوسل فدوى رحتلكم بس شيلوهاراح تموت ولكم مابيكم رحمه .
فاروق:بس وخري خلي اشيلها .
_كمت تكابلو عليها هو والولد شالوهاوطلعو ركضت وراهم لزمني حجي احمد.
حجي:وين موليه الله يبلاجنج .
_دفعت وركضت وصلت باب المطبخ ورجعت اخذت الجنطه وطلعت لحكتني فاطمه تصيح قبل مايحرك فاروق السيارة وكفت كباله اشر تعاي صعدت حاطينها بالكشن الورا خليت راسها بحظني يسوق بكل سرعته
وصلنه المستشفى نزلو يتركضون جابو السديه خلوها عليها وانه امشي وراهم وابجي بصوت التمو عليها الاطباء اخذوها يركضون بيها المستشفى شبه فارغ مدري لان الوقت متاخر المرضى نايمين
التفت فاروق عله ابن حجي احمد كاله .
فاروق:اخذ قدر برا .
_ادنه عليه ابن حجي احمد راد
يلزمني دفعته.
فاروق:امشي من وجهي خليني
اشوف دربي .
_يادرب ولك يادرب مو كتلك عوفنا
الله ينتقم منك ركض عليه صفكني راشدي صرخت وخر ماتحرك اذا صار بيها شي اشرب من دمك بعدنا نتصايح وطلع الدكتور يباوع علينا بشمأزاز .
فاروق::ها دكتور .
الطبيب:للاسف نزيف داخلي اصلا
منتهيه قبل ماتوصل .
_وشه اباذني مثل الهوى العالي اباوع
عليهم ضلو صافنين ادنه يريد يحظني صرخت كتلتلها
ارتاحيت موتتها خلصت هسه اطمئن محد راح يداعيك بورث هديت عليه اضرب بي رادو يجرون
فاروق:تعال احمد اخذها للبيت.
_بثواني التمت الاطباء وجرس انذار خبص المكان التفتت اجو الحرس مال المستشفى يركضون بسرعه سدو باب الطوارء ضل فاروق يتلفت الدكتور بلغ الحرس يتصلون بالشرطه .
2 ت
فاروق:دكتور ماكو داعي انته فحصت الحاله
وكتلك وكعت عله محجر الدرج ماكو داعي .
الدكتور:اعتذر اخي اجراء قانوني لابد منه
مااكدر اسلمك جثه ولا اوراق تخص الحاله
اله بتصريحي قانوني من قبل التحقيق.
_اصرخ ولكم بس خلوني اشوفها
ركضت عله غرفه لكيتها عله السديه
يمه يمه فدوى لا تعوفيني وين اروح
اهز بيها ليش هيج سويتي بيه عيونها مفتوحه
وعبالك تنضرلي صوتي راح رفعت راسي عله خطوات
الممرضين دخلو جلبت بيها لا تاخذونها جروني عله صفحه احس الكاع افترت بيه غطوها وسحبو السديه
طلعت اتجه عله الحايط فاروق مجتف بكلبحات والشرطي واكف يمه كام ابن حجي احمد متوجه عليه
!!كلمه اذا طلعت منج اضيع اثرج
مالج لا اصل ولا عنوان اخليج عاهر
يشبع بيها طارق .
_هزيت راسي بمعنى اي تقدمت عليه
وين ماخذينها .
!!للتشريح .
_كعدت مهدود حيلي ضايعه
مالي احد ليش هيج سويتي بيه
لا اندل اهلج ولا الي اهل وين اروح
دموعي تجمدت بعيني خذو فاروق مجتفينه
عيوني للباب حايرة اذا اشرد منا وين اروح
كل هاي الهوسه والجنطه معلكه بجتفي
دخل واحد جبير بالعمر ماعرفت رتبته
باوعلي واشر للشرطي بمعنى جيبها
كمت امشي بدون روح دخلنه بغرفه بيها كم
واحد ومن ضمنهم الدكتور سالوني
حجيت الصار كله .
الضابط:بكل الاحوال فاروق مايطلع
لان لازم احد من اهل والدتج يتناز عنه وهم
ينحكم حق عام.
_دنكت وين تلكونهم .
الضابط:هو غصبن عليه يدلينه
انتي عندج احد تروحين اله نوصلج .
_كمت بخجل شكول طلعت صار بوجهي
ابن حجي احمد جرني يمشي بيه للباب .
!!شنو كلتي باافادتج.
_ماحجيت غير الصار كملو جميلكم
عليه ودلوني ابوي.
!!خل يخلص التحقيق
ارجعي للبيت بين مانكمل اجراءت ونستلم الجثه لو ماناويه تحضرين دفن امج .
_شهكت اي صارت جثه
شويه وانخبص المستشفى اهل فاروق وعمامه ضليت اتلبد اجت فاطمه تلطم .
فاطمه:هجمتن بيتي ولج طارق
بالسجن ونوب رديتي عله فاروق .
_جروها وهمه يخزرون بيه
كمت اسحل بروحي كالو راح نروح للطب العدلي
صعدت ويا ابن حجي احمد وهمه كل مجموعه بسيارة
اباوع للشارع بحيرة شنو راح يصير اكيد اهل امي ماراح يسكتون ولا يتبرون مني التفتت للمكان وين احنه ادنيت للباب السيارة بخوف عرفت مااخذني وياهم .
خطوات الى مصير مجهول
منا ونستعد للاحداث
اكثر النهايات تكون بدايه
#مشاهد مستقبليه.
_سنين وانه اخطط لهاي اليله ويجي هو
عله الحاضر ياخذج تردين ترحين لحظنه .
_ماالنا نصيب .
_اكتله واكتل روحي مو انه الي
يتوخذ تعبه خاوه.
#مشهد اخر
_حصرت روحي بالكشن والورا وهو مستلم اخو غلط
وتلفون الي مربوط عله السيارة ماسكت يتصلون بي
وهو يرفضهم اخر شي رد بعصبيه.
_اششش اكطع الصوت خليني اركز
!!ولك شبيك بس فهمني معود اكو احد تابعك
_لا بس يمكن تايهه
!!شنووو منين اجتك والف مرة الحجي وصاك من تطلع كول ياربي كفيني شر التايِّهِآتّ
_رد وحسيت بي قاصدني .
_ماكلت لان جنت بنصهن .
!!!!ههههههه خوش عاد حمامه غراب.
_ماعرف لحد الان ماشفت.
!!!واذا حيه .
_نكطع ذيلها قبل راسها.
شكرا لزيارتكم عالم روايات سكيرهوم
