رواية أعظم خيانة الفصل الثامن عشر 18 بقلم الزهيريه

لا داعي لتمثل دور الوفاء

فالمواقف كشفت غدركم 

وسواد قلوبكم 

ريماس/ والله العنده حظ يلزم التراب يصير ذهب 

والماعنده حظ لا يتعب روحه ويتحرك من مكانه بكل الاحوال هو فگر لانه راح يكون مثل الي بالصحراء وصاعد على البعير ويعظه الچلب واني المفروض اعرف نفسي ما عندي حظ من الله سلط عليه صفيه 

واني من انهزمت چنت اريد حياة جديده حالي حال اي بنيه بس وين الحظ ويگعد ويه المگروده ريماس واني الله بعد صفيه وبحياتها سلط عليه ام رحاب وعصابتها 

وبيوم الي نطفت الكهرباء طلعت دى اشوف شنو الخلل ليش ما عدنه كهرباء وبس خليت رجلي خارج باب الصاله وصرت بالگراج اكو ايد اتخلت على حلگي وحلگه بأذني ويگلي اشششش اي صوت اطشر راسك  

هذا الحچي والموقف كله احس رجلي ما يشيلني من الخوف وارجف وبرغم ما ظلمه بس على اضوية الجوارين شفت واحد راح فتح الباب ورجع فتح الكهرباء ولو ميته ولا شايفه ابو شوارب گدامي ورجعوا دخلوني للبيت وابو شوارب چان واگف ومتكئ على الحايط 

ويفتل بشواربه وهو يگلي / اني شفت زمايل بس زماله مثلچ ما شفت عندچ عقل وين تروحين لو صعدين يم العرش الرحمان هم اجيبچ 

ريماس/ وهذا الچان مخلي ايده على حلگي بعد ايده عن حلگي بس رجع ايدي اثنينهن وره ظهري ولزمهن قوي وجاوبته / والله عمو اني تعبت ما اريد اشتغل هيچ شغل بعد وشتريد انطيكم الفلوس مالتي كلها انطيها الكم والقران ما اجيب سيرتكم لأي مخلوق 

وطلع باكيت جگاير من جيبه ومن طلع جيگاره خلاها بحلگه اكو واحد طلع جداحه وهو آخذها بس ما شعل الجيگاره اتقرب عليه وشغل الجداحه بوجهي اني گبل جفلت وصديت وجهي على صفحه وهو حچى ويه ذوله ويا وچان عددهم 3 وملثمين وگال 

ابو شوارب / شتگولون نحرگ وجهه ونگص لسانها لو ادزها لعالم البرزخ وأشغل أخواتها بمكانها لانه ما دى تسمع الكلام لانه لينا ما دى تسمع كلام ابوها وانتوا تعرفون شنو مصير الما يسمع كلام ابو شنو يصير بي 

ريماس وردت احچي حتى أتوسل بي بس هذا الي مچتف ايدي رجع خله ايده على حلگي وگال بلهجه مكسره يدل على انه مو عربي / لا ما يستفاد إذا حرگ وجه بعد عنده شغل هواي وياه بس سوي اله جرة اذن حتى يسمع الكلام بعد

ابو شوارب/ هاي لخاطرك كاران ولكون أتعامل وياك من زمان راح اگرصها گرصه خفيفه وخطيه دى أشوف جسمها ما يتحمل اعضائها الداخليه خلي نسوي مجال للكبد 

ريماس / همه يحچون بس ما افهم كلامهم شنو معناته وابو شوارب آمر الشباب موجودين ويا انه ياخذون اخواتي هنا تخبلت اريد احچي واتوسل بي يعرف اخواتي بس ماكو هذا مخلي ايده على حلگي ودخلوا جوه وطلعوهن كل واحد مخلي ايده على حلگ وحده منهن وهن يرافسن بيديهم وأخذوهن وطلعوا وگال 

                                            

              

                    

ابو شوارب/ كاران تبقى وياها وباچر أجيبها وتجي 

ريماس / وطلع ابو شوارب وبعده هذا الملثم تركني واني تحررت ورت اطلع وراهم أتوسل بيهم يعوفون اخواتي بس هذا الملثم سد الباب وظل واگف گدامي 

گتله / رحمه على اهلك اخواتي صغار ويتيمات لا ياخذوهن والله ارجع اشتغل وياهم ذني ما الهن ذنب 

وهو كشف عن وجهه شاب صغير عيونه زرگ وابيض وهو ابو شوارب نادى بسم كاران بالبدايه ظل صافن بوجهي بعدها گال 

كاران / انت ما يفهم شلون تنهزم منهم وين ما يروح انت يعرف همه انت آذيت نفسك ما عندك اي ترتيب لأمورك أخواتك يرجعوهم الك 

ريماس/ هذا الكلام سمعنا من اخذوا اخواني وبعد ما رجعوهم 

كاران / اني ما مجبر يشرح لحضرتك بعد العمليه يرجعوهم الك اگعد واسكت ما يعرف يگعد انت 

ريماس/ اني اخاف على اخواتي وما اعرف مصيرهن شنو الله يخليك اكيد عندك عائله وعندك اخوات احلفك بأخواتك وين اخذوا اخواتي 

كاران/ انت لو يخاف على أخواتك ما يشتغل مثل هزها الشغل من البدايه 

ريماس/ وگعدت اسولف اله وضعي من بدايه موتت أمي إلى هسه اني گدامه 

كاران/ انت يعرف مثلك هواي بنات يجي هنا يصور اربيل مدينة الاحلام ويحقق كل أحلامه هنا ومن يجي يعرف خطأه ويكون خسر نفسه وحياته وانت الظروف أجبرك على هزا الوضع يكون في بالك الخلاص منهم مليون بالميه مستحيل وانت هزا هروبك جبت مشاكل لنفسك 

ريماس/ حسيت بي انقهر عليه بست ايده وتوسلت بي انه يدليني على طريق اخلص بي منهم جاوبني 

كاران / يكون صريح وياك الخلاص شبه مستحيل قانونياً انت ما بالغ سن رشد يعني ما يگدر يطلع الك جواز وأخواتك صغار لازم انت سوي وصايا عليهم وهم مستحيل سبق ان گتلك انت مو بالغ يعني قانونياً مستحيل تگدر تسافر خارج البلاد والخلاص منهم هو تسافر خارج البلد 

ريماس/ انت گلت في بداية كلامك ما مرتبه وضعي شلون أرتبه ودليني على الطريق الصحيح 

كاران/ إنت تگدر تسافر خارج البلد عن طريق مهربين لكن طريق تهريب عن طريق اربيل وسليمانيه مستحيل همه مسيطرين على التهريب يعني توگع بيديهم بقى مهربين دهوك ذوله اكثرهم ياخذون فلوس من الشخص وما يهربوا خارج البلد يبيعوا لمهربين اعضاء بشريه مو آمان انتظري مني خبر ما أوعدك بشي إذا كدّرت أطبع خارج البلد ما اتأخر

ريماس / وشلون اتواصل وياك انطيك رقمي 

واني من طلعت دى اشوف الكهرباء الكشره موبايلي چان بيدي هسه ماكو دورت على موبايلي ما لگيته جاوبني 

كاران / موبايلك اخذوا وحتى إذا موجود ما اريد اني يجيب الك شريحه جديد ذاك الشريحه مو امان 

            

              

                    

ريماس/ انوب بقى بالي على بيان شلون خايفه يشوفون مراسلاتي ويا ظليت على نار وبقى كاران يسولف ويسألني عن حياتي السابقه اخيرها سالني إذا احد لامسني ونفيت هذا الشي وهو ظل بس يهز براسه وما فهمت ليش 

وصار الصبح بعدها كاران طلب مني ابدل حتى اروح ويا وسالته وين راح نروح 

كاران/ اليوم تجري عمليه جراحيه الك ويا رب تطلع بالسلامه 

ريماس/ اني ما بيه شي صحتي زينه ليش العمليه بعد ومال شنو هاي العمليه 

كاران/ انت كان المفروض يقتلوك اني ما يقبل يقتلوك ولازم انت تتعاقب على هروبك وعقابك عمليه ياخذ كليه منك انت 

ريماس/ يعني ما اريد اشتغل وياكم أنوب ادفع كليتي الكم وارجع اشتغل وياكم شنو هذا التسفيط 

كاران / انت اسكت هسه لا توگف بوجه إعصار بعدها نشوف شنو نسوي 

ريماس/ وانت وين راح تروح اني اخاف والله وحدي 

كاران/ لا يقلق انت ما اعوفك اني وياك 

ريماس/ رحت بدلت ورجعت عليه بالصاله ولگيته دى يخابر بس يحچي بلغه ما أفهمها 

وطلعنه سوه وصلني لمستشفى وهناك سوولي تحاليل وياخذون معلومات وكاران يجاوب عني وما اعرف شگد مر وقت وبعدها اجتي وحده عليه وكاران گال روحي وياها تجهزچ رحت وياها نزعوني ملابسي كلها ولبسوني ملابس مال العمليات ودخلوني لصالة لصالة العمليات شفت الأجهزة لو روحي شاغت للسما حتى گمت ابچي بس هذا ما طول نيموني على السديه وبعدها ما حسيت بشي 

بيان / كل انسان يظن نفسه يگدر يضم نفسه هذا غبي و مو كل مره تسلم الجره لينا ظن نفسها ذكيه وماكو واحد يگدر يوصلها اني وصلت الها من عممت صورها على السيطرات چنت متأمل الگاها بأسرع وقت بس خاب ظني شهر وبعدني ما وصلت الها بدء اليأس يملأ نفسي وتوقعت هاي عايشه بأربيل وستدرجت عمي مهند يمها بدليل ما توصلت الها ودائماً الي ما عدهم قيد جنائي بصعوبه يله نتوصل الهم ومر الوقت على وفاة عمي مهند وكأنه ميت البارحه وكل يوم بيبي تتخربط لانه ما كان احد متوقع وفاة عمي مهند 

وبيوم بيبي تخربطت ونيموها بردهة نسائيه ولازم وحده مره وياها عمه لقاء مطلگه وزوجة عمي مهند لازمه عده واني ما عندي مره لهذا عمي وسام جاب لميس واني من وفاة عمي مهند حظرت لميس وميقات لهذا كل شي ما اعرف عنهن اجتي لميس تفاجأت بيها عدها بطن ولميس رشيقه بحيث بطنها لازگه على ظهرها هاي البطن منين 

ولكون ردهة نسائيه ما نگدر ندخل ورجعنه للبيت اني وعمي وسام وبالليل اتصلت لميس على ابوها وصته على حاجات تريدهن لبيبي بس عمي وسام گال وديهن أنت بيان اني راح ارجع لبيتي لانه تركت بناتي وحدهن وهاي دنيا كل شي يصير 

اكثر الغراض اشتريتهن الباقيات ملابس بيبي اخذت من البيت ورحت وفتحت الحظر من لميس واتصلت بيها انه تجي تاخذ الغراض اجتي لميس وهي نفس اسلوبها مال ظل صافنه بوجهي وسألتها ليش بطنچ چبيره 

            

              

                    

لميس / تحچي صدگ لو تشاقه ترى من اول ما حللت وطلعت حامل اتصلت عليك الف مره ودزيتلك بصمات صوتيه قيامة الله اگلك اني حامل ما اعرف عبالك دى اكذب عليك واريدك ترجعني بعدين حضرتني شسويلك يعني گعدت وسكتت 

بيان / صدگ هنا تخبلت شنو حامل وكتها يعني ما اخلص ابد جاوبتها / شنو حامل بابا انتي عقلچ بي شي وين اودي الطفل هو اني روحي ما متحملها واحنه مطلگين هذا الطفل هم راح يعيش مآساتي لو ينحرم من ابو لو من امه شنو التاريخ يعيد نفسه 

لميس / وحق هذا حملي ما ادري بيك سليم وكل شي ما بيك اني عبالي لكون ما تگدر جامعني مجامعة الأزواج تريد طلگني رحت على الدكتوره وشرحت وضعك الها وهي كتبت الحبوب بس الشهاده لله ما سالت الصيدلاني على الاستعمال وهنه الحبوب قليلات خليتهن كلهن ما عبالي هيچ مضرات ردت أحافظ عليك وعلى زواجنا ربي يشهد ما تريد صدگ براحتك شنو كفرت 

بيان / لچ بابا انتي عقلچ وين الزواج رضا وقبول اكو شي اسمه نفسيه عوفچ من الحب اني الف مره گتلچ ترى ما الي نفس بيچ يا بنت الناس انتي بعملتچ مال الحبوب كانه دى جبريني عليچ والحياة بالإجبار ما تمشي وهسه شنو النتيجه طفل ما اله ذنب راح يجي للدنيا وابو وامه كل واحد بديره 

لميس / وانت هاي وينك تخلف مو چنت ويه ميقات ما تخلف بس لكوني احبك رب العالمين خلاك تخلف واحبل حتى احتفظ بشي من ريحتك عندي شوف المعجزه 

بيان / عوفچ من ريحتي المعفنه هاي يا معجزه زمن المعجزات خلص ويه الأنبياء اني اصلاً كل شي ما بيه والسبب عدم الانجاب من ميقات مو مني لا تعيشين باوهام بس براسچ 

وهي نصدمت وظلت تباوع عليه وبعدها جاوبتني 

لميس / اني لو بدل ميقات انصبلك تمثال ذهب بغرفتي وأعبدك عباده شگد تحملت علمودها واني حتى ما تباوع بوجهي 

بيان / اخذت الغراض الجبتهن لبيبي وعافتني وراحت ومن رجعت للبيت بلغت أبويه بحمل لميس وطلع يدري حتى بيبي هم تدري وهو يگلي 

سامي / اني ما اعرف انت ما تدري بس لميس تگول بلغته بالموبايل ابني انت راح اصير اب شنو ذنب الطفل يتربى بعيد عنك رجع لميس وعفا الله عما سلف 

بيان / ما جاوبت أبويه بس يبقى الموضوع الحمل چان ما متوقع وأربك وضعي كله ومر تقريباً أسبوعين وحسمت أمري انه ارجع لميس وحچيت ويه عمي وسام وهو موافق بس ترك الموضوع لبنته لميس وهي بدورها من عمي وسام بلغها أنه اريد أرجعها وهي وافقت 

ورجعت عقدت على لميس ورجعت ويايه بس بيومها من صعدت فوگ للغرفه بلغتها شرطي عليها / انه تترك كل الوقت إلي إلى أنه أتقبلها يله وهي وافقت 

ومرت أيام عاديه واني نفس وضعي ويه لميس وبيوم اني المغرب گاعد بالبيت اجاني اتصال گال البنيه الي انت عممت صورها موجوده حالياً بمستشفى وأنطوني اسمها 

            

              

                    

واني بسرعه بدلت ورحت للمستشفى وصحيح لگيتها هناك وانطيتها رقمي واخذته واني مخلي في بالي انه أجرها لدرب الحب حتى اوگعها ولازم ما اگللها اني ضابط حتى لا تتخوف مني كل شي ما تحچي 

وعن طريق المستشفى اخذت عنوان بيتها وفي حالة ما انطتني وجهه بالحب اخطفها وأطلع الاعترافات منها بالگوه وشصار بيوم تواعدت ويه عمي مهند لو هي بريئه من اي شي صار ويه عمي مهند مثل ما گال عمي وسام 

وبالمستشفى أتأكدت مليون بالميه الها ايد بالصار ويه عمي مهند لانه عن طريق المستشفى عرفت المرافقه ويه المريضه صفيه اسمها ريماس وهي گالت لعمي مهند اسمها لينا هنا ثبت عندي عيد اذن شكي بيها بمكانه وهي عن طريقها راح الزم اول خيط بالصار ويه عمي مهند والا ليش كذبت بأسمها وأخفت أسمها الحقيقي عن عمي مهند وهو چان صادق وياها ونيته زواج  

وبديت أراسلها واتصل بيها وما جاوب لهذا قررت اجمع معلومات عنها بالمنطقه وبالفعل رحت اكو ابو أسواق براس الفرع مالتهم ومن طلعت هويتي وعرف اني ضابط أبدى كامل الاستعداد انه يتعاون ويايه وبلغته انه اي شي اسال عليه يحچي الصدگ والا اسحله للمركز وهو مسؤول عن كافة المعلومات الي ينطيها وماكو احد يعرف انه اني اجيت جمعت معلومات عن احد من المنطقه وعرفت الولد ابو الأسواق اسمه حسوني وسالته على ريماس وكل شي عنها وعن اهلها يگوله 

حسوني / شوف سيدي ريماس من چانت صغيره هي ويانه بالمنطقه ومن ابوها مات بقت يم زوجة ابوها وهمه چانوا فگر يعني إذا اگلك الخبز يگدونه ما شابعين بطونهم شو فجاءه صارت عدهم فلوس وهذا الولد ابو الموبايلات يگول ريماس دائماً تحولي ارصده هوايه واني انطيها فلوسهن يعني تبيعهن منين جيب هاي الأرصده الله يعلم 

بس للامانه هي حلوه كلش الله يستر عليها وشگد شباب هنا يحاولون يجروها ويصادقوها بس هي ثگيله وما تنطي وجه ويگولون والعياذ بالله والخطيه برگبة القائل انه هي تشتغل ويه ام رحاب 

بيان / ومنو عالمة الفيزياء ام رحاب 

حسوني / والله سيدي هاي هم الخطيه برگبة القائل انه شغلها مو تمام لانه ماكو احد شايف بعينه اكيد تاخذها على شغل الله اليعلم بيه هيچ العالم تحچي من جوه الي جوه 

بيان / جمعت معلومات بس اكو حلقه مفقوده بين الصار ويه عمي مهند وبين ريماس إذا سلمنه انه ريماس تشتغل دعاره ويه ام رحاب قابل يجبرن عمي مهند على أنه يروح لاربيل ويتبرع بأعضائه 

الحلقه المفقوده يم ريماس خلي اشوف شغلي وياها بالبدايه اخليها تطمئن من ناحيتي واستدرجها 

وبالفعل صادقتها وظليت اسولف وياها واكو معلومات صحيحه گالتها مثل ما ذكرها ابو الأسواق واكو هواي اشياء ضمتها عني ومن ضمنها شغلها ويه ام رحاب الي عليه 100 الف علامة استفهام  

شكرا لزيارتكم عالم روايات سكيرهوم