رواية أعظم خيانة الفصل التاسع عشر بقلم الزهيريه
عندما تكذب لا تحلف
يكفيك ذنب واحداً
ريماس / اني اعرف حظي سيء و ما اعرف قدري هم يجي يوم ويبتسم الي لو لا اني يقيني برب العالمين انه يجي يوم وينصفني ويسعدني بس هذا اليوم شوكت ما اعرف اي شي صار بحياتي ربي يشهد اني مجبره عليه ما چان بختياري كل شي نفرض حتى من اخذني كاران للمستشفى مجبره
غيروا الي ملابسي ودخلوني لصالة العمليات كل شي بيها مرعب بالنسبه الي البروده بيها دگ بالعظم ونيموني على السديه وخدروني وبعدها ما ادري بشي ابد
وما اعرف شگد مر وقت وگعدت على وجع بخاصرتي يموت بحيث گمت اعيط بخبال أجتي ممرضه خلت مغذي وضربت بي ابرتين وشويه وهدء الوجع ونمت رجعت صحيت لگيت كاران يمي وتحمدلي بالسلامه وسالته على اخواتي راح يرجعوهن لو لا
كاران / اني يسال عنهم وكالوا يرجع اخواتچ انت هسه وضعك تعبان صير شويه زين ونطلعك منا
ريماس/ الله يخليك لا تكذب عليه أخواتي زينات
كاران/ أخواتك زين بس لو يگعد راحه انت كل شي يصير بخير
ريماس / كاران الله يخليك الموضوع الي وعدتني بي انه طلعني خارج العراق شسويت عليه
كاران / شوف ريماس من اريد أهربك خارج عراق لازم تكون انت مو تحت سيطرتهم
ريماس/ ما فهمت يعني شنو مو تحت سيطرتهم
كاران / ريماس اني يفهمك انت لازم تطلع تهريب خارج البلد ومن تطلع لازم يكون همه ما يدور عليك والا بسهوله يرجعوك
ريماس/ فدوه كاران اي شي يفيدني وبصالحي گلي بي
كاران / إذا تريد تخلص منهم لازم تزوج واحد منهم
ريماس/ ما سوينه شي راح ابقى بنصهم طول عمري
كاران/ انت لو يسكت حتى أفهمك بس انت ما يسكت ابد اتفقي ويه شخص انه تنطي انت فلوس وهو يزوجك ويطلعك خارج البلد
ريماس/ انت تحچي صدگ اني ما شايفه احد بيهم غير ابو شوارب وهذا اني اخاف منه
كاران/ هذا اني ما ينصحك بي ابد أكولك شي خاف يفهم غير شي انت
ريماس /لا ما افهم غلط بس احچي والفهم عوفه عليه
كاران/ بصراحه اني نعجب بيك اني مستعد يزوجك ويوفرلك الحمايه انت وأخواتك بس يكلك من هسه اني ما يطلكك أريدك حلالي واني مو اربيل اني من دهوك يعني تعيش ويايه بدهوك
ريماس/ يعني شنو ما طلگني اني اريد اخلص منهم مو ازوج
كاران/ يعني انت ما يريد يستقر ويزوج وينجب اطفال وتكون ويه رجل يحميك ويوفر الك عيشه حلال
ريماس/ والله اني ما اكذب عليك ما اريد ازوج اريد اطلع خارج العراق وبس واهم من هذا كله اخواتي ويايه
كاران/ بكيفك انت اني يحب ينصحك اخذت بالنصيحه كان بها ما اخذت انت يندم وحدك اني لو بمكانك كان قبلت تعرف شنو السبب
ريماس/ شنو السبب
كاران/ اني يكلك البنيه من يعوفها وما يغتصبوها مثل وضعك ما اغتصبوك يعني يبيعوكم منو يدفع سعر اكثر وتبقى كذلك من شخص يبيعك لشخص وهسه انت اخذوا كليتك بعدها يبيعوك يغتصبوك مراراً وتكراراً وتكونين بنت ليل او يبيعوك لنوادي الليليه وبنات الليل اكثرهم يموتن بأمراض خطيره ومعديه
ريماس/ إذا اگول كلام كاران ما خفت منه آكون كذابه بس بنفس الوقت ما اريد ازوج واني گلبي يم بيان وبقيت حايره شنو اسوي
ومر ايام واني بالمستشفى وما اشوف غير كاران كمل اسبوع وطلعوني من المستشفى اخذني كاران للبيت الي اجرته اني ومر اسبوع ثاني من طلعت من المستشفى وحتى خيط العمليه رفعوا الي وتحسنت حالتي وتقرر يرجعون إلي اخواتي وبعد فراق 16 يوم رجعوا اخواتي وياهن موبايلي من فرحتي بأخواتي ما صدگت من شفتهن حضنتهن وابوس بيهن لانه توقعت ما يرجعوهن
وانطاني كاران موبايلي بس انتبهت على اختي الي عمرها 10 سنوات مو طبيعيه اخذتها ورحنه للغرفه وسالتها شنو صار الكم وين اخذوكم وهي ما تعرف المكان بس گالت اكو واحد چبير بقت يمه ايام وحدها بدون اختها الأصغر منها وشرحت الي شنو سوه وياها وتبچي وتگلي ريماس صارت بطني توجعني وطلع دم هواي وهو چان يضربني رفعت ملابسها جسمها عليه اثار ضرب صدگ تخبلت طلعت لصاله على كاران ضربته قوي على چتفه وهو چان عينه بموبايله بحيث جفل من ضربته
گتله / شسويتوا بأختي يا كفار انتوا أخذتوا كليتي هاي الطفله ليش مغتصبيها شلون راح تعيش وهي صار وياها هيچ وانت چنت تعرف وما گتلي
وهو وگف وظل يباوع بوجهي وگال / اني حذرتك وانت ما اخذت نصيحه انت وأخواتك بالنسبه الهم فلوس كل واحد يدفع بيكم اكثر يبيعوكم انت الظاهر ما تعرف حجم الناس يشتغل وياهم أختك باعوها كم يوم لواحد يحب يعاشر بنات صغار ويضربهم يعني سادي ودفع فلوس كثير وانت وأختك الصغيره مسألة وقت ويبيعوكم
ريماس/ احس شلون واحد ضربني على راسي احس نفسي بدوامه وما اعرف شلون راح اطلع منها بس عقلي مشلول كل ما بالي بس اختي المسكينه رجعت يمها بس گلبي نفطر عليها لشنو تعرضت المسكينه وهنا چان اول مره ادعي على أبويه انه الله يحرگه بنار جهنم من أزوج صفيه عن طريق بثينه ليش هي بثينه شلونها حتى صفيه
واختي خلت راسها بحضني والثانيه هم حضنتها وما نعرف شنو مصيرنه انتبهت على الموبايل اخذته ظليت اگلب بي مفتشي كله اما بيان چان يرسل رسائل ويتصل وماكو احد يجاوبه
بذاك اليوم ما الي خلگ نفسي لهذا ما جاوبت بيان وعلى ثاني يوم تقرر نرجع لبغداد بلغني كاران وجابلي سيم كارت وموبايل وطلب مني انه اضمهن وماكو احد يدري بيهن وراح نظل على تواصل عسى يلگى طريقه يهربني بيها من العراق
وبالفعل رجعت واني اجر اذيال الخيبه لانه ما سويت شي رجعت نفس الطاسه ونفس الحمام وصلت لبيتنه لبغداد واول وصولي اجتي
ام رحاب / إذا اگلچ انتي غبيه ما راح يفرق شي من تشردين وين تولين يعني بابا قبلي بقسمتچ واسكتي تجيچ فلوس ومونسه روحچ شتردين من الدنيا من ماخذين تليفونچ انتي عندچ هواي شباب تتراسلين وياهم
ريماس/ اي ذوله احصل منهم ارصده شنو حتى بهاي ناوين شاركوني بيهن وانتي اول ما اشتغلت وياكم گلتي الارصده الچ
ام رحاب / يمه يمه يمه شلون لسان لو عقلچ تستخدمي مثل ما تستخدمين لسانچ چان ما شردتي وعرفتي مصلحتچ الأوامر الي اجتني تگول خلي تستعجل وتسلم شاب لانه شغلنه صاير بارد
ريماس/ اي خلوا على الطباخ حتى يحمى اني بعدني تعبانه من العمليه ارتاح وبعدين انفذ أوامركم
وهي بعد ما حچت شي وراحت ومن طلعت موبايلي لكيت مكالمات لبيان ورساله يگلي بيها ليش تشوفين الوسائل وما تردين عليه
رديت عليه برساله بس ما جاوب غير بعد ساعتين وطلب مني اتصال وافقت يتصل
ومن اتصل وجاوبته گال كلمه خلاني اموت فرح
بيان / مشتاقلج صار فتره يا بذاته اتصل وأراسل وما تردين افتقدتچ هواي
ريماس/ مريضه كلش بذيچ الفتره اعذرني انقطعت عنك
بيان / مشتاقلچ سوين عليه فضل إذا تفتحين كاميرا حتى اشوفچ
ريماس / فتحت كاميرا وهو حلو جذاب
بيان / هاي ليش هيچ شكلچ اصفر وباهت بيچ شي
ريماس/ اريد اسالك سؤال ولو هو سؤال محرج واستحي اساله بس انت دكتور اكيد تعرف
بيان / اسألي واني أجاوبچ
ريماس/ البنيه من تتعرض للاغتصاب وهي صغيره يبين عليها من تكبر لو لا
بيان / مرات تخلي رجالك على طريق ما تعرف نهايته وين المنطق يگول انت طريقك غلط بس الإحساس يگول انت ما شي صح كمل طريقك اني ما اعرف ليش دى اربط وفاة عمي مهند بهاي البنيه الي يحبها المنطق يگول غلط لنفرض انه البنيه هو وياها علاقه قابل هي جبرته يروح يتبرع بأعضائه مستحيل اذن المنطق غلط وإحساسي يگول البنيه هي السبب الرئيسي بوفاة عمي مهند وقررت اتبع احساسي
ومن صادقتها ونسولف دائماً البنيه يتيمه وعدها أخوات اثنين ودائماً ابو الموبايلات يمهم يگول تبيع ارصده استنتجت انه عمي مهند مصادقها ويصرف عليها بس معقوله الي ينطوها ارصده هيچ بلا مقابل لو صايره تكسي هسه
گلت ويه نفسي خلي اجربها ومن دى اسولف وياها حولت الها رصيد ابو 10 ما گالت لا وما اعترضت يعني متعلمه على هيچ موضوع
ثبت عيد عندي وبعدها بفتره راحت لاربيل وبليله چنت دى احچي وياها ونگطع الخط وبعدها ابد ما حصلتها وحتى الموبايل ارسل رسائل تفتح الرسائل بس ما جاوب
صرت افكر انه ابلغ على الموضوع حتى اتحرك براحتي ورحت على مديري وبلغته على موضوع عمي وشكوكي بالبنيه وجوابه مثل جواب عمي وسام
المدير / شوف بيان كلامك بي تناقص احتمال يطلع صح واحتمال يطلع غلط وبصراحه اني ما اگدر أساعدك بشي في حال طلع هذا بس تخيلات بدماغك وهاي بنيه إذا طلعت ما الها ايد بالصار ويه عمك وكل دليل ما عندك عليها وتدري إذا يسرب للإعلام شي ساعتها صير قضية رأي عام وشيخلصنه يسووها شريفه براسنه ومغتصبيها واذا چانت بعصابه انت ما تعرف منو وراها لهذا اعذرني ما اگدر أساعدك بأي شي
بيان / بس سيدي اني متاكد هاي البنيه وراها شي
المدير / اني جاوبتك اي مساعده مني لا تنتظر ما أخاطر بمنصبي بس اكو ظابط ادليك عليه بس لا تكله انت من طرفي ابد لانه اني ويا مشاكل
مقدم فرقد
بيان / سيدي وين الگى
وأنطاني عنوان المركز الي يداوم بي وهو يشدد عليه انه ما اجيب اسمه گدام عقيد فرقد
وبس خلص دوامي رحت للمركز على مقدم فرقد وجاوبني ضابط الخفر گال والله البارحه چانت الخفاره مالته واليوم ما اجى وباچر ما اعرف يداوم لو لا ما اعرف وطلبت منه الرقم مالته حتى يتصل بيه في حالة مقدم فرقد داوم واخذت رقمه
ورجعت لبيتنه واني بيه طبيعه من اجي من الدوام اسبح دخلت للحمام ومن طلعت لگيت لميس تگلب بموبايلي وكفت گدام المرايه امشط وهي التفتت عليه
لميس / هاي شنو بيان شنو عندك علاقة حب
بيان / اصور جاي تقرين بالمحادثات وطالما انتي بلا أدب عادي عندچ لازمه موبايلي وتفتشين بي
لميس / شوف بيان اني تحملت كل شي بس مال اتحمل عندك علاقه بوحده وتخوني هاي ما اقبلها
بيان / اني ما بيه حيل احچي وياچ واني متفق وياچ من رجعتچ انه ما گدامچ غير الصبر لما اتقبلچ اما إذا تقبلين واذا ما تقبلين هذا شي راجع الچ
لميس / وشلون راح تتقبلني وانت عندك علاقة حب بوحده اصغر مني وأحلى مني هاي شوكت تتقبلني بيوم القيامه
بيان / اني جاوبت وانتي حره وعفتها ونمت وهي مره تتوسل ومره تبچي ومره تهدد ومن گعدت من النوم هي ماكو نزلت لگيت عمه لقاء موجوده ومن گعدت بالصاله بيبي موجوده وابويه ولميس وبدت كلامها عمه لقاء عبالها تحرجني
لقاء / بيان إذا ما الك رغبه بلميس ليش رجعتها طالما مسوي علاقة حب وشايف حياتك
بيان / شوفي عمه اني مو مثل عمي وسام التصفيط يمشي عليه اني بيان واني اعرف من البدايه موضوع لميس كله انتي چنتي تخططين اله وانتي أقنعتي عمي وسام انه يزوجني لميس انتي خططتي بيوم اعقد على لميس نفس اليوم يكون العرس بس الچان مو بمخططاتچ هو رفضي لميس انه صير زوجتي الفعليه وموضوع حبوب الفياگره چانت الخطه مالتچ
وعمي مهند الله يرحمه اكثر واحد چان كاشفچ وكلامه صحيح انه انتي تعرفين اني ما بيه شي والعيب بميقات لهذا ظليتي انتي وبنتچ تلعبن بأعصاب ميقات وبيوم حبوب الفياگره چنتي متفقه ويه بنتچ لهذا لميس سوت روحها تخربطت وانتوا سبحان الله اجيتوا صدفه واخذتوها لدكتوره وجبتي وياچ عمي وسام لانه ما تگدرين تاخذيها وطلعين بدون اذن من عندي لهذا خليتي عمي وسام بوجهه المدفع واني ما حچيت شي لكون ابوها وياها بس الفاتچ انه اني مو غبي لهاي الدرجه بنتچ من فاتت لصيدليه ويم الدكتوره شنو چانت تحچي بالإشارات يعني انتي المخطط الرئيسي
وتجري الرياح بما لا تشتهي السفن ما چنتي متوقعه انه عمي وسام يطلگچ وهاي چانت اكبر صدمه الچ ورجع الامل الچ من حبلت لميس ورجعتها حتى يكون الموقف لميس صلح وترجعين انتي لعمي وسام بس هاي اضغاث احلام
الخطه مالتچ ما اخليها تكمل ابد وما تفرضين لميس عليه لو اموت وهاي بنتچ لو أضربها 100 قندره ما تخليها تطلع من يمي انتي اعرفچ وانتن طبختن الطبخه وانتن أكلنها
إذا اسولف بصدمة عمه لقاء ما تسولف لو اذبحها من الوريد للوريد بس شويه شجعت نفسها وجاوبتني
لقاء / شنو راح تبقى ذالها للميس وتريدني اسكت ما عدها اب يدافع عنها
بيان / بعيني هسه اتصل بعمي وسام حتى خاف تردين تروحين تألفين چذبه ما انطيچ مجال
واتصلت بعمي وسام وفتحت مايك وبلغتها بكل كلام عمه لقاء وهو عباله اني ما فاتح مايك طلب مني افتح مايك گتله / عمو المايك مفتوح والكل يسمعك كلامك
وسام / بيان اطلع بره للمزرعه وجيب شطب مال رمان والزم لميس شطبها شطب گدام الگواده امها واذا امها ادخلت اطلگ امها وياها وشطبهن اثنينهن وانت إذا يعجبك ازوج ماكو واحد اله شي يمك واني هم خلي تعبر السنه مال مهند الله يرحمه وهم ازوج يله في امان الله
بيان / وعمي وسام غلق الخط وعمه لقاء تخبلت وهي تگللها
لقاء / گومي لميس امشي ويايه شنو باقيه بذلة بيان من عين باچر اطلگچ والف واحد يتمناچ
بيان / اويلي على ذوله الألف يتمنوها وانتي سنين تخططين تكربسيها براسي لعد ذوله الألف وينهم
لقاء / لو تموت بعد ما أشوف اظفرها طالما لقاء تشتم الهوى نگس مثل عمه وسام
بيان / عفتها تلغي وجّهت الكلام لبنتها لميس
گتلها / شوفي إذا تطلعين ويه امچ تحلمين ارجعچ وتعتبرين نفسچ طالگ بثلاثه إذا طلعتي لو تسلمين على نفسچ وتصعدين فوگ لغرفتچ
ولميس كل شي ما حچت صعدت فوگ وظلت عمه لقاء اصيح عليها بس هي ابد ما جاوبت وطلعت عمه لقاء وهي تغلط عليه وابويه ظل يلوم بيه بس اني گتله يابه الحيه من البدايه گص راسها وارتاح
ورغم موقف لميس ويه امها اني ما اهتميت وما اعرف شگد احاول أتقبل لميس ما اگدر ابد شنو السبب ما اعرف ومر ذاك الليل وعادي نفس الروتين رحت لدوامي وريماس اختفت وتحديداً ساعه 11 وربع اتصل بيه الضابط الي بالمركز ويه مقدم فرقد وبلغني انه چان عنده اجتماع بالوزاره وهسه اجى
أخذت اجازه زمنيه ورحت عليه للمركز وهو ضابط تحقيق بمكتبه واكو شرطي واگف بباب المكتب وطلبت منه يبلغ المقدم فرقد انه اني ملازم اول بيان واريد اشوفه
ودخل الشرطي ورجع طلع گال تفضل دخلت للمكتب صار گدامي مقدم فرقد على مكتبه ودگيت التحيه وطلب مني اگعد گعدت وحچيت الموضوع كله وهو ما يقاطعني ابد بس يباوع بوجهي حتى عبالك دى احچي ويه روحي اخرها گال
فرقد / حمدالله صار ساعه انتظرك تخلص حچي بس انت متأثر هواي بمسلسل وادي الذئاب
شكرا لزيارتكم عالم روايات سكيرهوم
