رواية كريات الدم السوداء الفصل التاسع عشر بقلم زحل
__دار وجه طبك الباب والتفت عليه عيونه تجدح
بسرعه بجيت والله مامسحت شي وداعت ابوي .
ولد الباشا الثمن
عالم مُغطىٰ بالذهب الأسود وَ السوَآد .
حياة تعيشُها حالكةُ الظُلمِ وَ الظلام .
أرواحٌ مــأسـورةٌ في سـرآيا الفُجارِ ذواتِ الأصنام.
حيثُ السَّغر وَ الطُغيان .
حيثُ كُرهٌ وَ الإحتقـار .
حيثُ الأسر والهلاك .
حيثُ السُقم والإنقسام.
ـــــــــــــــــــــــــــــــــــــــــــــــــــــــــــ.
خليت العبايه على راسي وصرت اعبر الناس واهرب منه اهرب هذا الحل الوحيد, كلما اندار اشوفه بعيد عني بأمتار حسيته صار قريب عليّ ركضت بسرعه
لمحت ناس گدامي شايلين اعلام وواحد شاد شماغ أخضر
شايل صورة الإمام الحُسين ورافعها ، بدون تردد رحتله اخذت الصوره من ايده ورفعتهه يم وجهي ، صرت گدامه اردفت
_دخييله عندك بستر خوااتك لا تخليه يشوفني
من گدما ازدحام وقريبه منه جنت اسمع أنفاسه المتسارعه طلب من الشباب الي گدامه الأعلام اخذهن ثنينهن وبلش يلوح بيهن ويردد قصيدة بصوته
﹎﹎﹎﹎﹎﹎﹎﹎﹎﹎﹎﹎
━━━━━━⊰⚜⊱━━━━━
ثابت:ليش فتحتي
اكيد هيه قبل
ماتطلع ضمته شعندج بي ؟
_لا لا من اجيت انته مالحكت تضمه
عافته جوى فراشي وهسه كمت اريد
اضمه والله ماعرف هيج ردت اجرب الرمز.
_يحجي ويكلب بالنقال عروك اديه برزت
حلفت اله بكل قسم وحجيت الحديث
الدار بيني وبينها ركضت لجربايتي جبت نقالي حطيته كبال وجه هاك حته نقالي ماريده خاف تشك بيه والله ماعندي شي صدكني ابد مايوم فكرت اخون ثقتكم .
ثابت:اتمنى ماتخيبين ضني.
8 ت
_ترى حته مريم بس ماعرف
ليش هيج حذفت المحادثات .
ثابت :من خلال كعدتها يمج اكيد
شفتي الصفحه الي متصله بيها
او اتراسلها .
_لا ماتصلت انه حجيت وياها وكالت اتسله
بي من يسافر ثابت داخله كروبات مال شعر.وسوالف تعرف طبعها انته .
ثابت:ماريد حرف يطلع .
_ضليت مدنكه راسي وهو وكف يم الميز يكلب بنقالي ونقال مريم طول وانه من الهبطه حيلي باد كوى واكفه
مدري شيسوي بيهن مدنك بتركيز اخذله بالربع ساعه
هو يفتش بنقالات التفت عليه خله تلفوني بيدي.
_خله تلفون مريم بجيبه ومشه
وصل للباب ورد عليه.
ثابت:الوالده بالمطبخ اكيد راح تسالج
كولي يحجي وياي عله مود التقديم.
_هزيت راسي بمعنى اي اريده بس يطلع
ركضت لجربايتي بعدني ماجاره الغطه
دخلت امي مزغرة عيونها تباوعلي بشك كعدت عله طرف السرير ابتسمت محاوله اخفف من توتري .
وفيه:عله شنو متعاركين
ثابت ومريم ؟
_شنو شوكت تعاركو؟
وفيه:قبل لا يدخل يمج سمعتهم .
_هيه جانت يمي واجه هو وراحو لغرفتهم
يضحكون ومابيهم شي ورجع سالني عله مود التقديم .
_طلعت امي وانه من الهبطه والتفكير غفيت
كعدت الصبح عله صوت البلازمه ومولي الي
يعيد الكلمات مال الاغنيه
ضحكت من سمعت ابوي صاح عليه
ابو اسعد:هااا شعدك ونوب اغاني
امشي طفي .
مولي:يابه هذا ضلم.
_عزلت غرفتي وطلعت وهمه يداهرون
وانه امشي طفيت البلازمه ودخلت للمطبخ
صبحت عليهم التفت عليه مزعوج.
مولي:خو غسلي وجهج بلكي
الله يخلي بي رحمه ركضتي
عله كاظم الساهر.
1 ت
ابو اسعد:تعاي بابا الله يرضى عليج.
_كعدت يم ابوي وانضر لمولي
باانتصار شويه وانضمو ثابت
ومريم للكعده كملنا ريوك وابوي
وثابت يسولفون اندك الباب كام مولي شويه
وسمعنا صوته يرحب بعمتي ام اريج بطريقته المعتادة.
مولي:هلا بعمتي هلا وكل الهلا.
_رأسا ابوي وجهه نضراته لثابت
الي هز راسه بمعنى اي والله عجيب شلون هيج
واحد يفهم عله الثاني بمجرد ماينضرله يعرف شيريد .
ام اريج:صباحكم عافيه .
_ردو عليها بنفس الصيغه.
وفييه:يله مادام الجاي حار اكعدي .
ام اريج:بالعافيه تريكت وجيت .
ابو اسعد:شلونه ابو اريج البنات .
ام اريج:زين الحمد الله.
_خرب عقلك اله يحجيها وهيه عبالك
منتضرة هل سؤال شلت الصينيه وجددنا الجاي لان عمتي تربعت بكعدتها وهاي الكعده معروفه .
ام اريج:يعني شنو الي يخلني
اكطع هل مسافه من الصبح غير
ضيم اسعد مليت وخايفه عله
اريج يصير بيها شي من ورا القهر .
_التفتنا عليها وهيه بدت موالها.
ام اريج:كل مرة اقنعها وتحملي وهاي الزلم
وحاولي ويا بلكي يتغير بس الضاهر جاي
يستغل سكوتها ويزيد ماينقص كلولي شنو الحل.
ابو اسعد:ماله حل ولا يبطل الاعوج
ماينعدل اله اذا هو راد يعدل نفسه .
6 ت
ام اريج:
معناها ماعندك كلمه عليه.
_ نزل الاستكان من ايده بعصبيه
ودار وجه عليها .
ثابت:مثل هو بنيه ويحكمه
زغير ويعاقبه ماتعرفينه انتي ،،خو جان مشيتي كلمتج عله بنتج ومنعتيها منه،، اشو مشت كلمتها عليج وعله ابوها وازوجته رغم اعتراض الكل .
وفيه:حقها بس شبيدنا يااختي
قابل هين علينه نشوفه مامستقر
منى عيني اشوف اطفاله .
ام اريج:غير كون اكو من يصيح عليه
يرده يحجي وياه يمنعه يعني شنو ذبها
ضاله محطمه تخلص ليلها تنتضرة يجيها
مطفي تكول مايوم جمعتني بي وجبه اكل.
5 ت
_تحجي بأاعصاب وابوي مدنك
وامي تحاول تهديها وتلوم بأاسعد.
وفيه:حقها بس هيه الي استعجلت.
_بعدها امي ماكملت كلامها
انتفضت عمتي اشر الها ثابت تسكت.
واستلمها ما توقعته يدافع عن اسعد.
ثابت:ياوجبه التحجين عنها
هو شوكت مااروح الهم اريج
طالعه عبالك هيه سيارتج
ماطلعين للسوك اله هيه وياج ماتبدلين البردات مال بيتج اله تاخذيها تختار الوانها ماترحين واجب ولا طبيب مخليتها جنطه وكأنو ماعندج غيرها خو كولي الها تنتبه لبيتها تحاول تشغله توفر الي يحتاجه
هيه الي خلته يتجرء ومايحسب حسابها لان اهم شي
عدها ينطيها افلوس تفتر بين مراكز تجميل .
ام اريج:المن كاعده بالبيت هو شوكت
لافي انه ادز عليها حته لاتبقه وحدها.
مخلصها علينا دوام شغل مانلزم منه صدك.
_امي التزمت الصمت
وهو ماانطاها مجال ترد.
_لا غشوج ولا ماتعرفنه
وبعدين بشنو مقصر وياها
كل الزلم تطلع وتمشي واكثر الشباب هذا وضعها
وكاعده البنات ببيوتها ويحاولن يتغيرن خو مو اريج
غداها يمج وعشاها بيت محمد وهو من يشتهي شي
يجي هنا ياكله دكافي خلي تنتبه لنفسها .
_يبوو تخبلت عمتي كبل التفتت
عله ابوي.
ام اريج:يعني عاجبك هذا الكلام
هذا الحق والحلال والحرام التحجي بي.
_دوم تغث ابوي بهذا كلامها
بس ثابت ماسكت عنها .
ثابت:كومي لبيتج وانه بليل الي كلام ويه رجلج وبالنسبه لااسعد مالنه عليه حكم خلي بنتج تعدل نفسها ودير بالها عله زلمتها .
_طلعت عمتي وهيه تحجي
صاح وراها وكفت منطيته ضهرها.
ثابت:ممنوع اسمع بيها طالعه لا سوك ولا تسيورة
وكليليها اذا لمحتها بدون جواريب اكسر رجليها
مصبغه اضافرها والصايه مفتوحه وبحجت نفس المنطقه .
3 ت
_ضليت اصفن من خوفي ركضت
لغرفتي فتحت المجر شمرت شكو اصباغ بسله الزباله
28 ت
صح انه مااخلي بس بالمناسبات وامسحه لان اصلي بس مدري ليش هيج سويت ثابت ولا يوم علق عله
لبس وحده بينا وحته مريم ماشفته حاسبها صح هيه تغيرت بعد زواجها ولبسها صار اكثر حشمه كمزت من دخلت وجها ينطي الوان سدت الباب وتوجهت للكنتور.
عرفت ادور النقال بس شلون هيج تجازف سالتها ثابت وين ؟
مريم:انكلع .
_غثتني كلمتها
ليش هيج تحجين عليه مااقبل الج.
مريم:ترى انتي متحبي كدي زوجي وعادي الكلمه ماقصدتها بس غثني وتعبت منه شكو حاشر نفسه بااسعد خو ابوج هو يرد عليها وبعدين رجال مدلل زوجته وتطلع بعلمه ليش يوزه .
_تحجي وتنفش التفت عليه تسال.
مريم:وين نقالي .
_رديت وانه ادور وجهي منها
ماعرف شمدريني غير انتي ضميتي
اجت وكفت كبالي وتحجي بعصبيه.
مريم:شنو ماتدرين غير البارحه عفته يمج
من دخل علينا ثابت مالحكت اضمه .
_ركضت للجربايه كلبت المندر
شمرت الحاف بالكاع وتنكت سويت روحي الم بالملابس هسه نفشتي الكنتور غير ترجعينه
ترى وراي شغل مافارغه الم وراج .
مريم:ولج ماكو النقال وين راح
تحجين صدك .
_عله شنو مخبوصه ترى محد يدخل غرفتي
اول وتالي تلكي دمشي نخلص شغلنا وبعدين اندورة.
مريم:ولج انه ماعولت فرصه يطلع ثابت ياشغل دروحي خلي ادور .
2 ت
_ضلت ادور تفتر بالغرفه بقلق
صاحت علينا امي وهيه ماتقبل تطلع
معوده دمشي .
مريم:اوكفي ولج اطيني نقالج.
4 ت
_ضليت محتارة حاولت اتملص
بس هيه لحت ردت اطلع ركضت عليه جلبت بيه
يا اشبيج عوفيني كتلج نكمل شغلنا ماانطيجيا هسه تلتهين بي وتخلين امي تحجي .
مريم:وشنو انه خدامه دروحي امج لو امي.
ترى العزيمه لخواتج واصلا اريد اروح لاهلي.
_تحجي وتجر باايدي تريد تاخذ نقالي وانه رافعه ايدي ليفوك تعصبت
دفعتني تفاجئت بيها .
مريم:مااطلعين دوري وين راح .
_بعدني ماراده عليها اندفع الباب عبالي امي ضلينه مصفصفين .
ثابت:شكو شبيجن ليش تتعاركن.
_يحجي ويباوع للغرفه الصايرة مهرجان هيه ضلت ساكته وانه ماعرفت شرد لان
مااكدر اجذب بعد وهو يعرف كل شي.
ثابت:انخرستن مو جاي احجي
ليش هيج نافشات الغرفه؟
مريم:انه نفشتها ادور
عله كلادتي .
_التفتت عليها بصدمه .
ثابت:وشجابها هنا؟
مريم:امس من جنه كاعدين هيه بيدي وبنين رادت تلبسها جاي نتشاقه ومن دخلت انته عفتها يمها
وهسه اجيت اخذها تكلي مادري بيها وجاي ندرو.
_التفت عليه
وجهه مابي اي تعبير.
ثابت:اي خوش هسه ادورها
وتنطيجيها .
_ضليت فاكه عيوني
اشرالها يله طلعت كدامه وهو يباوعلي ماعرفت افسر نضراته ردت احجي
سبقني وهو يتوجه للباب.
ثابت:دوري اكلادتها.
21 ت
سلاسل .
_مالحكنه نصرخ
جتف اديه لصدري وايده الثانيه عله حلكي
ضهري عليه ماكدرت التفت واشوف
وجهه وثنين هجمو عله سليمه شبكوها تشبك
اباوع الها ترافس بين اديهم جرونا مثل الذبايح
ويسحلون بينا ،،غمضت عيوني بيأس اي اكيد هذول
جماعة غازي اتملكني الخوف لان حسب كلام سليمه
عن هل شخص خلاني اتمنى الموت صرت ادعي كون يذبحوني ولا يسوون بيه الي سمعته
الشارع اضلم مابي ولا طير فكيت عيوني بصدمه من توجهو بينا للكراج ضليت ارفس برجليه صرنا بصف الحايط من جهة المنطقه حاولت سليمه تتملص منهم دكت روحها بالكاع جروها بقوى سفطوها يمي دنك الشخص الازمني مقرب وجه عله اذني احس بروح تنسحب مني همس بصوت ناصي .
محابس:وين جنتي .
كعدت احس تعب الدنيا بيه التفت عله سليمه الي نضراتها ادور بينا باستغراب الضاهر ماعرفته لان ملثم بس فص عينه يبين
رفعت راسي اباوع عليه خليت ايدي بالكاع
اريد اكوم بسرعه نزل كعد كبالي حجيت
وانه صاكه عله سنوني ولك خلي يهدوها.
محابس:خليهم مشبكينها مالي خلكهاتضل تنعثل وادوس راسها احجي وين جنتن
ولج تفترين بهيج وكت داخله للصعده وين اخذتج .
_مالحكت ادفعه لزم ايديه
وانته شعليك مسوي روحك زين
وين جنت ضام راسك ورطتو وشردو خليتو يروح ذبيحه عيد مالها طلاب عبالك اسكت لو رحت للشرطه
وكتلهم عليك انته وسويكه .
محابس:اذا الي ايد انه اروح اسلم روحي
مو ناقص حته اعلس طفل هو الي خله نفسه وحجيت
ويا ولج عم عله الكل اخخخ ماكدر احجي ماتوقعت منه يسوي هيج شلون تقشمر منو الي قرء براسه
ويغدر غازي ويبوك البضاعه المن اطاها راح اتخبل.
15 ت
_عاصر اديه بقوة ويحجي بحركه
عيونه حمر دم من شافني مركزه
نضراتي عليه دار وجه نزلت دموعي
بجيت بشهكه شيفيد الحجي بعد
اتقرب راد يحظني ابتعدت وخر وخر ضل لازم اديه وانه احاول اكوم.
محابس:اركدي كافي خل
احجي وياج.
_شتحجي ولك كلهم خل يهدون سليمه كلبها راح يوكف عليمن مشبكها شو وخر .
محابس: مرض مايطكها.
وين جانت ماخذتج تفتر بيج.
_رحنه لجويسم
حجيتها وغصيت بعبرتي باوعلي
وهو يجر حسرة بصوت عافني
وكام يم سليمه بس وخرو منها الولد وهو صار كبالها
هجمت عليه ماحاجها ضلت اطك بي ودفع تحجي
بصوت ناصي مااسمعها شنو تكله بس اكيد تغلط عليه
دفعته جرها ناحيته شو هاي حظنته ضلمه وملامحهم ماتبين الولد الي جانو لازميها واكفين عله صفحه اباوع
9 ت
عليهم بعد عنها لزمت ايده وتقدمت عليه كعدت يمي
وهيه تمسح بدموعها نسيت همي وصار فكري يم تصرفها شنو العلاقه البينهم معقوله هيج تحبه انتبهت الي وكأنو حست بشنو صفنت دغتني بيدها وهيه تسب بي .
سليمه:السافل وكف كلوبنا .
_كرفص هو كبالي ينضرلي بتركيز
دنكت بحزن اذكرت اخر مرة شفت جويسم شلون
واكف يمه مسحت دموعي وانه احجي يله سليمه امشينا وانته بطل تلزم الركن كام عله حيله وهو
موجه كلامه الها.
محابس:لاتخليها تطلع ترى غازي
متخبل ويريدله بس فرصه يلكفها.
_ردت عليه وهيه
تنكت بصايتها
سليمه:وشنو الحل فهمني شنسوي بالمصيبه
الي ورطنا بيها ابن راضي شغل الشارع كله
وكف ،،خايفين الحكومه تجفتنا ومنا غازي.
محابس:مايوصل للشارع .
_هزيت أيدي يعني فوك ماهو مجرم
انوب احنه نلبد منه والله باجر اروح للشرطه واكلهم عليه ، كمزت من التفت عليه خازرني رجعت محتميه بسليمه وهو يريد يلوحني .
محابس:انوب اندليتي درب الشرطه
اكسر رجليج بت الصخل .
_ها تخاف عله غازي اي جا انته ويا
بسببكم جويسم راح انتم علمتو عله الشغله.
سليمه:سدي حلكج ام اعطوب .
_هز راسه متحلف بيه اشر لجماعته يله
وقبل مايمشي التفت عليها.
محابس:انطي خبر للولد خلي يصبرون
ايام بس اتاكد من مكانه اسلمه للحكومه.
_مشه وهو يتلف بس عبرو الكراج
اختفه اثرهم منين راح وين دخلو ماعرفت.
سليمه:امشي معوده احس رجليه ورمن
شيخلصها هاي السالفه مااكدر اكول عله
جويسم غير الله يرحمه ليش ورطتنا هيج.
_دخلنا للبيت نجر بروحنا من التعب والهبطه
تمددت عله القنفه اصفن بكلام محابس
زين اذا جويسم مسوي هيج بغازي
وين ضم البضاعه منو منهم عنده علم
طلعت سليمه من الحمام وهيه تنشف بشعرها شمرت الخاولي عله باب وكعدت تفرك برجليها باوعتلي وكانو جاي تقراني هزيت راسي بمعنى شنو.
سليمه:دايخه ولج راح اتخبل
اذا غازي ماطاح بالبضاعه يهجم الشارع
علينا بس اريد اعرف وين وداهن اخوج
انتي ماشفتي ضم شي بالكراج ماكالج اله فلوس يم
احد مامعقوله يجازف هيج بدون مايضمن الثمن .
_عدلت كعدتي وانتجيت مستنده عله
اليده مال القنفه ورديت عليها لو كلامهم صح
جا لكتهن الشرطه جا مو فتشو الكراج .
سليمه:همه واحد يعرف مضمام الثاني لا عبالج غيرهم يعرف لو الحكومه
تطيح بشي .
_اذن عدهم لو سويكه لو محابس.
سليمه:لا لا مستحيل
محابس يسويها ابد .
_اباوع الها شلون انتفضت ادافع عنه رفعت حاجبها تنضرلي بشك ردت
وهيه تشعل جكارتها.
سليمه:شوفي اعرف شنو الي يدور ابالج
بس الماتعرفينه محابس وحيدر كفه والبقيه
ذول اعتبرهم ولدي صحباني لان من دخلت الصعده
لكيتهم زغار والي بعده ماصاير بالاخص محابس اعز واحد بيهم صح هو مو من الصعده وبيوم الي اجه جان عمرة تقريبا ١٢ او اكثر.
_كامت متوجهه للمطبخ مدري شتسوي تبعتها بفضول اريدها تكمل السالفه .
سليمه:خل اسوي كهوى راسي راح ينفجرتردين لو جوعانه .
_لا مااشتهي ماردت عليه فتحت الثلاجه طلعت
كعك مدري شنو حضرت صينيه عفتها ورجعت لمكاني
افكر بمنو اصدك ومنو الراح يحميني خلت الصينيه وكعدت كبالي صبت الكوب وانطتنيا اتفاجئت مسويتلي حليب تصرفاتها تحير ولو بعد مااستغرب طبعها لزمت الكوب بثنين ادييه انفخ عليه شربت
احس بلاعيمي متحجرة .
سليمه:اي ياسونه
وين وصلنه ؟
_مديت ايدي اخذت كعكه من الماعون
وانه ارد عليها بيوم الي اجه محابس.
سليمه:اي جان زغير بس مابعينه خوف
استقر يم سويكه فترة ونوب بيت حملي .
_شنو يعني
عواطف مو امه ؟
سليمه:لا حسب ماكال
هو تصير عمته .
_جا امه وابو وين اذا هيه
عمته يعني عنده اهل.
سليمه:عله اساس رجل عواطف وابو محابس جانو يشتغلون سوى وصاير بينهم خلاف وساعة شيطان كوم يرجل عواطف واكتل ابو محابس بنفس الساعه
هيه ماخذه ثار اخوها عاد اعيالها شسووو
رادو يحركون كلبها اشتكو عله محابس
واتهمو بقتل ابنهم
عاد هيه اخذي واشردي اجو هنا ضلت سنين خطيه تتلبد بس هو سبع ماخلاها تحتاج اشتغل بكل شي
اول مرة اجر ونوب اخذ هذا البيت .
_صافنه عجيب انولدت بالصعده وكبرت وانه
ماعرف كل ناسها ولد الجده لحد ماامي حجتلي
عنهم كفه وحملي منج سمعت سالفتهم .
سليمه:ترى مو كل الموجودين يعرفون كل شي يخص الصعده واكثر ناسنا الاصليين شالو وكل هذول لملوم
_اذكر من ماتت عواطف امي شكد بجت عليها
زين ماعنده خوان هيه ماعدها ولد بنات.
سليمه:لا هيه سولفتلي قبل تكول محابس بس هو لابو
وهيه توها معرسه وصارت المشكله بعد ماعرف صدك جذب العلم عد محابس ولو انه مااثق بشخص هنا بس هو معدل وصاحب الصاحب احبه رغم سوالفه زباله واخر فترة بسببج ضل يتجاوز .
_مااهتميت لكلامها وبالي يم كلامه
اذا صدك وغازي لكفني شلون درت وجهي عليها
شوفي مايخلصنه من هاي المصيبه غير الحكومه .
سليمه:غير كون تندلينه يعني لو اعرف راح يلزمو
اسكت عنه خلي همه يعرفون الزاغور
الي يضم روحه بي ويدفعون عليه اخباريه .
_سكتت مابيدي شي ولا اكدر اعترض
لان صفيت مالي احد امي مامنها خبر وابوي
حته مايخابر شنو الحل وانه بين اذيابه .
سليمه:كومي نامي وهيه تصفى.
_هم نخلص من عيشتنا هم يجي
يوم ونصير
مثل باقي المناطق والبيوت .
سليمه:هسه زين وافضل من قبل بهواي
لان من زمان وهذا الشارع هو
هيج وكر لكل نطيحه ومترديه
بزمن صدام جنت توني شابه عمري ١٢، ١٣
وهذا الشارع ليل نهار هو بيبانه مفتوحه
والشغل بي علني دك وركص ونساء
وشرب وتجي بي اشكال الشخصيات
وبيوم دخلت علينا قوة يسموها فدأئين
كل واحد بطول الباب اشكالهم ترعب
وجان واحد بيهم يسمونه السياف.
سليمه:هسه زين وافضل من قبل بهواي
_هيه تحجي وانه اتخيلت شكله لازم بيده سيف حاد ويذبح بيهم
كمزت اتلفت بخوف هزت ايدها.
نزلت كعدت يمها وانه احجي يمه
شنو منين طلعو التفتت عليه.
سليمه:ثول كمزتنيني
ام اعطوب شبيج؟
_منو هذول يعني شلون هيج
دخلو يذبحون بالناس شنو طفرو عليكم من جلسات التكيه .
سليمه :ولج ثول اكلج حكومه.
_يعني هيج يلزم الناس ويكطع روسهم.
سليمه:بوقتها صارت عركه بينا وبين الدول وعيرو العراق بيهن عاد ابن صدام اطه امر بكطع روس
النسوان الي بهذا الشارع يأبه بيومها شسوو بينا
16 ت
خلو الشارع عبارة عن لون احمر اول مابلشو بالميعه الشرمه،، يووو صارت مجزرة ضلينه نطافر مثل الدجاج دخلو الفجر مامبين منهم شي جروهن يلزمها من شعرها وطكها بالسيف فصل راسها عن جسمها
_ونوب شلون ضلن بالشارع .
سليمه:احنه بوكتها شردنا بس حسب ماسمعنا الحكومه محذرة اي واحد يدنه للجثث لو يسوي فاتحه بعدين البلديه جايه ثاني يوم شايلين
الجثث ضلينه نتلبد ولو همه اجو محددين
الاشخاص حته زلم بوقتها كتلو مثل ال ...وغيرهم
4 ت
وبقه الشارع فترة طويله ماتشوفين بي الطير العوئل
الاشراف مالهم دخل وبيوت الانس انسدت رجعنا بعدها وشويه شويه ردو نفس الشغل بس مو مثل
قبل كامت الناس تبيع بيوتها مابقه احد من السكان الاصليين والاشراف عاد صار السقوط رجع الشارع
اضرب من قبل صح البنات اطشرت واكثرهن طلعن للخارج والي تابن والي ماتن والي تزوجن ومنهن
راحن لغير محافظه وبنفس الوقت اجت وجوه جديده للشارع الكاوليه والي مسويله مصيبه الشرده من اهله المخطوف ينضم هنا والمطلوب ولان البيوت هنا رخيصه اخذوها التجار وصارت
كراجات ومخازن وهاي انتي تعرفين الباقي .
_عيوني كامن يقفلن بس
الفضول ماخذني اريد اعرف كل شي وبالخص الخرابه والكراج ولد الجده بس نعست.
سليمه:كومي نامي وهيه تصفه
لو طاب علينه غازي ولاعب بينا طنب لو
الحظ ينصفنا وتلزمه الحكومه ونخلص .
_عيوني ماتشوف غير ايامي ويا اغمض وتصير صورته كبالي مثل الفلم واحداثه تمشي اخلص ليلي بجي ونهاري تفكير وخوف كاعده يمها وبالي يم مديحه صار كم يوم مااجتني كمت جبت نقال خابرتها ردت بتعب .
مديحه:انتي شنو الوضع يمج سلوم .
_ماخليتها تكمل نهيت
المكالمه وهيه فهمت مااكدر احجي يوم يجر يوم
ومحابس مختفي شويه شويه الوضع رجع شفتها تحوس عرفت تريد تجيها ام طيبه لبست صايتي واخذت نقالي وطلعت صاحت وراي.
سليمه:وين رايحه.
_اكعد يم مديحه شويه شو
اختنكت من البيت.
سليمه:لا طلعين انه ماكدرت اروح
اسهر يم ام طيبه
لان انتي لوحدج واخاف عليج .
_ماعليه شي قابل غازي خايف من ابوي
لو يريد يدخل ياخذني محد يلزمه .
سليمه:يخاف ويدري ولد الشارع مايسكتون
بس اذا لكفج بغير مكان محد يلحك عليج
مالي خلك مصيبه ثانيه خلينه مهودين كافي علينه ضيمنا وهاي شوفت عينج صار شكد احنه لاشغل ولا شي والفلوس العندي خلصت خو مانبقه مسفطين ادينا طبي لغرفتج همه مايطولون .
_ رجعت للغرفه وانه حايرة
كلت خلي احاول ويه امي بلكي الله هداها خابرت
رد خالي سلمت عليه وتعجبت يحجي بلين.
ساجد:هلا بيج همزين
ذكرتي عدج ام.
_وبعد موال اطاها التلفون
واستلمتني رزايل.
نجيه:ها ارتاحيتي هسه؟
_يمه رحمي حالي وتعاي لخاطري
انه محتاجتج مابقه النه احد .
نجيه:وين اجي يم سليمه؟
_يمه تعاي وانه اطلع اشتغل
ونشوفلنه مكان حته لو ناجر
غرفه ويه مديحه.
نجيه:واطي البيت لسليمه تلعب بي.
4 ت
_احس كلبي خلص اكثر من ساعه احجي وياها
وحسب ماحسيت بيها مجال ترجع طلعت لسليمه
حجيت الها صفنت .
سليمه:ههههه هذا الجنت متوقعته
خلص مصلحته منها ساجد
بس حته لو رجعت ماطول لان اعرفها .
_لا لا ابد ماخليها تحجي .
سليمه:شوفي انه اكدر اكلج اخذيها
وروحي عسه ماتكعدن بالشارع.
_دنكت حته مالي خلك اتوسل.
سليمه:لخاطرج راح اقبل بس تفهمينها
مالها شغل بيه ولا بالي يدخل عليه حالها حالج تكعدن بغرفتجن وشوف شلون ادبرين امورج .
_كمت بوستها ودخلت اتصلت
بلغت خالي كال باجر اجيبها بدت سهرة سليمه
قفلت الباب وكعدت كبال الشباك اباوع عليهم عود محترمين حزني منصين صوت الاغاني
9 ت
الباشا عيونه مشخصه عله الشباك ومن تحس بي
ام طيبه يدور وجهه الولد والويا مبين ملعب عفتهم
وكمت لفراشي افكر شعجب محابس مايخابر اكيد يخاف تلفوني مراقب وهيج لحد ماغفيت
كعدت مفزوعه عله صياح امي فتحت الباب جريتها دفعتني حته ماقبلت ابوسها اخذت جعيفر منها بوسته نزلت دموعي ماريد اتعلق بيك نزلته وطلعت لسليمه باوعتلي وضحكت.
سليمه:بعد نشد روسنا كلش اول
مادخلت عاركتني.
_هسه انه احجي وياها.
سليمه:خوش وهسه مادام امج يمج انه اكدر اطلع امشي .
_طلعت سليمه وانه التهيت انضف وطبخت فرحانه باامي صح فرحتي ناقصه وبكل دقيقه هو كبال عيني ابجي وماجاي ارتاح حسرة ضلت بكلبي مسحت عيوني وشلت الصينيه دخلت لكيتها منزله شكو ملابس بالكنتور وتسفط بيهن تعاي اكلي يمه .
نجيه:هاي فضالة سلوم .
_يمه نعم الله عليها ترى ابوي
فلس مايدفع والبيت بيتها .
نجيه:خايبه غير احركها
هيه ويا وهذا اكلها شيلي مال سهرات اليل.
_خليت اديه عله راسي بحيرة
يمه قبل ابوي يشتغل خياط مو جنه
ننتضرة يجيب الزايد من الحفلات .
نجيه:اي دافعيلها جا اكيد هم
الج وياها ربع.
_وخلصتها وياي عرك
ابوي من سمع بيها ردت بعد حته ماخابر
سليمه تطلع من اليل لصبح ايام وانه حايرة
شلون احصل شغل واخاف اطلع ويلكفني غازي
اجتني مديحه تهز بحواجبها سلمت عله امي
واخذتلها ساعه وياها هم رزايل غمزتلي كمت بملل.
مديحه:ولج سواها محبس .
_شسوى .
مديحه:بس لاتحجين
محد يعرف لزمو غازي .
_كعدت عله حيلي احس عيوني طفت بجيت لحد ما تعبت وشنو الفايده يرجعه لو يداوي جرح كلبي .
مديحه:هذا يومه .
_واحنه شوكت يومنا.
1 ت
مديحه:الله يعلم .
_جا بعد ليش ضام روحه
محابس مارجع؟
مديحه:يمه الحب يمه ها ولج مشتاقتله.
_هزيت أيدي خايبه كل عقلج .
مديحه:انتي الخسرانه المهم مارجع لان جماعة غازي شاردين واكيد شاكين بمحابس وهو يكول خاف يسويها عناد ويعترف عليه جذب بس حته يكسرني
منتضرهم يخلصون منه تحقيق .
مديحه:غير اخته.
_الله يديم خوتكم مدام
هيج بعد اطلع وياج.
مديحه:ماضن محابس يقبل.
_خايبه لاتخليني حته انتي
هم اخرب وياج.
مديحه:معليه انتي ويا.
_راحت مديحه وبعد فترة دزو علينا المركز اجه خالي اخذ امي قدمو عليه شكوى وماعرفت باقي التفاصيل طلعت ويه مديحه رغم سليمه ماقبلت بس انه اصريت يوم اطلع ادور شغل ويوم للجداوة .
مديحه:خاب طاحت رجليه
اليوم بوجهمن صبحنا صار اليل
وهنه بعدهن ماصارن ١٥.
_امشي تعبت وامي لوحدها.
مديحه:جا شندفع للنصافات؟
_الموجود
مشينا تلكنه اخذن حصتهن
مديحه دخلت لبيتهم وانه توجهت لبيتنا ومن الباب سمعت الهوسه يبوووي مليت وتالي شوكت ارتاح
دفعت الباب ودخلت غمصت عيوني بقهر امي واكفه بنص الطارمه وتغلط عله سليمه جريتها يمه كافي شبعتني كفخ وجعيفر يبجي مجلب بهدومها.
نجيه:وخري بت الجلب خليني
انعل شيب ابوها جايبه
امليتها وربعهن يمي.
_عفتها وانه اتلفت خرب الحظ فوك الضيم المن طلعتي من الغرفه يمه صاحت بيه سليمه.
3 ت
سليمه:وتالي شنو الحل؟
_مادري بيج لو كايله جا بقيت
يمها وماخليتها طلعت من الغرفه.
سليمه:والى متى ابقه اتحمل
ترى ساكته لخاطر محابس .
_وعبالك امي انتلت من سمعت
كلام سليمه هجمت عليه.
نجيه:اي جا هيه المن ملفيتج اي جا هو الحارس مالهن لازم يسدن حلكه اكول شني السالفه ثاريج
صايرة مليت محابس اليوم اموتج بيدي .
_كوى خلصتني منها سليمه
لا اكدر ادخل وهمه جوى ولا تقبل
تطلع انروح يم مديحه جرتها سليمه متوجهه بيها للغرفه دخلت مدنكه راسي مالتفتت عليهم هسه
همه شبيهم هيج ماعدهم احساس يشوفون الهوسه وكاعدين دفعتها سليمه للغرفه وطلعت اريد اقفل الباب هجمت عليه صرخت كافي يمه شتردين .
مديحه:ولج وخري خليني
اطلع انفش شعفتها.
_خليت ضهري عله الباب وهيه مجلبه بيه تريد توخرني اباوع عليها عرفت عقلها خرب وحالتها منتهيه اكيد موت جويسم اثر بيها ولو هيه من زمان هيج ودوم عماتي جانن يكولن عليها رعنه تعبت وهيه ماتعبت اندك الباب التفت عبالي سليمه ابتعدت عنه شو محد دخل وهيه تهادد تريد تطلع عبالي راحو فتحت الباب وكتلها طلعي .
الباشا:بيها مجال تعوفيني ويه الحجيه .
_التفتت بصدمه هز راسه يأكد طلبه
عدلت ملابسي لان امي نفشتني نفش
اباوع عليها سكتت وكانو تريد تحجي ويا
مديت راسي للصاله صاحبه بعده
كاعد وام طيبه عيونها تطلع شرار كاعده وتهز
رجله بعصبيه شالت راسها سليمه شافتني صاحت.
سليمه:باجر تشوفيلج
مكان تخاذين امج واطلعين مني.
_هزيت راسي بمعنى اي
درت وجهي اريد ارد للغرفه طلع الباشا
لازم امي من ايدها وجهه كلامه لسليمه
الباشا:يابه ام جاسم حقها مرة تريد تحافظ
عله بنتها وعبالها احنه نأذيها وانه حجيت وياها وفهمتها ومن اليوم بعد ماكو مشاكل .
_هزت ايدها سليمه وام طيبه
عيونها عليه غمزلها دارت وجها بزعل الولد الي ويا ايد الكلام وعبالك يردون يقنعوها شلون جاي يحجون ويه شخص مجنون مديت ايدي اريد اخذها وادخل بعدت عني باوعت عليها يمه امشي ندخل لغرفتنه يله دارت وجها لسليمه وهيه تحجي بتحذير.
نجيه:شوفي ولج اميلت ام طيبه .
13
_دنك الباشا محاول يخفي ضحكته
وهاي سليمه تخبلت
هدت تريد تلوح امي .
سليمه:تنعل ابوج لابو راضي.
نجيه:خاف عبالج اخليج تسوينها
مثلج لو تردين تطينها لمحابس حته يسكت
منج اشتكي عليكم واطلع خياسج كله .
_خليت اديه عله وجهي ضلن
وحد تعد للثانيه وهو واكف بينهن حسيته
متونس عله عركتهن كام الويا لزم سليمه
وهو يلومها ومأيد امي .
2 ت
!!ترى حقها مرة ماتريد بنتها
ينضحك عليها.
سليمه:انعل ابوها لابو بنتها شو
اخذي بتج وانكسحي .
نجيه:هو انه ماضاله بس خليني
ازوجها وضلي انتي واميلتج .
_عفتهم ودخلت للغرفه خابرت مديحه ماكو غيرها ينقذني لان خالي مايجي ادري بي كتلها تعاي بسرعه مااطيتها مجال تسال دنكت عله جنطتي وطلعت
صدمني كلام هذا الي خلصها يتمضحك .
7 ت
!!انه اخطبها منج حجيه .
7 ت
_الكل التفتت عليه الباشا
عاف امي ودار جسمه يباوع لصاحبه متفاجئ
سليمه هزت ايدها ونضراتها الي ب
عتب ام طيبه عبالك اجها الفرج ابتسمت بفرح
جريت امي دتعاي امشي كافي مليت .
نجيه:ها ماراضيه اي
تردين محابس.
_ اندك الباب ركضت فتحته
دخلت مديحه تلهث .
مديحه:ولج شكو .
_امشي جيبي امي من
جوى وتعاي .
مديحه:منو جوى وليش
انتي مادخلين وياي؟
_الغضب جوى حجيت
الها مختصر التفت محتارة؟
مديحه:تعذريني ماادخل
هذول مايتأمنون .
_عذرتها ادري الشافته مو شويه
لزمتها من ايدها امشي عوفيها .
مديحه:يا شلون تخلينها يمهم
ولج تموتها سليمه جيبيها راح انتضرج بالركن.
_طلعت مديحه درت وجهي اريد ادخل
صار كبالي عضيت شفتي بقهر .
الباشا:امج مو بعقلها ترى جاي تفصل
وترد كلماتها صح بس تصرفها مو طبيعي.
_هزيت راسي بمعنى اي بعلت غصتي
وحجيت بصوت كوى ينسمع
هسه راح اخذها واروح .
1 ت
الباشا:وين ترحين.
_لبيت خالي .
الباشا:هههه ياخال هو شمرها.
2
_رفعت راسي اباوع عليه يحجي
وعيونه تقرء بوجهي دنكت متهربه
من نضراته.
الباشا:هااا .
_شنو ها شعليك انته وين مااروح.
الباشا: خو قبلي بصديقي
خوش قسمه .
_عرفت بي يستهزء
عفته ومشيت جرني مرجعني كباله.
الباشا:اذن كلام امج صح تردين محابس.
1 ت
_شعليك وشكو مدخل نفسك
وانته ياهو مالتك .
الباشا:ام طيبه.
_شنو ؟
الباشا:غير انتي سالتي ياهو مالتي.
_خوش بالعافيه عليك وخر .
الباشا:اذا محابس رايدج ليش مخليج يم سليمه
ههه لا وانوب طلعين للشغل اولها جداوى
وتاليها تجرج سليمه وياها.
3
_هم معليك واذا عله شغل سليمه
هذا الي مقسوم النا من الدنيا والزمن
لو نجدي لو نركص عفته ومشيت لكيت امي بالغرفه ولا حاجيتها شمرت صايتي وجريت فراشي تمددت
سمعتهم طلعو ركضت قفلت باب الغرفه لان اكيد سليمه راح تهجم وصدك فلشت الباب علينا ملت وراحت للصبح وانه اتكلب شنو الحل اباوع عليها
حاظنه جعفر وعبالك تريد ادخله بنص روحها غافيه بعمق كمت امشي عله اطراف اصابيعي طلعت للصاله
هدوء يعني نامت عبرت للمطبخ سويتلي لفه اتحرك بحذر جاي ارجع واستوقفني صوتها تحجي بهمس
ادنيت لباب غرفتها معقوله يمها احد قربت اذني اتسمع.
سليمه:شوفي رغم علاقتهم
بس مبين بينهم شي وهذا عرف بالباشا حاط
عينه عليها راد يغيضه وخلا امام الامر الواقع.
ام طيبه:اي وشنو نستفاد
انه اريدها
تبعد مايشوفها.
_صوت ام طيبه معناها ماراحت وعرفت
المقصود انه بحديثهن ضليت واكفه.
سليمه :شبيج هاي اجت من صالحنامادام صاحبه رادها وطلبها كدامه بعدمايحجي وهم احنه نستفاد نضمن
جيتهم النا .
ام طيبه:شبيج هذا مال زواج ترى
يضحك عله عقلهن.
سليمه:لا طبعا بس راد يسكت نجيه.
ام طيبه:وشيخلصج من محابس
ويجوز هيه تريده .
سليمه:عبالج غشيمه ماوافقت عليه
ولا رادته لان تعرف مشوارة كصير.
_ضلت الكمه بلعومي لاانه بالعتها ولا كدرت اتحرك نزلن دموعي شكد عدها زين وياي وانه مااكرها بس تبقه نذله وتبيع امها لخاطر مصلحتها رغم هيه سبب
بهجمان بيتنا بس ماحقدت عليها ولا لمتها ضلن يخططن وعرفت نقطة ضعفهن الباشا والخال
انسحبت من بابها دخلت للمطبخ ذبيت الكمه وعيوني تصب غسلت وجهي ورجعت لفراشي خلص لازم اواجه الدنيا ومراح اورط محابس ولا مديحه سهله ياسليمه اعلمج كعدت امي وهيه تحجي عليه.
نجيه:ها شعدج كاعده؟
_عرفت ماراح اكدر اقنعها
وعله كولت سليمه مااطول لان هيه ماعاجبها الكعده وياي خذت الها مشوار غلط ومسبه درت وجهي منها
تعده كم يوم والباشا مااجه وسليمه مافتحت الموضوع
تتصرف اعتيادي نهارها نوم وليلها سهر يوميه جايبه واحد شكل واعرف عناد باامي والمصيبه ابوي مالفه علينه تعاركن وصارت بالمواعين فلشن البيت تفلش.
6 ت
نجيه:ولج كومي اكتليها وياي .
_عليمن يمه انتي الي اطيتها بيتج
وعفتينا وخليتي جويسم راح بحسرته .
نجيه:اي تردين تاخذين راحتج
محابس لازم الركن حته يتختل
بيج بالخرابه.
_امشينا نكعد ويه خالي وانه اطلع للشغل
وانطي ايجار بس خلي يحمينا .
نجيه:مايلفي وحده عايقه مثلج.
_امشي نكعد ويه مديحه وامها.
نجيه:اي حته محابس
يدخل ويطلع عليج.
_هاي هيه يمه بريت ذمتي منج
خاف تلومني الناس لو انه اتندم بيوم
واكول ماحاولت كمت وعفتها سليمه خابرت خالي
شويه واجه ماداهرها ولا جادل اخذ امي وطلع جنه مايشوفني التفتت عليها شلون قنعتي ياخذها .
سليمه:امج فاقده الاهليه واذا اشتكيتي عليه
ينجر للسجن لان بصمها عله ورثها وباعه .
_هزيت راسي بقناعه وانه احجي بكلبي
لازم تصيرين هيج حته تعيشين ياسليمه وانه راح
ابجيج بكثر دموعي خابرتني مديحه وعرفت محابس يمها مارحت وغلقت نقالي لليل سليمه احتفلت اجاها واحد راسه مصلبخ ومبين مريش ماخليته يشوفني .
سليمه:وينج ليش اصيح
عليج ماتردين.
_جان هذا يمج ماطلعت.
محابس:خرعتج .
_لا عادي هو قابل طافر عليه
جنت نايم يمي من الصبح ماتفاجئ.
كمت لحكني شربت ماي ودرت وجهي عليه.
محابس:قبل لاتحجين ترى دكيت الباب
بس انتي جنتي ميته عرفت محد هنا .
_شكد دفعت الها وباعتني الك؟
محابس:شنو؟
_ها نسيت انته ماتدفع بس تاخذ
حصتك بالي يعجبك يباوعلي مستغرب
كعدت كباله وضحكت بقهر ليش
مستغرب ترى الدنيا كلها تعرف
حصتك منهن .
1 ت
محابس:راح اكوم افرك حلكج .
_تمام اسمع الي ماتدري بي
قبلك باعتني لصاحبها واتفقت ويه امي.
محابس:شنو مافهمت شتسربتين .
_خطبني من امي صاحب
سليمه .
محابس:اي مبروك بس
كون يلحك يعقد عليج.
_يحجي ويتقدم عليه
كرفصت روحي جرني يهز بيه .
محابس:ماعندي شي اخسرة
ومن سنين اعرف يجي يوم وادخل
السجن يعني لاتتوقعين اتردد بقتلج.
_ليش عاجبك اضل افتر بالشوراع.
محابس:منو مطلعج بت المطي
انه شارط عليها ماتدناج.
_اي وتخاف منك لان انته حاميها
وبالمقابل هيه تقدمني الك .
محابس:ولج منين هذا الحجي
طالعلج لسان ام اعطوب مو افلش وجهج.
_مجذبه مثل لو شنو؟
محابس:كومي وياي امشي وانه اراويج شلون تكدر تمسج شوفي لوما خليته تزحف عله اركبها .
_ماريد منك شي بس كفيني شرك
وابعد مخططها عني ترى اشتكي عليكم .
محابس:بعد شيخلصنا
دخلت ساعه للمركز خبصتنا.
( 2 )
_جرني يشم بيه مثل واحد صار اله سنين مشتاق
جنت محتاجه حظنه ضايعه واريد بشر يلمني بجيت
وانه ادفع بي جذب مثل الي لازم بشر ويكله عوفني .
محابس:اعدمها اذا حاولت معليج بيها
ولا طلعين اوديلج مصرف بيد مديحه
يله راح يكشف الوكت رايح لا احد يشوفني.
_خله فلوس عله القنفه وطلع يلف بالثامه
وصل للباب ورد عبالي يرد يلزمني
بعدت ضحك.
محابس:صايرة حلوه .
3 ت
_طفر السياج اخذ روحي احسه
مني قريب عليه بس اعرف راح يجي
يوم ويروح وخفت بسببي يتاذه
دخلت وانه ضايعه المن اسولف ردت اخلص الوقت سويت اكل ونضفت هاي الايام صفحتي ردت توجعني
اجت سليمه ومبين عليها التعب شمرت روحها عله القنفه سويتلها كهوى شربت ودخلت سبحت وكل مرة تنام بس اليوم ضلت كاعده عرفت عدها شي كتلها رايحه لمديحه شويه واجي هزت راسها بمعنى اي طلعت وكلبي نار عله حالي سولفت لمديحه وحلفتها ماتحجي لمحابس .
مديحه:ماالومج صح هو خوش ولد بس
يبقه شغله خطر ومراح يبطل ولا يكدر .
_عجيب اليدخل هذا الكار مايعوفه.
مديحه:مو هيج بس همه عصابات كبار واليشتغل وياهم مايخلونه يبطل اذا عاند يصفونه
لو يعلسونه للحكومه لو ينقتل .
_باوعت عليها بشك
اي ست مديحه وانتي وين
تعرفين هاي السوالف.
مديحه:شوفي سونه صح انه مو اكبر منج بهواي
بس شفت العجب من خلال شغلي بالشارع ودوم جنت اتختل بزواياهم وامي سولف الي عن كلشي لان الي محسوب ابوي واحد منهم وهم جان عندي اخت اكبر مني وبيوم ابوي ماخذها وطالع يردون يتسوكون وهو بوقتها جان مختلف ويه ربعه ومتلكينه بالشارع خارطينه هو واختي من يومها امي صار عدها سكر..
_حال ارده من حال
احنه مثل الي يحتمي من الواوي بسد الحرامي
كومي خليني اروح اشوف سليمه شمخططه .
مديحه:صدك نسيت اكلج.
مديحه:ذاك اليوم اجه واحد
يسال عله ابوج.
_نفسه الي كل مرة يجي.
مديحه:لا لا واحد جبير بالعمر
ومبين خبيث شكله مكروه.
_خلي علوا يكتل ابوي ويريح
كلبي يله باي ،،طلعت عيوني دورة بكل شبر جنت اتامل بيوم الكاك واكف تنتصرني وتجي تضحك وانته تكول
ها ام اعطوب ليش هيج خليتني امشي واعد بالبيبان كلها شالت وهاي اخر عائله بيت حبيب جاي ينقلون
بغراضهم صفت الصعده لسليمه ونوشه وربعهن ونوب كامت تجي شكول شكول كبل يكولن بس العبيد ساكنين الصعده والحكاكه هسه البيض اكثر منا
دفعت الباب ودخلت اسمع صوت الاغاني طبكته وجريت البلوكه الي مخلينا نصعد عليها اذا صار شي بالشارع ونباوع من السياج كعدت وانه استمع بونه وجذبتني كلماته الاغنيه وبدون شعور اردد
حاير اشكي الحال بعدك حايير المن اشتكي
اعتابي خليته وي روحي هيه دلتني عليك
اتعذبت باول شبابي وهذا مو اول عذابي
يالبنيت الشوك عاود وانته ذاك انته الحبيب.
الباشا: ولج شنو هل صوت .
_رفعت راسي خرب الحظ شجابك
كمت اريد ادخل وكفني .
الباشا:صوتج حلو .
الباشا: ولج شنو هل صوت .
_خوش .
1 ت
الباشا:وين جنتي .
_شعليك.
الباشا:يم محابس .
_لا رحت ادور شغل .
الباشا:شنو تشتغلين .
1 ت
_كلشي ولو هيه وحده من ثنين الي متوفرات ويحق النا نشتغلهن لو نجدي لو نركص .
الباشا:حرامات تضيعين روحج دربها قصيرهاي الشغله وخاف عبالج بيها خير تعيشين بذل
وتموتين فكر .
_الي يسمعه يكول يكرهه هيج شغلات و هومستحيل يغيب اسبوع اذا مايجي وهنه مكيفات عليهم هو وصاحبه ،،سكتت ماريد اطول ويا بالسوالف لان هيه ماتقبل درت وجهي للصاله قاصده انبهه يله ندخل يمهم ..
الباشا:خايفه منها لو ماعجبج كلامي زين اذا انطيج الي تحصلي من شغلها .
2 ت
_رفعت اجتافي
بحركة ماعرف .
الباشا:دحجي خل اعرف اتصرف
انتي حابه الشغله لو هيه تجبرج .
-ماتجبرني بس هو هذا شغلنه ضل ساكت رفعت راسي باوعتله مزغر عيونه ينضرلي بستغراب رديت عليه هااا ندخل مو هسه تكول شنو جان يحجي وياج شمر الجكارة بعد ماخذ منها نفس طويل
خله اديه بجيوبه اشرلي فوتي وانته.
الباشا:رايح عندي شغل .
_جا وصاحبك التفت
عليه رجعت بخوف .
الباشا:امحيج اذا سمعت كاعده
يمهن لو يقشمرنج وياخذنج.
2 ت
_مو قصدي شي بس يعني كل
مرة ترحون سوى وهنه كاعدات عله مودكم هز راسه
بمعنى اي ودخل كدامي عيونها عليه بتوعد تريد تفترسني.
سليمه:لفيتي انكسحي جوى.
_هزيت راسي بمعنى اي .
ردت اعبر منه يمه
حجه بصوت ناصي يسمعني .
2 ت
الباشا:الي عيون بكل مكان.
_عفتهم ودخلت هسه انه المن وكفت يمه
حته لو هو صاحني جا خليته ومشيت
شيخلصني منها اشر لصاحبه يله وهنه تخبلن شلون رايحين .
الباشا:تعبان وباجر عندي شغل
نعوضها بغير مرة.
-طلع من جيبه فلوس شمرهن يمها وطلع
ملحكت اقفل الباب هجمن عليه .
سليمه:شوفي ولج دروب نجيه
واكلاواتها ماتمشي عليه.
_لازمتني من ملابسي وتعت بيه ماحجيت
لان عرفت ناويات عليه يكتلني سكتت.
سليمه:تردين حالج حالنه .
_بسرعه رديت لا حالج ولاحالها
انه اصلا ماباقيه .
سليمه:اي كولي لابوج وانكسحي
ادري محابس اجاج .
_لا محابس ولا غيرة مخليتهم الج
تدرين ما اطيقه.
سليمه :عله اساس خطابتج
لازمه الركن لو ميته عله نسبج .
ام طيبه:ضلج مااشوفه
مادام الباشا موجود .
_عافني وطلعن احس نفسي انكطع بجيت وانه احجي ويه روحي اي ياسونه لو دوسين لوتنداسين خلص عليها ومن يومها نزعت روحي القديمه كم يوم وهنه
مستلمات البيت ليل نهار جابن بنات من نوشه مديحه تخاف تجيني محابس ماكو طلعت لكيتهن متحضرات عرفت الباشا راح يجي خليتهم يكعدون وانشغلن
قربت افراشي للشباك وبديت اغني صار هدوء انقطع صوتهم والدجي طفه
بس تعالو و لو اجيتو اجفوفنه انحنيها
_رديت عليه
ومااصدك حته لو جيتو وكعدتو
الباشا:عيوني احس بيهن غشه ومااكولن انتم
لان صرتو مستحيل لاتجونه لا نهار ولا بلي
_بصوت بي ونه والف عبرة رديت
وانه اعرف هيج راح ادخل الزاغور برجليه
ومن وصلت لهذا المقطع احس كلبي انمرد
الباشا:كمليييي.
جريته موال
_صرتو بس ذكرى عزيزه ماتغيب
صرتو بس اجروح بينا وماتطيب .
2
الباشا:انعل يومج عله هل
صوت فتحي الباب.
_واكف يدك بالباب كمت وانه ناويه
عليهم كلهم .
69 ت
البنات الي ديسالون
هذا حسابي 7x2708@
1 تعليق مع تفاعُل
زحل أم لندا .
ملاحضه:احداث موجوده ابحثو عنها
10
وبعد هواي راح نذكر منها
لان اني قبل ماكتب كلت مااحذف منها
شكرا لزيارتكم عالم روايات سكيرهوم
