رواية زواج إنقاذ الفصل الثامن عشر بقلم جمانه السعيدي
ام شمس كان زواجهم بعقد شيخ فقط ماقبل يعقد محكمه ازوجت واخذت امها وياها
سنه كامله عاشت حياتها بلطول والعرض سفرات ذهب
طلعات ملابس مابقه شي بنفسها ابد
حتى امها جانت توديها الاحسن الدكاتره
هو مجان يجيها يوميه حسب فرغته مرات اسبوع مرات خمس ايام مرات عشره
جان يخاف من زوجته بشكل
ورا سنه من زواجهم اتوفت امها وبقت وحيده
حيل حزنت عليها لان كانت امها وصديقته واختها
صار كلشي بحياته عادي وممل
كل الاشياء الي جانت تبهرها من لبس ومكياج وذهب وطلعه وطبه صارت عاديه
وبدت تمل من حياته كلوش
جانت تشوف الجهال وتتحسر تجيني تبجي ساعات من الوحده العايشه بيها
بعدين قررت تحبل اجتني كالت سلمى اريد طفل يملي عليه حياتي هو عايش حياته بلطول والعرض
وعندا اطفال ومامهتم ابد بس اني راح اموت من الوحده العايشته
وفعلا حبلت وضمت الخبر علي لمن صار خمس اشهر بدت تبين بطنها شويه وقررت تكوله خبر حمله
بلكت كلبه يلين عليها ويقبل بلامر الواقع
بيومها نضفت الشقه وترستها ورد ونفاخات ولبست فستان
يخبل ومكياج ونتضرته
ولمن اجا وشاف الاجواء استغرب
عباله عيد ميلادها وبدا يعتذر لان ماجايب هديه
جمانه السعيدي
....اريد اكولك موضوع مهم وقرارك راح يغير حياتي مليون بلميه
...تردين ترجعين للشغل مستحيل انتي حلوه واخاف عليج بعدين اني رجال متمكن ومامحتاجين شغللج
...لا موشغل اكو شغله مصيريه بلنسبه اليه ومحتاجه اتساندي بيها
انت صحيح مامقصر وياي ابد وموفرلي كلشي اريده
ومن ازوجنا لليوم ما خلفت وعدك وياي
وحتى امي ماقصرت وياها بلعلاج ابد
بس اني جاي اعيش وحده موطبيعيه وملل واريد طفل يرد عليه الوحشه
....مستحيل هاي الشغله متصير ابد احنا اتفقنا من البدايه وانتي وافقتي اني ماجبرتج ابد
...صحيح احنا اتفقنا بس ولله عايشه بملل اليوم كوه يخلص لاتقبل اشتغل ولاتقبل اسوي طفل
...هذا الموضوع سدي وبعد لاتفتحي ابد سمعتي
...بس اني حامل
...شلون شني حامل انتي تلعبين عليه هسه تنزلينه انتي تردين دمرين حياتي تردين تهدين كلشي بنيته
...ما انزله واني من حقي اكون ام حالي حال باقي البنات
...انتي شني تعانديني ولله ادفنج عدله فهمتي
اني كلت تنزلي يعني تنزلي
جمانه السعيدي
وكف ايريد يطلع وهي لحكته تتوسل بي وتبوس بايده
التفت عليه وكال
اللج يومين تنزلين الطفل واذا مادزيتلي ورقه تثبت انتي نزلتي اني اعرف اتصرف اذبحج واخفيج وكان الله ماخلقج ولاكنتي فهمتي
ودفعه دفعه قويه وكال عكرتي مزاجي حقيره
بقت كاعده بلكاع وتبجي وتصرخ بعدين خابرتني
ورحت عليها لكيته منهاره فد مره وحالته حاله
لمن حجتلي الي صار خفت عليها حيل
لان هو متمكن وايده طايله ويكدر كلوشي يسوي بيها
ثاني يوم رحنا للدكتور
لكن الدكتوره رفضت تنزل الطفل وكالت هاي بنوته
حرامات تنزليه
ولمن ضغطنا عليها
طلبت تحاليل ومن جبن التحاليل الها وشافت السونار
كالت الطفله جبيره بنهاية الخامس
والتحاليل تكول هذا الاجهاض ممكن يسبب وفاة الام
لان الام حالته الصحيه مو تمام
هذا الاسقاط ممكن يموت الام والطفله
كعدت وكامت تبجي انهارت فد مره
الدكتور استغربت اضطرينا نشرحلها الحاله
بعدين صديقتي كالت اني راح انفصل عنه لان اريد احتفظ ابنتي
واني رديت عليه حتلو انفصلتي راح يمنع وجود هاي الطفله يكدر يلحكج وين ماترحين
وصلنا القرار ان الدكتوره تكتب تقرير ان الطفل نزل وندزه اله وتطلب منا الطلاق وتختفي من حياته للابد
حتى تكدر اتجيب هاي الطفله بسلام
وفعلا قنعنا الدكتوره تكتب التقرير
ورجعنا اني وياها للشقه عافتله التقرير وطلبت منه يطلكه
جمعت غراضه وفلوسها وذهبه وعفنا التقرير بلشقه وطلعنا
اجرنا تكسي واجت وياي البيتنا
هو مايعرف بيتنا بس يعرف بيت اهله خفنا يلحكنا ويكتشف الجذبه
قررنا اني واحمد تبقى عدنا منا لمن اتجيب وتكوم بلسلامه
عدنا غرفه فوك جهزناها اله ورتبالها صحيات يمها
وكعدت بيها
اتفقنا ما تطلع ابد من البيت كلشي تريده انجيبه الها
ورا اربع ايام جنت اشوف سياره دائما توكف كبال بيتنا وتراقب
فهمت ان زوجها يدور عليها ومندل عنواني وجاي يراقب بيتنا
بقا شهر كامل يراقب وهي ابد ماطلعت من البيت
الحد ما ايس وبطل
لكن احنا ماجنه امئمنيين كلوش وما سمحنالها تطلع ابد
بدا الحمل يتعباها حيل
بلثامن اضطرينا انجيب الدكتوره للبيت تفحصه
الدكتوره جانت خايفه حيل تكول الحمل ماثر عليه وحياته بخطر
جمانه السعيدي
بقينا كل اسبوع انجيب الدكتوره تجيكه
من شافت نفسه تعبانه حيل سوتلي توكيل ابيت اهله وامنتني على بته وكالت سجليها باسمج ما اريدها تحمل اسم ابوها ابد
اذا الله كتبلي عمر أخذها واسافر خارج العراق
واذا متت هي بنتج أنتي ربيها وسجليها باسمج
وبيت اهلي حولي باسمها
وبعد عندي طلب سميها شمس لان كلوش عاجبني الاسم
اول يوم بشهر التاسع صار عدها ولاده الهسه اذكر هذا اليوم
صادفت مطر وحيل بارده وجان يوم عطله الساعه بلوحده بليل وصلنا للمستشفى
جمانه السعيدي
جان ماموجود بلمستشفى بس سستر وحده وماعدها خبره كافيه
جيبتها وصار عدها نزف حاد ماكدرت اتسيطر علي
خابرت الدكتوره الخفر ساعه يله اجت
النزيف قوي كلش ماكدرن يسيطرن علي
ثاني يوم ساعه عشره ماتت بلمستشفى وشمس بقت وحدها
اني واحمد تكفلنا بمراسيم الدفن
وشمس من ساعته صارت بنتي
شمس اجت نورت حياتي بعد ماجانت ضلمه مثل اليل
هنا شمس كامت تبجي
ام شمس لاتبجين حبيبتي هذا عقد الزواج بس اني مسحت اسم ابوج ما اريدج تعرفي لان هو هسه بمنصب
جبير بلدوله ويمكن اذا عرف بيج يقتلج
لان ابو زوجته وزير وما اعتقد يخسر منصبه علمودج
وهذا التوكيل حولت بي بيت امج باسمج
هنا شمس انهارت اكثر بلبجي وكامت تصرخ ووتصرخ
ياس جبت الدكتور ضربها ابره مهدء
ام شمس اعذريني حبيبتي جان لازم تعرفين الحقيقه
حتى تطمنيين انتي مو لقيطه ابد
شكرا لزيارتكم عالم روايات سكيرهوم
