رواية أعظم خيانة الفصل العشرون 20 بقلم الزهيريه

الناس لا تصدق صاحب الحق 

بل تصدق من يجيد التمثيل اكثر 

ريماس/ مرات تلتجىء لشخص تحس بي آمانك وبنفس الوقت ما تريد يعرف شي عنك حتى لا تصغر بنظره واني الي مرت بي اختي من اغتصاب خلاني قلقه عليها لهذا اريد اعرف هي هسه صغيره من تكبر ما راح ترجع بكر لو خلاص نحكم عليها تبقى بهذا العار طول عمرها بس المن اسال ما اريد اگول لام زهراء كل شي يصير هاي دنيا لهذا قررت اسال بيان باعتباره دكتور ومن اتصل بيه سالته وجاوبني 

بيان / هاي بيها عده أجابات وكل اجابه تختلف عن الثانيه البنيه إذا كانت بين الخامسة والعاشره من عمرها إذا اتعرضت لاغتصاب مره واحده فقط من تكبر لا ما يبين عليها أما إذا أكثر من مره لا يبين عليها من تزوج لانه دخول العضو اكثر من يقطع الانسجه بداخل مهبل البنيه اما الي عمرها فوق العشرة سنوات مره وحده او اكثر نفس الوضع يبين عليها من تزوج 

ريماس/ إذا اغتصبت اكثر من مره يبين عليها من تزوج 

بيان / هاي اكيد يبين عليها عندي سؤال الچ جاوبيني عليه بصراحه 

ريماس/ اي اجاوب شنو سؤالك 

بيان / البنيه المغتصبه انتي احچي الصراحه 

ريماس/ لا والله مو اني انت بالك راح بعيد صارت حادثه گدامي لبنيه قريبه عليه وحبيت اسال لا اكثر 

بيان / هااا اسف صح بالي راح بعيد اگلچ ريماس بصراحه اني مشتاقلچ واريد اشوفچ 

ريماس/ اي عادي نفتح كاميرا وشوفني 

بيان / لا اريد اشوفچ يعني نلتقي واحد گدام الثاني مو عبر شاشه الموبايل 

ريماس/ بس شويه اصير زينه وان شاءالله نلتقي 

وبقينه نسولف إلى ان تعبت ونهيت الاتصال ويا  

ودخلت للحمام دى اسبح اختي دگت عليه الباب وتبلغني انه رحاب اجتي خلصت سباحه بسرعه 

وطلعت وهي من شافتني سلمت عليه وحضنتني

 واني هم حضنتها صدگ بچيت بحضنها وبعدها گعدنه وسالت 

رحاب / ولج شلون تنهزمين بدون متگولين الي چان ما خليتچ تروحين ولا جازفين هيچ مجازفه بابا گتلچ ترى يرجعوچ اني قبلچ هم حاولت الهرب ورجعوني هسه هيچ احسنلچ وهاي خطيه اختچ ضيعتيها 

ريماس/ لا والله اني ما ضيعت اختي بس صفيه الله يشويها بنار جهنم ضيعتنه كلنه لو باقيه اگدي احسن الي عد اي شي اطلعه بس على گد اللگمه قابل شنو نريد نصير تجار غرگتني وغرگت جهالها ويايه مشعولة الصفحه 

وبعدين حچيت الها على راكان وعرضه عليه 

رحاب / كلامه صحيح إذا يزوجچ حتى يطلع خارج العراق اقبلي بس إذا يزوجچ حتى يكون وياچ عائله ما انصحچ بي لانه راح يظل طول عمره يذكرچ انتي شنو 

ريماس/ اني هم جوابي چان انه نفسچ كلامچ اگلچ رحاب كل مره اريد اسالچ واستحي اسالچ بس صارت حسره بگلبي اريد اعرف انتي شلون عرفتي ام رحاب واشتغلتي وياها 

رحاب / هااا هسه اني احچيلچ اني من عائله أمورها توب ابويه ضابط چبير بزمن صدام امي عشگت واحد لهذا غدرت بابويه وطلگته وسجنته وبعدها آخذتني وياها وتركت اخويه عند اهل ابويه 

وبعد طلاگ امي بسنه تزوجت حبيبها وهنا الطامه الكبرى طلع عرگچي قمرچي حرامي وبعد زواجها منه ب7 اشهر بليله اجى سكران واغتصبني وعلى ثاني يوم من وعى على نفسه انهزم لانه خاف لا يوصل خبر لأهل ابويه وامي تكتمت على الخبر تخاف من أهل ابويه وعشنه ايام بس الله يعلم بيها صفينه كل شي ما عدنه ومن صارت حرب السقوط رحنه اني وامي يم اهل أبويه 

وصار شي ما كان بالحسبان وهو اكو ناس اجوي خطبوني من اهل ابويه وچانوا اهل ابويه موافقين وامي لكون تعرف انه اني مو بنيه اخذتني وانهزمت منهم وبوقتها اجرنه مشتمل وگعدنه وتعرفنه على ام رحاب وهي چانت تدخل علينه دائماً وعرفت وضعنه وامي مفلسه ما عدها اقترحت على امي شغلني وياها وامي قبلت وهم بداياتي مثل شغلچ وبيوم امي طلعت وصار انفجار وماتت بي لهذا انتقلت وعشت ويه ام رحاب وصار شغلي عملي مو نظري وشگد حاولت اخلص منهم وهم سويت مثلچ وانهزمت ورجعوني واخذوا كليتي لهذا گعدت وسكتت 

ريماس/ انتي گلتي اسمي مو رحاب شنو اسمچ 

رحاب / اسمي الحقيقي أغاريد 

ريماس/ لعد ليش ام رحاب اصيحلچ رحاب مو أغاريد 

رحاب / هاااا اني اگلچ ينطوچ اسم غير اسمچ حتى خاف بيوم يصير شي واكو شخص يشتكي عليچ ما يلگون الچ اثر انتي من تتعرفين على واحد ام رحاب اصيحلچ لينا حتى لا احد يعرف اسمچ الحقيقي فهمتي 

ريماس/ بس انتي عندچ اهل ليش ما تروحين الهم 

رحاب / إذا ام رحاب وعصابتها اخذوا كليتي اهل ابويه ياخذون روحي انت ما تعرفين شي ابويه واهله ناس فلاحين يعني إذا يعرفون بالصار ويايه يذبحوني ويدفنوني بالمزرعه 

ريماس/ ما اعرف شنو اكلچ ما نعرف احنه هسه ضحايا من تنعرف سالفتنه اكو احد يصدگ احنه ضحايا 

رحاب / لا ما اكو احد يصدگ والناس كلها تلومنه اما ظروفنه ماكو احد يسألنه عليها  

ريماس/ وراحت رحاب وبقيت افكر راح ابقى هيچ بعدها الايام الفاتت متواصلين اني بيان وهو يلح يريد نلتقي لهذا تواعدت ويا بمطعم واني صرت احبه اموت عليه 

وچان موعدنه العصر رتبت روحي احلى ترتيب من ملابس وعطور ومكياج وصيت ام زهراء على اخواتي وطلعت ومن وصلت للمطعم اتصلت بي گال اني موجود بالمطعم ادخلي اني بجناح العوائل بطابق الثاني 

صعدت لطابق الثاني وبعدني التفت بكل الاتجاهات اريد اشوفه وينه اجى عليه هو وشلون اريد اوصف شعوري ما ينوصف من حبّ واشتياق وانبهار بجمال بيان وهو طويل يعني اني يا دوب اوصل لعكس ايده وهو صح اسمر بس تلاميحه جنن 

وسلم عليه ايد بأيد ومن لزم ايدي احس گلبي راح يطلع وجرني من ايدي وگعدنه على طاوله وظليت صافنه عليه وهو غمز بعينه وگال 

بيان / رحمه على اهلچ لا تصفنين بوجهي لانه اكره شكو وحده تصفن بوجهي من تصفن معناها وراها مصيبه 

ضحكت وجاوبته ريماس/ انت حلو ونصفن بوجهك صدگ بيان من عرفتك لليوم ما شفتك تلبس غير بس لون اسود انت تحب اللون الأسود لو اكو سبب يخليك تلبس اسود 

بيان / لابس اسود لانه عمي توفى تعرفت عليه وحده بنت حرام ومات بسببها 

ريماس/ وشگد لحيت عليه حتى اعرف شلون مات عمه بس رفض وگال 

بيان / اوعدچ وعد الحر دين احجيها الچ بتفاصيلها 

ريماس/ بقينه نسولف وبعدها طلع علبه من جيبه وانطاني گلاده ذهب بيها اول حرف من اسمه واول حرف من اسمي وظل لازم ايدي ويعصر بيها قوي وبعدها سمعت احلى كلمه من عنده 

بيان / احبچ ريماس واتمنى اكون عائله وياچ 

ريماس/ واني اموت بيك 

وبعدها بقى يتغزل بيه وصار الليل واحنه بعدنه گاعدين وچان يريد يطلب عشى بس ما قبلت وترجيته انه اريد ارجع للبيت 

وهو اصر انه يوصلني للبيت بس اني ما قبلت واتفقت ويا يوصلني لبداية المنطقه وهو وافق 

ومن صعدنه بسيارته سحبني عليه وباسني بوسه قويه وطلب مني موعد ياخذني بي لبيت اهله حتى يشوفوني 

بيان / الغرگان يتعلگ بگشايه واني مديري من انطاني اسم مقدم ظنيت بي النجاة الي او اكو شخص راح يساعدني بس بداية كلامه صدمني من 

گال 

فرقد / انت هواي متأثر بمسلسل وادي الذئاب 

يعني احنه شغلنه يعتمد على الاحاسيس لو يعتمد على الادله 

بيان / سيدي يعتمد على الادله 

فرقد / تمام ادله انت البنيه كل دليل ما عندك ضدها بس احساسك وتخيلاتك هسه فرقد شيسوي مثلاً 

بيان / سيدي اريد موافقه حتى اتحرك قانوني لانه مقيد وكل شي ما اگدر اسوي 

فرقد / والله اني بالنسبه عني مو بس أقيدك لا اشمرك بالبحر بابا الموافقة على اي اساس اجيبها غير اكو شكوى حتى يصير تحري لو شلون افترض جبتلك موافقه وراح آخذك على گد عقلك وبعدين طلعت البنيه وراها صماخ چبير وساعتها اني راح يشمروني وره الشمس لانه فرقد راح يكون لو يتهم المعالي لو مولاي لو سيادتك ساعتها شسوي 

بيان / سيدي وانت ليش گلت معالي او مولاي او سيادتك يعني كلامي لمس عندك وتر 

فرقد / شوف بيان حماس الضابط الشاب الي بعده هستوه يتدرج بالمناصب عوفه على صفحه من توصل لرتبتي تكون مرت عليك قضايا قيامه الله لهذا راح تكون استشاري قوي وراح ابينلك الوضع اني سمعت كلامك وكوني ضابط واختصاص تحقيق يعني شوف شگد يوميه تمر عليه كلاوات 

هسه اني صرت جامعه وأدرس اني هسه ابصم عشرة اصابيعي البنيه ضمن عصابه بس العصابات تتدرج اكو عصابات دعاره اكو عصابات تسليب اكو عصابة تجارة اعضاء بشرية اكو تجارة الاطفال يعني حدث ولا حرج واني وانت وكل ضباط الداخلية واتحدى اي ضابط هسه بالعراق كله ما يعرف هاي العصابات منو وراها نعرف وساكتين وما نگدر نحچي ولا نتحرك ضدهم لانه وراهم رؤوس كبار بالدوله وهمه يديرون هاي العصابات 

عمك راح اوضحلك شلون راح برجله لاربيل وسوه العملية تبرع الاعضاء من گتلي عمي مدير بالجمارك ربطت الأحداث دزوله بنيه حلوه وعن طريقها يا ابتزوا يمرر مواد ممنوعه من الجمارك وهو رفض يا ابتزوا على منصبه غير هذا الشي ماكو واني مسوؤل على كلامي 

بيان / كلام ينعقل بس احنه نگدر نوگعهم عن طريق البنيه نفسهم 

فرقد / اگلك انت الغباء عندك ورث لو اكتسبته أجتهاد شخصي بابا انت من تسمع برنامج خط احمر الي يضحكون بي على الناس ألقينا القبض على عصابة سرقة سيارات او هذا الشاب قتل صديقه او هذا الشاب قتل زوجته ووووو. هواي جرائم بس سبحان الله ما سمعنه بيوم لزموا تاجر مخدرات او تاجر اعضاء بشريه او تجار الاطفال الي ينخطفون بالعراق وماكو احد يعرف همه وين والتجار بالأطفال ياخذوهم بجزيره حتى ياخذون منهم النخاع ويسوون إكسير الشباب الدائم ذوله كلهم ماكو احد يلقي القبض عليهم تدري ليش لانه الدوله تحميهم لهذا حتى إذا اجيبلك موافقه راح توگع بيها البنيه ويخلون بعد وياها شخصين ويطلعوهم برنامج خط احمر القينا القبض على عصابة تتاجر بأعضاء بشرية بس الراس الچبير ماكو احد يروح عليه فهمت لهذا نصيحتي الك أنسى الموضوع وعمك راح الله يرحمه 

بيان / يعني ما راح نگدر نوصل الهم 

فرقد/ بابا وصلت اله منو يحاسبه القانون بالعراق بس على الفقير المتنفذين مثل مولاي وسيادتك والمعالي ماكو قانون يحاسبهم بيان احنه ولد الگريه كلمن يعرف أخيه 

بيان / سيدي بعد كلامك تريدني اسكت 

فرقد/ بابا إذا ما تسكت برضاتك وربك يسكتوك غصبن عليك وما تكلفهم شي 

بيان / اني اريد اعرف شلون توفى وشنو الدوافع 

فرقد/ اني حالياً أوعدك أدعمك دعم لوجستي بس إذا اقتضت آلظروف ادخل وما اگدر اسوي أكثر من هيچ 

بيان / هسه بشنو تنصحني وشلون اصرف 

فرقد / البنيه انت گلت تعرفها اول شي ظل مثل عليها دور الحب واتواعد وياها دائماً وبيك ما بيك كثر الزلاطه 

بيان / يعني شنو سيدي ما فهمت 

فرقد / الزلاطه يعني الهدايا خليها تطمئن من ناحيتك واهم شغله لا تتواعد وياها بمكان خاص دائماً بمكان عام وخلي بلوتوث بأذانك ومتصل على موبايلي في حالة قفصوا عليك عن طريق البلوتوث راح اعرف مكانك فهمت واي غلطه منك ترى تروح بشربة مي ذوله محترفين يعني انت دى تلعب بالنار وماكو احد راح يحترگ غيرك 

بيان / اتفقت ويه مقدم فرقد واخذت رقم موبايله وطلعت وفي وقتها چنت اتصل على ريماس وماكو وبعدها ظهرت وبقينه نتواصل وكل جهدي احاول اظهر الها الحب والاشتياق ومشكلتها من اطلب منها التقي بيها تآجل دائماً وبعدها التقينه ونفذت كلام فرقد وياها وأحسها ملهوفه عليه وهذا بعد ما انتهى لقائي بيها نقلته كله لفرقد من اتصلت بي 

وجان جوابه والخطه مالته عجبتني گال 

فرقد / بيان استمر وياها فتره بعد وراها من تأمن بيك اريدك تسحبها بمكان شبه خالي وبعدها نستجوبها 

بيان / سيدي ليش ما نطلع عليها حجه ونسحبها للمركز 

فرقد / اي مكان تابع للدوله ما نجيبها اله لانه لو سحبناها لمكان تابع لدوله بخلال ثواني راح تنعرف السالفه كلها بس لكونها تحبك وتمشي وراك مثل العميه تروح لمكان وياك وهي مغمضه لو حچت لاي شخص ما راح تكون الشغله قانونيه راح تكون حبيبين وختلفوا على بعضهم لهذا نصيحتي الك تبقى فتره وياها وبعدها اسحبها لمكان نستجوبها بي فهمت ولا تطلع عن خطتي ابد ترى اي شي سوي بعيد عن كلامي اني ما مسوؤل واتبرى منك 

بيان / وبقيت على وضعي ويه ريماس أمثل وياها الحب وبيوم چنت فاتح وياها كاميرا وهي إذا أريد اوصف جمالها ما ينوصف اضافة ًانه جسمها يموت وحتى مفاتنها وهي دائماً من افتح وياها كاميرا لبسها كله مغري واني كشاب وعندي جفاف عاطفي صدگ انجريت وياها لممارسه بالموبايل وبعد ما خلصت النشوه واجت الفكره تخبلت وبوقتها من ارتباكي غلقت الخط وياها 

ظليت الوب شلون اتصلت على مقدم فرقد مغلق جهازه وذاك الليل كله ما نمته لما صار الصبح ورحت لدوامي ولساعه 10 الصبح يله حصلت فرقد وهو ما اعرف شنو چان عنده لانه گال / تعال للمركز بعد ساعه واكون هناك 

وغلق الخط بوجهي وخليت ساعه تمر ورحت عليه للمركز وچان بمكتبه ومن دخلت يمه حچيت كل الصار كله وهو تخبل وحتى گام يحچي بصياح 

فرقد / انت مخبل شلون سوي وياها علاقه جنسيه عن طريق موبايل اني مو گتلك تكون حذر شوف أغير اسمي وما انعد ويه الزلم إذا مو البارحه علاقه الجنسيه مالتك كلها تصورت ومو بعيد إذا ما شفناك باچر عگبه صفحات الفيس كلها تتناقل الفديو مالتك هاي إذا ما گالو ضابط بالداخليه يدير شبكة دعاره 

بيان / والله سيدي ما اعرف شلون هيچ صار اني ابد ما مسويها 

فرقد/ مو يكولون غلطة الشاطر بالف اني بالعكس اشوف غلطة الشاطر تكلفه حياته واني ما اريد اگول شنو راح يصير بس مسبقاً اگلك الجاي اكثر من توقعاتنه وشلون راح نطلع منه الله اليعلم 

بيان / كلام مقدم فرقد سطر راسي بحيث طلعت من يمه احس راسي راح ينفجر 

وصلت للمركز احس روحي ضايع اتصلت عليه ريماس وهي تگلي / انت شگد حقير ونذل اياك بعد تتصل عليه شلون تگول اني منفصل واتصلت عليه زوجتك وتعاركت ويايه 

شكرا لزيارتكم عالم روايات سكيرهوم