رواية بيوت الصفيح الفصل التاسع عشر بقلم زهراء السراي
أحببتك يوم كنت لا أعرف شيئًا عن الحياة
سوى أن وجودك يلون أيامي الرمادية
صرت الهمسة التي توقظ شعوري
والصوت الذي أسترقه وسط الضحكات
والضحكة التي تسكن أوصالي
أحببتك حب مراهقة بريء احببتك كذكرى لا تموت
كصوت خافت يبقى يهمس بداخلي
أحببتك بكل ما في البراءة من قوة
وكل مافي الشعور من ضعف
كتبت الخاطرة واحتفظت بيها بتلفوني
سجلت رقمه ودست محادثة واتساب
جديدة اكتب واكتب واحذف مرة
مرتين ثلاثة أربعة ايدي وشعوري
عاجز شلون أرد على اللي گالها اليه بالسيارة
جاي احذف بالرسالة واجتني رسالة منه
رديت
-ترررريد تهكرني
-مو اعرف سوالفج لذلك دزيته حتى
تحجين
-هذا شنو الرابط
-مااگلج اذا متدزيلي جواب سؤالي
-مااگدر
-كتبي اي او لا واني اني اعرف
كتبت
-اي
وايموجي وحده تركض
-انهزمي باجر جايج اخذج للدوام
-شنووو الرابط حباب
كتبتها وفتحت الرابط اغنية
لكاظم الساهر
-الله من دلع النساء وكيدهن
ومن جنونكِ يا حياتي
ما الحل
يا مشكلة يا مدللة
ما الحل
ما الحل
يا مشاغبة يا مُتعبة
ما الحل
تتسرعين فتغضبين
فتندمين فتطلبين مغازلاتي
دزيتلة ايموجي راقص
-اني هم صوجي
1
رجع وره شويه دازلي رابط ثاني
-اكيد راح الگه صوري اليوم عالفيس بوووك
ابوووو الروابط
فتحتة انشودة بطة بطة شفناها
ضحكت ودزيتله رسالة صوتية بضحكتي
-ماتبلى هالضحكة روحي بطة اقري
-رياضيات صعببب
-اقريكم انتِ وقمر
-صِبى متخليني اجيكم
-السبت نص دوام وبالشركة اقريكم
-لا مااريد اتعبك ومااريد اتعب صِبى تبقى
تفكر بيه راح اقرأ عاليوتيوب
-تمام راح اشوفلج مدرسين عاليوتيوب
-شكرا نسر
-ماعرفتج صايرة مؤدبة
-بكيفك تريد احولك زومبي بس گووول
عزززز الطلب
-لك
-بسيطة
-بسيطتين
-كافي لا اطيح حظج
-كافي لا ……
-هااااا كمليها اذا انتِ صدگ سبعة
-اني ثمانية مااگدر اكملها عيب
-اي هيج روحي اقري كافي
حجي
-انت تشغلني اني شعليه
-راح اروح حتى متسويني حجة
ومتقرين
-وحتى من تروح هم تبقى ببالي ومااقرأ
كتبتها وجاي احذفها انرسلت
بسرعة تمت المشاهدة حذفتها
-ها حبيبتي
-تلفوني اختفى
-كذااااابة
-والله من رحت يم ماما البارحة
هههههههههههههههههههه
-بس لاااااا
-ايييي ماكو غير الكلب أياد اخذه بس عادي
شيلگه بي اني من ذيج المرة من صورت فرغت
الجهاز برام وخفيت كل شي
اختفى صوتها ورجع
-مناوي راح ارد على ماما جاي تتصل ببيبي
وارجعلج
-شگد كلبببببب
-طبة مرض اهم شي الفيديو عندج
-بالحفظ والصووووون
-نجيج باجر
-امممم
-يمة الحب يمه
-ولي خلي اكمل كتابة
-ايييييي بطة
-خبييييثة
غلقته وراحت كملت كتابة واجتني
صِبى گعدت بصفي حضنتني
-مناوي
-ها حبيبتي
-اريد احجي وياج شي وتستمعيلي ومتزعلين
-اييي احجي ماازعل
-مناوي احنه مو بس اخوات اني امج اللي ربيتج
اني من أشتريتلج التلفون لأن عندي ثقة
بيج وگلتي اريد انستجرام
اضيف بس صديقاتي وافقت وخليتلج واتساب هم
اريدج تستخدمين التلفون صح
أعرف انج بنية وممكن فد يوم الحب يدگ
بابج بس لتستعجلين بعدج صغيرة
واذا صار وحسيتي شي فد يوم احجيلي
اني أختج سرج احد يعرض مشاعرة عليج
احد يضايقج احد يتحرش بيج بكلمة
بفعل تجيني
بست خدها وبقيت اطمأن بيها
-انتِ اول وحدة الجألها بكل شي
اطمأني
بقينة نسولف ساعة كاملة اخر شي
باستني وراحت نامت حسيت بشعور سيء
ومو حلو واني اكذب عليهة تعبت قفلت
خلصت واجباتي ونمت الصبح
على صوت المنبه فزيت راكضة
البنات طلعن واني اخر شي اطلع
اقفل ورايه الباب
-هاااااا ياحلووووة فررررغ البيت
بلعت ريگي من الخوف التفتت اثنين على دراجة
واحد ملتحي والثاني مشايفته اساساً
سحبت المفتاح ومشيت مسرعة تحركت دراجتهم
ورايه
حثيت خطواتي وشارعنا فارغ قمر گالت جايينج
اباوع بعده حمزة مواصل ركضت اسرع وهو يگله
-مووو گتلك متابعهن هي تطلع الأخيررررة
ركضت سريع وهم شخطو الدراجة
عطت من اقتربو مني مادين اديهم عليه
شمرت نفسي عالرصيف وصارت سيارة حمزة بعيدة
عني بالركن وگف صرخت بكل صووووتي
شخطو الدراجة ويا مصارت عينه عليه
وركضلي بسرعة ثواني صار يمي
من الخوف ممسيطرة على جسمي أرجف
قمر نزلت راكضة گعدت تسندني وهو رفعني
وياها اريد احجي مااگدر غوشت عيني من الهبطة
وانسابيت بين اديهم گوة اخذوني للسيارة
بقى واگف بالركن مشغل التبريد واني دافنة
راسي بكتف قمر مااگدر اسكت من البجي
-بس باوعيلي فهميني منو هذوله شصار
گوة طلعت الكلمة من شفافي
-مااااعرفهم بس هم يعرفون اني ابقى
اخر وحدة واقفل الباب
-شايفتهممممم
بجيت مرة ثانية لأن صيح وجاوبته بين دموعي
وشهگتي
-لااا والله مش……
-لتبجين موقصدي باعيلي بطة
يعني من الجوارين
حرك السيارة ووگف بينا بباب المدرسة
نزل وفتح الباب مالتي
-قمر عدلي حجابها
سحب بطل مي انطاني
-غسلي يلا
غسلت وجهي تركنا هو وطلع للمدرسة
رجع ويا ست ميادة ام قمر
اجت مخبوصة خطيه
-شصارلج ماما
-ميادة عينج منها اذا صارلها شي اتصلي
بيه
نزلت اني وقمر وهو ويانه لحد الباب
-تلگوني هنا منتظركم وممنوع تطلعن الا اتصل
واگول اني بالباب
طلعنا گوه امشي ساندتني قمر وگفنة يم الادارة
لحد متصل بقمر طلعنا ماشيين فتح الباب وصعدنا
سندت راسي على قمر وبدت ايديه تتخشب
اباوعله عيني علي رجفت شفافي جمدت احس
وأسمع وأشوف بس مااگدر احجي تشنجت اصابعي
وعاطت قمر
-خاااااالو مدري شبييييها
تووقفت السيارة وركض دخل يمنه يوجه
قمر
-مدديها على رجلج
عينه بعيني دموعي تنزل بسبب الحرارة
جامدة مااگدر اتحرك مد ايده
هو وقمر يفركون ايديه غسل وجهي
بده لساني يفك وحركت شفافي
-اريد صِبى
هزلي راسه وطلع بيه للبيت
دگ الباب على سومة طلعت سلمت علي
بس شافتني ضربت خدها بيدها
-يممممة شبيج
باستني قمر وطلعت راحو وسومة اخذتني
للفراش يمها نمت لساعة حسيت بأدين
صِبى تلعب بشعري
-حبيبتي شو گعدي
خليت راسي بحضنها
-شصارلج
حجيتلها اللي صار واتفقت وياي
متطلع اذا مااني اطلع گدامها للمدرسة
قررت ثاني يوم مااداوم راسلت قمر
بلغتها الصبح صِبى طلعت دخلتني يم
سومة حتى اكمل نومتي رجعت سومة نامت
واني تمددت بالصالة راسلني حمزة
-ها بطة صباح الخير
-صباح النور
-شلون صرتي
-أحسن الحمد لله
-احد يمج اريد أتصل
-لا ماكو احد
-أتصل عالواتساب اول مفتحت خط وگلت الو
تنفس براحة
-الحمد لله صوتج احسن من البارحة
-انت وين ممداوم شنو
-لا ماعندي شغل سلمت الموقع لآية تكمل شغل
الديكور
-ها بعدها تشتغل وياكم
-اي اكيد هي وحدة من الكادر مالتنا
-تمام
-بطة
-همممم
-لتحسبيلها حساب هالگلب دگ الج
سكتت مااعرف شرد فهاي هي مشاعري
الصغيرة الاولى لأول مرة أحب وأنحب
وأحد من جنس الذكور يهتم بيه
ماجنت أعتقد أن مشاعري الوليدة راح تنوأد
بنفس اللحظة اللي هو يحجيلي بيها
كلامة المعسول
3
-بطة
-هاا
-أحبج
گالهة وضحكة ناعمة صدرت مني
بذات اللحظة وصلتني رسالة من
منه وهو يحجي ويايه استغربت شدز عبالي
رابط اغنية مثل كل مرة دخلت عالرسالة بسرعة
فتحتها وياريت مااستعجلت بمشاعري ياريت
ماشفته بيوم ولا عرفت حتى أسمه رسالة طويلة
دازلياها بالغلط كاتب
-شبيك فقار منو خله ببالك هالفكرة وهو
اني يوم مااحب احب وحدة من ذيج البيئة التعبانة
زعطوطة متسرعة مو مهذبة كل ما هنالك أشفق
عليها بسبب وضعهم لذلك اخذها وية قمر ويوم ماافكر ارتبط
ارتبط بوحدة تناسبني اجتماعياً وثقافياً وحتى مادياً
5
اجاني صوته يسألني
-وييينج شو ماكو صوت الوووو
دزيت ايموجي اوك على رسالته
-خبلة هاي شدزيتي واحنه نحجي
بنفس الثانية دخل المحادثة حذف رسالته
ورجع يحجي متوتر
-تسمعيني مُنى
بجيت وتنفست امنع شهگتي
-سمعتك وشفتك
-شكووو شبيج
-ليش نتفاهم حتى تقلل من قيمة هالزعطوطة اللي
تشفق عليها الفقيرة مادياً الغير مهذبة
بنت البيئة التعبانة اكثثثر بسسس تعرف شي
بينما انت جنت تحسبها بالماديات اني
حسبتها بالمشاعر وبينما انت جنت تشفق اني جنت أحب
من اليوووم احسب مشفت
ولا لمحت ولا حتى سمعت ببنية بريئة سكنتك
گلبها بعد انكسارات وتعب اسمها مُنى وعد
والله هذا گلبي الفقير اشلعه وأشمره بأقرب
مزبلة اذا دگ الك مرة لخ
غلقت التلفون وصفنت هوووايه گمت
للغرفة اندسيت تحت اللحاف بحضن سومة
وغفيت غفوة قهر مصدومة بس مااعرف
صدمتي ليش هيج بسكوت بدون انهيار
يمكن جنت متوقعة منه فد يوم هيج موقف
او جنت متوقعة الأسوأ مثل وضعي دائما
بعد سوالف ابويه وعملة رضا جنت مخليه
الرجال دائما محل شك
1
علما رجعت صِبى ولأول مرة وبشكل جدي
حجيتلها اللي صار بدون مااعرفها منو الشخص
1
-اني غلطت صِبى بس والله بس بمشاعري
قدمتهة لشخص ميستاهل والله اطراف اصابعي
ملامسها
-قريب من مدرستج
-اي لذلك اگلج نقليني
-ليش تتعبين گلبج وانت بهالعمر
-تجربة غلط بوقت غلط وانسان غلط
-گتلج مُنى سن المراهقة سن متأرجح ومشاعرج
الهشة البريئة لتبيحيها لأي كان
-حبابة لتعاتبيني
شمرت نفسي بحضنها باكية
مسحت على شعري وهي تهديني
-احجيلي شتردين واني اساعدج
-انقليني من المدرسة مااريد ابقى
بيهة
-وبعد شتردين
-رقم تلفون بس عندج وعند سومة و غِنى
-هاي هي
بقت تحجي ويايه لوقت طويل
فهمت بساعتها ليش الاختلاط غلط
وليش مشاعرنا البريئة بالمراهقة هشة
لأن بسرعة نأمن وبسرعة نحب لذلك اهلنا
يحاولون يحمونا بهالسن
1
بعدهة بيومين ماخذتلي بيهم صِبى اجازة حصلتلي
صِبى نقل لمدرسة قريبة على الشارع العام
بعد ربع ساعة مشي
وخلتني بالخط ويا بنية بشارعنا سومة عرفتني عليها
بس قمر بقت تتواصل ويايه عالأنستجرام
ومسألتني ليش اعتقد عرفت السبب بدون مااحجي فهي مثل توأمي تحس بيه من بعدها وهاي مدة شهرين ابدا
مجابت اسم حمزة على لسانها واذا تحب تجي
يوصلها فقار او أسد اما هو فحظرته من انستجرام
والخط تغير والواتساب والبرامج كلها علي
وبهيج اكون سديت باب المشاعر الجارفة
بذيج السنة وغلقت كل مصدر للأذى
بحياتي وخليت ببالي كلمتين گالتهم
صِبى
-اللي يبيع مشاعرج بيعي واحسبي نسياً منسيا
وهذا گلبج الصغير خلي فارغ وانت بهالعمر
حتى ميتعب ويشيل هم هو مو گدة
1
ومن يومها وبسبب گلبي المكسور
قفلت باب وجوده بحياتي ونهيت كل
ذكرى اليه ويا بس اللي صار اني
جنت أعتقد تخلصت من وجود حمزة
بحياتي ومجنت حاسبة حساب أن
اكو گلب ثاني ببيتنا راح يدگ بمشاعر
الحب ويرجعني أشوفه واواجهه بالمستقبل
رغماً عني
.
.
.
.
غِنى
_____________________
3
ويحدث أن يحبك مجنون
ويصيبك بعدوى جنونه
يفتر بيه بالسيارة وأيده
بيدي فرحان ويحرك بالعقد
گدامي
-هسسسة راح يحلى التفوسد
اوووويلي يابة شرعاً وقانوناً
باوعتلة صفح ساكتة
-شبييييج لج
سحبت ايدي ودرت وجهي للشارع
-هاااااا عرفت الحرررامية ظمنتيني بگتي
گلبي واخذتي أموالي وعقاراتي وشركاتي
وهسه گلبتي عليه
-شيريد بيل غيتس
-شبيج تحجين معلگ لج
باوعتله هي مو مال أسرار خل اطگها بوجه
-شعدها شوووووووشة تتصل بيك
بعدني ممكملة حجايتي انفجر ضاحك
-بربووووگ فتحتي التلفون
-لا هي اتصلت بيك وشفت بعيني
-بشرفج مفتحتي خط عليها شبيج فاهية
-أترفع عن سوالف المراهقات
گرصني من ايدي حيل
-اوووويلي تترفع بت عامر
وصلت البيت راح هو غير ملابسه
واني غيرت ملابسي دگ الجرس فتحتله
الباب حاوط أكتافي ومشى ويايه للمطبخ يصيح
-مررررتي اريد جاي ثگيل
-اخليلك ويا كم قطرة سمممم قاااتل
-ايييييييي وتبوسيني وارجع اعيش
-اييييي الأمير الأزرگ النائم
گعد عالميز وخليت الجاي عالنار
باوعلي
-اليوم اللبس محتشم
-اي مو كل مرة تجي أستقبلك ببدلة رقص
-يارررررريت
طگ اصبعتين وغنه
-اعرف قصدك الفاسق بس هم لا
-مظلوم وياج اني
-هووووايه مظلوم سودة عليه
عض شفته شمرت علي المفرش مال الميز
-سخيييييييف
جبت الجاي والاجبان گدامه وگعدت مقابيله
-تعاي بصفي لج
-ماااااجي
-شبيه اگرررررص
-اييييييي تگرص وتعض وتكفخ ماكو
رومانسية عبالك تتشاقه ويا جماعتك
-تعاي بصفي واشوفج الرومانسية على اصولها
غير انت شاردة
-ماااااااااا اريد احجيلي شتريد منك
-تعاي اگلج لتتخبلين
-احجييييلي يلا
وگف واجة بصفي سحلني من التشيرت
انرفع اجر بي اغطي بطني
وهو مستمر
-يمعووووود خزيتني بطني طلعت
-اووووووويلي
گالها واني سحبت تشيرتي مغطية نفسي
كعدت محترمة وتمدد ساند راسه على رجلي
ورافع ايده بيها الجگارة مديت راسي صارت
الجگارة بين شفافي سحبت نفس
رفعلي حاجبه معترض رجع يدخنها
نفخ الدخان وحجه
-وانت منين تعرف نسوان ريحتهن طيبة
ضرب جبينة ضاحك
-بعرتها مووو
-جدااااااا
-ايييييه يا غني نرجع لموضوعنا
-اي موضوعك شوشة
-موضوعنا ولتصيرين زمالة
جريت شعره حيل مد ايده گرص بطني
-هدي واهد
-ماااااااااااااا
-ازورگج والله شعري هذا تعبان علي اكثر من جهرتج
نزلت راسه عضيته من گصته جر ضفيرتي وعظها
اثنينة انفجرنا ضاحكين
اني اعدل بشعره وهو يمسح من ورة التشيرت
على بطني
-أذيتج مووو
-اي والله شو تگرص بحقد عبالك كوبرا
-عادي ابوسها وتطيب
جريت شعره ورجع گرصني
-لمممممم نفسك
-هدي شعرررري
لزم ايدي اصابعه بين اصابعي وحاضن كفوفي
-اني بيت أهل اعراف ام حمودي
هم اقرباء النا وبيوم اللي دخلت بيتهم
صرت الهم ابن واخ هن اربع بنات والأم
لا أخ ولا أب واني متصدرلهم بكل شي
تعرفين رغم الصار ام رشا ماقبلت بتصرفها اللي
سوته وهي اللي تعتذر وحتى وقت اللي فسخت وياها
گالت قسمة وماصارت انت ابني وابو حفيدي
تخيلي شكد المرة مشتريه خاطري
وهي ضريرة فقدت بصرها بالتدريج
وره ام حمودي شلون اهملهم واخليهم وراي
-افهمك
-لذلك من گلتيلي اعرف بيج من اشرحلج الوضع
راح تفهميني لأنج واعية وتوزنيها بميزان يلا
تحكمين
-لا والله بس غير الاسم شنوووو شوشة
-هاج خلصيني من نگج سوي التردي
-اييييي هيج صير جيب التلفون
طلعت اسمها كتبت علي الحية
شوفته اله هز راسه رافض
-عيب بابا
رجعت كتبت الثعبانة شافه وكفخني
-عود هايه بالفصحى
-اي مال مثقفين
-غيري لا اطيح حظج
كتبت الحقنة المليقة
-غنيووووة
-شبيك لتصيح يمممه فززتني
-هاك هيج مقبول
باوع مكتوب خالة حمادة
-عاشت ايدج
جر ايدي باسها وأستقام گاعد
جرني علي حيل حضني
-اني لا ااخاف ولا استحي بس بنفس
الوقت مكتفي بيج لييييييش
-شمدريني ليش
-جاووووبي لج
-مكتفي لأن تحبني وهالشي غصباً عليك
مو بأرادتك حبيبي
-تعجبيني
باسني بسرعة ووگف
-انجبي گولي حبيبتي شكو
-اتصل بيها گدامي
-ماكو ثقة
-اكو بس اني كلبة ونحسة ومتحكمة
-رحم الله امرؤ عرف قدر نفسه
-رحم الله والديك
-ويرحم امج هم
گالها وهو يدوس اتصال
واگف ايد على اذنه بيها التلفون
والأيد الثانية متكتف وواگف يباوعلي معاجبه
الوضع
همستله
-افتح سبيكر
فتحت ايده المكتفها ووگفت بطوله
داحسة نفسي بحضنه
نزل عينة عليه وصار بمستوايه قرب التلفون
لأذني يروي فضولي
-ها رشا متصلة بيه
-اي بس ماحصلتك
-شلون صارت الحجية
-احسن الحمد لله اكو دكتور بأربيل يگولون
زين گالتلي خابري أيمن بلكي ياخذنه ويا
2
-من عيوني
ضربته على بطنه بعكس ايدي وهو يحجي
-محتاجين شي من اجي
-لا سلامتك بس يمتى ترجع نروح وياك
جريت راسة ناحيتي وهمستله
-شايف اذا گعدت انت ورشا بنفس المكان شسوي
عينه بعيني يباوعلي مستمتع بحرگة اعصابي
-اگطعك واسويك ووووصل ووصل وافتح بيك
بسطية مال جلفراي ومخلمة
-يااااابة كثري فلفل اخضر وحامض لأن لحمي مررررر
-أسوووويها خاف عبالك آني كيوووت وحبابة
-لا يابووووي تعلميني بيج اكبر صلفة
-تمام هيج خلينا النقط عالحروف
-احلف
-وروح عامر
-صدگتك
-وعيونج
-يلا روح صدگت ها وانت ماشي وياهم سولف بيه
وسويني أميييرة البنات
-لا ملكتهن مو اميرة
-احبببببك يامزنجر
-بعد روحي
غلق التلفون واني ارتاحيت ادري بي
شنو بس احب اشاكسه واخبث علي
وهو يتونس ويطرب عالغيرة والدلال
ومر هالشهر وتبعه شهر وهو يجيني مرتين
بالشهر ياخذله يوم يشوفني ويطلع لأربيل
وساكت على تاجيل الزواج لأن زواج رهام
تأجل الى أن يكمل لم الشمل ويا خطيبها
وتروح فما عنده مشكلة بالأنتظار
بدينا بوقتها التجهيز لحفل التخرج
الكل تجهز الأهالي يجون لأولادهم
واتفق الكل بالحفل على دخولية
للأمهات والأباء شعوري بهالوقت
جان خانق دموعي متفارگني
صِبى حست بيه وگالت اني
احضر عنهم كلهم كل يوم من يتصل هو بيه
يحاول يحجيني الى أن انفجرت باجيةواني أشرحله
2
-بس فهميني احد مضوجج اجي والله اشلخه الج
نصين
-گلبي حزززين فوگ ماتتخيل
-افة واني وياج گلبج يحزن
-دخولية التخرج وجود الاهل الام الاب الأخ
احس گلبي محتاج امي واخويه واريد اب
غير ابويه يملي هالمكان وافخر بي
-واني
-بعد مو هسه حفلتنا بس من هسه بدو يجمعون
علمود التجهيز وبدو يقررون شيسوون
-ميخالف اجيج نطلع تشتريلي قاط احضر
بي واشتريلج قاط للحفلة
-وردي
3
-ترحين بدشداشة والله ومتلبسين وردي
-اتشاقة وياك اختارو اسود وقميص
اوف وايت
-وحبشكلات بعد
-باقة ورد وقبعة وهالسوالف
-سهلة سهلة لتسوين اي شي اجيج
ونطلع سوه
-تمام دجيب حمادة وياك وابقى هنا يومين حتى تقضون رأس السنة ويانه
-جيبي حبة يلا
ودعني وسد الخط وگعدت ويا صِبى أباوعلها
وجهة محلو زيادة وعيونها يلمعن فرح
وهدوء
-ولج صبيوة احس فرااااشات تطلع من عيونج
-انجبي
كفختني وگامت اني شاكة بشي وياريت يكون
صح
انتظرت للخميس على نار مشتاقتله اول ماوصل
دگ علية فيديو
-ها يمناي
-ها حبيبي اني بالبيت وتعباااااان راح انام
واجيكم بالليل
-تنوووور
-البيت بااااارد
-شغلك صوبة حتى تدفى
-لا يرادلي حضن
-متحررررش
غمزلي وسدة انتظرته لليل اتصل جهزنا
عشة تعشى ويانه بس صاح صِبى على جهة
وهو وياها يتودودون بيناتهم أسأله اله
يگول شغلة خاصة اسألها تگول شغلة
خاصة تعشينا وطلعني بغداد تجننن بليالي
الشتا مشغلي اغنية دافية مثل سوالفه ويغني وياها
-نوارة عمري مروحتي قنديلي بوح بساتيني
مدي لي جسرًا من رائحة الليمون
وضعيني مشطًا عاجيًا
فى عتمة شعرك وأنسيني
من أجلك أعتقت نسائي
وتركت التاريخ ورائي
وشطبت شهادة ميلادي
وقطعت جميع شراييني
زيديني زيديني
زيديني عشقًا زيديني
-طبعا تنسى جميع نسائك ليش تگدر
تبقى وياهن
-طبعا لاااااا هو اني منين اخاف من الله ومنج
هز ايده وغمني
-شو اشوفك مستمتع من تغلط عليه
-حلاوتها بالميانة بس ميانة بيناتنا
اني وياج بره نطاقنا ممنوع الج كل الاحترام
وبالمقابل اني هم الي كل الاحترام
-الك عيوني ابو سمرة
-لسان ينگط ترافة تفففففف شگد حلوة
1
-بالله هسه شدوووووس على هذا حجيك
-شوفيلج مكان يبيع سوالف التخرج
ونروحله
-بالمنصور
-خووووش قطيني بت عامر
-بحبح جيبك حبي
-الجيب وراعيه الج
وبين فرة وأنتظار لگينه مكان مناسب
اخذلي قاط اليه واله
يباوعلي واني اقيسه گدام المرايا
-شنو رأيك
-القالب غالب بس شايفه اذا
خصرتي من ورة ظهري حظج يطيح
-تسلم عالذوق حبي
-ولو تتدللين
اخذنا القوط علگناهن بالسيارة
وكالعادة حمل السيارة حبشكلات لمنى
ورجعنة للبيت وتوجه للنوم لأن مشبعان
نوم اليوم الثاني دوام داومت وخطيه
يگطع نومته ويوديني خلصت محاضراتي
واتصلت بي اخذني وطلع گبل
-وييين رايح
-اريدج تختاريلي ملابس الوان نسائية لوحدة
بطولج تقريبا او شويه اطول
-والقياااااس بالله قايس خصرها
-طايحة الحظ عيببببب
-المن احجييي المن المن المن
-بعد لحي حبيبتي
-لا صدگ المن
-لصِبى
باوعتله ابتسملي
-شبيج وجهج تغير ترى صِبى عزيزة عندي
وهوووايه احترمها وكافي حزنت هووايه
-شتگول راح تقبل
-اكييييد تقبل عالاقل لخاطري
دخلنا محل اخذتلها اربع قطع للطلعة
وقطعتين للبيت ورجعنا للبيت لگيتها
بعدها مجاية تركني أيمن وراح تسوگ
لبيت اهل زوجته المرحومة وراها عنده
شغل بالشركة يروح وگال بالليل اجيج
نحاجي صِبى ضميت الملابس على جهة
لحد ماصار الليل واجتمعنا اني ويا وسومة
و مُنى جبت الملابس بالعلاليگ وخليتهن
گدامه لزمهن خلاهن بصفه
-شوفي صِبى يشهد الله انج بغلاوة رهام
عندي بس جايج بطلب اذا الي خاطر
يمج تگليلي تم
-تم
-هاي هديتج
خلة الملابس بحضنها
-هاي يسموها عدنا فكة حزن ولازم شخص عزيز يسويها واني ادري بنفسي عزيز يمج لأن خصيتيني اكثر من مرة وشبهتيني بمرحوم اخوج
لذلك هسه وهنا تگولين ان شاء الله اغير الأسود
وان شاء مايمر دربج وعيونج بس الفرح
والسعادة
عيونها سالت دموع وهم يحجون
وياها سومة واني و مُنى لحد ماهزت راسها
بالقبول وكف هو باس راسها فوگ الحجاب وگام
-يلا باااجر سومة تجهزلنا عشى من ايدها
ونحتفل يمها براس السنة الجديدة
وراهة نطلع نشوف الناس بره شلون
محتفلة واشوفج لابسه ألوان حتى تصير
فرحة السنة الجديدة فرحتين
-مااعرف شلون اشكرك
-لا تشكريني بس قنعي اختج نتزوج
قبل الامتحانات
هزيت ايدي وهو خزرني
-شو معاجبج الحجي
-ارررريد اتجهز براحتي
سحبني من ايدي وسلم عليهم وطلع
وياي مودعهم
-شووووفي هاي سالفة التجهيز اطلعها من عييينج والله كل ماحجيت وكلتي اجهز براحتي
ارررريد قطع مامطروقة
-لا بالله مثليش
-قطع هيييج مثل ما گال عادل امام
لابسه من غير هدووووم
-اطلع اطلع فووووسدت اخلاقي
-خل اروى قبل لا أروح
غمزتله ورحنا للمطبخ وهو مصدگ
وگفتة يم البراد يشرب
-يابت الكلب
-لعد شعبالك
-سهلة باجر راس سنة جديدة
الا ……
سكت وعض كف ايده وهو قابضة
-يممممه شبيك
-ارررريد اجعصج بت عامر
دفعني ومشى ورايه طلع للگراج
-ياااابه باجر جاي واشوفج شلون
توديني يم البراد
-اي حتى تبرد اعصابك
ريلاكس بيبي ريلاكس
طلع بعد تهديده المعتاد واني
أضحك وثاني يوم سومة على كلامه
كعدت سوت اكل يجنن مُنى عزمت قمر
وكعدن يزينن الصالة واني حصرت صِبى
الا تغير قبل لندخل السنة الجديدة
دفعتها سومة للحمام
-الثوب الأسود اللي تنزعي خلي جوة رجلج
وسبحي الله يبعد عنج الحزن ان شاء الله
دخلت وره نص ساعة طلعت وجها يشع خجل
وجمال باللون السمائي اللي جانت تحبه قبل موت فرقد حضنتها
-ربي يفتح دروب السعادة بوجهج
ويخليج النا
مُنى وقمر طشن عليها جُكليت وسومة تهلهل
-ان شاء الله منها للعرس
هرباً من خجلنا دخلت المطبخ تساعد سومة
واني لبستلي تراك وردي مرتب ومكياج خفيف
وسشورت شعري وضفرته
للمغرب اندگت الباب طلعت اركض
دخل السخيف بيدة علاگتين
-ليش متعب نفسك
-سوالف للسهرة وين المعزبات
صاح وهو داخل للهول ببيت سومة
طلعت بثوب الصلاة صِبى بحجابها
باوعلهة ابتسم
-ملبوس الهنا والصحة
-لا حية ام سليييمان
باسني غصبا عني النفاخ بجانب راسي
من سوالفه طگت ولا اهتز واني فزيت
مسح خدي وضحك
-هالمرة نكهة ككاو
-سخييييف فززززيت من وراك
-انت متثبتين وطگت النفاخة
-من تفوووسدك
-تردين تشربيني مي من البراد مووو
شردت يم الباب
-بسيييطة كل هالسوالف اطلعهن من خشمك المعنجر بيوم العرس
مشالي ورفع خصلة من شعري يلعب بيها
-ولي ولي شوفي هذا لسانج راح تبلعي
وتصيرين فاااااارة
-اني الك
-اي حبيبي عود كتليني بالحلة
ركضت طالعة تاركته جهزنا العشه وشغلنا
التلفزيون نتابع احتفلات من حول العالم
مُنى وقمر يتودودن على جهة ويكرزن حب
سومة تسولف ويا أيمن وتذكره
بالجيران وسوالف قبل واني عيني
من صِبى من سرحت بذكرياتها وعيونها
انملت دموع اقتربت بستها
-تذكرتي مو
-وياي بكل لحظة وثانية
گمت تاركتها وگعدت بصف أيمن سحبت
تلفونه بهدوء مد ايدة گرصني من كف رجلي
التفت وهمسلي
-لتنحبشين لج
-ابو النسوووان
سكت مني وانشغل وية البنات يحجون
فتحت الرسائل رشا دازتلة رسالة
(أيمن كل عام وانت بخير سنة سعيدة عليك
وعلى حمادة وعلى غنية خطيبتك)
ايااااااا كلبة غنية شنوووو شافتني عجوووز
بكل قوتي شلعت الشعر
اللي بأيده اللي ساندها بصفي
-اليووووم ابوج اشعله
-اوووووگفلي
رديت عليها
(سنة سعيدة عليج عزيزتي وخطيبتي وزوجتي أسمها غِنى ودلعها غنوووة هي هم تدزلج سلامها وتگلج سنة سعيدة)
دزيت ارسال وگعدت اكل بنفسي شوكت
ترد صدح صوت الرسالة فتحتها بسرعة
(صح غِنى نسيت اسمها عموماً ربي يوفقكم)
خليتلها ايموجي اوك المستفز وطلعت من المحادثة
سحب التلفون من ايدي باوع بي ودزلي رسالة
عالواتساب
-ان شاء الله ارتاحت اعصابج
-لا بعددددددد
-گووووومي گدامي
-مااگوم رووووح ابو شووووووشة
-اسحلج والله گدامهم
-اذا انت سبع أسحلني
عاد هو ما گال لا وگف وجله صوته
-يابه صِبى عادي أسحل غِنى
-گدامك تفضل
-بيهة شعرررررر ايع
-اي حبيبتي من تردين تعضيني مرة الثانية
اضربلج مزيل
سحبت ايده وعضيته حيل
وهو يباوعلي
-خلصتي
-ايييييي
-ارتاحيتي
-ايييييييي
-همزين
سحبني تحت جنحة وكعدنه بالمرجوحة
-بعد لتعيديها هالسوالف تصغرج گدام البرابيگ
-ليش تراسلك
-ناس موجودة بحياتي مضطر من باب الأصول
والرجولة اتعامل وياها بأخلاقي
فجأة لمعت فكرة حقيرة ببالي
-انت من خطبتها هم هيج جنت وياهة مثلي
-شجاج لج تخبلتي
-احجييييييي
-تردين الواقع لو المجاملة والكذب
-الواقع
-تسوووووفلت وياها للعظظظظظظم
بس شنو جانت تتسرسح وياي
ولأول مرة وبدون شقة وضحك صابتني
لعنة الغيرة ووگفت حتى ادخل جوه وأتدارك
دموعي قبل لتنزل
-وين رايحة
-ادخللل
-شو باوعيلي
وگف ودار وجهي بهدوء مسح دموعي
-عليمن هالدموع اقسم بالله غير البوسة
عالجبين ماصار شي هو اني لحگت أساساً
خطبت منا سافرت منا ورجعت طلگت من وره
اللي سوته شو رفعي راسج
باوعتلة وبجيت
-ياغبية هو انت خليتني اعتزل كل النسوووان
ابتسمت وهو يباوعلي
-بسوالفج العاوية سديتي نفسي من الجميييع
ضربتة على كتفه وهو يضحك
-تغااارين منهن وانتِ حلوتهن
-وبعد
-أميرتهن
-وبعد
-وعوبتهن ولي يلا غيرو ملابسكم نطلع
ركضت للبنات قمر گالت راح يجي خالو ياخذني
انتظرنا خالهة اخذها يلا غيرنا ملابسنا وگفت اباوع لصبى تخبل
بالبنطرون القماش النيلي النازك والقميص السمائي
المنقط ناعم وشالها النيلي
اني لبست قاط أسود وقميص ماروني
اخر شي خليت حمرة ماروني وهاي اول
مرة اسويها
طلعت ويا البنات صعدن بالسيارة
وهو بعدة بره السيارة يتصل
التفت شافني حركلي ايده معناها انتظري
لتصعدين نهى الأتصال واجاني
-اليوووووم احمممممر لا وبكل ثقة طالعة
بيها
-حباب
-لا عليمن حباب شو هااااج
طلع كلينكس من جيبه
-متنمسح ماااات والله
-لا حبيبتي لمعي گررروني
-يااااا حشاك شبيك يمناي
-دخلي خففيها يلا لو تردين امسحها
بطريقتي
باوعتلة صفح وركضت مسحتها خليت بس
مرطب وطلعت گعدت يمه تحرك ماشي
انحنى ناحيتي يهمس
-هذا اليلمع المخليته بيا نكهة اليوم
-خوووخ
-اووويلي يابه جوووي الفواكه
-لم نفسسسك يا نحس
-يعني اطلع بيج بحمرة حمرة واگلهم شوووفو مرتي طالعة تشگ شگ
-صخاااام انفضحنا
ضحك وكمل طريقة فرنا هوووايه أماكن
لحد ماتوقف گدام محل ملابس مناسبات
حسب طلب صِبى التفت أيمن ضاحكلها
-ها بعد اخوج حان الوقت تگليلهم
التفتت لصِبى ووجهة الضاحك براحة
وبيوم رأس السنة الجديدة
وبين الأحباب طلقت صِبى على
مسامعي أحلى خبر سمعته من سنيييين
.
.
.
.
.
.
صِبى
______________________
روحي حيث أنت
الصفحة ١٢٠
حبيبي فرقد يبدو أن الدنيا وبعد عناء أبتسمت بوجهي
وقررت تعوضني صبري خير
حبيبي الطريق بعدك جان طويل مليان عثرات
كسرت گلبي گبل جسمي
جانت خطواتي دائما مترددة ومتعبة
امشي واخطو بين خيبات أمل وأحلام مؤجلة
مااشيل بگلبي بس الصبر والأيمان لذاك
متوقفت مشيت ومشيت حتى لمن خذتلني
اعز الناس وأعز دروب مشيت حتى من راحو
احب الناس لگلبي وسكنو التراب
مشيت لمن مابقى بس صوتي يواسيني بكل
خطوة ويگول اصبري ربنا مينساج
وهذا اليوم اجه فعلا اجاني يشبه هدوئك
وصوتك الخافت بحضن دافي يشبه
حضن الأم بليلة باردة
اجة على هيئة راحة واطمئنان لگلبي
وعلى هيئة باب يؤدي للسعادة والحب
لمن انغلقت جميع الأبواب بوجهي
بساعتهة بس حسيت ان الأيام بدل متقاتنلي
صارت تحتضني لذلك غمض عيونك الحلوة
واطمأن صِبى وأخيراً نالت نصيبها من السعادة
.
.
.
.
.
___________________
غلقت الدفتر وخليته عالمكتب بصفي
وگعدت أكتب عالحاسبة الملفات اللي
يمي هو بعده مجاي وره نص ساعة انفتحت
باب المكتب ودخل مخبوص يتصل
وجنطته بيده رفع عيونه ناحيتي أبتسم
باس أصابعه وشمر بوسه ناحيتي
واني غطيت بملابسي وضعت بالكرسي
گمت اخذت الجنطة من ايده وگعد عالقنفة يكمل
كلام ويه الضابط
1
-مؤتمن أهلها مبينين ضامريلها الشر
بس افهمني أخوها ومن حقه بعد اللي
حجاه عنها ان يعاقبها بس واضح الشر بعينه
يقتلها بس ياخذها
شسوووي بيها اني اجي احجي وياهم
اممممم تمام تمام
غلق الأتصال ذب نفس تعبان وباوعلي
اشرلي بدون كلام
تقدمت ناحيته اشر عالقنفة گعدت
دار وجهة صرنا عين بعين ذب نفس
مرتاح وضحك
-هسة نگول صباح الخير
-صباح النور أستاذ
-امشششي طلعي بره صِبى
-ياااااا ليش
-احنة شتفقنا
-هذا مكان شغل ميصير
-بيناتنا يصير فضيني
-صباح النووور أسد الله
-يعني ليش يختلف هالأسم من تنطقي بصوتج
-لأن أنطقه بمحبة
ميل راسه ضاحك
-هيج تحبيني صِبى
گمت محرجة ارتب جنطته واطلع
الأوراق
-ليش متگوم تشرب جاي وجبتلك قطع
كيك تريگ حتى نطلع للمركز
-مترحين وياي نهائياً
-ههههههه اكو سبب
-مؤتمن موجود
-الگلب مليان مؤتمن شنو
وگف وتقدم ناحيتي واني ارتبله
صحن ياكل
-بيمن مليان الگلب صِبى
التفتت واني اخلي صحن الكيك بيده
-مليان بحضرة المحامي
ضحك براحة وگعد وكعدت مقابيله
-ليش لحد الآن متقبل تسلمها
-اخوانها الاثنين محروگ گلبهم
ومن يحجون واضح بعينهم القهر
حقهم بس هي طفلة وانجرفت
اني واثق انهم راح يأذوها
1 تعليق
-وشلون شنسوي
-اريد اشدد عليهم بالشروط القانونية
حتى ميأذوها بس مؤتمن يريد يخلص
من مسؤوليتها يخاف عليها لأن الشفتات
تتبدل وخاف احد يتعرضلها
-اخذني وياك أسد خل احجي
وياها اشوفها
مد ايده ناحية وجهي صفنت بمكاني
زاح قطعة الكيك العالقة بجانب شفافي
مبتسم
-لخاطر اسسسد والصوت اللي يريح الأعصاب
ترحين وياي بشرط تلازميني
تگعدين بصفي ومالج اي كلام ويه مؤتمن
-تمام كمل ريوگك ورانا شغل
كمل هو واني طلعت اللي نحتاجه رتبته
بجنطته وگمت ويا باوعلي ضاحك
-بالله تعاي
رحت ناحيته صار بصفي كتفه متعدي
كتفي بشبر
-بالله صِبى شگد طولج
-خير من الله
طگها ضحكة واحنه ماشيين
وكمل كلامه
-اي نعمة احجيلي بالأرقام
-١٥٨
-جيد جيد هههههههههههههه
ماسيطر من الضحك انفتح المصعد وصعدنا
باوعتلة صفح همس بصوته الحلو
-ان العيون التي في طرفها حور
قتلننا ثم لم يحيين قتلانا
-الكل جان يسمي حول الا أنت
وفرقد
-ذوقنا عالي
وصلنا للطابق الأرضي وطلعنا بسيارته
يتحين فرص لمغازلتي بس هو طبعه خجول
ولأول مرة يسويها اشرلي
-انطيني المي من يمج
انطيتة البطل اخذ البطل وامسك اطراف اصابعي
بسرعة بعدها سحب كف أيدي بهدوء
ايده ناعمة دافية مثل حضن أم
اني كلي خجل مدري بين لو مبين عليه
جمدت وصرت أتلفت بكل مكان
بس مو بوجهه
هو هم ساكت بس عيونه تتحجي ونظراته الحلوة مركزة مرة عالطريق ومرة على كفي اللي بحضن كفه
وبلحظة بلحظة ما راح أنساها طول عمري
فتح اصابعي بهدوء ومثل واحد خايف يزعج فراشة نايمة خلل اصابعه بينهم واغلق كفه بأحكام على كف ايدي
گلبي حسيته يضرب بكل قوة جدران صدري
مو من خوف من رهبة من شعور ما جنت أعرفه قبل
يدي اتجمدت بس كل جسمي صابه دفو مشاعر حلو
التفت عليه واني حايرة بين أبتسم لو أنهزم من نظراته
بس باوعت بعينه وشفت الخجل نفس خجلي
صار هدوووء حتى صوت الشوارع والناس اختفى
وكأن نظرات عيونه واعدتني هاي أول مرة بس مو الأخيرة
الصمت جان مطبق وهدوء بس صوت انفاسه اللي
تغير لصوت هادئ مريح واحنه ساكتين ويا
اصابعه جانت تحجي كلمات ناعمة وهو يحركها بهدوء تمسح على اصابعي
قلب ايدي وايده يباوعلهم ابتسم وحجة بهدوء
-هاي اللمسة علمتني شكد الإنسان ممكن يحب من بعيد بس كلشي يتغير من يقترب شگد يصير أحساسه قوي ويتركز داخل اعضاءة وينفجر بداخل گلبه من مجرد لمسة من تگدر تلمس اللي تهوى
وتحس بنبضة بيدك هالشي يغيرك من حجر جامد
لسيل مي هادئ مثل ماصار هسه
خفف ضغط كفه ورفع كفي لشفافه باسه
وهنا اني ضعت سحبت ايدي بهدوء
ورجع هو بلطف امسكها ويدندن
وية اغنية كاظم
1
-حبيبتي مرت على بالي اليوم
وقفت تقدير لها يوم مرت
جابت لي الفرحة وأنا كنت مهموم
الظاهر إنها عن علومي تحرت
التفتلي يحجي طبيعي
-صِبى
-همممم
-ليش متكملين دراستج
-قدمت للسادس خارجي
-عفيييه عليج ليش ماحجيتيلي اساعدج
-مااريد اشغلك
-شتردين تدرسين بعد السادس اني عن نفسي
اشوفج قانونية مثلي
-اريد ادخل تمريض
باوعلي مستغرب
-شعجب
-أحب اكون ملمة بالأمور الطبية
اذا واحد من أحبابي صارله شي
فتح كف ايده واخذ كفي يقلب بي
مسح علي بهدوء
-وهالكف هذا راح يتلون بدم الجروح
ويتعذب بالأبر والحقن لخاطري
- صِبى تحجين جد تدخلين شي متحبي
لخاطري حتى تعرفين تتعاملين وياي
-أنت شتشوف
-اني أشوف عيون تحجي بصدق
ومشاعر مدفونة تعبرين عنها بهيج اشياء
ابتسمت محرجة وصلنا المركز
يلا اطلق سراح كفي
دخلنا لمكتب مؤتمن وگعدنا بجانب بعض
اطلعله اللي يريده وهم يحجون باوعلي
-صِبى راح يجيبون ولاء واخوانها موجودين
اريدج تحجين وياها وتنطيها رقم التلفون
هذا تخلي يمها تمام والأم جايه وياهم
احجي وياها خل تلين گلب اخوانها
ناحية اختهم فهمتي عليه
اگعدي هناك عالقنفات واني هنا كبالج
رحت گعدت شويه ودخلوها جان وجهة شاحب
واصفر بس شافتني بجت
-خالة راح ياخذوني اخوي محمد متحلفلي
والله يمكن يموتني
-محد يسوي شي هسه يوقعونهم على
تعهد سمعتيني ميگدرون يسوولج شي
ياخذون منهم غرامة
-ميهمهم عدهم فلوس
بعدها تحجي ودخلو اخوتها
شباب مرتبين رزنين وياهم امها مرة
مرتبة بس وجهها تعبان من القهر گاملهم أسد
يحجي وياهم اجو گعدو گبالنه اخوها
الصغير اللي اسمه محمد انطلق يحجي
-حضرة المحامي اني ماعندي
اشكال گتلك اخذها واوقع التعهد بس
شررررط توديني للمكان اللي لمها ثلث اشهر اشوفه
شلوووونه
اخوها الجبير منزل راسه ولا حجه شويه
وهز راسه بقهر باوعلها
-بيش قصرنا وياج من مات ابوي انت جاهلة
من يجي الليل تبجين المج بحضني
شنووو قصرنا بمادة بحنية بدلال
بيش قصرنا ليييش انت اختنا الوحيدة
تصيرين كسرة عينا وگلبنا كدام الناس
ولج ابن خاااالج مانگدر نسويله شي
ننفضح اذا حجينا حلف يفضحنا بصورج
وسوالفج لييش هيج والله صار الليل
يمر علية مر علگم واني اكل بروحي
شبيها ووين راحت وشسوت ووين ولت
بس فهميني شلون اطاج گلبج تسويهة
1
فز محمد واگف
-خوية حسين سد الموضوع اختنا ورجعتلنا
هاي هي نگول جانت عد خالتي ببغداد تدرس
وهسة رجعت وهيج نسد الحلوووگ
ها حضرة المحامي هيج كفينا ووفينا مو
-توقعون تعهد وبمبلغ مادي جبير
اللي يعتدي عليها يتعاقب قانونياً
ويدفع المبلغ المطلوب
-نووووقع
دگ اخوها الجبير صدره ومؤتمن گاللهم
-باجر تجون الصبح تستلموها وتوقعون
ونبقى على اتصال كل اسبوع احجي وياها
تمام
-تمام
وكفو اخوتها بعد الموافقة وطلعو بره
وياهم اسد ومؤتمن وبقت
امها بصفها هي كل شويه تمد ايدها
وامهة تدفعها رافضة حتى تلمسها
-يمه
-مووو امج
-خالة
-ها خالة
-خالة مراهقة طفلة انجرفت والسبب ابن اخوج
مااگلج هي مغلطانة غلطانة بس هو اللي خطط
ولونلها الغلط وسواه بعينها صح
-خالة مااگدر اباوع بعيون ولدي
مدللة والله مثل الماي بالصينية حايفينها
حوف الحاجة قبل ماتطلبها تلگاها مفضلينها
على نسوانهم وجهالهم بس شسوووت هي
كسرت ظهرهم حسين من لگاها شاردة
ضربته جلطة وشهر يلا گام على حيلة
واني هالتشوفيني وجهي اسود من الناس
ومحمد سودة علية صار السهر سلوته وتمرض
بمعدته
التفتتلها
-ولج ولاء يمه لو كاتلينج لو ظالمينج لو مامدللينج جان كلنا حقها تشرد بس انت تسودنتي وتفرعنتي وخنتي ثقتهم
بيج وسودتي ووجوهم الله لا يوفقج ولج
راح ترجعين للبيت مذلولة مكسور وجهج
ومحمد حالف ماتطبين البيت اذا ماتفحصج
دكتورة ولج تصخمنا اذا بيج شي ولج اخوووتج
يموتون
غطت هي بالبجي ووگفت گالتلي
-حبابة خل اروح للحجز
مشت خطوات من صاح بأسمها
الشرطي بس رجعت بسرعة
نزلت على راس امها باسته
وباست اديها وطلعت تشهگ وتغص
بدموعها
گعدت يم امها اواسيها لحد مااخذوها
اولادها وراحو اشرلي أسد
بيده السويج اخذته
-انتظريني بالسيارة جايج
طلعت انتظره شويه وطلع
صعد بالسيارة وجهه متغير
-شصار
-ما مطمأن لأخوانها مااعرف ليش
حرك السيارة وكمل كلامه
-صعب الرجل ينكسر من ناحية عرضه وشرفه
وهي طفلة مو واعية للي سوته وجرفتها المشاعر
المزيفة لحد ماوصلت هالحال
وصلنا الشركة وبين شغل وتعب
ومغازلات أسد الرقيقة رجعت للبيت
البنات كل وحدة مشغولة بدراستها
لزمت اني دفتري وگعدت اكتب
لفرقد خلصت ملخص اليوم سديت
الدفتر وتمددت غمضت عيني على
ذكريات الاعتراف الأول اللي اعترف بي
أسد تذكرت بعد مطلعنا من المركز واسد
طالع للسيارة وصاحله مؤتمن
أسد شووو تعال
تركني يم باب السيارة وتوجهله
شوية ورجعلي وجهه متغير صعد بالسيارة
وماحجه شي يسوق وباله سارح
الى أن داس بريك بزونة عابرة راد يسحگها انضربت اني بالجامة
لزمت جبيني وهو ارتبك وتوقف
-شو اشوف انجرحتي
-لا لا مصار شي بس استاذ انت بخير
-صاير شي أستاذ
-مؤتمن يريد يتقدملج
-آني
-امممم انت
عيونه تتحرك على ملامحي ركز بحركة
عيني بنطق شفافي واني اسأله
-وشگلتله
وهو رجع كمل الكلام اللي رفعني من
سابع أرض طيرني تحت غيم يرش
رذاذ ناعم من السعادة بسابع سماء باوع بعيني
ونطقها بهدوء
-شگلة وآني واگع بغرام عيونج
من سنة
لحظتها كل شي توقف حتى صوت نبضي وأنفاسي
صفنت بوجهه وعيوني جمدت على ملامحه
اني جنت متخيلة ان هو يحملي مشاعر
اعجاب بس مو لمرحلة الغرام
رفعت عيوني ناحيته وانطلق يشرح مشاعره
بهدوء
-أريد أحجي كل شي
صارلي سنة واكثر كاتم هالكلام
وسنة كل ما أباوع بعيونج أگول بعد مو وقتها
مااكذب وأگلج من أول مرة شفتج
بس مرة دخلتيلي دموعج مالية عيونج
من تحت النقاب ورافضة ان تتساقط وتمطر
على رموشج بسبب كلام نسرين
بساعتها جنتي تحجين بس اني مافهمت ولا شفت شي غير عيونج
هاي العيون غرگتني سحبتني وصرت أحب أسولف وياج بس حتى أبقى أباوع بيهن وأبحر
ابتسمت وبلحظة جرأة گتله
-صاير شاعر أستاذ
تنفس براحة من حجيت وهز راسه ضاحك
-لا والله صاير مجنون
سنة وأني ساكت أخاف أعترف وأخسرج
جنت گول إذا عرفت يمكن تبتعد يمكن تگلي أني هنا حتى اشتغل وأعيش وتربطين هالشي ببقائج بشغلج وتعتقديني اساومج واستغلج
بس هالاسابيع اللي رحنه بيها للمركز شفت نظرات
مؤتمن الج و حسيتج من حقي وحسيت إني غلطان اني غلطان بسكوتي
لأن إذا ما گلتلج راح أظل أضيع كل لحظة ممكن تكون بداية بيني وبينج
تجرأت وسألته
-شنو اللي تغير هسه
تنفس بعمق وكمل
-اللي تغير ان الخوف من فقدانج صار أضعاف من الحب وغرام عيونج صدگ غلبني
فـهسه إذا تحبين ترفضين أفتهم
بس إذا تحبيني مثل مااني حابج
فـأني حاضر وراح أبقى وياج من لحظة هالاعتراف
لحد ميختفي اسمي من الوجود
چنت أخاف من شعوري المعلن من إن يمكن تكونين ما تحسين بشي لذلك
ما اريد أخسر وجودج حواليه حتى لو رفضتي مشاعري
-اني ……
قاطعني وكمل
-اني مو خبير بلغات الحب وكلامه بس يمكن
حاس او شعرت انج ممكن تبادليني ذات
المشاعر لأنج شبيهتي ونظيرتي بكل شي
-مااريد اخسرك خاف يخيب ظنك بيه
گلبي مكسور ومحطم وباقي منه اجزاء
يمكن تكون صالحة ان تنسكن
-مستعددد أسكن هالحطام واعيد ترتيبة قطعة قطعة
-راح تتعب
-مو اكثر من تعبي بذيج السنة واني اصارع شعوري الغامر ناحيتج جنت اكبح جماح مشاعري بكل مرة أشوفج تضحكين
أو تحجين أحس إنه الدنيا تمشي ببطئ
وكلشي يصير أهدى
وكلشي يصير ملكج حتى دگات گلبي
باوعتلة مبتسمة على رقة شعوره ووصفه
- وشصار هسه ليش قررت تعترف
رد علية بيتنهيدة عميقة كأنه اختصر بأعترافة مشوار من التعب
- لأن العمر قصير
ولأن مرة شفتج تمشين زعلانة مني من كلمة
كلتها بساعة غيرة وغضب
خفت إنه يجي يوم وتمشين من حياتي للأبد
وأني بعدني ساكت فحبيت تعرفين هسة لأن كافي انتظار
باوعلي بحيرة وابتسم بخفة بعيون تتوسل جواب
-ادري راح تقررين بس قبل لا تقررين
أرد أگلج إنه عيونج مو بس حلوة
عيونج وطن
وأني صارلي سنين أدور عن بيت دافي أسكنه
ولگيته بيج
نزلت راسي ساكنة هادئة لدقايق
امتدت ايده بهدوء رفع راسي
مبتسم
-حسب ميگولون السكوت علامة الرضا
ابتسمت ودموعي حاوطت رموشي
مدلي ايدة بمنديل مسحهن
-هالمرة غيم عيونج امطار فرح وعيونج الحلوة
ابتسمت لذلك آنسة صِبى اعرض عليج
گلبي اذا موافقة تاخذي ويكون حلالج وملكج
بس هزي راسج
هزيت راسي بهدوء وموافقة وگف موگفني ويا
باوعلي براحة عكس توترة بالبداية
بعد هاليوم صرنا نحجي بكل شي
اسمه صار مثل نغمة موسيقية على لساني
تشتعل مشاعره من انادي بأسمه الكامل
ويطرب لهالشي
وهيج مر شهر كامل لحد هاللحظة
صحتني نغمة التلفون من ذكرياتي
ورفعت الشاشة أسمه منورها
اجاني صوته الهادئ مثل كل مرة
افتح الخط خليت سماعتي وطلعت
للحديقة واجاني صوته
-حور
-أسد الله
-حمزة الغبي يگلي خل تدلعك اسودي
-هههههههههه حمزة ميعرف مدى جمال أسمك
حتى يريدك تتدلع
-يابه اني حاب اتدلع بس دلع خشن
رجل محتاج شويه حنية
بهدوء نطقتها
-أسدي
-يانبضات گلبه
رفرفرت الفراشات داخل اضلاعي
واني أسمعه ينطلق يحجي مشاعر وكأنه
شخص ثاني غير أسد الله العملي بالشغل
-هاي ياء التملك تضيف خصوصية للأسم
وانت تخصني
-حور
-ليش تحب تسميني حور
-بسبب عيونج وهدوئج وكل شي يخصج
مستحق لقب حووور حور العين اعلى
درجات الجمال والرقي بالنسبة للأناث
-اسد باجر لازم نروح لولاء من يستلموها
اخوانها
-لا مترحين وياي مااضمن نفسي اذا
مؤتمن وجهلج كلام
-زين خل اتصل بيها
-من اوصل هناك الصبح اتصل بيج
واحجي وياها
-تمام
-صِبى محتاجة شي لدروسج
-لا والله جاي ادرس على يوتيوب
-لا اخليلج دروس خصوصية اذا تردين
معدل عالي
-لا وداعتك ……
-سمعي كلامي ليش تتعبيني
-اسمع كلامك بس انت هم تسمع
كلامي
-گولي تحت أمرج
-تلتزم بالعلاج وحتى الاكل وتترك المنبهات
-هاي سهلة اتفقنا
-اتفقنا
بقينة نحجي لوقت غير معلوم
الى أن تعب واني تعبت نمت وثاني
يوم من الصبح غيرت ملابسي
وطلعت للشغل التقينا اني ويا بالمصعد
عينة بعيني التفت للمرايا ورا ودارني صرت
بصفه رفعتله راسي اباوعله مبتسمة
والتقط صورة للمرايا
-هاي راح تكون خلفية ممتازة لشاشة التلفون
دخلنا المكتب جهزتله كل شي وطلع
نص ساعة بين ماوصل اتصل بي ميرد
لحد ماكمل ساعتين كاملات
-لا
نزل الگلاص من ايدي للمكتب ولزم ايدي
-ولاء لگوها منتحرة بالزنزانة
شهگة صدرت مني وانهالت بعده
دموعي وصوتي تحشرج بالبكاء
امتدت ايده بتردد وسحب راسي
لصدره
-راحت لرب رحيم طفلة غلطت
وردة فعل اهلها الحزينة تجاه اللي سوت
حسستها بالذنب
رفعت راسي مسحت دموعي محرجة من اللي
صار
-شلوون
سحبني وگعدنة متقابلين
-بگزاز مكسور من شباك الزنزانة مقطعة
اوردتها
-امها
-امها انهارت واخوانها رغم اللي صار
كعدو يبجون وارتفعت اصواتهم الحزينة
-خسرتهم وخسرت نفسها
البقاء لله
مسح دموعي وباوعلي
-تعرفين اكتشفت انج تزيدين اضعاف
جمالج الاعتيادي من تبجين
-بجيني حتى تستمتع بهالجمال
-ماعاش اللي يبجيج
مد اصبعه لخدي ناحية غمازتي
-اخخخ هاي حفرة هلاك من تبتسمين
ابتسمت لكلامه وبلا شعور مد اصبعه يلمس
الغمازة
-هههههههههههه
ضحكت على موقفه وكلتله ممازحة
-تعرف ان الغمازة تشوه خلقي وقصر بعضلة الخد
-زيييديني هيج تشوهاااات تهلك الگلب
وهيج استمرينا غزل عذري وكلام هادئ
ساعات يكون مجنون يدزلي اغاني عنيفة
وساعات اهدأ الموسيقى يهدينا
تعبيرة الدائم عن الحب هو نظراته
الحادة اليه ومن يشتد بي الأشتياق
واحنه نشتغل ومنلحگ نحجي يعضلي
اصبعه بغضب
وهالحركة الغريبة معناهة اشتاقيتلج
لحد قبل اسبوع من ليلة رأس
السنة جان غريب هادئ يباوعلي
بثباب ابدددد محجه ويايه اشتغلنا كل
شي بهدوء استغربت سكوته وهو اللي
يتحين الفرص لمغازلتي بكلماته الحلوة
ارتبلة الاوراق وادفعهن اله
اشتغل شويه بيهن ورجعهن اليه
اباوع مابيهن خطأ اگلب بالباقي
وطلعتلي ورقة بيضة بيها سؤال
واحد
-تتزوجيني صِبى
دگات گلبي تكاد تنسمع
واني اشوف خطة الحلو مخربط هالمرة
بسبب الأرتباك
سحبت الورقة والقلم كتبت
-بكل ماتحمله كلمة نعم من معنى
اگول نعم
دفعتهة ويا الاوراق ناحيته
ثواني يبحث عنها بسرعة توقف
عن البحث من شافها وگف رافعها
بيده حجه بسرعة
-باوعيلي صِبى
رفعت عيوني ناحيتي نزل راسه تحت صدمتي باس
خدي بهدوء من مكان غمازتي
-مبروك علينا حورية
گالها لأول مرة وبخجل أبتعد
گعد بصفي متوتر
-تحمست مو
ابتسمت وهو عينه بعيني
وشگد كبر بعيني بعد كلامه اللي گاله
-اريد رقم أيمن أتصل بي حتى تصير
الشغلة رسمية
انطيتة الرقم واتصل طبعا أيمن
جان ونعم الاخ بقى يحجي ويا
ويتأكد ان كل شي راح يتم حسب
الأصول وهيج اتفقو
بعدها اليومين شغل وهو يكمل
امور الخطبة من جانبه واتفقنا اني
وأيمن نگللهم كل شي بليلة رأس السنة
وهذا اللي صار بليلتها اتصل بيه
أسد يستفسر عن التجهيزات
وبعد ماانطيته ايمن اتفقنا نلتقي بمكان
خاص لملابس المناسبات بالكرادة
طالعين نسولف ومنطلقين نتابع الأحتفالات
بالشارع گلت لأيمن يتوقف من وصلنا
توقف والبنات وسومة التفتو عليه صافنات
باوعت غِنى لأيمن
-شعدنا واگفين هنا
اشرلها عليه
-سألي صِبى
هزت راسها مستفسرة ابتسمت
ونطقتها وشفت ساعتها الفرحة الحقيقية
بعيونها
-نروح نستعد لخطوبة الأخت الكبرى
اشرتلي وگوة نطقت
-وداعة فرقد
ارتفع صوتها باكية وأيمن يحاول
يسكتها
-شنوووو غنيوة شبيج گلبتيها مناحة
مُنى وسومة حضنوني ونزلو للمجمع منطلقات وفرحانات
وأيمن نزل وهي بسرعة تحولت يمي
حضنتني حيل
-گولي لأسد
-هوووو
-حسسسسيت والله ياسكوتية يادنغوزة
الله واخيرا نسيتي رضا الفگووووووور
-الله يوفقه
-والله اسد بررررراسه
-عشر مررررات
گلتها وانفجرنا ضاحكين
دگ التلفون واجاني صوته
-ها صِبى اني وصلت
-اني موجودة راح انزل هسه
-شفتج هذا ايمن اجاني
نزلت وشفتهم واحد يسلم عالثاني
ومنطلقين من وصلتلهم سلمت
غِنى اجت سلمت وسحبت ايمن وياها
وصاحت مُنى وسومة واجتني وايمن گال لأسد
-اخذو راحتكم احنه گاعدين هنا بالكوفي بصف المحل
باوعلي من فوگ ليجوة بأعجاب
-شگد ماجنتي جميلة بالأسود
بس بالألوان اجمممممل واجمل
سحب ايدي ودخلنا للمجمع
ودخلت ويانا أيام لسعادات
قادمة بالجاي من حياتنا
وروحي كلمت نفسها بحديث سري بيني وبين گلبي
قبل لا أعرفه جان كلشي عابر
كل فرحة ناقصة وكل ضحكة إلها ظل حزن
بس من اعترفلي مو بس باب السعادة انفتحلي الدنيا كلها فتحتلي حضنها
جنت أقنع بنفسي إن السعادة مو نصيبي بس طلع هو نصيبي وهو السعادة بذاتها
من يحجي اهدأ
من يضحك أطمأن
من يتعب اتعب
كلشي بي خلاني أحس إني عايشة صدگ مو بس أتنفس
هو اللي خلاني أحب نفسي لأن عيونه شافتني حلوة حتى بدموعي ووجعي
التفتلي شافني صافنة بي
ضغط على ايدي وگال بهدوء
-ياسعادتي وانتِ الي
وانطلقت انغام السعادة بعمري
وغابت أيام التعب
