رواية كريات الدم السوداء الفصل العشرون بقلم زحل
سلاسل
_امسح ادموعي ويرجعن ينزلن مثل المطر
العبرة خانكتني اتمنيت اصرخ احس روحي تحترك
دقايق انه واكفه محتارة والباشا مستمر يدك بالباب يرديني اطلع .
الباشا: بس احجي وياج .
_ضليت ساكته.
الباشا:زين غني غني شكد تردين
انطيج بس كملي هل اغنيه .
_ضل يردد بالاغنيه نفسها ويطبل بدكات
خفيفه عله الباب عضيت ايدي بقوة وكملت
الاغنيه ويا وصوت صاحبه الي ويه كل مقطع
يصيح عاشو توسل اطلع رفضت حسيت بي
ابتعد من يم الباب ركضت اباوع عليهم من الشباك
كعد يم صاحبه وهو يوجه كلامه لسليمه بصيغت امر
الباشا:جيبها خل تكعد يمنا .
_التفتت عليه ام طيبه بزعل جرها
يمه وهو يضحك .
الباشا:عجبني صوتها تبقين انتي الاصل.
6
ام طيبه:ترى عدها علاقه بمحابس .
1 ت
_هز راسه بمعنى اي ورفع راسه يباوع
للشباك ضليت واكفه وادري يعرف بوجودي
كامت سليمه متوجه للغرفه دكت عليه الباب
تحجي بصوت ناصي.
_عرفت من نبرتها صكه عله سنونها
يعني مفحمه ولو ما وجودهم يمكن
تعلكني بالبنكه تقربت للباب ورديت عليها
ماريد اطلع راح انام صفحتي كامت توجعني.
سليمه:بسيطه اعلمج بس
خلي يطلعون.
1 ت
_تملكني الخوف
لان اعرف ماراح يسكتن عني
ركضت شلت افراشي بعدته من الشباك
مدري شلون قنعته وسكت قبل مايطلعون
صاح مسمعني .
الباشا:باجر تجين ويه
سليمه للمزرعه.
1 ت
_مارديت عليه صاحبه يضحك
وام طيبه مدري شنو تحجي ويا طلعو
وانه كلبي دكاته صارت مثل دكات الطبول
عيوني للباب الي فلشته سليمه تفلش.
سليمه:وروح امي اكسرة اطلعي
احسن الج ولج طلعيييي .
1 ت
نزلن ادموعي من طلع جهازه مغلق وهيه مستمرة تحجي وتسب وعبالك تصنع الغلطه مخصوص اليه
صح هيه السانها زفر وتفشر بس هل كلمات اول مرة
اسمعهن ماريديت عليها ولاجني اسمع
لحد ماابتعدت من الباب ركضت اباوع كاعده عله القنفه جكارتها بيدها وتحجي بأاعصاب وكل شويه ولطمت عله رجليها.
سليمه:وانه الغشيمه خايفه عليج وشايله همج
ههههههه ولج طلعتي داهيه وزايده عله عماتج
لا وانه الفطيرة اسالج تعرفين تغنين تركصين
ومصدكه انتي فقيرة .
_كامت وهيه تحجي واعرف تتمنى بس
تلزمني بهل لحظه التفتت للشباك دنكت ادور عله نقالها دريت راح تخابر ابوي اتصلت وبس جاوبها استلمته غلط ومسبه.
سليمه:شوف الصبح انته يمي
تاخذ بنتك وتنقلعون خلصصصص
لهنا وكافي .
_مدري شنو يحجي وياها ردت عليه.
سليمه:بت شالعه وعرمه مالي خلك طلايب تتعمد تطلع تراوي نفسها اذا عندي ناس ونوب تغني تسمعهم ولك تفهمني يعني تريد تشتغل لاتكول
شغلتيها تعال اخذها .
_فتحت الصوت وشمرت النقال عله القنفه
وكعدت هو مستمر يقنع بيها .
راضي:انعلي والديها كسريها تكسر
اذا ماجرت عدل خل تروح لامها انه مااكدر اجي
اكو جماعه جاي يدورون عليه وخاف اهل غازي دافعينهم.
سليمه:اي جا اكيد غير نجيه واخوها
راحو اشتكو خلي سونه تسمع المصايب
خل تغني عدل منا وجاي .
_رد بصوت عالي مسمعني.
راضي:مطربه ام اعطوب
فركي حلكها
لو معمعت انوب.
4 ت
سليمه:ياهيه تمعمع ههه غير
سلطانه بزمانها ماتلحك صوتها .
_سكت شويه وانوب رد
يتاكد من كلامها عباله تقلد.
راضي:هااا صدك .
سليمه:اي .
_شالت النقال ودخلت غرفتها
ماكدرت اسمع باقي حديثهم تعلعلت لا اكدر انام اخاف تكسر الباب تعبت من الوكفه اتتجيت عله الحايط مسنده ضهر حسبه تجيبني وحسبه
توديني اعرف السويته مو هين بس لازم اخليها بحاجتي وماكو غير هل طريقه راح تنجبر تتحمل وجودي لان اكيد الي يسمعني يطلبني منها وهيج العب بيهن بين حيرتي وتفكيري كمزت من صاحت عليه خرب الحظ مانامت .
سليمه:اريد اشوف لشوكت تبقين قافله الباب
اطلعي مااحاجيج بس بعد ماالج كعده يمي
روحي شوفيلج مصيبه تلفيج انعل ابو
ساعة السوده الشفتكم بيها.
_عيوني قفلن والم صفحتي زاد والمصيبه
بطل الماي خلص حاولت ابلع الكبسوله
بدون ماي وكفت بلعومي وهيج لحد ماطلع
النهار مدري شلون غفيت كعدت مخترعه
طفرت للشباك اباوع كاعده بالصاله
وشاده راسها بشالها وتعصر بي استغربت وضعها شبيها يمكن تمرضت اندك الباب كامت تتجه وتجر بروحها دخل ربيع المضمد عرفت هيه مخابرته كعد كبالها يقس ضغطها .
ربيع:ضغطج زين .
سليمه:راسي راح ينفجر
الم من امس ماهودت .
ربيع:هاي حبوب وحاولي تاكلين
وشربي كهوى .
_هزت راسها بمعنى
اي طلع ربيع التفت عله الشباك
وهيه تحجي تعجبني بتصرفاتها بالحظه تتغير.
_خو كليلي عاجبج الشغل
وانه اخليج فوك النخل يحضي
مالكيتي غير اليوم تضهرين مواهبج ام اعطوب لا ويم منو الباشا يعني حطيتي نفسج بحلك ام طيبه
خاف عبالج تسكت عنج لو تخلي يباوعلج .
3 ت
_ردت كعدت سكتت شويه
شلون الي يفكر بموضوع شالت راسها
تنضر للشباك.
سليمه:طلعي سويلي كوى بت الصخل
خل اشوفلي حل ويه الغضب
الي يريدج اليوم بالمزرعه .
_خرب شلون نسيت نبهتني
عله هل سالفه وخرت البرده
وفتحت الشباك رديت عليها
مااتحرك ولا اطلع لا مزرعه ولا غيرها
بعدني ماكملت كلامي ماحسيت اله
شمرت النفاضه مال الجكاير عليه
بسرعه طبكت الشبالك .
سليمه:طلعي سويلي كوى بت الصخل
خل اشوفلي حل ويه الغضب
الي يريدج اليوم بالمزرعه .
سليمه:ام عطوب انوب تشرطين يلوك
بت التالف وين تغنيني بعرس ابوج .
( 2 )
_اي هنا ومااكعد يمهم وانه بغرفتي
وخلي اكلج من هسه بس الباشا وصاحبه
غيرهم ماكو ويدفعلي الي اريده .
سليمه:فلك فلك فلكج بت نجيه
مخيله عله الباشا بت الكلب غير
تعدمج ام طيبه ولج تودينا بداهيه.
_خلي عله حالها عيع
ماعدي عقلك اباوع لهيج واحد .
بس هو عجبه صوتي عاد يدفع اغنيله
عضت ايدها حيل كامت تريد تدخل غرفتها لزمت راسها ودنكت مثل واحد افترت بي الكاع صرخت .
سليمه:ولج تعاي ليه .
_بنفس الحظه كعدت مسنده روحها عله الحايط ضليت حايرة وهيه ماشالت راسها بعد فتحت الباب وركضت عليها مديت ايدي اريد اكومها ماحسيت اله لزمتني بكل قوتها عتتني كعدت عله حيلي شلون كامت مادري اريد بس اخلص روحي منها ماكدرت مسيطرة عليه دنكت راسي للكاع واستلتني دك .
سليمه:تلعبيني ام عطوب شوكت خططتي
وشلون دبرتي عبالج زوج انه وسوالفج يمشن
عليه الباشا ممنوع توصلين يمه .
3 ت
_تحجي وادك عله ضهري .
سليمه: انتي الجبتيها لروحج نطلع للمزرعه
كعدتج تصير يم الولد صاحب الباشا .
_احس نفسي انكطع
هزيت راسي بمعنى اي ردتها
بس تهدني.
سليمه:كومي انعل ابوج
لابو عشيرتج.
_قبل ماتشيل ايدها من راسي
رفستني برجلها شاغت روحي
ضليت اطفر واصرخ بعلو حسي.
2 ت
سليمه:صوتج مااسمعه اس.
_ردت عليه تريد اطكني
اندك الباب حيل جرتني للغرفه
شمرتني وطلعت اسمعها ترحب باارتباك
ماتوقعت جيته صاحب الباشا
وبهيج وقت زحفت للباب فتحته التفت عليه
انصدم من شافني رد يباوع عليها خزرتني .
!!هاي شبيها بس لا انتي ضاربتها.
_ماعارت اهميه لسؤاله
و ردت ترحب بي خزرتني بمعنى فوتي .
سليمه:هلا وغلا تعال تفضل تفضل.
!!خطيه معوده ليش هيج
مسويه بيها .
_كعد بس عينه بقت
عليه دنكت بقهر مديت ايدي طبكت الباب
حديثهم ماينسمع وانه هم ماركزت بي الم صفحتي موتني خفت اخابر مديحه وتعاركها سليمه جبرت نفسي اكوم لميت شعري احس بي متكطع لبست صايتي واخذت نقالي وطلعت كامت تريد تلزمني ماخلاها الولد بسرعه طلعت اركض اضمضم بوجهي من نضرات ام دعدوش وصوله دفعت الباب مال بيت مديحه ودخلت ادري بيها هيج وكت ماموجوده بس وين اروح كعدت بالطارمه وخابرتها شويه واجت فحطانه .
مديحه:شبيج ولج .
_حجيتلها مختصر كومتني
دخلنا جوى .
مديحه:ترى انتي الغلطانه .
_باوعت عليها بزعل.
مديحه:اي لتباوعين عليه سليمه
كلامها صح عاجبج تشتغلين بعد
عليمن هل هوسه .
_كمت اريد اطلع جرتني.
مديحه:شوفي مال تكليلي ماجنت متقصده
وهل افلام ماتمشي عليه احنه مثل سادة
الكريه كلمن يعرف اخيه.
1 ت
_دنكت بندم ودموعي تصب
سولفت الها كلشي وهيه تسمع
بدون ماتعلق رفعت راسي اباوع عليها.
مديحه:بكل الحالات راح تنجرين
شوفي ماانصحج بس حسبي حساب
محابس اذا سمع شنو يصير يله انه اروح
دخلي يم امي بين ماارجع .
_راحت سديت الباب
ودخلت لكيت امها بفراشها اشرتلي
ادنه يمها كعدت محتارة مابيدي شي
عله نفسي شكد راح احارب التفت عله ايدها لزمت ايدي بحنيه زاد حزني ليش امي عافتنا لذيابة الصعده تعبت من البجي كمت تمددت مدري شكد مر وقت لحد مااجت مديحه كعدتني
لحكتها للمبخ .
مديحه:سلوم طلعت ويه جيتي
وسالتني عنج كتلها مادري بيها.
_اباوع عليها فرغت جيس الباكله بالجدر وخلته
عله الطباخ ردت جابت القوري رغم البساطه بس مرتاحات هيه وامها .
مديحه:خابري ابوج كليله
احسن خاف نوب يتهمج ماشيه
بغير مكان.
_هزيت راسي بمعنى اي ورجعت جبت نقالي
ادري بيها تخاف من سليمه حقها خابرت ابوي وياريت ماخابرته .
راضي:انعل ابوج لابو نجيه
ولج انه حامي روحي جويسم
ذبنا بطركاعه وحاير شسوي .
_بويه اخذني يمك تدري
خالي مايلفيني .
راضي:ليش طلعتي من سليمه
شنو قصورها وياكم ولج بت القندرة.
_يعني تقبل تريدني اطلع للمزارع؟
راضي:وعله اساس انتي ليلى علوي.
11 ت
_سديته ادري ماكو فايده منه
رديت خابرت خالي مارد عليه.
مديحه:تعاي تعشي وهيه تصفى .
_احس طعم الاكل مر كوى
اكلت بس عله مود العلاج يومين وانه يم مديحه
ولا واحد سال عني نايمه واحس بيها تكعدني عله كيف فتحت عيوني اشرت لحكيني فهمت ماتريد امها تسمعنا طلعت انصدم بي واكف بالطارمه يتلفت
شافني نزع الثام تقدم عليه ونضراته نار .
_دنكت ابجي بدون صوت اتمنيت
لو ياخذني ويبعد من الدنيا كلها .
محابس:هههه عليمن تبجين .
_رفعت راسي اباوع عليه نضراته تخوف
مالحكت ابعد جرني وبسرعه ايده اخذت مكانها بوجهي عاصر فكي واصابيعه نابته بخدودي احس اتزرفن من كثر ما ضاغط عليهن.
محابس:تغنين ولج اعمدجج واخلص
بت الصخل التهي بيج بمصيبه
اخوج الي ورطنا بيها .
_عيوني نطن من الالم ارفس مثل الدجاجه
وكفني عله الحايط مشبك اديه لصدري
وايده الثانيه عاصر وجهي بيها
صاك عله اسنونه ويحجي
محابس: جا عليمن هاي الهوسه
من البدايه ومشتغله وياهن .
محابس:تنطمرين هنا
ماالمح ضلج بالشارع.
_وخر ماكادر عله سليمه
اطلع بطولاتك عليه .
محابس:جبرتج تغنين لو انتي
الي تردين تلفتين انتباه صاحب
ام طيبه. سليمه شعليها .
_اكيد ماتنطي بيها
غير مستفاد .التفتت مصدومه
من الراشدي الي اجاني .
محابس :حلكج اشكه بت المطي
تجاوزين ادوس راسج تنطمرين هنا
لحد مانشوف حل لمصيبة اخوج .
_رديت وانه ابجي مالك شغل
بيه وكيفي اغني اركص انته
مامسؤل عني .
محابس:منا وجاي اصير مسؤل
واكسر راسج بس خل يجي ابوج
الصخل واعرف شلون اضبج.
_ولك اسكت
عليمن تلوم بيه كل عقلك اضل وياك
وانت شغلك زباله شنو فرقك عن غازي.
وين تاخذني وين تكعدني وهم اضل
من مكان لمكان.
محابس:يعني كلام سليمه
صحيح ولج عاجبج تفترين من حظن لحظن
وانه اكول لا هيه تختلف ماتريد درب الاعوج
شوفي هذا شغلي بس اشرف من ابوج .
2
_مدري شنو حسيت بوقتها ليش
هيج ارد عليه ،درت وجهي وانه احجي
وعله اساس انته شيخ واشرف من ابوي.
محابس:تمام الله يرزقج بشيخ
انه مافيدج انكسحي صيحيلي
لمديحه .
_يحجي وعيونه تريد تطلع من مكانها
دخلت وكلبي مشتعل نار ادري قهرته
بس تعبت طلعت مديحه ورجعت .
تخزر بيه غطيت راسي مالي خلك تستلمني.
مديحه:طبج مرض بعد ولا ادخل.
_وتعدت اليله وصبحنا ونفس
اليوم القبله اضل انتضر جيت مديحه
الي مافتحت وياي اي موضوع ولا كالت
شنو دار بينها وبين محابس ادنيت عليها
اكلج من باجر اطلع ادورلي شغل .
مديحه؛ليش شفتيني ضميت
علاكة الخبز عنج.
_لا بس انه لازم ارتب اموري
خو ماابقه هيج .
مديحه:ترى انه مو سليمه
اكعدي وانطمي .
_طلعت بدون ماتلتفت عليه
ومرن ايام وانه عله وضعي اخلص نهاري بجي محابس مااجه بعد والغريب سليمه ماحاولت توصلني
يوميه اخابر لخالي ولا رد عليه نبهني من صفنتي صوت مديحه التفتت عليها مستغربه ها شو رجعتي ماردت عليه دخلت بوجهه للمطبخ لحكتها طلعت بطل ماي صكت عليه جنها واحد جان بصحراء وكل ضني الشرطه شحتتهم لان مرات يطلعون عله المسولين سدت الباب ورجعت يمي
حجيت بملل الج نيه تحجين لو شنو .
مديحه:شحجي غير
كون مفتهمه الصار .
_طلعت نقالها مدري عليمن تخابر
ويمكن ماحصلت رد كررت االاتصال وهيه تعلس بااضافرها والخوف واضح عليها هم ماجاوبها
ردت احجي ودك نقالها اشرتلي سكتي
وهيه ترد عله المتصل .
مديحه:يمعود وينك اشكد خابرت.
_سكتت تستمع ماعرف شنو الحديث
الي مخليها مركزة بحيث مانطقت وعبالك
جاي ينطيها تعليمات وهيه تايده بهز راسها
كمزت من لطمت عله صدرها ادنيت عليها
بخوف ولج شكو ماتحجين مو فتيني كلبي
نهت مكالمتها ودارت وجه عليه .
مديحه:مصيبه الفت امج
ولج ماتلام بيها سليمه صدك لو كالت
لاهيه رعنه عله وجه ولا هيه فوصه .
شكالت لروحها من سوت هيج ولج شلون .
مديحه:اليوم المحكمه مال غازي
ودازين عله امج تحجي اقوالها يم
القاضي والطركاعه مغيرة اقوالها.
_منين جبتي هل سالفه
شنو هو لعب .
مديحه:امج الاعبه
وياريت بس هيج لا نوب كايله مانعرف
غازي ولا سامعين بي الي جر ابني للكراج
ولهذا الشغل سويكه ومحابس .
5
من حركت كلبي لطمت كصتي
ضليت ادك عله راسي احتاريت شسوي
لزمت اديه مديحه وحالها مو افضل من حالي.
مديحه:مصيبه هسه لو بس
ناكرة غازي اهون بس تحط
محابس وسويكه .
_بعدني بهول الصدمه واندك الباب
ضلينه نتلفت كامت ركضت مديحه
دخلت جوى،،
صحت عليها ولج شبيج
نثولتي الباب مو امج اباوع عليها شلون البزون عين لداخل البيت وعين للباب من خوفها عله امها انثولت
عرفت وجودي يمها اذيه وهيه تخجل مني كمت اريد افتح الباب جرتني لحضات تاخذ الحيل اتنفسنا براحه من سمعنا صوت سليمه .
سليمه:تفتحن لو اكسرة عله روسجن.
_توجهت انه فتحت الها اول
مادخلت جرتني من شعري.
سليمه:كتلج ابعدي شرج عن محابس كتلج راح تعمين عليه ويروح بداهيه انعل ابوج لابو امج .
_تحجي وتفر بيه شلون الخركه
تسحلني منا وتردني منا دفعتني .
سليمه:بسرعه وين جفنج البسي .
_ماروح لمكان شعليه
ضلت مديحه تتوسل .
مديحه:بس اطينا مجال خل نفهم
ادري هيه شعليه .
_كعدت سليمه فحطانه
ركضت مديحه جابتلها ماي
وسمعنا صوت امها تصيح دخلت جابتها تدفع بكرسيها كامت سليمه بوستها وهيه بس تباوع بوجوهنا.
سليمه:ماكو غير خالج السكط
اكيد اهل غازي دفعوله حته امج تغير اقوالها
بس الي مدوخني ليش حطت محابس
معقوله هم غازي راد يكسره .
_والحل شسوي شبيدي
اذبح امي وانتحر واخلص.
سليمه:كومي كعدتج هنا خطرة
اكيد غازي راح ياخذج نقطة ضعف
حته يلكفونه بيها.
_ومنين يعرف شبيج شني نهار كله
افتر ويا لو مخطوبين.
سليمه:ترى ب١٠ الالف ام دعدوش
تنقل الي يصير بالصعده صورة
وصوت ،،كومي لا اسحل عشيرتج.
_كمت وانه احجي بكلبي
شماردت ابعد يرجعني المصايب
لنفس المكان وعبالك الدنيا حالفه عليه
طلعنه بعد ماتشكرت من مديحه نقالي يدك
مارديت ادري هو الي يخابر منو غيرة دخلنه
للبيت هيه تمشي كدامي وتحجي دك نقالها التفت عليه ماده ايدها .
_صرخت هااا مو كلت انته ماخلاني اكمل.
محابس:وروح امي ياسونه اذا لكفتج .
_هههه يا ام جا غير حته انه عبالي امك
خو كول وروح عمتي ،،سكت ثواني جر
حسرة تندمت عله كلامي حسيته اختنك .
محابس:بعد ما عندج شي تعيريني
بي عمتي وافتخر عواطف الي
محد لمح منها عيب .
_قطعت كلامه اريد اغير الموضوع
كتله ماروح هو انه
هنا وماخلصانه منهن .
محابس:سونه ماجبرتج ام طيبه تغنين
ترى ماناسي سالفتج بس خلي اتفرغلج
ولا انتي خوش بنيه وهنه جرنج ترحين
هناك كم يوم لحد ما تبرد السالفه وغازي
يأايس مني .
_مااروح .
_ماروح خلي غازي يموتني واخلص.
سليمه:ماخايفه عليج بس لخاطر محابس
وترى غازي مايموتج لا بس يقتلج بغير طريقه.
_ام طيبه مااطيقني
وتدرين شلون كارهتني رحمه لامج
خليني هنا وشيصير خل يصير تعبت .
سليمه:ماتحجي وعدها علم بكل شيء
وهناك اامن واكيد ابيتها انتي ماتكدرين
تلفتين انتباه الباشا وراح تخليج بالقاط
الفوك اذا صارت يمها السهرة.
_دخلت للغرفه وانه احجي
والله اذا حاولت تاذيني انعل ولديها
وبعدين انه لا ميته عليه ولا اريده وحته لو غيرة
هم مااغني فكيني منه ومن اي شخص .
سليمه:ام الوصخ شفايتلج ذيج عمتج سلطانه هم جانت تغني وشافها الشيخ الكويتي بحفله واخذها ادعي بلكي يطلع براسج خير .
ام دعدوش:هلا بسورها ونورها
وين العزم اليوم .
سليمه:ههههه حفله وتدرين المزارع
دربها بعيد وهم يراد وقت نرتب حالنه .
_زغرت عيونها بشك وهيه تسال.
ام دعدوش:عاد اذكرنا بشي
اكيد الوجبه دسمه .
سليمه:هاي تبقه يم سونه لان هيه
الي راح تحيي الحفل .
_التفتت عليه مستغربه.
ام دعدوش:يا من شوكت صارت
جا مو عله اساس محابس .
_ماخلتها سليمه تكمل.
سليمه:عيوني الحب لاهل الحب
وهيه مو مالت شخص وطلعتها وياي تغني
ومنا وهيج حته ويه فرقة حملي تطلع .
_جرتني مشينا وعفنا وام دعدوش
بصدمتها،نكتت ايدي منها ليش هيج كتيلها.
سليمه:شوفي انه مااحب شخص اكثر من روحي
بس محابس يختلف ، ولان متاكده غازي واصله
خبر وراح ياخذج طعم يصيده بي فلازم نثبت انتي ماتخصينه وهيج اامن عليج وعليه واذا ماعاجبج كلامي هذا الشارع وروحي وين ماتردين مااكضج.
_تمشي مامهتمه لنضرات النجارين وغزلهم
وصلنه الشارع التفتت عليه رافعه حاجبها.
سليمه:ها شقررتي.
_هزيت راسي بمعنى اي وكفت سيارة
صعدنا طول الطريق هيه تحجي
بصوت ناصي حته السايق مايسمع.
سليمه:هذا الكلام مايوصل محابس
وبالنسبه للباشا طبكي ورقته صاحبه
هو الي راح يفيدج وانتي وشطارتج
اسحبي منه واستغلي الفرصه.
سليمه:اصلا ام طيبه ماراح تخلي
يلمح ضلج وانه اتفق ويه صاحبه
نطلعله وحده بغير مكان .
_اقشمر عليها مدري اقشمر روحي
وصلنه والعجيب ام طيبه تلكتني
ومثل ماتوقعت عزلني فوك وهنه بدن يتحضرن للسهرة وهيج ليلي يخلص والنهار اكضي خدمه لام
طيبه الي ماخلت جوته ولا افراش ماطلعته الي اغسله دك نقالي رديت عليه بحقد.ها مخابر شعجب لو تريد تطمن عله مصالح سليمه .
محابس:انعل ابو لابو سليمه.
_اطمن ماضل شي ماغسلته لام طيبه.
محابس:خدامه ولا رقاصه.
6 ت
_سديته بوجه رجع دك.
محابس:تحمليهن بس اخلص من غازي.
_وبعدين شيصير تبطل شغلك
وين تكعدني بالخرابه لو بيت عمتك الي
الحكومه كل ساعتين دايسته .
محابس:شنسوي هذا حالنه مدام سونه.
_كعدت وانه امسح بدموعي مدري ليش كتله
اذا تبطل ونطلع من الصعده اقبل بيك.
محابس:ابطل واطلع من الدنيا كلها
بس اصبري خاف عبالج عاجبني العيشه .
_جا ليش ضال بيها.
محابس:عيرتيني بعمتي
2 ت
_شهكت وانه اتعذر منه
مو قصدي بس حركت كلبي
صدك امك وين سليمه كالتلي عواطف عمتك
وابوك انكتل وشردتو زين امك اخوانك سمعت
صوت الجداحه عرفته شغل جكارته.
محابس:فكيت عيني للدنيا انه بحظن عمتي
وكل ضني هيه امي ومن كبرت كالو امك جابتك وماتت وهيج همه جذبو وانه صدكت الجذبه مجبور بس الي حطمني شكوت اعيال عمتي عليه وبوقتها نحكمت غيابي ١٥ وشردنا .
_هو يسولف وانه وعيوني تصب
رديت وتبقه شارد زين ابوك ليش انكتل.
محابس:مثل ما انقتل جويسم .
_نشغت بخوف يعني شنو .
محابس:يعني ماادري الصدك وين.
يله انه بعدين هم اخابرج .
_اوكف بس خل احجي وياك
محابس:وكفت.
_زين شراح تسوي
يعني امي جايبه اسمك وحاطه سويكه.
محابس:هاي خالج الصكط يحلها.
_نهى المكالمة بدون ماافهم منه شي
دخت باامري يعني كلام سليمه صح
دربه بي الف سالفه والحل يا سونه
نزلت ادور عليهن شو ماكو
ابنام طيبه جنه بنيه نوب ولا عبالك عايش ويانا
ياكل ويرجع لغرفته لا يسال ولا يعترض باوعلي
هزيت راسي شكو .
!!سويلي اكل
_خوش بس امك وسليمه وين.
!!طلعن .
_حجاها ودخل غرفته يله هيه بقت عليك
طلعت كبه وحضرت صينيه انه هم جوعانه
اكلي وبالي بكلام محابس اجه ابن ام طيبه
اخذ اكله وراح وانه هم اكلت ضليت
كاعده تاخر الوقت وهنه ماكو توني اكوم
واسمع صوتهن اجن يتمضحكن .
سليمه:ولج رجليه .
ام طيبه:غير انتي مصرة عله الملا يدك.
_شمرن
صاياتهن وجنطهن كعدن يستذكرن
كل حدث صاير وياهن بالحفله.
سليمه:بعد اسبوع مابيه اركص.
_ تحجي ودك نقالها باوعت للرقم
عاكده حواجبها ردت عليه تباوعلي.
سليمه:خير شعده خالج.
_ردت عليه وبثواني صار الغلط والفشاير
مثل الطلقه
سليمه: انعل ابوك لابو اختك
لابو راضي ولك عبالك افوتها الك بس اصبرلي
لو ماخليهم يدفنونك بالصعده حته تصير عبرة لكل علاس.
2 ت
_ سدته وكامت وام طيبه تسال بيها.
ام طيبه:شيريد.
سليمه:لا عله صاحب الباشا.
ام طيبه:تدرين خوش بي ضربه
لو هاي تفتهم جان خلصت من الكل .
_تحجي وتااشر عليه.
هزيت ايدي وطلعت من يمهن ايام
وهنه يوميه ناس شكل مرة يطلعن
واكثر الاوقات يسهرون بيت ام طيبه
الراحه والامان صارن حلم
طولت كعدتي عدها وسليمه تروح للبيت
وترجع عليه مديحه تخابرني سمعت ابوي جاي
مديحه:اي شفته امس
بس حاله تعبان ومبين دايخ وكتله
عله الناس الي يسالون عليه ماتفاجئ ولا علق .
_اكيد يعرفهم .
مديحه:وانتي لشوكت تبقين هيج.
_لحد مااموت لان ضمنت موتي بكل الاحوال
اذا تزوجت محابس ننقتل سوى واذا طلعت وياهن
نهايتي معروفه .
مديحه:عله اساس انه افضل منج
ايام امي معدوده وحايرة شسوي.
_اكلج يمكن اجت سليمه
روحي بعدين اخابرج نزلت لكيتها
كاعده بالصاله وام طيبه يمها .
سليمه:حضري روحج .
_هزيت راسي بمعنى اي ودرت وجهي وكل ضني تقصد نرجع لبيتنا صاحت عليه .
سليمه:وين موليه شفهمتي .
_ها غير البس صايتي.
سليمه:اي مو ماخذتج للسوك
امشي سبحي وهاي ملابس شوفيهن عله قياسج
حته اخذج للصالون يعدلون خلقتج الولد راح يجي يسهر هنا وبدون اعتراض هو اصلا عاجبه بس صوتج.
_هزيت راسي بمعنى اي
اخذت الغراض من يمها
دخلت للحمام وانه اصفك بوجهي راشديات
لاتبجين ،،دوسي عليهن شوكت تقوين واذا محابس رايدج يعوف كلشي ويشرد بيج ،،احس عيوني وجعني سبحت وطلعت ماعلقت عله اي كلمه ولا اعترضت خذتني للصالون استلمني اباوع مو انه ولا خلقتي حاسبتهن سليمه وطلعنا .
سليمه:اكثر شي يضعف المراءة هو الحب
وبالاخص الي مثل حالنه واذا فعلا رايدج
يسوي المستحيل خليها ترجيه بأذنج محابس دربه
عكر وبي تعب وضيم ونهايته بس الله يعلم بيها
ومااكلج لا وتكدرين منا وترحين بس فكري بي
ترى تصيرين سبب بموته .
_هو انه اعناد بي راح اطلع للشغل
واذا يريدني ياخذني ونشرد .
سليمه:خوش فكرة.
_رجعنا لكينه ام طيبه محضرة الصاله
لليل اجه الي حته اسمه ماعرفه وليش ينادنهم باالقاب مااعرف نضراته مو راحه طول كعدتنا
هو يحاول يتقرب يمي وابعد عرفت لا غايته
صوتي ولا يحب الطرب خلصت اليله
وبعدها اجه كم مرة والمصيبه يدفع بخبال.
سليمه:اليوم نرجع لبيتنا
لازم نثبت لغازي انتي ماتخصين محابس
ونسوي كم سهرة هناك .
_رجعنا وبدت سليمه تشيع بالشارع
سونه مثل سلطانه وسمع محابس الي مثل الخفاش بالنهار محد يشوفه وبليل يدخل علينا غفل.
محابس:تغنين.
_عندك غير حل.
محابس:كتلج بس اخلص من مصيبتي.
_ياهي منهن هن هواي
هز راسه تمام ودار لسليمه.
محابس:بلغي راضي اريده يحضر العقد.
سليمه:خوش شوكت.
محابس:عكب باجر.
_حجها وطلع بدون مايلتفت عليه
باوعت عليها.
سليمه:لا تباوعيلي انه مالي شغل
العليه ابلغ ابوج وانتي شدي حيلج
لركضاتج بين الدرابين.
_يمكن محابس بعده ماوصل للركن
وبابنه تفلش عرفت الحكومه
ركضت سليمه فتحتلهم دخلو مثل الدود ترسو
البيت نفشو نفش .
سليمه:خير سيدي .
_التفت عليها بشك .
الضابط:الملقب محابس جان يمج.
سليمه:محد من ولد الشارع
يدخل علينه.
_بعد سوال وجواب طلعو.
سليمه:ها سونه شنو رايج.
_يروح يدورله
مكان حته لو بغداد اشرط عليه
مانزوج اله نطلع منا.
سليمه:خوش حجي .
_ثاني يوم فزيت عله صياح امي
كمت وما استغرب جيتها .
نجيه:كتال اخوج ولج شكد صلفه انتي.
3 ت
_هدت عليه لزمتها سليمه .
كعدت بدون اهتمام
وما سالتها منين سمعت لان اكيد سليمه .
نجيه:ادفنج ويه جويسم ومااطيج لمحابس
هسه رايحه للمركز اخبر عليه .
2 ت
_خوش روحي اذا لزمو
يطبه مرض ،ضلت تهدد وتغلط .
طلعت وهيه تتوعد .
سليمه:ابوج جاي
اطي خبر لمحابس .
_التفتت عليها وانه مبتسمه
ليش حته تعلسينه .
سليمه:مو انه نجيه .
2 ت
_تمام خابري انتي
عفتها وتوجهت للمطبخ
اسمعها تحجي ويا للعصر اجه ابوي وشكد كرهت روحي لان مرتبط اسمي بااسمه بدون مقدمات جلب براسي ولا دافعت عن روحي ولا حاولت اشرد منه
جرته سليمه .
راضي:خليني اموتها واخلص
عفتي الناس كلها جايبه محابس
الي بكل محافظه ومركز عليه دعوى.
_وانه افضل منه بشنو
خل يولي محابس اخذني وياك.
راضي:وين اخذج وانه طاحت
عليه مصيبه
مااخلص روحي منها .
_ضل يصيح مااهتميت ولا سالت
شنو مشكلته دخلت للغرفه وسليمه
بقت تحجي ويا ماركزت بكلامهم
قفلت الباب وكعدت اتاني وين يصفى بيه الوكت.
من دكت الباب عرفت محابس اجه دخل وصوته سابقه سلم عله ابوي كمت اريد اسمع رده .
راضي:تدري بيه احبك وحاسبك مثل ابني
بس شلون تقبل اطيك مرة وانته مطلوب .
محابس:محد يموت ناقص عمر وعقدي عليها
يحميها بس لحد ماارتب اموري .
راضي:وانه ماراح اردك وهيه الك
كمل امورك وتعال ولاتنسه امها خاف تروح تشتكي علينا وهم سونه قاصر لاتفيد شهادتها بحقنا ولاشي
والجنسيه عد امها.
_عرف هذا مو كلام ابوي
وسليمه لقنته رد عليهم.
محابس:نعقد شيخ
وبعدين نصفي امورنا.
راضي:خوش اطيني مجال اودي عله نجيه.
محابس:تمام يله اترخص .
_طلع محابس وابوي استلمني
غلط مارديت عليه الباب مال الغرفه مقفول لثاني يوم واسمع هوسته ويه خالي بالتلفون ايست ترهم
سالفتي وادري هذا كله فن سليمه لزمت نقالي خابرته
رد وكل ضنه ابلغه يجي .
محابس:ها ام اعطوب بشري.
_عمتي سلطانه جانت تغني
والكل يعرفها تطلع لاخر الدنيا
بس ولا مرة سمعت عنها مثل سليمه .
محابس:اي صح كلهن عماتج.
_جانت طالعه بحفله
وتعرف الحفله بيها اكثر من
شخص ،،وجانن يركصن .
محابس:يعني شنو.
_وحبها الشيخ
الي الناس تسولف بي وبخيرة
واهله وضل سنه هو يركض وراها لحد مااخذها.
محابس:تردين تغنين وانه
اضل متفرج وشنو رايج نجمع
افلوس الكيت ناجر بيهن مكان
بت المطي اشتغل بالممنوع بس مو كو.....
_ولا اخسرك وتروح
مثل ماراح جاسم
اذا سليمه ماعلستك
امي وابوي وخالي
يسلمونك .
محابس:سليمه
ماتعلسني .
_بس تدفع ابوي وامي.
خليني اوجع كلبها وكلب ام طيبه
اريد اراويهن الي مايتوقعنه خلص امورك ونشرد
راح احاول اجيب جنسيتي.
محابس:اعدمج لو سمعت
ديري بالج سونه ماتكدرين ياكلنج
ويسلمنج وتخسرين تبيعج وانته نايمه.
_انتحر اذا
خليتها توصلني للي هيه بي
اله ابجيها دم خاف عبالك انه ثوله .
محابس:بس يروح ابوج اجي عليج
اخذج وامشي.
_سده بوجهي
شمرت نقالي ودنكت عضيت المخده
اصرخ بدون صوت،،مرن ايام امي تحشم بصفحه
وابوي يهدد وسليمه ماخذه دور المتفرج
وفاعل خير طلعت التفتو عليه مستغربين .
راضي:الحكومه هجمت الشارع
يدورون عله عريس الخرابه بت الكلب.
_بلغو ماريده ومن اليوم
اطلع حفلات وها بس اغني
حجيتها وتعديت للحمام ضلو واحد يباوع بوجه الثاني عبالك اجاهم فرج ابوي بنفس اليوم رجع لبغداد وماعرفت الناس الي يدورون عليه
امي ماوصلت بعد سليمه ملتزمه الصمت تطلع وترجع
مااسالها عن شي غلقت نقالي وحته مديحه ماتواصلت وياها بين يوم ويوم الحكومه تفوت للشارع وادري هاي رساله موجهه الي لان بيوم الي عدها سهرة ماكو طير يوصل الصعده كعدت تبرد بااضافرها .
ماخليتها تكمل
رديت وانه ادنك عله الريمونت مال البلازمه
اي خل يجي هنا ،،طلعت اغاني وبديت اتمايل
تحت نضراتها الي بيها الف معنى غيرة استغراب .
سليمه:خوش بس ترى ويا الباشا
بعد ماكو داعي افهمج حاولي تحسسينه
انتي رايده صاحبه.
_طفيت البلازمه التفتت عليها
صدك نسيت اسالج ابوي منو يدور
عليه وليش شارد؟
سليمه:شمدريني شمصخم متهمينه
بأغت صا....
_خوش بلكي
يعدمونه .
سليمه:لو ماهو مالفيتج.
_هههه
ضحكتيني خاف تحبينه؟
سليمه:لا بس يبقه بيته.
_الي سجله بااسمج؟
سليمه؛بس ماطردتكم؟
_لو طاردتنا احسن.
سليمه:ومالازمتج .
_لو عندي مكان مابيقيت يمج.
عفتها تفور لليل حضرت نفسها
اجت ام طيبه الي لاتكبر ولا تتغير يوم
بعد يوم هيه تصير احله .
سليمه:روحي عدلي خلقتج.
_ترى اغنيلهم موووو!!
وانتن مامقصرات
كفختني وهيه تتوجه للباب دخل الباشا الي
عيونه ارتكزت عليه سلم اكتفيت ببتسامه
بس الي فاجئني دخول صاحبه وشخص ثالث وياهم
ركضت للغرفه اجت وراي سليمه .
سليمه:وين وليتي.
_مااتفقنه هيج .
3 ت
سليمه:وشنو الفرق اذا زادو خاف
الاغنيه تصير طويله .
2
_جريت البرده وفتحت الشباك عله النص
قربت الميز وكعدت حجيت مسمعتهم هنا
ماضن اكو فرق بكل الحلات تسمعوني
مو اله اكعد بنصكم .
سليمه:سهله بت نجيه.
_عافتني وطلعت
رد الباشا .
الباشا:تمام هيج افضل
_وهاي اليله الي
جرت ورها ليالي
والباشا عبالك يسمع بعيونه طول ماانه اغني
هو يباوع للشباك سكتت من اندك الباب ضلو واحد يباوع للثاني ركضت قبل ماتكوم سليمه اشرتلها ابقي انه رايحه اكيد واحد من الجوارين .
الباشا:عوفيهم يولون.
_مارديت لان اعرف منو
بس فتحته جرني نزلني الدجه يسحل بيه.
محابس:صوتج واصل للركن
سونه شوصيتج.
_ولك هدني شبيك
تخبلت منا الولد وانه مالابسه.
محابس:شتلبسن
الستر مو حجاب .
_ادفع بي وهو عبالك لازم
كونيه ويسحل بيها اتلفت
خفت احد من الي كاعدين عدنا يطلع وراي .
شمرني بصف بيت صوله نكتت روحي
اي نزعته وهذا الشي مو غريب ولا ماتعرفه كارنا من زمن بيبيتي شوفلك وحده مستورة .
محابس:خوش خوش
سهله بت المطيبيي.
_التفت يباوع بالشارع
بعده مامدنك عليه صار صوت ركض صوفرو ولد المنطقه وهاي اشارة يعني اكو شي دفعت ولك روح المن اجيت امشي .
محابس:راجع لا عبالج تخلصين.
_عافني وركض رديت ايدي عله حلكي
اضمضم شهكتي دخلت لاكتني سليمه بالطارمه.
سليمه:ها راح .
_هزيت راسي جرتني للبوري
الي يم الماطور.
سليمه:غسلي وجهج
ولا تخلين احد يعرف ترى يلزموها
عليج نقطه ضعف راح ادخل كدامج كولي
ام مديحه متخربطه واجت عليه .
_اريد الشهكه تروح
ادموعي شبيهن مايرضن يبطلن
اغسل بوجهي رغم الجو بارد والماي ثلج
بس ماطفو نار روحي دخلت وهمه يسألون
بس كتلهم جارتنا متخربطه دخلت متهربه من نضرات الباشا الي مااقتنع
سليمه:لا هيه ميته ولا صاحيه
يوميه متخربطه وضاله مديحه ادكك بالبيبان.
_حاولت سليمه
تاكد الموضوع .
سليمه:لا هيه ميته ولا صاحيه
يوميه متخربطه وضاله مديحه ادكك بالبيبان.
الباشا:خو جان كلتو
اخذها بسيارتي .
_كعدت بنفس مكاني
وهو يحجي وعيونه للشباك الولد والويا
كامو يردون يرحون التفتو عليه اشرلهم روحو.
الباشا:ساعه واتبعكم
نلتقي يم ابو حيه.
_مدري ليش الاسم معلق ابالي ابو حيه
منو وليش دوم يذكرونه وليش القاب مو اسماء.
نبهني من صفنتي ضحكات ام طيبه اباوع شلون
تدلع وهو عيونه ملعكه يمي نعست سديت الشباك وقفلت الباب وتمددت لازمه النقال واخاف اخابر وانفجع بخبر لو ملزوم لو مقتول غفيت وانه اتحسر .
سليمه:ولجج سونننه بت الكلب.
_كعدت مخترعه
فتحت الباب بخوف هاا هاا لزمو.
1 ت
سليمه:هو ياهو بت التالف.
_محابس شبي .
سليمه:ولج ياقنادر
ولو نهايته عله ايدج ،، نايمه لهسه والبيت ضال
لو مافزه انه جا بقينه لليل .
_باوعت للصاله
الهوسه مال اليل بعدها
البطاله والاكل تارس الكاع
كعدت عله قنفه وهيه مستمرة تحجي.
سليمه:كومي انجري لمي هاي الهوسه.
_رفعت راسي باوعت عليها
وانه شكوو ماكله شاربه وياكم
كاعده يمكم بيتج وانتي لمي نضفي.
2 ت
سليمه:شنووو وانتي وين كاعده
_جاي تاخذين مني النص
واذا تحسبين كعدتي،، ف هم شغل البيت
بنص انه كايمه اغسل المواعين وانتي لمي الصاله.
سليمة:شنووو .
_اي مثل ماسمعتي
واذا ماعاجبج اروح اشوفلي مكان
وعود من تصير عندج سهرة دزي عليه
واجي حالي حال ام طيبه.
سليمه:وين تمشين وغازي
يفتر عليج ومحابسرلازم الركن.
_بالتقاطع
بالكراج وين ماجان وياريت غازي يسوي عليه
فضل ويموتني ومحابس يطبه مرض مامشغلته انه
عفتها وكمت ضلت تصيح مارديت عليها غسلت المواعين ودخلت للغرفه اخذت نقالي دكيت عله مديحه ماردت سويتلي اكل وهيه احتارت شتحجي.
سليمه:صار شكد انه ملفيتج
وياما اشتريت وانطيت هيج تالي.
_وخدمتج
وردت اضل جوى ايدج
وماعتقتيني.
سليمه:شوفيلج مكان .
_كمت اخذت صايتي ونقالي وطلعت
لحكتني للباب جرتني .
سليمه:لو ما هذاك السافل
جا ديحتج طبي.
_دفعتني دخلت وهيه راحت لغرفتها
كمت نضفت الصاله وهيج الايام تركض عله اجروحي وادوس بيه محابس ضل شارد
والباشا هو وصاحبه ماينعرف الي بينهم يكعدون سوى بس اكو شي غريب بينهم غيرة مدري زعل
ماعرفت عيني للتلفزيون وبالي يمها تحوس اعرف سوالفها تريد تحجي ومتردده تالي طكتها.
سليمه:اذا تحبينه
احمي .
_التفتت عليه منو .
سليمه:محابس
_موديته
يبوك لو مشغلته
لو انه عرفته عله سويكه وغازي .
سليمه: اخوج الي ورطنا وزادت الطين بله امج
اشتكت عليه وهو لو ما انتي مايدخل نفسه .
_وشنو بيدي ترى توسلت بي
يبعد هو حاشر نفسه.
سليمه:وما راح يبطل منج
والخطر حته عليج ترى.
_والحل .
سليمه:لا تطينه وجه وبينيله انتي
عشكتي واحد من الناس الي تدخل علينا.
_هزيت أيدي
عود هو زوج وتمشي عليه سوالفج
كمت اريد اطلع صاحت عليه رجعت هااا
ماردت عليه لان دك نقالها ردت بنفس طريقتها المعتاده نهت مكالمتها وشمرته والتفت عليه
سليمه:جن حظج مثل عماتج
شلون ماشوف هذا يتزوجج .
_هو منو لااعرف اسمه ولا عنوانه
سليمه:وتردين اطلعيله بيان ولاده
دمشي حضري روحج.
1 ت
_وكفت محتارة هزت راسها يله.
بعدني ماخطيت رد نقالها دك
ضليت واكفه دنكت وكل ضنها نفسه
الشخص اتصل
باوعت للرقم وردت تباوعلي.
سليمه:شعجب مخابرني .
_هو منو .
تجاههلت سؤالي وردت بمياعه .
سليمه:هلا بالغالي اكول كلبي دك
ويه دكات النقال.
_حجيت بكلبي
احلف ماعندج غالي ولا عزيز
سكتت وتعابير وجها تغيرت
مثل واحد جاي يرزلون بي
نزلت النقال من اذنها وكعدت عله القنفه تصفن
تقربت عليها شنو صار شبيج منو الخابرج.
سليمه:الخال.
_ياخال.
سليمه:الي توسطنه ابو المزرعه
_هزيت راسي اي
وشيريد .
سليمه:بس شعجب وليش نفس اليوم.
_روحي قابل اول مرة رايحه اله.
سليمه:انكلعي غير انتي وياي مو هذا
رادج ونفس المكان .
_بدلت طلعنا
اتلفت خايفه لا يلكفني وماريد احد يشوفه
لحد ماوصلنه للمزرعه دخلنه مثل المرة السابقه
بس الغريب هل مرة واحد من حراس الباب
يمشي ورانا دخلنه للصاله الي بمقدمته المزرعه
التفت سليمه بخوف من الحارس جر الباب سده
سليمه:مدري ليش مامرتاحه.
_رفعت راسي للدرج نزل الخال
كامت سليمه تلكته وقبل لا توصل يمه
صفكها تكومت بالكاع
من خوفي ركضت للباب التفت
عليهم رادات تكوم تقرب خله رجله
عليها بقت عله نفس وضعها .
الخال:تلعبين وتخططين بكيفج
وتشعلين النار بينهم حذرتج لو لا.
_يحجي ويحرك رجله بطريقه
اهانه لان لابس حذاء لزمت رجله وهيه تتوسل ابتعد عنها تمشه سحب واحد من الكراسي كعد عدلت نفسها سليمه وكعدت كباله .
الخال:تلعبين وتخططين بكيفج
وتشعلين النار بينهم حذرتج لو لا.
سليمه:ابد ولا الي علم لو قصد
بس همه الي .
الخال:اشششش ماريد كلام زايد
تحليها وبدون لغوة .
_قطع حديثه صوت نقال مدري لاسلكي.
شاله واجه صوت واحد .
!!استاذ ابو حيه بالباب.
الخال:خلي يدخل.
_رجع الجهاز لمكانه وكام .
الخال:اطلعي من الباب الخلفي
مال المطبخ وحسابج بعدين
كل هذا وانه واكفه مثل الصنم يم الباب التفت عليه
دنكت بخوف اشرلي اتقرب ادنيت يمه ورجليه وحده اطك بالثانيه شال ايده كمزت عبالي راح يطكني.
الخال:ام اعطوب مواهبج هواي
_مد ايده لجيبه طلع فلوس بدون مايحسبهن
سحب ايدي خله بيها المبلغ كامت سليمه بسرعه توجهنا للمطبخ من الباب الخلفي و طلعنه
نركض التفتت اريد اشوف الشخص الي نزل من السياره مالحكت ،،جرتني تركض بيه وساعه احنه بالشارع يله عبرت علينه بيك اب صعدنه وصلنه مسافه ونوب هم اخذنه سيارة الطريق كله هيه مانطقت حرف وما استغربت وكفته صاح وهو
منتجي عله حايط .
محابس:وين جنتي .
_رديت بنفس الصوت
معليك من تنفذ الاريده عود اسال
تقدم يريد يلزمني اشرتله سليمه ماعرفت شنو
بسرعه التفت للشارع انسحب وهو عينه عليه .
سليمه:امشي بسرعه.
جنج ماتشوفين .
_شكو شبيج.
سليمه:اكو كمين بالشارع
باوعي للنصافات .
_واكفات وعيونهن
متشخصه صوب الكراج ماكدرت التفت لو اسال
لحد مادخلنه للبيت صحت فهميني شنو السالفه
وشلون عرفتي .
سليمه:حربا اشرت براسها
تحذرني الضاهر ماكدرن يتحركن من مكانهن ويحسون هنه الي خلنه يفلت وساعتها يصفونهن.
_خوش هاي عرفناها والخال عله
كولتج ليش سوى هيج
وعبالك ذكرتها بسرعه طلعت نقالها وخابرت.
وهل مره نبرتها تحتلف سولفت للشخص الصار يم الخال.
سليمه:احنه ناس نتختل من الطلايب
وافضل حل بعد مالكم كعده يمي وبالنسبه
لسونه ماتقبل تطلع لغير مكان.
_اتنفست براحه واخيرا
خلصت منهم حاولت ارجع
وياها مثل قبل كمت سويت الها كهوى ونضفت وكل امل نخلص من هل مصيبه ايام وهيه ماطلعت ولا ردت عله اتصال خلصناها نوم اكل سوالف الشارع زاد سوء
والحكومه بكل ساعه داخله غازي موزع جماعته حته يلزم محابس اجت ام طيبه وجها مايتفسر .
سليمه:خير شبيج.
ام طيبه:دز عليه الخال ونكتني نكت
والباشا راسه والف سيف السهرة تكون يمج .
2 ت
سليمه:ماادخل اي بشر لبيتي خلص
راح نرجع نشتغل ويه حملي وحته
سونه تطلع وياي.
_ضلن يداهرن طلعت ام طيبه زعلانه
صفنت بكلامها طلعتي ويه الفرقه افضل
هذا انسب حل خابرت لابوي كالتله
ايد السالفه طلعت كم مرة وماواجهت
مشاكل نرجع بوقت متاخر وبيوم
الفرقه دزو علينا عدهم حفله
حضرنا روحنا وطلعنا .
سليمه:ماوصيج ابد لا تتحركين من يمي.
_طول الطريق هيه تنطي تعليمات
وصلنه مزرعه وناس مبين عليهم العز
محضرين الجلسه والفرقه كامله
بديت اغني والبنات يركصن بس لفت انتباهي
الموجودين مامهتمين للامر انطونه فاصل حته نرتاح والي ياكل ورجعنه من جديد ضلو يطلبون اغاني معينه
سليمه:ماوصيج ابد لا تتحركين من يمي.
سليمه:هاي اخر اغنيه حته تروح .
_بعدني ماراده عليها
وصاح واحد منهم .
!!غني بس تعالو
اهداء خاص للباشا .
_توجه عليه بيده ضبه مال فلوس شمرهن
يمنا واشر بمعنى بلشو التفت عله سليمه
الي عيونها ادور بالمكان ندستها شنو .
سليمه:مااضن يجوز هم واحد
يصيحوله الباشا غني معوده .
_بديت اغني رغم هل الاغنيه توجع روحي
وتفزز كل جرح بيه غمضت عيوني لمقطع الذكرى العزيزه حاولت ماتنزل دموعي حسيت بايد تسحب
المايك مني رفعت راسي بصدمه واكف ونفس الابتسامه مرسومه عله وجه ونضراته بيهن الف معنى.
التفت عله موجودين وصاح .
الباشا:من رخصتكم بس حاب اسمعها
عله انفراد وبدون فرقه .
_كل عيون الموجودين تحولت عليه
اتمنيت اختفي اشر كومي غمزتلي سليمه
كمت اتعثر بعدنه عنهم شويه وكفت كباله.
الباشا:طبعي مااحب احد يشاركني.
_وكريم منصور جان يغنيها
بس يمك .
_وانه وماريد اغني بطلت
اعتزلت .
_نضراته تقرء تعابير وجهي
تقرب بسرعه بعدت وانه احجي
بأارتباك وخوف عفيه خلينه نروح
الباشا:شنو رايج مااطلعين
حفلات وانطيج الي تحصلي.
_واصير مالتك.
الباشا:وشنو الغلط خو افضلج
من ماتكونين للجميع.
1
_وانه مو ام طيبه
وخاف عبالك اطلع مثلهن
حدي الحفله وارجع ويه الفرقه .
الباشا:اخليلج بيت خاص بيج
ومحد يوصلج .
18 ت
_كتلك
مافيدك ولا اصير مالتك.
الباشا:خاف مالت
محابس .
_هزيت أيدي ردت امشي
جرني مرجعني كباله.
الباشا:تحبي.
_سكتت .
الباشا:احجي الصدك واعوفج ترحين.
_تقدمت عليه استغرب تصرفي
عكد حاجبه يباوع عليه
وتصدك اذا كتلك مااحب حته روحي .
الباشا:يعني تحبي .
2
_التفت ينضر لمكان اضلم
خفت عبالي يريد ياخذني اله طلع تلفونه اتصل
وعيونه متركزه بنفس المكان اخذني الفضول اباوع بتجاه نضراته ضهر ضوء خفيف مبين مال نقال .
1
الباشا:ابو حيه هاي انته هنا.
_مدري شنو رد عليه الشخص
غلق نقاله رجعه لجيبه والتفت عليه.
1
الباشا:باجر السهرة يمكم.
_عفته ومشيت بس ابتعدت درت
وجهي عليه وصحت مسمعته تحلم.
الباشا:انه من الناس الي
اتحقق امنياتيها قبل لاتحلم.
طولت عليكم
لكن اتمنى تعذروني وتقدرون تعبي
هذا قسم من البارت وانتضرو البارت الجاي
اذا مو باجر البعده ينزل .
الله شاهد مريضه جدا
هذا اعتبرو هديه مني الكم
البنات الي تعليقاتها بيها تجاوز اتمنى تنتبهون .
شكرا لزيارتكم عالم روايات سكيرهوم
