رواية بترت أجنحتها الفصل التاسع عشر 19 بقلم اسماء ايهاب

تصلب جسده و شعر بالبرودة تضرب اطرافه بقوة  ابتلع ريقه بصعوبة و هو ينظر إليها بصدمة و ذهول ، ابتسمت بسخرية و شفتيها ترتجف ببكاء دموعها تغرق وجهها شهقت بحدة تؤلم قلبها و تقدمت تقف أمامه تنظر اليه بحزن و ألم حتي تحدثت اخيراً بأختناق :

_ متخافش مش هبقي لك ابن مني انا مبخلفش 

تلفت اعصابها و أغمضت عينها بارهاق شديد لـ يمسك بيدها متوسلاً و هو يتحدث اليها :

_ نورسين اهدي محصلش اللي في بالك و الله انا محطتش منه حاجة ليكي 

نفضت يدها عنه و رفعت شريط العقاقير الطبية مرة اخري امامه لـ تريه انه فارغ من عدة حبوب و هي تصرخ به بغضب :

_ و دول راحوا فين 

ثم تحدثت بسخرية و ملامحها تشع غضباً منه قائلة :

_ و لا اخدتهم انت 

ابتعدت عنه و هي تنظر اليه بازدراء لـ يتحدث اليها و هو يتقدم نحوها :

_اسمعي بس انتي مش فاهمة حاجة 

صرخت بجنون و هي تري حالته الهادئة و كأنه لم يفعل بها شئ و لم يؤذي نفسها قط :

_ افهم اية اكتر من كدا كنت فاكراك بني ادم مختلف طلعت مش بني ادم اصلا انا و انت لازم نطلق حالاً 

ولته ظهرها و مررت يدها بعنف علي وجهها و شعرها التي جذبته بعنف ثم التفتت اليه من جديد و تحدثت اليه باحتقار :

_ عارف علي الاقل منير كان مبين حقيقته قدامي مش لابس قناع زيك 

صرخ بها بغضب و هو يشهر سبابته امام وجهها :

_ متحطنيش في مقارنة مع الزفت دا انتي متعرفيش حاجة 

دفعته بصدره و هي تتحدث اليه بضيق :

_ و لا عايزة اعرف و سيبني في حالي و روح لحبيبة قلبك اللي تحت 

ذهبت نحو الباب و ما كادت ان تفتحه حتي وضع يده عليه حتي لا تقدر علي فتحه و تحدث اليها من بين اسنانه قائلاً :

_ قولتلك هتسمعيني يعني هتسمعيني

وقف امامها و من ثم فتح الباب لـ يري هل من احد بالخارج تنهد حين لم يجد احد و اغلق الباب من جديد و التفت اليها و هي تصرخ به بجنون :

_ مش عايزة اسمعك و ابعد عني بقي انت اية مش بني ادم 

تأفف بضيق و هو يقترب منها يحاول ان يمسك بيدها متحدثاً :

_ ايناس متفقة مع منير انها توقعنا في بعض عشان تبعدي عني و هو يرجعك بطريقته 

ضحكت بسخرية و هي تضرب يد بالاخري قائلة :

_ انت بتقول اية .. انت كداب الشريط دا كان في مكتبك 

ركلت قدمه بغيظ و هي تدفع عن الباب قائلة :

_ و هي كمان ايناس اللي جبتلك الشريط دا و قالتلك حطه عشان نوقع بينكم اضحك علي واحدة هبلة بالكلام دا 

ما ان خضع لـ دفعتها لـ تفتح الباب سريعاً و نظرت اليه باحتقار قائلة :

_ انا كرهتك بجد

حاول التحدث معها مرة أخري و منعها من النزول الا انها كانت الاسرع و ركضت سريعاً الي الاسفل لـ يدلف مرة اخري الي الغرفة غالقاً الباب بقوة و جلس اعلي الفراش يدفن رأسه بين راحتي يده و صرخ بغيظ شديد ثم وضع يده بجيبه يخرج هاتفه و يتحدث الي عاصم بجمود قائلاً :

_ ابعتلي الفيديو بتاع ايناس و منير و ياريت تجيب الراجل اللي كان بيراقب منير 

سأل عاصم باستغراب :

_ لية في اية حصل حاجة 

تأفف قائلاً قبل ان يغلق :

_ اعمل اللي بقولك عليه يا عاصم 

امسك بالحبوب و نظر اليها و هو يشعر بالاختناق الشديد و كأن الجدران تطبق علي صدره و لا تضع له مجال للتنفس لـ يلقيه مرة اخري و يتوجه الي الشرفة لـ يستنشق الهواء و يثلج صدره قليلاً 

***********************************

فتحت باب غرفة فريال و هي تبكي بحُرقة و قلبها يتمزق من الألم نظرت اليها فريال بفزع و هي تسألها : 

_ مالك يا نورسين بتعيطي لية 

جلست علي الفراش الي جوارها و تحدثت بصوت مختنق باكي :

_ انا عايزة أطلق من فريد

مسحت فريال دموعها بيدها و هي تقول باستفسار و قلق من حالتها :

_ اية اللي حصل يا نور ؟ انتوا كنتوا كويسين 

ارتجفت شفتيها ببكاء و هي تتحدث بحزن شديد :

_ كل حاجة انتهت يا فريال انا هطلع الاوضة فوق ممكن متخليش حد يطلعلي 

حاولت فريال رفع نفسها عن الفراش و هي تقول : 

_ طب ساعديني اطلع معاكي 

وضعت نورسين يدها علي كتفها و هي تتحدث بهدوء :

_ لا يا حبيبتي خليكي 

ثم احتضنت بقوة و هي تتوسلها ببكاء :

_ فريال ممكن تخليكي جنبي 

ربتت فريال علي ظهرها و هي تتحدث اليها بحنو :

_ انا معاكي دايما يا حبيبتي متقلقيش و ان شاء الله كل حاجة هتتصلح 

ابتعدت عنها و هي تمسح دموعها قائلة : 

_ اللي اخوكي عملوا ميتصلحش يا فريال 

تأففت فريال و هي تتحدث بضيق :

_ طب لية مش عايزاني اعرف يا نور 

وقفت نورسين عن الفراش و تحدثت و هي تغادر :

_ معلش هتعرفي بعدين 

صعدت نورسين الي الاعلي دلفت الي غرفة فريال سابقاً و اغلقت الباب جيداً عليها و جلست علي الارض تبكي من جديد مستندة ظهرها علي الباب .. فتح فريد باب غرفة فريال و تحدث باندفاع متسائلاً حين لم يجد نورسين معها :

_ نور فين يا فريال 

اشارت الي الاعلي و تحدثت بضيق :

_ طلعت و مش عايزة حد يقربلها ممكن اعرف اية اللي حصل عشان تبقي كدا 

تنهد فريد و هو يعبث بخصلات شعره قائلاً :

_ عرفت الموضوع اللي قولتلك عليه 

ضربت بكف يدها علي الفراش و قد ظهر علي ملامحها الحزن الشديد قائلة :

_ استغفر الله العظيم عشان كدا قولتلك قولها يا فريد 

_ اللي حصل بقي يا فريال

صعد علي الدرج سريعاً و وقف امام باب الغرفة طرق بقوة عليها و حين استمع الي شهقات بكاءها تحدث بنفاذ صبر :

_ نور افتحي نتفاهم 

صرخت بصوت عالي و كادت احبالها الصوتية ان تتمزق و هي تصرخ به :

_ ابعد عني مش عايزة اسمع منك حاجة طلقني بقي و ابعد عني 

قبض علي يده و طرق بقوة شديدة علي الباب ثم التفت ينادي بصوت عالي :

_ متولي يا متولي 

صعد الاخر اليه و هو يجيبه قائلاً :

_ ايوة يا فريد بيه

صك علي اسنانه بقوة و هو يتحدث اليه بصوت منخفض :

_ ايناس تتحبس في مخزن المطبخ تحت بسرعة و خد منها التليفون 

هز رأسه بطاعة قائلاً قبل ان يذهب :

_ امرك يا بيه 

************************************

خرجت من المرحاض و هي تجفف وجهها من الماء لـ تشهق بفزع و هي تراه امامها نظرت باتجاه الباب لـ تجده لازال مغلق صكت علي اسنانها و القت المنشفة علي الارض و تقدمت منه ترفع حاجبيها الي الاعلي متحدثة : 

_ انت دخلت هنا ازاي 

اشار برأسه نحو الشرفة و هو يقول :

_ مش راضية تفتحي دخلت بطريقتي

وضعت يدها بخصرها و مالت الي اليسار قائلة :

_ و عايز اية بقي ان شاء الله 

ثم اشارت الي الباب و تحدثت بغضب :

_ ممكن تطلع برا يا فريد بجد مش طايقاك و مش عايزة اسمع منك اي كلمة 

اقترب منها و لاعب حاجبيه قائلاً بمشاكسة :

_ قمر حتي و انتي متعصبة 

دفعته من جديد و هي تصرخ :

_ اطلع برا

تنهد بقوة و اعاد خصلات شعره الي الخلف ثم انحني و حملها علي كتفه و هو يتحدث اليها قائلاً :

_ لا مش طالع انزلي معايا و هتشوفي و هتسمعي بنفسك 

طرقت علي ظهره بقوة حتي ينزلها و لكنه اصدر صوت منه لـ تصمت قائلاً :

_ هشششش مش عايز اعتراض نهائياً اسمعي الاول 

نزل بها عن الدرج و هي تتحدث اليه من بين اسنانها بغيظ و غضب :

_ نزلني مش عايزاك تلمسني .. نزلني بقولك 

فتحت باب مكتبه و انزلها به و تأوة بألم زائف و هو يقول بمزاح :

_ انتي بقيتي تقيلة كدا لية بقيتي كام كيلو 

زمت شفتيها و هي تنظر اليه بحدة و ما كادت ان تتحدث حتي اتي صوت عاصم من الداخل قائلاً :

_ ازيك يا نورسين 

هزت رأسها بايجاب قائلة :

_ الحمد لله 

جلست اعلي الاريكة لـ يشير فريد الي عاصم قائلاً :

_ هات الفيديو 

اتي عاصم بالمقطع المرئي المصور لمنير مع ايناس لـ يأخذه منه فريد و اشار اليه ان يخرج ثم قدم لها الهاتف حين اغلق عاصم الباب خلفه قائلاً :

_ اتفرجي و اسمعي بودنك 

استمعت الي اتفاق ايناس بالتعاون مع منير و انها ستأتي له بكل اخبارهم له مقابل الاموال لـ تنظر الي فريد متنهدة و هي تقول :

_ و دا اية علاقته باللي انت عملته 

جلس الي جوارها علي الاريكة و اشار الي الهاتف قائلاً من جديد :

_ كملي الفيديو للاخر 

تنهدت بضيق و اكملت مشاهدة المقطع المرئي لـ تستمع الي صوت منير و هو يظهر من ظهره و كأن من كان يصور هذا الفيديو كان خلف النافذة العليا خلفهم :

_ خليكي مراقباهم يومين كمان لقيتي الوضع مستقر كلميني و انا هقولك حبوب منع الحمل و لا مخدرات 

انتهي المقطع لـ يتحدث اليها فريد قائلاً :

_ شغلي الفيديو التاني 

عبثت بالهاتف و ضغطت علي تشغيل مقطع مرئي اخر لـ تقول بضيق :

_ مفيش صورة 

_ بس في صوت اسمعي

وضعت الهاتف علي اذنها لـ تستمع الي الصوت جيداً لـ تجد صوت ايناس تتحدث بدلال :

_ لقيت دي حبوب منع الحمل هو اللي جابها لوحده 

تجعدت ملامحها باشمئزاز و هي تستمع الي صوت ضحكت منير التي تكرهها بشدة متحدثاً :

_ حلو اوي هو اللي بيرتب لـ نفسه 

اغلقت الهاتف و وضعته علي الطاولة امامها و استندت بذراعيها علي قدميها و تحدثت :

_ و الحبوب اللي مش موجودة في الشريط راحت فين اكيد حطتهالي 

امسك بيدها رغم اعتراضها و نظراتها الحادة له و تحدث برفق متأملاً وجهها ذات الملامح الرقيقة :

_ انا محطتش اي حاجة ليكي يا نور صدقيني انا عملت كدا عشان اسهل عليهم اللي عايزين يعملوا و اكون مسيطر علي الموقف 

حاولت ابعاد يدها عنه و تحدثت اليه بعدم تصديق له :

_ و مقولتليش لية من الاول طالما انت مش هتحطه 

مسد علي خصلات شعرها بعد ان افلتت يدها و تحدث بحنو :

_ لاني مكنتش عايزة اقلقك تاني من ناحية منير 

هزت رأسها بنفي و تحدثت بعدم استيعاب و عقلها يحدثها انه يكذب حتي تتغاضي عن كونه كارهاً لها :

_ مش مستوعبة كل دا .. طب لية مجبتش مخدرات 

صرخ بها هذه المرة بضيق من محاولتها في تكذبيه و جعله حقير امامها كما خُيل لها :

_ هجيبها منين يا بنتي انتي شايفاني ديلر دي حاجة اقدر اجيبها 

هزت رأسها و ابعدته عنها ثم وقفت عن الاريكة و عقدت ذراعيها امام صدرها قائلة :

_ لا مش مقتنعة بكلامك دا و دا صاحبك و اكيد مظبطها معاه 

صك علي اسنانه و هو يتحدث بحدة :

_ نورسين كفاية بقي 

وقف عن الاريكة و اخذ بيدها يجذبها معه الي الخارج قائلاً :

_ تعالي معايا 

وقف أمام محزن مخصص لاحتياجاتهم من الطعام و الشراب لـ تستمع نورسين الي صوت طرقات الباب من الداخل و صوت استغاثة و توسل فتح فريد الباب لـ تسرع ايناس بالتوسل له قائلة :

_ انا عملت اية بس يا بيه عشان اتحبس و يتاخد مني تليفوني عايز اطلع من هنا الله يخليك

نظر اليها فريد بمكر و جذب نورسين الي داخل الغرفة و تحدث قائلاً :

_ منير بيسلم عليكي اوي يا ايناس 

تجمد جسدها و ابتلعت ريقها بصعوبة و هي تقول متصنعة عدم معرفتها بمن يكون :

_ منير مين انا معرفش حد اسمه منير 

ربت فريد علي كتفها بحدة و تحدث بهدوء عكس ما هو عليه : 

_ استعبطي بقي علي العموم انا معايا تسجيلات ليكوا توديكي ورا الشمس و انتي عارفة اني اعملها 

اسرعت تتحدث بخوف شديد و هي تتذكر الضابط خالد و ما يفعلوا مجاملة للسيد فريد :

_ انا هعمل اللي انت عايزه يا بيه و هخرج و مش هرجع تاني 

هز رأسه مع تحريك سبابته بنفي و تحدث بخبث :

_ لا لا لا انتي هتفضلي و هتنفذي كل اللي اقولك عليه 

ابتلعت ريقها و هي تنظر بينه و بين نورسين التي تنظر اليها بمقت لـ تتحدث قائلة :

_ هعمل اللي تؤمر بيه 

***********************************

تركها و تعجل بخطواته مبتعداً عنها و هو يتحدث :

_ اظن انك سمعتي بودنك يا نورسين 

_ فريد 

تأففت عندما توقف هو بمحله و لم يلتفت اليها و تحدثت قائلة :

_ لو كنت قولتلي مكنتش هعمل كدا 

التفت اليها و تحدث و هو يشير اليها قائلاً :

_ كنتي المفروض تثقي فيا اكتر من كدا 

فركت وجهها و تحدثت بغيظ منه :

_ هثق فيك ازاي و انا شايفة الشريط بعيني و كان في مكتبك 

رسم الجمود علي وجهه و تحدث هو يواليها ظهره من جديد :

_ انا هطلع انام محدش يصحيني 

تذكرت نورسين امر كيندي حبيبته التي جاءت لـ تطلب منه المسامحة و العودة كما كانا بالسابق لـ تصك علي اسنانها و تقبض علي كف يدها و تحدثت :

_ لا استني حبيبة قلبك كانت عايزة تصالحك و تراضيك 

التفت اليها مبتسماً و تقدم منها بهدوء حتي وقف امامها و وضعت كف يده علي وجهها و تحدث بمشاكسة :

_ اية دا هتصالحيني و تعتذري علي كل الكلام اللي قولتيه 

ابعدت يده عنها و تحدثت بغضب :

_ متستعبطش انا مش حبيبة حد اتفضل روح لست كندا بتاعتك دي 

حاوط خصرها و قربها نحوه و تحدث بحب بعد ان قبل جبهتها :

_ و الله انتي اللي بتستعبطي انتي عارفة اني مبحبش حد غيرك 

حاولت ابعاد نفسها عنه و ضربت بيدها بقوة علي صدره متحدثة : 

_ يا سلام و بالنسبة لقصة الحب الاسطورية اللي مكسرة الدنيا و الايام الحلوة اللي متتنسيش 

تحدث بهدوء و ببساطة حتي يشرح لها هذا الموضوع :

_ انا فعلا كنت عارف كيندي و كنت ناوي اتجوزها 

دفعته بصدره بحدة و لم تمهله فرصة اكمال حديثه بل تحدثت هي بعصبية و قد ابتعدت الي الخلف خطوة عنه :

_ اه و انا جيت اضطريتك تتجوزني و سيبتها عادي نتطلق و اتفضل اتجوزها 

صرخ به بضيق و تأفف و هو يضرب كف بكف :

_ اهدي بقي اية بوتجاز اشعال ذاتي .. خانتني مع واحد صاحبها و شوفتها بعيني 

اقترب منها من جديد و مسد علي خصلات شعرها قائلاً برفق و لين :

_ بس انتي حاجة تانية يا نور انا محبتش حد زيك و لا هحب حد قدك 

اقتربت هي اكثر منه و تحدثت و عبثت بياقة قميصه متحدثة بدلال :

_ بجد 

ضمها اليه و تحدث قصد مضايقتها :

_ شوفي سبحان الله ملاك و انتي رايقة 

ابتلعت ريقها بصعوبة و نظرت اليه بحزن قائلة :

_ فريد انا اسفة اني خبيت عليك اني مبخلفش 

قبل رأسها و مسد علي وجهها متحدثاً بتساؤل :

_ انتي عرفتي منين اصلا عشان مخلفتيش من منير ما يمكن العيب منه 

سقطت دموعها علي وجنتها و شعرت بغصه بحلقها و هي تسرد له حديثاً ثقيلاً علي قلبها قبل لسانها :

_ لا يا فريد انا كنت عايزة طفل يهون عليا حياتي مع منير و خليت دكتور في المستشفى اللي كنت بشتغل فيها يكشف عليا و قالي ان انا عندي عيب خلقي و مش هخلف حتي خبيت علي منير عشان ميستغلش الفرصة و يذلني اكتر 

ثم استندت برأسها علي صدره و اجهشت بالبكاء بحُرقة لـ يعبث بخصلات شعرها و هو يلف يده الاخري حول خصرها متحدثاً بحنو :

_ ممكن متضايقيش نفسك انا مش مضايق انا عايزك انتي و بس يا نور صدقيني جوازي منك مش اضطرار انا كنت اقدر احميكي من غير جواز بس انا حابب ابقي معاكي و مش عايزة اسيبك ابدأ 

رن هاتفه لـ تبتعد عنه و هي تمسح دموعها لـ يخرج هاتفه من جيب بنطاله و يمسح دموعها بيده الاخري و هو يداعب وجنتها حتي تبتسم ، فتح الاتصال حين وجده خالد و تحدث إليه بهدوء ثم تحول الي غضب حين تحدث بما يريد قوله :

_ اية انت بتقول اية لا كويس انك قولتلي .. ماشي يا خالد سلام 

نظرت اليه نورسين بقلق و تسألت و هي تنظر اليه يحاول السيطرة علي انفعالاته امامها :

_ في اية يا فريد 

امسك بيدها يضغط عليها برفق و هو ينظر الي عينها بتركيز لـ يزداد قلقها من حالته و لكنها شعرت بالصدمة حين تحدث ببعض الهدوء :

_ مامتك رجعت