رواية بترت أجنحتها الفصل العشرون 20 بقلم اسماء ايهاب

تشنج جسدها و هي لازالت تنظر اليه بصدمة و ذكريات رحيل والدتها عنها تمر امام عينها بصورة متكررة صورتها و هي تتوسلها الا ترحل و تتركها مع والدها و هي تعلم تمام العلم انه يعاملها بجحود تذكرت حين قبلت قدمها حتي تأخذها معها و هي ترفض و ابعدتها عنها بقسوة تسارعت انفاسها و تحدثت باختناق و هي تتمسك بتلابيب ملابسه لـ شعورها ان قدمها لم تعد تحملها :

_ انت بتقول اية يا فريد رجعت رجعت لية 

و قبل ان يساعدها فريد في الوقوف معتدلة الا انها ارتخت أكثر لـ تجلس علي ركبتيها و تضع يدها علي وجهها تجهش بالبكاء قائلة بخفوت : 

_ عايزة اية مني تاني مش هي السبب في كل اللي حصلي عايزة اية 

جلس امامها علي ركبتيه و ضمها إليها حتي تهدي و هو يحدثها بلطف يمسد علي ظهرها :

_ اهدي يا حبيبتي انا بقولك دلوقتي عشان تبقي هادية لما تيجي تشوفك 

رفعت نورسين رأسها عن صدره و نظرت اليه و وجهها احمر بشدة الدموع تغرق وجنتيها قائلة بصوت متحشرج و ضيق بصدرها :

_ تشوفني تشوفني لية ما هي سابتني و مشت محطتش في دماغها حتي انا هعيش ازاي و هي عارفة جوزها كويس دا انا بوست رجلها عشان تاخدني معاها 

كان بكاءها عالي و شهقاتها متقطعة و لكنها كانت بمثابة سكين حاد النصل يمزق بصدرها و يشق كبدها من الألم و الحزن و اعادة تذكرها لكل ما هو مؤلم بالنسبة لها تشبثت بقميصه بقوة و هي تهمس له بضعف : 

_ انا تعبت اوي مش قادرة استحمل اكتر من كدا 

وقف و اسندها حتي وقفت معه ثم حاوطها قائلاً :

_ انا معاكي و مش هسيبك 

استندت علي صدره و هي تسير ببطئ و تحدثت من بين شهقاتها :

_ مش عايزة اشوفها ابوس ايدك مش عايزة اشوفها

قبل رأسها و شدد علي خصرها متحدثاً برفق :

_ خلاص مش هخليكي تشوفيها مش هدخلها هنا صدقيني 

اجلسها علي الاريكة بالردهة و جلس الي جوارها لـ تنظر اليه و هي تمسح دموعها بأكمام كنزتها :

_ هي عرفت مكاني منين

مسد علي شعرها و هو يمسك بيدها يقبل باطنها متحدثاً :

_ خالد بيقول انها راحت بيتكم و ابوكي طردها و قالها علي مكانك هنا 

امسك بها مرة اخري يتوجه بها نحو فريال التي ابتسمت باتساع حين وجدتهم مع بعضهم البعض يحتضنها فريد لـ تتقدم منها نورسين تجلس الي جوارها و احتضنتها و بدأت بالبكاء مرة اخري لـ تنظر فريال الي شقيقها بتساؤل لـ يجيبها فريد بما جعلها تبكي لـ تتنهد فريال و هي تحتضنها تربت علي ظهرها قائلة :

_ يارب يبعدهم عنك بقي 

تقدم فريد منها وضع يده علي رأسها و تحدث بـ لين قائلاً :

_ خليكي مع فريال يا نور متطلعيش 

***********************************

وقفت سيارة الاجرة أمام منزل فريد و خرجت منها سيدة يبدو عليها صغر السن الا انها في اواخر الاربعين من عمرها اغلقت باب السيارة و نظرت الي فخامة المنزل بتعجب من كون ابنتها موجودة بهذا المنزل تقدمت من الداخل و هي تدهش اكثر و اكثر حتي وجدت مجدي يخرج من حجرة صغيرة بالحديقة لـ تسرع اليه لـ ينظر اليها باندهاش حتي انه لم بستوعب انها تتحدث معه بالاصل حين قالت بلهفة :

_ مجدي فين نورسين يا مجدي عايزة اشوفها 

نظر اليها مجدي مطولاً دون حديث يتطلع اليها و هي تسأل عن ابنتها و كأنها لم تفعل شئ و كأنها لم تبتعد لـ سنوات عنها تقدم يقف امامها متحدثاً بغيظ منها :

_ انتي جاية تفتكري نورسين دلوقتي أخيرا افتكرتي ان ليكي بنت 

ابتسم بسخرية و هو ينظر اليها باشمئزاز قائلاً :

_ اتطلقتي و لا اية

شعرت بالضيق من سخريته عليها لـ تصيح به بغضب :

_ اطلقت و لا لا دي حاجة متخصكش .. عايزة اشوف نورسين 

نظر اليها من اعلي الي اسفل و اشهر يده بوجهها حتي لا تتحرك و تحدث قائلاً لها و هو لم يستوعب بعد حقارة تلك المراه :

_ استأذن اصحاب البيت الاول و اللي من ضمنهم بنتك لو فاكرة شكلها 

ذهب العم مجدي يطرق الباب حتي فتح له فريد و قد كان يعلم انها والدة نورسين و تأكد من ذلك حين اشار مجدي اليها قائلاً بلا حيلة :

_ فريد بيه بهيرة ام نورسين برا و عايزة تشوفها 

تنهد بضيق و هو يهز رأسه بايجاب :

_ سيبها دلوقتي انا هطلعلها 

مرر يده بخصلات شعره و تقدم منها حتي وقف امامها و نظر اليها بنظرات ثاقبة حتي ابتلعت ريقها بصعوبة و هي لا تفهم نظراته تلك حتي تحدث قائلاً بصوت عميق :

_ اهلا اقدر اساعدك انا جوز نورسين

تفحصته بهيرة بتعجب من ان يكون هذا زوجاً لـ نورسين من اين حصلت ابنتها عن هذا الزوج غالفة تماماً عن حياة ابنتها و ما عانته منذ ان خرجت من المنزل و تركتها خلفها ، اشارت الي نفسها و هي تعرف عن نفسها قائلة :

_ انا ام نورسين لو سمحت عايزة اشوفها 

سخر فريد داخله و وضع يده بجيب بنطاله قائلاً متصنع الجهل :

_ كنتي مسافرة يا مدام 

ارتبكت و لم تنظر الي عينه و تحدثت بتوتر :

_ ها اه كنت مسافرة 

ابتسم فريد بظُلمة و تحدث :

_ طب و هو حد بيسافر المدة دي كلها و ميسألش علي بنته 

تأففت و هي تشير الي الداخل قائلة :

_ كانت ظروف و عدت ممكن تنادي عليها 

تنحنح و هز رأسه بنفي متحدثاً بهدوء :

_انا مش هعمل حاجة ضد رغبة نور هي مش عايزة تقابلك لو سمحتي بهدوء تمشي من هنا 

صرخت به و هي تحاول ازاحته من امامها :

_ ازاي يعني مش عايزة تشوفني ابعد من قدامي 

وقف امامها بتصلب و هو يتحدث بهدوء مغُلف بغضب :

_ دا بيتي يا مدام و مش هسمح بدخولك اتفضلي من غير شوشرة و من غير مطرود 

لـ تنظر اليه بغيظ و هي تحاول ان تتخطي وجوده لـ يمنعها مرة اخري حين وقف امامها قائلاً من بين اسنانه :

_ قولتلك امشي ياما هستعمل القوة و دا مش عايزة اعمله لاخر لحظة 

التفتت بهيرة نحو مجدي و صرخت به بغضب رافعة يدها الي السماء قائلة :

_ انت اللي مقويها يا مجدي منك لله 

نظر اليها مجدي بازدراء و تحدث بتعجب منها :

_ عليكي بجاحة مشوفتش زيها 

و حين حاول فريد ان يجعلها تخرج من المنزل وجد صوت نورسين من خلفه تنادي بأسمه :

_ فريد 

اقترب منها و تحدث و هو يحاوط كتفها قائلاً بتساؤل :

_ نور خرجتي لية 

نظرت اليه بأعين دامعة و تحاول ان تتظاهر بالقوة ، داخله يعلم انها من الممكن ان تكون خرجت حتي تراها لـ يستمع اليها تقول :

_ عايزة اطردها بنفسي عشان مسمعش انها جت هنا تاني

تقدمت بهيرة منها و هي تتحدث بابتسامة و سعادة :

_ ازيك يا نورسين وحشتيني اوي 

ما ان جاءت لـ تحتضنها حتي ابتعدت نورسين و عقدت ذراعيها امام صدرها متحدثة بجمود :

_ اية اللي فكرك بيا عشان الواطي اللي سيبتي بيتك و جوزك عشانه رماكي

اشارت اليها بسبابتها متحدثة بضيق :

_ نورسين اتكلمي باحترام معايا انا امك 

ضحكت نورسين بصوت مرتفع ثم صفقت بيدها بقوة ناظرة اليها قائلة :

_ يا سلام دا انتي ام مثالية كمان 

صكت علي اسنانها و اقتربت منها و قد ظهر الغضب علي وجهها و صرخت بها بحدة :

_ انتي عارفة اية اللي حصلي بعد ما سيبتي البيت عارفة انا حصلي اية 

ما كادت ان تتحدث حتي اسرعت نورسين تصرخ من جديد و بغضب شديد جعل وجهها يشع بالاحمرار و هي تتعجب من كونها جاءت لها بعد تلك السنوات و كأنها لم تفعل شئ و كأنها لم تتسبب لها بمأساه بحياتها و حُرج كبير لن يشفي ابداً :

_ لا طبعا هتعرفي منين ما انتي رميتي ورا ضهرك اتوسلت لك تاخديني معاكي لو مصممة تمشي رمتيني زي الكلبة و مشيتي و جاية دلوقتي اني انا بنتك 

تنفست بقوة و صدرها يعلو و يهبط بسرعة شديدة و تحدثت و هي تشير الي البوابة قائلة :

_اطلعي برا و اياكي تيجي هنا تاني 

اخذ فريد بيدها و جذبها الي الداخل بعد ان تحدث الي العم مجدي :

_ عم مجدي خلي السواق يوصل المدام 

ضمها اليه و هو يدلف بها من باب المنزل يشعر بانفاسها مرتفعة قائلة بغضب :

_ انا بكرهم اوي منهم لله 

_ خلاص يا حبيبتي اهدي مش هتيجي تاني اتنفسي براحة 

_ انا مش عارفة اية البجاحة دي دي انسانة دي مش مسامحة و لا هسامحها ابداً 

***********************************

استمع فريد ان صوت رنين جرس الباب لـ يعتقد انها والدة نورسين عادت من جديد تقدم من الباب بضيق و ما ان فتح الباب حتي لانت ملامح وجهه حين وجده خالد من يقف امام الباب و بيده عدة كُتب ابتسم فريد و صافحه قائلاً :

_ خالد تعالي ادخل 

دلف خالد الي الداخل و هو يتحدث مبرراً سبب وجوده الواهي و قد استغله حتي يأتي لـ رؤية من تعز علي عينه رؤياها :

_ انا جيت اطمن عليكوا لو حصل حاجة 

ربت فريد علي كتفه و هو يشير اليه بيده الاخري ان يرافقه الي الداخل قائلاً بهدوء :

_ لا ابدا محصلش بس جيت في وقتك تعالي اتغدي معانا 

نفي خالد برأسه و هي يجيبه متصنع عدم رغبته في الدخول و عينه تمر بالارجاء حتي يراها :

_ لا انا همشي .. انا كنت جايب كتب لانسة فريال

قطب فريد حاجبيه و قد ظهر علي ملامحه الضيق قائلاً

_ و اية المناسبة انك تجبلها كتب 

نظر اليه بارتباك و تحدث مشيراً بالكتب اليه قائلاً بتبرير :

_ لما كنا في اسكندرية عرفت بالصدفة و عرضت عليها اجبلها كتب تقرأها 

نظر خالد اليه بتوجس متسائلاً من جديد :

_ دي حاجة تضايقك 

تحدث فريد قائلاً بهدوء :

_ مكنتش اعرف انكوا اتكلمته 

ربت فريد مرة اخري علي كتفه و لكن هذه المرة زادت حدة و هو يتحدث :

_ تعالي هنتغدي سوا و ادهملها بنفسك 

تقدم فريد و معه خالد من الداخل في حين خرجت فريال من غرفتها و خلفها نورسين تدفع مقعدها المتحرك الي الامام ابتسم خالد بتلقائية حين رأها و ابعدت هي بصرها الي البعيد بنظرات جامدة لا روح بها لـ يتحدث خالد حين وقف امامها يمد يده لها لـ يصافحها :

_ ازيك يا فريال عاملة اية 

سحبت يدها بعد ان ادت واجب الترحيب و تحدثت بهدوء :

_ الحمد لله و انت

ابتسم و مد يده بالكُتب اليها قائلاً :

_ بخير الحمد لله .. جبتلك كتب تانية احلي 

اخذتهم منه مبتسمة و وضعتهم علي قدميها ثم  تحدثت اليه :

_ كويس انك جيت لاني خلصت الكتب اللي معايا

سعد لابتسامتها و سأل علي رأيها قائلاً :

_ و اية رأيك

لاعبت باصابعها علي غلاف الكتاب المقوي حتي صدر صوت موسيقي و تحدثت و هي تنظر الي شقيقها مبتسماً :

_ تحفة بجد يعني فريد دايما يجبلي كتب و من كل الدول لكن دي مختلفة كانت بتجذبني اني اكملها بشغف و في كتاب قرأته تلات مرات و مزهقتش 

امسك بالكُتب تمدها الي نورسين خلفها المراقبة لهذا الموقف بسعادة و تحدثت تطلب منها بلطف :

_ نور ممكن تجيبي الكتب من جوا و تحطي دول مكانهم 

_ حاضر يا حبيبتي 

سحب فريد خالد نحو الاريكة و تحدث الي هانم التي اتت لكي تعلم ما الضيافة التي تقدمها للضيف :

_ حطي الغدا يا هانم و دخلي اكل لـ ايناس و اياكي تتكلمي معاها في حاجة 

امأت له بطاعة قائلة :

_ حاضر يا بيه 

جلس جميعهم علي طاولة الطعام جلس خالد الي جوار فريد في مقابل فريال و نورسين التي كانت تراقب خالد بدقة و مالت نحو فريال تهمس باذنها بخفوت قائلة :

_ شوفتي بيبص عليكي ازاي في الخباثة 

تأففت فريال و هي تهمس لها بضيق و لا تريدها ان تتحدث بذات الموضوع باستمرار :

_ نورسين احنا اتكلمنا في الموضوع دا قبل كدا و ياريت منتكلمش فيه

اخذت نورسين نظرة خاطفة نحو خالد المنشغل بالنظر اليها تارة و الي العبث بالطعام تارة اخري و تحدثت و هي تحاول كبح ضحكتها :

_ و الله الواد قمر و عسول و يتحب 

صكت فريال علي اسنانها و هي ترمقها بغضب قائلة داخل اذنها حتي تخيفها :

_ يارب فريد يسمعك عشان نخلص من السيرة دي 

_ طب و الله عينه بتقول بحب فريال و اوي كمان 

تركت الطعام و احتقن وجهها و حاولت كبح دموعها من الانهمار قائلة باختناق و صوت يكاد يسمع بالاصل :

_ انا لا هتحب و لا هحب يا نورسين انا مينفعش 

_ و الله هبلة و لا عارفة قيمة نفسك 

فركت عيونها التي تحرقها بعنف بالدموع و تحدثت :

_ لا عارفة كويس يا نورسين 

انتفض خالد الشارد حين استمع الي صوت فريد الحاد :

_ انت سرحان في اية يا خالد 

اكتشف انه كان شارد بها و لم يزح عينه عنها حتي رأه فريد و ظهرت الغضب علي وجهه .. تنحنح خالد و ابتسم بارتباك و هو يتحدث قائلاً محاولة ان يوضح له انه لم يكن يقصد النظر الي اهل بيته :

_  لا ابدا قضية صعبة جدا عليا مش عارف احلها من اي ناحية شاغلة كل نفكيري

ارجع فريد رأسه و هو يهز رأسه بايجاب ثم ضرب علي ظهره بقوة قائلاً بحدة :

_ اه ، لا ركز يا باشا 

ضغطت نورسين علي شفتيها بقوة و هي تنظر الي الاسفل حتي لا تضحك لـ تنظر اليها فريال بغيظ و تركت الطعام و عادت بمقعدها الي الخلف قائلة :

_ الحمد لله 

اسرع خالد يتحدث بلهفة و هو يشير الي طعامها قائلاً :

_ انتي مكلتيش حاجة 

حين شعر بالجميع ينظر اليه لـ ينظر الي فريد مبتلعاً ريقه قائلاً بهدوء :

_ قصدي يعني ممكن اكون مضايقك و لا حاجة

تحركت فريال متجهة الي غرفتها و هي تقول بلامبالاه لحديثه المتلهف :

_ لا ابدا نورتنا

ما ان دلفت فريال الي غرفتها حتي دلفت خلفها نورسين و هي تطلق ضحكتها للعنان قائلة :

_ هموت من الضحك مش قادرة .. فريد قفشه و كان عايز يقطعه كدا و يرميه برا

تنهدت فريال و هي تتحدث بضيق :

_ انا مش عارفة دا ظابط ازاي اصلا هو بقي اهبل كدا لية 

لاعبت نورسين حاجبيها بمشاكسة و هي تتحدث قائلة بخبث :

_ بقي مش عارفة لية بردو 

امسكت فريال بالوسادة التي جوارها علي الفراش و القتها باتجاه نورسين و هي تصيح بها بضيق :

_ نورسين اطلعي برا و اقفلي الباب ماشي

التقطت نورسين الوسادة ضاحكة بقوة و هي تضعها الي الاريكة متحدثة :

_ خلاص خلاص هطلع اشوف فريد عمل معاه اية و اجي

خرجت نورسين من الغرفة و تقدمت من فريد الواقف بالردهة واضعاً يده بخصره و يبدو عليه الضيق لـ تتقدم منه و تضع يدها علي كتفه متسائلة :

_ خالد مشي ؟

تنهد يهز رأسه بايجاب ثم نظر اليها قائلاً بتحذير :

_ ايوة و لو جيه و انا مش موجود محدش يدخله 

كبحت ضحكتها و هي تحاول تبرير موقف خالد :

_ لية بس يا حبيبي دا كيوت و الله و مش قصده حاجة 

التفت اليها بحدة رافعاً حاجبه الايسر الي الاعلي باستنكار لـ تسرع هي تربت علي صدره قائلة :

_ خلاص متزعلش محدش هيدخله 

ضيق عينه و انحني يحملها بين ذراعيه ثم تنهد بارتياح قائلاً :

_ اليوم كان مرهق جدا و جيه الوقت اننا نرتاح شوية مش كدا 

هزت قدمها بالهواء و هي تهمهم قائلة باعتراض :

_ امممم لا اطلع انت مش عايزة ارتاح 

ضمها اليه اكثر  و همس بأذنها قائلاً :

_ لا انسي اني اسيبك 

ما ان دلف الي غرفتهم حتي اغلق الباب بقدمه خلفهم ثم انزلها علي الفراش و جثي فوقها مستند علي ذراعيه يحاوط جسدها هبط بوجهه اتجاهه و داعب انفها بانفه لـ تحاوط هي رقبته و هي تقول :

_ عينك الخضرا دي هجبلي ذبحة صدرية من جمالها 

تفحص جمال ملامحها الرقيقة و تحدث و هو مُتيم بها :

_ دا انا اللي هيجيلي ذبحة صدرية من جمالك 

جذبته لها قليلاً و بادرت هي بتقبيل شفتيه لـ يبادلها قبلاتها بأخري اكثر شغفاً و انهي قبلته بقبلات سطحية علي كامل وجهها حتي اقترب من اذنها قبل اسفل اذنها قبل ان يهمس قائلاً :

_ اوعي تفكري ان هعمل حاجة تأذيكي يا نور 

مررت يدها بخصلات شعره و هي تحثه علي اقتربه منها اكثر و همست بصوت خافت بأذنه : 

_ اوعدني انك تفضل جنبي و متخبيش عليا اي حاجة تخصنا 

ضمها اليه اكثر و هو يدفن وجهه برقبتها و همس كـ المسحور و شفتيه تتحرك ضد رقبتها قائلاً 

_ اوعدك