رواية كوميديا سوداء الفصل التاسع عشر بقلم ليل ادم
اليوم التالي كان المريض على حالته ولم يستجيب الطرف الي تطبيق إجراء الدكتور أحمد
جميله: صباح الخير يا احمد
احمد : صباح الفل وقفه في الجراچ ليه
جميله: الطرف لسه مفيش اي أستجابه أنا خايفه اوي
احمد : و خايفه من اي احنا قصادنا اربع ايام اهدي مالك
جميله: احمد انت مش متأكد من كلامك أنا شايفه في عينك انك قلقان خليك صريح معايا
احمد : جميله من فضلك انسي الموضوع خلاص اللي حصل حصل واللي عملته كان أقرب واسهل حل ممكن نفكر في النتيجة دي بقا لا بتاعتك ولا بتاعتي ولا بتاعت اي حد
جميله: ما في مصيبه تانيه
احمد : خير على الصبح
جميله: وفد من الوزارة جاي علشان يتصور مع حالات الحادث وتقريبا برضوه مع حاله علي
احمد : واي المشكله في كده
جميله: يا احمد احنا حطين ايد واحد في بطنه هو اي اللي اي المشكلة في كده
احمد : يا جدعان هو أنا حطتها في بطنه علشان مش عاجبني مكانها أنا عملت إجراء يا صاب يا اتنين عور
جميله: بالله عليك بلاش اتنين عور دي قصاد الوزير
احمد : بقولك اي انا معايا اتنين بطاطس و اتنين طعميه ليهم العجب تعالي نفطر وبعدين يحلها ربنا
جميله: لا مش قادره الف هنا
احمد : وربنا ابدا ياله
جميله: انت بتعمل اي هتفطر على العربية
احمد : منا هطلع فوق القي واحد وخدني من رقبتي عافيه علشان اكشف على صاحبه اللي كسر نص شوارع اسكندريه وعمال بلطجي اقوم أنا أقلش عليه يقوم ماسك فيا وعايز يضربني افطري افطري الحور كبير كبير
جميله: دا انت بقيت متعود
احمد : أنا بنزل من البيت سايب الكرامه في البيت
جميله: (بتضحك) والله ما عارفه انت بيجيلك قلب تضحك ازاي في وسط كل اللي احنا في ده
احمد : هعيط يعني ما كده كده خربانه أتعب قلبي ليه
جميله: بس انت فعلاً بتحط نفسك في مشاكل كتير اوي يا احمد
احمد : مش مهم اهم حاجه اعرف انام بليل
جميله: تعرف أنا من امبارح مش عارفه انام والله ولا اكلت لقمه كل شويه افتكر ايد الولد اتعب نفسياً
احمد : أن شاء الله هيكون كويس متفكريش كتير يا جميله احنا بشر بنغلط عادي جدا بس اهم حاجه نتعلم من الغلط
ريهام: بسم الله ماشاء الله مين اللي بيقول كده
احمد : انتي هنا من امتا الأول
ريهام: من أول احنا بشر وبنغلط ولازم نتعلم من الغلط
احمد : أنا قولت كده
ريهام: اه والله
احمد : أنا قصدي على بتاع الطعميه غلط وحط خس وأنا مش بحب الجزر أمسكي
ريهام: اي ده
احمد : هيكون اي يعني سندوتش أفطري
ريهام : الله ريحتها حلوة
احمد : لا وتدخلي المحل تلاقي الواد لابس عفريته وعمال يمد ايده في الطاسه وتش اديله وتش اديله
ريهام: وتش
احمد : انتي شغاله معاه
الدكتور علي: معقول جاي بدري وكمان فطار جماعي
احمد : يارتني كنت زودت طعميه
الدكتور علي: لا معايا سندوتشات وخدها من مراتي مجبر
احمد : وريني كده اللنش بوكس بتاعك ده لو أكل بيتي هاكله انت حر
ريهام: طب ما تيجي تتعشا عندي بليل اكسب فيك ثواب وكده كده ساره جايه تتعشا عندي
احمد : عامله أكل اي
الدكتور علي: شورما حد يفطر شورما
احمد : لو فراخ هات وخد البطاطس انت بقا
الدكتور علي: خد ياعم هات البطاطس
احمد : نرجع ل موضوعنا عامله أكل اي
ريهام: حمام و
احمد. : (قطع كلام ريهام ) بس كفاية أنا جاي طبعا
ريهام: و انت يا دكتور علي وجميله
الدكتور علي: لا مش هقدر النهارده رايح أكل بره
احمد : هتاكل اي
الدكتور علي: وانت مالك يا بارد انت مش رايح تتعشا ببلاش اهو
احمد : معلش برضوه يمكن ارجع في كلامي
الدكتور علي: سوشي يا جبان
احمد : لا بيعملي حساسيه مش جاي
الدكتور علي: وأنا مش عايزك أنا رايح اقعد قعده رومانسيه مع مراتي انت مالك يا بني ادم
جميله: (بتضحك) ميبقاش احمد لو محطش مناخيره
ريهام: وانتي بقا جايه ولا لأ
جميله: للأسف والله النهارده عندي مشوار مهم بعد الشغل
نظر الجميع الي احمد
احمد : مش هسألها رايحه فين محدش يبص
ضحك الجميع على احمد
ريهام: وربنا هتموت وتعرف
احمد : لا طبعاً مين قالك كده
الدكتور علي: انت علشان ماشي تحكي حياتك لكل الناس عايز الكوكب كله شبهك
احمد: يا استاذي احنا جثث ماشيه على الأرض النهارده موجودين بكره محدش ضامن عندك النهارده أنا رايح عند استاذه ريهام وحضرتك رايح تاكل سوشي وجميله رايحه (وبص ل جميله)
جميله: معرض الكتاب
احمد : شوفت عرفت بسهوله ازاي
جميله: يخربيت دماغك مش سهل برضوه
ريهام: الحمد لله فطرنا نطلع بقا علشان في زيارة النهارده
احمد : اه ياله صحيح هنقضي اليوم كله هنا
في جانب آخر
الدكتور خالد: أهلا
الدكتور علي: ياساتر في اي يا خالد قول صباح الخير
خالد : صباح الخير يا استاذ علي المريض مفيش عنده ولا حتا خمسة في المئة أستجابه
الدكتور علي: احمد روح انت على الاستقبال معاه يا جميله
احمد : حاضر
جميله: مش هيسكت هيخرب الدنيا
احمد: سيبك منه بقا يا جميله قولنا خلينا نشوف شغلنا
مس غاده: ما لسه بدري يا دكتور
احمد : بدري من عمرك ياللي يجيكي ذبحه
مس غاده: نعم
احمد : بقولك ياللي يجيكي سبحه من السعوديه كده ولا حاجه
مس غاده: طب ادخل علشان عندك ١٤ كشف
احمد : دخلي واحد واحد ها بلاش موقف عبود اللي ببقا في ده أنا بتهان حرفياً لما بيدخلوا مع بعض
مس غاده: ماشي اتفضل
في جانب آخر
الدكتور علي: يا خالد اهدا انت خايف من اي الحمد مفيش تلوث في معده الراجل ده معنا أن احنا مش خسرانين حاجه وبنعمل تجربه
خالد : وانا اسمي يتحط ليه في موضوع زاي ده أنا غلطان اني وفقت من الأساس
الدكتور علي: ياسيدي اعتبر نفسك مكنتش موجود أنا متكفل بكل شيء أصل اللي حصل حصل خلاص يا خالد بعد اذنك بقا علشان عندي شغل
الدكتور خالد: اتفضل وخلي بالك الزيارة وصلت خليك جمب احمد مش عايزين مصيبه بسببه
الدكتور علي: أن شاء الله خير بعد اذنك
في جانب آخر
احمد : العلاج ده كله ملوش علاقه ب تعبك
المريض: يعني اعمل اي
احمد : خد البرشام ده مره الصبح ومره بليل وهتكون تمام وصوتك هيرجع كويس
المريض: ولو مرجعش
احمد : خد تاني يوم واحده الصبح ووحده بليل برضوه سهله اهي
المريض: اه فعلاً خلاص ماشي سلام
احمد : نورت يا حبيبي سلام
جميله: اي يا احمد في اي هو انت تعرفه اي حبيبي دي
احمد : مش شايفه الراجل بيقولي سلام
المريض: يا دكتور مش قادر اقف على رجلي
احمد : ما انت وقف اهو يا عم وريني
المريض: أنا عملت الاشاعه دي امبارح
احمد : انت عايز تكشف عظام الغرفه اللي جمبي
المريض: ونازل رغي ليه ما تقولي كده من الأول
احمد : حقك عليا
في جانب آخر
استاذه ريهام: نورت يا سيادة المحافظ و حضرتك يا سيادة الوزير
الدكتور علي: ( أشار ع واحد مع الوزير و المحافظ) أنا شوفت حضرتك قبل كده
نائب الوزير: اه كنت عندكم هنا من فتره و قابلت الدكتور أحمد هو فين
الدكتور علي: في الطوارئ
نائب الوزير: طوارئ يعني الدنيا كلها مقلوبه على الراجل وتحطه اسمه في الطوارئ ازي يعني
وزير الصحة: أنا منبهر بيكم جدا عمليه الطفل علي كانت ليها مفعول السحر قلبي اللي كان هيقف والله مش الطفل بجد تسلم أيديكم
استاذه ريهام: توجيهات سيادتك يا فندم
المحافظ: ابعت هات الدكتور أحمد يا دكتور علي يمر معانا هو مش كان معاكم مع الحالات دي اللي تبع الحادثة
الدكتور علي: اه كان معانا لحظه هجيبه ل حضرتك
(وطلع تليفونه رن على احمد )
احمد : آلو
دكتور علي: احمد تعالي المحافظ عايزك
احمد : يبقا شاف الدراع
جميله : الدراع
الدكتور علي: دراع اي تعالي يابني اخلص
احمد : منا عمال أشد الملايا على ايد الواد عمال يرفع فيها لما فضحني
الدكتور علي: سلام يا احمد (وقفل السكه)
جميله: روحنا في داهيه
احمد : لما اي حاجه تخصنا في المستشفى عبال ما انزل
جميله: (من الصدمه مش بتتكلم )
خرج احمد من المكتب
المريض: رايح فين هو احنا هنقعد هنا كتير ياللي منكم لله حد يكشف علينا
احمد : ياعم سيب رقبتي ربنا ياخدك أنا أطردت شوف حد يكشف عليك
بعد وصول احمد الي الزيارة
استاذه ريهام: الدكتور أحمد
المحافظ: طبعاً هو بقا في حد مش عارف الدكتور أحمد ازيك يا بطل
احمد. : الحمد لله يا فندم تمام
الوزير:(بص ل احمد ) ياله بينا نطلع نمر على الحالات
احمد : ( بص حواليه و ساكت )
استاذه ريهام: كلم سيادة الوزير يا دكتور احمد
احمد : خير يا فندم
الوزير: بقولك نطلع نمر على الحالات
احمد : اه تمام ياله
بعد المرور على الحالات جه وقت حاله زراعه الطرف
احمد : حاله اسلام كانت قطع كامل في شرايين و اورده اليد وأستمر النزيف لحد ما وصل هنا وده كان سبب بتر الزراع مؤقتا
الوزير : نعم يعني اي موقت
احمد : بعد عمليه البتر أقترحنا اجراء بسيط والأمل في الله أنه يتم ع خير
الدكتور خالد: دي صوره ل طرف المريض قبل البتر
الوزير: الطرف اسود بالكامل إجراء أي اللي عملتوه البتر كان حل أخير بدال ما يحدث غرغرينه وتفقد المريض
الدكتور خالد: هو صاحب الإجراء الدكتور أحمد مش احنا بصراحه
الوزير: ايوه اي هو الإجراء يا دكتور احمد
احمد : كان عبارة عن زراعه الطرف المبتور داخل الطبقه السابعه من جدار المعده ومع دوره الدم و تنشيط الأنسجة ممكن يكون في امل كبير أن الطرف يبني انسجه و تتجدد في الدورة الدموية ويرجع من جديد من غير ما يخسر الطرف
نائب الوزير: بعد اذنك يا دكتور احمد عايزين نشوف العمليه دي اكشف الملايا ورينا
احمد : اه اه طبعاً (و بيبلع ريقه بصعوبة وبيكشف الغطاء عن الطرف )
