رواية بنات الملا الفصل العشرون بقلم رغد الموالي
آسر... ننهزم
ام حلا... اخذ بنت عمك وروح لبيت اختي خليها عدهم وكللها لو شيصير لاتطلع حلا
آسر... صار عمه امشي حلا
حلا... شلون حعبر من السطووووح
آسر... على ظهري صعدي وتمسكي برگبتي زين وماعليج بعد
صعد اول حايط وعبره ومشينه حد ما عبرنه السطح الثاني والثالث الرابع جان ركن والحايط عالي عن الارض
باوعتله خايفه شلووون اعبر
التفت يمنه يسره سحبني من ايدي وعبر على السطح الي وره البيت الي عليه احنه جانت اكو غرفه انصه من السطح باوعلي وهو ينبهني بنظراته
آسر... راح اعبر وانتي تمسكي قوي لاتخافين ولاتصرخين راح اذب نفسي على هذه الغرفه وسگفها والله الي يحمينه
حلا... خايفه آسر شلووووون
آسر... مو وكت خوفج هسه تمسكي بيه
حلا... تمسكت بي على ضهره وحوطت ايدي خول رگبته صعد ووكف على ستارة السطح بصعوبه يلا صعد لان وزن جان وزنه ووزني وبسرعه وبدون تفكير رمى نفسه على الغرفه مال الجيران صار صوت طبه كلش قوي لما وكعنه هو تمدد على السطح
بلحضتها طلع رجال من الغرفه الثانيه صاح
منهوووووو
شفته متمدد تمددت بسده وماطلعت صوت خفت اوكف ونبين الغرفه جانت مابيها ستاره
رجع صاح الرجال
ياهوووو انت
هييييييووووو
من صوته عرفته افتر بالبيت
خفت لايصعد السطح ويباوع ويشوفنه صرت ارعش من الخوف ركلت بعكس ايدي آسر وابچي
كلمته بهمس
آسرررر
آسرررر خايفه
التفتت عليه آ آ ونصدمت
كعدت على حيلي وصرت اهز بي عسى يرد عليه
آسرررر وابجي واهمس آسرررررر
جان مايرد مغمض عيونه ودم من راسه طلع بس جان قليل خفت لاينزف حرت شسوي
اصيح على الرجال نوب حيقتلونه كدام العالم بتهمة غسل عار راح يعرفنه الرجال وراح يكول لعمامي وراح يححي ويكول لكفتهم على السطح بيتي
اباوع عليه دم من راسه طلع وهو مايرد مااعرف شسوي
بقيت الوب
شلون اوقف النزف منين اجيب شي اشد بي راسه
فكره وبسرعه خطفت بالي ان اشك شويه من دشداشتي واربط راسه بي
شكيت طارف الدشداشه داير مدايرها رغم مو عدله ومعوجه ودشداشتي صار بيها شك هم بس مهتميت
لفيت راسه وخليت راسه على رجلي ماطول هواي للشمس وأشرقت وضربت بوجه آسر
جان بعده مغمي عليه وكل شويه اباوع عليه دايتنفس لو لا خاف مات
وي ما لاحت عيونه الشمس قلصها لجفونه اكثر وتحرك واني كلمته اكعد آسررر اكعد
فتح عيونه شويه شويه وكعد لما استوعب هو وين واني يمه فز وباوعلي وباوع للمكان
تكلم... شنو الصار احجي
حلا... خل نطلع منا بالاول
اسر... اكو احد بهذا البيت
حلا... اكو رجال
آسر... لازم نطلع قبل ما العالم تروج بالشارع
باوع منين يطلع كال من الباب امشي
بس انتي لفي ربطتج مثل مانتلثم باليشماغ لاتطلعين غير عيونج
اي
وهو نزع تيشيرته ولفه وبس عيونه طلعها
نزلنه ثنينه من الغرفه تونه نازلين وطلع الرجال صفن وفك حلكه من شافنه
تلفت آسر يمنه يسره جان اكو كرك يم الحايط جره بسرعه وتكلم ان طلعت منك اي حركه افتح بي راسك
وتمشى واهو موجه الكرك على الرجال لحد ما وصلنه باب البيت فتحناها دنطلع وهو صاح
حرراااااميييييييه
فجرررررره
واسر شمر الكرك وسحبني من ايدي وصرنه نركض وهذاك يصيح
ياناس ياعااااالم مخافة الله نشالت من البشرررر صارو يسووون الرذيله جوه السماء
الطرقات كانت شبه فارغه مابيها الا كم واحد يتمشى واحنه اخذناها بركضه حد ما فكينه اللثام وكعدنه ببيت هيكل نصف بناء ننهت جنه حيل تعبانين من الركض
تكلم وصدره يعلى وينصه من شدة النفس وينهت... ابقي هنا راح اجيب شي ينوكل ينشرب ايااااج تتحركين اروح اني مااتأخر
راح وبقيت كاعده انتضره جنت حيل خايفه صرت افكر بأمي خاف قتلها ابويه
ياربي هسه شنو صار بأمي بس لا ابويه ضربها او قتلها
وفكر ب أنس وين راح هسه هو وين نهزم
الله ياخذك آزر لو مافاك حلكك وحاجي جان هسه مصار الي صار
وهو كله من انس هو السبب
أنس... حلا تعالي نضم الدجاج بالبيت مالتهم انتي حاوطيهم منا واني منا وندخلهم
حلا... هم يدخلون مال بيت ساهر الدجاج مالتهم يدخلون هم
انس... اي تعالي ياعيني وهم جايب وياي قمر الدين نكعد ناكل على السطح
حلا... فرحت يلا
شلت عوده وصرت احاوطهم بإيد بالعوده وبإيدي الثانيه وهو هم ودخلو للبيت وقفلنه الباب عليهم
كعد وكالي تعالي كعدي يمي
كعدت يمه طلع من جيبه قمر الدين كال باابتسامه هاي الج
جنت صغيره ودبدوبه واحب الاكل
فرحت حيل
انس... لو ادري هيج حتحبين القمر دين جان يوميه اجيبلج اشكال مو بس قمر الدين
حلا... اي جيبلي وهظ احب الشربت رنا يوميه اريد منه
صار يوميه يشتريلي جبس وعلج بوبي وشربت رنا جانت عليها بنيه مرسومه نكعد بالسطح وناكل
انس... اني راح اخلي القصبه بعينها
حلا... اني بخشمها
انس... ضحك يقهقها يعني انتي تشربين من خشمها ايييييييع
حلا... هي صوره
انس... باوعلي نفس النظره متقزز بس كاتم ضحكته
حلا... لاتباوعلي هييييييج
انس... ايييييييع
حلا... بجيت وخليت الشربت بالكاع وكمت ابجي رايحه لاامي بس لزم ايدي وضحك
اشاقه ويييياج ياعيني
كعدت واشرب بالشربت وابچي جان منظري يضحك
لهسبب كعداتنه على طول بالسطح اخر فتره صاير يجيبلي لفات من بره ونكعد ناكل بالسطح اني احب الاكل وهو يعرف بهذا الشي ولهسبب دائماً يجيبلي
امي جانت تدري وتعرف نكعد هيج عادي
أنس... داتشوفين هاي النجوم
حلا... اي حلوه اتمنه اصعد على النجمه واشوف الكره الارضيه من فوك النجمه
أنس... بس حتشوفيها كره صغيره لان الفضاء جبير
حلا... وشمدريك
انس... نوبه طلعوها بالتلفزيون يكولون امريـ#كا صعدت للقمر وخلت علمها بالقمر
بس تسائلت هم كالو ماكو جاذبيه بالقمر شلون خلو العلم؟
حلا... يمكن شدو بالقمر
انس... هذوله مثل الجن كلشي يعرفون شمدرينه بعد
المهم حلا داتشوفين هذني النجمات السبعه صايره 4 وحده امام الثانيه وتلاثه تتبعهم
حلا... دققت النظر وهو كان يأشر بالسبابه على النجوم ابتسمت كتله ايييي
انس... هاي النجوم يسموها بنات نعش وفد يوم اسولفلج قصتهم
وهذه النجوم الي صايره بهذه التشكيله داتشوفيها؟
حلا... هذوله منو
انس... الدب الاكبر
وهذا الدب الاصغر
وهذا العقرب
وصار يأشرلي على نجوم وتشكيلاتهم وجنت حيل فرحانه واني أتعرف على السماء وشنو بيها
رغم انس مامكمل دراسته غير الابتدائيه لكن عنده معلومات حلوه
قاطع صفنتي وذكرياتي آسر وهو يلوح بيده يم وجهي
هاااااي وين صافنه
كلت بحسره وقهر... آسر امي خاف ابويه يقتلها
آسر... لاتخافين آزر النذل يمها وانتي تعرفي شكد يحبها
حلا... ااااااخ كله من اخوك
آسر... باوعلي بطارف عينه بشقاوه ياهو منهم
حلا... مو وكت شقاك اسر
آسر... ركلني بعكس ايده يحاول يضحكني
اي دضحكي شبييييييج
دهاج شلون لفات اشتريت تخبل وانتي ام بطن على كولة انس اخويه
حلا... ليش يكول عليه هيج انس
آسر... اي يكول ام خدود تموت على الاكل وهو كلما ياكل شي بره يكول تنغصتلها لاام خدود
حلا... كون الزم اخوك آزر وادكه دكـــــــــــه
آسر... استقري فاندام
كعدنه ناكل وهو كمل قبلي التفت يمنه يسره شاف كارتونه راح جابها خلاها بالكاع ومدد عليها طبك ايديناته الاثنين وخلاها جوه راسه
حلا... حتنام
آسر... اي من بعد لسانج الي مناوي يتوقف عن الكلام اريد انام تره منتهي من التعب
حلا... واذا كمشونه
آسر... باوعلي بطارف عينه وغمض
واني بقيت افكر وافكر راسي حيطك من التفكير وهو راح غط بنومه
خيم الليل كعدته فز
حلا... خل نروح لبيت خالتي عاد
آسر... امشي يلا
نفض ملابسه وطلعنه من البيت اخذنه تكسي وصلتني لبيت خالتي تأكد مني فتت لبيتهم يلا راح
بقيت بيت خالتي تقريبا 4 ايام وبعدها اجه آسر وياه عمي الياس
آسر... امشي ويانه حلا
حلا... باوعت خفت من عمي الياس باوعت لعمي وباوعت لآسر
آسر... لاتخافين آزر كاللهم جان مو بوعيه وان هم مجرد يكعدون مرات بالسطح هيج عادي
امشي حلا افهمج بالطريق
رجعت وياهم
حلا... شنو الي صار
الياس... مصار شي ترحين للبيت وخلص كلشي لاتحجين
آسر ساكت واني قلقه وخايفه وصلت للبيت
جان ماكو احد وهدوء
صعدت فوك يم غرفة امي لكيت امي اول ماشافتني حضنتني وبچت
ام حلا... يمه قلقتيني عليج شلونج بنيتي
حلا... يوم خو ماضربچ ابويه بالي يمچ
ام حلا... مسحت دموعها وتكلمت لا هو راد يضربني بس هذا المخبل ابن عمچ رفع سچينه عليه
حلا... فتحت عيني بوسعتها شنوووو
ام حلا... وره مارحتي اني فتت جوه كعدت يم اخوتج خفت عليهم لايتفززون بهذاك الليل من صوت الصياحات عمچ مهاب فوته لاأبوچ بالاستقبال گله نفضحنه بين الجوارين
بقو يحاولون يهدوه لكن هو جان حيل عصبي
وي مراح تصبح الصبح صاح عليه سمعته صوته گلبي وكع بالگاع
نزلت... ام حلا... كول..... صحتلي
ابو حلا... انتي ام انتييييييييي بنتتتتتتتج فوگ مسيبتها وي ابن عمهاااااااااا وين جنتيييييي عنهاااااااااااا
ام حلا... ادري بيها وبنتي طفله وصغيره شراح يسويلها ابن عمها لو هي شحتسوي
ابو حلا... طفلتيييييشششش الي يشوفها يكول مره وانتي مسيبتها ومخموووووده
ام حلا... كتلك ادري وجنت اراقبهم انس ماعنده نيه مو حلوه تجاه بنتك ولا ولد مو خوش اني ربيته لاانس على ايدي مثل ماربيت بنتي حلا واعرفه
ابو حلا... وچ انتي هذا لساااااااانچ دوااااااه كصصصصص كام على حيله وصار يتمشه باتجاهي ويأشر بأصابيعه مسوي حركة المكص
واني تراجعت بخطواتي لم قبضة ايده دايضربني كام وگف آزر
عمي عوفهااااا شذنبها هي شمسويه
ابو حلا... سد حلكك انت ولاتدخل
آزر... لا أشو ادخل دااشوفك شتسوي
مهاب... آزر لاتجادل عمك ولك وانت رحاب عوفه عاد
ابو حلا... مااهتم لكلام مهاب وكمل كلامه وي آزر... تريد اشوفك شسوي الضاهر الوايرات الي جنت اجلدك بيها وانت صغير حنيت الها عاجبك تجربها
آزر... هه كلتها جنت صغير وجنت طايح بيدك اني مااعتب عليك اعتب على هذيج ( يقصد امه) الي دورت نفسها وطفرت بريشاتها
ابو حلا... هه هو اخويه لو ماعار مايحويها لاامك ويخلف عارات مثلك
لزمه آزر من ياخته لرحاب وهذا كبل تهجم
ابو حلا... تمد ايدك عليه ابن الكللللللللب
وضربه بوكس آزر بسرعته راح للمطبخ وطلع سجينه وراد يضرب رحاب بيها والياس وبقية عمامج لزموه ولزمو رحاب وصارو
كااااافيييييي
آزر وهو يگاويهم وبيده السجينه رافعها ويحچي
والله ثم والله اذا مديت ايدك على عمتي الا لااكسرها لاايدك واعلكها قصص وروايات عراقية كرار صلاح برگبتك وان قتلت حلا لادفنك وراها وانت عايش
عبالك هاي نهلــــــــــــــــــه الي كتلتهااااااا
رحاب صار يبلع بريكه وهو تخبل وعت عمامچ وخرهم عنه
رحاب... متبقه بعد هنا تطلع من البيت والله اذا تبقه هنا لا اذبحك وانت نايم
آزر... جبان وتسويها واني نايم طبيعي اتوقعها منك واطلع بس مو خوف منك اطلع اخلص من بيت الشرررررر هذااااااا
صار يحچي وهو ينهت... شوف لااخر مره اكلك اذا مسيت شعرايه من الي احبهم وخصوصا حلا وامها بالقران ماتبقه عايششششش اقتلك وخل اروح وراها اعدام ولو واثق من تربيتك جان مصدكت كلاميييي
بنتك جاهله وكعدتها وي ابن عمها عادي اني الي جنت مواعي وتصورت بكيفي وحجيت
رحاب... بالقران ان رجعت ماتلوم الا نفسك
آزر... اجييييي واكعد واشوف عمامي واخوتي ماتمنعني انت
وراها مباشرة طلع وطبك الباب بقوه
رحاب... راس البلا بنتج وينهاااااااا
الياس وآسر ودوها لمكان آمن وباوعت لإلياس
والياس مباشرة عرف شقصد من باوعتله
الياس... البنيه خافت وديتها على كيفك
رحاب... انتو تتصرفوووون بكيفممممممم اني هنااااااا شنووووو
الياس... رحاب افهمني بنتك جاهله وابن عمها نيته مابيها شي يم بنتك وامها هاي تدري بكلشي وكلتلك اني ادري
واني وديتها هي خافت وامها خافت عليها لايصير بيها سكري شي
مهاب... كلام الياس صحيح عوف العصبيه هاي رحاب وامشي مدد ارتاااااح
سكت وهدأ بعد ماجان يغلي
واني بقيت الوب وآسر كل ضني يودي حلا ويجي يطمني نوب هو الثاني ماكو
أنس رجع للبيت بعد ماعمامچ گلبو الدنيا يدورون عليه ويلومون برحاب
إدراك ( احد اولاد الحجي ذياب )... والله ان مالكينه أنس لااحط طلقه براس رحاب واخلص منه طشرهم لولد ذيااااب بله آزر لسانه زفر ومستهتر أنس شكوووووووو
مهاب... رحاب دايكبر ودايخرف
إلياس... يتهمها لبنته لعد وي منووو وي ابن عمهااااا
إدراك... كله من هذا راس البلا آزر جا طافي بتوالي ليل وفتح ابواب جهنم على روسنه
وبقو يدورون عليه وره يومين يلا لكوه طلع بالگهوه داينام خطيه
إدراك... اكلك هذا مو عبالك انس
مهاب... اي والله هيئته هيئة أنس شو بلا لو بس يلتفت
إدراك... امشي نروح عليه ونشوفه
مشو حد ما وصلو وقبل لايحجون التفت الهم
انس... عمو مهاب عمو ادراك
مهاب... وين جنت مدكلييييي
أنس... وشسوي يعني ابقه بلبيت لحد ما يضربني طلقه عمو رحاب
ادراك... ماعليك منه يضربك طلقه شنو امشييييي
أنس... لا عمي لاااا عمي رحاب بعد مالي عيشه ويا ولا وي اخوي آزر
مهاب... اخوك طلع من الحوش مايريد يعيش ويانه
أنس... بلهفه... شنووووو آزر طلع من الحوش وين راح
إدراك... ماعليك خل تبرد الامور واني ارجعه بس انت امشي ويانه
أنس... عمي والله مالي طلايب عمي رحاب
إدراك... كتلك امشييييي ماعليك منه
بقه آزر مانعرف عنه شي
حلا... يمه ابوي خو ماحيل ضايج مني
ام حلا .. الله بسابع سماه نقذج وحنن گلب عمامج عليج وهدوه وحجو ويا واحمدي ربج ماتهمج آزر بغريب جان صارت طلايب لاطلايبنه وي بيت حجي شعبان ولا غيرها لان ابن عمج سدوها للسالفه ومهتمو
وانتي بعد اذا الكفج بالسطح انتي وأنس اني لاأذبحج مو ابوچ
حلا... لا يمه ابد والله
مرت الايام والامور مشت عادي بس بقت كل سالفتنه آزر
لان آزر اختفى بقه آسر يدور عليه ماخله مكان مايدور عليه وماكو
مانعرف فص ملح وذاب وهناك ثارو عمامي على ابوي
الياس...بصياح... كله منـــــــــــــــــــــــــك روحت ابن نعمان وضيعتـــــــــــــــــــــــــــــــــه
ادراك... شنكل لنعمان يافشلتنه من اخونــــــــــــــــــــــــــه
رحاب... بصياح وغضب... واني ادري هذا الكلب حيختفي هيييييييييج
اني ادرييييييييي
الياس... لعد شمتوقع هااااااااااا شمتوقع من تهدده بالقتلللللللل
رحاب... خلي نفسك بمكاني شتسوي
مهاب... كلك نفس اخوي بيها مااخذها سويتها طلابه على روسنه
رحاب... شوف مهاب انت اخر من تفتح حلكك وتحجيييييي
اختك منو سكنها للكبوووووور منو
مهاب... غسسلت عارك وعاري شرفنه صار بلسان وين ماكو كللللللللب
شتريدني اسووووي هذاك غريييييييب
غرييييييب مو ابن عمهاااااااااا
رحاب... سد حلكك كتللللللك
إدراك... كاااااااااااافييييييييي
كاااااافي جايين تتعايرووووووون
كلنه كتلناهااااااا كلنه
حاوطناها وقتلناهاااااااا
وذنبها برگبتنه ليوم الدييييين حوبتها ياولد النعماااااااان حوبتها لاتحرككم حررررىىك
فهد... سد حلكك حوبتها شنوووووو اختك سكط جايبه ابن شعبان بالبيت وره ضهرنه واخوك شهاب هو الي لكفهم وكتلووووه سد حلكك ولاتلغيييييي
ادراك... والله
لو تعرف بيت شعبان الملا يدوسون اعراض العالم جان ماكتلت نفسك على شيماء وهي بنصهم
فهد... اجه تقدم عليه ودفعه وكعه بالكاع وهو يحجي
تحملتك هووووواي بس مال اتحمل التفلسف مالتك لهنا وتلزززززززم حدددددددك
رحاب... كووووومووووووووووو
كومو يولد الذيييييييييب كومووووووو
حتتلازمون من وره مرررررره
فهد... خل يسد حلكه لااسدليها طول عمره واخلي بسد اخته
التفت عليه رحاب وضربه على حلگه بقوة ايده وهذاك تخبللللل
تضربنييييييييي وراد يضربه وحاجزهم مهاب وادراك لزم رحاب وصارت صياحاااات
بهل الاثناء طب آزر للبيت
صفك وضحك وبعد وبعد هه
اجه تقدم عليه رحاب بسرعته وهو عصبي
ولك داايييييح وين جنتتت
مااهتم إله وتمشه والجكاره بحلكه
عته من جتفه وكلمه أحچي وياك وذب الجكاره من حلكك كلب عمامك احنه مو جماعتك الس....
ذبها ببرود وداسها بطارف حذائه وهو يباوع للجكاره ويحجي... هاي لخاطر عمامي لان جيت اشوفهم مو اشوفك
استدار حتى يمشي ولزمه من زنده وتكلم بنبرة غضب
احجي عدلللللل لااعدله للسانك بطريقتييييي
نفض ايده ومااهتم بصق عليه رحاب والتفت آزر بغضب واجه عليه بسرعته ويحجي من بين اسنانه
تحملتك بما فيه الكفايه لهناااااااااااا وكافي
وكفو بنصهم عمامي يحاجزوهم
وصارت صياحات وغلط اخر شي نتهت عمي مهاب
اطلع آزر رووووووووووووح
اآزر... رايح اني بس ارجع واريد اشوف رجاااااال يفك حلكه بعد.
رحاب... لك هذا شلون جايز من روحه
ومرت الايام هدوء كاذب الكل يدعي انه الامور تمشي لكن الكل اعصار قوي بداخله واحد متحمل على الثاني بعد ما نفتح موضوع عمتي نهله
آسر وانس وأيهم شبه معتزلين غرفه وحدهم واكلهم وشربهم صارو هم يسوون الهم
مره سمعتهم بغرفتهم يحجون جانو سادين الباب وكنت ماره بالصدفه فسمعت كلام وكفت اسمع شنو يكولون
آسر... أشجع واحد بينه آزر وكف ضدهم وطلع من بيت الشؤوم هذا بيت الدم والحقد
أنس... وين نروح يااخويه مادكلي آزر الله يعلم وين هسه محد يعرف عنه شي
أيهم... هي لو أمي صايره مثل هالامهات العفيفات ولامتنه ولا خلتنه جوه ايد هذا وهذاك
آسر... على كد مااني مقهور منها على كد ماعاذرها لو باقيه جان هذوله الوحوش البره كلوها ماخلوها تعيش بسلام
أنس... ماالنه غير نبقه هنا
آسر... اني مستحيل اخلي حياتي متصله بحياتهم بس أتزوج واخذ الي أريدها أعيشها ملكه بيت وحدها اخليها تصير هي امي واختي وزوجتي
احنه نحرمنه من هالعيشه الحلوه والبسيطه العيشه الي البشر يعيشها بسلام بلا نكد بلا مشاكل واذيه
انس... احنه الناس صارت تچفه شرنه منو بعد منه حيلكه بت حلال بت حسب ونسب
آسر... اكو وحده بالي حموت عليها بس
بس ماعندي جرأه احاجيها اولا هي صغيره مو مال زواج وثانيا اعرف اهلها مستحيل يقبلون ينطوها ويدخلوها بيت الدم
أنس... يخوي لايهواها گلبك لعد عوفها دام الطريق الها صعب تتعب بعدين وگليبك يتأذه
آسر... موبيدي أنس البنيه من هي وصغيره حبيتها وانتضرها يوم يوم تكبر بس ان ماصارت الي اخوك تلكاه بالنجف يلا يرتاح
فضول تولد عندي بيومها منو هاي البنيه الي آسر گلبه هواها
أزر صار يجينه مثل الخطار مايطول هواي ويروح بس بيومها يجي مشتريلنه اني والجهال حلويات ونساتل ومصاص جان يفرحنه يمر على امي ينطيها مصرف
أزر... هذا مصرف الج عمه
ام حلا... لا عمه مشكور
آزر... خلي يمج ولاتكلين لعمي عليه ضمي لوكت العوز خاف الوكت يعوزج هذا عمي ماله امان
ام حلا... منيلك هاي الفلوس انت مو مداتشتغل بالسكله مال الحداده
آزر... اي وقابل هي واكفه على سكلة جدي السكلات يامكثرها عمه
ام حلا... الله يوفقك وليدي
زين وين داتنام وين تاكل تشرب منو يغسلك ملابسك
آزر... كالها وهو يمد النظر لاارجاء البيت عايش عمه عايش واحسن من ماجنت هنا هم انتي لاتشغلين نفسج بيه
اريد ابقه هنا لحد مايجون اخوتي وان إجو كليلهم بدون ماينتبهون عمامي إنو أني فوگ بالسطح انتظرهم
ام حلا... صار بعيني
سكتت لثواني بعدين سألته... هو انت مجوعان آزر
آزر... لا عمه لا رغم حيل مشتهي اكل من طبخج او طبخ البيت
ام حلا... مكضيها من بره
آزر... طلع جكاره وخلاها بحلكه وصار يشعلها بالجداحه...
ام حلا... هاي شنو آزر دخن
آزر... باوعلها وتكلم عمه اني صاعد فوك بلغي اخوتي يجوني
وصعد فوك وبقت امي تباوعله مصدومه
ربما يكون ضياع أنفسنا من أفعال صغيره تكاد لاتُحتسب!
شكرا لزيارتكم عالم روايات سكيرهوم
