رواية بنات الملا الفصل الواحد والعشرون بقلم رغد الموالي
ماس رجعنه نتمشى من المدرسه بعد ماانتهى الدوام وصلنه حد بيتهم شفنه
شاب واكف بالباب
قامته طويله ومفتول عضلات قليله
لابس نضاره ومرتجي بسياره على مايبدو سيارته وكانت حديثه
كان يدخن بجكارته
حلا... هذا. هذا الي حجيتلج عليه آزر ابن عمي
ماس... هو هذا آزر
حلا... اي
صاح على حلا.... حلااااا
حلا... هاي دايصيحلي حروح اني باي
سارعت بخطواتها وسبقتنه وراحت تكلمه صار يكلمها وبعدها نزع نضارته شويه باوع علينه ورجع باوعلها
ياقوت... امشي بسرعه ولتبقين تباوعين
ماس... دااباوع للشارع شلون امشي لعد
ياقوت... لاتباوعيلهم
ماس... مدااباوعلهم ولتبقين تحجين
بقينه اني واختي وحده تحجي على الثانيه ندردم طول الطريق لحد ماوصلنه للبيت
امي جانت تعبانه بعدها واختي جواهر يمنه تداريها
بدلنه وصرنه نساعدها لجواهر شويه وندكت الباب راحت زمرد تفتح الباب
منووو... اني آسر عمي هنا
زمرد... لا مموجود
اسر... شوكت يجي
زمرد... على جيه
آسر.... يلا انتضره لعد
اجت زمرد وجواهر تلكتها هاي شيريد ابن النعمان انوب
زمرد... هذا ابن ابنهم مااعرف شيريد من ابويه بس هذاك اليوم هو وكفلهم لااهلي من وكعت السقيفه
جواهر... دروب بيت ذياب اعرفها وابويه مو غشيم وتعبر عليه هذوله اكو بالهم بلوه جديده
زمرد... والله ماادري بعد يجي ابويه وسألي وهااااا ديربالج تحجين شي تره كاعد يم الباب ينتظره لاابويه
جواهر.... شنووووووو ينتظر ابويه وشيريد منه
شويه وابويه كال سوو درب يابنات
تعال تفضل بويه آسر
دخل آسر وياه ادوات مال لحيم ورجع مره ثانيه جايب سقيفه
جان بملابس الشغل ولابس بإيده چفوف ونظارات مال حدادين
بخفة صعد على الحايط وصاح يااااالله
سووو درب يالله....
إجه وياه عامل يساعده ثبتو السقيفه على الحايط وصار يشتغلون حتى يثبتوها أكثر
أبويه چان مخلي ايديناته الاثنين وره ظهره وبيده السبحه يسبح ويباوعلهم
شويه واجه... بويه جيبو مَي
وحضرو غده
نطيناه لاابويه الماي وراح يودي الهم وهم يشتغلون ويسولفون
جان مركز بشغله كلش شغله سريع ومرتب كلش
مرت تقريبا ساعه كملها
ابو جواهر... عاشت ايدكم ماقصرتووو
آسر... تدلل انت عمي
ابو جواهر... تفضلو تغدو
آسر... لا عمي مشكور
ابو جواهر... ابد والله الا تتغدون تعالو تفضلو فتح باب الاستقبال ودخلو
احنه بسرعه صبينه الغداء
جواهر... ياقوت روحي ودي الصينيه بس لا تصيحين على ابوي يس دكي الباب وهو يعرف
ياقوت اي
شلت الصينيه ورحت دكيت الباب فتحها ابويه داانطي الصينيه جان آسر كاعد گبالي باوعلى واتبسم اني ارتبكت ودنكت
نطيته الصينيه ورحت بسرعه جوه
شافتني جواهر متوتره ومو وضع طبيعي جواهر بطبعها ذكيه ونبها كلش
جواهر... شبيج ياقوت
ياقوت... ما ما مابيه شي
جواهر.... كومي لعد خلي الچاي على النار
سويت الچاي وكملته رحت حتى اشوف اذا كملو غده او لا وكفت يم باب الاستقبال ترددت بين ادك الباب بين لا سمعتهم يحجون
آسر... اني ياعمي هالشغله تعلمتها من جنت صغير عمامي علموها الي واني احب الشغل
ابو جواهر... الله يحفظك وليدي ويرزقك
آسر... اشكرك عمي
والله ياعمي اني حيل اعزك يشهد الله اني ماريدك تحسبني على بيت جدي صح اني وياهم عايش بس هم بعالم واني بعالم ثاني شسوي لو ماامي تعوفنه يمهم ونجبرنه نعيش
ابو جواهر... والله ياوليدي كل ماتحجي كل ماتزيد معزتي الك الله يرحم عمك شهاب نسخه منه انت خلقه واخلاق
آسر... ربي يحفظك عمي
جواهر... بهمس وغضب... ولج شتسوين هنا تعاليييييس
ياقوت... د د د دا اشوفهم خلصو اكل
جواهر... ولج هو ابوي يصيح على الچاي احنه نصبه ونودي الهم عيب نودي هسه بدون مايكولون
ياقوت... شمدريني
جواهر... الحمد لله لحكتلچ جان فضحتينه
......
دره... قريت اخر رساله ذبها الي
دره لازم اشوفچ بعد مااتحمل بس من بعيد اشوفچ والله گلبي حيطك
اليوم أجي راح اكون يم شجرة التين ب 1 بالليل
رائد...
بقيت متوتره وخايفه شسوي شلون شرد عليه وشلون
جواهر يمنه هالفتره وجواهر متنام من وكت بس لاتحس عليه وتصيرلي كارثه
من القلق والخوف والتوتر صرت مااعرف شنو اسوي
لليل بعد ما الكل راحت لفراشها اني بقيت كاعده مانمت
ياقوت... اساعدج تنامين على سريرج
دره... لا نامي انتي ارتاحي
جواهر... زمرد انتبهي على الجهال لايتكشفون بالليل اني حاخذ بس الصغير يم امي وابات يمها
دره... ابويه وين
جواهر... بالاستقبال نايم
بعدين باوعتلي... انتي ليش مو بسريرج
دره... ماادري مجايني نوم حطلع بره اشتم هوى
جواهر... بهذا الليل
دره... اي اغير شويه
جواهر... على راحتج
طلعت بره وكفت على مقربه من شجرة التين ابويه جان بالاستقبال قريب علينه خفت لا يحس ابويه
الوقت صار يمر بتثاقل وگلبي يخفق من الخوف والتوتر شويه وسمعت صوت بالممر مال واحد نزل
گلبي حسيته حيطلع من قوة نبضاته
راىد... بخ
دره... بخوف وبسرعه... رائد روح جواهر هنا وابويه بالاستقبال
رائد... الحجج هاي بطليها جبت اشوفچ مشتاقلچ
دره... ابوس ايدك بس روح لايحس ابويه
رائد... وشكو لابسه حجاب علساس مشايفچ
سكت شويه واني اتلفت يمنه ويسره ومرتبكه
رد تكلم... اجيت أكلج انو اني حشتاقلج هواي
دره... ليش وين حتروح
راىد... جر نفس عميق بعدين تكلم انتي شكد تحبيني دره
دره... ليش هالسؤال شصاير احجي
راىد... دره خليها بالچ انو اني حبيتج هواي
دره... ليش تحچي هيج
جواهر... دررررره
شهكت بخوف وهو بقه واكف مصدوم
جواهرلطمت خدودها... عزه بعينج دره هاي شنووووووو
ولج شداشووووووووووف
دره... الله عليج لاتكلين لاابوي جواهر الله عليج
رائد... تره ماعندي نيه مو شريفه وياها على كيفج
جواهر... يانذل ياماتستحي لو ماعندك نيه مو شريفه ماتعبر بيتنه بنصاص الليالي بس العتب مو عليك على اختي الماتستحي والي جابتلنه العار
رائد... هيييييييي على كيفج شسوت اختج متكليلي
دره... راىد روح الله يخليك
جواهر.... خايفه... خايفه ست الحسن
رائد... ثقي بالله العلي العظيم اذا حجيتي شي لاأهلچ لااكتل رجلج والهيچ بروحج والهي أهلچ بيج ويعوفون دره ومو رائد وماطالع من ظهر رجال اذا مااسويها جربي تفتحين حلكچ بلي شفتي وشوفي شلون اخليچ تعضين اصابعچ ندمممم
باوعتله جواهر بقرف وبصقت بالكاع وعافتنه وراحت
باوعلي رائد... لاتخافين حلكها سديته روحي نامي واطمني
وراح بعدها صرت ابچي اعرف الي سويته غلط بس ماادري ليش سويته
رحت واول مافتت جوه استلمتني جواهر تحجي همس بغضب
ياماتستحين جبتيلنه الحچايه شسوالچ ابويه وهيج نكستي راسه بنص الناس
دره... هو حيتزوجني مو كذاب
جواهر... والله.... كل عقلچ بالله هو قبل اهله حيتقبلوچ امه حتتقبلچ
دره... وشبيه يعني بس لان ماامشي
جواهر... الناس هيج تفكر وهو واحد من الناس
دره... رائد غير رائد يحبني ويخاف عليه ومافد يوم جاب اسمي كدام احد انتي عبالچ اليوم والبارحه اعرفه
جواهر... ضربت على خدها لعد من شوكت
دره... من سنين احنه نحب بعضنه رائد هواي يحبني
جواهر... عزه العزاچ جواهر ولج يعني هاي كل مره هيج يجيج امج وين عنننننججججج
دره... هاي السنين الي يعرفني وااعرفه مالتقينه غير 4 مرات او 5 مو هواي اني مااقبل وهالمره ماادري شيريد جاي أصر انو يشوفني وجه بوجه لو ماتجين انتي جان فهمت منه شبي
جواهر... وليش ماتزوجج ياغبيه لمن صارلكم سنين
دره... كالي امي تريد تزوجني على اختيارها واني رافض هالفكره وماريد اتزوج واعرف لو اخطبچ مراح يقبلون
جواهر... يعني كلامي صحيح
دره... بس هو يحبني ورايدني
جواهر... هو مو صغير لو رايدج صدك جان تزوجج حتى لو يكعدج بيت وحد بس هو هم كذاب
دره... لا مايكذب يحبني والله
على طول يكتبلي رسايل بالجيش ومره دزلي صورته
جواهر... وانتي تسمي حب ومصدكته
دره... يحبني داكلج وراح يجي يوم ويخطبني والايام راح تثبتلج
جواهر... نشوف يادره نشووووف بس ثقي بالله ان جا مره ثانيه وعبر للبيت والتقيتي بي الا لااكلها لاامي ولاابويه عليج واني حعرف منو اخليها تراقبچ
دره... متثقين بيه
جواهر... بعد الي شفته لا
هزيت براسي بمعنى اي وعفتها ورحت جوه فتت للغرفه
بقيت افكر شنو جان يريد وشنو قصده
من كال خليها بالچ انو اني أحبچ هواي
شيقصد
فزيت بخوف بس لايموت هو راح يلتحق لايموت اي هو جاي يودعني وجواهر خربت كلشي خطيه راح هو مقهور وخايف عليه
اويلي يالوعة گلبي منين اطمن عليه منين ارد لهفتي ااااخ منج جواهر
بقيت افكر والوب جافاني النوم بليلتها صبح الصبح طلعت بره وبقيت اباوع لسطحهم
بقيت اباوع وانتظر عسى ولعل اشوفه لكن اعرف اني هو ميكون موجود بهيج وقت
ملت عيني من الترقب وخابت امالي فريت الكرسي حتى ادخل جوه سمعت صوت صفير فز گلبي والتفتت بفرحه باوعتله جان هو لابس عسكري دمعت عيني من شفته الي جان بالي صحيح أشرلي من بعيد بمعنى شلونها الامور جوه اشرتله زينه
ابتسم اشرلي راح يروح للدوام وشمر قبله بالهواء واتبسمت واشرلي باي وراح
.....
زمرد... مرت ايام امي تحسنت حالتها
جواهر اختي هاي الفتره بقت عدنه ولما قربت انو تروح لبيتها كلمتني
جواهر... ديري بالچ على البيت هسه انتي الچبيره والفاهمه بعدي
زمرد... دره مامقصره تره رغم ا
جواهر... اششش ماعليج بدره لاتعتمدين عليها خلي عينج مفتحه عشره عشره على خواتي وين يروحون وين يجون كلامهم تصرفاتهم
خواتج الثنائي ياقوت وماس هواي اشوفهم يكعدون سوه ويتبشبشون مادري عن شنو يحچون راقبيهم
زمرد... احچيلي شصاير
جواهر... مصاير شي سوي الي كتلج عليه وخلي عينج على دره اهم شي لاتغفل عن عينچ
وكليلي كلشي اول بأول
زمرد... وشلون بالله
جواهر... خابري. وسكتت لازم احچي وي ابويه يشدلكم تليفون أرضي بالبيت يعني اجي اعرف اخباركم مااجي كلشي مااعرف
زمرد... اي والله علواه
جواهر... هسه بس يجي ابويه يوصلني احجي ويا بالطريق واخلي يشدلكم ارضي وكل يوم تخابريني وتكليلي كلشي
زمرد... ماشي
..... الايام تروح وتجي تطورات سريعه تصير بكل يوم والبنات مثل كل يوم يروحون ويجون للمدرسه وحلا صارت تفتحلها گلبها لماس وتسولفلها كلشي يخصهم
حلا... بأبتسامه
هذاك اليوم من جنه راجعين من المدرسه وآزر بالباب جان
ماس... اي
حلا... سألني عليچ... كالي هاي منو وحچيتله وعرفكم
گالي صاحبتچ حيل حلوه
ماس... لا عفيه شنو هالكلام هذا
حلا... تره آزر خشمه يابس وأبد ميطلع منه هيج كلام اصلا تفاجأت من كالي هيچ
ماس... دنكت مارديت
حلا... أنس يريد يخطبني من ابويه بس امي كالتله البنيه بعدها صغيره
ماس... وانتي شنو رأيج
حلا... اني اريد اطلع من بيتنه كتلها لاامي تشجع أنس اذا نزوج نطلع ببيت وحد امي عصبت عليه
ماس... ليش
حلا... كالتلي انتي بعدج صغيره خلصي المتوسطه اول وبعدين فكري بهاي السوالف
ماس... وهو شلون قبل أبوچ تكملين دراستج عكب ماصار الي صار
حلا... أسر الله ينطي الصحه والعافيه لو ماهو مااكمل هواي بقه يلح على ابويه اكمل دراستي ابويه جان قافل الا كله اني اوديها واجيبها بيدي وضغطو عليه عمامي يلا فبقى هو يوديني ويجيبني على الدراجه فتره لحد ماشافكم مره كالي بنات عم الملا وياج؟ كتله بس ماس
كال كليلهم حتى ترحين وتجين وياهم بس لاتكلين لعمامي ابد
ماس... يعني اهلج ميدرون
حلا... يعني انتي اهلج يدرون؟
ماس... لا.... الي بين اهلي واهلج فجوه چبيره
حلا... احنه ماعلينه بالكبار وحقدهم انتي صديقتي ومثل اختي شعلينه بأهلنه
تدرين اني اعرف بيت جدي غلطانين امي دكلي بيت جدج مثل حفره مليانه عقارب الي يوكع بيها لازم ينلدغ
چانت اكبر ضحيه هي عمتي نهله
ماس... ضحية الي صار مو
حلا... عمتي نهله مالها ذنب وبريئه وعمج ماله ذنب وبريء اني امي كالتلي
بس الله عليج لاتحجين خليها بيناتنه
ماس... شلون عرفت امچ
حلا... امي چانت بالبيت يوم الحادث بس ماچان احد يدري بيها موجوده
ماس... شلون يعني
حلا... امي بيوم الحادث رايحه لهلها ومالاكيتهم بالبيت فرجعت جان اخوي عليوي صغير شهور عمره
جانت امي بغرفتها داتنيمه البيت فارغ وهي عبالها محد موجود حتى بعمتي نهله ماتدري بيها موجوده
ام حلا... جنت انيم بعليوي تعبني متوجع من بطنه شلته نيمته على كتفي وصرت افتر بي بالغرفه
سمعت صوت شهاب ويا عبد اللطيف بالطرمه متعودين دوم سوه هُم مو شي جديد
لكن خفت لان اني وحدي بالبيت ورحاب يدري بيه بيت اهلي ونوب هذوله اجو يتهمني ميكلي ليش كذبتي عليه بساعتها ترددت بين اطلع بين لا
اخيرا فكرت اطلع لبست ربطتي وعباتي اول ما مديت راسي من الشباك داباوع وره الجامه شفت طلقه طلعت من السلاح الي بإيد شهاب وقتلته عبد اللطيف ماله ذنب
اني جيت اخرب بساعتها رجلي احسها ثلجت من الخوف
عمتج نهله طلعت تركض تفاجأت بيها موجوده
شهاب مدد بدمه غركان وهي تصيح كتلت اخويه وعبد اللطيف مصدوم واكف ميدري شيسوي
بقيت ساكته من الخوف ماطلعت صوت التمو الناس وهوسه صارت واني بغرفتي بقيت واجو عمامج الدنيا احتركت مااعرف شصار بيه كلمه منطقت ولاطلعت باب الغرفه هناااااك وره وين فززني صوت صراخ بالبيت على شهاب ونسوان حمايه يصرخون عليه نزلت لكيت عمي معصب ناااااااااارررر
حجي ذياب ... ماانامن ولايهدالي بال اذا ماشوف جتال ابني بتابوت
مهاب... بصيييااااااح.... والي خلق شهاب لانكتله لعبد اللطيف لو يسجنوه جوه الكاع لانطلعه ونكتله وناخذ بثارنه
نعمان ... دم شهاب مايرووووووح هدرررررر وفاتحته ماتنصب اذا ماناخذ بثاره
اريد احجي اريد اكلهم مو هو احس بلعت لساني
بس ابچي بس ابچي مااعرف شبيه بلحضتها
جنت صغيره بعدني بنت ال 15 سنه مو واعيه مثل هسه ورحاب جان يأذيني كلش ويشك بيه هواي حتى من اخوته
جان دائما يحذرني مهاب ويكلي مهاب اذا بهذا المكان انتي بهذاك
بقيت خايفه وساكته اني نقهرت حيل على شهاب
شهاب جان الورده بين كومة شوك من ولد حجي ذياب
اجملهم واحسنهم اخلاق يكله للگمر غيب واني بدالك
سبحان من ذب عليه اوصاف الرجوله
رزانه وحكمه بكلامه ثگيل والله مايشيل عينه من الكاع من يحاجي نسوان اخوته
ياحسافة الگاع ضمت هيچ شبان
جرت حسره وكملت
بيومها صراخ وعويل طلايب صارت وبمرور الايام
لزموها لنهله اويلي ينهله شسوو بيها خوتها
مهاب... احجي ولج فاجره شجنتي تسوين والكل طالعه هااااااااااااااااا شنو جنتي تسوين متفقه وي ابن الكل... هذا
مووووو ولكفكم شهاب
نهله... والله ماسويت شي اني
بقيت بالبيت مريضه ماكدرت اروح وي نسوان اخوتي ومرت رحاب راحت لهلها وبقيت وحدي
مهاب.... كذابه انتي كذابه وانتي قريتي براس مرت رحاب حتى تروح لهلها
نهله... لا والله هياتها سألها
رحاب... اني كتلها تروح عليوي مريض كالت يمكن مبروگ ( الم في كتفه مثل عرق النسا)
كتلها ودي يم امج خل تشوف علته نهله مالها دخل بهاي
فهد... الناس صارت تحجي علينه يكلك بت حجي ذياب جايبه صاحبها للبيت وشهاب لكفهم وكتلووووووووه
اويلي بويه
حجي ذياب ... ضرب فهد بكف
سد حلكك ولك منو هذا اليجرأ يجيب طاري شرف بيت النعمان على لسانه دااكصه
فهد... شكو تضربني بويه شكووووو روح اكعد بين الناس واسمع حجي الوادم
ماكفاهم الدم الي صاااااار
ولدي راحو چتللل
عمي ذياب ضعفت قواه حيل بعد الي صار
حلا... يعني بعد ما اخذو بثار شهاب
ام حلا... مو ثار صار
الي صار بحرررر من دم
جانو معتقدين بالثار راح يكدرون يبردون نار گلبهم لكن للاسف صار دم
بعد ما الكلام صار علني بحلوك الناس على نهله عمي نعمان نجلط من سمع بالكلام
وبعدها عمامچ قررو يقتلون نهله! عمي ذياب جان ماموجود بوكتها برد عمي ذياب ومن خلال كلام نهله اقتنع انو ابن شعبان بريئء بس اخوتها لااااا ابد مامقتنعين ومن خوفه عمي ذياب على نهله كلها لاتبرئين ابن الملا كدام اخوتج
فبعد غياب عمي ذياب من البيت اخوتها
لزموها وصارو يحقوون وياها مره ثانيه وهي تحلف مامسويه شي لما شفت مهاب طابك الواير ويضرب بيها وهي من حلاة روحها تلوب بين ايديه
رحت وبلهفه كتلهم والله بريئه مامسويه شي
مهاب... وانتي شمدريج
ام حلا... اني جنت هناك
رحاب... انتي؟
ام حلا... بخوف ورجفه ج ج ج جنت د دا د ا دا اجيب الممه لعلاوي و و و و شفتها بغرفتها
رحاب... بصياح وشطلللللعجججججججج كدامهمممممم اليوم مااخلي يطلع عليج صبح
وصار يضرب بيه
ومهاب اسمعه يكله متفقات ماعندك شرف اذا تخليها ببيتك
وهو صار نار راح جاب السجينه وخلاها على ركبتي واني افرفح بين ايده وابني يبچي
جان نهله تصرخ... لااااا هي مالها ذنب هي ماتدري بيه هنا اصلا اني ماشفتها بالبيت حتى وكت الحادث ماكو هي محد بالبيت
مهاب... شوف شوف طلع الحچي شكتلككككك ايييي وبعد
نهله... عوفها الله يخليك ابنها يبجي اكتلني بدالها هي ماعليها بشي والله ماعليها بشي
وجه السجينه عليه ويتحلف يعني انتي متفقه وي النذل هذا مو
والله مامتفقه لاهي الها دخل ولااني
مهاب... ذني حيايه ومكارات وهاي اختك هي الي جابت العربيت للبيت وقضو على شهاب اذا ماتغسل عارك اني اغسله يارحاب
رحاب... بنفاذ صبر... اني ماعليه بعد مادري الحقيقه وين وماادري شسوي
مهاب اني اگلك شتسوي
وجه المسدس وبسرعه ضربها لنهله براسها الدم صار يطافررر
فزووو الولد ولك هاي شسوييييييييتتتتت
مهاب... هذا الي جان لازم نسوي من زمان بهذه الطلقه بس راح نكدر نرفع روسنه بين الناس
رحاب... وابونه شتكله
مهاب... بصياح تكله كتلناها ورفعنه راسك بين الناس
باوعلي وجانت عيونه كلها شرر
يحجي ويأشر بالسلاح الي بإيده أرعبني في وقتها
أسمعي إن طلعلج حس لااكتلج وادفنج يمها خليتج لخاطر ابنج ومنا وجاي اني خناگج وصرخ.... امشي ولي منا يلااااااا
بسرعه طلعت وجانو نسوان حمويني بره يرجفون خوف
سمر زوجة مهاب... شكو شبي مهاب وشنو هذا الصوت مال السلاح
زينه ام حلا... رجلج.... رجلج كتل نهله
سحر زوجة فهد... لطمت خدها عززززه شنوووو
وبهل الاثناء متحملت تخربطت ووكعت بالكاع ماعرف شكد مر وقت
ماحسيت الا صوت بچي يمي فتحت عيني لكيت زينب زوجة الياس
ام حلا... شبيچ زينب
زينب... عمي تخربط ودوه للمستشفى هذا هذا مهاب الكلب كله كتلت نهله وغسلت عارك خطيه هو شافها وكع بالكاع
زينه... ووين نهله ودوها
زينب... حياخذوها بالليل للمكبره يدفنوها ميردون احد يدري هسه هم مخليها بالكراج وره البيت
زينه... عزه العزاهم شالو ذنبها هي ماسوت شي وصرت ابچي زينب والقران نهله مامسويه شي بريئه هي
زينب... اني مالي عيشه وياهم بعد الي صار انهزم واروح لااهلي شنو بقيتي هنااااا
زينه... مادام بعدج ماخلفتي خلصي روحچ انتي اهلج سند الچ واخوتچ وياچ خلصي روحچ والله هاي مراح تفض
زينب... وانتي
زينه... ابقه هنا اذا اخذ وليدي وانهزم رحاب يقتلني لو يضغط عليه بأهلي وياخذ ابني يخليني عمري كله افرفح على شوفته
زينب... ننهزم مكان بعيد محد يندلنه
زينه... لا رحاب مايعوفني اعرفه راح يدمرها لحياتي كتلچ راح يلزمني من ايدي التوجعني أهلي يأذيهم ساعتها راح اضطر اجي وراح ياخذ علاوي مني ويخليني ابچي دم على شوفته ف اسكت وابقه يمه
زينب... محد بينه تفتهم غير مرت ذياب اول مامات رجلها طفرت بروحها وذبت ولدها هنا
زينه... حيتربون جوه ايد مهاب وفهد واحد يعلمهم القتل والثاني الشرب والركض وره النسوان شحيطلعون يعني
زينب... خيه اني اليوم او باجر اشوفلي فرصه اطلع بيها اني رايحه وسامحيني احنه بينه زاد وملح وعشره وابن ادم خطاء
زينه... مسامحتج ديربالج على نفسج
مرت الايام وزينب نهزمت وگلب الدنيا زوجها
الياس اليوم احرك الدنيا هاي بنن ال وصفك ايد بإيد وصرخ ولج زينبببببب والله ماعديها الج والله
مهاب... لو رجال مضبط ماتنهزم مرتك
الياس... سد حلكك وكام عليه ضربه بوكس ومهاب رده بالبوكس (قبضة ايده) وصار واحد يضرب الثاني
واجه فاككهم فهد بسكم عاااااااد كافيييييي ابويه دايموت وانتو تتمالخوووووون
الياس... بصق بالكاع وحجه بعصبيه هذا راس البلا هذاااااااا
كلها منك انت كتلت نهله والي بي ابويه بسببك مرتي من خوفها نهزمت
مهاب... مرتك لو ماعدها شي متنهزم ياعار
الياس... هد عليه مره ثانيه
هيييييييييي كافيييي
مهاب... مرتك هي فضحت نفسها هي عدها شي وخافت لاتنكشف ومصيرها مصير نهله
فهد... كافي مهاااااب كاااافيييييي
مهاب.... مهاب هسه مو خوش مو مهاب رفع روسكم بين الناس مهاب غسل عاركم بعد مانكسه ابن شعبان
فهد... ومنو يدري بكتلة نهله محد يدري يعني مسويت شي انت كدام الناس
مهاب... مصيرهم يعرفون
الحچي صار بحلك النسوان شيسكتهم ينطش الخبر لاتخاف واولهم المحروسه الي نهزمت
بس والله لااكتلها هاي تلعب من وره اخوي
الياس... ددنالها والمس شعره منها اذا ماقتلك وراها
مهاب... مو اكلك عار
الياس... واحد جتال اخته شترجه منه اعوفك احسن
توه يطلع من الباب وشاف حجي ذياب واخوته البقيه عند الباب الخارجي للكراج
فاتو
وهم يدفعون بحجي ذياب بالعربانه مال المقعدين كلمهم
كلها تلحكني للاستقبال عندي حچي وياكم
ماأشبه اليوم بالامس
وما أشبه اولاد الذيب بأولاد يعقوب !
شكرا لزيارتكم عالم روايات سكيرهوم
