رواية نعم أحببتك الفصل العشرون 20 بقلم انين الليل

مرحبا

وصلتني كثيير رسائل ع الخاص يستفسروون ليش لغيت شخصية 

سعد من القصه والحقيقه انا ما لغيتها

لكن هو مجرد ما سمع عياط اياد علي غلق النقال وما رد باي كلمه يعني 

تكدرون تكولون اختفى وما نعرف عنه شي 

ولا حاول أن يدز ناس علمود يرفضون النهوة 

هو أخطأ وراد يجر ويا بثينه وهسه بثينه جاي تدفع الثمن بس الي كان يشوف رسائله ويسمع كلامه 

وشجاعته وتصرفاته اكيد راح يعجب بي فاكيد اكو سبب خلاه يختفي 

واكيد راح نعرفه من يقررون الابطال يكولونه النه 

اتمنالكم قراءه ممتعه ولا تنسوون التصويت

.#انيين الليل #

________________________________________________

اياد 

من شفت استعطاف بثينه وتوسلاتهة بيه ودموعها خصوصا من كلتلي 

انت كلت راح اتمنى الموت وما الكا فعلا انا هسه اتمنى تموتني

+

طلعت رحت الاهلي وشفتهم ورجعت رحت البيت عمي حسين وبعدين رجعت اتمددت بره ال حد الفجر صليت 

ورحت كعدت بثينه الي سالتها عن طبيعة علاقتها بسعد ويمته عرفته وهي بررتلي تصرفاتها واكدتلي ما عدها 

اي علاقه من اي نوع وانها طول الفتره الي كنت بيها بالمستشفى هي وامها بالبيت 

ويه الخطار الي يجون يزوروني بالمستشفى وهنه يطبخن ويحضرن الجاي والكهوه

قررت اروح للبصره لان بالاساس عندي ماموريه وخلصت اجازتي 

ركبت بالسياره وطلعنه وبقيت اسوق وانا تعبان من ليلة امس اما بثينه بمجرد صعودها بالسياره نامت 

انا من طلعت الشمس خابرت شاكر 

وانا اتشكره على حسن ضيافته وكتله الاغراض الي بالغرفه اخذوهن الكم 

وبقينا نمشي بالسياره واحنا ساكتين وصلنه مطعم وكتلها خلي ننزل 

لكن هي ما وافقت انا عرفت بسبب لبسها

جبت الها اكل سفري هي رادت جاي هم جبت الها كوب جاي بعدين حركنا 

وصلنه للبصره الظهر اتصلت واجاني الرد 

الوو الله يساعدك استاذ انت هسه وين 

::وصلت لكن ما اعرف اوصلك 

تماام بس اسألي اي واحد كله اسم المنطقه 

::شوف انا بالضبط قرب جامع البصره الكبير 

زين استاذ عشر دقايق وانا يمك 

::منتظرك يابه بس لا تتاخر

وره عشر دقايق اجه علي بعد ان عرفني بنفسه وسلم عليه وعلى بثينه 

وهو يگول //اهلا وسهلا نورتو البصره 

::منوره باهلها الله يسلمك 

ركب سيارته ومشى قبلنه واحنه وراه دخل بفرع يمكن لو عشر سنين نبقى بثينه ما تندله وكفنا يم بيت چبير اله بابين 

وانطاني علي مفتاح الباب الزغير اخذته وفتحت الباب بعد ان اتشكرت منه وهو گلي 

اي شي تحتاجه اتصل بي

اخذت المفتاح واتشكرت منه وفتحت الباب الزغير شفت طارمه زغيره وباب خشب دخلنه الصاله زغيره وغرفة 

نوم ومطبخ زغير شباك من المطبخ ع الصاله وشباك بالغرفه ع الصاله 

بثينه بقت واكفه وانا ادخل بالجنط باوعت الها وكتلها ::تعالي وراي

رحت للغرفه الي بيها غرفة نوم جديده وزغيره گتلها 

:: صفطي الملابس انا هسه طالع شويه واجي راح اقفل الباب واي احد يسال علي طلع وهسه يرجع مفهوم 

بثينه هزت راسها بدون ما تحچي

💜//////////////////////////////////

بثينه 

من وگعت بالماي والطين غطاني استهضمت على نفسي حييل وقررت استعطف اياد واعتذر منه ووانا 

اعرف بي ما يقبل اعتذاري لكن المشكله بيه انا الي وگعت نفسي بمشكله الها اول ما الها اخر الصراحه 

 تعبت كلش الاسبوعين الي مضيتهن بالمزرعه او البستان خلني اكره نفسي الى ابعد الحدود

ومن رجعت وانا ابچي وصرت احچي ويا وهو طلع بعدها غسلت وگعدت الى ان اجه وبقى بره وانا غلبني النوم 

وحسيت بي وهو يگعدني ويسألني على علاقتي بسعد الي انا نكرت معرفتي بي وبعدها قرر انو نرجع 

عبالي نرجع البيت اهله لكن هو اخذني للبصره وبالسياره گلت وين ما ياخذني قابله بس لا ابقى اشعل 

نار بالحطب وانگل ماي بالسطل

من وصلنه للبصره واخذني للمشتمل زغير كلش حسيت بشوية راحه اقلها اكو حنفيه اغسل منها وحمام اسبح بي 

من طلع وقفل الباب انا ما استغربت تصرفه وحچيت ويه نفسي

=چنه بغرفه ابيت اهله يقفلها لكن مطمئنه يمي ناس بالبيت 

=هسه بابين يقفل ويروح بلا ما اسمع ولا اشوف احد لكن هم يبقى احسن من الوضع الي عيشني بي

اباوع للغرفه بيها تلفزيون وشفت المطبخ بي طباخ وثلاجه وكاونتر وسنك زغير فتحت الثلاجه من باب الفضول 

لگيتها مليانه فواكه وخضروات رجعت للغرفه اريد ارتب ملابسه لان انا اجيت بطرك الدشداشه العليه والعبايه الاسلاميه 

فتحت جنطته الزغيره وعزلت ملابسه باوعت للجنط الكبار ردت افتحهن من باب الفضول فتحت اول 

جنطه بصراحه اتفاجات لان لكيت بيها ملابس نوم ومكياج وعطورات كلها ماركه وجنط واحذيه

الجنطه الثانيه فساتين محجبات وكوستمات ودشاديش مال بيت وجبتين 

من شفتهن عرفت هنه الي فرحت عبالك ما شايفه ولا لابسه كلت من يجي اشكره

رحت للحمام يمكن بقيت ساعه سبحت ولبست دشداشه قصيره لونها ماروني وردانها نص وخليت مكياج خفيف 

ورشيت عطر وشگد ما ارش احس بعد بيه ريحة الدخان واتذكر من اياد دفعني عنه

 وهو يگلي ريحتج دخان

صار ليل وسمعت الباب انفتح ودخل اياد جايب ويا علاكتين خلاهن ع الطبله بدون ما يسلم ولا حتى باوعلي 

راح يغسل وانا واگفه اباب الغرفه گلت خلي ابادر واتشكر منه ع الملابس حاچيته

= احم شكرا ع الملابس والشغلات الي جايبهن شكرا 

هو ما جاوبني گعد ع القنفه الي بالصاله وانا رحت اخلي الاكل ع الطاوله ودايره وجهي احس بايد سحبتني الداخل 

غرفة النوم وبدون ما يحچي ولا كلمه شمرني ع الفراش واخذ يتلذذ بتعذيبي

شمر نفسه عليه وصار يغتصبني بكل وحشيه وانا اتالم وهو يسد حلگي وهو ساكت وما اسمع بس انفاسه 

انا چنت مثل العصفور الزغير داخل قفص ويا بزون چبير وجوعان ويريد يلتهمه وهو يفرفر يريد الخلاص 

باوعت الاياد شفته مغمض عرفت انو هو كاره حتى صورتي وانا ذليله وضعيفه

گام دخل للحمام وانا ما متفاجئه من الي سووا ومتوقعته بكل لحظه واحچي ويه نفسي 

= ليش هيج يصير بيه 

ويجيني الجواب من داخلي = لان ما عرفت اتصرف ولازم كل شي اتحمل

طلع من الحمام لاف المنشف على جسمه وانا اخذت دشداشه ودخلت سبحت ورجعت للغرفه اريد امشط كعدت 

على كرسي كدام المرايه وشفته هو متمدد صفح ع الجربايه ويدخن اتقرب مني وگلي 

::شوفي (بدون ما ينطق باسمي ) احنه اني وياج واحد يكره الثاني 

انتي تكرهيني لان تشوفيني وحش وبخييل وانتي تتقززين مني ولان .......(ماكمل ونفخ وجر نفس قوي ) بعدين گلي

::اما انا اكرهج لان نفسي وعقلي وگلبي وجوارحي كلها كارهتج بس هذا ما يمنع (اخذ نفس قوي )مايمنع انو انتي 

زوجتي شرعا امام الله والناس وانا رجال اخاف الله وما ادور حرام 

::لذلك انا اتقرب منچ وكت ما اكون بحاجه الهذا الشي اعتقد افتهمتي يعني خلي ابالچ انتي مجرد محطه انزل بيها 

واتركها ويمته ما يعجبني ارجع من غير ما تمانعيين (اهنا علا صوته بنبرة تهديد )

::افتهمتي لو احچي وياچ حچي سوقي كله غلط

انا هزيت راسي يعني افتهمت 

هو گلي ::اذا كملتي گومي خليلي اكل 

رحت غسلت اديه وفتحت العلاگه لگيت مقالي بطاطا وسمبوسه وسلطه باذنجانيه وصمون ولبن 

خليت الاكل كدامه وافتهمت من تصرفاته انو يحب ياكل ابحده انا اخذت صحن وخليت بي شويه 

بطاطا وسلطه واخذت صمونه وبطل لبن ورحت اكلت بالغرفه

افتهمت انو هاي حياتي ولازم اتعايش وياها واتذكرت من اخذني للگاع عرفت اياد يگدر كل شي يسوي وجرحه 

مني عميق لذلك لازم كل شي اتحمل 

صار يطلع يقفل عليه الباب وهو يجيب اكل جاهز انا اگعد ارتب البيت والمطبخ واباوع للتلفزيون 

اما اهلي فما اعرف عنهم اي شي

صرت عايشه بسجن اسمه اياد وكان امامي خيارين لازم اطبق واحد منهن

الاول الانتحار حتى اخلص من قانون الغاب الي عيشني بي اياد الذله رالاغتصاب والسكوت 

الامر الثاني هو اني لازم اقبل بالامر الواقع الي انا فرضته على نفسي وباختياري

واخذت القرار الثاني لان انا بالنسبه النفسي بدون انتحار انسانه ميته ليش انتحر واخلي اهلي يحزنون عليه وانا ما 

استاهل لان اعرف ابويه شگد خجلان من تصرفي گدام عمي واولاده انا خطئت بحق نفسي واهلي مو بس بحق اياد 

ولازم اتحمل كل الي يصير وياي

انا جنيت على تفسي بغبائي لمن ما صدگت واحد مثل سعد وبلحظه وافقت ان انهزم ويا وانا كل شي ما اعرف عنه 

يعني انا لو منهزمه شنو يكون مصيري مثلا احسن من هاي عيشتي الشي الي عرفته انو انا لو مهزومه ويه سعد 

اكييد انا هسه انسانه ضايعه وخايفه ولو ما اياد مكتشف الخطه كان الله اليعلم اني هسه وين واهلي شنو صاير بحالهم

اتمنى اتاسف من ايااد واعتذر منه لكن هو ابدا ما عادني زوجه وانما مثل ما يگول محطه لا اكثر ولا اقل 

صارت حياتي عباره عن برنامج ممل ما بي اي تغيير مجرد ارتب البيت واغسل شكم صحن واسبح واغسل 

ملابسي واباوع للتلفزيون

اما ملابسه فچان ياخذهن بره غسل وكوي 

وهو ما يقبل اطبخ وكله يجيب اكل جاهز يعني ما يحب ياكل من ايدي 

اكثر شي يجيب عصائر وانا اجمدهن 

طلعه نهائيا ما واصله باب الحوش

اياد احيانا ما يتقرب اليه وساعات ينام بالصاله ومن يتقرب اليه يصير مثل الاسد يتفنن بتعذيبي مره بالضرب

ومره يشكك ملابسي وكان يغتصبني وهو ساد حلگي 

اعرف بي يريدني احچي ويا وافقد اعصابي وارادده حتى ينتقم مني ويجرم بيه واحتمال يخلي بيه عاهه لذلك  

انا اتحاشا واعتبرت نفسي انو انا مقترفه جريمه وجاي اتعاقب عليها

بقينا بهذا الروتين القاتل مدة اكثر من تلث تشهر ونص وانا نسيت كل شي يذكرني بالماضي او اتناسيت 

نسيت نفسي وصديقاتي وضحكتي وخفة دمي صرت ما اهتم لا بلبس ولا بمكياج مجرد انسانه ذليله عايشه وانا 

اعاقب نفسي على تصرف غبي بدر مني 

اكثر وقتي ابچي على نفسي والشي الي وصلت اله

عشت فترة مع هذا الروتين وانا ساكته واياد ما يحچي وياي بس بالأمر غدا عشا جاي 

احيانا يخليني بالبيت 

وهو يبقى يبات بره تلث تيام اربعه ويجي انا حتى ما اسأله وين چنت ولا هو يحچي وياي 

فد يوم اجه الظهر وجاب غدا انا خليته اتغدا ونام وانا رحت رتبت المطبخ واتمددت بالصاله العصر سمعته 

صاح عليه ::جيبي جاي

سويت الجاي وجبته اريد ادخل للغرفه اول مرة سمعت اياد يدندن بأغنية كان صوته حلو وحزين 

(بالروح الك مية جرح واحسبها الي جم ميه 

ومكابرك عز بالكلب و دولابه بين بيه 

واتحملت ضيم وقهر والوكت مر واتعدى

يا لما شفت منك مقر ضر بدليلي وهده 

واتريد ارد انوب الك لا ما ارد كل شي انتهى 

لو جنت بس انت الدوه لا ما ارد وانسى ال مضى جذاب جذاب)

اسمعه يدندن بيها بصوت حزين انا ابتعدت عن الباب وانوب رجعت دكيت الباب وانطيته الجاي 

رفع رأسه شفت بعيونه دموع كوه حابسهن ورحت من يمه هو ما باوعلي بس ضاك الجاي

اياد بنتر ::تعاي (انداريت علي گلي )شنو هذا هاچ اخذي وجيبيلي غيره لان صاير ثلج ما شفتي

انا اخذت الكوب لان خفت منه ما حجيت رحت بدلته بسرعه وجبت إله حار وحطيته كدامه لكيته يحجي بالنقال 

درت وجهي اريد اروح للصاله 

لزم أيدي انا رجفت وخفت هو انطاني النقال بدون ما يباوع بوجهي 

اياد ::احجي ويه اهلج

انا تعجبت وضليت اتنفس بقوه من الفرح

حجيت وياهم وانا كوه لازمه نفسي ما ابجي وما صدكت سمعت صوت ابوي وامي ومنى حاجتني وبهاء

وسالت على زين العابدين گالو طالع 

وسولفت وياهم سئلوني إذا انا مرتاحه انا أكدت الهم اني بمنتهى السعاده

وبعدين وصوني أدير بالي على زوجي جنت ارجف اهلي بسرعه نهو الاتصال وياي وابوي گلي انطيني رجلج 

وبقوا يسولفون واياد يضحك ويتشاقى ويه ابوي

اياد شاف فرحتي دموعي الي كامت تطيح على خدي وانا ارجف بعد ما سمعت صوت ابوي وامي واخواني 

من انطيته التلفون وهو بقى يسولف ويه ابوي شويه ونهى المكالمه انا ما اتحملت صرت ابچي واشهگ حطيت اديه 

على وجهي وصرت ابجي بحرگه وانا كاعده بالكاع هو شافني كام اتقرب عليه وحظني ضمني الصدره وجر نفس 

قوي وهمس باذني ::اششش كافي لا تبجيين

انا بقيت بحضنه وضميت راسي بصدره وبقيت اشهك هو سالني

::ليش البجي منو وياج 

انا بقيت ابچي واشهك هو جاوبني بعد ما وخرني من حضنه ::ديالله روحي غسلي وجهج تره بعد ما اخليج تحجين 

وياهم ياالله كافي

انا سكتت ورحت غسلت وجهي وانا اشهك وحسيت بحنيته وانا بحضنه اتمنيت يبقى شابكني ما اعرف شنو صار 

بيه معقوله صرت اح،،،لالايمكن انى ما اطيق اشوفه بس هو رغم عصبيته حنين حتى من جنا ازغار ينقهر 

من يشوفني ابچي ويمسح دموعي بايده واذا ما سكتت يصير يبچي وياي 

___________________________________________

اياد

كل مرة اخابر بيت عمي وهمه يسألوني عن بثينه وانا اتحجج مرة انا بالمكتب ومره انا طالع 

ومرة نايمه ومرة عدنا خطار همه عرفو انو انا ما أريدها تحجي وياهم 

وأن هذا الشي الي اسوي جزء من العقاب ذاك اليوم جنت مقهور من الي وصلتله هاي انا اخذت حب حياتي

بس هي حقيره ما تحبني وكل دكه تسويها اتعس من الثانيه خصوصا لمن استهزاءت بيه هاي ابد ما انساها ومن 

اتذكرها ودي اموتها هي جابت الجاي بكوب انا شربت شويه لگيته بارد رجعته بايدها ردتها بس تعترض علمود 

اضربها لكن مجرد ما كتلها بدلي اخذت الكوب وهي ساكته ومن دارت وجهه 

شفت ظهرها كأنما شايله علي ثقل جان مبين عليها مكسورة شوكتها ومتغيره حتى مشيتها

كسرت خاطري وعرفت انا صحيح اعاقبها بس تبقى هي بت عمي وزوجتي تصدكون ما جنت اعرف بيها 

هلكد ضعيفه وتخاف جنت مبهور بيها وانا اشوف ضحكتها ولبسها وعنادها ومناكرها ويه امي ما اعرف ليش 

اتصلت أبيت عمي ومن إجت جابت الكوب لزمت ايدها شفتها رجفت بخوف 

كتلها حاجي اهلج وشفت شلون اختنكت وما كدرت تحجي وشلون دموعها نزلن كمت حضنتها

رغم تذكرت دكتها بس حضنتها حيل وجان ما ابدي اتركها حسيت بدكات كلبها امتزجت ويه دكات كلبي بس 

الفرق هي خوف وانا مشاعر متناقضه بين حب وكره بنفس الوقت وطلبت منها تغسل وجهه 

باوعتلي وهي تشهك وتبجي 

وراحت شويه واتصل بيه صديقي بالمكتب انا جاوبته

اياد ::ها ماجد بشر 

لا يا خي انا مصر عه الاستقالة 

يشرف أهلا وسهلا 

الله وياك 

باوعت البثينه ::اكلج رتبي البيت وحضري عصائر وكهوة لأن راح يجون عليه جماعه 

انا راح اروح اجيب عشا ما اتاخر 

____________________________________________________

بثينه 

من سمعت كلام اياد ويه صديقه وبعدين اوامره بترتيب وتنظيف الصاله انا هم رتبتها ونظفتها وانا احجي 

ويه نفسي = لويش يريد يستقيل شنو صاير 

  = امم هذا اكيد مخبص وكال قبل لا اتعاقب استقيل احسن لي 

  رفعت ايدي = ياربي يتعاقب ويسجنو وارتاح منه ،انوب فكرت 

 = علواه يقبلون استقالته حتى نرجع البغداد على الاقل اشوف اهلي لو كل شهر مرة 

  = ياالله ليش ادوخ نفسي ياخبر بفلوس بعد شويه راح يكون ابلاش

اجه اياد جاب علاكة اكل وجاب حلويات وكام اتوضا وصلى وكلي خليلي عشا 

خليتله عشا وانا أخذت قطعة جبن وخيارة خليتها بصمونه وكمت اكل 

غسل وكام راح فتح التلفزيون 

وانا بالمطبخ أغسل المواعين اندك جرس الباب طلع اياد كلي مو تطلعين من المطبخ راح اياد فتح الباب

اسمع أصوات سلام ومباوس

اياد ::اهلا سيدي شرفتنا 

الرجل هلا بيك يا سبع 

الثاني /اشلونك اياد 

اياد::الحمد لله أهلا وسهلا بيكم

اجه اياد وأخذ صينيه بيها بطالة ماي وكلي سوي تلث فناجين كهوه انا سويت وخليتهن بكوابه وانطيتهن اله 

ورجع أخذ صحون زغار والصحن الچبير مخليه بي الحلويات الي جايبهن أسمعهم كلوله

شنو هالزحمه يأبه انت بعدك عريس ما جايين نخسرك ونتعبكم 

اياد::يمعودين تعبكم راحه قابل شمسويلكم والله اليوم شرفتونه 

- - الله يخليك انت انسان طيب ومحترم والكل يحبك ويقدرك 

:: تسلم استاذ

وظلو يسولفون بمواضيع عامه 

بعدين واحد من الضباط سأل اياد/شنو سالفة الاستقاله 

اياد ::والله سيدي احسن 

- - - ليش شصاير واحنا ما نعرف بي منو مضوجك احد متجاوز عليك 

تعرف انا ما اقبل بالتجاوز 

اياد ::والله ما صاير شي بالعكس مرتاح بشغلي لكن احس بنفسي

تعبان وبعد ما اكدر اصير متفاني بعملي مثل قبل وتعرفوني ما

اعرف اكون مقصر

- — بس انت من الضباط الاكفاء والي يعتمد عليهم بالمهمات شلون تتصور نقبل استقالتك 

اياد ::الله يخليك سيدي هاي شهاده أعتز بيها انا بعد ما اتصاوبت

تعبت جسديا احس بنفسي كلش تعبت ومو مثل قبل اكدر اكوم 

بواجبي وهذا الشي اثر بيه

– –. اياد بابا أخذ اجازة مفتوحه اجازه بدون راتب وارتاح سافر وغير جو واسحب الاستقاله 

اياد::اعذرني سيدي بس انا مصر ع الاستقاله 

  - - وشنو راح تسوي اقصد شنو تشتغل انت بعدك شاب خو ما راح تكعد بالبيت وهم لازم تشوفلك شغله تليق بيك 

والمعروف الضابط بسيعرف للسلاح للمكاون انت شتشتغل 

الضابط /خو اياد بالمكاون محد يدكه 

القائد وهو يبتسم /والله صحيح

اياد بابتسامه ::اهه افكر اسافر وعندي صديقي نفتح انا ويا مشروع 

حتى لو زغير ان شالله يكبر 

القائد /ان شالله انت تستاهل كل خيرالله يوفقك انت والنعم منك إنسان نزيه وقليل امثالك 

اياد::أشكرك سيدي ويعز عليه افارك العمل الي من انا زغير احلم بي 

القائد /لا تكول سيدي كلي أبو ضرغام بعدوانت راح تغادرنا واحنه نأسف انت من الرجال الي يوعتمد عليهم والاكفاء 

لكن ما نكدر نجبرك

اياد::لا والله وين ما أشوفك اسميك سيدي 

الضابط /ولا يهمك اياد خلال أيام تنقبل استقالتك بس حاول تسلم العهده 

اياد ::ان شالله سيدي كان بودي أخدم بلدي أكثر بس احس اني تعبان ومو كد المسؤوليه

تصافحوا واتمنوله الموفقيه وكلوله خلينه على اتصال 

واتشكرو منه وكلوله سلمنا على المدام 

طلعت من المطبخ اخذت المواعين ورحت انظفهن وخلصت

رحت نمت وكالعاده اياد يمته ما يريدني يفترسني ،،،!،،،ور تقريبا اسبوعين بالليل خليتله عشا 

وأنا أكلت بالغرفه ورة ما خلص رحت للغرفه اريد أنام

لكيت اياد حاط ملابسه بالجنطه الزغيرة من حس بيه دخلت لغرفه بدون ما يباوعلي كلي

:: حضري جنطج باجر نتوكل ونسافر

كمت حضرت الجناط وحضرتلي ملابس للسفر طلعت جبه جديده لونها سمائي وحذاء اسود وشال اسود 

وبقيت اتكلب بفراشي إلى ان كعدت الصبح على صوت اياد وهو طالع من الحمام 

::ياالله اكعدي ورانا سفر 

كعدت ودخلت للحمام وسبحت وطلعت بدلت وحطيت مكياج ولبست شالي بطريقه عدله شافني اياد كلي

:: روحي امسحي المكياج --هز ايده وحجى باستهزاء --

::مصدكه روحها والله ياالله

سمعته ما كدرت ارد رحت وانا مقهورة ومسحت المكياج

ولكيت اياد مسوي جاي وكاعد يأكل ومن كمل دخن الجكاره 

انا سويت كوب حليب وجاي وأخذت قطعة كعك واكلتها دخل اياد للغرفه وطلع الجنط واطمأن

انو ما ناسين شي

اندك الباب وشال اياد الجنط وانطاها للشخص الي اجه 

وبعدين اياد دك باب الجوارين وطلع من عنده رجال كبير وأشوف اياد 

سلم علي وانطا المفتاح وكله

حجي بالثلاجه فواكه وحلويات اخذوهن بالعافيه عليكم 

الرجل //شنو أستاذ راح تعوفونه بس لا مليتو منه 

اياد ::لا والله حجي بس المأمورية انتهت ولازم نرجع الاهلنا 

سلمنا عه الاهل وسامحنا إذا بدر من عدنا شي 

الرجل//عمي الله يرضى عليكم علواه كل الي ياجر بأخلاقك وأخلاق عائلتك

اياد ::تسلم حجي من طيبك 

سلم علي والرجال اتمنالنا الوصول بالسلامه

وانا واكفه اشو اياد فتحلي الباب الورة وهو ركب بالإمام 

والرجال الي أخذ الجنط هو الي يسوق = لعد وين وده السياره 

بعدين كلت ويه نفسي = من هذا كلي امسحي المكياج

تقريبا الساعه بالثنتين بعد الظهر وصلنه البيت اهل اياد يعني البيت عمي وبس نزلت شاورني بأمر 

:: شوفي تسلمين بسرعه وتصعدين ما تبقين جوة وكلام زايد ناقص مناوش ويه امي ما اريد 

انا هزيت راسي 

سلم اياد عه السائق وشفت سيارته مركونه

وطلع عمي وسلم علينه وانا دخلت شفت عمه كريمه سلمت عليها وباوستها وانا احس بيها

ما فرحانه الشوفتي

= ٤اشلونج عمه 

كريمه /:هلا هلة بيج (انا دنكت اباوسها هي انطتني خدها )اكلج شدعوه عليج شنو هالتكبر ليش ما تخابرين تكولين 

اسلم على عيالي على عمتي وعمي شنو مو كد المقام 

انا باوعت الاياد اجه يمها بتشاقى ::شبيها كريمه شنو الي مضوجها منو وياها 

كريمه/:اي انت اضحك عليه لعد من اجيت ذاك اليوم ليش ما جبتها لو ترمت عليك مناك تاخذها الاهلها

اياد ::كرمرم الاجازه جانت يوم واحد واني اشتاقيتلك ياحلو واجيت اشوفك (هو اشرلي اصعدي )

  رحت اريد اصعد شفت ساهره سلمت عليها وباوستها وما شفت رغد

صعدت فوك اسمع عمه كريمه تكول /شنو يأبه هاي بعدهي عبالها عروس اشو هم صعدت 

اياد::يوم حبيبتي اني بس يومين مو اكثر مسافر بعدين تعبانين الطريق شطوله 

كريمه /:وانا شكلت وانت صرت تدافع والمن جاي اذا بس يومين 

اياد::حبي كريمه هذا استقبالج الحبيبج وزوجته الي تموتين عليها ما تكليلي ليش ضايجه

باساها وشاقاها سمعتها تضحك انا اتمنيت هسه اشبك امي غوركن عيوني دخلت للغرفه غيرت ملابسي

بس الغرفه بعد هي مثل ما عفتها وانا احجي ويه نفسي

البارت العشرون 

💙نعم احببتك 💙

#انيين الليل #

مرحبا

وصلتني كثيير رسائل ع الخاص يستفسروون ليش لغيت شخصية 

سعد من القصه والحقيقه انا ما لغيتها

لكن هو مجرد ما سمع عياط اياد علي غلق النقال وما رد باي كلمه يعني 

تكدرون تكولون اختفى وما نعرف عنه شي 

ولا حاول أن يدز ناس علمود يرفضون النهوة 

هو أخطأ وراد يجر ويا بثينه وهسه بثينه جاي تدفع الثمن بس الي كان يشوف رسائله ويسمع كلامه 

وشجاعته وتصرفاته اكيد راح يعجب بي فاكيد اكو سبب خلاه يختفي 

واكيد راح نعرفه من يقررون الابطال يكولونه النه 

اتمنالكم قراءه ممتعه ولا تنسوون التصويت

.#انيين الليل #

________________________________________________

اياد 

من شفت استعطاف بثينه وتوسلاتهة بيه ودموعها خصوصا من كلتلي 

انت كلت راح اتمنى الموت وما الكا فعلا انا هسه اتمنى تموتني

طلعت رحت الاهلي وشفتهم ورجعت رحت البيت عمي حسين وبعدين رجعت اتمددت بره ال حد الفجر صليت 

ورحت كعدت بثينه الي سالتها عن طبيعة علاقتها بسعد ويمته عرفته وهي بررتلي تصرفاتها واكدتلي ما عدها 

اي علاقه من اي نوع وانها طول الفتره الي كنت بيها بالمستشفى هي وامها بالبيت 

ويه الخطار الي يجون يزوروني بالمستشفى وهنه يطبخن ويحضرن الجاي والكهوه

قررت اروح للبصره لان بالاساس عندي ماموريه وخلصت اجازتي 

ركبت بالسياره وطلعنه وبقيت اسوق وانا تعبان من ليلة امس اما بثينه بمجرد صعودها بالسياره نامت 

انا من طلعت الشمس خابرت شاكر 

وانا اتشكره على حسن ضيافته وكتله الاغراض الي بالغرفه اخذوهن الكم 

وبقينا نمشي بالسياره واحنا ساكتين وصلنه مطعم وكتلها خلي ننزل 

لكن هي ما وافقت انا عرفت بسبب لبسها

جبت الها اكل سفري هي رادت جاي هم جبت الها كوب جاي بعدين حركنا 

وصلنه للبصره الظهر اتصلت واجاني الرد 

الوو الله يساعدك استاذ انت هسه وين 

::وصلت لكن ما اعرف اوصلك 

تماام بس اسألي اي واحد كله اسم المنطقه 

::شوف انا بالضبط قرب جامع البصره الكبير 

زين استاذ عشر دقايق وانا يمك 

::منتظرك يابه بس لا تتاخر

وره عشر دقايق اجه علي بعد ان عرفني بنفسه وسلم عليه وعلى بثينه 

وهو يگول //اهلا وسهلا نورتو البصره 

::منوره باهلها الله يسلمك 

ركب سيارته ومشى قبلنه واحنه وراه دخل بفرع يمكن لو عشر سنين نبقى بثينه ما تندله وكفنا يم بيت چبير اله بابين 

وانطاني علي مفتاح الباب الزغير اخذته وفتحت الباب بعد ان اتشكرت منه وهو گلي 

اي شي تحتاجه اتصل بي

اخذت المفتاح واتشكرت منه وفتحت الباب الزغير شفت طارمه زغيره وباب خشب دخلنه الصاله زغيره وغرفة 

نوم ومطبخ زغير شباك من المطبخ ع الصاله وشباك بالغرفه ع الصاله 

بثينه بقت واكفه وانا ادخل بالجنط باوعت الها وكتلها ::تعالي وراي

رحت للغرفه الي بيها غرفة نوم جديده وزغيره گتلها 

:: صفطي الملابس انا هسه طالع شويه واجي راح اقفل الباب واي احد يسال علي طلع وهسه يرجع مفهوم 

بثينه هزت راسها بدون ما تحچي

💜//////////////////////////////////

كريمه //بس مو اله اليوم تروح لاتنسى مرتك چنه وحالها من حال رغد شنو تبقى ساهره ورغد يخدمن بيها وهي 

امس اجت واليوم ماخذها الاهلها

اياد باوعلي وعض على شفته وكلي ::روحي اصعدي بالسياره وانا جاي وراج 

انا درت وجهي واسمع كريمه تكله //شدعوه انغثيت من كلامي تره ما سبيت العنب 

عمي جاوبها //انتي شتردين من الصبح بس تحجين صار خمس تشهر البنيه ما شايفه اهلها 

كريمه // يمته خمس تشهر تريدون تقنعوني اياد من اجه ذاك اليوم ،ما مخليها عد اهلها وراح بات يمها 

لو من اجه تلث تيام كافي كافي انا مو زعطوطه وهالشكل تحچون وياي

بقوا يحجون وانا رحت للكراج وركبت بالسياره وانتظرت اياد وره عشر دقايق اجه وعمي ومحمد ورياض اجو ويا 

وهو سلم عليهم وباوسهم واسمع عمي يكله 

دير بالك على نفسك ودووم خابرنا وانتي بابا ما اوصيج ديري بالج على رجلج ونفسج انتم واحد ما يكدر يفارك الثاني 

والسويتو تمثيليه مو حلوه بحقكم هاي عود انتو المثقفين

ابتسمت بوجه عمي ومتفاجئه بكلامه واحجي ويه 0 نفسي 

=شنو وين رايحين وهيج يسلمون علينه وعمي يوصي بيه معقوله اياد سحب الاستقاله 

= اي مخبل كل ساع براي بلكي على الله تجي ساعة اخبال ويطلكني 

وافتك منه ومن شوفته الكريه الله ياخذه على اهون سبب

ركب بالسياره ورفع ايده وانا هم رفعت ايدي بالسلام ما اعرف شنو الموضوع ولا اتجرا اسئله ليش أهلك متفاجئين 

بيني وبين نفسي كلت

= يمكن ماجر بيت وهمه من سمعو ما قبلو

ظل يمشي وصلنه البيت اهلي ما صدكت باوعت الاياد الي عض شفته وكلي

::هالمره لا تتهورين العبيها عدل دبري جذبه تتصدك يالله انزلي لان هالمره اموتج خلاص گدامهم بدون رحمه

نزلت وانا مقهوره شفت بابا واكف بالباب ركضت وحضنته وصرت ابجي وانا ابوس بايده وبراسه وهو يقابلني

 بكل برود رغم حسيت بدكات كلبه دخلت للببت من باب الصاله وشفت امي الي حضنتني وتبوس بيه وتشمني 

ولكيت منال وابنها حسوني وكمت اباوسهم وابجي وكعدت يسألوني عن احوالي ومنال تكول

يممه صايره بثينه تخبل 

امي جاوبتها //لا منوله هي من زمان حلوة بس صايرة احلى 

منى تدخلت /يعني شنو قصدكم هي مو حلوة ومن صارت عد اياد احلوت

انا بلعتها وابتسمت ما عقبت ويه روحي اكول = ذوله صدك يحجون منين اخبل اشو تعبانه وشابعه ضيم وقهر

اجه زيوني كمت عليه وباوسته وحضنته وكتله =عابتلك ليش ما تتصل 

--بالبدايه وجهه ثكيل بس من حضنته هو باسني براسي --// يوميه اياد يتصل ويكول نايمه طالعين 

انا سكتت اجه ابوي وحجه وياي احسه بعده زعلان من الي سويته

بابا وهو يجر حسره //اشلونج بثينه 

انامدنكه =الحمد لله بابا زينه 

بابا/يعني مرتاحة ويه زوجج 

=اي بابا الحمد لله مرتاحه كلش المهم انت بابا شلونك

بابا //انا زين وهسه صرت تمام من شفتج وسالت اياد كلي راضي عنج والا لو احد غيره يمكن 

ذبحج ولا رفله جفن

امي /:حسين اياد يحبها البثينه وكلنه نغلط محد معصوم وبثينه اعترفت بغلطتها ورجلها قابل عليها  

انا كمت على ابوي وحضنته وصرت ابجي = بابا فدوه سامحني انا غلطت عفيه لا تزعل علي 

بابا /:اذا ترديني ما ازعل ديري بالج على رجلج

منال وهي تبتسم /:بابا مبين عليهم مرتاحبن اياد يكلك راضي عليها وبثينه صايره تخبل شنو معناها معناها 

مرتاحه ويه زوجها 

بابا /:وانا شريد غير تكون مرتاحه وتريح زوجها وتنسى كل شي وتبدي من جديد 

سكتت واحجي ويه نفسي = ياراحه الي ويه اياد ياريته طاكني طلقه ولا يوميه يموتني مية مره

راح زين يم اياد واجه كال الابوي وامي /بابا اياد يريدك انت وامي ويكول استعجلوبالغدا  

امي /:الغدا جاهز بس نصلي ونصب 

راحت امي وابوي وزين يم اياد ومنال كامت تريد تخليلي ريوك انا كتلها ما اشتهي تريكت ابيت عمي 

وكعدت اسولف وانا خاله حسوني بحضني اجو اهلي وياهم اياد الي كعد يمي وگلي ::انطيني حسوني 

 واخذ حسوني وظل يلعبه منال كالت //شنو بثينه ماكو زائر بالطريق

انا باوعت الاياد وكلت =لا بعده وكت 

امي /:ليش بعد وكت يرادكم طفل ها عمه شتكول 

اياد:: اي والله من ناحية يراد يراد شويه بعد نريد نتونس مو حبي 

انا بلعت ريكي وابتسمت منى كالت بضحك //ما اصدك هاي بثينه صايره مؤدبه ولا ترد 

اياد جاوبها ::دومها مؤدبه بس هي جاي تعبرالكلام اهنا يمكم عاد بعدين تلزمني هناك ابحدنا

الكل ضحك وبقى ابوي واياد يسولفون وانا وامي ومنال رحنا للمطبخ اذن وصلينه وصبو الغدا واتغدينا كلنه حتى 

مظفر من كملنه شربنا جاي واياد وكف وكلي 

اياد ::ياالله بثينه مشينا

انا باوعت الاياد وشفت امي مقهورة بس ما تحجي انا ما فتهمت شي وما اكدر احجي بس اباوع 

ابوي /بابا بثينه ياالله روحي ويه رجلج 

انا ما حجيت بس بكلبي فرحانه يعني اياد ما راح يرجعني الكريمه 

وتسود عيشتي سلمت على امي شاورتني 

ماما/ديري بالج على نفسج ورجلج واسمعي كلامه 

منال حضنتنني //بثينه حبيبتي صيري سباعيه وديري بالج عل اياد -شاورتني-تره مبين يموت عليج

وسلمت على البنات وباوست بهاء وحسوني ورحت حضنت ابوي 

بابا/حبيبتي الله وياج ما اوصيج ديري بالج على نفسج وعلى اياد تره رجلج خوش ولد 

بعدها ابوي حجى ويه اياد //عمي ما اوصيك على بثينه حطها بعيونك وداريها 

اياد حجى بنبرة عطف ::عمي بثينه مكانها بكلبي قافل عليها والمفتاح ذبيته بالشط

بابا //أعرفك سبع وتحفظ الامانه 

::اامن عمي ( وباوعلي بنظره بيها عتب )بثينه بت عمي وشرفي قبل ما تكون زوجتي اطمان لا تشغل بالك 

اشوف امي ومنال يبجن انا ما افتهمت ليش يمكن لان ما خلاني وقت أكثر يمهم

يمعودات لاتبجن هذا مخبل لا يمنعني اشوفكم (حجيت بكلبي )

اجيت اباوس زين كال // رايح وياكم 

انا ساكته واسمع توصيات منال وامي شنو انا وين رايحه قابل مسافره وهلكد توصن بيه

الفصل الواحد والعشرون من هنا 

شكرا لزيارتكم عالم روايات سكيرهوم