رواية أعظم خيانة الفصل الواحد والعشرون بقلم الزهيريه
الزمن لا يغير احد
الزمن يكشف كل انسان
على حقيقته
ريماس/ الانسان الي يكون عايش اكثر حياته بحرمان عاطفي يكون من يحب ينطي كل مشاعره والحب ويتعلق بانسان الي يحبه واني بعمري ابد ما شفت الحب والعاطفه من الله خلقني من ما اعرف شنو حب من تعرفت على بيان بالبدايه چان شخص عادي بس بمرور الوقت صار روحي من الدنيا هو بحيث إذا نتراسل بعدها اظل اقرأ مراسلته مرات عديده وصوته من نحچي احسه ليل ونهار بأذني اما الفرحه بكلامه ما تنوصف عندي
ولقائنا چان بالنسبه الي احلى يوم بعمري وبسياره باسني وطلب ياخذني ويا لبيتهم حتى أتعرف على اهله ورجعت للبيت واني ميته قهر يعني رجعت للمربع الاول وهو شلون نزوج اني وبيان واني هو ما يعرف شنو اشتغل بس اني قررت اظل أماطل ويا وما اعرف شنو غايتي من المماطله بس المهم ما اخسر بيان
ومن ودخلت للبيت لگيت ام زهراء موجوده وهي سئلتني شسويت واني حچيت كل الصار ويايه
ام زهراء/ والله يا ريماس خوش قسمه هاي بس هاي للبنيه الظروفها عاديه
ريماس/ خاله اني فكرت اگله على وضعي وشغلي
ام زهراء/ انصحچ ابد لا تگولين اله على شغلچ لانه بصراحه وبدون زعل ماكو انسان شريف راح يقبل ياخذ بنيه يوميه بحضن واحد وراح ياخذچ بعين الصغيره بنيتي
ريماس/ گليلي خاله شنو الحل الله عليچ والله اموت عليه هاي اول مره احب واتعرف على انسان يحبني إذا ما احچي ويا ونتراسل ساعه احس روحي مخنوگه واموت بدونه
ام زهراء/ والله يا خاله مقهوره عليچ وهذا حظچ من الدنيا بس نصيحتي الچ اتركي وانهي علاقتچ بي صح راح تتعذبين فتره وتنسي وكل ما تطول العلاقه نهايتها راح تكون اصعب من هسه والله يعينچ على ما بلاچ
ريماس/ متت قهر من حچي ام زهراء كلامها اني اعرف مليون بالميه صحيح بس شسوي لگلبي الي ما راضي يقنع وبعدها راحت هي وتركتني بدوامه بين گلبي وبين عقلي گلبي يگول اني احب بيان ومستحيل اعوفه وعقلي يگول عوفي قبل ما يعرف حقيقتچ ويعوفچ وبالليل ويوميه احنه نسهر بالليل اني وبيان وبذيچ الليله اني اول مره يصير بينه +18 وبعدها غلق الموبايل ويايه ما اعرف ليش وحتى بعد ما اتصل ابد
واني نمت وحدود الساعه 9 الصبح كعدت ونفس الروتين يومي وتقريباً ساعه 12 ونص الظهر دگ موبايلي وچنت بالمطبخ اسوي غده ويه اخواتي سمعت الموبايل يدگ رحت شفته چان رقم غريب رديت طلعت بنيه واول ما سمعت صوتي وگعتلي دگ رزايل وغلط وفشار غطي وجهك منه واني اسالها انتي منو جاوبت
لميس / اني لميس زوجته لبيان وحامل منه بأبنه انتي وحده گحبه الليل كله فاتحه كاميرا ويا شوفي خاف عبالچ اعوفچ الا اطيح حظچ وگولي لميس گالت وخاف عبالچ صدگ يحبچ لا حبيبتي اني زوجته ام ابنه وانتي وحده رخيصه يگظي وياچ وقت ويعوفچ ما تگدريلي قبلچ ميقات هججتها خليتها تحچي ويه نفسها
ريماس/ بعدني اريد احچي وياها غلقت الموبايل بوجهي صدگ تخبلت هو گالي اني منفصل شو هاي تگول اني زوجته وحامل منه اتصلت بي بس شنو ارجف گوه مسيطره على اعصابي ومن رد على اتصالي گتله / زوجتك اتصلت بيه وتگول اني حامل منه صحيح هذا الكلام
بيان / اي صحيح
ريماس/ هنا بعد ما اتحملت انفجرت بي گتله / انت شگد كذاب شلون تگول اني منفصل وهسه طلعت مزوج وزوجتك حامل
بيان / عفيه عليچ هاي انتي گلتي اني مبلغچ انه اني منفصل واني ما كذبت عليچ صحيح منفصل
ريماس / اگلك شنو منفصل وزوجتك موجوده وحامل وانت گلت صحيح زوجتي حامل شنو تضحك على عقلي انت
بيان / شوفي اني عمي صار 7 اشهر من مات ابد ما حلفت بروحه ابد بس الچ راح احلف وانتي بكيفچ صدگين او لا وروح عمي زوجتي صحيح موجوده ويايه بالبيت بس اني بغرفه وهي بغرفه ولو ما حامل چان طلگتها يعني ما كذبت منفصل عنها
ريماس / أعذرني اني ما اگدر اقهر بنيه غيري وأخذ زوجها منها لهذا أعتبر علاقتي بيك منتهيه وراح احظرك مع السلامه
وچان يريد يحچي ويايه بس ما انطيته مجال وبعدني دى افتح الموبايل حتى اكسر السيم كارت وهو اتصل بس ما جاوبته طلعت السيم كارت وكسرته بس شنو انتهيت حتى معدتي گامت تعصر بيه رحت للمغسله ظليت اتقيأ بس شنو دموعي عشره عشره احس روحي مختنگه طلعت ركض للگراج اريد بس اشتم هوى واخواتي يركضن ورايه يريدن يعرفن شبيه بس اني طمنتهن عليه انه ما بيه شي بس معدتي توجعني
والايام الي بعدها متت روحي تنازع بدون بيان كل دقيقه تمر احس راح اموت وام رحاب اجتي تگلي صار يومين اتصل عليچ موبايلچ مغلق شكو خلي اروح أشوفها خاف هم شردت
ريماس/ لا وين اولي باقيه على گلبچ إلى يوم يبعثون هو الي يغرگ بالمستنقع شيطلعه بعد
ام رحاب / عفيه خليتي عقلچ براسچ وفهمتي مصلحتچ هسه گليلي وين موبايلچ
ريماس/ السم كارت مالتي نكسر واريد سيم كارت ثاني
ام رحاب / عزه العزاچ شلون نكسر والشباب التعرفيهم على السيم كارت حافظه أرقامهم
ريماس/ شنو قابل عقلي دفتر احفظ رقم كل واحد اعرفه هو اني رقمي ما حافظته
أنوب صدمتني من گالت
ام رحاب / خلي اشوف برامجچ مفتوحه يمن هسه اكيد صوروا الچنتي تفتحين وياهم كاميرا اكيد أرقامهم يمهم
ريماس/ ليش اني برامجي مفتوحه يمكم
ام رحاب / ليش عبالچ يعوفوچ تلعبين شاطي شباطي وما يعرفون انتي شنو دى سوين انتي صدگ غبيه هسه اجيب ارقام چنتي تراسليهم وشويه همي ايدچ شغلچ صاير كلش ثگيل واختچ رحاب خطيه مريضه
ريماس/ ليش شبيها رحاب
ام رحاب / والله ما ادري صيح من عظامها وصخن باچر اخذها لدكتور واشوفها
ريماس/ ما عدها غير العافيه باچر ان شاءالله اجي اشوفها
ام رحاب / اي تعالي انتي اخذي السيم كارت باچر اجي من الدكتور ويه رحاب وما بيه حيل اجي عليچ گطيعه الي تگطعچن بنات بس وراچن التعب والهم كل شي ما محصله منچن
ريماس/ اني شگد لغت ام رحاب ما همني حچيها ابد بس صدمتني بالبرامج مالتي المفتوحه يمهم وتذكرت راكان من انطاني سيم كارت وگلي نتواصل عليه رقمچ مو امان يعني چان يعرف وما حچى شگد حقير ورحت طلعت السيم كارت وخليته بجهاز والسيم كارت طلع بي بس رقم ومكتوب بي راكان اتصلت بي ودگ اكثر من مره يله جاوب
راكان/ اني ما يصدگ انت متصل شنو انت نسيت
ريماس/ لا ما نسيت اي شي بس اتصلت حتى اگلك چنت تعرف انه فاتحين برامج موبايلي يمهم ليش ما گتلي ولا تگول ما ادري لانه لو ما تدري ما چان انطيتني سيم كارت اتصل بي عليك
راكان/ انت ما عندك عقل تفكر بي إذا ما يراقب موبايلك شلون يعرف انت شنو سوي انت عقلك ما يفكر تصور همه يصدگون شنو تحچي انت اذا هذا تفكيرك إسمحلي يگلك انت ما عندك كل عقل
ريماس/ عفيه اني صدگ ما عندي عقل ما شاء الله انتوا كل واحد بيكم جوه إبطه عشرين شيطان على العموم شسويت على موضوع طلعني خارج العراق اني منتظره خبر منك
راكان/ وصلني خبر عن اكثر من واحد بس لازم يشوف واحد يكون اعرفه واحمله مسوؤليتك لانه ما يگدر يگول شخص ثقه بشغلنه كل ثقه ماكو
ريماس/ وين أكو ثقه بواحد منكم ما شاء الله كلكم شياطين على العموم استعجل راكان انتظر منك خبر
وغلقت الخط ويه راكان وظليت ذاك اليوم عادي مر وصلت لليل رحت اشتري من هذا ابو الأسواق الي دائماً اشتري منه وفاجئني يگلي اليوم آجى ولد شاب يسأل على اخلاقچ بالمنطقه ويگول اريد اتقدملها أخطبها ظليت صافنه بوجه هذا ابو الأسواق وسألته إذا چان الولد ذكر اسمه وجاوبني ابو الأسواق گال اي اسمه بيان
بيان / يعني اني اعرف الله يسلط ناس على ناس هاي فهمتها بس مال يسلط عليه وحده غبيه مثل لميس هنا مو بس اعصابي تتلف يركبني شيطان هم حچت ويايه ريماس على لميس مخابرتها لو روحي شاطت شگد حاولت ابرر لريماس بس قفلت وغلقت الخط بوجهي هي گالتلي راح احظرك اتصلت بيها من خطي الثاني رقمها مغلق هاي بعد وين أشوفها بعد ما غلقت الخط وما اگدر اروح عليها لبيتهم لانه كل شي ما اعرف شلون راح تقابلني
رجعت شايط للبيت شياطين الدنيا كلها ترگص گدام عيني دخلت للبيت لميس ماكو جوه اذن هي فوگ صعدت لگيتها فوگ شمرت السويچ والموبايل على السرير وهي تباوع عليه گتلها / والله شگد شفت ناس بلا كرامه مثلچ ما شفت
لميس / شنو لحگت تنقل الك الحچي شبسرعه
بيان / انتي منو سمحلچ تاخذين رقم البنيه من موبايلي وتتصلين عليها شنو هاي الصلافه تصورين إذا سوين هيچ راح احبچ لا والله كل يوم تنزلين من عيني اكثر ماكو رجال يحب وحده ترخص نفسها اله واذا انتن النسوان تسمن هذا حب فأنتن غلطانات الرجال ما يحب غير بس المره الصعبه اما المتاحه اله هاي تعتبر سبير اله ولو انتي متعوده على هذا الشي لانه دائماً چنتي تحبين صيرين سبير الي بدال ميقات
لميس / خلصت كلامك هذا كل الكلام ما يهمني انت الي وحدي بس اريد اعرف انت ليش هيچ ويايه والقران أحبك روحي انت ليش هيچ سوي بيه مستعده اقتل كل وحده تتقرب منك
بيان / اني ما بيه شي سبق ان گتلچ يا بنت الناس ما الي رغبه بيچ نفسيتي ما تتقبلچ بشنو تردين احلفلچ ومن عرفت انتي حامل رجعتچ وگلت عسى بمرور الوقت اتقبلچ بس الحمدلله انتي لازم سوين شي ترجعيني للمربع الاول
لميس / احلفك بصحتك وعافيتك هاي البنيه إنت تحبها وشنو علاقتك بيها
بيان/ احبها ما احبها هذا شي يخصني اما مال تردين تقنعيني انت ما تعرفين نوعية العلاقه بيني وبين البنيه هنا انتي چذابه ولما حسيتي البنيه خطر عليچ چان ما اخذتي رقمها واتصلتي بيها شوفي يا بنت الناس والله الي لازمني عنچ بس لكونچ حامل والا جان هسه دزيتچ لبيت ابوچ جنازه
واخذت موبايلي ورحت للغرفه الثانيه واني ما اعرف شنو نهاية حياتي ويه لميس الحياة وياها مستحيله
ورجعت اتصل من على ريماس من أرقامي اثنينهن رقمها كله مغلق وذاك الليل كله ما نمت
وجرت بعدها ايام ونفس الوضع الرقم مغلق بس شنو الوب انوب فرقد ناطيني رقم كل ما ادگ عليه مغلق آخر شي طفرت روحي رحت عليه للمركز
وچان بمكتبه وبلغه الشرطي انه اني موجود وسمحلي ادخل يمه ودگيت تحيه اله وسلمت واشرلي اگعد واني هم گعدت مقابيله وهو بده الكلام
فرقد / احچي بيان شنو عندك اكيد ما جاي سلم عليه
بيان / العفو سيدي بس عندي موضوع اريد احچي الك وذيچ الايام خطك كله مغلق وما گدرت أوصلك لهذا اجيت
فرقد/ يعني من أغلق موبايلي اكيد ما اريد احد رجال تزوجت جديد افتح موبايلي شسمع منك مثلاً راح تتغزل بيه احچي واختصر بعد شويه اطلع من المركز كله
بيان / هااا سيدي الف مبروك على الزواج
وحچيتله على موضوع لميس من متصله على ريماس وهاي غلقت الخط وأنتهى كل شي
وظل يباوع عليه اخيرها گال
فرقد/ اي خلاص انتهى الموضوع طالما غلقت الخط وولت بعد احسن شتريد منها
بيان / سيدي موضوع وفاة عمي مهند شنو نسيته
فرقد/ والله بيان اني اگول لو تزوجها احسن وخصوصاً هي چانت لازمه عده إلكترونيه على عمك وخلصت العده لهذا هسه تحل الك تاخذها
بيان / يا زواج سيدي اني ازوج وحده مثل هاي شبيه مخبل
وهو دى يحچي گام وگف وخله سلاحه بخاصرته واخذ سويچ سيارته وموبايله وگال
فرقد/ والله يا بيان إذا ما تزوجتها برضاتك بعدين تزوجها غصبن عنك لأنه إذا ما تزوجتها راح تلگى نفسك بصف عمك تونسه بوحشته وتذكر كلامي وهسه من رخصتك اريد اطلع واقفل مكتبي وعروستي تنتظرني احسن ما اگابلك واگابل عماد
بيان / تعجبت عليه هذا شلون المدير مالتي يگول من اكفأ ضباط الداخليه وهو مخرف اني وين احچي وهو وين يحچي ورجعت دگيت تحيه وسلمت عليه وطلعت من يمه
وعبرت بعدها ايام وموضوع ريماس ياكل ويشرب ويايه ما اعرف شلون اوصل الها وبيوم اني گاعد بالبيت وضارب صفنه وما احس غير على صوت عمه لقاء بگلبي گلت لا هله ولا مرحبا وتحچي بصياح وصوتها بالمطبخ رحت لگيت بيبي وابويه ولميس گاعدين وعمه لقاء واگفه على رووسهم مثل ابليس تحچي وتبچي وما فهمت شنو تحچي وبس شافتني شوگبل گالت
لقاء / كله من وراك عساها بحظك وبختك انت تحرض وسام عليه وتريد تخرب عليه وتهجم بيتي
بيان / هو غير بيتج مهجوم وانتي مطلگه بعد شهجم من بيتچ وسام ما شايفه واحچي ويا بس بالموبايل لانه علاقتي چانت قويه ويه عمي مهند الله يرحمه
سامي / اسكت انت بيان لقاء انتي منين سمعتي هذا الحچي اكيد الي وصله الچ چذاب اني وامي ما سامعين هيچ حچي من وسام
بيان / راح احبل وانتوا ما گلتولي شبي وسام ويا حچي گاله وسام
لقاء / إذا ما تطلع انت تنحش بعقل وسام وتدفع بي حتى تزوجه زوجة مهند اطلع اني مو لقاء تريد تهجم بيتي
بيان / والله كتلتني بيتها بابا يا بيت غير بيتچ مهجوم وراحت الدنيا بأهلها وبعدين إذا عمي وسام صدك يريد يزوج زوجة عمي مهند الله يرحمه والله يثبت عمي وسام صدگ رجال وأخو اخيته حتى لا يصير بأطفال عمي مهند الصار ويايه
لقاء/ وليش ما تاخذها لأبوك لو ما تريد احد يشاركك بالورث
بيان /زوجة عمي مهند اصغر منچ ب 13 سنه بعدها بعز شبابها تريد واحد فحل مثل عمي وسام شسوي بأبويه هو ابويه بي حيل بقي بس للبول
لقاء / ان شاء الله ايدك بايد مهند وبنتي تترمل وازوجها احسن منك
بيان / لا بنتچ بلا كرامه مثلچ شلون انتي مطلگه وتفترين على عمي وسام بنتچ راح تجيها ضره گولي آمين
شكرا لزيارتكم عالم روايات سكيرهوم
