رواية انا عشقت الفصل الواحد والعشرون 21 بقلم عائشة الكيلاني

زينة بصتله بصدمة وقفت مكانها كانت بتبص لوشه بدور على الإنسان الى حبيته بس لقت قدامها واحد تاني متعرفوش لاول مرة مسحت دموعها و زغرط :- اخيرا قولتها يا زين ، الحمدلله يارب الحمدلله لوووولووووولي 

كان بيبصلها بصدمة و غيظ بتزغرط علشان طلاقها معقول زيزي فرحانة علشان اطلاقت منه لدرجة دى مش عايزاه 

زينة بابتسامة:- ربنا يوفقك مع الاحسن يا استاذ زين 

زينة طالعت وفوق خديجة قربت من عز وقفت قدامه :- انا نسيت اقولك ان اعلان جوانا كان بغرض ان اقف مع زينة اختي ، يعني كنت بستغلك يا عز و دلوقتي انا بحررك مني و بقولك اهو قدام اهلك و الدنيا كلها طلاقني يا ابن الناس و نخرج بالمعروف 

عز بصلها بصدمة عينيه بتتحرك يمين و يسار بيرقب تعبيرات وشها:- خديجة انتي واعية لكلامك انتي بتخرفي اتجننتي طلاق اي و هباب اي على دماغك هو اى هبل و خلاص هو انا 

خديجة ربعت ايديها و قالت بوجع:- انت اغلي من انك تضيع عمرك ما واحدة زايى رخيصة مش دا كلامك ولا نسيت ، شكلك نسيت بس مش مهم طلاقني يا عز الا هخلعك و احنا اهل و مينفعش الكلام دا بينا تبقا فضيحة في البلد تو 

عز بألم:- خديجة بلاش تسرع في لحظة غضب خلينا نادي لنفسنا فرصة تانية 

خديجة بوجع و ابتسامة:- كل الفرص خلصت و القلب اتشوه و بتحبني زى ما بتقول طلاقني ارجوك 

عز حس بخص في قلبه اتنهد بوجع:- انتي ، طالق يا خديجة 

خديجة بابتسامة هادية:- ربنا يسعدك و يوفقك مع الاحسن اشوف وشك بخير 

ماجدة ضربت على خدها و جليلة بتصوت منعم واقف ساكت زين لف وشه و مشي و عز كمان خديجة طالعت تغير هدومها و حطت هدومها في الشنط بعد شوية نزلت زينة و الشغالين مساكين الشنط و نازلين وراها و خديجة نفس الكلام 

رحمة وقفت قدام الباب:- انتوا مش هتمشو لحظة شيطان يا زيزي خليكي و اوعدك والله العظيم هخليه يجي لحد عندك و يعتذر اخويا و عرفاه عز بيحبك يا خديجة بلاش تسرع ارجوكم 

زينة حضنتها رحمة قعدت تعيط خديجة بعدت رحمة عن الباب و خرجت و زينة نفس الكلام ركبوا العربية و بعد شوية وصلوا القصر 

فوزية و هى بتجري على السلم لدرجة انها كانت هتقع:- زينة اي الى جابكم في الليل انتوا كويسين حد هناك حصلوا حاجة 

زينة اتجهت ليها مسكت ايديها:- كله تمام يا امي 

فوزية بقلق:- لا مش تمام ، و دى اي الى جابها هنا مش قولنا بتي ماتت 

قالتها بوجع و حزن خديجة جريت تحت قدم فوزية و قالت بدمو و وجع :- احب على رجلك تسامحني انا كل البيبان اتقفلت في وشي ، انا غلطت بس والله العظيم توبت احب على رجلك سامحيني ياما حاا انا بموت مليون مرة من ساعة ما عملت كدا شهرين و انا بتعذب ، عملت كدا علشان احافظ بس انا تعبت يا امي تعبت و مش قادرة استحمل ابوس ايدك سامحيني ابوس ايدك ما تديني ضهرك انا مليش غيركم سامحوني علشان خاطر ربنا 

فوزية بعدت قدميها و مسكتها من دراعها قومتها و حضنتها و قعدو يعيطو هما الاتنين و زينة بتعيط معاهم :- بس يا حبيبتي بس يا خديجة حقك عليا يا حبيبتي بس متعيطيش 

خديجة بدموع:- انا بقيت حره يا ماما انا اطلاقت من عز 

فوزية بعدت عنها بصتلها بصدمة و قالت بصوت مرتعش و صعوبة:- اي اطلاقتي تاني يوم جواز ازاى دا يحصل الناس هتقول اي عليكي فين عقلك يا بنتي 

خديجة مسحت دموعها:- انا اختارت كرامتي اعلان جوازنا كان لغرض و خلاص رجعت لبيتي و اهلي و مش هحرم نفسي منكم تاني هو طارق فوق صح انا هروح اعتذر منه :- طارق 

خديجة طالعت على اوضة طارق جري و هى بتنادي عليه 

فوزية بصت لزينة :- خناقة جديدة 

زينة اترمت في حضنها و قعدت تعيط بانهيار :- زين طلاقني يا امي قال انى خدعته و انى اكبر كدبة في حياته مش راضي يفهم انى كدبت من خوفي عليه والله العظيم خوفت عليه يا امي انا زعلانه اوى انا ليه مش بفرح ولا حياتي زي الناس العادية ليه انا يا امي اااه حاا اااه 

فوزية قعدت تطبطب على ضهرها :- بس يا حبيبتي هو ميستاهلش منك دمعة واحدة و بعدين هو هيفوق و يعرف غلطه زينة ، يا بت 

زينة كانت صورة مشوشة الصوت بقا مش واضح فوزية بعدتها عن حضنها علشان تشوفها لقيتها وشها شاحب زينة ملت وقعت على الارض و اغمو عليها فوزية صرخت بأعلى صوتها نزلت على الأرض و خدتها في حضنها بتحاول تفوقها:- يا لهوي زينة ، يا بت ردي عليا الحقونييي يا طارق يا عايدة يا عبير يا محمد يا طارق حد يلحقني 

الكل نزل على صوتها 

خديجة بقلق:- اي الى حصل يا امي 

عبير:- براحة بس اهدو احنا نطلعها اوضتها يلا بينا يا فوزية 

طارق:- نفوقها الاول يا خالتي 

خديجة جريت على المطبخ و خرجت و معاها ماية 

فوزية و عبير حاولوا يفوقوها لحد ما فاقت 

طارق:- مفيش حاجة تعبتي شوية انتي كويسة 

زينة مسحت وشها بهدوء و حرج:- كويسة قلقكم معايا انا طالعة اوضي عن اذنكم 

طالعت اوضتها حطت ايديها على بؤها بتكتم شهقتها و صوت عياطها قلبها الى بيصرخ بدون صوت عقلها لسه بيستوعب الصدمة بتفتكر ذكرياتهم مع بعض جنانه صوته و هو بيقولها بحبك بس اثبت ان الحب كلام فقد مش اكتر بعدت عن الباب قفلت على نفسها شالت ايديها و شالت الطرحة حطت ايديها على رقبتها باختناق بتحاول تخد نفسها دخلت التواليت فتحت الماية و وقفت تحتها و دموعها اختلطت مع الماية و هنا بقت بتعيط بانهيار و وجع 

عند زين 

عمر بسخرية:- لا ناصح يالا تطلاقها يا متخلف 

زين مسك سجارة:- فكك بقا متوجعش دماغي اهو الى حصل 

عمر بصدمة:- مش انت بطلت و توبت 

زين بهدوء عكس العصبية الى جوه:- توبت عن الارف التاني اما السجاير في لسه و مش مبطل هى هتمشي كلامها عليا ، انت بتبصلي ليه ما تخدلي صورة بالمرة اي الارف دا صفحة مهببة و اتقفلت 

عمر:- استغفر الله العظيم لا حول ولا قوة الا بالله العلي العظيم انتوا اتحسدو ولا اي بصراحة كدا انا كنت بحاول اوقع مراتك 

زين رما السجارة من ايديه و اتجه لعمر و قال بهدوء:- بتحاول اي يا عيني 

عمر بتوتر:- صلي على النبي 

زين بهدوء:- عليه افضل الصلاة والسلام ، عملت اي بتحاول توقع مين يالا دا انا هموتك 

عمر بتوتر و مزح:- مانا توبت على ايديها الحمدلله جيت اوقعها ف هى وقعتني معرفش عملتها ازاى بت اللعيبة 

زين مسكه من هدومه:- دا الى هلعب في وش اهلك النهاردة بتشقط مراتي يا عمر انا هموتك 

عمر بقا بيحاول يخد نفسه لان زين كان خنقو وشه ازوق:- شهد كان اتفاق بينا اننا نبعدكم عن بعض و اشوه صورة المدام و فعلا حاولت معاها كلام من ارقام غريبة روحت ليها المدرسة مرتين بحجة ان عندي اخت و عايز اقدم ليها في المدرسة بس قفشتني و خلتني اتوب والله العظيم هو دا الى حصل كانت بتعمل بلوكات من قبل ما تعرف انا مين حتي والله العظيم ما جيت جانبها 

زين بغضب و غيرة:- انت كمان عايز تجي جانبها بعد كل دا انا هموتك يا حيوان 

زين زق عمر و عطه بوكس في انفه عمر مسح الد.م زين فضل يضرب فيه بغضب و جنون زين زقه على الارض و كان هيمشي عمر مسك رجل زين و هو بيخد نفسه بالعافية :- مراتك متستحقش منك كدا يا زين يمكن معرفش الموضوع بس اكيد دارت عليك لمصلحتك بلاش تخسرها في لحظة ضعف و غضب متغلطش غلطت ابويا الى بسببه انحرمت من امي ، امى ماتت من حزنها بلاش تكرر نفس المشهد 

زين اتنهد بهدوء و بعض العصبية لف وشه و مد ايده لعمر:- قوما يا زفت اخلص 

عمر ابتسم و مسك ايديه و قام:- مفيش فايدة فيك 

زين بهدوء:- ايوة يا عز ، اي بتقول اي مالوا ابوك طيب انا جاي حالا سلام 

زين قفل الفون بسرعة و قلق و جري برا بيت عمر ركب عربيته و اتحرك بعد وقت طويل في المستشفى 

زين كان بيجري زي المجنون سالت عن اوضة منعم و طالع ليه:- بابا اي الى حصلك 

ماجدة بسخرية:- ههه عندو ولادين طبيعي ينجلط بسببكم جتكم الهم في اسلوبكم 

عز:- يا امي كفاية بقا انت مش شايفة ان الحالة لاتسمح للكلام ولا الوقت 

منعم بهدوء:- جليلة قوليلهم يخرسو ، كان لازم تسمع خبر موتي علشان ترجع يا زين ليه يا ابني غاوي تعذبنا على اوخر ايامنا انا ربيتك و حفظت عليك علشان ابني مش حاجة تانية احنا اهلك رضيت أو مرضتش ف دا الواقع انت ابني لحد اخر يوم في عمري لم اموت ابقا اعملوا الى تعملوا 

زين مسك ايديه و قبله :- ربنا يخليك ليا يابا حقك عليا بس كنت مش عارف بقول أو بعمل اي سامحني 

بص لجليلة و قبل ايديها:- سامحيني يا امي 

منعم بص لجابر و حسني:- انا مش عارف اقول ايه 

زين بص لجابر :- عمي جابر حقك عليا انا اسف زين

جابر بحازم:- لا يا حبيبي لم اموت ابقا اشتري و بيع فيها طول ما انا عايش تنسا رجوع بنتي خلاص اطلقت و رجعت لابوها انساها بقا و بالنسبة لبتي ف مش بتزعل على حد و بتنسا بسرعة حمدالله على سلامتك يا منعم يلا يا حسني 

حسني و جابر مشيو عز و زين بصو لبعض بحزن 

منعم بهدوء:- ولادي اه بس الى مرضوش على بناتي مرضوش على غيرهم مش همشي في صولح لانهم خسارة فيكم 

جليلة بصت لزين بحادة و ماجدة نفس الكلام 

زين بسخرية هو و عز:- و نعم الاهل 

زين:- طيب يا بويا شكلك بقيت بخير عن اذنكم 

زين خرج من المستشفى ركب العربية بعد وقت في قصر المنشاوى زينة خرجت من اوضة خديجة و دخلت اوضتها و قفلت الباب 

زينة قفلت الباب و دخلت غرفة الملابس غيرت هدومها و خرجت و هى بتغني 

زين دخل و قفل البلكونة:- وحشتيني اوي يا طنط زيزي 

زينة فركت عينيها:- بسم الله الرحمن الرحيم انت بتطلع منين و اي الى جابك 

زين اتجه لكنبة و نام و قال بابتسامة:- جيت من البلكونة جيت لانكي سرقتي قلبي 

زينة ببرود:- الاوضة اوضك سيبهلك 

زين قام بسرعة كان هيمسك ايديها زينة قالت بسرعة و وجع:- احنا مينفعش نقعد مع بعض لان حرام ، انت طلاقتني و شرع حرام عايز تنام اوكي لكن بعيد عني يا استاذ زين 

زينة راحت فتحت باب البلكونة و ربعت ايديها:- برا 

زين بصلها بألم و ندم لكن قرب منها و قال بهمس:- رجعلك تاني 

زينة بصتله بعدم فهم زين خرج من البلكونة و زينة حطت ايديها على قلبها ابتسامة مخلوطة بدموع و وجع :- مش عارفه اطلعك من قلبي بس لا يا زين هنساك و مش هسيبك تكسر في قلبي اكتر من كدا وعد 

زينة راحت تنام انا زين ف راح ينام في العربية 

تاني يوم في قصر بدران على السفرة 

زين دخل بمرح:- الله الحبايب كلهم هنا دا انا حماتي بتحبني على كدا الله يرحمها 

جابر بص له بغضب و كور ايديه قام :- انت اي الى جابك يالا مش قولنا خلص الكلام انت مش بتسمع الكلام ليه مش طلاقتها 

زين ببرود:- مانا ردتها خلاص ردتها من كام ساعة 

جابر:- حلو طارق هات المأذون علشان يطلق بنتي رسمي و يبقا مفيش رجوع اي قولك 

زين:- يا عمي جابر خليك محضر خير انا ندمت و عايز مراتي 

جابر مسكه من هدومه:- حد قالك اننا خدمين اهلك يا ابن منعم شايف نفسك على اي انت تطلق البت حالا لقتلك 

زين نزل ايديه بهدوء ؛- القرار لزينة هى الى بس من حقها تقرر ارجع ولا ابعد 

زينة و هى نزلة على السلم ببرود:- و انا مش عايزك و طلاقني اصل الحكايه مش ناقصة عيال صغيرة و جنان روح شوف عيلة من دورك تستحمل جنانك لاني خلاص كان فيه و خلص 

زين واقف قدامها بابتسامة باردة جدا:- و مالوا يا طنط زيزي 

زين شالها زينة صرخت بغضب:- اانت اتجننت نزلني يا حيوان 

جابر مصدوم الكل مصدوم خديجة مش عارفه تعمل حاجة غير انها تضحك 

زين بابتسامة:- اشوف وشكم بخير باي باي

 فتح الباب و خرج 

جابر بص لطيفو و اغمو عليه وووو

الفصل الثاني والعشرون من هنا 

شكرا لزيارتكم عالم روايات سكيرهوم