رواية بيوت الصفيح الفصل الواحد والعشرون 21 بقلم زهراء السراي

لا بأس احياناً من الأعتراف

بالخطأ فنحن لسنا بملائكة

يوم الخطوبة بفرحتنا وهوستنا

والركضة اني و غِنى وسومة

كل شويه تتصل بيه قمر افتح الخط

اصيح احجي الو الووو ماكو رد

گمت دزيت رسالة

-قمر يمكن اكو طفل زعطوط يلعب

بتلفونج وكل شويه متصل وميحجي

بنفس الثانية اجاني الرد

-ياطايحة الحظ

مرديت علي رجع اتصل فتحت الخط وهجمت

-كاااااافي لعب مافارغتلك

-ها العوبة استفزج

-ها قمورة ليييش تنطي الجهاز

-غير يعلگني تعليگ اذا ماانطي

-لأن مخبل

اجاني صوته الغاضب

-شوفي حلگج هذا أشگه اذا شفتج

-خفت هووايه لا ارجوك

-طبعا صلفة وملسووووونة اكيد متخافين

-سمعيييي قمر والله اذا تكررت هالحالةازعل وياج رجاءاً لحد يتصل بيه من خطج

مااعرف شغلط عليه وغلق الخط

تنفست بضيق وطلعت بره ارتب التوزيعات

صاحتلي غِنى 

-يلا لبسي بعد الساعة راح تصير ب٤

ركضت لبست فستان للمحجبات شتائي

مرتب بلون ماروني وحجاب بيجي وخليت

شويه مرطب لشفتي واحمر خدود وكحل ومسكارا

ويا دخول اهل أسد اني خلصت 

طلعت من غرفة سومة للصالة

الكل داخل سلمت وگعدت افتر

ويه قمر سلمت على امها بنات خالتها

الصغار اعرفهن من خلال كلامها

من بدو فقرة العقد طلعونا احنه البنات

اللي ممتزوجات گعدن بالهول

بس اني قمر جرتني

-تعااااي عليج الله بس يردونج

جرتني للترك بنهاية البيت

مفتوحة الباب دفعتني وراحت

باوعتله واگف عرفته اصلا

هو موديها لابس جاگيت

صوف اسود وبلوز ماروني غامق

هزيت ايدي منسق ويايه

-نعم

-شبييييج لج

-شتريد

-ماااريد شي بس سمعي اذا تكررت قلة

أدبج حظج اطيحه

تخصرت واگفة

-انت معقولة متعرف حجمممم غلطك

بحقي

-اعرف وگتلج افهمج

-لووووو مهما كان السبب مستحيل

اقبلها على نفسي وانت تهيني گدام

ابن اختك

-والله هسه اكفخج راشدي اعدل وجهج

-لا بالله ووجهي هيج باقي اعوج محتاجك

تعدله

-لا وجهج عددددل بس لسانج اعوووج

-احترم نفسك

تقدم باصبعه نقر على خدي

-بس تعرفين اسبابي راح تجين بنفسج

تعتذرين

-تحللللم اعتذرلك فد يوم

گرص خدي حيل دفعت ايده

-دخلي بطة دخلي وحسابنا بعدييين من

كل شي  يتم على خير

-ماااااكو شي بينا حتى يتم على خير

رجع عليه عض اصبعه  بعصبية

-انتِ ليييييييش تنطحين بدوم فهم بسسس هجوووم ماعندج شي اسمعه أسمع وافهم

-شكررررررا هسه صرت بقرة

-لا بطة بس بطة يحتاجلها نتف رييييييش حتى تتأدب

-خلييييت الأدب لأصحابه اللي يغلطون

ويتجاوزن وميحترمون بدون اي وجه حق

رجع عض الأصبع ساعة يعض لسانه

دفعته حتى اطلع وهمست

-من خبالك حتى روووحك تريد تاكلها

ابتسم وباوعلي 

-لييييش مااكلج انتِ

غمزلي وطلع يصوفر

غميته والتفت

-اعرف سوالفج التافهة

مشى طالع من يمي رجعت للصالة 

فرحة حلوة ولمة رغم وجه البعض من أهله

اللي مبين عليهم عدم الرضا بس احنة فرحنا

بأختي لحد ماخلصت الحفلة

وراحو بس قمر يمي كملنا ترتيب بين

مااسد شاف صِبى نزعنا الحجاب واخذنا

صور حلوة بالكوشة قبل لتجي صاحبتها تاخذها

راحت قمر وبدة الشغل صِبى غيرت ملابسها

ونظفنا البيت لحد متعبنا ثاني يوم كلنا دوامات

لازم

مددت بفراشي وعيني بتلفوني راسلتني

قمر باجر تداوم ويايه شويه وراحت نامت

اباوع اجاني طلب مراسلة عالأنستجرام

فتحتة صورتي بالحفلة اليوم واگفة بالكوشة

وفاتحة شعري بس ظهري للكاميرا ورافعة ايدي

-شعرج رهيببببب

-ليش تحملني الحرام بتصرفاتك

لييييش مصر تنزل من عيني

-الحرام عليه مالج علاقة

ثواني ودزها مخليها خلفية للشاشة

ومخلي عليها ايموجي بطة

-والله تحلم بعد تسمع حرف مني

طلعت من المحادثة وحظرته

ودزيت رسالة لقمر

-للأسف قمر للأسف تاخذين

صوري وتنطيهن لحمزة هيج ماكو ثقة

بعد

طلعت من المحادثة وگعدت أبجي

ليش هيج اذاني ومازال مصر ان يأذيني

بتصرفاته اني عرفت غلطي وعرفت شگد

استعجلت بمشاعر مو لازم احس بيها هسه

وبهالعمر

گوة جبرت نفسي عالنوم الصبح غيرت

ملابسي وجهزت نفسي وطلعت ويه حيدر

للدوام وصلت لگيت سيارته ستوها

واگفة نزلت قمر باوعتلي واجت ناحيتي

تركتها ومشيت ثواني وصارت بصفي

-شبييج مُنى والله ماادري بي ماخذ الصورة

-قممممممر هالحركة اكثر من مرة تكررت

گتلج ماااريد اي علاقة بخالج ماااااااريد

صحت بنص الممر بهتت هي بوجهي

ومشت وجها غيم حزن وزعل تركتني

وراها وراحت للصف طول فترة الدوام

گاعدين بنفس الرحلة بس منحجي

خلص الدوام وطلعت بسرعة للخط

لگيت حمزة واگف وحيدر واگف

حمزة مطلع نص جسمه من السيارة

وخازر حيدر

وحيدر يفر بالسويج مالته وجگارته بحلگه

مشيت سلمت وصعدت بالسيارة

صعدت وهو حرك ثواني وحرك وراه

حمزة اجه يمشي ورانه ماانطيتة اي اهتمام 

-حيدر وديني اخذ عصير من المرطبات

عالشارع العام

-گايلة لأختج

-هسة اتصل بيها

اتصلت بصبى وافقت اخذني

وحمزة يمشي ورانة وگف حيدر

مقبل انزل نزل هو

وحمزة طبگ ورانا ونزل فتح الباب

من ناحيتي

-شعندج هنا

-اشتري عصير

-لا تخليني والله والله هسه اسحلج منا گدام

الناس

سحبت الباب سديته وقفلته

اجة حيدر وحمزة واگف نزلت

الجامة خوفا من المشاكل باوعلي

حمزة

-وانت صاحب خط لو ابو مرطبات

عندك خططططط وصل الناس وروح

اشررررب

-من رخصتك وخليني ساكت يرحم موتاك

-شبيك لك

گالها حمزة وضرب حيدر بكتفه

حيدر ماقصر هالمرة بكل مايملك

من قوة وجه لكمة لوجه حمزة

فزيت نازلة من السيارة صرت بالنص

-كااافي فدووووة كافي

اني رايحة مشششي حيدر

رووووح حمزة كاااااافي كف عني

واگف يعدل بفكه ويدفع بيه يريد

يهد على حيدر

-حييدر روح فدووووة

صعد حيدر سيارته وحرك

وحمزة ادي ترجف بس يريد يهجم

تركت ذراعه والعصير اللي جان بيدي

شمرته بحاوية الزبل

وتحركت ماشية

-اقسم بالله اذا ماصعدتي وياي

اسحگج هسة واكسرج

خزرته وتحركت ماشية بسرعة

تحرك ورايه ماشي بالسيارة

ماعرته اي أهمية الى أن وصلت

البيت شخط السيارة وراح

الأيام اللي تلتها خليت حيدر يوصلني

من وقت كلامي وية قمر مگطوع

ومابينا اي شي غير الصمت

اشتاقلها بس ضايجة من تصرفها

تخلي يتصل بيه من خطها يراسلني من

حساباتها تنطي حساباتي بكل

مرة رغم احذرها أستمر هالزعل

لأسبوعين كل يوم بيهم ابجي

أريد احجي وياها قمر مو بس صديقة

قمر اخت ونظيرة اليه بكل شي

الوحيدة اللي تعرف كل شي عن حياتي

من أيام عيشتنا بحي التنك لليوم

اليوم يعدي بدونها بتعب حتى

سومة تسألني عنها استمريت

اني وياها بزعلنا الغير مبرر

لحد مابلشنا

امتحانات نصف السنة اول

امتحان اسلامية طلعت اني فرحانة

وهي تتابعني ومبتسمة لأن تعرف

مدى معاناتي وية المدرسة مالت المادة

والثاني العربي طلعت هي وجها شاحب وتعبان

عيني منها لحد مااجاها الخبل اخذها

ثالث امتحان طلعنا ماشفت حمزة منتظرها

مااعرف ليش وگفت ماارتاحيت

انتظرتها تطلع اجاها اتصال بقت واگفة

تنتظر متوترة شويه وشفت سيارة

طبگت بس نزل عرفته أياد زوج امها

هميت بالمشي ووگفت يمها وهو يحجي

-خالج راح للموقع عندة شغل ووصاني

اخذج وياي

لزمت ايدها وهي ضغطت على ايدي باوعتله

-شكرا عموو بس قمر جايه ويايه

-وانت منووووو بالله 

-صديقتها مُنى 

-صديقتج

رفع حاجبه لقمر بتساؤل وهي هزت راسها موافقة تحاول تسيطر على أعصابها 

وخزرهة ورد بعصبية 

-يلا قمر امج تنتظرج يم بيت خالج

-لا اروح وية مُنى

-مترحين شنو هاللعب أمانتي انت خالج

گال جيبها

مااعرف شلون صدرت مني الكلمة بعصبية

-وانت خيير من يحفظ الأمااااااانة 

خزرني وباوع لقمر ولثواني

حسيته فهم سبب كلامي

لزم ذراعها يشدة بخفة

-يلا بابا بلا لعب جهال

بسرعة تلفون قمر بيدها سحبته

وفتحته عالاتصال واتصلت بحمزة

رد بنفس الثانية

-ها قمورة شكو 

-هلو عمو

هذا عمو اياد اجه وقمر تريد تروح

ويايه عادي

-بطة

-هاااا عمو شگلت

-عموووو يابنت ال……

قطع الكلام ورد بصوت متلاعب 

-عادي بشرط

-موووافقة على كل شي تمام

اجاني صوت ضحكته وهو يتوعدلي

-اجيتي والله جابج

غلقته وخليت عيني بعينه

-عمو حمزة يگول قمر تجي ويايه

غمرت كفها بكفي وسحبتها

مشينة خطوات وهو تحرك ناحيتنا

عيونة تتوعد بالشر بعد مافهم

اني ممكن اكون اعرف كل شي

ثواني وگعت عينه بعيني رجفت أوصالي

خوف وارتعدت بسبب الظلام اللي

اجتاح ملامحه

-نتوااااجه ياحلوة

وهيج صنعت لنفسي عدو محتمل

مجنت اعتقد ان راح اجتمع بي

في يوم من الأيام

غِنى

________

الحب المجنون هو ذاك الذي لا يعترف بمنطق

ولا يخضع لحساب يقتحم القلب كالإعصار

يبعثر كل شيء ويتركنا نبتسم وسط الخراب

فاتحة الفيديو جاي اعدل بوجهي

وهو بشغله مسنود عالمكتب 

بقمصلته الدبدوبة الفرو

وجماله الأجلح الساحر

يباوعلي ويوجهني

-شو بالله تقربي اشوف جهرتج

-شوووف ماكو والله بس مسكارا 

وشوية احمر خدود ومرطب

-المرطب حلو عليج مسحي

-شفايفي تيبس

-اي خليهن ييبسن بلكي جهرتج تخرب

بس من اجي اني خلي

وبعدين شنو هذا اللون اللابسته

-يبوووووو يبوووو نيلي نيلي

شلبسلك بعد

-لتلبسين شي شبيها خلقة ربنا حلووووة

-يا فاسق اروح للجامعة صلوخ

-لا تعاي يمي صلوخ

-ولك حررررام

-ولج مررررتي مرتي

-يمه راح ارسب من وره سوالفك تأخرت

-روحي شگد نحسة هسه شطالب منج هو صلوخ

شلت التلفون بست الكاميرا

وودعته واني اهمس

-الك مني هدية من أرجع

-ااااااخ بده اللعب الثگييييل

غمزتله واني اغلق الأتصال 

وطلعت راكضة مشيت مُنى گدامي

غلقت الباب وقفلته وركضت للخط

امتحانات وتعب واليوم آخر يوم 

والحمد لله راح آخذ أستراحة كم يوم

بس وين اكو أستراحة ورانا

حفلة تخرج وركضة دخلت

الجامعة متأخرة بس راكضة

لقسمي ودخلت

قاعتي امتحنت بس خلص الأمتحان

جريت نفس مرتاح طلعت تاركة 

كل شي راجعة للبيت 

هالأيام هاملة البيت

و صِبى وسومة متحملات هووايه

بدالي نظفت البيت وطلعت لسومة

سحولتهة حتى تگعد ورتبتلها بيتها

وراها الغده و مُنى مثل القرد

بعدها نايمة اشتغل بالغدة

ودگ التلفون فيديو

-ها يمناي شو مختفي

-شغل

-صاير شي

-بس تسمعيلي مو هم تعنفصين

-بغض النظر عن اسلوبك بس گول

-رهام عگب باجر ياخذها زوجها بعد

-الله عليك يمتى

-خابرني قبل شويه واصل أهله

ومكمل كل شي ويگول ماخذ اجازة

اربع ايام لازم اسافر عگب باجر

-ياحبيبتي رهومة راح تتركنا

-غِنى بعد لازم نتزوج عالأسبوع الجاي

مدام عطلة

-تحجي صدگ

-ليش هالموضوع بي شقة ومزح

-ودوامي

-واني وحمادة

طرح سؤاله بعصبية

مااگدر ارد حقه بس اني هم حقي

-على عيني وراسي بس ……

-غِنى

مدام گال غِنى معناها واصل مرحلة من التعب والعصبية

-ها عيوني

-نتزوج واجيبج بأيام الأمتحانات وحفلة التخرج

يعني تعرفيني أقصر

سكتت لفترة محتارة ومااعرف شگول

-براحتج

-انت ليش بسرعة تتركني براحتي هالطبع

بطله

-ليش متجين تاخذيلج راشدي افضل

-أيمممن أسمع خل نحجي لا تحولها لأزمة

-لا عليمن أزمة براحتج گتلج

-شوووف أنت كلك حلوو الا هالطبع سوووويتها

بيها مرتين مرة من حجيتلي كلمة وضليت اربع أشهر

حتى رهام خليتها حظرتني وماسمعتني

والمرة الثانية اعترفتلي تحبني

منا وبس شفتني مترددة بنفس اليوم

رحت خطبت فهذا طبع التسرع بطله

تفاهم ويايه ونوصل لحل

-وهذا كله حقد شايلته بگلبج

-حقد؟

-جا شتسمي 

-سمي عتب تريد مااحجيلك بعد واكتم بگلبي عادي

-فضيني

-تمام عالأسبوع الجاي

من رخصتك

بدون ليرد غلق التلفون ودزلي رسالة

-باجر جاي مدام عطلتي نجهزج

خليتله ايموجي اوك وغلقت الجهاز

ونمت تعب وضوجة وعدم أستعداد

لحد مااجت صِبى وطرحت عليها فكرتي

وكلامي گالت لتستعجلون بالغضب وشويه

لازم واحد يكون لين مو اثنينهم أعصاب

وتخربون حياتكم بالتوتر

لليل مااتصل وامتدت الشغلة للصبح

لمن اندگت الجرس باوعت بالكاميرات

هو مشيت فاتحة الباب وجهه معفوس

وواضح اعصاب

-صباح الخير

-صباح النور

فتحت الباب دخل متعودة علي

من يدخل يخبص البيت اليوم جان

هادئ ولا اله علاقة بيه سويت

ريوگ وخليته هو اكل واني گمت ارتب

وگف يم الشباك وبدت المدخنة مالته

خمس جگاير وره بعض

باوعلي اعزل بالصحون

-اذا ماعندج شي خل نطلع نكمل

هزيت راسي واتصلت بصِبى

-صِبى وصل أيمن راح نطلع

-دزي مُنى يم سومة لتخليها نايمة بالبيت

-تمام

رحت غيرت ملابسي وگعدت مُنى

وصلتها يم سومة قفلت الأبواب وهو

منتظر بالسيارة صعدت هدوء

لا موسيقى مثل كل مرة ولا كلام

يعني هو اللي ثار المشكلة

وهو اللي زعلان عينة عالطريق ووجهلي

الكلام

-نروح للذهب

-براحتتتتك

داس بريك ردت اطلع من الجامة

باوعتله بس ماريحت گلبه ولا حجيت

عدلت گعدتي وتحرك ماشي

وصلنا محلات ذهب معروفة نزلنا

هو بجهة واني بجهة شعور مو

حلو صابني البنات وياهم امهاتهم

وأخواتهم ينصحوهم ويعلموهم

شياخذون واني مااعرف بهالشغلات

ولا الي سابق معرفة بالذهب ومشتقاته

بسبب ابويه العزيز

هو واگف مسافة عني ويأشرلي

-شوفي اللي يعجبج واخذي

دخت موديلات هووايه واطقم عملاقة

واطقم ناعمة وهووايه سوالف باوعتله

ولا يمي ايده بجيبه وساكت

-ها قررتي

-اي شي عادي انت اختار

تركته وگعدت عالكراسي أحساس

حزن عميق احتل نص گلبي مو هيج

تخيلت هاليوم يكون ولا تخيلت اكون وحدي

اباوع بنية مقابيلي امها تطلع وتلبسها

وتنصحها ووياها ثلث بنات ومحولين

التجربة لونسة وضحك

وبنية عمتها وياها وامها ويتناقشون

بالاسعار والأوزان وهي وخطيبها

ولا مهتمين يضحكون ويسولفون

اباوع لأيمن يتناقش وية البنات بالمحل

وعادي يسولف وفكت اعصابه ويضحك

ويتناقش ماحبيت موقفي ولا أسلوبه

بالتعامل وية زعلي وضوجتي وحتى

موقفي وهو يعرف وضعي لا ام لا

اب لا احد جبير يعيني بهيج موقف

تسللت طالعة من المحل السيارة مفتوحة

صعدت هادئة مااريد شي أريد أرجع

غِنى بوجود فرقد وحتى وجود خالتي

لمن جنت مااشيل هم شي وهم

ياخذون كل قراراتي عني

نزلت راسي بتعب هالخصلة بأيمن

صعبة ومتعبة واني سلفاً ماخذة نصيبي

نصيبي من تعب الدنيا اريد راحة اريد

نسيان لكل شي مريت بي قبل

اللي اذاني أكثر عشر دقايق يلا أدرك

عدم وجودي اجة ماشي ناحيتي

بعصبية فتح باب السيارة بسرعة

شمر كلامه

-بالله هذا تصرفج تصرف وحدة عاقلة

مسفط الأطقم واحجي وياج تختارين

تگلي البنية زوجتك طلعت

باوعتله دموعي تريد حجه حتى توگع

-والبنية مگلتلك انك موجه نظرك الها وتسألني

يعني منطيني ظهرك وتحجي ويايه اكيد مراح

تشوفني موجودة لو لا

مسحت دموعي بسرعة ورديت

-اختار انت بالنهاية هو الك اني ماالبس

-غِنى

-نعم

-شبيج

گالها بهدوء هالمرة بس حتى وان ماانسى

أسلوبه داخل المحل

-مابيه والله اني ماعندي خبرة

بهيج اشياء اختار انت

سحب ايدي يطلعني من السيارة

-تعاي اختاري هذا حقج

نزلت ساكتة ممسك بيدي

لاأرادياً سحبتها من بين ايدي وكأن مشاعري

السلبية عكست على تصرفاتي رجع سحبها

غالق كفه عليها وگفنا يم العارضات بالي

جان مشوش ومااهتميت للأختيار اللي

أشر عليهن اشرت على واحد لا على التعيين

وهو يسألني

-متأكدة

هزيت راسي وهو يحجي وياهم عالحلقات

والخواتم طلعو اخذت حلقة سادة

وخاتم بسيط اريد بس ننتهي من هالشغلة

طلعنا بيده العلب بعلاگة خلاهم ليوره

اني عيني عالشارع مو هذا تخيلي عن ايام

التجهيز لعرسنا ردت نفرفش ونفرح

مثل عادتنا

شغل أغاني هادئة وانطلق يسألني

يحاول يلطف الجو

-ها حبيبتي وين تردين نروح هسه

-بكيفك

-تجهزين ملابس

-تمام

دخل منطقة من مناطقنا خاصة بالمجمعات المرتبة

نزلنا اختاريت اشياء بسيطة ومرتبة يشاركني

القرار وياخذ اشياء على ذوقه من ملابس

البيت للكشخة للنسائية احس فرحتي

خفتت ومااحس بس بالفراغ اربع ساعات

فرة لحد الظهر انملت السيارة للأخير

طلع مبلغ وخلى بصفي

-تجهزين مواد تجميل وهالاشياء العصر ويا

صِبى والبنات

-لا هسه انت اختار

-شبييج

-ليش تصيح

گلتها بصوت مهزوز ياربي ماابجي

بلعت الغصة وتنفست دايره وجهي

وگف عالجانب

-باوعيلي شووو غنوة

-ها

-مااصيح والله بس اشوفج ضايجة ومقهورة

الوضع مخربط واحس سفر رهام راح يكسر

ظهري

-الله يوفقها 

-غنووة بس باوعي هنا زعلتج والله واضح زعلتي

-لا مزعلت

-وين كلامج اريد اجهز براحتي وخبصتيني

اشتريلك اطقم خيالية

-شريد بعد مو جهزت وشكرا مقصرت

-هذا حقج شنو شكرا

كحيت اجلي صوتي انهي الموقف

ابتسمت غصب ورديت

-اني وياك نختار المنظفات ومواد التجميل

حتى نخلص

-هاي هي تتدللين

تحرك ماشي ولأرقى محلات اخذني

جهزنا اللي احتاجه ووگف بنص الطريق

يم مطعم

-نزلي

-بالبيت نتغده

-لا هنا امشيي 

نزلت ويا گعدنا طلب الغده وبدينا ناكل

المكان خاص للعوائل وهدوء ترك

كرسية وگعد بصفي يخلي گدامي

-اكلي ضعفانة بهالاسبوع زيديلج فد عشرين

كيلو

باوعتلة صفح خله اللگمة بحلگي

-مااسمن لخاطر أي احد أحب نفسي هيج 

-واني أحب الشحوم

-اشتريلك بقرة عالوزن اذا تحب ماافيدك اني

-يابربوك قصدج اني ثور واختار بقرة

-تعرف قصدي

-مايحتاج اشتري بقرة انت بقرتيييي 

ابتسمت ونهيت الموقف بس گلبي

شال منه لأول مرة وحسيت اني ماراح

أگدر اناقشه بالمستقبل وراح ابقى كل موقف

ابتره وأنهي واني گلبي مقهور وحامل منه

شوية زعل

رجعنا للبيت صِبى بعدها ماراجعة

و مُنى يم سومة اكيد نايمة

دخل وياية الغراض للبيت

باوعتلهن شو مفرحت رفع راسي

-كل شي تحسي ينعكس على وجهج

احجي ولا تحقدين عليه

-لا محاقدة

-احجي گتلج

-مااريد احجي حجيت مرة وكافي

التكرار يجيب الملل

-واني ماامل منج

گعد وسحبني حضني 

شمر الحجاب ومرر اصابعه بفروة

راسي

-هالدماغ الحلو گام يضرب اخماس بأسداس

وضربتي زووم عليه وراح تحقدين اعرفج

-حجيتها مرتين وهاي الثالثة والأخييرة مااعيدها بعد  ابددد لتخليني محتارة وياك عشت عمر من الحيرة

اريد الباقي من حياتي وضوح ناقشني

لتتمسك برأيك

-صار وبعد

-أياك تهيني مثل ماصار هسه

-اني هنتج

-بمحل الذهب صغرتني وقللت قيمتي

الكل باوعلي بعين صغيرة وانت واگف

تضحك ويا العاملات تاركني وحدي مامنتبه

حتى لغيابي

-حسيتج مموافقة عالزواج هسه واني وعدتج

تحضرين حفلة تخرجج وامتحاناتج ومااقصر راح اوفرلج كافة التسهيلات من الجامعة

-اني يهمني الأسلوب اكثر 

سحب راسي باس جبيني

-هواي امور تشغل بالي وكلها التمت

-من ينشغل بالك وكلها تلتم عليك شاركني وياك

لتخليني طرف متفرج وانفجارك واعصابك تكون

بوجهي خل نهدي بعض مو ننفجر بوجه بعض

ضربني كله وضحك

-ماعرفتج شنو هالكلام الناضج

-من اتشاقه واتدلل واضحك لأن أحبك

ولأنك نصفي الثاني بس هذا مو معناه اني

تافهة ولا سخيفة هذا معناه اني مرتاحة لوجودك

واتصرف وياك كأني أباوع لنفسي بالمرايا

اكو واحد يثگل گدام نفسه ويجاملها

-اكيد لا لازم يستخف

-انت مو تگول اليثگلن وية غيرك

يمك انت خفاف

-فعلا فعلا وهسه غنوة طاح الحطب

-حسب طريقة الأعتذار

-روحي الج

-وهاي تكفيني

سندت نفسي على كتفه ونهيت الزعل

عسى وان للمستقبل يتعض من هالموقف

ويطفي زعلي وغضبي بساعته وميخليني

أبرد لوحدي والنتيجة تبرد علاقتنا

اليوم الثاني جان تجهيز صِبى اليه

بمبلغ بسيط جهزتني اشياء خاصة

لازم العروس تاخذ اشياء من اهلها

بالليل أجاني هو طلعنا وگعدنا

نشرب عصير بالسيارة وطرح سؤاله

-تردين عرس مطنطن لو شي بسيط

-مااريد عرس نهائياً

-بابا شنو هالحجي اني بالله شايف العرس

انت لازم زفة وترتيبات

-افهمك بس اسمعني اريد هنا

البس البدلة وتطلع زفتي من البيت

ناخذلنا فرة ببغداد نتصور صور

حلوة بجلسة خارجية ارتاح يوم

ونطلع لأربيل عادي

-لج عرسيش هذا

-بدون دوخة ومصاريف

-ومنعزم احد

-لا ليش اخواتك واخواتي وها اها

-غِنى خاف بعدج زعلانة

-لا والله شبيك بس ماكو داعي للهوسة

احنه ماعدنا احد بس اريد يصير اشهار

كدام الجيران وبس 

-خبلة اقسم بالله باوعي باجر

ارجع لأن سفر رهام والبنات يودعنها

ارجع بنهاية الأسبوع انت مخلصة سوالف

الحجوزات والصالون والتصوير الفلوس

جاهزة بس ماالحك امشي وياج خل صِبى وسمية يتولن المهمة تمام عالأحد الزفة 

-تمام

-اووووويلي قررررربت

-لم نفسك لا امردغك هنا

-تمردغين منو

-نفسي حبيبي امردغ نفسي

طلع بيه مرجعني للبيت والفجر

طلع لأربيل وره يوم طارت رهام

لحياتها الجديدة يوم الجمعة رجع ويا

اخواته وحمادة 

اني و صِبى طلعنا اختارينا كل شي

من بدلة لصالون لمصورة جلسة

تصوير خارجية كل شي تم على خير

على أمل أن يوم الأحد يكون زواجنا

حاولو وياي ان أسوي حنة مقبلت

اني تعبانة من الامتحانات اريد ارتاح

يوم السبت بلشنا ترتيب

الاغراض بالجنط وخلينا كل شي

بمكانه بالليل سومة سوت صينية بيها

حلويات وحنة وسحلتني الا تحنيني

وخلتني غصبا عليه اتصل بأيمن

اجاني بتراك البيت واني بتراكي

وكفشتي گعدتنا غصبا عنا ناخذ

صور حناني وحنيته تحت صوت الاغاني

اللي مشغلتا هي و مُنى صورنا وضحكنا

وطلع راجع للبيت الأحد صبحية گعدت

سبحت وجهزت اغراضي الساعة بالعشرة

رادوني بالصالون اجاني واخذني

اني و صِبى مرينا اخذنا البدلة وسوالفها

وصلت بباب الصالون حاجاني

-براحتج شوكت متكملين اتصلي راح اخذ

السيارة ازينها وارتبها والبس من تكملين

اني جاهز نصور تمام

-تمام

-ليش وجهج تغير هيج

-شو صارت صدگ

ابتسم وگرص خدي

-وياي أمني لتفكرين

نزلي الاغراض لباب الصالون وراح

دخلت استقبلوني البنات

تسريحة مفتوحة لأن جو بارد مااحس بيها

مكياج نود بذهبي بسيط وحمرة غامقة شوية

على حمار لأن سحبة العين بسيطة

واخيراً اجه دور الفستان طويل عدل

بنفشة ذيل بس من جوة تصميم المورميد

وباقة ورد ابيض نازك ل٣ خلصنا

اباوع لصبى أثناء الخطوات

كلها كل شوية تروح تغسل وجها وتمسح

عيونها من الدموع وترجعلي

-صباووووي

-حبيبتي

-ماقصرتي ولا تركتي ايدي فد يوم

عمري ماانسى تعبج بكل خطوات حياتي

حضنتني ساكتة خجلانة تبين دموعها

لبست فستانها المرتب وحجابها وسحبولها

البنات عينها بنزاكة ومكياج بسيط اتصلت

بعد ماكملت نص ساعة وصار أيمن يمي

اتصل وطلعوني استقبلني هو

اباوع للسيارة مزينة بورد وشرايط تول

وردي غمزلي

-لونج المفضل بعد شتردين

صعدتني صِبى يمه وهو متطاير والاغاني العالية

وطگ الأصبع وصلنا الحديقة يم المصورة

المكان يجنن دفو الشمس ويه نسمة الهوا الباردة

بدت المصورة بطرح افكارها اللي أيمن طرررب عليهن

-تگدر ترفعها من خصرها

باوعلي وهمس

-اووويلي شوووفي هاي البنية وگعت عالعلة

-دجاوووب لا ننفضح

-اكيد اييييي

رفعني وعيني بعينه مبتسمين

التقطت الصورة

-تعاي حبيبتي انسندي عالشجرة وانت صير گبالها حاوطها بيدك

-شوفي مو گتلج فاهمتني

-نزل راسك ناحيتها وبوس خدها

-شوفي خررربنا اني وياها

لو من الشفة

-لم نفسك لو تطلگني

-تتتتتف فال الله ولا فالج

-يلا هسة نكمل كفك بكفها نزلوهن

حتى تبين الحلقات

بدت تاخذ رمزيات الى أن صارت ساعة ونص

خلصنا وطلعنا

أسد اتصل اخذ صِبى بسيارته وطلعنا بسيارة

أيمن فرحان ايدة بيدي

-مبروك عليج آني وحبشكلاتي

-لا هي مبينة من أولها

-ضحكي لج

ضحكت وهو طاير فرحان وصلني للبيت

لحد مانزلوني للبيت سومة والبنات

وقمر وكم وحدة من الجيران سومة عازمتهم

ومسوية أجواء نص ساعة وصارت الهوسة

بالباب سيارات اصدقاء ايمن أسد واخو

وفقار دخل أيمن واخواته طشو جُكليت على

راسنة والهلاهل تصدح بالهول بدو هوسات

الزفة وسوالف الفرح

اخذني ذراعه بذراعي وطلعنا

صعدوني البنات بالسيارة وحمادة

ويانة يگمز بالسيارة ورانا

اغاني وصوت الهورنات مالي

الجو اخواتي ويه أسد وسومة

وياهم اخوات أيمن ويه ازواجهم

والاصدقاء مسوين جو فرينا بغداد

بفرحة جمعت الاصدقاء والأهل لليل

افترقت السيارات ورجعنا اني وأيمن والبنات

للبيت نزلني دخل وياي للهول اخواتي طلعن

باس راسي ووعدني

-وعد احميج واكونلج سند طول العمرر

غنوة شنو هسه استحيتي

رفعتلة راسي

-ولك تعبببببت اريد اكل واسبح وانااااام

-هو هذا هم حظي اليرجع من الزفة يتسوفل

اني رجعتج لأهلج

-خل نرتاح شبيك 

-ارتتتتتتتاحي غنوة ارتاحي واني جدي مشتعل

كفخني وطلع مسلم عالبنات وهو يبلغهم

-الفجر نطلع أن شاء الله بالكم على مرتتتتتتتي

ضحكت سومة وامنته

-بالحفظ والصون روح أرتاح

طلع واني بأستعجال نزعت هالهوسة

وشمرت نفسي جوه دوش المي الدافي

ارتاحيت واكلت ونمت فاقدة الوعي

ب٣ ونص گعدتني صِبى 

-غنوة گعدي حبيبتي هم يالله تصلين

وتتجهزين

كعدت صليت وطلعت ملابسي كوت جوزي

وجوا بلوز بيجي وبنطرون ووالشال واللفاف الصوف

غيرت ملابسي وخليت مكياج مرتب

اباوع لصبى تحوس وتفتر متگدر تخلي عينها

بعيني لبست الحجاب وركضت حضنتها

-تدرين اني أحبج موووو

هزت راسها باجية

-وتعرفين رغم السنة فرق العمر بينة انتِ امي

واختي الجبيرة وراح تبقين الناصحة ام عقل الجبير

اللي سندتني من الطفولة

-غنوة حافظي على أيمن كل شي بالتفاهم

يمشي والسخافة والتفاهة الها وقتها وخليها

بيناتكم حتى محد يگول هاي متحترم زوجها

وخلي ببالج اني موووجودة للأبد وعمري

مراح اتخلى عنج حتى لو صار عندج مية طفل

بستها ورحت لمُنى مسوية نفسها نايمة

جعصتها بحضني وهي انفجرت باجية

-هاااااا خبلة طلعتي تحبيني

-شلون مااحبج اني ماعندي غيركم

راح اشتاقلج

-موووجودة اني ليل نهار كل متحسين

نفسج محتاجتني تلگيني يمج

بستها وگمت للباب اللي دگ جرسها

طلعت سومة طبت وحضنتني

-بالج على نفسج والله جان رحت وياج

بس تعرفين ظرفي هذا حسبي بيتج

بيت اختج الجبيرة امج شتحسبي حسبي

بيوم اللي الدنيا تفتر اني وهذا البيت موجودين

نستقبلج

بستها ودفعتني

-رووووحي لنومي على گولتج واگف بالباب

طلعت لگيته واگف بالباب يم السيارة

ويتصل اشرلي وگفت يمه سلمني التلفون

-الوووو غنوة

-ها رهووومة

-حبيييبتي الف مبروك زواجة الدهررر بالج

على اخووووويه

-هووو خل يدير باله عليه

-غِنى مااوصيج بس بحمادة هو يحبج

يموت عليج عينج منه وداري كأنما ابنج فدوة

لگلبج

-بعيوووني هو وابو

ندسته ببطنه ضحك اخذ التلفون سلم

ونهى الاتصال

-يلا تأخرنا غنوة

دخل ويايه وبدة يرتب الجنط بالسيارة

لحد ماكمل

-حمادة وين

لعبلي حواجبه

-يم بيبيته وخالته

-ليييش خطيه جيبه

-لتناقشين ورررررانا عررررررس 

طلعت صِبى والبنات حضنتهم

وسومة بيدها دولكة مي شمرتها ورانا

تحركنا ماشيين واني ملتفتة مُنى تبجي

حضنتها صِبى واني بعد انهاريت

-هاااا ها ليش البجي لج اني قبل لخاطرج

مسوي بغداد اربيل باب الشرجي

والله وعيونج شوكت متحبين نجيهم

-راح اشتاقلهم

-دشتاقيلي بالأول

مد ايده لأيدي وحضنها يهدي بيه

سولفنا بكل شي لمدة ساعات نايمة

كعدني بهدوء وضوة الشمس طالع

-غنوة نزلي نتريگ

گعدت عدلت حجابي ونزلت ويا

مكدرت اكل اي شي غير الحليب

كل متقترب لأربيل أكثر

معدتي تمغصني خوف على خجل

كملنا وطلعنا مشغل دعاء الصباح

ويمشي بهدوء

-شگد بعد ونوصل 

-ساعة تقريباً تعبتي مو

-لا مرتاحة

باوعلي بنظرة لعوب واني انثولت

شجاني وگلت مرتاحة وبدت ملامح المدينة

وجمالها يظهر دگ تلفوني صِبى

-ها غنوة وصلتي

-دخلنا المدينة شويه ونوصل

-اني مراح اتصل بيج بعد عيب اقاطعكم

بس اتصلي بيه من يصيرلج مجال تمام

-تمام

ودعتني وهو ماشي لحد مادخلنا المناطق

السكنية توقف بمنطقة هادئة وبيت گبال متنزه

فتح الباب دخل السيارة وتقدم يفتح الأبواب

گراج جبير وحديقة تجنن

اني شايفتة بالاتصالات بس مو مثل

الطبيعة فتح المطبخ وبدة ينزل الجنط واني

ويا لحد ماكملنا كل شي دخل بوحده ورجعلي

-فتحت التدفئة البيت بارد تعاي

سحب الجنط واني ويا لغرفتنا بالطابق الأرضي

خلاهن على جهة وگفت افتح الحجاب نزعت

الكوت واللفاف عيني منه بالمرايا شمر نفسه عالسرير

بتعب

-غير ملابسك ونام أرتاح

-منو ينام

-انت شوف عيونك حمر من التعب 

-لو بنفسجيات هم ماانام

وگف تقدم ناحيتي رجعت عالمرايا

لزم خصلة من شعري يلعب بيها

-غيري ملابسج بين ميحمى المي

سبحي فد نص ساعة

-تتمممام

-شبيج

-مابيه بس بردانة

سحب الجنط خلاهن گدامي

-طلعيلج شي تلبسي وارتاحي

تدفي يلا

فتحت جنطة ملابس البيت انحبش عن استر تراك

عندي لگيته موديله كوري عريض مستور

لونة وردي وطبعات فراولة متطشرة بي

وفراولايات اثنين بالكلاو على شكل اذانات

-اطلع خل البس

تمدد عالسرير 

-راح اغمض شوفي

خلة كفوفه على وجهه واصابعه مفتوحة وبوبؤ

عينه يفتر بفساد حواليه

اخذت الملابس وركضت بره

لغرفة حمادة بدلت وطلعت غسلت وجهي

المي شويه بي دفو بس مو حار

لبست الكلاو عبالك گرون عندي دخلت

هو گاعد عالسرير تلفونه بيده باوعلي

صاح

-اوووووگفي

بالباب واگفة اخذلي صورة واجه وگف ورايه

حاضني

-يعني هذاااااا اللبس والحركات اللي اتفقنا عليها

اباوع للصورة تضحك

-ولك باااااااااردة

ضحك وسحبني للسرير

دفعني فزيت واگفة

-هاااااا ليش تدفع

-انطمري تدفي اروح اجيب

غدة وارجع

تمددت وهو شمر عليه بطانية ثگيلة

بس حسيت عظامي دفت غطيت

بالنوم بدون ماافكر بالمسكين اللي منتظرني

حسيت علي وهو يمسح على خدي

-خدودج صايرات فراولة من الدفوو

نامي يا كلبة بسيطة

رجعت غاطة بالنوم حسيت بأيده

تندس تحت البلوز فزيت

-ها حبيبتي ردتج تگعدين تتغدين الساعة ب٣

-جووووعانة

-يخسى الجوع گووومي

سحبني ويا للمطبخ الاكل بالفرن 

فتح الفرن طلع المشاوي خلا گدامي

وگعدنا ناكل وضربنا الصينية كلها انمسحت

باوعلي

-بنت الكلب شبعتيني لبن نعست

گام غسل واني غسلت الصحون

ورحت وراه شمر نفسه بالفراش صاحلي

-تعاي نكمل نومتنا

-لا لا انت نام

-تعاي اگلج مراح اكلج 

مااحب الفراولة

-احلف

-وعيونج

مشيت نمت مسافة عنة تقربلي شويه

سحب راسي لحضنه

-جذبت عليج امووووووت عالفراولة

دس راسه بنحري وهدأ لحد ماارتفعت

انفاسة اخذني الواهس غفيت تقريبا

ساعة شبعت نوم گعدت بهمة للجنط

رتبت كل شي بمكانه واخذت الجنط

للمخزن افتريت بالبيت هادئ مرتب نازك

على أيد رهام ديكور واثاث حلو والوان

هادئة مثلها طلعت للحديقة الدنيا شارفت عالغروب

الشمس ناشرة اخر اشعة نهارها عالأشجار

وريحة الفاكهة والورد من الاشجار مالية المكان

گعدت عالكراسي بالحديقة وعيني عالجو الحلو

رغم لسعة البرد

اجاني صوته

-يمكن احلى غروب يمر عليه بحياتي

وانت هنا

-صح النوم 

تقدملي حضن اكتافي

-شلونهة الاجواء

-تجننن 

-امشي ندخل خدودج باردة

سحبت كفوفه ادفي خدودي

-ايديك دافيات

-گومي لتتمرضين

دخلنا جوه سوه جاي وانطاني

شربت ودفيت اخذني جولة بالبيت

-على اساس مشايفته

-ميخالف حتى تتعودين

-خابرت على حمادة

-حمادة ميت عليه ولد خالاته محاوطي ومدلل

-يمتى تجيبه

-عشر أيام تريدة بيبيته

-هووووايه خطيه

-خلي يستمتع بالعطلة

واني انفرررد بيج

-يممممممه صوتك صار يخوف

-شبيج لج شنو وحش

-لا زومبي

كل ماالهي عن الغرفة يرجعني ناحيتهه

لحد ماتعب وشالني

-رااااااح اوگع

-انجبي بالله ممسوي شي تعاي نتابع فيلم

شي

دخلنا الغرفة اكو مفرش فرو عالگاع ومشمورة علي

كوشات گعد ومددت على رجله سندت راسي

-شتردين تشوفين

-فيلم اكشن

-طايحة الحظ رووومانسي نريد

طلع فيلم حلو وكل شويه ايده متسوفله

بمكان ومسوي نفسه ميدري للساعة ثمانية

وگفت

-اعتقد هسة المي حار راح اسبح

مشيت للكنتور طلعتلي ملابس دافية وروب

فرو ورحت تحت انظاره

-تحتاجين مساعدة

-لا تسلم

-واحد ينشفلج شعرج شي

-عود من اطلع

تركتة وركضت للحمام سبحت بمي دافي

يهدي الأعصاب لبست تراك ثخين لفيت

نفسي بالمنشفة والروب الفرو وطلعت

گاعد عالجرباية بيده تلفونه يتصفح

باوعلي صفح

-انطيج بطانية تلتفين بيييها

-لا دااافية

شال ملابسه اللي مجهزهن وطلع للحمام

شلت المنشفة علگتها وطلعت السشوار انشف

شعري بعدني ممخلصة وطلع اخذ السشوار نشف

شعره بسرعة ورجع لشعري ينشفه وينثر بالخصل على اكتافي

-وهيج كله نشف

-خليلي سيروم للأطراف

انطيته خلالي بأطراف شعري

جاي ارش عطر راح للأضوية خففها بقى

ضوه البراكيتات اصفر ناااعم وهادئ

تقدملي يهمس بصوت هادئ 

-غنوة حبيبتي تعالي ارتاحي

فزيت بعد مالمست ايده نحري 

- لاااااااااااا هنااا مرتاحة

- لا حبيبتي تعبانة وانتي طول النهار بالطريق  

تعاي مااسويلج شي لتخافين

تغير صوته لنغمة متلاعبة اعرفها 

- والله العظيم إذا جنت ناوي تسوي شي راح أصرخ

وآني صوتي يوصل لرابع جار 

-اسمهت سابع جار

-اي لسابع جار خاف عبالك يعني

خفض صوته يسوي نفسه مؤدب

-حبيبتي غنوتي شبيج خايفة

أني رجل محترم بس إذا انتي مصرة راح اخليج تنامين هنا واني راح أروح أنام عالقنفة يم الشباك هاااااا شگلتي وبعدين شجاج مابعتي ثگل ويا حظي الا اليوم 

باوعتله واني مقدمة اديه خاف يهجم بيدي فرجة الشعر ادافع عن نفسي

-لا والله وأني يمتى جنت خفيفة وياك

وبعدين صديقتي حجتلي عن هاي اللحظة

گالتلي أول ليلة لازم تثبتين إنج ثگيلة فـآني دا أطبق النظرية

باوعلي ويستجوب بيه عبالك محقق

-عندي سؤال واحد هاي ياصديقة

-سووومة

-طاح حظج وحظها على هالنظرية الخايسة

-والله داارجف شبيك خايفة مدري شبيه

اقترب مني ويضحك

-يابه تعاي بس  نشرب جاي ونلعب داس دومنه وبعدها إذا بعد خايفة آني أطلع من الغرفة كلها تمام 

-احلف

-وروح ابوج

-احلف عدل

-وعيونج

مد ايده اليه ماخذ ايدي 

- بالله عليج اني هيج اخوف الصلفة

شنووو ماخذتلج زلمة لو جني

-زلمة ونص

-جا خل ندوووووس بالغميج

-احتررررررم

-الله يطيح حظج هالليلة بالذات لازم ماكو حدود ولا احترام

سكتت من حس ايدي ترجف

وشاف جدية الموقف فتح الاضوية وطلع

الدومنة صدگ

راح بره ورجع بيده كرزات واجباس وعصاير

-يلا لج نلعب واذا غلبت راح ادووووس

-فااااااسق

غمني وبدينا نلعب ساعة ونص هو يغلبني

ويفوز ومن يشوفني مكشولة ينقهر عليه

ويعيد

كملنا اللعبة وعينه عليه

-هاااا اها كفيت ووفيت والاتفاق قائم

گومي لبسسسسي لبس مشخلع

-اطلع برررررره متستحي 

-يابه شستحي اليووووووم عررررررررسي

ركضت بره طلعت ركض ورايه

-شبيج لج

-ماااااااامستعدة

باوعلي حتى رجفة صوتي زادت

-تعاي مااريد شي شبيج حتى شفافج ابيضت

دفعني للفراش وغطاني باللحاف

غطيت عيوني واني احس بخطواته

وهو طالع بره حبست أنفاسي بخوف

لحد ماغطيت بالنوم لحد وقت غير معلوم

حسيت على صوت التلفون الدنيا صبح

فتحت خط صوت صِبى القلق

-ويييينج ياادبسز

-يا صِبى شبيج

-مو گتلج طمنيني عنج

-ماكو شي والله

-شنووو ماكو شي

-هااااا

-ووجعا

اجاني صوت سومة العالي

-احترمي نفسج ومشي الامور طبيعي عيب الولد

مو صغير رجال مالي هدومه وحقه هذا لاتظلين

تگمزين مثل الصخل سمعتي للعصر تدزين رسالة

تگولين كل شي تمام

-ماااااا

-ووجعا هسه اخابره واخلي هو يتصرف وياج

-لااااااا عييييب

-لعد سمعي الكلام

-هاي هيه يلا باي

سديت التلفون وطلعت برة لگيته ببرمودة

وتعلاگة فانيله بهالبرد ويرش بالحديقة

-صباح الخير

باوعلي رافع حاجبه

-صباح النور ان شاء الله شبعتي نوم

-اييي

رديت محرجة ودخلت للمطبخ فتحت الثلاجة

بعد مغسلت طلعت ريوگ نتريگ

خليت جاي عالنار لحد مادخل

-البس شي لتتمرض

-لا خليني عالأقل واحد من عدنا لابس صلوخ

ضربت جبيني ضاحكة

-اگعد لتصير سخيف

-هي وينها السخافة اني محصل منها شي

خليت بحلگه قطعة جبن ورحت للجاي جبته

-سوي الجاي حلووووو بلكي يغطي مرارة

ليلة البارحة

غلست على كلامه وتريگت

رتبت البيت ورحت للغرفة اعدل بيها

رتبت الفراش اجاني يسولف

-نطلع نتسوگ ترة ماعدنا شي بالبيت

-تمام

-لبسي بسرعة مدام الجو دافي

لبست وطلعنا الاسواق تجنن كل شي مرتب

وحياة هادئة افترينا وهو يعرفني عالمدينة

ومعالمها ويحجي كوردي بطلاقة بحكم

عيشته هناك

رجعنا للبيت بين ترتيب مسواگ وصلاة

صار الغدة وهالمرة اني سويتله اكل

بعد الغدة تهربت منه بالاتصالات بزميلاتي

علمود حفلة التخرج وهو هم انشغل يتصل

علمود الشغل اخذته النومة بالجرباية واني

تمددت عالقنفة اتصفح وهم غفيت

صحيت على صوت تلفونه وهو هم

بعدة ممصحصح

اباوعلة شعرة  مخربط

متلحف نصة باللحاف ونص لا

ووجهه وارم من النوم باوعلي عالقنفة هز ايده

وگفت سحبت الروب الفرو البسه

حتى اطلع من الغرفة

-هااااااااا ويييين منهزمة

- هاااا مو مهزومة بس رايحة أجيب مي من الثلاجة 

-مي ومن الثلاجة گوووولي غيرها بربوگ

-لتغلللللط

فز واگف عالسرير

-انجبي لج أول يوم ما خليتني الزم حتى الغطة

ولفيتي نفسج لفة صاج حتى خشمج ضامته

واليوم ناوية تعيشين بالمطبخ

باوعلتة ادعي البراءة 

-افهمني نومي أني بس دا أمهد بالتدريج 

أصلاً لازم يصير بيناتنا بناء ثقة شفت فد فيديو يگول  لازم تبني جسور التواصل قبل لتهجم 

نزل ومشى ناحيتي

-غنيوووة اني متزوجج مو مقدم على كورس علاج نفسي 

- لحظة لحظة جاي تسخف كلاااامي 

-ممكن تنجبين غِنى وكافي تتهربين لأن صبري بده ينفذ واني مرارتي صغيرة

- ما أتهرب بس عندي قانون اللي يحب واللي يتزوج حبيبته لازم يصبر اول سنة 

-سنة شني بوووويه هذا البند مكتوب بعقد الزواج واني ماادري 

تركني ورجع للجرباية واني گعدت عالكرسي

يم الميز 

-يمه گالولي الزواج  مسؤولية

بس ما گالولي راح يصير فيلم رعببببب 

باوعلي بنفاذ صبر ولف نفسه باللحاف

إذا ما أجيتي تنامين آني راح أجي آخذج بالقوة

- لااااااا يمه قل اعووووذ برب الناس ابتعد 

وگف يضحك بهيستريا

-شبيج لج شنو گدامج جن 

يابه تعاي راح نخلي بطانيتين 

وحاجز مخدة وشريط تحذير بعد شتردين

-وعد

-وعد

-بس هسه اني جعت واشتهيت مكدوس ولبنة

-مبرووووك حبيبتي حامل بتوأم عبر موجات البلوتوث

-والله شبيك

-اللبنة موجودة مكدوس ماكوووووو

-جيبلي

-وتمشين وياي عدل بلا نطح

-اييييييي

-گووووووووومي امري لله

طلعنا واني لابسة كوت على ملابس البيت

افتر واشترالي مكدوس ورجعنا جهزت عشة خفيف

تعشينة ومطمطة وجرجرة للساعة عشرة

رتبت المطبخ ورحت للغرفة اباوعله فاتح الكنتور

وعينه تمشي على ملابس السهرة سحبله واحد

شمرة عالسرير

اني بس شفته اختار اسفل واحد انهزمت

سمع صوتي وركض ورايه

-وووووووين مووووولية لج

-حبااااااااب فدوة

-انعل ابوج اليوم

-لتغلط

-بعز الأزمة وعرامتج طااااااغية

رفعني بحضنه وباوعلي بهدوء

-مو تحبيني

هزيت راسي

-مو صارلج سنين تعرفيني مو بانين

جسور الثقة مثل متردين شبيج

بعد

-خايفة

-واني هم خايف

باوعتلة صفنت

-احلف

-وداعة عمي عامر

جعصني بحضنه يتشاقه بس يريد

يزيل هالتوتر ويتم الموضوع على خير

من شافني متشنجة ومااحجي نزلني وضحك

بأنزعاج

-يلا هم هالليلة نعديها

عريس وثلث ليالي أنام حرررراسة لخاطر

العرمة 

دفعني للسرير وخله بيناتنا مخدات

تمدد فتح التلفزيون وطفى الأضوية

أباوعله هو هذا حبيبي اللي اختاريت

اكون ويا شبية هيج متوترة

عالأقل انام بحضنه والامور وحدها تمشي بسلاسة

دفعت المخدات بخجل واندسيت بحضنه

باس راسي وهمس

-ماكو حواجز ولا جدار عازل ولا اسلاك شائكة

اليوم

-خفت انجلط من خوفي گلت هالمرة أجرب السلام

-يعني الليلة ننام طبيعي 

بدون حواجز حدودية 

ولا مخاد منطقة عازلة 

-بس بشرط واحد

تنهد بنفاذ صبر

-رجعنا للشروط شنو هالمرة أوقع معاهدة جنيف

-غنيلي قبل مننام

-شنو شگالولج كاظم الساهر

ضحكت بخبث

-حتى لو صوتك مزنجر عبالك مولد عاطل

أهم شي تحاول آني أنام على الاغاني والموسيقى الهادئة

-انهجم بيت الاميرة ديانا

-هاااااا نلغي المعاهدة

غنة بصوت هادئ اغنية لا تتنهد

رغم صوته خرب الأغنية المهم حاول وجاي

يتماشى ويه جنوني وفصلاتي

تحركت ايده تفتح جاگيت التراك وبالايد

الثانية طفى التلفزيون وبقت الاضاءة هادئة

نشوف بيها وجوه بعض 

امتدت ايدة لخصري نزيت ضغط على

بطني بأيده مرجعني يهمس بهدوء

-حبيبتي غنوتي

رجف صوتي بخوف وتوتر

-أيمن

-بعد روحيييييي

گالهة والغرفة تغط بالهدوء

والضوة الاصفر الناعم زايدها دفو

كأنما تهمس للكون ان هالاعشاق هالليلة

ليلتهم الاولى

احتضني برقة وبطئ كأنما يقترب من حلم قديم

جان ينتظره

نظراته احتضنتني قبل ايدي

وعيونة تتأملني مو بس كجسد بس كروح

وكمرأة اختارها بگلبه وعقله

همس أسمي بصوت خافت كأنما يتلو دعاء

ابتسمت خجل وتوتر مديت ايدي تلمست خده

بأبتسامة عض اصبعي ممازح 

حضني بلا استعجال ولا قوة ولا اجبار

ترك مشاعره تمهد الطريق وعيونه تعبر

على الكلام اللي عجز بلحظاتها لسانه أن يگوله

قبلني كأني كنزة الثمين وهمس بصوت مرتجف اشتياق

-غِنى صدگيني ماانتظرتج كزوجة وجسد بس 

انتظرتج وطن وبيت وأستقرار

وهايني استقريت وانتِ بين ايديه

تركت نفسي بحضنه بهدوء

وسكينة لا رهبة ولا ارتباك

بس طمأنينة واخيراً لگيت مسكني

بلحظات الخوف يحتويني ولحظات الإندماج

يتملكني ولحظات الألم يسحبني لداخل أضلاعه

جانت اللحظة نقية كأنها وعد بالراحة بين

عشاق تواعدو أن يمضون عمرهم بجانب بعض

بلا ضجيج بلا استعجال فقط حب

ناضج نبت من عمق المأساة

وتحول من صداقة لحب أبدي 

ساعة من الحب يتأملني ويقرأ

ملامحي خوفاً على مشاعري

بعد فترة امتدت ايده تعدل شعري

وهمس

-مبروك يا خبلة

غطيت وجهي باللحاف وسحبه

-گعدي لج مو صرتي حبابة هسه

ضربت على جبيني

-متعبر لحظة انت گووووووووم من يمي

-حجي يفيدج

نگرني گلة وگام بسرعة واني خاتله

طلع للحمام بسرعة رتبت الهوسة وحضرت

ملابسي طلعت بسرعة اول مدخل

دخلت الحمام نص ساعة وطلعت

لگيتة واگف يم الشباك بيده كوب

نسكافي خلا بيدي

-شربي دافي

كعدت عالقنفة اجه گعد حاضن اكتافي

نشف شعري بالمنشفة وگومني للميز

يسشور بشعري ويسولف يبعد عني شبح

الخجل والتوتر خلص ورجع شغل

الاضاءة الخافتة تمدد واشرلي رحت

بحضنه غطاني بأيدي محاوطني 

باس راسي اكثر من مرة وهمس

-شبيج متشنجة

-مو عيب الصار 

-لا موعيب

ضغط عليه بين ادي بحضنه اللي يكسرني

كل مرة وهمس آية من كتاب الله

نبدي بيها حياتنا القادمة

-وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً 

گالهة وهو يحضني

يوعدني بسعادات

بالقادم من أيامنا