رواية بنات الملا الفصل الثاني والعشرون بقلم رغد الموالي
فلا تعجلْ على أحدٍ بظلمٍ.. فإِن الظلمَ مرتعُهُ وخيمُ. لا تظلمنَّ إِذا ما كنتَ مقتدراً.. فالظلمُ مرتعُه يفضي إِلى الندمِ
حجي ذياب .. اليوم انه اجتمعت بيكم عندي جلمتين اريدكم تحطوها ترچيه بذنكم
انه كبرت وحيلي راح ومابقيت شيخ نعمان الي الناس كلها تهابه
هذا اني وهذا حالي تگرمت وكعدت وانتم صرتو زلم واحدكم يغطي عين الشمس
وصرتو تاكلون اوادم
ووحه نظراته لمهاب... موهيج مهاب
مهاب... يابه الاصبع اليوجعنه نكصه
الشيخ ذياب .. اخيتك هاي... حچاها بگلب مكسور وصوت مخنوك
عزيزة گلبي هاي تفجعني ببنيتي منك لله
مهاب... بنيتك هاي متوا
الشيخ ذياب... اششششششش انه ربيت نهله واعرف نهله بنيتي نهله عمرها ماتطلع منها العايزه
ولا ابن شعبان الي تطلع منه هيج طلعه
والي صار تهوركم الي صار دم نهدر على شي ماكووووووو
فهد... شتقصد يابه
مهاب... بضجر... قصده انو احنه تعدينه على بيت ملا شعبان وكتلنه ولده على شي هم بريئين منه
رحاب... انت شتحجي يابه عبد اللطيف هو الي قت
الشيخ ذياب ... ششششششش
اختك لحد اخر لحضه ماعترفت على ابن شعبان كاتل
مهاب... مو هي الك
شيخ ذياب.... ششششش سد حلكك واسكت تجيب طاري اختكعلى لسانك اكصه اختك تشرفك وتشرف ابوك يانذل كوم اطلع بره كوووووم
مهاب... بغضب. وصياح.. مااطلع وبنتك محد وصلها لهل المواصيل غيرك انت طلعت عينها لحد ماتفقت وي ابن الملا وكتلو اخوي
اذا هان عليك دم اخوي شهاب وحنيت لعشرتك وي الملا
انه ارتاحيت من نيمتهم بالگبوررر ولو يطلعون النوب ارد اكتلهم
اني اخلي دم اخوي يفور بگبره
لا والله
والله اخليه بنام بدم بارد مرتاح وماكون مهاب ابن الشيخ ذياب اذا مااخذ بدم اخوي واغسل عاري وارفع راسي بين الناس
شيخ ذياب بعصبيه... طلعووووووه بره
رحاب... اطللللع اطلللللبع عادي ينعل رسك اطلع
طلعوه بره وهو دفر الباب الخارجي للبيت وطلع بره ماعرف وين راح ورجع كمل كلامه شيخ نعمان
مااشبهكم بولد يعقوب لزمتو اختكم جلد وضرب وكتلتوها على شي هي ماسوته
وين عنها انت الياس مو اكول انت تشبهني انت الرزن بينهم وينك عنهاااااااا
الياس... يابه والله ماادري جنت بالسكله عندي شغل
ضرب على راسه بخيبه وحسره وصار يتحسف ويبچي
اويلي على ابني شهاب اولي على ابني ذياب اولي على ابني ايهاب اولي على بنتي نهله جتلو وراحو للكبووووور
اااااااااااااخ يانار گلبي اااااااخ
مراح ارتاح الا لمن اموت
ماريد تنصبولي فاتحه وتلبسون الاسود وتبچون من اموت انه راحتي من اموت واشوف ولدي الي چتلو ومالهم ذنب
ياشمعة البيت ياشهاب ياگمر بيت الذيب
ماندمان على شي بكد ندامتي على البنيه الرادها وماخذتها اله
گلي بويه اريدها بويه البنيه روحي متعلگه بيها جان يفرفح عليها ويبچي مثل الجاهل
وانه تعالييييييت كتله ابد
خليتها بنفسه
تاليها مات محرووووم
رحاب... لتتلوم بروحك بويه
شيخ ذياب... والله يارحاب ماجنت ادري هذا الي راح يصير
انه ادري بشهاب يموت محروم جان خليت اربع عرايس يمه وكتله افرح وليدي
بس مادري
يحجي ورحاب يمسح بدموعه بوقتها تحول المكان للدموع صرنه كلنه نبچي
بدال ماافرح بزفته على عروسته زفيته للكبور
وبسبب عنادي مره ثانيه ولد ذياب تيتمو
انه لو بس متصرف بعقل
انه لو بس ماحكمت بلحضة الغضب
بس ااااااااااااخ
خسرت ولدي وبنتي وصديق عمري وصديق عمري خسر ولده على شنو على لحضة غضب على شك ماادري ان جان صح او غلط
بويه نهله ماكذبت نهله كالت بويه شفت السلاح بيد شهاب هو ينظف واسمع عبود يكله ديربالك السلاح غدار
واخوك يضحك يارحاب يكله لاتصير جبان
بس القدر غلب اخوك يارحاب وچتلته طلقه
رحاب... بس ماشافته نهله يابه ماشفته اذا ابن عبود لو هو الي نقتل
شيخ ذياب ... مو كلشي لازم نشوفه هو حقيقه وصح
انه بلحضتها من فورة دمي مافكرت ردت بس اطفي نار گلبي
واخوك مهاب مثل الشيطان بويه عبد اللطيف كتله بويه هو هو علمه الشرب لشهاب وهو جابله نسوان بالبستان لشهاب وهو هيج وهو هيج لحد ماكتله خلاني مااشوف
رحاب... بس باطل الي حجاه مهاب ابن الملا ماورط اخوي
شيخ ذياب.. ادري من كتله اخوك ماتدنه لااحد يكلي انته ماتعرف وانه رحت وياهم وادري كلت شباب ومن وراي مشو بدرب الاعوج مره
يتوبون ماحجيت انه بيا حال وهذا جاي يكلي اخوي كذا وكذا
رحاب... الي افهمه منك يابه
شيخ ذياب... تبطلون ثاراتكم وحقدكم وي بيت الملا صار دم بدم والله اعلم منو بينه الظالم بسكم عاد انه تگرمت واخوتك تچتلو بعد كافي ومهاب وكفه عند حده كله ابويه موات لاتعلعل گلبه بآخر أيامه
وفعلا عمي ذياب ماطول هواي ومات ومرت السنين ومهاب مثل ذيب مكشر اسنانه على البيت واهله ويريد ينهش اي واحد چان حاط گره من گرة آزر
آزر مثل عمه مهاب شخصيته تشبها نفس لسانه ونفس جسارته لهسبب مايتوالمون ابد جان مهاب على طول يضرب آزر
جان صغير آزر مايكدر يدافع عن نفسه
ولهسبب طايح بيد آزر مرات عمامه يخلصوه مرات عمامه مو يمه
مره مهاب دايضرب بآزر واجه آسر شايل بوري وضرب عمه على ظهره هذاك شاغت روحه من الوجع
والتفت على آسر بس شنو شسوه بي ضربه وشمره بالكاع
صرخت بيومها كلت آسر مات لان اسر لاحس ولافز من اثر الشمره
زينه... الله لايوفقك نكسرت ايدك ان شاء الله
مهاب... سدي حلكج لج
واجه يم اسر يدفر برجله كوم ولك لاتمثل مثل النسوان
يحرك بي بس هو مايرد لحد مااستوعب انو فعلا هو متخربط
نزل يمه بخرعه وخله اذنه على صدره يسمعه يتنفس او لا
وصار يهز بي اسر.... اسر اكعد اسررررر
وشاله وطلع يركض حطه بالسياره وداه للمستشفى
بيومها جابه مابي شي بس شنو من عركه صارت بينهم الياس فقد على مهاب هذا مهاب الگوي محد يكدرله الياس فقد عليه يضرب بي ويصيح هذا حك اختي ويضربه الثانيه ويصيح حك ابويه ويضرب الثالثه ويصيح اسر والرابع ازر
وفقد كوه فاككوهم اخوتهم
بقه فتره اسر يمي اداري لان تمرض وصار يتقيء دم ومن دكتور لدكتور وكل مره تثير مشكله ياكبرها بالبيت الياس چان فاير على مهاب كلش
لحد مااخذ فتره ورجعت عافيته لااسر من يومها بعد محد صار يتقرب لولد ذياب ابد رحاب جان يحبهم حيل
حلا... ماتوقعت بيوم اسولفلج عن بيت جدي ياماس
ماس... ولاتوقعت بيوم اكون صديقة لوحده تسكن بهذا البيت
اليوم بس انتي راجعه ياقوت ليش مارجعت ويانه
ماس... ياقوت عدها درس اضافي ترجع ورانه
.......
ياقوت... تأخرنه بيومها ورجعت وحدي جانت الدنيا ظهر
امشي وادردم على ماس
حتموت اذا تنتظرني شويه اني اعلمچ
هيج ارجع وحدي والله لااكل لابويه عليچ
اجاني صوت وراي
وانتي حتموتين اذا ترجعين وحدج
التفتت متفاجأه
جان مضيق عيونه بحب عليه ويحجي بتودد
اول مره اختج تسوي ويايه معروف
عفته دااسرع بخطوتي وسبقني بدراجته وكفها كدامي
لج والله حموت عليج
ياقوت... بغضب انت شلون هيج تتصرف ويايه وخر عن طريقي
آسر... وحگ الله الي بسابع سماه ماعندي نيه مو شريفه وياج بس اسمعيني شويه
وخرت عنه متجاهلته داامشي ورد استوقفني تلفتت يمنه يسره شارع مابي احد وهو لزم ايدي نترتها بسرعه تملكني خوف
آسر... باوعي عليه ياقوت
لاتخافين مني
ياقوت... بخوف وحزن... شتريد مني
آسر... اريدج حلالي بس اريدج تعرفيني اريد من اتقدملج توافقين تلحين على عمي الملا ويوافق اني ادري اذا اتقدملج ابوچ ماينطيج الي
انتي تعرفيني اني ابن ذياب مو
ياقوت... ولمن تعرف ليش موكفني تحجي ويايه
آسر... لان من صغرچ أحبچ واريدچتعرفين باقي بس اشوفچ واتعذب خايف تنخطبين وترحين مني
ياقوت... كملت كلامك هسه اريد اروح
آسر... ياقوت هذا رقم الارضي مالتنه خابريني ياقوت اريد اشوفج
اخذت الرقم منه وشكيته ودست عليه بالكاع وحجيت بغضب
انت صدك متستحي الا لااكول لاابويه عليك
آسر... وروحهم للي جانو سبب بهذا خوفي اطلبچ بالحلال ماكاذب عليج ولاعندي نيه مو زينه تجاهج دااكلج اريدج تعرفيني بس فهميني
باوعتله وزفرت غضب
آسر... روحي هسه وفكري بكلامي وردج اليه راح يكون علامه هاي الشجره تخلين بيها شريط احمر راح اعرف ردج انو انتي قابله بيه اخطبچ اريد الموافقه منج حتى اكدر اخطبج
روحي هسه ياقوت
رحت وسرعت بخطواتي جانت عيونه تترقبني
وصلت لبيت اهلي بقطع الانفاس طبيت ولكيتهم مبتمين على الغده وفرحانين يمهم شيماء واني ارجف ارجف ايدي مثلجه ومرتبكه ريكي ناشف
ياقوت... ه ه ه هلا شلونكم
ابو جواهر... هلا بياقوت ابوها طولتي اليوم
ياقوت... جان عدنه درس اضافي بابا
ابو جواهر... روحي بدلي وغسلي وتعالي تغدي ويانه
فتت للغرفه وبعدها الرجفه بيه وكلامه وصوته براسي
احساس غريب تولد عندي
خوف على توتر على فرح على حزن مااعرف
تسائلت وي نفسي احجي المن
لجواهر... لا عزه غير تكلب الدنيا
لاامي يمه گبل تكل لاابويه يبطلني
ماس اخ منها ماس
زمرد باقوت شيماء لا لا لا مستحيل مااحجي ابقه ساكته
بدلت وطلعت والخوفه بعدها بيه
جانو اهلي ملتمين ويضحكون واني شارده بغير عالم
ركلتني جواهر ولج متدرين
ياقوت... شنو
جواهر... شيماء حامل
باقوت... صدك وارتسمت الضحكه بوجهي
عمه شيماء الف الف مبروك
شيماء... الله يبارك بيج يوم الي نفرح بزواجج
جنت محتاجه لهاي الابتسامه اجت بوقتها حتى تغطي على ارتباكي لكن سرعان مااختفت لما كالتلي يوم الي نفرح بزواجچ
ابو جواهر.... اخذو راحتكم اني طالع كوم وليدي روح تعال وياي للمحل
اخذ روح ويا وطلعو وصرنه نسولف
جواهر... اي عمه شيماء احجيلي شكالت ام محمد من عرفت بحملچ
شيماء... يمعوده وشسويلها ماتت تجيب وتذبلي كلام
ناس يوميه متزوجه وحبالنه من واحد شكل وناس صاينه نفسها ورجلها مبحالها
جواهر... وسكتيلها
شيماء... لعد شسويلها ابو محمد كلي لاترديلها هي هواي مخليتج بالها
جواهر.... والله ياعمه شيماء مادري شكلج
شيماء... ابو المثل يكول
عدوك اذا تريد تغله اسكت وخله
دره... والله زين سويتي عمه مااهتميتي الها
عمه شيماء جانت كلش فرحانه بحملها وكانت حياتها سعيده مع عمو جبلان تسولف وتضحك ويانه
مرت الايام وصرت اروح واجي وي ماس مرتين شفته لآسر بس يشوفني ادنك يفوت حوه ويسد الباب
حسيته ماحب يزعجني
بيوم جنه كاعدين وندكت الباب
ودخلت مره وياها مره ثانيه عرفناها مؤخراً انه بنتها
سلام عليكم...
عليكم السلام
مو بيت الملا انتو
ياقوت... اي تفضلي
فدوه لقلبج الوالده موجوده
اي موجوده تفضلي خاله
دخلت وكعدت وره شويه طلعت امي عليها وكعدو يسولفون بعدين امي صاحت على زمرد
ام جواهر... زمرد تعالي يمه جيبي عصير
راحت زمرد جابت العصير وقدمته الهم
شويه وطلعت زمرد خجلانه وتتعثر بمشيتها
ياقوت... شبيج زمرد
زمرد... جايين عليه يخطبوني
ياقوت... الف مبروك
زمرد... لا ياقوت اختي دره خطيه
ياقوت... اي صحيح
زمرد... اني مااوافق الا اختي دره تتزوج وعافتني وراحت
زمرد... افكر بأختي دره هواي خصوصا وره ماجواهر اختي صارت توصيني اكون قريبه عليه
جواهر... خليج قريبه من دره احجي وياها هواي صادقيها سولفيلها خليها تفتحلج گلبها
زمرد... هي دره ساكته وانطوائيه
جواهر... لا بس انتي مداتفهميها مو قريبه عليها مثلي من جنت هي هسه تحتاجج هواي ساعديها بحمامها بتبديل ملابسها هيج امور
زمرد... امي داتساعدها بهل الامور وعلى اطول اكللها دكلي لا امي مامقصره وياي وهي هم معتمده على نفسها
جواهر... القصد من هذا كله يازمرد تكونين قريبه منها وتسولفين متخليها وحدها وحاسه بالوحده ومحد مهتم بيها من تشوفنه كلنه مشغولين ومو يمها وتلكه اهتمام من اي شخص بره حتتبعه افهمي هالشي
زمرد... فهمتج جواهر فهمتج بعيني
لهسبب صرت اكون قريبه على دره اختي اكثر
دره كلش متأثره بقصص الاميرات والخيال والافلام المصريه
كانت تتخيل بيوم حيجيها الحبيب على فرس ابيض وياخذها
هي نزاكتها واناقتها ماكو مثلها بنيه بالمنطقه لما تعيش قصص الاميرات هي فعلا اميره وتستحق ان تسمي نفسها اميره وتخليها مميزه
اجت امي وره مراحو الخطار وكلمتني وجانت مبتسمه
زمرد
بلي يمه
ام جواهر... اكدر اكلج مبروك
زمرد... ليش يمه
ام جواهر... اليوم خطبوج مني ومو اي واحد الي خطبج
زمرد... منو
ام جواهر... خطبج بن سيد علي
سيد احمد طالب الحوزه الي دايدرس بالنجف
زمرد... فرحت حيل من سمعت گلبي رفرف بجناحاته بس انقهرت على اختي دره
يمه ودره اختي
ام جواهر... وشبيها اختج يجي نصيبها وازوجها ماانتهت الدنيا يمه هذا نصيب ولا بالاحلام اي بنيه تتمنه تتزوج السيد احمد ابن السيد علي
هنيال الي تتزوج انسان يخاف الله وصايم مصلي تقي وبعين الناس وكلها تحبه وتحترمه
اني ماالح عليج براحتج بس هذا خوش نصيب وانتي فكري ويجي ابوچ وعود ننطي خبر
حيل فرحت رغم ماشايفته للسيد احمد غير مره وحده وقبل سنه كان متجه للكراج متوجه لبغداد عينه بالكاع وجانو الكل يسلمون عليه ويحترمو
شفت اختي دره بالطرمه اجيت يمها
دره لاتزعلين
ابتسمت من شنو
زمرد... لان ماخطبوج وخطبوني
دره... وليش بيني وبينج فرق
زمرد... انتي اختي الاكبر مني ولازم انتي تتزوجين
دره... يجي نصيبي ان شاء الله لاتخافين
زمرد... يارب يارب تتزوجين يادره والله امنيتي اشوفچ عروسه
دره... الله كريم
دره... طول هالمره بغيبته بالي حيل مشغول عليه جنت كل يوم اكعد انتظر اليوم يصعد باجر يصعد واشوفه بس ماكو
اجتنه ام رائد كم مره اخر مره جانت تسولف
ام رائد... والله طول هالمره رائد واتصل عليه مااحصله وحيل قلقه عليه
ام جواهر... لاتخافين ربي يرده الج سالم غانم
ام رائد... ااخر مره اتصلت عليه من اسبوع كالي يمه لاتخافين عليه اني بخير
كمنه نروح ونخابر من هاي التليفونات الي يخابرون عليها مسافات بعيده وماحصله
ام جواهر... الله يبرد گلبچ
جنت اعرف بعض الامور الي تخص رائد من اهله شفت اختي ماس طالعه
هاي وين ماس
حروح على صديقتي اخذ الماده مال الامتحان مو ملحكت أأشرها.
دره... لاتتأخرين
ماس... لاتخافين
ماس... چنت شايله كتابي ورايحه لبيت حلا
صداقتي بحلا اهلي مايعرفون بيها ولااهلها غير ولد عمها
وصلت لبيتهم دكيت الباب بس تملكني رعب وخفت كلش خفت لايجي ابويه ويگلب الدنيا على راسي دكيتها مره ثانيه ماكو
بهل الاثناء اجت سياره وكفت يمهم ونزل منها واحد ماباوعت دنكت وسويت روحي مامنتبها سمعت صوت طبكة باب السياره عرفت نزل دكيت الباب مره ثالثه شويه وانفتحت طلعت مره
السلام عليكم حلا موجوده
عليكم السلام... اي موجوده تعالي تفضلي
... لا انتظرها هنا
راحت المره تصيح حلا واني بقيت انتظرها بالباب رفعت راسي شفته هو دنكت واستداريت
بقيت اتسائل هذا شيسوي هنا وهسه جاي على حظي
حان واكف يم سيارته يباوعلي
طلعت حلا... هلاو ماس تعالي تفضلي
بعدين انتبهت لسيارة ازر ومدت راسها آزر هاي انت هنا
آزر... خلصي كلامج وي صاحبتج وروحي جيبيلي جنسيتي
حلا... تعال فوت سلم على امي
آزر... لا دااروح
حلا... الله آزر هاي سيارتك الجديده عليك الله فرفرني
آزر... وحدج لو انتي وصديقتج
حلا... لا وحدي
آزر... لعد متفيدين
حلا... عليك الله آزر تخبل تخبل سيارتك الله عليك
آزر... لج بابا فضيني عاد
ماس... حلا نطيني الواجب تأخرت اريد اروح
حلا... اي حبي اسفه الامتحان من الفصل الثالث للفصل الخامس مداخل بس كالت ركزو على اسئلة نهاية كل فصل والملاحضات الي مكتبتهم بالدفتر كالت مهمه
ماس... ماشي .. شكرا الج
عفتها وتمشيت راجعه وسمعتها هي تتوسل الله عليك آزر فرفرني
آزر... دروحي جيبيلي الجنسيه ولاتدوخيني
داامشي ماحسيت غير هو بسيارته
بس بس
بس بس
أوصلچ
باوعتله ومارديت مشيت بخطوات اسرع
رد تبعني شبيك ياحلو شكو تنهزم دخل اوصلج
ماس... اما انت صدك متستحي دااشوفني ماردلك شكو تلح عليه
آزر.. نزل من السياره جانت اكو مره ماره من يمنه انتظرها تروح وتكلم
هاي منو الي مايستحي
ماس... انت
آزر... بقه يباوعلي واقترب بخطوه واني ابتعدت تبسم من صدقه لهل الحسن والله عاد اني كدام الحلوات صدك اصير مااستحي
ماس... ابتعد عن طريقي
آزر... وان ماابتعدت
ماس... كتلك ابتعد
آزر... راح اروح هسه لان مستعجل بس اجيج ومن اوكف مره ثانيه احاجيج توكفين وتسمعين لان اسويلج طلابه ثقي بالله
سوالف البنات هاي بطليها تره ماتمشي عليه وخل تعرفج حلا منو آزر
شمر قبله بالهواء ولبس نظارته التقي بيك مره ثانيه ياحلو باي
باوعتله بقرف هذا شبي صاحي نايم
فريت بإيدي هه والله ياالله
آزر.. تره شفتچ هههههههههههاي ودك هورن وساق السياره بسرعته والترابه كبت
ضيقت عيني من الترابه واكملت مشيتي
... ثااري صدك مثل ماكالت حلا واحد مستهتر
مرت الايام واهلي وافقو على زواج زمرد من السيد جان زمرد اختي مثل الحمامه الطايره بوسط بستان ورد من فرحتها
ماس... تتوقعين تحبه من ورانه
دره ... لو مااعرف زمرد اكلج اي
ماس... شنو سر هالفرحه هاي
دره... السيد اي بنيه تفرح بي هي مجانت متوقعه يجيها هيج نصيب
ماس... والله هي حقها اني شايفته للسيد دره
دره... صدك وشلون شكله
ماس... طوله زين عنده لحيه وشوارب شعره ماشايفته لان عمامه على راسه يلبس عمامه سوده
دره... اي ولج هاي مال الساده لان جدهم رسول الله يلبسون عمامه سوده
ماس... هاااا ماجنت اعرف
وجها ابيض عيونه بني لونها محبوب شكله اني اكلج
دره... اي حتى جهالهم ميطلعون كلهم عيون زرك شويه يكسرون
الله يسعدها لزمرد اختي
ماس... يوم الي نفرح بيج درر
دره... اتبسمت وكلت بتأمل يارب
بعد يومين يجيبون المهر لزمرد وتصير كعدة زلم
ماس... الله يتمم عليها بالفرحه
بعد مرور يومين....
كان يوم مميز بحياة زمرد متوتره وتشتغل وترتب واهتمت كلش كلش بالاستقبال
هي من النوع الي جدا نظيفه ومرتبه وتريد كلشي يكون مميز ومرتب
شنو عدنه ورد بالبيت خلته بالاستقبال مزهريات او فاصات مفرش طبلات
بخرت الاستقبال ورتبته وتكوي بفستانها وتنسق اكسسوارات وتفكر شنو تسوي شعرها
وكل شويه تباوع للساعه لايفوتها الوقت
اجه هاشم جايب صناديك الببسي
وطلعت زمرد... عاشت ايدك رجل اختي
هاشم... تدللين عيني مرت السيد
زمرد... لاتخجلني بعد مصرت مرته
هاشم... تآمرين بشي بعد
زمرد... خليك موجود اليوم مو اخر الناس تجي
هاشم... بعيني
الوقت عند زمرد دايمر مثل البرق
واحنا وياها ترتبت وكملت وصارت جميله بشكل
لليل اجوي الخطابه وهي مرتبكه ومتوتره جنه نباوع من الشباك مال المطبخ وكت مدايطبون الزلم كان عددهم هواي وطبو زلم لابسين عمايم سود تقريبا ب 10 زلم تفاجأنه منو ذوله وطبو
اباوع لزمرد
ياقوت... شبيج هيج خايفه
زمرد... حيوگف گلبي ياقوته ممصدكه ممصدكه
ياقوت... ولج تحبي من ورانه ومندري
زمرد... سكتي ولج ياحب بس اني جنت اتمنه اتزوج هيج شخص مثل السيد ياربي
ياقوت... هدي شويه تره ردة فعلج فاضحتج
زمرد... يعني شسوي
ياقوت... ضحكتج الفضحتينه بيها قللي منها واكعدي
زمرد... ماشي.... بس شفتي الساده الي وياه
ياقوت... اي عيني تتهنين باچر عكبه جهالج يسموهم العلويات والساده
ابتسمت زمرد وامي اجت
وينج تعالي جوي النسوان
طلعنه وجانت زمرد كلش مرتبكه وخايفه
والنسوان صارو يسلمون علىيها وكعدو
وصرنه نستمع لكلام الزلم بالاستقبال
بسم الله الرحمن الرحيم
وَلَيْسَ الْبِرُّ بِأَن تَأْتُوا الْبُيُوتَ مِن ظُهُورِهَا وَلَٰكِنَّ الْبِرَّ مَنِ اتَّقَىٰ ۗ وَأْتُوا الْبُيُوتَ مِنْ أَبْوَابِهَا ۚ وَاتَّقُوا اللَّهَ لَعَلَّكُمْ تُفْلِحُونَ
بسم الله والصلاة والسلام على خير المرسلين محمد وآل محمد
الحقيقه اليوم الله سبحانه وتعالى اكرمنا بفضله من جديد واليوم اجينه نخطب كريمتكم لإبنا السيد احمد
السيد احمد الشاب الخلوق ومن افضل طلاب الحوزه في النجف الاشرف عدنا والحقيقه احنا لمن عرفنا يريد يتزوج تشرفنا ان نحضر من النجف لهنا حتى نكون وياه بهيج ييوم مبارك
ابو جواهر... اشكرك سيدنا الطيب واحنه النا الشرف بنسب الساده الهواشم
السيد... السيد احمد جاي اليوم وطالب ايد بتكم بالحلال على مهر قدره مليونين حاضر و5 غائب وان شاء الله يكون يرضيكم المهر
ابو جواهر... احنه من ننطي بنتنه لرجال ماندور مهر الي يكدر عليه هذا هو
السيد... والنعم منكم ومن طيب اصلكم
جنت اسمع وعصافير السعاده تحوم حولي فرحه كبيره بداخلي
دك ابويه الباب المطبخ ودخل للمطبخ همس لياقوت صيحي امج
اجت امي عبالها صاير شي... كول ابو جواهر
ابو جواهر... راح يعقدون عليهم هسه تحضرو
ام جواهر... محد نطانه علم ممتحضرين
ابو جواهر... مايرادلها شي رتبي هسه امورج بسرعه ومن تجهزون نطيني خبر
ام جواهر... صار
اجت امي... من رخصتكم راح يعقدلهم السيد كالو لان الكل حاضره وشويه لازم ارتب اجراءات المهر طاسه مي وقرآن وغطه ابيض على راسها انتو تعرفون هالامور
ام السيد... بس ماكال ابو احمد
ام جواهر... هسه الساده اهل النجف مقترحين عليهم وحيعقدون لان جايين فدمره
رتبنه كل الامور بسرعه ونطينه خبر لاابويه شويه وسمعنه اصواتهم خلف باب الصاله دكها السيد النجفي
السيد... ايتها البنت الرشيده زمرد عبد المجيب سيتم عقد قرانك على الشاب الرشيد السيد احمد السيد علي على مهر قدره مليونين مقبوض ومؤخر غير مقبوض فإذا قبلتي فقولي نعم انت وكيلي على العقد
دااحجي امي همست لا لاتردين عيب
همست ليش
ام جواهر... الا 3 مرات يدك الباب السيد يلا تردين
كرر نفس الكلام السيد واخير بالمره الثاله كلت نعم انت وكيلي على العقد
وصارو يتباركوله ويتباركولي
كان الوقت يمر بسعاده غامره...
دره... مرت الايام شفته مره من رجع صعد للسطح واشرلي مثل كل مره بعدها بيومين سمعت صوت هلاهل بيتهم واخواتي على صوت الهلاهل صارو يباوعون من زرف الباب واني روحي اتلوب اريد اباوع مثلهم بس اني مااكدر لان بالكرسي وزرف الباب عالي
اجاني صوت ياقوت... ولكم هذا رائد خاطب وهاي امه داتهلهل وتطش جكليت تعالو شوفوووو....
ربما تنكسر قلوبنا فقط لنستقيم!
شكرا لزيارتكم عالم روايات سكيرهوم
