رواية كوميديا سوداء الفصل الواحد و العشرون بقلم ليل ادم
استاذه ريهام: تعالي ادخل اللي يشوفك وانت مستعجل كده ميقولش انك هتتأخر كده
احمد : غصب عني الطريق وقف موت
استاذه ريهام: طريق اي يا احمد انت ساكن على اول الشارع انت جاي على رجلك أصلا
احمد : راحت عليا نومه لازم تدققي يعني
ساره: لا انتوا لسه هتقعدوا أنا جعانه
ريهام : ياله قوم تعالي
احمد : شكل السفره يفتح النفس انا لو مكانكم كنت أكلت ونفضت للي جاي
ساره: لا طبعا عيب مينفعش
بعد الانتهاء من الأكل
ريهام: عصير بقا
احمد : لا والله ما هقدر
ريهام : طب تشرب اي طيب
احمد : قهوه شاي مش عصير
ريهام: خلاص يبقا قهوه معايا
احمد : تمام
ساره: تعالي ندخل الطراز عبال ما القهوه تيجي الڤيو من هنا روعه
احمد : تعالي نشوف
ساره: بص على البحر على طول انت شقتك على البحر مباشر كده
احمد : لا بصراحه يا دوب بشوف شويه الصخر دول
ساره: (بتضحك) اي خدمه فرجتك على البحر
احمد : يعني حمام و محاشي وقهوه وكمان بحر والله أنا ما عارف أودي وشي منكم فين
ساره: (بتضحك) انت من القاهره يا احمد صح
احمد: صح
ساره: أصل الملف بتاعك كان قصادي النهارده ف قولت أتعرف عليك اكتر بقا
احمد : اه دا انا شكلي عامل مصيبه بقا
ساره: لا خالص أنا كنت بضيع وقت
احمد : تضيعي وقت ماشي يا ستي (تليفون احمد رن)
ساره: كنسلت ليه رد ل تقلق عليك
احمد : لا لا هيا عارفه طالما كنسلت يبقا اكيد مش فاضي
ساره: يا سلام مسيطر
احمد : بلا نيله مسيطر اي بس دي عندها استعداد تحدف الشبشب من القاهره يلصق في قفايه هنا وانا وقف جمبك
ساره: شبشب اي ده انت بتتكلم بجد
احمد : وحياتك و اكتر بس بحبها مهما تعمل دي روح روحي
ساره: ربنا يتمم لكم على خير
احمد : (بيضحك)
ساره: اي هو أنا قولت حاجه غلط
احمد : أصل أنا بتكلم عن امي وانتي خدتي الموضوع على ارتباط
ساره: اي ده هيا اللي كانت بترن عليك دي والدتك
ريهام: القهوه يا اللي مطلع عيني في الشغل وفي البيت
احمد : تسلم ايدك
وبعد انقضاء السهره ونزول احمد
ريهام : اي دخله تنامي
ساره: بفكر
ريهام: تعالي أتكلمي احسن بدال ما انتي مش عارفه تتصرفي كده
ساره: اقول اي يعني مفيش حاجه تتقال
ريهام: خلاص روحي نامي
ساره: اه تصبحي على خير
ريهام: وانتي من اهل الخير
ساره: ريرو انتي اي رأيك في احمد
ريهام: من ناحية اي
ساره: في العموم يعني
ريهام: محترم وكويس ابن ناس دكتور موهوب جدا جدا وليه مستقبل حلو جدا
ساره: أنا قولت كده برضه
ريهام: ساره
ساره: نعم يا ريرو
ريهام: أفصلي بين الشغل وبين العواطف و مترميش نفسك على احمد ولا تفرضي نفسك عليه مش عايزه اشوف منك موقف يحط اسمي في جمله مش كويسه في المستشفى
ساره: يعني أنا هعمل كده يعني يا ريرو عيب والله
ريهام: اهو بنفكر مع بعض بصوت عالي ياله علشان تنامي
ساره: تصبحي على خير
اليوم التالي في المستشفى
ريهام: برضوه أنا قادره افهم حضرتك عايز اي
المندوب: برضوه
ريهام: ما حضرتك عمال تجيب كلمه من الشرق وكلمه من الغرب وكل ما اقولك حاجه تقولي مش هتكلم إلا قصاد الدكتور أحمد
المندوب: بالظبط معلش يا استاذه ريهام
باب المكتب بيخبط
ريهام: اتفضل
احمد : حضرتك عايزاني
ريهام: اه تعالي اقعد يا دكتور احمد
احمد : ادي قعده تحت امرك
ريهام: اتفضل يا استاذ سعيد الدكتور أحمد اهو
المندوب: ازيك يا دكتور احمد
احمد : الحمد لله تمام
المندوب: اختصاراً ل وقت حضرتك وكذالك الأمر وقت الاستاذه ريهام ف أنا هدخل في الموضوع على طول
احمد : اتفضل
المندوب: أنا استاذ سعيد حامد مندوب مستشفى ------ البريطانية في مصر هنا
احمد : تشرفت بحضرتك يا استاذ سعيد
المندوب: أنا أسعد المهم اني جاي لحضرتك بفرصه العمر المشروع اللي قائمة عليه المستشفى هو جمع المواهب اللي زاي حضرتك وتسخير كل الاجهزه الأحدث في العالم وتطبيق كل الإجراءات العمليه زاي إجراء حضرتك في عمليه الطفل علي و اجراء زراعة الطرف برضوه
ريهام: معلش يا استاذ سعيد هو حضرتك عرفت منين أجرأ عمليه البتر الإجراء ده لم يعلن عنه
المندوب: حضرتك احنا متابعين الدكتور أحمد من وهو طالب لانه كان ظاهر عليه علامات التفوق والموهبه ثما أنا عايز ااكد على حاجه مهما احنا مفيش حاجه ممكن تستخبا عننا
احمد : انتوا اللي هنا مين
المندوب: أداره القسم المسؤول عن جمع الموهوبين المهم نرجع ل موضوعنا
احمد : اتفضل
المندوب: أنا جاي ومعايا كل الامتيازات اللي ممكن حضرتك تكون بتحلم بيها اهم حاجه اخرج من هنا ومعايا توقيع حضرتك على الورقه دي اللي بتنص على أن حضرتك فرد من عائلة -------- البريطانية مع العلم أن حضرتك ممكن جدا جدا أن أثبت كفاءة عالية تسافر الي بريطانيا وهناك الجو يساعد على كل حاجه أجهزه متطوره تكنولوجيا فائقه السرعه شعب متحضر
احمد : حلوه شعب متحضر دي علشان احنا شعب همجي في عيونكم كمل يا استاذ سعيد كمل
المندوب: ولما تسافر أن شاء الله هيكون معاك عقد تقدر تكتبه بالطريقة اللي تريح بالك وتغير مستقبلك مليون في المئه وخلي بالك العقد ده بيكون ليه وقت يعني حضرتك معانا كا دكتور جراحه وتدخل عمليات وكل حاجه لحد سن ٥٢ سنه والله حابب تكمل بتعمل عقد جديد بس وقتها بيكون قيمه حضرتك مش جوه غرفه العمليات لا قيمه حضرتك بتكون بره في تعليم الشباب البريطانية كيفيه تطبيق الإجراءات عملي
احمد : كان نفسي الكلام ده يطلع من حد مش مصري والله إنما عيب علي حضرتك لما تقول على أهلك همجيه عيب على حضرتك لما تقولي بيع اللي عندك للي يستحق عيب لما حضرتك تقولي سافر بره عالج الغرب وسيب أهل بلدك تموت عيب على حضرتك لما تقولي اشرف على تعليم الشباب البريطانية عملي على أساس أن بلادنا خلصت من الشباب اللي محتاج فرصه
المندوب: سيبك من الشعارات الكدابه اسمع كلامي واستغل الفرصه انت عارف انت ممكن تكسب من الناس دي فلوس أد اي
احمد : اكيد مش اكتر من مكسب حضرتك
قام احمد من على المكتب
احمد : أنا مش عايز ولا موفق على مشروعك بعد اذنك يا استاذه ريهام
ريهام: اتفضل يا احمد وحضرتك برضوه تقدر تتفضل يا أستاذ سعيد
المندوب: غبي والله غبي
ريهام: فعلاً هو غبي بعد اذنك بقا علشان عندي شغل
في جانب آخر
الدكتور علي: كنت فين
احمد : كنت برفض عقد احتراف قولت اكمل معاكم الدوري والكاس (وبيضحك)
وفجأة صوت عربيه الإسعاف و صوت دوشه عالي جدا جدا
الدكتور علي: احمد جميله ورايا بسرعه ( وخرج الجميع على الإستقبال وكانت الحاله وحده ست حامل في الاشهر الأولي في حاله اغماء كامله )
الدكتور علي: احمد تنظير للدماغ بسرعه
احمد : حاضر
الدكتور علي: جميله جهاز الصدمات
جميله: جاهز
الدكتور علي: هاتي واحد اتنين تلاته حمل عيدي تاني يا جميله
جميله: حاضر
الدكتور علي: واحد اتنين تلاته حمل
جميله: نشاط القلب تفاعل معانا
الدكتور علي: تاني يا جميله تاني
جميله: جاهز
الدكتور علي: واحد اتنين تلاته حمل
احمد : الدماغ لسه فيها نشاط كمل مع انعاش القلب
الدكتور علي: احقن القلب يا احمد
احمد : حاضر
الدكتور علي: خليكي جاهزة يا جميله
احمد : حاسب ايدك يا دكتور علي
الدكتور علي: خش
( حقن احمد القلب )
الدكتور علي: حملي يا جميله
احمد : (خد نفسه ) الحمد لله
جميله: نشاط القلب رجع بس ضعيف جدا
احمد : جميله السونار بسرعه
الدكتور علي: برافو عليك صح
جميله: نبض الطفله شغال مفيش تأثير لحد الآن
احمد : ودماغ الطفله
جميله: تمام كله تمام الحمد لله
الدكتور علي: عايز تحاليل كامله عن حاله الست دي اللي حصل ده مش ظرف طارق
احمد : تمام ( لاحظ احمد وقوع اظافر المريضه وتهشش في الأطراف) دكتور علي بص كده
الدكتور علي: وريني
(بعد الفحص) مش بقولك الموضوع ده مش ظرف طارق
احمد : أن شاء الله يكون اللي في دماغي غلط
الدكتور علي: للأسف شكله صح خلينا نتابع الفحص بعد تحليل العينات جميله مفيش حد يدخل من اهل المريضه اخرجي طمنيهم أنها أستجبت ل الافاقه بس مش عارفين اي حاجه إلا بعد تحليل العينات تمام
جميله: تمام يا دكتور
دكتور علي: أول ما تظهر النتيجه هاته وتعالا على مكتبي يا احمد وراقب الحاله كويس جدا
احمد : حاضر
وبدأ كل واحد يقوم ب المهمه المطلوبه منه ورجع احمد ل المريضه
جميله: أنا ضربت في المحلول سنتي ونص فاكسون
احمد : اه تمام علشان التشنجات اللي كانت عندها
المريضه: (بصوت واطي وانفاس مخطوفه ) بنتي بنتي
احمد : اهدي انتي كويسه وبنتك في أحسن الأحوال متقلقيش خالص الإنفعال مش كويس ولا ليكي ولا بنتك تمام
المريضه: (هزت راسها ودخلت في غفوه من شده التعب )
جميله: حاله غريبه جدا
احمد : فعلاً أنا مش عارف ازاي ده مع ده مع ده في حاجه غريبه
جميله: هو اي اللي ده مع ده مع ده مش فاهمه حاجه
احمد : هقولك لما العينات تطلع ( وفجأة جت رساله الي احمد ب ظهور نتيجه التحليل)
جميله: النتيجه بتاعتها دي
احمد : اه تعالي
وراح احمد ل الدكتور علي
الدكتور علي: طلعت
احمد : اه
الدكتور علي: وشك بيقول بلوه وريني
احمد : اتفضل وشوف الاشاعه دي كمان
الدكتور علي: استغفر الله العظيم وبعدين
جميله: اي ده كانسر معقول
احمد : منا مش عارف ازاي ممكن كانسر معاه حمل
الدكتور علي: لا و اي الورم في جدار الرحم
احمد : مفيش حل تالت يا الطفله تنزل يا الحمل يكمل و الأم تموت
جميله : شكلها مش كبيره اوي بس في مشكله خدت باللي منها وانا بعمل السونار
احمد : اي هيا
جميله: أن ده اول حمل ليها ف لو الطفل ده على سنين جري ورا حمل هيكون في مشكله
الدكتور علي: اكيد الأم هترفض تنزل الجنين
احمد : هاتي زوج المريضه نفهم منه
جميله: متوفي من اربع سنين
احمد : نعم
