رواية فصلية الضابط الفصل الثاني والعشرون 22 بقلم زينب نور

......... طلعت تقى تمشي واني وراها تدردم عليه راحت بقيت بالصاله وهي غسلت وجه واجت دخل علي رحت وكفت بالباب اريد اسمع شنو يكول الها صبحت علي رد عليها بس مبين ضايج من نبرة صوته هي سئلته ابو زها تريكت بعدك علاجك اخذته وهو نهد بالحجي

:- اي تريكت غير عندي ثنين نسوان ريكني ونطني علاجي ولج وين الزايعتها الكاع صارت براسي هو العنده مثلهن يتهنى بحياته لا والله:- 

جان يحجي بانفعال ضليت اكل بأضافري واني اسمعه يحجي سمعت كالتله

ندى:- ماعندك حظ شسوي يخويه اني هسه اسويلك ريوك واجيبلكيا موزينه عليك العصبيه جرحك بعده 

:- شفت سهام شايله صينية الريوك واجت فاتت من عندي عاوجه حلكها الي وتباوعلي صفح ودخلت علي وتكوله :-اخذتني النومه ماكعدت من وكت اعذرني وحقك عليه ادري بيك ما تستلذ بألاكل اله من ايدي

:- واسمعه يكول الها

:-هو الله سبحانه وتعالى بلاني بيجن 

غميتها من ورا الباب واقلد عليها كالبه خلقتي مقهوره منهم طلعت تقى شافتني كامت تضحك عليه رحت للمطبخ وهي يمي تسولف وتضحك على سهام شلون هيج تكوله وهو ما يقلدلها ودور تجذب ما ياكل اله من ايدها اليسمعها يصدك سويت ريوك واخذنا الغرفة الحجيه كعدنه بغرفتها وهي ماكو رايحه يم وارث تشوفه شويه واجت وبدت تجي اقاربهم يشوفونه يتحمدوله على السلامه ويرحون ما نلحك نكعد وهو عود زعلان مني وميباوعلي بس اشوفه بالصدفه يباوعلي اني ما طخيت راس ولا اعتذرتله يومين ميحاجيني طكت روحي صار اليل وبس محمد ولحجيه كاعدين يمه دخلت يمه شافني ودار وجه شويه وطلعت الحجيه ومحمد وراها كمت كعدت يمه بسته بخده هو ما انطه ردت فعل بعده تقربت اكثر وبسته قريب شواربه شفته ابتسم بطرف شفته ولام شفايفه ليجوه عود يريد يسيطر ميضحك ولا يحجي وياي همستله:-اسفه ما متقصده والله باوعلي رافع حواجبه كالي

:- وعلى أساس يهمج زعلي اشو ما صدكتي صار يومين ما جربتي حتى تجين يمي وتعتذرين

:- والله ما ملحكه ماتشوف الخطار العالم التجي حتى ما الحك انام زين 

گال:- وهسه البعير ما ادري الفيل مثل ما تشوفيني حضرتج يريد دلال من البعيره

:- هههههه هاي اني البعيره وتريد دلال من عندي:- 

:-اي بيها شي مو انتي تكولين علي بعير أذن انتي زوجتي هم بعيره

:- ضحكت بصوت عالي ضربني على حلكي 

:- فضحتينه شهل صوت عبالك جرس 

:- يعني هسه انتَ رضيت مووو

:- لا بعدني زعلان اله تجين هنا سوالي مكان انام بصفه سويت مثل ماراد شفته مهتم الي ولسوالفي ويباوعلي بنضرة حب واشتياق مركز بكل حركاتي فرحانه رجع يحبني واكثر من قبل حتى ماجان هلكد يباوع عليه بهل نضره التسحرني تخلي كلبي يكوم يرگص من الفرح باوعتله شفته مغمض عيونه نعسان يريد ينام استغليت الفرصه وكوتله

:- وارث

:- اممم

:- طلبتك

:- لمن اعرف شنو تردين يله اكولج انطيتج

:- اكولك بس ما تعصب عليه اذا تقبل كول اي ما تقبل بس كول لا

:- باوعلي وقلص عيونه 

:- كولي خلي انشوف شتردين 

:- تحمحمت اتهيئ للي اريد اكوله كال علي وياج احجي شتردين اريد انام تعبان تره 

:- وارث اريد اسمع اخبار اهلي امي وابويه شلونهم 

:- لا متخابرين واعرف بيج ذيج اليله محاوله بجهازي تردين تفتحي حتى تخابرينهم موو

                                            

              

                    

:- لا مو قصدي اخابرهم بس شفت اجتك هوايه اشعارات وصار عندي فضول اعرف من منو 

:- متأكده بس هيج لو عندج شي ثاني 

:- لا والله بس جنت اريد ارضى فضولي واعرف من منو وما اجذب عليك صح ابالي اريد اخابر اهلي بس اكيد مومن ورا ضهرك بعلمك 

باوعلي وابتسم تك خد 

كال:- للاربعاء اهلج يجون هنا علمود الفصل واخليج تشوفين ابوج 

فرحت من الفرحه بسته كام يضحك كال

:- مصلحجيه بس من عندج شي تجيني 

كوتله لا والله بس شفت الوقت مناسب فكلت اكولك هسه بلعت ريك وكوتله

:- راح تتنازل عن حسام لو لا 

:- لا تسئلين شي يخص هل موضوع ابد

:- ليش ما اسئل غير اخويه واريد اعرف شراح يصير 

:- للاربعاء وتعرفين شراح يصير لا تلحين 

:- سكتت بس ضجت ما اعرف شراح يصير بيوم الاربعاء 

ثاني يوم اجه زوج تقى وراحت رجعت البيتها وهناء كل يومين تجي تشوف وارث وترجع ومابقه اللاربعاء شي بعد يومين واني منتظره على احر من الجمر اريد يجي حتى اشوف ابويه گلبي مجمر عليهم اريد اعرف اخبارهم وارث تحسن صار زين يكدر يكوم ويتحرك بالبيت بس ميطلع. بليلة الاربعاء اجو اخوان وارث واولاد عمه مجتمعين يسولفون عن الكعده ولفصل وشيحضرون كاعدين بالاستقبال وحنا البنات كاعدين بالمطبخ نسوي جاي يمنه هناء وبيت ناظم واستبرق اجت ويا ابوها وسامر واكفه اغسل بالاستكانات واستبرق يمي تساعدني الباب مال المطبخ مفتوح سمعنه صوت وهوسه من الاستقبال وطلع ثامر يغلط ويشتم ما اعرف بمنو وطلعو وراء سامر وابن عمهم يسكتون بي ويردونه يرجع طلع زعلان وصوت ناظم جان واضح من كال انعل خيرهم باجر واذا طلبو تنازل والله يا وارث اذا تنازلت عن ابنهم لا اعرفك ولا تعرفني وانسه الخوه وكلشي بيناتنه وحته اكسر من العشيره وكول ماكال وثائر يكله مو بكيفه يتنازل ولكم هو شخله بينه هل زعطوط شافانه ما سوينه شي من كتل ضرغام رد عادها بوارث وحنا نتفرج علي نضل مووو وارث بله لو ندور خواطر كمنه وكلها كبت هوسه مينفهم شي لحد ما عافهم وارث ودخل للبيت معصب ومتنرفز طب للغرفه وسداها علي ميقبل يدخل علي احد ولبقيه بدو يطلعون بقه بس محمد واسعد رجل هناء دخلو للبيت وراح علي يدكون بالباب فتحه الهم ودخلو يمه بيت ناظم راحو واستبرق صاحاها ابوها وراحت بس هناء بعدها يمنه كاعدين يم الحجيه تأخر الوقت وهم بالغرفه ميطلعون طلعت اجيب ماي للحجيه حتى تشرب علاجها مريت من باب الغرفه البيها وارث جذب انتباهي صوت وارث يكول الهم 

:- هم ميفهموني اني اريد اتنازل عنهم حتى اني الي اعاقبهم بيدي واسعد يجاوبه 

:- شوف وارث ترى اذا عرفو ابن عمهم عندك كلشي يخرب انت ضابط يعني من رجال الامن واذا انكشف انت محتجز ابنهم بدون ورقه قانونيه كلشي ينكلب عليك من اهسه اكولك حتى تاخذ احتياطاتك وبعدين الحكومه طالبته ويدورون علي وانت المحتجزه يمك كال وارث:- اني اريد اخذ حقي بايدي منه مو الحكومه ومحد يعرف غيركم بس خليكم حذرين ولباقي عليه 

صارت حركه يم الباب رحت ركض للمطبخ ضليت واكفه بي والافكار تضارب بي شنو يعني وارث محتجز واحد من ولد عمي ربطت الاحداث سامر قبل شكم يوم كال تقي مختفي اكيد وارث خاطفه ضليت اضرب صفنات طلعو اسعد ومحمد وصاح اسعد على هناء تطلع حتى يرحون للبيت سويت نفسي طبيعيه ورحت الغرفة الحجيه دخلت باوعت بوجهي هناء

كالت :- شبيج مخطوف لونج وليش تأخرتي 

كولتلها :- مابيه شي رحت للحمام 

كالت:- يله حبيبة اني رايحه باجر اخذ اجازه واجيكم حته اساعدكم مع السلامه 

وطلعت سهام هي وبناتها دخلن يم وارث واني بقيت بغرفة الحجيه عرفت منها انو سهام تريد تنقل اغراضها وتنزل بالغرفه مال ثائر عود ويا وارث وتستقر بيها انقهرت شنو تنزل يمه غير اتخبل علي اذا صدك يقبل شفت البنات طلعن زها وزوزه صعدن الغرفتهن وهي ماكو منتظرتها شوكت تطلع طولت ضليت اتكلب بمكاني الحجيه نامت واني مثل الدجاجه البيها بيضه احوس اكوم اوصل الباب وارجع اريد اعرف شيسون من غبائي رحت دكيت الباب عليهم طول يله انفتح هي فتحته لابسه ملابس نوم وفاتحه شعرها 

كالت:- خير شرايده 

ضليت صافنه بوجها بس دمي كام يغلي سمعته يكولها منو كالتله الفصليه وتباوع عليه بنضرات شماته ومبتسمه ابتسامه شيطانيه درت وجهي بعد ما اتحمل الدمعه واكفه بعيوني رجعت المكاني اعض بأصبعي من القهر شويه وحسيت اكو حركه يم راسي رفعت راسي شفته واكف ويباوعلي رجعت غطيت راسي حسيته كعد كبالي مكنبص وسحب الغطى من راسي باوعتله بحقد 

كوتله :- شتريد وخر عني اريد انام 

كال :- شكو شبيج لا تصيرين زعطوطه ترا هم مرتي والها حق عليه 

كوتله :- تهنى وياها اني شعليه شكو جايني روح كمل السهره وياها بس ما تحملت بجيت مد ايدها ومسح دموعي ويكولي:- هششش كافي شبيج يمعوده 

دفعت ايده ودرت وجهي للجهه الثانيه نغزني مرتين من خاصرتي ما هتميت ولا درت وجهي مقهوره منه ومن السمعته

كعدت الصبح من وقت بعد الريوك طلعت للاستقبال نظفتها ورتبتها وغسلت الگراج ودخلت للبيت شفت سهام بالمطبخ تسوي ريوك الها ولوارث شافتني وضحكت عود تريد نستفزني هزيت ايدي الها وسويت حركه بحلكي ومشيت شفت وارث كاعد بالصاله ما حاجيته بس هو يباوعلي عفته و صعدت الغرفتي نضفتها واريد اروح للحمام اسبح انفتح الباب درت وجهي شفته دخل للغرفه سويت نفسي ما مهتمه اله حسيته اتقري عليه ردت ابتعدت سحبني من ايدي وداراني علي اريد احرك گلبه بيش باوعت بعيونه 

وكتله :- ترا سمعت كلشي البارحه 

كال :- وشسمعتي بله 

كوتله :- اني وياك نعرف منو الجان ويا حسام من رمه عليك صح 

كال :- اي ومنو بله هذا التعرفينه ومتأكده من عندي هم اعرفه 

سكتت خفت اكوله خزرني وضغط على اديه احسه دخل اصابعه بلحم ويحجي من بين اسنانه احجي منوووو 

كوتله :- تقي 

عكد حواجبه ويباوعلي بغضب وبنضرة شك

كالي :- وشلون عرفتي هو الويا اخوج يعني تدرين بيهم 

جاوبته :- اسعد شوفني الفيديو الي مسجل بالكاميرات وعرفتهم بس ما كدرت اكول عليهم لان خفت على اخوي وهو مطلوب 

كالي :- وشسمعتي البارحه كوليلي 

بلعت ريگ بخوف وكتله 

:- سمعتك تكول اريد اني اخذ حقي منه ومحجوز يمك ولفتهمته واحد من ولد عمامي وماكو غير تقي  

كالي :- وانتي خايفه علي مووو لو تردين تكولين الاحد هيج تفكرين مووو 

ضليت ساكته ابلعم وخايفه من عنده 

كالي :- شوفي كلي اكولج اذا طلع السمعتي لو احد عرف بي اموتج بهذني أديه سمعتيييي لو لاااا،........

شكرا لزيارتكم عالم روايات سكيرهوم