رواية نعم أحببتك الفصل الثالث والعشرون 23 بقلم انين الليل

بثينه 

حسيت بشئ نزل على خدي وشفاه تبوس بيه عبالي أحلم ب.س يا حلم انا متت

شلون هسه اسمع واحس ظليت مغمضة عيوني لان أذكر آخر شي 

انا جوة المطر وادك بالباب واحس اطرافي تجمدت 

وكمت ما اكدر اتنفس وحسيت اني راح أموت هسه انا وين يعني معقوله اياد رجعني للعراق وخلص اهلي عرفو

انا متت وهسه انا وين بس انا جاي اسمع اي جاي اسمع صوت اياد !،،،معقوله اياد يبچي اي مو انا ......

سكتت لان حسيت جسمي يتحرك وگلبي يدك لكن عيوني ثگال سمعت صوت اياد يبجي وهو يبوس خدي وأيدي

وكلساع يمسح العرگ مني ويكول 

:: شسويتي بيه دمرتيني يااغلى من روحي 

بقيت جامده بمكاني = يعني انا مو ميته اياد نقذني 

بقيت متصنعه النوم وهو لازم ايدي وخال راسه قريب من صدري اسمعه يكلي

+

:: ااخ منج من انتي زغيره وانتي معذبتني وياج والي تردينه لازم 

اسوي الج حتى لو اتعاقب وانضرب المهم ترضيين مو بس ابوج

الي دللج لا انا انا هم دللتج

:: تدرين لو صاير بيج شي اموت اكتل نفسي وراج دقيقه ما ابقى مثل من جنت اكول

إذا ،تصيرين الغيري اطكج طلقه وبنفس المسدس اكتل نفسي وراج اووف منج شگد عذبتيني 

::بثينه ياعمري احبج اموت عليج وعصبيتي وتصرفاتي وياج مو لأن اهنتي كرامتي 

،،لا بس خفت اضيعج وج بثينه انا احبج لا تبعدين عني لا تعوفيني

-صار يشهك بالبجي --

،::تدرين من فتحت الباب وشفت وجهج ازرك شنو صار بيه عبالي متي انا تخبلت فكرت إذا ما تصحين اضرب 

روحي طلقه وأموت وراج يا عمري والله من اضربج ادخل للحمام ابجي لو اطلع للحديقه الوم بروحي 

وبعدين أكابر واطلع

:: لان انتي حبي وانا طفل ومن كبرت صار هذا الحب جنون شنو عبالح

جنت اخليج تتزوجين وتعوفيني مستحيل انتي حلم حياتي حلم الطفوله الي لايمكن اتخلى عنه

::هم تدرين من جانت امي تنيمني بحضنها وانا زغير اتخيل حظنح مو بيدي احبج وانتي حطمتيني 

::أي بثينه حطمتيني من فضلتي علي ذاك المنحط حقي اغار واضرب واغلط لان هوراد يذلنا كلنا وراد يخلي 

راسنا بالحظيظ وانتي موافقه 

::حطمتيني يابثينه لمن استهزاتي بيه كدام اهلج وكلتي عليه ما عندي رجوله،مو عبالج من اضربج ارتاح لا أموت

ألف مرة ولج اعتبرج جوهرتي الثمينه وما اريد احد يلمسج 

::وانتي اسمعج تدعين عليه وتتمنيلي الموت ورغم هذا ابتسم واكول مي خالف خلي تدعي 

:: بثينه احبج وحبج ما خلالي قيمه حتى ويه نفسي خلاني ما أسوة فلس بين اهلج وأهلي والمصيبة اموت إذا ابتعد 

عنج احبج واموت عليج مو بايدي

هو يحجي والعبرة مخنوكه بصدرة وانا اسمع لكن مستغربه اعرف بي يحبني لكن الي سويته اي رجال ما يقبله على 

نفسه ورغم هذا يگلي احبج وانا اسمعه يبجي بصوت عالي

صرت احچي ويه نفسي =لا ما معقوله اكيد بحلم اياد هيج يحجي اياد العصبي الي ما يخاف والي بكل نظره 

من عنده يتوعدني هيج يحچي وهو يبوس بيه ويبچي 

=ايي ذاك اليوم من حظنج بس انتي 

=انا شنو انا مستحيل احبه 

=غصبن ما عليج تبقيين وياا حتى لو ما تحبينه انتي زوجته وما الج غير مكان

بقيت بمكاني وهو كل ساع يخلي ايده على جبهتي ويبوسني مره بخدي مره بايدي بركبتي انا هالمرة ما ضجت 

من تصرفاته لا حسيت لأول مرة بالحب الحقيقي الحب الي ما جربته ابد بس هالمره حسيت بي حقيقه نابع من گلبه

ما اعرف ليش فرحت وشنو هالتناقض يعني اياد بعده يحبني زين انا ليش هلگد فرحت ومرتاحه 

لان عرفت بي هو يحبني مو هذا الي شبعج ضيم وقهر وضرب واهانه 

اي هو وانا مستحييل احبه او اسامحه 

المهم عرفت هو يحبني وبعد ما راح يعذبني ويضربني 

لا منو يگول يجوز بس هسه لان شافني وكعت او يمكن حس بالذنب اتجاهي لان بسببه ردت اموت يحوز

حسيت بنفسي اميره بقيت بفراشي وغلبني النوم وكعدت الصبح 

عبالي أحلم لگيت روحي نايمه على الجربايه واتذكرت البارحه ابتسمت وانا اشوف 

اياد مغطيني ابطانيات اثنين وشفته نايم جوه بالگاع ومتغطي ابطانيه

باوعت ماردت اطلع صوت لكن غلبتني الكحه 

انا كحيت اياد فز

:: اسم الله اسم الله ،،،،،انا فتحت عيوني واشوفه شلون مدنك علي 

اياد وهو مبتسم ::الحمد لله على سلامتج 

عافني وطلع من الغرفه بقى خمس دقائق ورجع بيده صينيه زغيره بيها كوب حليب دافئ وخاشوگه

وكعد يمي عه الجربايه وكام يشربني الحليب بالخاشوگه 

انا بصراحه ما احب اشرب الحليب إلا ويه الجاي 

بس من شفت اياد جايبه وبيده يشربني ما حبيت اضوجه شربت بدون وانا ساكته واحجي ويه نفسي

= شنوو ولج بثينه شبيج نسيتي اياد شنو سووه بيج او وين وصلج 

نسيتي الحطب والقندره الجوبلس الي ورمت رجليج نسيتي ش...

قطع التفكيرصوت دك الباب واجه يونس مع الطبيب

اياد خله الشال عل راسي وراح ورجع دخل ويا الطبيب 

الطبيب /كيفك اليوم يامدام خوفتينا امبارح 

انا ما حجيت فحصني وكال الاياد /الحمد لله استقرت حالتها بس إذا تريد بعد ان تنهي العلاج أجيبها العياده نأخذ 

اشعه الصدرها فيجوز ها بيجوز عداالتهاب ولازم نعالجو

انطاني ابره وكل الاياد ابره الصبح وابره بالليل واشر ع العلاج الي جابه يونس 

أوصى أن يكون اكلي اكثر شي سوائل دافيه وراح الدكتور 

واسمع يونس يكل الاياد راح يخلي سعاد تجي وتجيب الها شوربه وتبقى يمي

اياد ::لا يونس خلي سعاد بحالها الله يساعدها حامل وهي تريد الي يساعدها 

يونس وهو يضحك /:انت شتحچي عبالك مثلنه بس يحبلن اخ والطفل تحرك من مكانه 

وكالت الطبيبه نامي على ظهرج ولا تشتغلين لا كله چذب هاي بس بالافلام المصريه عمي ذني وحدتهن بشهرها وتصعد 

عشر مرات الدرج وتنزل

اياد::ها شبيك لاتحجي هيج هي اكو مثل نسوانه يتحملن كافي غثاثتنه 

يونس/:اي كل واحد يحمد بمرته هسه مثل ما كتلك راح اخلي سعاد تجي يمها 

اياد::لا انا هنا باقي يمها و اسويلها كل شي

يونس بتعجب /شنو تعرف تطبخ ؟!

اياد:: ها نسيت بالقسم منو چان يطبخ الكم

اني اسمع واكول = يعني يونس هم كان ضابط ويه اياد

سمعت اياد يوصي بيونس يكله ::دير بالك ع الشغل لان انا اليوم وباجر ما اكدر اجي لازم ابقى يمها

،يونس كله /صدك سوتك كنفذ يا سبع كل هذا حب 

،،اياد ::شبيك يونس خطيه خاف تحتاج شي هي كلش تعبانه ومحد

يمها من اهلها يرادلها احد يداريها 

يونس /:عيوني ابو اسد انت اهلها الله يهنيكم تدري البارحه بقيت خايف عليك وانا اشوفك شلون ترجف والخوف 

بعيونك عليها والله خفت عليك لا تنجلط

ما رد اياد يونس ساله // تزوجتو عن حب 

اياد :: هي بت عمي وزوجتي وربيتها على ايدي 

يونس /:ونسيت شي مهم انت تحبها وتحبها اهواي 

اياد ::اكيد ام بيتي وشايله اسمي 

يونس /:الله يهنيكم ويحفظكم انا رايح واي شي تحتاجونه بس حاجيني 

اياد /:ان شالله ما قصرت

وراح يونس واياد اجه انطاني العلاج وهو ساكت وحتى شربني الماي

بايده غطاني وكلي:: انا بالصاله إذا تردين شي صيحيلي 

وكت الغدا جاب اياد الصينيه بيها شوربة دجاج وكام يوكلني انا بصراحه 

بعدني تعبانه ومن اكوم حدي للحمام لان مجرد ما اوكف كلبي يدك قوي وريكي ينشف 

اياد ينطيني الإبر بايده احنه بقينه ما نسولف هو يشوفني ويروح للصاله لو للغرفه الثانيه

وكل شويه جان يجي يطل علي

بيومها اجت سعاد وزوجها بالليل جايبه وياها شوربة عدس وجايبه مقالي الهم للعشا

ودخلتلي للغرفه بعد ما خلت الاكل بالمطبخ وسلمت علي وبوستني 

هي تكول 

حمد الله ع سلامتك بسينه خوفتينه كتيير 

وراحت خلت عشا الاياد ويونس وصبت لي شوربه وجابتها الي 

همه يأكلون بالصالون وسعاد صارت توكلني بايدها وتكلي

سعاد/يي يا بسينه لو تسمعي كيف اياد كان يتكلم مع يونس مشان

يجيبلك الدكتور ما بتصدئي 

ويونس بيئلي انو اياد لما فتح الباب كان خايف كتيير عليكي وبالزور 

ماسك حالو من البكي حتى يونس بيئلو شو يا اياد مافيها شي هو بيئلو لو بسينه حصل ل شي انا بموت وراها 

بعدين باوعتلي وضحكت /:اتاريكي ما نتي هينه مجننه الرجال معك

انا اسمع ومنبهره احجي ويه نفسي 

= اياد معقوله هيج اياد ابو كلب القاسي هيج يسوي عليه

=اي ولج نسيتي شلون جان يحجي وياج نسيتي قبل لا ياخذج شجان

يطلع من اعذار على مود يشوفج

= كافي وج غبيه هو يحبج ويموت عليج انتي شبيج اكسبي 

= لا شنو اكسبه اخاف منه السويته بي مو شويه وهو مو من السهوله ينسى

= بس هو يحبني وما يفرط بيه صحيح عذبني بس ساعات احس بي يحبني لا شنو يحبني هو اذاني وعذبني 

= حقه ياحماره من السويته ياغبيه فهميني شنو الي حصلتي 

=حتى لو ما خذه سعد شنو راح يسويلج وينه ما اجه ما دز على اهلج 

=ما حاول يبرر موقفه بيوم الي عرف اهلج لزموج اشو من اتصل ايوج غلق شريحته خير شر 

=شلون يبرر موقفه واياد حجى ويا وغلط علي وكسر النقال 

=انجبي لا تدافعين جان ممكن يدز واحد من اهله يجي هو مو يخليج للمجهول انتي غلطتي بحق اياد وظلمتي ،،،،،

بقت سعاد تسولف عليه وانا بالي يم اياد ما ادري ليش

اياد بقى يمي يداري بيه هو ساكت بس ينطيني العلاج والابر 

ويجيبلي اكل وحليب وعصير 

وره اربع تيام صرت زينه وهو طلع للشغل ومن يجي يخابر اهلي ويخليني احجي وياهم وحتى تماضر وخاله رجاء 

ومرتين خابرت أختي منال وما يقبل اسوي أي شي حتى الاكل هو يحطه على الطاوله

وفد يوم إجه الظهر بيده مجموعة علاليك وخلاهن بالغرفه وخله علاكة الاكل عن الطاوله

وراح جاب مواعين وصب الاكل واكلنا واحنا نشرب جاي كلي اياد

،:...انا اليوم ما راح ارجع للشغل لان ضروري اخذج للطبيب 

انا جاوبته =صرت زينه شكو داعي اروح 

::لا لازم اطمئن قصدي نطمئن خلي نروح احسن 

رفعت اكتافي = بكيفك

وراح اتمدد بالغرفه الثانيه وانا رحت الغرفتي واتمددت العصر دخل اياد للغرفه وأخذ ملابسه وكلي

:: هم يالله نروح اكعدي غسلي وبدلي 

،،،،،!،، وراح سبح بالحمام الثاني 

انا هم دخلت وسبحت وطلعت لابسه البرنص وجاي اجفف بشعري 

ودخل اياد باوعلي شفت بعينه نظرة الوحش الي اشوفها من يريد

يغتصبني صرت ارجف مثل السعفه من يحركها الهوى

هو حس بيه نزل واتقرب عليه وانا كوه اجر النفس من الخوف 

وشال العلاليك وطلع ملابس جدد هالمرة

مو جبه لا بنطلون جينز وياه بلوز صوف وكوت فرو طويل وبوت عالي شويه ،اياد كلي وهو 

يبتسم بهدوء

::شفتهم حلوات وجبتهن الج 

كوه رديت علي من الخوف =اي حلوات شكرا 

ا،اياد ::البسيهن ياالله وخلي نروح للطبيب 

=لا ألبس جبه اريحلي مابيه حيل 

هو اتقرب مني وكلي ::انا البسج اذا ما تكدرين 

ما اعرف ليش حبيت استفزه او اغيضه كتله 

=لا لا شنو انت تلبسني انا البس واذا تسمح اطلع اريد ابدل

وكمت طلعت ستريج وبدي وجبه لونها سمائي وشال مورد بي سمائي وحذاء اسود وجنطه سوده 

هو طلع وسد الباب انا لبست ملابسي واحجي ويه نفسي

=صدك انا اضحك يطلع ياالله ألبس هههههه لعد ياهو الي لبسني يوم الحادث بعدين هسه حس كام يجيبلي ملابس 

عه الموديل 

= اااخ منچ بثينه ليش ما تحچين ضميرج كل شي يجيبه اياد شي حلو وغالي ومرتب 

= ا.شو انا ادافعله وانطي اعذار؟؟

ا لبست وطلعنه رحنا للدكتور أخذ اشعه ولكو التهاب بسيط كلي

الطبيب ابقي ع العلاج

بس الإبر ماكو داعي الهن طلعنه من العيادة واشوف اياد مرتاح 

صرنا نمشي للسياره شفت محل العاب كلي اياد 

::بثينه تحبين تتمشين 

انا جاوبته = لا نرجع للبيت احس بعدني تعبانه 

ورحنا للسياره وفتح لي الباب وصعدت 

اياد ::انتظري هسه اجي 

وراح ورة شويه إجه وبيده دبدوب كبير لونه أحمر وحطا بحضني 

انا اباوع للدب واكله = مثل الي عندي بغرفتي بيت اهلي 

،اياد:: اي اناشفته بغرفتج بيوم ال،،-ماكمل- وكلت اجيبلج مثله 

،،انا بحسرة = ذاك جابه بابا هديه من دخلت الكليه 

،اياد بإصرار وهو يباوعلي ::وهذا جابه زوجج اتصور ماكو فرق

ما جاوبته خفت لا مثل السنادين وهذا مخبل ما عنده مانع ينزلني بالشارع وحرك السياره وانا اشوفه شلون متوتر 

مديت ايدي وشغلت الراديو وبقيت ابحث ع اغنيه لكيت اغنية كاظم الساهر 

كل عام وانت الحب 

انا احبها هاي الاغنيه لازمه الدبدوب وادندن وياها 

هو خف توتره سئلني إذا يعجبني ادخل مطعم انا هزيت راسي يعني لا

وكفنا بالاشاره شفت محل زغير من بعيد يبيع فلافل 

باوعت الاياد ماكان منتبه وعينه عةالشارع اشتهيت اكل بس خفت اكله لا يذكر الكلام الي كلته الاهلي لكن بيني 

وبين نفسي كلت 

= خلي اكله والي يصير يصير الى متى اخاف منه واخاف يتذكر هو قبل بيه وصرنا امر واقع 

تشجعت وكتله من دون ما اباوعله ولفظت اسمه = اياد ا شتهيت فلافل من ذاك المحل ،،،واشرتله 

باوعلي ابتسم وكلي ::وينه 

انا اشرتله كان ازدحام استدار وكف على صفحه ونزل وانا بقيت بالسياره وهو نزل ما منتبهه اكو اثنين بسياره 

يباعولي ويضحكون واحد كال 

؛ياحلوه بدك نمرتي واله انتي بتعطيني نمرتك وبنحكي بالليل 

انا درت وجهي الثاني گال 

؛يي ان شالله تئبريني ع هالخجل شو هاالجمال ياحلوه طلي علينا اووف ليش هالدلال 

الثاني يكله //نيالو هالدب ياريتني كنت مكان هالدب بس المهم بكون بحطنك 

والثاني يكله /:من يوم يومك دب هالفراوله بدها واحد متلي بيدللها مو دب متلك ومتل هالدب الي تاركها هوني

مامنتبهه بس حسيت واحد شمر العلاكه عليه وراح صوب هذوله الثنين 

نزلهم من السياره واويلي صار يطخ بيهم ويكللهم 

::اليوم الدب يسويكم فيران 

وصار يتضارب هو وياهم الناس التمت وفضوها وهو يتوعدهم ويكلهم 

::لو انتم زلم تانوني لو الحكوني ياالله 

همه راحوا بعد ان اتدخلت الناس وانا بقيت ارجف ركب بالسياره وهو غادي باروود وكوه لازم نفسه باوعلي ويخزر

بيه من شافني 

ارجف كلي ::كافي شبيج لا تخافين همه ناقصين وطيحت حظهم كافي لا تخافين 

انا هدئت شويه وهو عدل قميصه ورد شعره ليوره ومشينا بالسياره 

ويدندن ويه اغنيه بس انا ولا يمه من الخوف 

اباوع شفت محل يبيع مثلجاات كتله = اياد انزل اشتريلي 

كال بدون ما يباوع ::مو زين عليج ما سمعتي الطبيب من كال التهاب بصدرج 

= عفيه حباب الله يخليك 

كلي ::لو تموتين ذاك اليوم جان انتهيتي وكله من اكل العصير الجامد لو ما ستر الله هسه تردين اشتريلج

انا برطمت ردت ابجي مو لان ما اشترالي بس حسيت بي شكد

يحبني هو شافني عباله برطمت لان ما اشترالي كلي ::اسكتي بابا كافي لا تبجيين بس تتحسنيين اجيبلج كيلوات 

انتي بس طيبي ولا تزعلين

ورجعنا للبيت وطلعت علاكة الفلافل وكمت اكل كانت كلش طيبه اجه 

اياد يمي وكام يأكل باوعتله يأكل بس حزين عرفت أتذكر لمن عيرته وكتله بخيل

طبعا بذيج اللحظه استحيت من نفسي صرت اكل وانا مدنكه 

وخلصنا ورحت للغرفه غيرت ملابسي واجه اياد وراي شفته فتح الميز الي يم الجربايه وطلع السبحه الذهب الي 

لابستها برگبتب وحاجاني 

،اياد::بثينه هاي السبحه لگاهه يونس بره لمن اجه ثاني يوم الصبح من وكعتي وجاب الطبيب لكاها بمكانج بالحديقه 

انا اتفاجات من شفتها لان بصراحه ولا تذكرتها ولا كأنما كنت من أنام اتلمسها وأظل ابجي

= ليش شكد صار لها واكعه مني وانا ولا حاسه عليها

اياد كلي ::هي جانت مگطوعه وانا صلحتها

،انا كتله بدون نفس =شكرا 

اجه يلبسها الي كتله = عوفها اياد ما احب البسها 

اياد ::ليش مو دائما اشوفج تتلمسين بيها 

جاوبته بتردد = اي عادي انا من البس شي بركبتي اتلمسه اخاف يوكع 

وهاي بيه حاله من انا زغيره ضاعت مداليتي وصرت من البس اي 

شي عبالي يضيع بس هم شكرا 

جاوبني ::العفو عيني تدللين 

حاولت الطف جو حاچيته وانا اضحك 

= شكرا مو لان صلحتها وبس لا شكرا لان نطقت اسمي 

هو باوعلي واتحسر ::اذا مجرد ما اكول اسمج يخليج تطيبين اعتمدي كل ثانيه راح اصيح باسمج 

ورجع السبحه للميز وانا ما اهتميت الها لان مو هي الي جابها بابا ولان فعلا صارت ما تعنيلي شي 

و استمرينا بحياتنا الروتينيه ما تغير شي بس اياد صاريريد اطلع اغير جو وانا ارفض كأنما اعاقبه

وهو ابد ما تقربلي ويوميه بالليل يروح ينام بالغرفه الثانيه وثاني يوم الصبح الكا نايم يمي عه الجربايه ومتغطي ابحده 

هذا الشي كان يضحكني

و استمرينا أكثر من شهرين ساعات افز بالليل الكا حاضني 

ومرات الكى وجهي بصدره

ونفس الشي ما يقبل اطبخ يجيبه جاهز ويسالني اذا اشتهي شي 

يجيبه اليه وسعاد ويونس دووم يزورونا 

فد يوم اجه اياد الساعه بالاربعه العصر 

هو عنده لابتوب خاله بالغرفه الثانيه انا ولا يوم اتقربت اله لان هو فهمني انو مخلي بي رقم سري هو والنقال ابد 

ما اتقربلهن خو النقال حتى من يدخل للحمام يقفله فما كنت اتقرب الهن 

اياد فتح الباب وبوكتها كلش متوتر ودخل للغرفه الثانيه وصاح علي 

.اياد ::بثينه تعاي اريدج 

.....من شفته عرفت بي عصبي خفت من نبرة صوته رحت كلي .....

::تعاي كعدي اهنا يمي (اشر ع الجربابه )

انا كعدت يمه بدون ما اجاوب عرفت هو يريد ياخذ حقه مني كزوج بس بنفس الوقت صرت ارجف لان اعرفه شلون 

يغتصبني ويذلني 

كعدت وانا مرتبكه هو مشغل اللابتوب وكلي ::ليش خايفه شكو ما اسويلج شي ردت بس اراويج

(واشر ع اللابتوب وكلي )باعي

صرت اباوع وانا ما مهتمه شفت حفله صاخبه بيها ناس تشرب وناس تركص وشفت راقصات بملابس مخزيه 

يعني حفلة عيب الي مثلنا انا واياد يباوع الها

اياد قربلي صورة واحد يتمشى بين الراقصات وكأس بيده يشرب بالراقصه ويشرب وراها ويروح الذيج نفس الشي 

وهو يتمركص ولابس بنطلون وقميص وفاتح الدكم ولابس كلاده قرب الصورة شفته عرفته انا صرت

مثل السعفه ارعش 

،اياد بهدوء وبتشفي ::عرفتي مو 

انا جريت نفس وخزرته ورديت علي وانا ارجف وحتى صوتي يرجف

= اي عرفته ،،،،فتحت عيوني اثنينهن علي لان انقهرت من نبرة التشفي الي حاجاني بيها كتله

= تره انت مو احسن منه جاي تتشفه بيه 

سد اللابتوب وباوعلي وحاجاني وهو يرجف من العصبيه 

::اسمعيني زين انا ما اتشفه بيج حبيت تشوفين الحقيقه بعينج 

،انا بنفس العصبيه = وشفتها وشنو بعد شعندك مو كافي ما شبعت من مذلتي واهانتي اي شفته خلص اياد انت الي 

ربحت وانا خسرت وخسرت كل شي شنو بعد عندك

اياد وكف وجر حسره ::سلامتج ماكو شي انا رايح احجز طيران نرجع البغداد وبس نوصل انزلج يم اهلج ما راح 

انزل وياج ولا امر بيج ومن يسالوج تكولين اياد راح الاهله وتبدين تتشكين مني 

معذبني مجوعني يشك بيه واني تلث تيام وادز خبر ما اريد بتكم

وانتي تكولين هو رادله وحده بلبنان وتاركني وكاضيها يمها وهسه

قرر يتزوجها بس هي الظاهر من عرفت بي متزوج شرطت علي إلا يطلكني 

وشبعني ضرب وتكفخ اي بالمختصر خلي الصوج بيه على مود بسرعه نتطلك وترتاحين مني

انا بقيت مدنكه وابجي بسكته ما اعرف من الشفته لو من السمعته من اياد 

رديت علي = اخاف مثل ذيج المره تسوي بيه 

هز راسه ::لا بثينه ذيج المره اتصرفتي من نفسج ردتي اطلگج وتاخذين سعد لكن هسه لا متاكد من نتطلك راح 

تختارين صح 

بقيت مدنگه وابچي بسكته هو طلع وصل الباب الغرفه ورجع اتقرب مني وكعد بصفي

مسح دموعي بايده حسيت يريد يحظني هو رجع شغل اللابتوب

كلي (كملي الفديو بي مفاجئات هواي )

وطلع من الغرفه سمعت اجا اتصال اياد رد :: انتظرني هسه جاي

انا صفنت واحجي = معقوله اياد راح يطلكني يعني ارجع الاهلي 

(ضجت وانقهرت )اشو انا مهتمه شلقضيه شنو مو هذا الي انا أريده

رجعت الفديو شغلته وانا اكول =سعد الحقير الناقص انا اتعذب ويوميه تنهان كرامتي ضرب واغتصاب وانت كاضيها

شرب وسهر اونسه يانذل اتمنى اشرب من دمك 

رجعت شغلت الفديو مره ثانيه وانا اشوفه شلون فرحان ومتونس وانا عايشه بقهر وذل اباوع وانا مقهورة واعض بشفتي واحس نار تطلع من كلبي 

خلص التصوير وانتظرت التسجيل الثاني اشتغل جان عيد ميلاد طفل وسعد شايله وهو يبوس بي وسعد يغنيله ويكله 

بابا حبيبي طفي الشموع وأطلب شتريد

وطفى الشموع واجت وحده كان مبين عليها امه للطفل 

وسعد حضنها ويبوس بيها بكل حب ويكلها 

انتي ونائل أغلى اثنين بحياتيى

وهي تبادله الحب وكانت حفله كبيرة ومبين بيها ناس وشخصيات واصله 

بالمجتمع انا اباوع وروحي تريد تطلع كعدت بالكاع وانا ابجي واغم بروحي

= امداني هذا الي حاربت اهلي على موده الي تحملت قساوة اياد واجرامه بيه الي فقدت احترامي النفسي صرت 

اشوف نفسي إنسانه رخيصة وانا اشوف اياد شلون يتلذذ بيه ويعاملني معامله وحده رخيصه

وانا اتعذب على مودك وانت طلعت بكل هاي الحقارة زين ليش وشتريد مني وش معنى انا بالذات الغريب 

انو التصوير من أشهر قليله

وانوب شفت تسجيل لاخ وهذا هو الصدمه الحقيقيه والمفاجئه الخطيرة الي كانت فعلا مذله بمعنى الكلمه 

ومهينه مهينه للغايه 

الفصل الرابع والعشرون من هنا 

شكرا لزيارتكم عالم روايات سكيرهوم