رواية بيوت الصفيح الفصل الرابع والعشرون بقلم زهراء السراي
بين إيدين الحبيب
تسكت كل الضجة اللي بداخلي
وكل شي قالقني يهدأ بقربه
أحس روحي تتنفس وگلبـي يبرد
وجوده مو بس حضن
هو أمان وطن صغير يبدد خوفي
بحضنه
ماكو داعي أشرح تعبي
ولا أجمل دموعي
بس أغمض عيوني وأرتاح بلا شرح
ولا تبرير
أحس الدنيا تضحكلي بوجوده
كل شي يكون بمكانه كأنه هو خارطة حياتي
وكرتي الأرضية
.
.
.
.
نزلت الستوري عالانستجرام بعد ماخليت
بي صورة لحيته ورصعة فكه وسويتلة تاگ
شويه خلالي لايك ودزلي رسالة
-ياااااااابويه هاي كلها آني
-اييييييي يابعد روحي
بالله بهالمناسبة السعيدة
تگدر تفتحلي كاميرا
فتح كاميرا ويصور المكتب
والزبائن تفتر
غلقها وبقينا عالاتصال
-ها اطمأن قلبج
-ايييييييي
-ولج انتِ الحبيب الأولي
-اني وعشرة آخرون حبيبي
-هيج صارت
-ايييييي عيووووني
اگلك نومي
-گولي العرمة
-اريد لوز أخضر
-بهالحررررررر وين اكو لوز أخضر
-هاااااا حباب شبيك
-ولججججج ماكوووو
-ليش تصيح
-رااااح تبجييييييين مووو
طگيت بجي وسديت التلفون
وتمددت أرتاح حمادة يلعب حواليه
بغرفته گاعدين
اجاني مسح دموعي وباسني
وتمدد بصفي يباوع بتلفونه
حضنت حمادة وسرحت بذيج الأيام
اليوم اللي اجيت بي لبغداد
علمود الامتحانات الجو حر
وايمن مستعجل حتى نطلع على
برودة الوقت مااخذنا حمادة بقى
يم عماته حتى ميتبهذل بالطريق
اول مصعدت السيارة بيها
ريحة غريبة تحرك مسافة وتذمرت
-اكوووو ريحة موووو طيبة
-ماكو حبيبتي
-والله اكوووو شم شويه
بقى يشمشم ماكو
-لج حتى معطر ممخلي بالسيارة
-زين افتح الجامة
-فاتح تبريد حبيبتي ميصير
-والله ررررريحة ايمن
باوعلي ضاحك ويلعب حواجبه
-هاي شعوووط گلبي من حررررارة حبج
-ولك لعبت نفسسسسسي
وگف على جانب الطريق فتح الجامات
-شبيج حبيبتي
-شو نفسي تلعب
-لأن مااكلتي شي
-يمكن
- هسه نوگف يم مطعم ناكل شي خفيف
تحرك ماشي وترك الجامات مفتوحة
مسافة وتوقف نزلنا طلبنا ريوگ اعتيادي
اكلت شويه بيض وجاي وارتاحينا ورجعنا
عالطريق ماكو مامرت نص ساعة
وأحس روحي راحت من گد ماصابني
غثيان ومااگدر احجي مديت ايدي لزند
أيمن گرصته بكل قوتي
التفت وداس بريك بس شافني مكفية على
نفسي لازمه معدتي
دفعت باب السيارة واني افتحه
وانفجرت معدتي بتقيأ مؤلم
انخبص هو يحير شيسوي
-شبييج غنوووة شو باوعيلي
بيده كلينكس وبطل مي يغسلي
راحت روحي گوه رديت
-يمكن تسممت
-مو اكلت وياج اني
دخل للسيارة فتح ابوابها وبقى
واگف
-ارتاحي فتحي حجابج ماكو سيارات
فتح حجابي وبس شعري غطاه
ربع ساعة وتحركنا شويه مسافة تكررت نفس
الحالة تخبل هووو
رجعني ليوره عندة كوشة عالكشن
خلاها اليه ومددني وره
-هاي من حركة السيارة يمكن تلعب
نفسج ارتاحي غمضي عيونج
غمضت عيوني وتحرك بينا
صدگ ارتاحيت غطيت بالنوم
ساعتين تقريباً
وقريب بغداد صحيت
-لتتحركين ابقي متمددة
-لا اجي يمك
وگف صعدت يمه وكمل الطريق
ببوابة دخول بغداد
حسيت روحي راحت
غمضت عيوني بتعب
لحد موصلنا البيت فتح الباب
دخل السيارة وفتحلي الباب
-شو نزلي وجهج اصفر
سندني ونزلت دخلنا جوه
شغل السبالت بس بردت واني متمددة
ارتاحيت متمددة علي رجله وهو گاعد
يتصل يوجه الموظفين خلص وباوعلي
-راح اجيب الجنطة نغير ملابسنا ونرتاح
واجيب غده
-تمام
راح ورجع ايده فارغة وگف
بالباب متخصر
-غنيوة وين الجنطة
-مو انطيتكياها خليتها بالسيارة
-يمتى
-بالبيت هناك
-فكررري بالله
صفنت بوجهه وتذكرت
-نوووومي
-احتررررگو اهل نومي راح نبقى مصاليخ
-لك عييييب
-اوووويلي اجت عدلة مااااااكو هدوووووم
يعني ماكو نووووم
باوعتله وضحكت ضحكة شريرة
-اكوووووو
-ويييين الكنتور فااااارغ
-دقيقة
تركتة ورحت لغرفة النوم
من سومة اجرت البيت خلينا يمها الاثاث الزايد
وملابس وكم حاجة خفيفة خليناهن ببيتنا
دخلت بسرعة للغرفة وباوعت للكنتور
صِبى محتفظة بغراض قديمة لأمي
مشط وقراصة بلاستك وثوب
بسيط ملابس طفولة مُنى شهايد
المدرسة وهوايه نواعم من ضمنهن ملابس
لخالتي واول عباية اشتراها فرقد لصبى
تزور بيها باوعت
ماكو ملابس باردة غير ملابس خالتي
الباقية بالخانة طلعت قطعة وحدة
دخلت للحمام بسرعة أريح نفسي من الحر
لبستها
وطلعت للغرفة بسرعة وشعري مبلل نثرته ورجعته
ليوره
اباوع لبسي خزززززي أبد ابد مو مناسب
لگيت العباية مال صِبى لبستها وشمرت
شعري ليورة حتى ينشف
توجهت للصالة أشوفه
باوعتله ضارب ركن يم الباب
ويدخن أبتسامة لعوب أنرسمت على وجهه
وهو ينفخ الدخان
خلة الجگارة بين شفافه وطگ أصبعتين
يغني بصوته المزنجر
-ذبي العبااااية
ذبي العباية
ياحلوة الحلوات
ذبي العباية
سوي علية أحسان
ذبي العباية
نزلت راسي ونثرت شعري ورفعت راسي
على منظره وهو دايخ يباوعلي متوقع
الثوب الخليع تحت العباية
تحركت واني اهز برگبتي واضحك عبالك ديج سكران شمرت العباية
الصدمة أعتلت وجهه وهو يضرب جبينه ويصيح
-لبسي العباية
سوي عليه أحسان
ولبسي العباية
ياعوبة النسووووان لبسي
العباية
ضحكت على وجهه المصدوم وهو يشوفني
لابسة ثوب خالتي اللي ندخل بي اني ويا
من الكبر ومشجر ورد أحمر بتركوازي
ضحك وهو يتقدملي
-والله مااخذ عقلي غير
لمحة الجنون بهالراس الحلو
گالها وهو يسحبني اله وينثر بشعري
-شهالثوب الحلوووو
-عجبك بيبي
-يابعد رووووح البيبي بس اني
شلبس
-حاااارة ابقى بالشورت
-عشر ايام هنا لج شلبس
-نطلع العصر نشتري كم قطعة
-اييييييي بت التاجر نشتررررري
قطييييني
-عندك واحد عزيز غيري تصرف
علي
-اييييييييي
-هااااااا منووووو
-شعري اليسواج ………
قاطعته واني امرر اصابعي بشعره
-فهمت اليسواني ويسوى عشيرتي
روح عيوني شارو خان اسبح وتعال
بين مادخل يسبح اني غطيت
بالنوم ماحسيت علي الا وهو
يدغدغ بخصري
-گعدي نتغده جووووعان
گعدت ونسيت الدشداشة
عثرت بيها ووگعت على رجليه
-اسسسسم الله شبيج غنوة
-البخييييل لو مشتريلي دشداشة
وانت طالع
باوعلي بنظرة اعرفها هالنظرة
الشيطانية
-جبتلج تلگيها عالميز بالغرفة
رحت للغرفة اباوع علبة شفافة
جلد وبيها كارتونة معروض عليها
الموديل اخذتة ورحت للصالة
-شگالولگ جايب وياك صافيناز الراقصة للبيت
-يخبل شبيج حارة
-لا حبيييي شبيها الدشداشة
-اعوووذ بالله شگد نحسة
تغديت واني اضحك علي
وعلى دشداشته
للعصر لبسنا وطلعنا جبنة كم قطعة
نمشي بيهن امورنا وبديت مراجعة
للأمتحان ماكو ساعات ولزمتني
معدتي مرة ثانية
-امشي نجيب لبن اكتيڤيا وحب
گرط من الصيدلية
-تمام
لبست وطلعنة نزلنا بالصيدلية
سألتني البنية الصيدلانية
بعد محجيت الاعراض
-عندي غثيان صار اكثر
من مرة ومعدتي حييل اذتني
-اكلتي شي فاسد
-لا اني وزوجي اكلنا نفس الاكل
باوعتلي واشرت اتقربلها
همست
-خاف الشهرية تريد تجيج
-لا تأخرت شويه
-يمكن حمل
صفنت بوجها وأيمن لگط الكلمة
وكف بصفي اشرلها
-خمسسس تحاليل منزلية
ندسته لأن انفضحنا
طلعنا وهو صافن
صعدنا بالسيارة ومشى سااااكت
-يمممممه خووووفتني
-ولج معقولة صدگ
-لا شبيييك والله من الحر
-لتفاولين انجبي
وصلنا البيت وهو بيده العلاگة
خلاها بيدي ودفعني للحمام
-باوعي التعليمات وكلهن سويييهن
-لك ايييمن تخبلت مااااكو شي
-هسه دسويهن شراح تخسرين
دخلت واباوع بيهن
قريت التعليمات نفذتهل على ثلاثة
بنفس الثواني طلعت الخطوط
خطين حمر واضحات
رجعت اتأكد من العلبة خطين
يعني ايجابي
طلعتله وجهي مغيم
بهتت ملامحه
-ماكو شي مو
-ايييي للأسف
صفن ووگف بمكانه تحركت امشي گدامه
وخليت ايدي على بطني واني احجي بتلاعب
-امشي ماما ابوكم صفن خطيه وانتم جوعانين
وجه نظره اليه وركضلي
ركضت للصالة وهو لاحگني فجأة
استوعب وصاح
-العررررررررمة حاااااامل لاتركضين
وگفت اضحك مشالي بسرعة شالني
-احلفي
-وعيونك حمل
شالني ومشى بيه للقنفة گعدت بصفه
سندت راسي على كتفه
وجهه يشع سعادة ومبتسم
-فرحت
-شلون ماافرح اخو لحمادة وابن اليه
ومنين منننننننننج
انت مستوعبة بأعتى الخيالات والاحلام
ماجنت اعتقد نرهم سووووه
-حقك شجاب الدبس على الحليب
باسني بقوة وطبطب على خدي
-انخلطن ورهمممممممممن
-غصبا عليك يرهمن وتعال راجعلي
ولك راح اررررسب
گعد يراجعلي وكل شويه يسرح بسبب
الخبر ووجهه مملي رضا وسعادة
الصبح الطريق للأمتحان يمشي
على كيف خوفا عليه
-ايييييمن امشي الطفل مامعلك بخيييييط
-العررررمة ميصير اسرع مو زييين عليج
امتحنت ورجعت اتصلت بالبنات
وأيمن اخذني زرنا أسد
وشفت البنات فرحناهم بالخبر
ورجعنا للبيت وجه صِبى مجان عاجبني
وحتى مقريت عدل للأمتحان الثاني
أيمن منتبه وعيونه مركزة ويايه
-شبيج غنوة
-صِبى تعبانة مبينة
-حقها زوجها ورة شهرين زواج اضطر
يشيل ورم دماغي
-لا اكووو شي وجها شاحب
وكأن الحياة داخل عيونها انطفت
-دقررري امتحانج حبيبتي ليظل
بالج
باوعتله ومرت رييحة خبز عروگ بخشمي
-اريد خبز عروگ
-هذا وحام لو هيج حسيتي
-عبالك ريحته بخشمي
-وحااااااام لتحكين وووووجهج وتطلع
گرصة عروگ بوجه بنتي
اخذني وطلعنا جبنه خبز بالسيارة اكلت
وحدة
بنص الطريق للبيت تقيأتها
-ماااااكل بعد ابببببببد
-اكلي وذبي الاكل عادي المهم
تاخذين فوائد
رجعت اكمل امتحاني والايام تبعتها
أيام لحد مكملت رجعنل الطريق جان
عذاب صح يمشي بطيء بس اني مااتحمل
بس ارتاحينا بعد يومين راجعت
وكلام الدكتورة اني حامل ببداية
الزواج وحالياً بنص الشهر الثالث
عناية واكل وفيتامينات لكن جسمي
رافض نساوتي عبارة عن غثيان
شديد مااتحمل العطور ولا ريحة
الطبخ اللحوم گطعتها المي مااشربه
معتمدة عاللبن وعصير ڤيمتو املي ثلج
وأشربه الشامبوات الصابون معطرات
الجو لغيتهن من حياتي اسبح بشامبو
اطفال بدون عطر واغسل بصابونه
اطفال وحمادة وأيمن مبتلين بيه
وقت أعلان الخبر عزم اخواته
جاب اكل جاهز حتى مااتعب والكل
فرحان متصلين برهام ونطت وحدة
منهن
-رهام اليوم الطبخ دليفري غِنى منا
لمن تجيب أيمن بايع حتى المكتب
ويه كلامها دخل أيمن ضاحك
-ينباع المكتب فدوة الها وللبطنها
نجيب غير مكتب
-شنووو أيمن النسوان اول طيحتها
وهيج صاير سيف لمرتك
گالتها بضحكة وأستهزاء
سكتت اني مارديت وماقللت ادب
والا اني قادرة اسحلها سحل
باوعلي واشرلي بعينه اطلع
طلعت بره لصالة بس الفضول
اخذني ووگفت اتسمع
اسمع صوته الهامس واصلي
-يبنات اني مو اخيجن الوحيد
وانتن الباقي من اهلي وماعندي غيرجن
بس يابويه هم انطن البنية ريگ حلو
بكل شي بسمار وبكل كلمة تقصدن
ذيج السالفة انتهت غِنى هي ارادتي
تفهمن عليه اني ردتها
لا والله مو بس ردتها طلبتها
من رب العالمين طلب وتمنيت حملها
امنية وتستاهل اتعبلها مثل ماتتعب ويه
ابني لذلك حتى نحافظ على خوتنا
مثل ماهي مؤدبة ومحترمة ويانا
نحترمها احنه موووو
بقن يعتذرن ويحجن ويا اخر شي ضحك
وگللهن
- تعالن انطني كل وحدة بوسة راح تصيرن عمات ابني الجديد
الحيايا المسمومات
ارتفعت ضحكتهم واني مشيت
للغرفة احس مي بااااارد وگع على
گلبي ونقطتين طيرن گلبي سعادة
رفض اهانتي ومخلاني اشوفه وهو يحاجي
اخواته
سمعت صوت خطواته اول مفتح الباب
حضنته وكأنه بگلبي حضني وباس راسي
-هاااا جنتي تتسمعين العرمة
-تدري شگد احبك
-لا گليلي
-ماااعرف بس حب مينقاس
-تدرين شگد احبج مااگلج شگد
بس زدتي تقدير بنظري رغم كم مرة
اسمع واشوف شويه تجاوزات وتدخلات
مايوم تجاوزتي ولا غلطتي هيج
خليتي الحق عالغلطان
باسني ورجع كمل
-رغم عرامتج ولسانج اللي يشرد بلد
طلعتي ذكية وتقدريني
-مو بس اقدرك
-هاااااااه يااالله شكو بعد
-واروحلك فدووووة هم
ضحك وهو يبوس بطني
-اگلج يمتى تصيرين بطرررريق
-بعدددد مو هسع بس باوع
خصرت الدشداشة على بطني
بارزة شويه
-شني هالبطن الحلو اكيد شايله
عشرة توأم
-لااااااا واحد وبنية هم
-ياااااريت بنية وعلي هيج وتطلع
تشبهج ونفس الصلافة واللسان
-هنيالك علينا
-اي والله هنيالي
ومرت الايام البنات لزمن حدودهن ادري
ميحبني بس احترام لأخوهن
واني العليه تقديرهن وضيافتهن
وكلام صِبى نفسي گالت قدريهن
اكراماً لأيمن
نساوتي صارت على خمول
مااگدر اتحرك هوايه أيمن وحمادة
صارو ايدي اليمين يلملمون ويرتبون
وميهوسون البيت وحمادة من ابو بالشغل
يبقى رايح جاي ساعة يجيبلي
مي ساعة اكل يقلد ابو
وبسبب هالشغلة صرت مگابلة
التلفون أتصفح
وبيوم هيج من لا شيء اجتني
فكرة سويت حساب فيس بوك
وهمي سميته زهرة النرجس
ودزيت صداقة لأيمن
يومين وقبل الطلب گمت
عالخاص دزيتله
- هلاااااو
مارد عليه رجعت رديت
-شدعوة هالثگل
نص ساعة ماكو تنفست براحة الحمد
لله ميتراسل
شويه ورن التلفون برسالة
منه كاتب
-هلااااااوات يااااابه
انعصر گلبي وأحس روحي
طلعت رديت
-هلاو احب اتعرف عليك
-هاياني گدامج اسمي وشغلي
وتحصيلي الدراسي كلع مبين
بالصفحة انت عرفيني بنفسج
-اسمي نور علي
-اهاااااا وبيا صف
-رابع اعدادي
-اوويلي قياسااااتي هيج عمر
اي نور شعجبج بحسابي واجيتي
تراسليني
-صورك حلوة بس شفت
صور مسويلك بيهن اشارة
شنو متزوج
-اي زواج بالأسم يعني هيج
وهيج گدام الناس
-مفهمت
-يعني علمود الجهال باقين
-ليش شگد عندك
-ثلاثة بنات زوجتي
مهملة لذلك عايش وياها هيج
شلون ماكان وحااااب اتزوج بلكي
يجيني ولد
-شبيهن البنات حلوات
-الا بناتي طالعات على امهن يطيرن
النعمة من البيت
-ليش هالگد مو حلووووة
-اييييييه الصبح اتركها واطلع بسرعة
حتى لا اشوفها وتطير بركة شغلي بهاليوم
-طلگها اذا هييييييييييييج
-لا مااطلگها تربي بناتها واني اعيش
حياتي
-شگد عمرك
-٢٦ سنة
-شاب بعدك
-اي ابحث عن بنية فرفورة هيج عمرها
١٦ مثلج
-امممممم
-يابعد الأممممممم من رخصتج
زوجتي العوبة اجت يمي
اختفى من المحادثة واني بقيت اكل
بنفسي ساعة اگول خاف كشفني
وساعة اگول هذا صدگ يحب هالسوالف
لحد مارجع للبيت دخل يسبح
فتحت التلفون هلاااااااو بي رممممممز
معناها يحجي صدگ
تركت التلفون وگمت اخليلهم غدة
طلع من الحمام التلفون ويا يبحبش
تلفوني يمي هزاز دگ برسالة
-العوبة نامت شخبارج
شفت الرسالة ومارديت
خليتله الغده وطلعت للغرفة
-ماتتغدين
-التبسي بي لحم مااگدر اكل
تمددت وجاوبته
-اوووي العوبة ليش باقي وياها لعد
-گتلج علمود البنات شوفي
گام ودزلي صورة بنات اخته
-ذني بناتك
-ايييي واريد اخاويهن
بقيت احجي ويا لحد
مااجه للغرفة حمادة نام
وهو مدد حاضني وايده على بطني
-يمتى يشرف الحلووو
-هسة بنص الرابع اني راح اسوي
سونار هالايام بس تفرغلي
يجوز تطلع بنية تشبهني
-يهنيالي والله
سكتت واني اغلط علي بگلبي
المنااااااااافق الخبيييث
رجع العصر للشغل محجه وياي
بعد ثاني يوم كملنا والثالث والرابع
يصادف يوم جمعة بالليل گلي باجر
عطلتي ونتراسل
اول مگعد راح للمطبخ
واني بقيت بالغرفة هو الجمعة يسوي
ريوگ متعود
-صباح الخير نرجستي
يااااااكلب نرجستك سليمة ياخايييييين
رديت
-صباح الخير نوميتي
-شنو اليوم گاعدة من وقت
-لخاطررررك حبيبي
-اريد اشوفج نرجسة
-مااگدر اهلي ميخلوني اطلع
-ليييييش لازم اشووووفج
گعدت ابحوش صور حقيقية من گوگل
ودزيتله صورة بنية ايرانية حلوة
-شنوووو هالجمال
-وانت دزلي صورتك
شوية واجتني صورته بس بالشورت
وهو بالمسبح
-متستحي تدزلي هيج صوررررة
عبالي يرد اجاني صوته وهو واگف بباب
الغرفة يباوعلي تك عين
-ليييييييش تستحين بربوگ
حتى بدون الشورررررت شايفتني
غطيت وجهي بسرعة وعرفت راح انكفخ
ركضلي وشمر نفسه بصفي
-فتحي الغطه لجججججج
-حباب
-ابببببد مو حباب يلا لج
طلعت عيوني وشويه من كفشتي سحبني
من شعري
-خلي ببالك اني زووووجتك وحاااااامل
گعدني وكفخني راشدي طياري
-ها نرجوسة العرررررررمة
عبالج تعبر عليه صفحة ستوج مسويتها
وجماله تگولين اسمي نووور علي
خلي ببالج نور علي وسارة احمد
اكثر اسمين موثقة عالفيس واغلبيتهم
ولد لذلك ماتعبر عليه يابربوگ
-ابوووووو البنات بسرعة رديت
-لأن عرفتج من الفرااااااغة تسوينها
-عمرك ٢٦ يا لووووتي
-عمرج ١٦ مووووووو
نطحني كلة وحضني
-گلت اونسج ذيج الأيام نگضي وقت
-والرمز
-رمزيش هو غير من الواحد للخمسة
بس انتِ عوووووبة
تعاااااي لج
سحبني بحضنه يعدل شعري
ونسولف بهاليوم العصر اكتشفنا جنس
المولود ومثل متوقعت بنية
جنت طايرة وهو فرحان بيه
بدت حياتي تترتب بالمسار اللي
قرره رب العالمين اليه
والحمد لله
فزيت من ذكريات ذيج الايام على فتحة الباب
حمادة نايم وأيمن اشرلي
-تعاي حبيبتي
گمت اتگلب ببطني الصغيرة بالشهر
السادس حالياً ولازلت اتشهى
سحبني من ايدي وحاوط اكتافي
باس راسي
-اعتذر لأن صيحت عليج
شووو تعاي شوفي
اباوع صينية بيهة لوز اخضر عالميز
-منيييييين جبته
-واحد من الموظفين يگول احنه نجمده
بالموسم مالته خلي
يذوب الثلج واكلي
حضنته وهو يضحك
-هاي بنتج عرمة مثلج من هسه فارضة
شخصيتها وتتگلب عليه
-شعندك غييييرنا
باوعلي مبتسم يعدل بشعري
المهوس
-لا والله ماعندي غيركم
باوعتله وحمدت الله برسي
هذا الجميل الأسمر
اللي سلب گلبي بصداقة ثم
حب هذا تعويضي اللي
رب العالمين حفظه اليه
بأقدارة الجميلة
حبيبي
عمري
صديقي
وفارس الاحلام
.
.
.
.
.
.
.
صِبى
_____________________
"أدركت بأنه يمكن للمَرء بأن يركض من أقصى قُطب في الكُرة الأرضية إلى القُطب الآخَر
فقط لأنه يُحب
وأدركت أيضًا بأنه قد يستثقل حتى خطوة الخروج من غرفته
فقط لأنه قد خُذِل
.
.
.
گاعدين عالسرير ومادة رجل وبيدي
جهاز الشد أشد وأرخي أصابعخ
ووجهه مبين علي الألم
الوقت المحدد نص ساعة بس
هالنص ساعة تصير أعصابه بيها
مثل البارود وينفث النفس كأنما
جان بحلبة مصارعة شديت اصابعه
حيل صرخ بقوة
-كاااااااافي وخرررررري
باوعتله ورخيت الجهاز وكملت الدورة
الثانية وبديت بجهاز المساج
هدأ وحتى وجهه اللي جان محتقن من الالم
باوعلي وماكلف نفسه حتى
عناء الاعتذار
-حرك اصابعك
حرك اصابعه وتقريباً نص كف رجله
باوع متعصب
-شفتي هااااااي ثالث شهر وبس اصابعي تحركت
-ايييي شفت بس گول ياالله
خزرني وكأني السبب بهالتعب
تركته ووگفت لملمت الأجهزة
هاي من خلصو البنات امتحانات وحمزة قرر هالشهر
يگعد وميستلم اي شغل ونخلي طاقتنا
وجهدنا كله لأسد حتى نختصر الوقت بعلاجه
هالشهر حوله لشخص ثاني
شخص عصبي سريع الغضب يوصل احيانا
لحد التجاوز واحنه منطي العذر التمارين صعبة
والعلاج طول عكس كلام الدكتور گال شهر ويگوم
يمشي وهاي احنه بالشهر الثالث وهو بعده يادوب
يحرك اصابعه
شلت الاغراض خليتهن على جهة باوعتله لحيته
طولانه وشعره عالي ميقبل نسوي اي شي
تقدمت گعدت عالسرير
-تدخل تسبح وترتاح اسويلك لحيتك
باوعلي رافع حاجبه معاجبة كلامي
-شنو الراح يتغير منو يشوفني ويييييين
طالع
-موووو شرط تطلع او يجيك احد انت لنفسك
نفسيتك تتحسن
-مااااااااااريد
هالحالة تكررت اكثر من مرة يرفع صوته
بمواقف متحتاج أعصاب
-براحتك
ماحسيت بس بالتيبل لامب اللي بصفه عالسرير انلطخ بالحايط
-بكيييييفك برررررااااااحتك بسسسسس هالكلمة على لسانج
مشيت للگاع رفعت المتبقي من الكزاز شمرته بسلة
الزبل
-متردييييييين تگولين هذا عاجز مااريد اناقشه
-اسد الله شويه ارتاح ادري بيك تعبان
بيده كرة يضغطها علمود تقوى اعصاب ايده
على اثر كلامي شمرها ناحية الكنتور
التفتت غمضت عيوني تعبانة اني هوووايه
تعبانة أحس بالأنهيار بداخلي بس
مظهري يوحي بغير شي
ردت أطلع صاح بغضب مكتوم
-مليييتي موووو مليتي وتردين تطلعين
هديت نفسي ورحت يمه اعدل المخدات ورا
-لا بس انهبطت من شمرت التيبل لامب عليه
باوعلي مستغرب وكأنة أستنكر كلامي
گاعد يتابعني بنظراته مو ندمان
ممبين علي الندم بس مشوش
ومليان غضب دفين كأنه جان مكتنزه حتى يطلعه بوجهي
رجع يتنفس بعصبية ويحاول يبرر لنفسه
-مو علييج شمرته لتحاولين تغلطيني
-عادي ولا يهمك
ابتسمت وهو انفجر بكلام يجرح
-كل هذا التمثيل حتى تحسسيني بزعلج
-اي تمثيل
-تغيرين ملامح وجهج وعيونج تنفجر شرايينها حتى تحسسيني بغلط ممسوي
-ومنو گلك انت غلطان انت بوحدك جاي تحس
هالأحساس باوع لأعماقك وشوفه منين نابع بالله
- يعني لو اني جنت رجال كامل وبعدني بقوتي
ما جنتي حجيتي وتجرأتي تغلطيني
بس لأن تعبت مليتي مني
وصرتي تدورين الحجج للزعل
- لا غلطان لو حتى جنت بعز قوتك وغلطت بحقي راح اواجهك مااخاف ولا اتردد
- كل شي اني وكل الاغلاط بيه يعني انتِ ملاك
ما غلطتي عمرج كله
-اكيد أغلط بس من أغلط ارجع اصحح اخطائي
وارجع للمسار الصحيح حتى مااجرح واتعب الي احبه
باوعلي بعيون تجدح شرار وغضب
- شتريدين أركع وأبجي أكلج آسف
گلتها الف مرة صِبى ماكو داااااعي اعيدها
لكنج رااااافضة كل سبيل للصلح
- مو كل شي ينحجي أسد بعض الاعتذارات لازم تنحس وانت حتى اعتذارك تحسه عبالك فضل
مسوي اليه
-طلعي صِبى
يبدو ان الكلام مس أعماقه تركته وطلعت
نزلت جوه جايات البنات أخواته
اني علاقتي بسناء ضعيفة على گد
المجاملة بس ميادة وام فقار لا
علاقتي طيبة بيهم گاعدين بالمطبخ
يلفون دولمة دخلت مسيت عليهم
-مساء الخير
ردو البنات غسلت ايديه وگعدت بصف ام فقار
بعد مااشرتلي
-شلونه أسد
-هوووايه جاي يتقدم اليوم كف رجله كله تحرك
سناء باوعتلي
-اني أشوف لو مخلين مختص يشتغل احسن
جاي تخبصون انت وحمزة وهاي التالي راح
يبقى مقعد للأبد
الحجية ردت وهي عالسنگ تشتغل
-صِبى وحمزة ممقصرين والمختص كل
اسبوع يجي يجيك على شغلهم وكل مرة
يمدحهم
سكتت هي والبنات يحجن
وقت العشه صعدتله
بيدة التلفون ويحجي منفعل
-اني شفهمتج صفا
وگفت لثواني أستوعب بعده يحجي
وياها وماقطع علاقته بيها
باوعلي وكمل
-گتلج مؤتمن يقوم بالموضوع شعدكم رايحين
بين المجرمين والقتلة تفترون
ابتسمت على كلامه باوع بعيني
وخفت صوته وأستوعب
غلق التلفون بدون ليكمل المكالمة
جان أهدأ باوعلي بنظرات معتذرة
-ترى جاي نحجي عن قضية وهي متدخلة بيها
-اي ادري اني رتبت اوراق القضية بس ماعرفت ان صفا جزء منها
-قانونياً هي اقوى من فقار لذلك وكلتها هالمهمة
-اي ليش لا
-يعني موقصدي ………
قاطعت كلامه واني ارتب الكرسي
حتى اجهزه للعشه
-اني مسألتك أسد
-شبيييييييييييييييج
صرخ بعصبية وصوت عالي يمكن سمع الكل فزيت حسيت نبضاتي تسارعت
وحتى عيوني حاوطتها غمامة سودة من
الخوف
اختل توازني واني أحاول انسند على كرسيه
وگعت ايدي بالفراغ ووگعت بالگاع
- صِبببببببى
گالها بصوت خايف يحاول يخفف حدة
الموقف
بقيت بمكاني گاعدة لدقايق ساندة راسي
عالكرسي مغمضة
وصوته وهو يصيح بأسمي يتردد كل شويه
عيوني نااااار الدموع جانت تجرح أجفاني
رفعت راسي مسحت عيوني ومشيت تحت اسألته
-بيج شي صِبى شوووو ردي عليه
خل اشووووفج
-لا لا مابيه
دخلت الحمام قفلته وفتحت الدوش
واطلقت العنان لدموووعي حاولت
اكتم شهگاتي أختنگت أكثر غسلت وجهي
وسديت الدوش وطلعت
طلعتله تراك البسه
-تغير ملابسك ننزلك اني وحمزة
-نبقى اني وياج هنا
-لا انزل غير جو ويه الولد
-صِبى
-نعم
- أنتِ مرتي مو وحدة غريبة احجي عبري
لييييش بكل شي ساكتة بس فهميني لهالدرجة كرهتيني
تنفست بهدوء
-لتصيح إذا تريد نحجي نحجي بهدوء
-انت حتى بهدوء متحاجيني
بكل شي باردة من ناحيتي بعده
الموقف مطبوع ببالج اقسم بالله
وشوفتج الرسائل جان سؤال وجواب
-الموضوع انتهى بس انت محسبت حساب لجرحي
ورجعت تتعامل وياها عادي رغم استحقارها الي
وتقليلها من قيمتي
مد ايده للتلفون اتصل
-ها صفا اهل المقتول طلبو تطلعين من القضية
اي تمام براحتج
غلق الخط ورجعلي
-لخاطرج والله كل شي اسوي
-تصعب عليه نفسي من اگعد ادليك على مواطن
الزعل بتصرفاتك تصعب عليه نفسي
واني بكل مرة انبهك لغلطك بحقي
بدون ماانت تاخذ خطوة تجبر خاطري
صفن بوجهي تركته واني ارتب بقية اغراضه
لبس وصحت حمزة ينزله ويايه
جوه مالي حتى خلگ احجي واتنفس بمكان
هو بي
افتر ويه البنات بالمطبخ وام فقار
عينها مني
-نسرين گومي اخذي الصحون من خالتج
اجت نسرين سحبت الصحون من ايدي
سحبتني ام فقار
-شبيج وجهج اصفر واديج ترجف
-تعبانة وسهرانة
-ومتاكلين
-لا والله اكلي طبيعي
-وين الطبيعي يادوب لگمتين ثلاثة بكل
وجبة اكلي وروحي نامي اني وفقار والبنات
بايتين والولد يهتمون بأسد
-راح انام ساعة من اگعد اكل
طلعت من الهول صار گبالي هو والولد
گاعدين يحجون باوعلي
-وين رايحة
-أنام
صفن عليه تركته وقمر ركضتلي
-صِبى بيج شي
-لا بس تعبانة راح انام بغرفتجن عالدوشك الاحتياطي
تركت كل شي وصعدت فوگ مددت عالفراش
وطفيت الاضوية السبلت مشتغل
وهدوء تغطيت وعيوني جرت بدموعها
واني اتذكر ذاك الموقف من اجتني رسائلها
جانت أجابات عن أسئلة او مااعرف شدار
بينهم لأن جانت المحادثة من جانب أسد محذوفة
بساعتها فتحت التلفون رسالتين وره بعض
- لازلت كما أنت بگلبي حبينا وافترقنا
وتزوجت اني وانفصلت لعدم نسياني
الك وزواجك انت بس لازلت أنت حب طفولتي
وعشق مراهقتي
وكسرة گلب شبابي
راجعة وراها بدقايق راسله
-الف مرررررة لو الف مرة تتزوج
ابقى أريدك
گعدت على طرف السرير أفكر
ياترى آني أستحق هيج حياة
أستحق اتعب وأقاتل حتى
عن حقي بالحب
بعد تفكير متعب وگفت لبست الحجاب
وطلعت بالصالة غرفة حمزة بنهاية الممر
دگيت الباب طلع حمزة بس شافني
خجل
-تفضلي تفضلي اني طالع عندي شغل
أسد جوه يقرأ
فتحت الباب لگيته گاعد يم الشباك وكتابه
بيده التفتت
-ليش مانمتي
-تلفونك قلقني
الشاشة مفتوحة عالرسائل
خليته بيده والتفتت طالعة صاح ورايه
-صِبى
طلعت تاركته ورجعت للغرفة تمددت
دخل وهو يدفع الكرسي
-صِبى گعدددي افهمج
-تعبانة أسد بس خلي أنام
-گعدي لتناميييين جااي احجي وياج
-شنوووو أسد شنوووو
گعدت أحس كأن گلبي مشلوع من مكانه
وبداله قطعة جمر حاااارة تجوي اضلاعي
-لتفهمين غلط
-ماافهم غلط وبعد
-طرحت سؤال واني رديت مغلطت بشي وعيونج
-تمام
-صِبى
گالها بنفاذ صبر
-أسسسسسد شتريد أسوي
حتى أثبتلك اني ممهتمة شسوي يعني
بعدك تراسلها حبك الاول بنت خالك الرقيقة
الحساسة اكيييد خفت على مشاعرها تنجرح
وردييييت بالله شجان السؤال يلا ارضي فضولي
-صِبى صوتج
-تمام مايحقلي حتى اعبر عن غضبي
احجي شنو السؤال مو جاي تبرر بدالها
-مجاي ابرر بدالها جاي احجيلج انتِ لأن مشاعرج
تهمني
-صح
تنفس بغضب ورد
-دازتلي صورة قديمة النا كل ماهنالك
گلتلها احترمي ان اني حبيت وارتبطت
وهالأشياء تجرح زوجتي وتسبب مشاكل
مرت السنين وكل شخص اخذ نصيبه
-تمام
-مااعرف بيها راجعة رادة برسالة ثانية
لأن گلتلها اني حاليا ابن خاااالج فقط
ورجل متزوج وسعيد بزواجي
هذا ردها
-فهمت
-صِبى كااااااافي بروووووود
گعدت وخليت عيني بعينه
-ترررررريدني الطم أسد
ترديني اثير عوووواصف غضبي
وغيرتي گدامك هاي هيييي شوفني
واني أذووووي وأذوب حزن وقهر
گدامك من برررررره حجر قاسي
مثل ماانت متخيل وداخلي حمم
بركان تحرگني وتذوب أضلاعي
تمام هيج انتهينا هااااااك هاي ثورة
الغضب اللي جنت تريدها
باوعلي بنظرة عدم رضا وطلع
وهاليوم جاب أيام جنت بيها الداعمة
اله بكل خطوة رغم اعصابه اللي بدت
تنهار وكلامه الجارح احيانا اليه ولحمزة
وقت العلاج
لحد هاللحظة وتصرفاته الغاضبة ناحيتي
لازالت مستمرة نمت لساعتين او اكثر
گعدت على صوت مُنى وهي تحاجي قمر
-تعبانة مراح اگعدها الولد يم أسد
-والله هو گال ضروري تگعدوها اليه
رفعت راسي
-گاعدة بنات شكووو
-خالو أسد يريدج
گمت لبست الحجاب وطلعت للغرفة
لگيت الولد گاعدين يمه يحاجو وهو أعصابه
تلف
-انتم مستووووعبين شنو عالكرسي وبالمحكمة
باوعلي ذو الفقار وصاح
-صِبى تعاي حضرينا المرافعة قوووية
يحتاجلها خالي وهو رافض
گعدت گباله مبتسمة
-وليش حتى ميروح
باوعلي وخفت حدة ملامحه
-على كرسي اروح شلون اقبلها على نفسي
-وليش كرسي على عكاز
-عكااااز بالمحكمة
وگف حمزة يحجي بشكل جدي
-طبعا أستاذ أسد اذا ميذرع القاعة ذهاباً
وأياباً ميرتاح افهم يااخي ان غيابك
عن مكتبك يسبب ضرر الك
-خالي أنت أبعدت صفا عن هالقضية واني
تگلي عظمك طري عليها ولا تقبل أنت تروح
وأهل المقتول منتظريك انت فضرووووري تلگه
حل
باوعلي محتار رفعت راسي لحمزة وفقار
فهمو عليه وطلعو
گمت طلعت من الثلاجة ككاو
دارك وفتحته انطينه نص واليه نص
يباوعلي مستغرب
-اكل شوية الككاو يهدي الأعصاب
ضحكة صغيرة فلتت منه وهو ياكل
-يعني انت تعتقد الكرسي او العكازات
اللي تقيمك
-الناس تقيمني على هالاساس
-وانت جديد عالناس طول عمرك محامي
معروف وشااااطر بمجالك الكرسي راح يترافع
لو انت
-اني اكيدد بسس مااگدر
-عالعكاز والله واحنه كلنا وياك
-وانتِ
-اكيد ويااااك ها اطلع ملابسك نروح
للمكتب باجر
-مااعرففف
-نرووووح هاي هي
هز راسه موافقني بهالليل گعدت
ويا نرتب مرافعته وكل شي يحتاجه
بما ان المحاكمة بعد يومين
الصبح ساعدته يلبس
وجهزنا حمزة وفقار نزلو اخذنا عالكرسي
جانت اعصابه مشدودة وحتى ميحجي
اول مدخلنه المكتب الكل اجه سلم علي
اعتيادي تنفس شويه گعدنا نشتغل
وفقار يفتر شنريد من خارج المكتب يجيبه
تركتهم اني رحت اجيب ملفات من
واحد من الموظفين بقينا ندوره لحد
ملگيته يلا رجعت دخلت لگيته گاعد
بكرسيه وره المكتب وصفا واگفة
بيدها اوراق تحجي ويا
-أسسسد أهل القتيل يگولون مقصيناج من القضية
اريييد أسباب هالكلام
دخلت يمهم بدون مااسلم خليت الملف عالمكتب
اكتشفت ان مو كل الناس تستحق دماثة الاخلاق
والادب
جاوبها هو
-الأب طلب هالشي مالي علاقة بأخوانه
المرررراهقين
-شنوووو افهم من هالكلام
-لتفهمين صفا موضوع مسدود اني اترافع
گعدت هدأت
-يعني مو فقار يترافع
-لا اني
دخل فقار سلم عليها بقت تحجي ويا
بموضوع القضية
باوعت لأسد وجهه عرگان
-بيك شي أسد
-طلعيني للحمام البره خل اغسل
دفعت الكرسي ومشيت بي دخلت
ويا غسل وجهه وتبرد وطلعنا
رجعنا للمكتب الباب مفتوح شويه
وصوت صفا واضح وهي تحجي وية فقار
ومبين عصبي يرد
-انتتتتتتتِ شتگولين عمة
-شوف فقار اني راح أكون صريحة وياك
أسد محامي شاطر او اششطر محامي مر عليه
بس وجوده على الكرسي هالمرة هو أكبر نقطة قوة عدنا بالقضية
-شلون يعني شنو علاقة حالته الجسدية بالقضية
-احنا نترافع عن شخص تعرض للقتل لأن عنده عوق تخيل بس شلون راح تأثر هيئة المحكمة لمن يشوفون محامي عدنة يمثل القضية وهو ذات نفسه معوق
- بس هذا مو استغلال عمممممممة
ضحكت بخفة
- مو أستغلال إحنا دا نظهر الواقع
بس خليني أكون واقعية وياك الناس تتعاطف والقضاة بشر
وإذا دمعت عيونه شويه بالمرافعة يووووووه
اني راح أضمن الحكم لصالحنا من هسه
-ترررردون تستخدمووووو لصالح النفع المادي
ردت ببرود
كل واحد يستخدم بشي أكو ناس تُستخدم بعقلها وأكو بمظهرها هو ظروفه تخدمنا خليها تفيدنا
ويه هالجملة دفع أسد الباب
التفتت هي وبهتت بوجهه
باوعلها ببرود
-ها صفا خلصتِ الترتيبات لو تردين تضيفين بعد
كلام عن اعاقتي
الجو تجمد وعم الهدوء
صفا بقت تلتفت بسرعة عيونها توسعت تحاول تتدارك الموقف
- هاااا أسد انت فهمتني غلط اني جان قصدي……
- قصدج واضح
تستهينين بتعبي وتسمينه ظرف يخدمكم
تره العوق مو جسدي العوق الحقيقي إنسان يلبس قناع الأحترام وبداخله يحاول يسوي صفقات رخيصة
-اني آسفة إذا…
باوعلها بعينها
-لا تعتذرين لأن اللي يحجي بهالطريقة
ما يستحق يشتغل وياي ولا يمثل قضية عن كرامة الإنسان
تعصبت ووگفت
-شقصدك أسد
-قصدي تاخذين كل اوراقج ومستحقاتج
وتعتبرين اي اتفاق عمل بين المكتبين
ملغيييييي عن اذنج
أشرلها عالباب وطلعت تمشي بعصبية ضربت الباب
حيل وراحت
صمت مخيف صاب المكتب فقار طلع
بسرعة وهو ينقر بالقلم عالمكتب
كسرت الصمت واني أسأله
-ها أستاذ نكمل الشغل
ابتسم واشرلي
-جيبي الملفات
يمكن جنت أنانية او فرحت بسبب اللي
صار كلام صفا وضح هوووايه أمور
بدون مجهود مني ولا تعب طلعت
أعتقد بره حياتنا للأبد
كملنا شغلنا ورجعنا للبيت الأتصالات
اللي اجت گلبت البيت كله خالهم ابو صفا
أتصل ومتعصب اخوهة ابو فقار الام
الكل رافض اللي سوا اسد الا هو
يحجي ببرود اخر شي غلق تلفونه
وبدون كلام گالي
-صِبى وقتي التلفون حتى نگعد من وقت اراجع
المرافعة
ونام وبالفعل گعدنا عالمنبه راجعت
ويا اللي يريده جهزنا الملابس
لبس وطلعنا للمحكمة جانت قضية
جبيرة والتداول بيها اخذ وقت
وهو تعب من العكاز ورفض نجيب
الكرسي للمحكمة الى أن تمت المرافعة
ورجع حق المقتول
فرحة أسد وهو يشوف اهل الولد
فخورين بأختيارهم اله خلته طاير
بهاليوم
الحمد لله الايام البعدها
رجع گعد بالبيت حتى نكمل العلاج
ورجعنا للجلسات المكثفة بس اني
سلمت المهمة لمدة أسبوعين لحمزة
حتى أمتحن وقبل آخر أمتحان
رجعت للبيت جابني فقار الجو متوتر
والحجية تأشرلي عالغرفة عود صعدي
صعدت حمزة يفتر وأسد عصبي
ومابلسانه
-اطلع برررررررررره علاج ومراح اكمل
بررررررره يلا
-انت شبيييييك تحولت لطفل عنودي
يااااابه يگلك لازم هالشهر عالاقل توگف
على رجلك مو شرط تمشي
-حمممممممممزة تجاوزت هوووووايه
اطلع بره
باوعلي حمزة وعيونه تنطق غضب
-احجيييييي ويا من وصلنا للأخير قرر يكتفي
ميتحمممممممممل الألم أسد اللي تحمل بيت
بكامله بعد وفاة ابويه وشالنا سنين على
راسه هسه قرر يكتفي ميتحمل ألم سااااعة
-بررررررره شنو جاي تحجيلها قصة حيااااااتي
برررررره اني الرجال هنا اتخذ قراري بنفسي لتقحمها بنص موضوعي
باوعله حمزة وطلع بعصبية من الغرفة
-أسد لييش عالنهاية تضعف
دكتور التأهيل گال إنك استجابيت بنسبة
٥٠ بالمية و أكثر من المتوقع هاي بشارة حلوة مو
باوعلي وهو يمسح جبينه بعصبية ورافع حاجبه بغضب
-إي خوش بشارة بس ليش ما گالها إلي شنو
صرت طفل لازم كل شي ينطرح عليج يلا اني
اسمعه شنوووو سيطرتي من تمرضت
نزلت دفاتري عالميز وگعدت گباله
-لا ليش اسيطر بوجودك بس أردت أخفف عنك شويه واني وحمزة نتفاهم عالعلاج لأنك تعبان أسد حتى أعصابك نار
-لاااااااا تسوين روحج الملاك اللي يتحمل
اني كل يوم اشوف بعينج نظرة أستعلاء وتفاخر بأنج جاي تمنين عليه بمساعدتج
كأنما اني مشروع إنقاذ مو زوجج
تجمدت بمكاني وخليت عيني بعينه
-هاااااي اني أسد اني المتعالية اللي
جاي امن عليك
باوعلي بعصبية وافتر حواليه بالكرسي
- اني اختنگت وبعد ما أريد أشوف نظراتج الحنونة وكلماتج اللطيفة وكأنما اني طفل مشوه محتاج شفقة اني رجال واني اخذ قراراتي بنفسي
وقررررررت مااكمل بالعلاج
-بسسسس العلاج لمصلحتك
-لا لمصلحتج انتِ
-انيييي شنوووو مصلحتي بالله
-حتى ترضين غرورج بأنج وگفتي ويايه
بظرفي الصعب
-مو هوووو هذا جان سبب اختياررررك اليه
لتناقضضضضض نفسك كافي
لحظات يمكن استوعب بيها
هالشي وفهم اني جاي ادي الدور اللي جان
مخليني بي
گعدت على حافة السرير احاول اهدأ
ايديه جانت ترتجف بقوة وهو متعصب
ويفتر بالكرسي طلع بره الغرفة ثواني
ورجع دخل بعصبية اكبر عيونه حمر ونفسة متقطع
وجهة شاحب كأنه بركان
على وشك الانفجار
-انتِ لييييش تردين تطلعيني بدور الموزين
اللي كسر گلبببببببج
سيطرت على اعصابي وحاجيته
بهدوء واني احاول انظم أنفاسي
-أسد لتصيح إذا تريد نحجي نحجي بهدوء تمام
صرخ بصوت مبحوح
-شنو بهدوء اني إذا ما أصيح أموت فاااااهمتني
امووووووت
تدرين شنو يعني أفتح عيني وأحس نص جسمي مو إلي مااااحس بي
تدرين شنو يعني الدكتور يگلي ممكن ما أرجع رجل كامل
يعني ممكن أكون فقدت رجولتي وتجيين إنتِ تكولين احجي بهدوووووووووء
-شنو تقصد
عيني منه احاول استوعب
ضرب بيده على صدره واشر على نفسه
-يعني يمكن ما أگدر أكون زوج لا جسدياً ولا معنوياً
تتصورين هالشغلة جاي تذبحني كل لحظة
وإنتِ گاعدة تحنين علي وكأنما اني طفل مكسور
انيييييييي رجال مكسور كل لمسة منج كل حنية
صرت احسها طعنة تجرح متطيبني اكييييد تگولين
هذا مو رجال بعد خل اشفق على كرامته
اللي صارت جوه رجليه
-انيييي اگول هيج ماااادري بهالكلام اقسم
بالله
نزلت دموعي ومشيت ناحيته بخطوات متعبة
لزمت ايده سحبها ودار وجهه
-اني مجنت أحن عليك لأنك ضعيف
بس لأن أحبك جنت أواسيك جنت أسندك
انفجر بوجهي يحجي بصوت موجوع
-بس اني ما أريد أشوف بعينج شفقة
تدرين ليش صرت أكره عيونج………
صفنت بوجهه ووگعت دموعي وكأن
أحزان الدنيا هاجمتني بعد هالجملة
-تكره عيونيي
همستها بقهر وهو كمل بدون رحمة
-ايييي كرهتهم لأن أشوف بيها كل يوم إنج اقوى مني وانج جاي تسنديني اثبات شخصية
لنفسج واني صرت لا شيء
صرت ظل ذكرى مو رجل صرت حتى واجبي
الجسدي مااگدر اؤدي بشكل عاااااااادي
گعدت أحاول أستوعب كلامه احاول الگه
رد ميجرحه ولا يأذي گلبي
-رجولتك مو بجسدك أسد ولا بالنوووم ولا بالعلاقة الجسدية
رجولتك بأحساسك بكلمتك بشخصيتك
وكلها انت تمتلكها بس نسيتها بسبب المك يمكن
دفع نفسه بالكرسي ناحيتي
-وانت نسيتي يمكن اني صاحب القرار
وصرتي بكيفج تقررين عني علاجي
اكلي لبسي شغلي
-شنو اللي يريحك سوي
-مااكمل علاج
-تمام
مشيت للكنتور اطلع ملابس مرت من يمي المزهرية انلطخت بالحايط فزيت وكملت واني اطلع
ملابسي
اجاني صوته يحجي بطريقة يحاول يوجع
گلبي بيها ويجرحني
-اشوفج مااصريتي عالعلاج تعبتي اكيد
-اذا اصريت راح تكمل
-لا
-ليش اتعب گلبي بالتوسل وانت رافض
بس راح اگلك شغلة
اني مو مهمة ولا حمزة ولا حتى شغلك
المهم امك
تعرف كل يوم وية الصلاة تبجي
وتطلع صورك وانت واگف بتلفونها
موووو انت نفسك حجيتلي شلون
انجلطت اول معرفت سبب نوباتك
اذا مستعد لموت امك بسبب الحزن
اگطع العلاج اني ماعندي مشكلة
ومن هسه اگلك عظم الله اجرك بيها
بسبب حزنها وكسرة گلبها
تركته صافن ودخلت للحمام
اصبر نفسي عالكلام اللي سمعته
طلعت لگيته گاعد لازم كرة الضغط
يضغط عليها حجة ويايه بدون
ميباوعلي
-أكمل العلاج بسسس تحت
أشراف المختص مااريد منية
أحد
بلعت الكلمة وباوعتله
-تمام يمتى تبلش
-باجر
تركته ونزلت جوه سويت شي
بسيط ناكله وصعدت
اجاني اتصال من غِنى تسألني
عن امتحاني وهو يتابع
-أن شاء الله عگب باجر اخر
امتحان وزينة لحد الان
غلقت التلفون وهو بهدوء سألني
-شنو اخر امتحان
-فيزياء
-محتاجة مساعدة
-لا باجر اراجع ماعندي شي
استمر هاليوم وبقى بره الغرفة
مااعرف خجل من تصرفه وياي
او رادني ارتاح او يمكن ميريد يشوف
عيوني مثل مگال اني كارهم
اليوم الثاني حمزة اخذة للأخصائي
واني بلشت اقرأ امتحاني
رجعو جان تعبان نام مباشرتاً
رحت لحمزة اسأله عالصار
-صِبى المدرب رهييييبب ميرحم
رغم صياح أسد ولا مهتم صدگي
اسبوعين بالهوايه ويوگف على رجله
-ماانطاك كورس علاج للبيت
-لا بس گال زيدو البروتين بأكله وشيلو النشويات
والسكريات
-هاي سهلة
باليوم الثاني رحت امتحنت وهيج اكون
خلصت امتحاناتي رغم التعب والاجهاد
وبلشت تنظيم اكل أسد وجبتين بروتين
باليوم ووجبة الياف ماكو سكريات ولا نشويات
المنبهات ممنوعة مر اسبوعين ووگف على
رجله وأستخدم العكاز بدل الكرسي
كل يوم الصبح اخلي الحجية تتريگ
وياه وتشجعه وهو هالشي مفرحه
بالبيت جهاز المساج عالاقل ساعة
باليوم نستخدمه واني جنت متولية
هالمهمة شهر كامل مر راحو صبحية
للعلاج هو وحمزة ورجعو يخطي بي
حمزة عالعكاز الحجية بالمطبخ
واني يمها احضر وجبته صاح
-يووووم
التفتت وهو ترك العكاز بيد حمزة وتخطى
بخطوات بطيئة وهي طگتها هلهلولة وتقدمت
تحضنه وتبجي
-صلووووووووات يوووم الحمد لله
من خلاني ربي اشوف هاليوم
يبوس بأيدها
-بركة دعائج يوووم
عينه مني مبتسم ابتسمت بوجهه
-الحمد لله على سلامتك
شلت الصينية وحمزة سنده مشى للهول
گعدو ياكلون سويه
تركتهم اني وصعدت فوگ احجي ويه
مُنى
-ها صباوي
-تسمعين كلامي اذا حجيت
-گولي
-اسبوعين ونطلع منا
-شصار
-شي خاص بيه مااريد ادوخج
-وين نروح
-نرجع للمشتمل يم سومة
-مو گالت تأجر
-وگالت اذا تأجر عادي اجرو يمي غرفة
فهمتيني
-فهمت
-حاولي تلمين غراضج اللي جبناهن من بيتنا بجنطة
وتضميها اي شي من هذا البيت حتى
لو جان قلم رصاص لتاخذي
-هاي هي تمام
تركتها ورجعت للغرفة شويه وصعده
حمزة وهاي اول مرة يصعد الدرج
لوحده وعلى رجلي
دخل للغرفة استلمت ايده من ايد
حمزة وسندته
-اررريد اسبح واني واگف
صِبى طلعيلي ملابس
-تمام
طلعت ملابس خليتهن بالحمام
وطلعت
مدلي ايده سندته ودخل
تركته براحته وگعدت ارتب الغرفة
ورة نص ساعة طلع يسند نفسه عالحايط
ويمشي
-نعيماً
-ربنا ينعم عليج
احس صارلي عمر مسابح
گعد عالسرير ذب نفس قوي
-الحمد لله توقعت ابقى طول عمري
مقعد
-لا جان الموضوع سهل بس شويه مطبات
وعدت على خير
-صِبى آني اعتذر على كل لحظة عصبية مريت
بيها وانفجرت بوجهج
نزلت راسي واني ارتب السرير
رديت بدون مااباوعله
-ضغط عليك وعليه هاي هي كل شي
تمام صار
-گعدي خل نحجي
گعدت گباله
-من باجر ارجع للمكتب
گال المختص امشي حتى لو تتعب
مارس حياتك الطبيعية راح تجين وياي
لو متگدرين
-تعبانة شويه من الامتحانات
-محتاجج صِبى انت الوحيدة اللي تعرفين
تنظمين اموري
اباوع لكل مكان الا وجهه وارد علي
-صِبى باوعي بعيوني من نحجي
شو اشوف
وگفت انهي الموقف
-اروح وياك تمام تتدلل
-صِبى
-نعم
-بعدج مجروحة من كلامي
-والله مااعرف يمكن من شدة الجروح
وجرح على جرح على جرح صرت مااعرف
احس
تمدد وصافن عالمرايه واني اشتغل
شوية وغط بالنوم
اليوم الثاني داومت ويا والثالث
والرابع واسبوعين ثانيات
الى أن مشى طبيعي وبشكل كامل جنت
اعتقد أسد خلص كل طرق اذيته
وخذلانه اليه بس اللي صار عكس
توقعي
بهاليوم بالليل جان متمدد ويتصفح بتلفونه
اني سبحت وطلعت امشط شعري
نشفته وتركته وگعدت ارطب بأيديه
عينه تسترقلي النظرات كل شويه
الساعة بحدود الوحدة بالليل خففت
الاضاءة ورحت تمددت بمكاني
التفت عليه وأيدة مشت على الظاهر
من ايديه نزيت ولا ارادياً ابتعدت
-صِبى انطي مجال
-لشنو
-للي لازم يصير زوجج اني
دفع نفسه ناحيتي لمسني لمسة مو بمحلها
دفعت ايده مستنكرة هالشي
-صِبى انطي مجاااااااال خليني أشوفج
واشوف اني بعدني مثل مااني رجل كاااااامل
هالشي ميصير الا وياج فهميني خاااايف
اكوووون عااااجز
وگفت بطرف السرير الم شعري اللي
وگع وتخربط بعز هوسة مشاعري
-وتريد تحاول تتخطى خوفك من انعدام رغبتك
بيه مووووو
-بس افهمي صرررراعي النفسي كوني ويااااااي
حتى احس واشوف اني رجعت آدمي من جديد
جاوبتة بصوت هدها الحزن
-واني شنووو أداة تداوي بيها جرح رجولتك
المحتمل ترررريد اخذك بالاحضان حتى تتأكد
من ان رغبتك الجسسدية بعدها حاضرة وانت تااااخذني مرة ثاااانية غصب
اقترب مني بسرعة وامتدت ايده
لخصري ابتعدت
- لا تلمسسسني أسسسسد
تنفس بصعوبة ورد عليه يحاول يبرر
-اني آسف كل شي سويته كل كلمة گلتها
مجانت بقصد جانت انعكاس لتعبي وشوفيني دااحاول احاول اصحح اخطائي وياج هالشي مو كافي
-هههههههه كافي
كافي اللي شفته من قساوتك
كافي الطعنات اللي سددتهن اليه
تصرفاتك الملتفة ورايه وهسه جاي تگولي بس محاولتي كااااافي
تراجع ليوره خطوات وجمد مثل الحجر
گعدت على حافة السرير
- كل شي بده تصلح أسد جسمك شغلك
بس ما حاولت تصلح روحك
ولا گلبي اللي تهدم بذيج الليلة اللي اخذتني
بيها غصب بلا متفهم سبب رفضي انطيت
لنفسك عذر اهم شي رضيت غريزتك كرجال
فلا تلمسني مو لأن ما أحبك
بس لأن اللي انكسر بينا ماتصلحه احضان
وبوسات وليلة لأثبات انك لازلت بكامل
قواك جنسياً
- بس اسمعيني
اني ضعت جنت أتألم ما جنت أ?
#بيوت_الصفيح_الجزء_الرابع_والعشرون
تكملة
بس اسمعيني
اني ضعت جنت أتألم ما جنت أعرف أشرح
وانتِ گدامي حبيبتي وزوجتي واللي صار
جان لازم يصير بنفس الوقت
جرحتج يمكن بس لأن جنت محتاجج
جنت خايف اعجز واني مااماخذج لحضني
-جنت خايف تفقدني خايف اطلع من حياتك
فقررت تسوي هالشي حتى تضمن وجودي
ومااطلع من حياتك بعد العملية
ليش سويت هيج
ليش جان لازم أحترگ حتى ترتاح انت
- ارتاااح صِبى هيج تشوفين اتمام زواجنا راحة
اليه
-اكييييد وألا جان انتظرتني اطيب من كسرة گلبي
واكون وياك حتى بروحي
-افهمممممي هالشي ضروري بحياتنا
العلاقة الجسدية جززززء من الحبببب
ماااافهم سبب حزززنج بعد اللي صار هووو
زواج وهالشي جزء منه
-يعني تريد نوم جسم علاقة وروحي
بعدها مجروحة وماحاولت حتى ولو
بخطوة تشفي اللي صار بگلبي من جرح
تحرك بغضب وجبينه متعرق وحتى صوتة مرتجف
-لازم نقيم علاقة
أنتِ زوجتي وهذا من حقي ومن حقج هم
-حتى تثبت لنفسك انك تشافيت مووو حتى تكون
وياااااااايه
-ماااااابيها شي لازم أثبت لنفسي والج إني تحسنت
وإنتِ السبيل الوحيد اللي يثبتلي هالشي
بسرعة سحبني يبوسني وادي ترتعش
وجسمه متشنج وعصبي كأن صبرع نفذ
لازمني بقوة يبوس نحري بشدة بدون
ميحس
-اني مو مهم المهم غريزتك
مجاي تلمسني بمحبة جسمي بالنسبة
الك حالياً طريق لعبورك الاختبار تثبت
رجولتك على حساب وجعي
وگعت ايده من خصري وشفافه الملتهبة
ابتعدت عن نحري ووگف عينه بعيني وصوته يرجف
بس مليان أصرار على اللي يريده
-كل شي جربته الالم العلاج التمارين كل شي مشى صح
ما ظل غير حضنج غيرج حتى أحس اني إنسان طبيعي من جديد
فلتت اعصابي وانهاريت
-وآني شنو علاج طبيعي
وسيلتك حتى تطلع من خوفك الرجولي
وسيلة اختبار لقوتك الجسمانية
همس بتعب ونفاذ صبر
اني خايف صِبى فهميني
وأريد أگطع هالخوف وأنتِ الوحيدة اللي أگدر…………
قاطعته ونزلت دموعي
-بس اني اريدك تداويني مثل مداويتك
وترجعني لحضنك بمشاعر مو غصب وبشهووووة
عابرة تثبت بيها لنفسك انك سليم
تقدم حضني حيل تنهدت من الالم وهو يهمس
-محتاجج واريدج واحبج
بس ما أتحمل صد صِبى محتاجج فهميني محتاج أرجع أعيش بيج ورااااح اصلح من بعدها كل شي
دفعت ادي وابتعدت
-وحتى تصلح نفسك تهدمني اني
اني صح زوجتك بس مو وسيلة تقيس بيها فحولتك
تعصب ولزم ايدي بقوة اذاني وهو يهزني
-انتتتتتت مترديني فهميني شبيييج
- أريدك بس مو بهالطريقة
مو وأنت تعتبر العلاقة دليل شفاء مو
وأني بعدني أنزف من كل كلمة وكل تصرف جارح
سويته بحقي
سكت وجمد بمكانه كأن الكلمات صفعت روحة
- إذا تريد تسترجع رجولتك مثل متگول
ابدأ من تصرفاتك مو الفرااااااااش
أثارت هالكلمة غضبه وتقدم بسرعة
رافع ايده ناحية وجهي
جمدت واني اخلي عيني بعينه
توقف واني تراجعت وطلعت من الغرفة
كلها تاركته طلعت للگعدة بالسطح
مامتخيله ان جان راح يضربني
جان راح يمد ايده عليه
للفجر اني برة تعبت ورجعت
للغرفة هو گاعد ولأول مرة أشوفه
يدخن منين جايب الجگاير مااعرف
اخذت مخدتي ونمت عالقنفة
لثاني يوم طالع للشغل بدون مياخذني
ويا جنت مقررة وحزمت رأيي وأستجمعت
كل شي يخصني بجنط وخليتهن على جهة
اديت كل مهام شغلي بالبيت واني عازمة
على قراري اني اطلع من البيت باجر
رجع من الشغل دخل الغرفة باوع
ناحية الجنط بأستغراب
-شنووو هايه
-أغراضي
-وين رايحة
-لبيتي
-ايييييييي بيت صِبى وألمن ووين
-مراح نتفق اذا بقينا متقابلين
واني جنت مرأة بمهمة وهالمهمة
اديتها على أتم وجه
-وگفتج ويااااااايه معتبرتها مهمة
-لا وگفتي جانت حتى اثبتلك وأثبت لنفسي
اني وگفت وياك حسب ماالاصول تگول
مجنت محتاج تلف وتدور حتى تاخذ صِبى
القوية اني وبأرادتي جنت وياك
خطوة بخطوة وبما انك رجعت واگف على
رجليك اني بعد اديت اللي عليه
-صِبببببببببببببى
-نعممممم اسد نعمممممممم
-من البداية جنتي مخططة لهالشي
-اكيد ثأراً لكرامتي المجروحة
حتى تعرف ان صِبى مو طمعانة بيك
مثل مگلت اقدملج الدعم المادي
والمعنوي والاجتماعي وانت
بالمقابل تسنديني هاي اني گدامك
شوووووف طمعت بفلوسك طلبت
دعم مااااانكر ابد ومو من طبعي النكران
انك وگفت بجانبي بالشغل بسسس بمجهودي
عمرررري ماانسندت على احد بدون
مااقدم شي مقابل شي
وكل فلس مستحق عليه قبل حبي الك
سددته تحت رفضك صح لو لا
اما اجتماعياً فآني رغم بيئني جنت
ولازلت بنت مترباية وخلوقة ومؤدبة
وعمري مقللت من احد يعني مجبتني من
الشارع حتى ترفعني اجتماعياً
اني طمعت بشي واااااااحد بس
حبك اللي بدون ايييييي مبررات فقططط
بلا اي اعتبارات ثانية
-وميكفي اعتذاري شتردييييين اسوي اكثر
-اي اعتذار منهم اسد اللي مخلوط بغضب اثناء مرضك وتعبك
لو مخلوط بشهوة هسسسه لو اعتذارك اللي تحسه هوايه عليه حتى
-صعببببببب التعامل ويااااج صِبى هووووووايه
صعب
-والله اني اسهل من احجية بأيد طفل
بس انت اللي أستصعبت حلي لذلك راح اطلع
ولمن تعرف طريق الرجعة لگلبي تعال
-متطلعين منا صِبى الا وانتِ جثة تبقييين يمي للموت
-اذا بقيت ووووياك بعد اللي
صار راح يتحقق مرادك
واكون جثة فعلاً
باوعلي بنظرة غاضبة وتقدم ناحيتي
-اييييييييي كوووووني جثة
بسسسسس وانت بين ايديييييه
فاااااااهمة
سحب اطراف ثوبي تقطعت تحت ايده
بجيت وهو مستمر
-والله امووووت لتسوي هييييج أسسسسسسد الله كافي
-هييييييج يلا تبقين هيج تستمررررين
ويااااااااي غصب عني وعنج صِبى احببببج
وراح ترجعيييين تحبيني افهمي احبببج
گالها ووگع الثوب مقطع بالكامل تحت أقدامي
وتحت ضوه النهار جان مثل الأعصار
المدمر اذاني بقوة ايده وحركاته اللي لامني بيها
بين ايدي رافض يتركني رجلي اللي مسيطرة على رجليه حتى مااتحرك
كل شي سكن بيه بعد ماتقربلي غمضت عيني
ودموعي صارت تتابع بخط ثابت من وجهي
ناحية نحري وتختفي بثانيا صدري
كل شي صار ساكن إلا أنفاسه المتقطعة ولهفته
يلمسني بوجع وإصرار غريب على اذيتي
عيوني دامعة گلبي يرجف
واحساسي بأني مخنوگة بين الخوف والخذلان ادفعه
متحكم بحركتي لدرجة الوجع
همست بشهگة
- لا تسويها هيج اسسسسد مو بهاي الطريقة
بصوت رايح من رغبته همس بجانب اذني
-اني زوجح مصيييرج تتقبليني
گالها وضغط عليه لحد الألم وشفافه
اخذت شفافي صرخت بينهم بصوت مكتوم
بعد ماسوه اللي سوا بقوة
هدأت وهو حاضني رافض يتركني
لحد معرف حدود جسدة وطاقته وأسترجع
رجولته المزعومة بقتل أحساسي
ساكنة ساكتة عيني عالسگف
وهو يغطيني ويلتف وياي تحت
الغطة يهمس بأذني احلى عبارات الحب
والاعتذار يحاول يمسح اثر اللي سوا
تحت بند الزواج
ماگدرت اتحرك ولا شعرة
غمضت لعل أگدر اغفى ويطلع اللي
صار حلم غمضت وادعيت النوم
وايده تتجول على الظاهر من جسدي
بمحاولة لتقليل المي غطيت
بالنوم لوقت طويل وماصحيت
الا على صوته الهامس
-حوور
باوعتله واني الم الغطه لجسمي
وگفت حتى اتطهر من اللي صار واطلع بعد
من البيت ومن حياته وكل مكان يخصه
دخلت الحمام جنت جامدة مااحس بشي
غير الوجع طلعت تحت نظراته دخل الحمام
لبست ملابسي ووديت الجنط يم الباب جاي افتحه
طلع مقفول
گعدت عالكرسي طلع يباوع للجنط
تقدم شالهن وبده يفرغهن وين ماكان لا على التعيين
بس حتى مااطلع فتح الباب طلع الجنط ويا
وقفله عليه
رجع وره شويه
-نحجي
-لا
تقدم وگعد بصفي سحب راسي لصدره
-استوعبي شگد أحبج يمكن مااعرف أعبر
بطريقة تريحج بس صدگي افضل تزعلين الف
سنة بحضني ولا ساعة بعيد عني
سحبني ويا للسرير متمدد يشرحلي مخاوفه
-خساراتي بهالحياة جانت هوووواية صِبى
من ابويه اللي مات مقتول لصديق عمري
اللي شلت راسه المگطوع بأيدي لصحتي
مااااريدج تصيرين عدد ويا خساراتي
اريدج تكونين ربحي الوحيد
امتدت الساعات وهو يحجي ويهمسلي
بمخاوفه بس من كل هالحديث جانت بس كلمة اني تتردد
اني خسرت اني تعبت اني اريد اني راح
اسوووي
كل شي وكل كلام جان عنه هوووو
حديث مشوب بالأنانية حديث يدور
عن رغباته حبيني من جديد كوني
اليه كوني وياي اريدج احبج ارغب بيج
كل شييييي جان عنه هوووو ماكو
راح اكونلج اللي تردي راح احاول لخاطرج
راح اسعدج
وبلحظتها فهمت إن قراري جان صائب
وبما أن الحقوق تؤخذ ولا تطلب
راح اخذ حق گلبي منه بالهجران ومراح
اطالبه أن يجبر كسر گلبي
اليوم الثاني طلع والحجية حاوطتني
مااعرف يمكن حاجي وياها شي مبلغها
بقراري بقت حواليا واني هم دورت
الجنط مختفية حتى مُنى بلغتني ان
جنطها بغراضها مختفية وعرفت هالشي
سوا أسد
بيومها الحجية عزمت البنات
بس ميادة مااجت عدها عزيمة لأهل زوجها
بالبيت گعدت أساعدها واني بالي
سارح وافكر بطريقة لخروجي وقررت
اترك كل شي حتى ملابسي اطلع
العصر اني واختي وخلص
رجع هو من الشغل وگاعدين كلنا
نتغده احس بسوالفهم مبهمهة وبس
ضوضاء مااگدر اركز بشي تركيزي انصب
على مهمة وحدة بببببس الطلعة من البيت
ومن حياته
خلصنا الغدة واجتمعنا الكل يشرب جاي
حمزة بغرفته صعد ومنزل مُنى وقمر مدري
شعدهن ركضن لغرفتهن
اللي صار بعدها جان اعصار مدممممممر
للبيت اقتلع كل قناعاتي بالبشر
وغير حتى خطتي بالخروج من هالبيت
كارثة حلت بالجميع ولمدة ثمن أيام جنت
بيها سند للكل وحضن لأسد من يصير
الليل ويرجع يفكر ويلوم بنفسه عاللي صار
باليوم التاسع كل شي استقر وتقريباً انحلت المشكلة
بالليل عينه مني يتابع هدوئي واني اكوي ملابسه
أشرلي
-تعاي
مشيتله بسرعة احتضني وتمدد ويايه
أيده تمشي على نحري وتنزل بهدوء
تحته همس بهدوء
-باوعي بعيني
باوعتله ذبلت ملامحه وتقرب وبرقة
وحذر باس عيوني
-ندمان على كل لحظة نزلت بيها دموع
من هالعين
گام طفى اضوية الغرفة ورجع ماخذني بين ادي
أباوعله بلحيته المرتبة وشعره اللي طولان وزايدة
جاذبية سماره الحلو الرجل اللي حبيته لشخصة وحبني لأسباب اباوعله كأن وجهه صار مرايه
لحياتي كلها لحبي لخذلاني
لنفسي اللي صارت غريبة عني
لمعت عيوني دموع مو من الضعف بس من قوة القرار اللي راح اتخذه
مديت ايدي لخده داعبت اطراف أصابعي لحيته
ابتسم
-هالليلة عيونج تلمع صِبى تلمع بغراااابة
باس رموشي وسحبني لحضنه
سندت راسي لصدره المكان هادئ
ضوة الغرفة خافت صوت المروحة منطي رتابة
للسكون اللي بالغرفة كورت نفسي بحضنه
حوط جسمي بين ذراعه تنفست بثقل كأن كل نفس بي وداع
عيوني على وجهه الوسيم أتأمله بمحاولة
مني لحفظ هاللحظة داخل ذاكرة
روحي وأنفاسي
تسحبت واني ارفع نفسي ناحيته
وگعت عيني بعينه مد ايدة تلمس شفافي
بأطراف اصابعه تقربت منه اختلطت انفاسي
بأنفاسه
-تعرف انك الليلة زايد وسامة عن العادة
واني احب هالنسخة منك حب قوي
حب لحد الوجع
باوعلي بأستغراب واني اتقرب ابادر
بقبلة أخيرة أصب بيها المتبقي من
مشاعري للرجل اللي عصف بحياتي
في يوم ما وزلزلها
امتزجت أنفاسي بأنفاسه وانسحبت
بعدها ساندة راسي على صدره
وغفيت بلحظتها على نبضة الهادئ
فزيت الصبح قبله وتقدمت للكنتور
طلعت جنطة السفر الخاصة بي
خليت بيها كم قطعة من ملابسي
طلعت لمُنى جنت مختلفة وياها ومقاطعتها
من أيام بسبب اخطائها اللي سوتها من وره
ظهري
-جاهزة
-صِبى حبابة
-انتتتتتِ حبابة مُنى لبسي وانتظريني بالحديقة
قبل ليگعدون
هزت راسها ووگعت دموعها تداركتها
ورجعت للغرفة
رجعت لگيته گاعد عالسرير منزل راسه
بتعب باوعلي وذب نفس قوي
-حسيت بأحساس غريب البارحة
كل لمسة منج وكل همسة جانت عبارة عن وداع
مو
هزيت راسي ونزلت دموعي
-اذا تمسكت بيج راح تبقين
-المرتين اللي تمسكت بيه بيهن جانت
طريقتك خاطئة اذا بيوم حبيتني خليني
اروح وخلي المتبقي من صورة أسد الله
بذهني بدون متكسرني كسرة جديدة
تحركت ناحية الجنطة اسحبها صار بطريقي
-شلون اعوضج
-ماكو شي يتعوض اللي صار صار
مااطالبك بتعويض
مشيت خطوات واجاني صوته
-خسرتج بهالسهولة
-انت شفت الموضوع سهل بس يمي جان أصعب
من خروج الروح من الجسد
وگعت دموعي واني اتخطى باب الغرفة
غمرني حاضني بين ادي محاول ينفي
ويستبعد خروجي من حياته همس بجانب
اذني بتعب
-جنت أعتقد نسيتي
جنت مخلي ببالي أن حبج الي راح يضعف
قرارج
-حبي الك أضعف من كرامتي وجرح گلبي لذلك كرامتي بكل مرة تفوز
سحبت نفسي تاركته وأحساس الوجع تعاظم بداخلي
لحد الاختناق
وصلت الباب همس
-حوور هيج النهاية
-نهايتنا جانت من اصعب خساراتي
بعد فقدان فرقد
شهگت باجية ونزلت واني
أحمل بداخلي حب
لكن مو حب مثل ميعرفه الآخرين
حب منكسر
تعثر قبل ميبلغ وجهته
حب تكسرت أجنحته
قبل ليطير نحو الكمال
انتهينا رغم كل شي
وماادري يمكن كانت نهايتنا حتمية من
اللحظة الأولى
يمكن خط الفراق بسطور قصتنا
قبل لا نلتقي
ويمكن آمنا بألامل متناسين كل
الاختلافات
وهسه فسلكت درب جديد
درب خالي من الأحبة
من الأصوات التي كانت تمليني حياة
من ظل الاحبة اللي اعتدت أن أمشي
بجوارهم راح احاووول اعيش بدونهم
رغم الخسارات اللي تتبعني
خسارات قديمة أنهكت گلبي
وخسارات حديثة نزفت بسببها بصمت
تركت كل شي مشاعر ماضية
تسخيف حزني وتركي أبرد بعد احتراقي بلا
ايد تطفيني رايحة نحو أيام جديدة
ومااعرف ايامي الجايه
شضامتلي بين طياتها
وجع
أم
أمل
.
.
.
