رواية كوميديا سوداء الفصل الرابع و العشرون بقلم ليل ادم
هاله : اتفضل
احمد : سمعت انك طلبتيني
هاله : طبعاً تعالي اتفضل
احمد : أنا مش عارف اقولك اي بس اللي عملتيه معايا رفع معنوياتي اوي بس الحمد لله
هاله: من شايفه انك مبسوط اوى
احمد : جدا اصلا انتي مش عارفه اي اللي كان ممكن يحصل أنا كنت بفكر أمشي خالص
هاله: تمشي تروح فين ليه كل ده
احمد : ما بلاش اتكلم لحسن أنا لما بتكلم بفتح وهوجع دماغك أنا عارف نفسي
هاله: لا أتكلم قولي مين اللي عملك عقده هنا لدرجه انك عايز تمشي
احمد : الدكتور خالد أصله يكرهه وجودي من ساعه ما جيت هنا
هاله : طب ليه انت عملت ليه حاجه
احمد : والله ابدا كل ده علشان بقوله حرام تعمل من مرض الناس سبوبه يعني اصل احنا في مستشفى حكومي ف مش كل اللي جاي هنا زاي حضرتك والله أنا بشوف ناس هنا ما معاها حق علاج عيالها هو بقا يطلب منهم تحاليل وفحوصات و حاجات ملهاش لازمه وغاليه جدا لجل بس ما يطلع ليه مصلحه علشان هو مظبط مع المعمل بتاع التحاليل ومع شركات ادويه و ليله كبيره اوي
هاله : دا صعب اوي و الوزارة ساكته عليه ليه
احمد : ما محدش يعرف و استاذه ريهام اتكلمت معاه و حظرته ومن ساعه ما أنا جيت وضاقت عليه الدنيا مش عارف يعمل اللي كان بيعمله وهو كارهه وجودي بقا
هاله: علشان كده بس عيب اللي بيعمله معاك دا المفروض استاذك
احمد : أصل هو زعلان علشان بيقولوا عليا شاطر وفي ناس كانت بتقول اني اشطر منه كمان
هاله: هما اللي بيقولوا إنما أنت مش شايف نفسك مميز فعلاً
احمد : لا والله دا انا على الله أن شاء الله بس هو اللي فاكرني خبيث
هاله: (بتضحك جدا) خبيث اي دا انت حكيت قصه حياتك
احمد : لا منا كده محبش يبقا عندي اسرار هو كنت جيمس بوند
هاله: ( بتضحك) انت احسن من مليون جيمس بوند
احمد : شوفي الشاشه دي كده يا استاذه هاله
هاله : دي
احمد : اه
هاله : مالها
احمد : أول ما دخلت كانت حركه القلب ٦٦ في المئه بس لما ضحكتي شايفه الرقم ده
هاله : اه
احمد : مكتوب كام
هاله : ٨٩
احمد : لما كنت هنا امبارح قولتي كلمه لحد الوقتي بترن في ودني مش قادر أنساها
هاله : كلمه اي
احمد : قولتي هو أنا مستهلش فرصه تانيه أنا وبنتي الكلمه دي بترن في ودني سامعها بصوتك أنا بقالي يومين مش عارف انام شغال على العمليه بتاعتك انتي وافقتي عليها فعلاً و كمان الدكتور علي وفق بصعوبة بس أنا عايز اقولك أن الموضوع خطير بجد حتا لو كنتي في بلاد الطب نفسه انتي عارفه مشكلتك انك ربطي نفسك وحبستي نفسك في الذكريات انتي تستهلي فرصه تانيه بس فرصه بكل ما تعنيه الكلمة فرصه حياه من جديد انتي طيبه وقلبك كبير سنك صغير على قدر كبير من الجمال ربنا انعم عليكي بنعمه المال و الصحه و حاجات كتير خد منك حاجه كبيره جدا مش هقولك لا بس لازم الإنسان يجد مع كل نهاية بدايه علشان احنا في دار شقاء الدنيا مش للراحة خالص يا استاذه هاله بعدين استاذ نادر مات هنا بس في مكان تاني اجمل واحسن بكتير لدرجه ان هو نفسه لو أتسأل ترجع الدنيا تاني هيقولك لأ مش عايز هو مستنيكي لما يجي الوقت اللي ربنا كاتبه بعد عمر طويل أن شاء الله نتقابل كلنا ونجتمع مع بعض على خير
هاله : (مسكت ايد احمد ) انت إنسان تستاهل كل خير أنا عمري ما سمحت ل حد يتكلم في الموضوع ده بس انت الوحيد اللي سمحت ليك علشان عينك ولسانك بيتكلم بلغه المحب مش ذاي الناس اللي بتكلمني بلغه اني كبرت الموضوع بس أنا ليا عندك طلب ينفع تنفذه ل اختك الكبيرة
احمد : (هز رأسه)
هاله : تعملي العمليه وقفها وقت ما تحس ان مفيش امل لو حتا واحد في المليون إنما لو في اي امل علشان خاطري بلاش تستخصر في اختك فرحتها ب بنتها
احمد : أوعدك اني اعمل اي حاجه علشان تطلعي من غرفه العمليات و بأمر الله معاكي انتي وبنتك فرصه تانيه
هاله: وثقه فيك
احمد : اشوفك بكره على خير أنا الوقتي داخل عمليه مهما أدعيلي
هاله: ربنا معاك أن شاء الله
احمد : سلام
هاله: سلام
في جانب آخر
الدكتور خالد: ادخل
منير : احمد كان عند استاذه هاله ولسه خارج وسمعته بيتكم معاها عن العمليه في اي هو انت مش متأكد أن الموضوع انتها
الدكتور خالد: تمام ( ومسك تليفونه ) انت متأكد من كلامك
منير : ذاي ما أنا متأكد أن حضرتك قصادي
الدكتور خالد: ماشي روح شوف شغلك
باب المكتب اتفتح
الدكتور علي: معلش يا خالد معنديش وقت أخبط على الباب داخل عمليه مهما خد الورقه دي خليها معاك
الدكتور خالد: معندكش وقت تخبط ليه بتخبط على باب خيبر وبعدين فيها اي الورقه دي ( وفتح الورقه ) الله طب والله حل حلو بره الصندوق
الدكتور علي: اي رايك
خالد : عجبتني طبعاً بس ياريت رد فعلي يعجبكم شوفتوا أنا هادي وبشجع اللعبه الحلوه ازاي
الدكتور علي: وانا معاك لحد ما تقول انا زهقت بعد اذنك
بعد خروج الدكتور علي
منير : يعني اي
الدكتور خالد: يعني حضرتك تروح تنفذ اللي طلبته منك
منير: دا الواد داخل عمليه الوقتي حالا
الدكتور خالد: مين قال إنه يدخل عمليه النهارده أصلا
منير : الورقه معايا اهي ممضيه من الدكتور علي ما هو بيقولك عندي عمليه مهما قصده على عمليه زراعه الطرف
خالد : و انت يا حيوان من أول ما دخلت مقولتش ليه اتفضل روح اتصرف بسرعه مفعول الابره دي بيشتغل بعد ساعه على الأقل
منير : اعمل اي منا مش فاهم
خالد : أضربها في المحلول بسرعه قبل ما يدخل عمليات وأنا هحاول آخر العمليه دي شويه اجري امشي
منير : حاضر حاضر ( وقام متجه الي غرفه اسلام ومعاها الابره اللي بنسبه ٧٠ في المئه هتخلي الطرف يموت ويحصل ليه تلف و في الحاله دي يكون احمد قصاد مسائله قانونية كبيره جدا ممكن توصل حد الشطب من النقابة لأن زراعه الطرف كان تحت رايته )
اسلام: اتفضل
منير : مساء الخير أنا قولت انت دخلت العمليه قبل ما تاخد علاج النهارده
اسلام: لا لسه قصادي نص ساعة
منير : تمام ( وضرب الابره في كيس المحلول)
اسلام: أنا أول مره اخد علاج في المحلول اشمعنا المرادي
منير : علشان انت الوقتي هتدخل عمليات وده بالطريقة دي يمشي اسرع بعد اذنك (وخرج من الغرفه )
في جانب آخر
الدكتور علي: يعني مفيش حد في الطوارئ كده خلاص
جميله: لا كده تمام
الدكتور علي: ياله حضري غرفه العمليات وانت يا احمد روح حضر المريض
احمد : تمام ( وراح احمد غرفه اسلام) ها عامل اي النهارده يا بطل
اسلام: الحمد لله تمام
احمد : جاهز
اسلام: اه تمام جاهز
احمد : ( وقف المحلول بعد ما كان وصل إلي نصف وبدأ في تجهيز اسلام وأمر التمريض يخده اسلام غرفه العمليات)
الدكتور علي: (كعادته دخل أطمن على كل حاجه و الوضع تمام) على بركه الله ابدا يا دكتور احمد
في جانب آخر
منير: خدها
الدكتور خالد: من أد اي
منير : نص ساعة تقريباً
الدكتور خالد: الكميه كلها اهم حاجه
منير: اه طبعا علشان الوقت مش في صالحنا
الدكتور خالد: كده تمام اوي روح على شغلك عايز دبه النمله تكون عندي
منير : تحت امرك يا دكتور بعد اذنك
الدكتور خالد: اتفضل
في جانب آخر
الدكتور علي: أفصل الطرف واعمل عمليه الترقيع و أنا و جميله هنرجع الطرف مكانه
احمد : تمام
احمد : دي اهم خطوه في العمليه فصل الطرف عن جدار المعده
الدكتور علي: ليه دي اهم خطوه يا جميله أشرحي
جميله: فصل الطرف لازم يتم بعيدا عن الانسجه اللي أتبنت خلال عمليه زراعه الطرف في جدار المعده
الدكتور علي: واي كمان
جميله: الانسجه بتكون رقيقه جدا وسهل تتأثر من اي حركه خاطئه
الدكتور علي: بالظبط برافو عليكي يا جميله
احمد : في حاجه غريبه بص هنا كده يا استاذ علي
الدكتور علي: لون الطرف بيتغير
جميله: وفي تخثر دم
احمد : هو ماشي على العلاج بالظبط ولا في جديد حد منكم كتب عليه
جميله: مفيش اي تجديد في العلاج
احمد : لازم أكون اسرع في فصل الطرف قبل ما يوصل المضاد للطرف ونخسر الطرف خالص
الدكتور علي: بالظبط أنا هفك الغرز معاك
احمد : جميله مضاد فيروسات حالا علقي
جميله: لحظه واحده
الدكتور علي: احمد اسحب الخيط كله
احمد : خلاص اهو هانت
الدكتور علي: اسرع اسرع اسرع
جميله: في مهاجم للمضاد عالي جدآ ونشط بشكل فتاك
الدكتور علي: فكر معايا بسرعه يا احمد في مضاد اقوي من الهجوم ده
احمد : بسط ڤوسكت يا جميله
الدكتور علي: اربعه سنتي بسرعه يا جميلة
جميله: حاضر
الدكتور علي: ياله يا احمد مفيش وقت الطرف جمد في ايدي
احمد : اسحب الطرف
الدكتور علي: تمام هحقنه قبل ما يموت
جميله: احمد في نزيف شديد جدا في جدار المعده
احمد : الكبد أتخرم
الدكتور علي: نعم أتخرم من اي
احمد : مفيش حاجه احقن الطرف أنا هتصرف
جميله. : احمد المريض بيفقد سوائل وقف النزيف حالا
احمد : اهدي اهدي يا جميله
الدكتور علي: الطرف بيفقد دمه في اي أنا مش مصدق اللي بيحصل
احمد : حد حقن اسلام مضاد خطير
الدكتور علي: مين يعمل كده يا احمد مش للدرجادي اكيد في حاجه تانيه
احمد : جميله اسحبي عينه حالا تروح المعمل احنا بنتعامل مع هجوم مش عارفين اي سببه
جميله: تمام سحبت العينه
الدكتور علي: سلوي على المعمل العينه تكون معايا في أقل من عشر دقائق
سلوى: تحت امرك يا دكتور
احمد : الترقيع تمام والكبد تمام شوفي كده يا جميله
جميله: تمام
الدكتور علي: علقي كيس دم يا جميله علشان الطرف بسرعه احمد تعالي عندي هنا
احمد : الشريين قفلت ليه كده
الدكتور علي: أعملهم قسطره كلهم بسرعه
احمد : صح لحظه واحده
جميله: علقت الدم
احمد : ايدك
الدكتور علي: احمد احمد كده خطر اوي دخل السلك مشطور مش عدل لو دخل عدل يخرم الشريان تبقا مصيبه
احمد : صح فهمت قصدك
بعد مرور ١٤ دقيقه
سلوى: دكتور علي المريض أتحقن سيلوفكس من ساعه إلا ربع
احمد : سيلوفكس مين اللي دخل عند اسلام اخر واحد
الدكتور علي: مش الوقتي يا احمد احنا تمام خلينا نرجع الطرف مكانه وبعدين نعرف كل حاجه
احمد : جميله اكوي العروق مع بعض علشان الدم يوصل لكل الأصابع بصورة طبيعية
الدكتور علي: هاتي المكوه يا جميله علقي كيس دم تاني و تلاته سنتي فليس أكت و أميجا سائل
جميله: تمام
احمد : الانسجه طبيعيه مفيش ضرر
الدكتور علي: العروق كلها أضخت دم بصوره طبيعيه
احمد : تسلم ايدك يا استاذ علي
الدكتور علي: تسلم ايدك يا احمد و تسلم ايدك يا جميله
جميله: ربنا يخليك يا دكتور علي
الدكتور علي:( كعادته قلع الجاونت وساب احمد يقفل الجرح وخرج من غرفه العمليات)
جميله: كنت مرعوبه قولت كل تعبنا راح في الأرض
احمد : تعرفي لو كانت العمليه اتاخرت كمان نص ساعة كان الطرف مات
جميله: مش مصدقه في حد يعمل كده بجد
احمد : الموضوع بقا مرعب ( وبيتكلم و هاله في دماغه )
جميله: اه والله
احمد : جميله أنا مش محتاجك روحي عند مدام هاله قوليلها مهما كان اللي داخل مين متسمحش لأي حد يديها علاج إلا الدكتور علي وانتي وأنا
جميله: انت تقصد أن ممكن
احمد : جميله مش وقته روحي بسرعه
جميله: حاضر حاضر ( وخرجت من غرفه العمليات)
وبعد أقل من خمس دقائق كان احمد خلص تقفيل الجرح وتمت العملية بنجاح
احمد : أول ما يفوق اطلبيني في التليفون يا مس سلوي بعد اذنك
سلوي : تحت امرك يا دكتور احمد
وخرج احمد من غرفه العمليات متجه الي غرفه هاله وهو في الطريق شاف الدكتور علي داخل الغرفه جري ومعاه جميله وناس كتير على باب غرفه هاله
