رواية كوميديا سوداء الفصل الخامس و العشرون بقلم ليل ادم
احمد : ( دخل غرفه هاله جرى) في اي
الدكتور علي: الورم ضغط على القلب لازم تدخل عمليات حالا
احمد : بس هيا مش جاهزه ل ده
جميله: كفاءة القلب ٣٠ في المئه والنسبه ممكن تنزل اكتر من كده
الدكتور علي: هنعمل عمليه الإجهاض حالا ياله جميله جهزي الغرفه رقم تلاته سلوي خدي مدام هاله ع العمليات
احمد : دكتور علي يا دكتور علي انا بكلم حضرتك اقف اسمعني
الدكتور علي: احمد اللي بتحلم بي مش هينفع الموضوع خلاص انتهاء عمليه الإجهاض بقيت اجباري مش اختياري
احمد : يعني اي اجباري القلب أنا هقدر أسيطر عليه و العمليه احنا خدنا الموافقه من هاله يبقا ليه نعمل عمليه على مزاجنا
ريهام: دكتور علي علشان خاطري حاول تخلي الإجهاض حل تاني بلاش يبقا هو اختيارك الاول
الدكتور علي: احنا بنضيع وقت وكده مش هينفع أنا في غرفه العمليه عايز تيجي تعالي مش عايز يكون افضل
ريهام: احمد روح مع الدكتور علي ياله
ودخل احمد مع الدكتور علي الي غرفه العمليات وكان بيعمل كل حاجه يقدر عليها لإقناع الدكتور علي أنه يبعد عن الإجهاض في جانب آخر
منير كان وصل ل الدكتور خالد كل حاجه حصلت
الدكتور علي: جميله مشرط هنبدأ في الإجهاض
احمد : دكتور علي كده مش صح انت حتا مش عايز تحاول
الدكتور علي: انت بتكلمني كده ليه الزم حدودك يا دكتور احمد
جميله: دكتور علي من فضلك احنا مقدرين خوفك على استاذه هاله بس خلينا نعمل اي حل تاني العمليه اللي قال عليها الدكتور أحمد ممكن ننفذها
الدكتور علي: تمام يعني مساعديني أول ناس رفضه العمليه
احمد : والله ما رفض بس تخليص ضمير
الدكتور علي: اطلع بره انت وجميله سلوه روحي هاتي منير و فاطمه و كمال مساعدين معايا بسرعه
باب غرفه العمليات اتفتح دخل الدكتور خالد
الدكتور علي: (شاف خالد لبس الجاونت كامل استغرب)
الدكتور خالد: للأسف يا دكتور علي احمد مينفعش يطلع من غرفه العمليات
الدكتور علي: انت مالك دي عمليتي و المريضه بتاعتي
الدكتور خالد: انا فعلا مليش اقولك مين يخدم معاك في شغلك بس اقدر اقولك أن استاذه هاله كتبت إقرار عام تفوض في الدكتور أحمد يكون المسؤول الأول عن العمليه أما إجهاض و أما فصل الورم
الدكتور علي: تمام يبقا أنا بره العمليه ( ولسه بيخرج من الغرفه كان احمد ماسك ايده )
احمد : مينفعش تخرج يا استاذ علي أنا مقدرش اعمل العملية دي من غير حضرتك لو لقيت اني كنت غلط نفذ الإجهاض على طول
ميكروفون غرفه العمليات اتفتح وسط جميع الحضور من خارج الغرفه يشاهد العمليه
ريهام: دكتور علي من فضلك استمر مع الدكتور أحمد من فضلك ارجوك
احمد : (خد ايد الدكتور علي ورجع من تاني في العمليه )
ريهام: شكراً يا دكتور علي الف شكر لتفاهم حضرتك من فضلك يا دكتور خالد دور حضرتك انتها خليك بره الغرفه تقدر تشاهد معانا من هنا
خالد : (هز رأسه وخرج من غرفه العمليات)
احمد: جميله مشرط رقم عشره
جميله: اتفضل
الدكتور علي: راقبي التقييمات كلها يا جميلة عايزك عينك زاي الصقر
جميله: تحت امرك يا دكتور
بدأ احمد في عمل فتحه في المعده تمهيداً لإخراج الكيس من بطن الأم
الدكتور علي: احمد انت في الطبقه السابعه شويه شويه لو الكيس أتخرم هنفقد الطفله
احمد : فاهم قصدك
جميله: النبض ٧٠/٦٠ الضغط منتظم الأكسجين ٩٨ نسبه كويسه جدا
احمد : كماشه
الدكتور علي: وأنا كمان كماشه يا جميله
بعد توسيع نطاق الجرح عن طريق الكماشه
الدكتور علي: اسحب الكيس يا احمد
احمد : جميله البالون
جميله: جاهز
الدكتور علي: حط الكيس على البالون بكل حذر
احمد : تمام
جميله: في نزيف
الدكتور علي: ملكش دعوه أنا هشوف النزيف ركز انت في فصل الورم
احمد : تمام (وبدأ احمد في فصل الورم عن الرحم وكان الدكتور علي يبحث عن موقع النزيف )
جميله: النزيف أفقدها كتير جدا يا دكتور
احمد : كيس دم بسرعه يا جميلة
الدكتور علي: أحمد أنا مش عارف مكانه لحد الوقتي
احمد : النزيف مش من العمليه النزيف لي سبب تاني انا مخدشتش اي حاجه أثناء الفتح
الدكتور علي: واخد بالي
جميله: كيس الدم جاهز
احمد : دخلي الجسم ببطء يا جميلة
الدكتور علي: لقيت النزيف المكوي يا جميله بسرعه
جميله: حاضر
احمد : دكتور علي في آثار ل الورم عندك
الدكتور علي: اه في بس متشغلش بالك خليك انت في فصل الورم
سلوى: ضغط الدم انخفض جدا
احمد : نص سنتي اوزول بسرعه يا سلوى
الدكتور علي: بس يا جميله هاتي الشفاط
جميله: حاضر
سلوى: دكتور علي القلب حصل مضاعفات شديدة
احمد : وريني كده ( قام شاف الشاشه كان القلب قرب يوصل ل حاله توقف)
احمد : دكتور علي لحظه واحده لحظه واحده
الدكتور علي: إنعاش قلب بسرعه
احمد : لا استنا
الدكتور علي: هتموت قول يا احمد في اي
جميله: كفاءة القلب وصلت ٤٠
الدكتور علي: احمد بنخسر الاتنين قول عايز تقول اي
احمد. : محدش يتكلم اهدو شويه دقيقه بعد اذنكم
الدكتور علي: (أشار إلي الجميع ب السكوت )
الجميع من الخارج يشاهد في دهشه الدكتور أحمد مستني اي هتموت من غير انعاش القلب
احمد : تدخل الدم في الجسم زود ضغط القلب وقل منه النشاط الكهربائي لو حصل اي نشاط كهربائي الوقتي هنفقد هاله بجد من غير راجع لو كلامي صح حالا كفاءه القلب هتزيد بعد ما يبتدي الجسم في محاربه الضيف الجديد عليه ولما يتأكد أنه داعم مش عدو يرجع الوضع طبيعي
الجميع ينظر إلي شاشه عرض قيمات القلب في رعب وتوتر
جميله: كفاءة القلب ٢٠
الدكتور علي: احمد كفايه عنااااد
جميله: ١٥
احمد : محدش يعمل حاجه محدش يتحرك
ميكروفون غرفه العمليات أشتغل
الدكتور خالد: علي هتموت اعمل إنعاش قلب حالا مستني اي
احمد : ( حط ايده على جهاز الصدمات) لا محدش يعمل صدمه
جميله: ( مره واحده بدأت قيمات القلب ترتفع ) دكتور علي شوف كده
الدكتور علي: مش معقول ( وسند ضهره من التوتر على الحيطه وأيده على رأسه )
سلوى: الحمد لله الوضع مستقر
احمد : دكتور علي كمل بسرعه اللي حصل ده احتمال كبير يحصل تاني وبطريقه اقوي
الدكتور علي: تمام تمام
احمد : جميله اعمل اختبار ل نشاط الدماغ اكيد تأثر
جميله: تمام
احمد : دكتور علي من فضلك تعالي كمل مفيش وقت
الدكتور علي: ( هز رأسه ورجع يكمل عمله )
الجميع في الخارج يشعر ب كم توتر رهيب
والد هاله : حد يطمني أنا مش فاهم حاجه
ريهام: أدعيلها وأن شاء الله خير خلي أملك في ربنا كبير
الدكتور خالد: متقلقش لحد الوقتي الوضع تمام معاهم اهدا بلاش تزود علينا التوتر
في جانب آخر
احمد : أنا فصلت كل الورم عندي
الدكتور علي: تعالا مكاني يا احمد
جميله: نشاط الدماغ تضرر بس في معالجه تمت عن طريق الجسم
الدكتور علي: طب كويس معنا المعالجة دي أن الأنشطة الحيوية في حاله كويسه
احمد : الورم محاوط الرحم و جدار المعده مش معقول كل الكم ده
الدكتور علي: علشان كده القلب كان مضغوط
احمد : جميله شوفي نشاط الطفله داخل الكيس
جميله: تمام
الدكتور علي: قلقي يكون الحبل السري مش في أفضل حالاته بعد نقل الكيس خارج الجسم
احمد : البالون مصمم بشكل احترافي بحيث أن الكيس يفضل أمن و أكنه جوه المعده
جميله: الوضع تمام
احمد : أحقني المحلول سنتي ونص مقوي عام
الدكتور علي: من الاخضر يا جميله
احمد : بالظبط
الدكتور علي: شايف انك خلصت
احمد : بنسبه كبيره فاضل اخر قطعه ( وطلب من الدكتور علي يلتقط اخر قطعه من الورم)
الدكتور علي: (بص ل احمد مبتسم وخد من ايده المشرط و جهاز الشفط وسحب اخر قطعه)
احمد : الوقتي بقا ناخد الكيس بكل هدوء نحطه مكانه و نربط الحبل السري مع جدار المعده عكس عقارب الساعة علشان ضخ الدم يكون أكبر ( بيشرح وهو بيعمل الخطوات كامله وسط دهشه من الجميع على موهبه وبراعة الدكتور أحمد اللي بيعمل المستحيل وهو كأنه يقدم عرض استمتاعي)
الدكتور علي: جميله اقفلي الجرح تسلم ايدك يا دكتور احمد
احمد : تسلم ايديكم جميعاً
خارج الغرفه
الدكتور خالد: مبروك يا استاذ يحي العمليه انتهت على خير
الأب: الحمد لله (وسجد في الأرض من الفرحه )
ريهام: (خرجت مسرعه علشان تهنئ الدكتور أحمد بعد العمليه المعقده جدا )
احمد : مس سلوي غرفه الافاقه اول ما تفوق أبعتيلي
مس سلوي: على فكره اسلام فاق برضوه ورجع غرفته
الدكتور علي: تمام مر عليه يا احمد بعد اذنك علشان اعصابي بجد تعبت النهارده توتر جامد جدا
احمد : تحت أمرك يا دكتور أرتاح انت وانا همر على الاتنين
الدكتور علي: شكرا يا احمد ( وخرج الاتنين من الغرفه كانت ريهام في الانتظار)
ريهام: أنا مش عارفه اقول ليكم اي أنا كنت بتفرج على فيلم سينمائي كبير مكنتش بتفرج على عمليه من ورا الخيال بجد ممتاز يا دكتور علي روعه يا دكتور احمد وانتي يا جميله غرفه العمليات من غيرك لو فيها مين مش هتكون سهله وهاديه كده ماشاء الله عليكم
الدكتور علي: كنت هضيع كل حاجه لو كنت عملت إنعاش القلب لولا رفض احمد وتدخله
ريهام: يا دكتور علي انت شايف أن التدخل كان وقته وأحمد شاف أن التدخل مش وقته كان وارد جدا الدكتور أحمد يكون غلط وانت تطلع صح بس ربنا كاتب فرصه تانيه تعيش فيها مدام هاله و طفلتها وبصراحه أنا متشكره لحضرتك جدا جدا على هدوئك وانك مخدتش كلام خالد ع أنه تقليل من شأنك مفيش حد هنا ميعرفش مين هو الدكتور علي زهران احنا كلنا جينا هنا لقينا حضرتك حتا خالد نفسه كان تلاميذ من تلاميذك
الدكتور علي: التلميذ الوحيد اللي هحكي لكل اولادي و اولاد اولادي عنه اني كنت استاذه هو الدكتور أحمد راشد ( وحط ايده على كتف احمد )
احمد : دا انا انتي قصدك احمد راشد اللي هو انا بجد
الدكتور علي: روح شوف اسلام ومتبقاش رخم علشان عايز ريهام في موضوع كبير جدا
ريهام: خير في اي
احمد : اروح أنا طيب
الدكتور علي: اه روح سلوي تعالي بعد اذنك
سلوى: تحت امرك يا دكتور
الدكتور علي: فين نتيجه فحص الدم بتاعت مريض زراعه الطرف
سلوى: موجوده لحظه واحده
ريهام: خير يا دكتور علي
الدكتور علي: في أننا بقينا بنقتل قتله انتي متخيله أن في حد دخل غرفه اسلام وحقنه مضاد سام علشان يموت الطرف ومنلحقش نزرعه مكانه
ريهام: ينهار اسود انت بتقول اي
الدكتور علي: الفحوصات معاكي بعد ما تتأكدي من كلامي ياريت تراجعي كل كاميرات المراقبة وتعرفي مين اللي عمل كده لازم يتحاسب مهما كان هو مين
في جانب آخر
احمد : حمدالله على سلامتك يا بطل طمني عنك حاسس ب اي
اسلام: مش حاسس بأيدي خالص يا دكتور كأنها مش موجوده حاسس انها ماتت
