رواية بائعة الخضار الفصل الرابع و العشرون بقلم محمد طه
(ف قائد فريق الأمن أمر بتعطيل التاكسي..
وبدأت آخر عربيه ف الموكب تهدي سرعتها..
لحد ما وقفت التاكسي..بقلم..محمد طه..وأخدوا المفاتيح من صاحب التاكسي وقالوله تعالي ورانا ماشي على رجيلك..
وإحنا هنسيبلك المفاتيح على الطريق بعد كيلو..
ومشي صاحب التاكسي حوالي كيلو ولما رجع للتاكسي كانوا أختفو..والمعلمه قالتلو إنها هتعوضو وقالتله يطلع على سوق الخضار..وأتصلت ب لبنى
أتأكد إنك عامل متابعه لصفحه محمد الشاعر
_المعلمه..أيوه يا لبنى..أتصلي بالمقر خليهم يعملوا حسابي ف بضاعه بكره..وخليهم يذودو من كل نوع 25كيلو..وقولي لإلهام مشوار بكره هيتأجل شويه
**************
_(هنجر المعلم كامل)_
_رضوان الصباغ ورجالته وصلوا الهنجر..وجزء من الرجاله حاوطو الهنجر من كل ناحيه..وباقي الرجاله دخلوا مع رضوان وإبنه نهاد والمعلم كامل أبو حجاج
_واحد من البلطجيه..هوا إيه اللي بيحصل يا معلم
_المعلم بغضب..اللي بيحصل إن كان عندي ضيف وإتهان..واللي يهين ضيفي يبقي شهاده وفاته وجبت
_واحد من البلطجيه..وحتي لو حصل يا معلم..
إحنا بلطجيه..يعني اللي بنحط عليه..ما بنطلعلوش كشف عيله ونشوف هوا مين وضيف مين وجاي لمين
_واحد تاني من البلطجيه..أسمع يا معلم..لو ضيفك ليه حق..ياخده الطاق طاقين..ونقدمله كمان إعتذار..
ودا عشان خاطرك أنته يا معلم..غير كده هتبقي مجز،ره..بقلم..محمد طه
(وف خلال الحوار ده..كان نهاد بص ف وشوش كل اللي موجودين وما أتعرفش على حد من اللي أتعرضوله)
(نهاد أخد أبوه والمعلم على جنب)
_نهاد بصوت واطي..اللي أتعرضولي مش موجودين فيهم
_المعلم بصوت واطي..مش هينفع..لازم تشاور على أي حد فيهم وخلاص..وإلا هتبقي مجز،ره..ما تقوله يا رضوان باشا
_نهاد بصوت واطي..بس أنا كده هظلم حد ملهوش ذنب
_المعلم بصوت واطي..يا نهاد باشا أنته واقف ف وسط بلطجيه..مش مدرسين لغه عربيه..شاور على أي حد فيهم وسيب الباقي عليه
_رضوان بصوت واطي..نفذ اللي المعلم بيقولك عليه
(وبدأ نهاد يلف ف وسطيهم..وبعدين إختار واحد منهم وخلاص..واللي اختاره لسه هيدافع عن نفسه..يقاطعه واحد من البلطجيه..لأن كل اللي موجودين عارفين إن مستحيل حد هيعترف إنو عمل حاجه)بقلم..محمد طه
_واحد من البلطجيه..ما أسمعش صوتك..
(ويبص للمعلم)شوف يا معلم ضيفك إيه اللي يرضيه وأضر،بو ف أتنين
_المعلم بغضب..العين بالعين والسن بالسن..واللي أتعرض لضيفي هينضر،ب علقه مو،ت قبل أي حاجه..وبالنسبه للي أتاخد من الباشا..عربيه وموبيلات وفلوس بضاعه..يعني كل دا يتقدر ب 3مليون ف أتنين يبقي 6مليون
_رضوان..خلاص يا معلم..إحنا ولاد بلد وبنفهم ف الأصول..ويا بخت من قدر وعفا..إحنا مسامحين ف حقنا
******************
_(فيلا الصباغ ..إتصال تليفوني)_
_ميرفت..قولي يا منذر..سيبت وراك أي حاجه ف عمليه نهاد
_منذر..إطمني يا بنت أبويا..العمليه تمت على نضافه..
_ميرفت..أتمني إنك ما تكونش إتغابيت وشغلت دماغك
_منذر..قولتلك إطمني يا بنت أبويا..أنا نفذت كل اللي أمرتي بيه بالحرف..الرجاله اللي نفذت لا شافوني ولا يعرفوني..وخليتهم يغيروا نمر العربيه اللي نفذوا بيها وأكدت عليهم إن الواد ما يمو،تش(ويقع بلسانه) بس
_ميرفت بقلق..بس إيه يا إبن أبويا
_منذر..بصراحه العربيه بتاعه الواد نهاد دي حلوه وغاليه..ف أستخسرتها ف العيال المقاطيع دول..
وقولت أخدها أنا و..
_ميرفت تقاطعه بغضب..خدك ربنا يا بعيد..عشان أرتاح منك..تخلص من العربيه دي حالا..والتليفونات اللي كانت معاه ما تتفتحش(وتقفل ف وشه السكه)
_ميرفت بصوت واطي..ولسه يا رضوان أنته وإبنك..
ما أنتو مش هتكونو أغلي عندي من إبني..دا لو الدنيا كلها أتحطت ف كفه قصاد إبني..هقف قصاد الدنيا كلها..بقلم..محمد طه
*******************
_(عند رضوان ونهاد وهما راجعين)_
_رضوان..ما قولتليش يا نهاد..أنته وصلت للمستشفى إزاي
_نهاد..فيه ناس كانوا معديين بالصدفه وأخدوني ف طريقهم ووصلوني المستشفى..وسبحان الله يا حاج..
الشخص الوحيد اللي أتسبب ف إنقاذي..واد مجنون
_رضوان بإستغراب..مجنون..مجنون إزاي يعني
(وبدأ نهاد يحكي لأبوه كل اللي قالتهوله المعلمه رضا)
_رضوان..طيب أنته تعرف عنوان الناس دي..أو رقم تليفون ليهم..الناس دي أنا لازم أكافئهم
_نهاد برفض..لأ يا حاج..سيبلي أنا بقي الطلعه دي..
أنا عايز أكافئهم بطريقتي
_رضوان..ما بلاش طريقتك أنته بالذات..عشان أنا عارفها (ويشاورله على إنو بخيل وجلده)
_نهاد بإبتسامه..لأ يا حاج دا كان زمان..
(ويتكلم بجديه) أنا شوفت المو،ت..وشوفت ناس بتساعد وبترمي كل الفلوس اللي معاها عشان يساعدو واحد لا يعرفهم ولا يعرفوه..ولا كانوا مستنيين رد الجميل..الست اللي أنقذتني دي أكدتلي إن الملايكه مش عايشيين ف السما بس..لأ..فيه ملايكه عايشين ف الأرض على صوره بشر
_رضوان يقطع كلام نهاد..طب يا ريت البعيد يحس بقي..ويجبلي ملاك صغير..بقلم..محمد طه
_نهاد بإبتسامه..حاضر يا حاج..والمرادي بجد
****************
_(سوق الخضار بيت المعلمه رضا)_
(المعلمه وصلت البيت وقاعده سرحانه وبتفكر)
_المعلمه ف سرها..يا تري كامل ورضوان كانوا رايحين يعملوا مصيبه..ولا كامل كان رايح يوصل رضوان لحد ما يخرج من المحافظه..وليه نهاد ما قاليش إنو إبن رضوان..أنا دماغي هتنفجر..
(ويقطع سرحانها صوت لبنى)
_لبنى بصوت عالي..سرحانه ف إيه يا رضا..إوعي تكوني دخلتي ف قصه حب على كبر
_المعلمه بهدوء..أنا هعذرك عشان إنتي تربيه أبوكي
_لبنى تقوم تروح تقعد جنبها..بمناسبه أبويا..هوا إنتو أطلقتو ليه يا رضا..بقلم..محمد طه
_المعلمه بهدوء..عشان لقمتي اللي ف رقبه أبوكي خلصت يا بنت رضا..وقومي بقي من قدامي إدخلي ساعدي الهام ف المطبخ..عشان دي مش الشغاله اللي رضا جيبهالك..والمفروض شغل البيت كله عليكي..
والهام كفايه عليها وقفتها ف الدكان
(وقامت لبنى دخلت المطبخ..والمعلمه قامت ودخلت وراها)
_الهام..أخبار الواد اللي ف المستشفى إيه يا معلمه
_المعلمه بتهرب..بقي كويس..وأتصل بأهله وجم خدوه..(وتبص يمين وشمال)هوا مازن فين يا الهام
_الهام..مازن قاعد ف الصاله بره
_المعلمه..لأ مازن مش بره
_لبنى..أنا شوفته داخل أوضتك يا رضا
_المعلمه بجديه وغضب..الهام..قولي لمازن ما يدخلش أوضتي خالص..مفيش حد يدخل أوضتي نهائي
_الهام بإعتذار..أنا آسفه والله يا معلمه..حاضر والله هقوله ما يقرب ناحيه باب أوضتك خالص
(وتروح الهام أوضه المعلمه رضا عشان تطلع مازن منها وأول ما تفتح باب الأوضه تتصدم وما تقدرش تنطق من المنظر المرعب اللي شافته.................
